Sri Narasimha Ashtakam
Sri Narasimha Ashtakam
ଶ୍ରୀ ନରସିଂହ ଅଷ୍ଟକମ୍
ଶ୍ଲୋକ 1
ଶ୍ରୀମଦକଲଙ୍କ ପରିପୂର୍ଣ ଶଶିକୋଟି-
ଶ୍ରୀଧର ମନୋହର ସଟାପଟଲ କାନ୍ତ।
ପାଲଯ କୃପାଲଯ ଭଵାମ୍ବୁଧି-ନିମଗ୍ନଂ
ଦୈତ୍ଯଵରକାଲ ନରସିଂହ ନରସିଂହ
ଶ୍ଲୋକ 2
ପାଦକମଲାଵନତ ପାତକି-ଜନାନାଂ
ପାତକଦଵାନଲ ପତତ୍ରିଵର-କେତୋ।
ଭାଵନ ପରାଯଣ ଭଵାର୍ତିହରଯା ମାଂ
ପାହି କୃପଯୈଵ ନରସିଂହ ନରସିଂହ
॥ 1 ॥
ଶ୍ଲୋକ 3
ତୁଙ୍ଗନଖ-ପଙ୍କ୍ତି-ଦଲିତାସୁର-ଵରାସୃକ୍
ପଙ୍କ-ନଵକୁଙ୍କୁମ-ଵିପଙ୍କିଲ-ମହୋରଃ ।
ପଣ୍ଡିତନିଧାନ-କମଲାଲଯ ନମସ୍ତେ
ପଙ୍କଜନିଷଣ୍ଣ ନରସିଂହ ନରସିଂହ
॥ 2 ॥
ଶ୍ଲୋକ 4
ମୌଲିଷୁ ଵିଭୂଷଣମିଵାମର ଵରାଣାଂ
ଯୋଗିହୃଦଯେଷୁ ଚ ଶିରସ୍ସୁନିଗମାନାମ୍ ।
ରାଜଦରଵିନ୍ଦ-ରୁଚିରଂ ପଦଯୁଗଂ ତେ
ଦେହି ମମ ମୂର୍ଧ୍ନି ନରସିଂହ ନରସିଂହ
॥ 3 ॥
ଶ୍ଲୋକ 5
ଵାରିଜଵିଲୋଚନ ମଦନ୍ତିମ-ଦଶାଯାଂ
କ୍ଲେଶ-ଵିଵଶୀକୃତ-ସମସ୍ତ-କରଣାଯାମ୍ ।
ଏହି ରମଯା ସହ ଶରଣ୍ଯ ଵିହଗାନାଂ
ନାଥମଧିରୁହ୍ଯ ନରସିଂହ ନରସିଂହ
॥ 4 ॥
ଶ୍ଲୋକ 6
ହାଟକ-କିରୀଟ-ଵରହାର-ଵନମାଲା
ଧାରରଶନା-ମକରକୁଣ୍ଡଲ-ମଣୀନ୍ଦ୍ରୈଃ ।
ଭୂଷିତମଶେଷ-ନିଲଯଂ ତଵ ଵପୁର୍ମେ
ଚେତସି ଚକାସ୍ତୁ ନରସିଂହ ନରସିଂହ
॥ 5 ॥
ଶ୍ଲୋକ 7
ଇନ୍ଦୁ ରଵି ପାଵକ ଵିଲୋଚନ ରମାଯାଃ
ମନ୍ଦିର ମହାଭୁଜ-ଲସଦ୍ଵର-ରଥାଙ୍ଗ।
ସୁନ୍ଦର ଚିରାଯ ରମତାଂ ତ୍ଵଯି ମନୋ ମେ
ନନ୍ଦିତ ସୁରେଶ ନରସିଂହ ନରସିଂହ
॥ 6 ॥
ଶ୍ଲୋକ 8
ମାଧଵ ମୁକୁନ୍ଦ ମଧୁସୂଦନ ମୁରାରେ
ଵାମନ ନୃସିଂହ ଶରଣଂ ଭଵ ନତାନାମ୍ ।
କାମଦ ଘୃଣିନ୍ ନିଖିଲକାରଣ ନଯେଯଂ
କାଲମମରେଶ ନରସିଂହ ନରସିଂହ
॥ 7 ॥
ଶ୍ଲୋକ 9
ଅଷ୍ଟକମିଦଂ ସକଲ-ପାତକ-ଭଯଘ୍ନଂ
କାମଦଂ ଅଶେଷ-ଦୁରିତାମଯ-ରିପୁଘ୍ନମ୍ ।
ଯଃ ପଠତି ସନ୍ତତମଶେଷ-ନିଲଯଂ ତେ
ଗଚ୍ଛତି ପଦଂ ସ ନରସିଂହ ନରସିଂହ
॥ 8 ॥