Sri Narasimha Mantra Rajapada Stotram

shrI nRRisiMha mantrarAjapAda stotram

shloka 1

pArvatyuvAcha |

mantrANAM paramaM mantraM guhyAnAM guhyameva cha |

brUhi me nArasiMhasya tattvaM mantrasya durlabham ||

sha~Nkara uvAcha |

vRRittotphullavishAlAkShaM vipakShakShayadIkShitam |

ninAdatrastavishvANDaM viShNumugraM namAmyaham || 1 ||

sarvairavadhyatAM prAptaM sabalaughaM diteH sutam |

nakhAgraiH shakalIchakre yastaM vIraM namAmyaham || 2 ||

padAvaShTabdhapAtAlaM mUrdhA.a.aviShTatriviShTapam |

bhujapraviShTAShTadishaM mahAviShNuM namAmyaham || 3 ||

jyotIMShyarkendunakShatrajvalanAdInyanukramAt |

jvalanti tejasA yasya taM jvalantaM namAmyaham || 4 ||

sarvendriyairapi vinA sarvaM sarvatra sarvadA |

yo jAnAti namAmyAdyaM tamahaM sarvatomukham || 5 ||

naravat siMhavachchaiva yasya rUpaM mahAtmanaH |

mahAsaTaM mahAdaMShTraM taM nRRisiMhaM namAmyaham || 6 ||

yannAmasmaraNAdbhItAH bhUtavetAlarAkShasAH |

rogAdyAshcha praNashyanti bhIShaNaM taM namAmyaham || 7 ||

sarve.api yaM samAshritya sakalaM bhadramashnute |

shriyA cha bhadrayA juShTo yastaM bhadraM namAmyaham || 8 ||

sAkShAt svakAle samprAptaM mRRityuM shatrugaNAnvitam |

bhaktAnAM nAshayedyastu mRRityumRRityuM namAmyaham || 9 ||

namaskArAtmakaM yasmai vidhAyAtmanivedanam |

tyaktaduHkho.akhilAn kAmAnashnantaM taM namAmyaham || 10 ||

dAsabhUtAH svataH sarve hyAtmAnaH paramAtmanaH |

ato.ahamapi te dAsaH iti matvA namAmyaham || 11 ||

sha~NkareNAdarAt proktaM padAnAM tattvamuttamam |

trisandhyaM yaH paThettasya shrIvidyA.a.ayushcha vardhate || 12 ||

iti shrIsha~NkarakRRita shrI nRRisiMha mantrarAjapada stotram |