Sri Narasimha Ashtakam
શ્રી નરસિંહ અષ્ટકમ્
Sri Narasimha Ashtakam
શ્રી નરસિંહ અષ્ટકમ્
શ્લોક 1
શ્રીમદકલઙ્ક પરિપૂર્ણ શશિકોટિ-
શ્રીધર મનોહર સટાપટલ કાન્ત।
પાલય કૃપાલય ભવામ્બુધિ-નિમગ્નં
દૈત્યવરકાલ નરસિંહ નરસિંહ
શ્લોક 2
પાદકમલાવનત પાતકિ-જનાનાં
પાતકદવાનલ પતત્રિવર-કેતો।
ભાવન પરાયણ ભવાર્તિહરયા માં
પાહિ કૃપયૈવ નરસિંહ નરસિંહ
॥ 1 ॥
શ્લોક 3
તુઙ્ગનખ-પઙ્ક્તિ-દલિતાસુર-વરાસૃક્
પઙ્ક-નવકુઙ્કુમ-વિપઙ્કિલ-મહોરઃ ।
પણ્ડિતનિધાન-કમલાલય નમસ્તે
પઙ્કજનિષણ્ણ નરસિંહ નરસિંહ
॥ 2 ॥
શ્લોક 4
મૌલિષુ વિભૂષણમિવામર વરાણાં
યોગિહૃદયેષુ ચ શિરસ્સુનિગમાનામ્ ।
રાજદરવિન્દ-રુચિરં પદયુગં તે
દેહિ મમ મૂર્ધ્નિ નરસિંહ નરસિંહ
॥ 3 ॥
શ્લોક 5
વારિજવિલોચન મદન્તિમ-દશાયાં
ક્લેશ-વિવશીકૃત-સમસ્ત-કરણાયામ્ ।
એહિ રમયા સહ શરણ્ય વિહગાનાં
નાથમધિરુહ્ય નરસિંહ નરસિંહ
॥ 4 ॥
શ્લોક 6
હાટક-કિરીટ-વરહાર-વનમાલા
ધારરશના-મકરકુણ્ડલ-મણીન્દ્રૈઃ ।
ભૂષિતમશેષ-નિલયં તવ વપુર્મે
ચેતસિ ચકાસ્તુ નરસિંહ નરસિંહ
॥ 5 ॥
શ્લોક 7
ઇન્દુ રવિ પાવક વિલોચન રમાયાઃ
મન્દિર મહાભુજ-લસદ્વર-રથાઙ્ગ।
સુન્દર ચિરાય રમતાં ત્વયિ મનો મે
નન્દિત સુરેશ નરસિંહ નરસિંહ
॥ 6 ॥
શ્લોક 8
માધવ મુકુન્દ મધુસૂદન મુરારે
વામન નૃસિંહ શરણં ભવ નતાનામ્ ।
કામદ ઘૃણિન્ નિખિલકારણ નયેયં
કાલમમરેશ નરસિંહ નરસિંહ
॥ 7 ॥
શ્લોક 9
અષ્ટકમિદં સકલ-પાતક-ભયઘ્નં
કામદં અશેષ-દુરિતામય-રિપુઘ્નમ્ ।
યઃ પઠતિ સન્તતમશેષ-નિલયં તે
ગચ્છતિ પદં સ નરસિંહ નરસિંહ
॥ 8 ॥