Sri Narasimha Mantra Rajapada Stotram

শ্রী নৃসিংহ মন্ত্ররাজপাদ স্তোত্রম্

শ্লোক 1

পার্বত্যুবাচ ।

মন্ত্রাণাং পরমং মন্ত্রং গুহ্যানাং গুহ্যমেব চ ।

ব্রূহি মে নারসিংহস্য তত্ত্বং মন্ত্রস্য দুর্লভম্ ॥

শঙ্কর উবাচ ।

বৃত্তোত্ফুল্লবিশালাক্ষং বিপক্ষক্ষযদীক্ষিতম্ ।

নিনাদত্রস্তবিশ্বাণ্ডং বিষ্ণুমুগ্রং নমাম্যহম্

শ্লোক 2

সর্বৈরবধ্যতাং প্রাপ্তং সবলৌঘং দিতেঃ সুতম্ ।

নখাগ্রৈঃ শকলীচক্রে যস্তং বীরং নমাম্যহম্

॥ 1 ॥

শ্লোক 3

পদাবষ্টব্ধপাতালং মূর্ধাঽঽবিষ্টত্রিবিষ্টপম্ ।

ভুজপ্রবিষ্টাষ্টদিশং মহাবিষ্ণুং নমাম্যহম্

॥ 2 ॥

শ্লোক 4

জ্যোতীংষ্যর্কেন্দুনক্ষত্রজ্বলনাদীন্যনুক্রমাত্ ।

জ্বলন্তি তেজসা যস্য তং জ্বলন্তং নমাম্যহম্

॥ 3 ॥

শ্লোক 5

সর্বেন্দ্রিযৈরপি বিনা সর্বং সর্বত্র সর্বদা ।

যো জানাতি নমাম্যাদ্যং তমহং সর্বতোমুখম্

॥ 4 ॥

শ্লোক 6

নরবত্ সিংহবচ্চৈব যস্য রূপং মহাত্মনঃ ।

মহাসটং মহাদংষ্ট্রং তং নৃসিংহং নমাম্যহম্

॥ 5 ॥

শ্লোক 7

যন্নামস্মরণাদ্ভীতাঃ ভূতবেতালরাক্ষসাঃ ।

রোগাদ্যাশ্চ প্রণশ্যন্তি ভীষণং তং নমাম্যহম্

॥ 6 ॥

শ্লোক 8

সর্বেঽপি যং সমাশ্রিত্য সকলং ভদ্রমশ্নুতে ।

শ্রিযা চ ভদ্রযা জুষ্টো যস্তং ভদ্রং নমাম্যহম্

॥ 7 ॥

শ্লোক 9

সাক্ষাত্ স্বকালে সম্প্রাপ্তং মৃত্যুং শত্রুগণান্বিতম্ ।

ভক্তানাং নাশযেদ্যস্তু মৃত্যুমৃত্যুং নমাম্যহম্

॥ 8 ॥

শ্লোক 10

নমস্কারাত্মকং যস্মৈ বিধাযাত্মনিবেদনম্ ।

ত্যক্তদুঃখোঽখিলান্ কামানশ্নন্তং তং নমাম্যহম্

॥ 9 ॥

শ্লোক 11

দাসভূতাঃ স্বতঃ সর্বে হ্যাত্মানঃ পরমাত্মনঃ ।

অতোঽহমপি তে দাসঃ ইতি মত্বা নমাম্যহম্

॥ 10 ॥

শ্লোক 12

শঙ্করেণাদরাত্ প্রোক্তং পদানাং তত্ত্বমুত্তমম্ ।

ত্রিসন্ধ্যং যঃ পঠেত্তস্য শ্রীবিদ্যাঽঽযুশ্চ বর্ধতে

॥ 11 ॥

শ্লোক 13

ইতি শ্রীশঙ্করকৃত শ্রী নৃসিংহ মন্ত্ররাজপদ স্তোত্রম্ ।