Sri Narasimha Mantra Rajapada Stotram

ශ්රී නෘසිංහ මන්ත්රරාජපාද ස්තෝත්රම්

ශ්ලොක 1

පාර්වත්යුවාච .

මන්ත්රාණාං පරමං මන්ත්රං ගුහ්යානාං ගුහ්යමේව ච .

බ්රූහි මේ නාරසිංහස්ය තත්ත්වං මන්ත්රස්ය දුර්ලභම් ..

ශඞ්කර උවාච .

වෘත්තෝත්ඵුල්ලවිශාලාක්ෂං විපක්ෂක්ෂයදීක්ෂිතම් .

නිනාදත්රස්තවිශ්වාණ්ඩං විෂ්ණුමුග්රං නමාම්යහම් .. 1 ..

සර්වෛරවධ්යතාං ප්රාප්තං සබලෞඝං දිතේඃ සුතම් .

නඛාග්රෛඃ ශකලීචක්රේ යස්තං වීරං නමාම්යහම් .. 2 ..

පදාවෂ්ටබ්ධපාතාලං මූර්ධා(අ)(අ)විෂ්ටත්රිවිෂ්ටපම් .

භුජප්රවිෂ්ටාෂ්ටදිශං මහාවිෂ්ණුං නමාම්යහම් .. 3 ..

ජ්යෝතීංෂ්යර්කේන්දුනක්ෂත්රජ්වලනාදීන්යනුක්රමාත් .

ජ්වලන්ති තේජසා යස්ය තං ජ්වලන්තං නමාම්යහම් .. 4 ..

සර්වේන්ද්රියෛරපි විනා සර්වං සර්වත්ර සර්වදා .

යෝ ජානාති නමාම්යාද්යං තමහං සර්වතෝමුඛම් .. 5 ..

නරවත් සිංහවච්චෛව යස්ය රූපං මහාත්මනඃ .

මහාසටං මහාදංෂ්ට්රං තං නෘසිංහං නමාම්යහම් .. 6 ..

යන්නාමස්මරණාද්භීතාඃ භූතවේතාලරාක්ෂසාඃ .

රෝගාද්යාශ්ච ප්රණශ්යන්ති භීෂණං තං නමාම්යහම් .. 7 ..

සර්වේ(අ)පි යං සමාශ්රිත්ය සකලං භද්රමශ්නුතේ .

ශ්රියා ච භද්රයා ජුෂ්ටෝ යස්තං භද්රං නමාම්යහම් .. 8 ..

සාක්ෂාත් ස්වකාලේ සම්ප්රාප්තං මෘත්යුං ශත්රුගණාන්විතම් .

භක්තානාං නාශයේද්යස්තු මෘත්යුමෘත්යුං නමාම්යහම් .. 9 ..

නමස්කාරාත්මකං යස්මෛ විධායාත්මනිවේදනම් .

ත්යක්තදුඃඛෝ(අ)ඛිලාන් කාමානශ්නන්තං තං නමාම්යහම් .. 10 ..

දාසභූතාඃ ස්වතඃ සර්වේ හ්යාත්මානඃ පරමාත්මනඃ .

අතෝ(අ)හමපි තේ දාසඃ ඉති මත්වා නමාම්යහම් .. 11 ..

ශඞ්කරේණාදරාත් ප්රෝක්තං පදානාං තත්ත්වමුත්තමම් .

ත්රිසන්ධ්යං යඃ පඨේත්තස්ය ශ්රීවිද්යා(අ)(අ)යුශ්ච වර්ධතේ .. 12 ..

ඉති ශ්රීශඞ්කරකෘත ශ්රී නෘසිංහ මන්ත්රරාජපද ස්තෝත්රම් .