Sri Narasimha Ashtakam

shrI narasiMha aShTakam

shloka 1

shrImadakala~Nka paripUrNa shashikoTi-

shrIdhara manohara saTApaTala kAnta|

pAlaya kRRipAlaya bhavAmbudhi-nimagnaM

daityavarakAla narasiMha narasiMha || 1 ||

pAdakamalAvanata pAtaki-janAnAM

pAtakadavAnala patatrivara-keto|

bhAvana parAyaNa bhavArtiharayA mAM

pAhi kRRipayaiva narasiMha narasiMha || 2 ||

tuNganakha-paNkti-dalitAsura-varAsRRik

paNka-navakuNkuma-vipa~Nkila-mahoraH |

paNDitanidhAna-kamalAlaya namaste

pa~NkajaniShaNNa narasiMha narasiMha || 3 ||

mauliShu vibhUShaNamivAmara varANAM

yogihRRidayeShu cha shirassunigamAnAm |

rAjadaravinda-ruchiraM padayugaM te

dehi mama mUrdhni narasiMha narasiMha || 4 ||

vArijavilochana madantima-dashAyAM

klesha-vivashIkRRita-samasta-karaNAyAm |

ehi ramayA saha sharaNya vihagAnAM

nAthamadhiruhya narasiMha narasiMha || 5 ||

hATaka-kirITa-varahAra-vanamAlA

dhArarashanA-makarakuNDala-maNIndraiH |

bhUShitamasheSha-nilayaM tava vapurme

chetasi chakAstu narasiMha narasiMha || 6 ||

indu ravi pAvaka vilochana ramAyAH

mandira mahAbhuja-lasadvara-rathA~Nga|

sundara chirAya ramatAM tvayi mano me

nandita suresha narasiMha narasiMha || 7 ||

mAdhava mukunda madhusUdana murAre

vAmana nRRisiMha sharaNaM bhava natAnAm |

kAmada ghRRiNin nikhilakAraNa nayeyaM

kAlamamaresha narasiMha narasiMha || 8 ||

aShTakamidaM sakala-pAtaka-bhayaghnaM

kAmadaM asheSha-duritAmaya-ripughnam |

yaH paThati santatamasheSha-nilayaM te

gachChati padaM sa narasiMha narasiMha || 9 ||