Sri Narasimha Mantra Rajapada Stotram

ଶ୍ରୀ ନୃସିଂହ ମନ୍ତ୍ରରାଜପାଦ ସ୍ତୋତ୍ରମ୍

ଶ୍ଲୋକ 1

ପାର୍ଵତ୍ଯୁଵାଚ ।

ମନ୍ତ୍ରାଣାଂ ପରମଂ ମନ୍ତ୍ରଂ ଗୁହ୍ଯାନାଂ ଗୁହ୍ଯମେଵ ଚ ।

ବ୍ରୂହି ମେ ନାରସିଂହସ୍ଯ ତତ୍ତ୍ଵଂ ମନ୍ତ୍ରସ୍ଯ ଦୁର୍ଲଭମ୍ ॥

ଶଙ୍କର ଉଵାଚ ।

ଵୃତ୍ତୋତ୍ଫୁଲ୍ଲଵିଶାଲାକ୍ଷଂ ଵିପକ୍ଷକ୍ଷଯଦୀକ୍ଷିତମ୍ ।

ନିନାଦତ୍ରସ୍ତଵିଶ୍ଵାଣ୍ଡଂ ଵିଷ୍ଣୁମୁଗ୍ରଂ ନମାମ୍ଯହମ୍

ଶ୍ଲୋକ 2

ସର୍ଵୈରଵଧ୍ଯତାଂ ପ୍ରାପ୍ତଂ ସବଲୌଘଂ ଦିତେଃ ସୁତମ୍ ।

ନଖାଗ୍ରୈଃ ଶକଲୀଚକ୍ରେ ଯସ୍ତଂ ଵୀରଂ ନମାମ୍ଯହମ୍

॥ 1 ॥

ଶ୍ଲୋକ 3

ପଦାଵଷ୍ଟବ୍ଧପାତାଲଂ ମୂର୍ଧାଽଽଵିଷ୍ଟତ୍ରିଵିଷ୍ଟପମ୍ ।

ଭୁଜପ୍ରଵିଷ୍ଟାଷ୍ଟଦିଶଂ ମହାଵିଷ୍ଣୁଂ ନମାମ୍ଯହମ୍

॥ 2 ॥

ଶ୍ଲୋକ 4

ଜ୍ଯୋତୀଂଷ୍ଯର୍କେନ୍ଦୁନକ୍ଷତ୍ରଜ୍ଵଲନାଦୀନ୍ଯନୁକ୍ରମାତ୍ ।

ଜ୍ଵଲନ୍ତି ତେଜସା ଯସ୍ଯ ତଂ ଜ୍ଵଲନ୍ତଂ ନମାମ୍ଯହମ୍

॥ 3 ॥

ଶ୍ଲୋକ 5

ସର୍ଵେନ୍ଦ୍ରିଯୈରପି ଵିନା ସର୍ଵଂ ସର୍ଵତ୍ର ସର୍ଵଦା ।

ଯୋ ଜାନାତି ନମାମ୍ଯାଦ୍ଯଂ ତମହଂ ସର୍ଵତୋମୁଖମ୍

॥ 4 ॥

ଶ୍ଲୋକ 6

ନରଵତ୍ ସିଂହଵଚ୍ଚୈଵ ଯସ୍ଯ ରୂପଂ ମହାତ୍ମନଃ ।

ମହାସଟଂ ମହାଦଂଷ୍ଟ୍ରଂ ତଂ ନୃସିଂହଂ ନମାମ୍ଯହମ୍

॥ 5 ॥

ଶ୍ଲୋକ 7

ଯନ୍ନାମସ୍ମରଣାଦ୍ଭୀତାଃ ଭୂତଵେତାଲରାକ୍ଷସାଃ ।

ରୋଗାଦ୍ଯାଶ୍ଚ ପ୍ରଣଶ୍ଯନ୍ତି ଭୀଷଣଂ ତଂ ନମାମ୍ଯହମ୍

॥ 6 ॥

ଶ୍ଲୋକ 8

ସର୍ଵେଽପି ଯଂ ସମାଶ୍ରିତ୍ଯ ସକଲଂ ଭଦ୍ରମଶ୍ନୁତେ ।

ଶ୍ରିଯା ଚ ଭଦ୍ରଯା ଜୁଷ୍ଟୋ ଯସ୍ତଂ ଭଦ୍ରଂ ନମାମ୍ଯହମ୍

॥ 7 ॥

ଶ୍ଲୋକ 9

ସାକ୍ଷାତ୍ ସ୍ଵକାଲେ ସମ୍ପ୍ରାପ୍ତଂ ମୃତ୍ଯୁଂ ଶତ୍ରୁଗଣାନ୍ଵିତମ୍ ।

ଭକ୍ତାନାଂ ନାଶଯେଦ୍ଯସ୍ତୁ ମୃତ୍ଯୁମୃତ୍ଯୁଂ ନମାମ୍ଯହମ୍

॥ 8 ॥

ଶ୍ଲୋକ 10

ନମସ୍କାରାତ୍ମକଂ ଯସ୍ମୈ ଵିଧାଯାତ୍ମନିଵେଦନମ୍ ।

ତ୍ଯକ୍ତଦୁଃଖୋଽଖିଲାନ୍ କାମାନଶ୍ନନ୍ତଂ ତଂ ନମାମ୍ଯହମ୍

॥ 9 ॥

ଶ୍ଲୋକ 11

ଦାସଭୂତାଃ ସ୍ଵତଃ ସର୍ଵେ ହ୍ଯାତ୍ମାନଃ ପରମାତ୍ମନଃ ।

ଅତୋଽହମପି ତେ ଦାସଃ ଇତି ମତ୍ଵା ନମାମ୍ଯହମ୍

॥ 10 ॥

ଶ୍ଲୋକ 12

ଶଙ୍କରେଣାଦରାତ୍ ପ୍ରୋକ୍ତଂ ପଦାନାଂ ତତ୍ତ୍ଵମୁତ୍ତମମ୍ ।

ତ୍ରିସନ୍ଧ୍ଯଂ ଯଃ ପଠେତ୍ତସ୍ଯ ଶ୍ରୀଵିଦ୍ଯାଽଽଯୁଶ୍ଚ ଵର୍ଧତେ

॥ 11 ॥

ଶ୍ଲୋକ 13

ଇତି ଶ୍ରୀଶଙ୍କରକୃତ ଶ୍ରୀ ନୃସିଂହ ମନ୍ତ୍ରରାଜପଦ ସ୍ତୋତ୍ରମ୍ ।