Sri Narasimha Ashtakam

zrI narasiMha aSTakam

zloka 1

zrImadakalaGka paripUrNa zazikoTi-

zrIdhara manohara saTApaTala kAnta|

pAlaya kRpAlaya bhavAmbudhi-nimagnaM

daityavarakAla narasiMha narasiMha || 1 ||

pAdakamalAvanata pAtaki-janAnAM

pAtakadavAnala patatrivara-keto|

bhAvana parAyaNa bhavArtiharayA mAM

pAhi kRpayaiva narasiMha narasiMha || 2 ||

tuGganakha-paGkti-dalitAsura-varAsRk

paGka-navakuGkuma-vipaGkila-mahoraH |

paNDitanidhAna-kamalAlaya namaste

paGkajaniSaNNa narasiMha narasiMha || 3 ||

mauliSu vibhUSaNamivAmara varANAM

yogihRdayeSu ca zirassunigamAnAm |

rAjadaravinda-ruciraM padayugaM te

dehi mama mUrdhni narasiMha narasiMha || 4 ||

vArijavilocana madantima-dazAyAM

kleza-vivazIkRta-samasta-karaNAyAm |

ehi ramayA saha zaraNya vihagAnAM

nAthamadhiruhya narasiMha narasiMha || 5 ||

hATaka-kirITa-varahAra-vanamAlA

dhArarazanA-makarakuNDala-maNIndraiH |

bhUSitamazeSa-nilayaM tava vapurme

cetasi cakAstu narasiMha narasiMha || 6 ||

indu ravi pAvaka vilocana ramAyAH

mandira mahAbhuja-lasadvara-rathAGga|

sundara cirAya ramatAM tvayi mano me

nandita sureza narasiMha narasiMha || 7 ||

mAdhava mukunda madhusUdana murAre

vAmana nRsiMha zaraNaM bhava natAnAm |

kAmada ghRNin nikhilakAraNa nayeyaM

kAlamamareza narasiMha narasiMha || 8 ||

aSTakamidaM sakala-pAtaka-bhayaghnaM

kAmadaM azeSa-duritAmaya-ripughnam |

yaH paThati santatamazeSa-nilayaM te

gacchati padaM sa narasiMha narasiMha || 9 ||