শ্রী নরসিংহ অষ্টকম্

শ্রী নরসিংহ অষ্টকম্

শ্লোক 1

শ্রীমদকলঙ্ক পরিপূর্ণ শশিকোটি-

শ্রীধর মনোহর সটাপটল কান্ত।

পালয কৃপালয ভবাম্বুধি-নিমগ্নং

দৈত্যবরকাল নরসিংহ নরসিংহ

শ্লোক 2

পাদকমলাবনত পাতকি-জনানাং

পাতকদবানল পতত্রিবর-কেতো।

ভাবন পরাযণ ভবার্তিহরযা মাং

পাহি কৃপযৈব নরসিংহ নরসিংহ

॥ 1 ॥

শ্লোক 3

তুঙ্গনখ-পঙ্ক্তি-দলিতাসুর-বরাসৃক্

পঙ্ক-নবকুঙ্কুম-বিপঙ্কিল-মহোরঃ ।

পণ্ডিতনিধান-কমলালয নমস্তে

পঙ্কজনিষণ্ণ নরসিংহ নরসিংহ

॥ 2 ॥

শ্লোক 4

মৌলিষু বিভূষণমিবামর বরাণাং

যোগিহৃদযেষু চ শিরস্সুনিগমানাম্ ।

রাজদরবিন্দ-রুচিরং পদযুগং তে

দেহি মম মূর্ধ্নি নরসিংহ নরসিংহ

॥ 3 ॥

শ্লোক 5

বারিজবিলোচন মদন্তিম-দশাযাং

ক্লেশ-বিবশীকৃত-সমস্ত-করণাযাম্ ।

এহি রমযা সহ শরণ্য বিহগানাং

নাথমধিরুহ্য নরসিংহ নরসিংহ

॥ 4 ॥

শ্লোক 6

হাটক-কিরীট-বরহার-বনমালা

ধাররশনা-মকরকুণ্ডল-মণীন্দ্রৈঃ ।

ভূষিতমশেষ-নিলযং তব বপুর্মে

চেতসি চকাস্তু নরসিংহ নরসিংহ

॥ 5 ॥

শ্লোক 7

ইন্দু রবি পাবক বিলোচন রমাযাঃ

মন্দির মহাভুজ-লসদ্বর-রথাঙ্গ।

সুন্দর চিরায রমতাং ত্বযি মনো মে

নন্দিত সুরেশ নরসিংহ নরসিংহ

॥ 6 ॥

শ্লোক 8

মাধব মুকুন্দ মধুসূদন মুরারে

বামন নৃসিংহ শরণং ভব নতানাম্ ।

কামদ ঘৃণিন্ নিখিলকারণ নযেযং

কালমমরেশ নরসিংহ নরসিংহ

॥ 7 ॥

শ্লোক 9

অষ্টকমিদং সকল-পাতক-ভযঘ্নং

কামদং অশেষ-দুরিতাময-রিপুঘ্নম্ ।

যঃ পঠতি সন্ততমশেষ-নিলযং তে

গচ্ছতি পদং স নরসিংহ নরসিংহ

॥ 8 ॥

শ্লোক 10