శ్రీ నరసింహ అష్టకమ్

శ్రీ నరసింహ అష్టకమ్

శ్లోక 1

శ్రీమదకలఙ్క పరిపూర్ణ శశికోటి-

శ్రీధర మనోహర సటాపటల కాన్త।

పాలయ కృపాలయ భవామ్బుధి-నిమగ్నం

దైత్యవరకాల నరసింహ నరసింహ

శ్లోక 2

పాదకమలావనత పాతకి-జనానాం

పాతకదవానల పతత్రివర-కేతో।

భావన పరాయణ భవార్తిహరయా మాం

పాహి కృపయైవ నరసింహ నరసింహ

॥ 1 ॥

శ్లోక 3

తుఙ్గనఖ-పఙ్క్తి-దలితాసుర-వరాసృక్

పఙ్క-నవకుఙ్కుమ-విపఙ్కిల-మహోరః ।

పణ్డితనిధాన-కమలాలయ నమస్తే

పఙ్కజనిషణ్ణ నరసింహ నరసింహ

॥ 2 ॥

శ్లోక 4

మౌలిషు విభూషణమివామర వరాణాం

యోగిహృదయేషు చ శిరస్సునిగమానామ్ ।

రాజదరవిన్ద-రుచిరం పదయుగం తే

దేహి మమ మూర్ధ్ని నరసింహ నరసింహ

॥ 3 ॥

శ్లోక 5

వారిజవిలోచన మదన్తిమ-దశాయాం

క్లేశ-వివశీకృత-సమస్త-కరణాయామ్ ।

ఏహి రమయా సహ శరణ్య విహగానాం

నాథమధిరుహ్య నరసింహ నరసింహ

॥ 4 ॥

శ్లోక 6

హాటక-కిరీట-వరహార-వనమాలా

ధారరశనా-మకరకుణ్డల-మణీన్ద్రైః ।

భూషితమశేష-నిలయం తవ వపుర్మే

చేతసి చకాస్తు నరసింహ నరసింహ

॥ 5 ॥

శ్లోక 7

ఇన్దు రవి పావక విలోచన రమాయాః

మన్దిర మహాభుజ-లసద్వర-రథాఙ్గ।

సున్దర చిరాయ రమతాం త్వయి మనో మే

నన్దిత సురేశ నరసింహ నరసింహ

॥ 6 ॥

శ్లోక 8

మాధవ ముకున్ద మధుసూదన మురారే

వామన నృసింహ శరణం భవ నతానామ్ ।

కామద ఘృణిన్ నిఖిలకారణ నయేయం

కాలమమరేశ నరసింహ నరసింహ

॥ 7 ॥

శ్లోక 9

అష్టకమిదం సకల-పాతక-భయఘ్నం

కామదం అశేష-దురితామయ-రిపుఘ్నమ్ ।

యః పఠతి సన్తతమశేష-నిలయం తే

గచ్ఛతి పదం స నరసింహ నరసింహ

॥ 8 ॥

శ్లోక 10