Sri Meenakshi Stotram

ଶ୍ରୀ ମୀନାକ୍ଷୀ ସ୍ତୋତ୍ରମ୍

ଶ୍ଲୋକ 1

ଶ୍ରୀଵିଦ୍ଯେ ଶିଵଵାମଭାଗନିଲଯେ ଶ୍ରୀରାଜରାଜାର୍ଚିତେ

ଶ୍ରୀନାଥାଦିଗୁରୁସ୍ଵରୂପଵିଭଵେ ଚିନ୍ତାମଣୀପୀଠିକେ ।

ଶ୍ରୀଵାଣୀଗିରିଜାନୁତାଙ୍ଘ୍ରିକମଲେ ଶ୍ରୀଶାମ୍ଭଵି ଶ୍ରୀଶିଵେ

ମଧ୍ଯାହ୍ନେ ମଲଯଧ୍ଵଜାଧିପସୁତେ ମାଂ ପାହି ମୀନାମ୍ବିକେ

ଶ୍ଲୋକ 2

ଚକ୍ରସ୍ଥେଽଚପଲେ ଚରାଚରଜଗନ୍ନାଥେ ଜଗତ୍ପୂଜିତେ

ଆର୍ତାଲୀଵରଦେ ନତାଭଯକରେ ଵକ୍ଷୋଜଭାରାନ୍ଵିତେ ।

ଵିଦ୍ଯେ ଵେଦକଲାପମୌଲିଵିଦିତେ ଵିଦ୍ଯୁଲ୍ଲତାଵିଗ୍ରହେ

ମାତଃ ପୂର୍ଣସୁଧାରସାର୍ଦ୍ରହୃଦଯେ ମାଂ ପାହି ମୀନାମ୍ବିକେ

॥ 1 ॥

ଶ୍ଲୋକ 3

କୋଟୀରାଙ୍ଗଦରତ୍ନକୁଣ୍ଡଲଧରେ କୋଦଣ୍ଡବାଣାଞ୍ଚିତେ

କୋକାକାରକୁଚଦ୍ଵଯୋପରିଲସତ୍ପ୍ରାଲମ୍ବହାରାଞ୍ଚିତେ ।

ଶିଞ୍ଜନ୍ନୂପୁରପାଦସାରସମଣୀଶ୍ରୀପାଦୁକାଲଙ୍କୃତେ

ମଦ୍ଦାରିଦ୍ର୍ଯଭୁଜଙ୍ଗଗାରୁଡଖଗେ ମାଂ ପାହି ମୀନାମ୍ବିକେ

॥ 2 ॥

ଶ୍ଲୋକ 4

ବ୍ରହ୍ମେଶାଚ୍ଯୁତଗୀଯମାନଚରିତେ ପ୍ରେତାସନାନ୍ତସ୍ଥିତେ

ପାଶୋଦଙ୍କୁଶଚାପବାଣକଲିତେ ବାଲେନ୍ଦୁଚୂଡାଞ୍ଚିତେ ।

ବାଲେ ବାଲକୁରଙ୍ଗଲୋଲନଯନେ ବାଲାର୍କକୋଟ୍ଯୁଜ୍ଜ୍ଵଲେ

ମୁଦ୍ରାରାଧିତଦୈଵତେ ମୁନିସୁତେ ମାଂ ପାହି ମୀନାମ୍ବିକେ

॥ 3 ॥

ଶ୍ଲୋକ 5

ଗନ୍ଧର୍ଵାମରଯକ୍ଷପନ୍ନଗନୁତେ ଗଙ୍ଗାଧରାଲିଙ୍ଗିତେ

ଗାଯତ୍ରୀଗରୁଡାସନେ କମଲଜେ ସୁଶ୍ଯାମଲେ ସୁସ୍ଥିତେ ।

ଖାତୀତେ ଖଲଦାରୁପାଵକଶିଖେ ଖଦ୍ଯୋତକୋଟ୍ଯୁଜ୍ଜ୍ଵଲେ

ମନ୍ତ୍ରାରାଧିତଦୈଵତେ ମୁନିସୁତେ ମାଂ ପାହୀ ମୀନାମ୍ବିକେ

॥ 4 ॥

ଶ୍ଲୋକ 6

ନାଦେ ନାରଦତୁମ୍ବୁରାଦ୍ଯଵିନୁତେ ନାଦାନ୍ତନାଦାତ୍ମିକେ

ନିତ୍ଯେ ନୀଲଲତାତ୍ମିକେ ନିରୁପମେ ନୀଵାରଶୂକୋପମେ ।

କାନ୍ତେ କାମକଲେ କଦମ୍ବନିଲଯେ କାମେଶ୍ଵରାଙ୍କସ୍ଥିତେ

ମଦ୍ଵିଦ୍ଯେ ମଦଭୀଷ୍ଟକଲ୍ପଲତିକେ ମାଂ ପାହି ମୀନାମ୍ବିକେ

॥ 5 ॥

ଶ୍ଲୋକ 7

ଵୀଣାନାଦନିମୀଲିତାର୍ଧନଯନେ ଵିସ୍ରସ୍ତଚୂଲୀଭରେ

ତାମ୍ବୂଲାରୁଣପଲ୍ଲଵାଧରଯୁତେ ତାଟଙ୍କହାରାନ୍ଵିତେ ।

ଶ୍ଯାମେ ଚନ୍ଦ୍ରକଲାଵତଂସକଲିତେ କସ୍ତୂରିକାଫାଲିକେ

ପୂର୍ଣେ ପୂର୍ଣକଲାଭିରାମଵଦନେ ମାଂ ପାହି ମୀନାମ୍ବିକେ

॥ 6 ॥

ଶ୍ଲୋକ 8

ଶବ୍ଦବ୍ରହ୍ମମଯୀ ଚରାଚରମଯୀ ଜ୍ଯୋତିର୍ମଯୀ ଵାଙ୍ମଯୀ

ନିତ୍ଯାନନ୍ଦମଯୀ ନିରଞ୍ଜନମଯୀ ତତ୍ତ୍ଵମ୍ମଯୀ ଚିନ୍ମଯୀ ।

ତତ୍ତ୍ଵାତୀତମଯୀ ପରାତ୍ପରମଯୀ ମାଯାମଯୀ ଶ୍ରୀମଯୀ

ସର୍ଵୈଶ୍ଵର୍ଯମଯୀ ସଦାଶିଵମଯୀ ମାଂ ପାହି ମୀନାମ୍ବିକେ

॥ 7 ॥

ଶ୍ଲୋକ 9

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ ଶ୍ରୀମଚ୍ଛଙ୍କରଭଗଵତଃ କୃତୌ ମୀନାକ୍ଷୀ ସ୍ତୋତ୍ରମ୍ ।