Sri Medha Dakshina Murthy Stotram

ශ්රී මේධා දක්ෂිණාමූර්ති මන්ත්රවර්ණපද ස්තුතිඃ

ශ්ලොක 1

ඕමිත්යේකාක්ෂරං බ්රහ්ම ව්යාහරන්ති ත්රයශ්ශිඛාඃ .

තස්මෛතාරාත්මනේ මේධාදක්ෂිණාමූර්තයේ නමඃ .. 1 ..

නත්වා යං මුනයස්සර්වේ පරංයාන්ති දුරාසදම් .

නකාරරූපිණේ මේධාදක්ෂිණාමූර්තයේ නමඃ .. 2 ..

මෝහජාලවිනිර්මුක්තෝ බ්රහ්මවිද්යාති යත්පදම් .

මෝකාරරූපිණේ මේධාදක්ෂිණාමූර්තයේ නමඃ .. 3 ..

භවමාශ්රිත්යයං විද්වාන් නභවෝහ්යභවත්පරඃ .

භකාරරූපිණේ මේධාදක්ෂිණාමූර්තයේ නමඃ .. 4 ..

ගගනාකාරවද්භාන්තමනුභාත්යඛිලං ජගත් .

ගකාරරූපිණේ මේධාදක්ෂිණාමූර්තයේ නමඃ .. 5 ..

වටමූලනිවාසෝ යෝ ලෝකානාං ප්රභුරව්යයඃ .

වකාරරූපිණේ මේධාදක්ෂිණාමූර්තයේ නමඃ .. 6 ..

තේජෝභිර්යස්යසූර්යෝ(අ)සෞ කාලක්ලෘප්තිකරෝ භවේත් .

තේකාරරූපිණේ මේධාදක්ෂිණාමූර්තයේ නමඃ .. 7 ..

දක්ෂත්රිපුරසංහාරේ යඃ කාලවිෂභඤ්ජනේ .

දකාරරූපිණේ මේධාදක්ෂිණාමූර්තයේ නමඃ .. 8 ..

ක්ෂිප්රං භවති වාක්සිද්ධිර්යන්නාමස්මරණාන්නෘණාම් .

ක්ෂිකාරරූපිණේ මේධාදක්ෂිණාමූර්තයේ නමඃ .. 9 ..

ණාකාරවාච්යෝයස්සුප්තං සන්දීපයති මේ මනඃ .

ණාකාරරූපිණේ මේධාදක්ෂිණාමූර්තයේ නමඃ .. 10 ..

මූර්තයෝ හ්යෂ්ටධායස්ය ජගජ්ජන්මාදිකාරණම් .

මූකාරරූපිණේ මේධාදක්ෂිණාමූර්තයේ නමඃ .. 11 ..

තත්ත්වං බ්රහ්මාසි පරමමිති යද්ගුරුබෝධිතඃ .

සරේඵතාත්මනේ මේධාදක්ෂිණාමූර්තයේ නමඃ .. 12 ..

යේයං විදිත්වා බ්රහ්මාද්යා ඍෂයෝ යාන්ති නිර්වෘතිම් .

යේකාරරූපිණේ මේධාදක්ෂිණාමූර්තයේ නමඃ .. 13 ..

මහතාං දේවමිත්යාහුර්නිගමාගමයෝශ්ශිවඃ .

මකාරරූපිණේ මේධාදක්ෂිණාමූර්තයේ නමඃ .. 14 ..

සර්වස්යජගතෝ හ්යන්තර්බහිර්යෝ ව්යාප්යසංස්ථිතඃ .

හ්යකාරරූපිණේ මේධාදක්ෂිණාමූර්තයේ නමඃ .. 15 ..

ත්වමේව ජගතස්සාක්ෂී සෘෂ්ටිස්ථිත්යන්තකාරණම් .

මේකාරරූපිණේ මේධාදක්ෂිණාමූර්තයේ නමඃ .. 16 ..

ධාමේති ධාතෘසෘෂ්ටේර්යත්කාරණං කාර්යමුච්යතේ .

ධාඞ්කාරරූපිණේ මේධාදක්ෂිණාමූර්තයේ නමඃ .. 17 ..

ප්රකෘතේර්යත්පරං ධ්යාත්වා තාදාත්ම්යං යාති වෛ මුනිඃ .

ප්රකාරරූපිණේ මේධාදක්ෂිණාමූර්තයේ නමඃ .. 18 ..

ජ්ඤානිනෝයමුපාස්යන්ති තත්ත්වාතීතං චිදාත්මකම් .

ජ්ඤාකාරරූපිණේ මේධාදක්ෂිණාමූර්තයේ නමඃ .. 19 ..

ප්රජ්ඤා සඤ්ජායතේ යස්ය ධ්යානනාමාර්චනාදිභිඃ .

ප්රකාරරූපිණේ මේධාදක්ෂිණාමූර්තයේ නමඃ .. 20 ..

යස්ය ස්මරණමාත්රේණ නරෝමුක්තස්සබන්ධනාත් . [ සරෝමුක්ත ]

යකාරරූපිණේ මේධාදක්ෂිණාමූර්තයේ නමඃ .. 21 ..

ඡවේර්යන්නේන්ද්රියාණ්යාපුර්විෂයේෂ්විහ ජාඩ්යතාම් .

ඡකාරරූපිණේ මේධාදක්ෂිණාමූර්තයේ නමඃ .. 22 ..

ස්වාන්තේවිදාං ජඩානාං යෝ දූරේතිෂ්ඨති චින්මයඃ .

ස්වාකාරරූපිණේ මේධාදක්ෂිණාමූර්තයේ නමඃ .. 23 ..

හාරප්රායඵණීන්ද්රාය සර්වවිද්යාප්රදායිනේ .

හාකාරරූපිණේ මේධාදක්ෂිණාමූර්තයේ නමඃ .. 24 ..

ඉති ශ්රී මේධාදක්ෂිණාමූර්ති මන්ත්රවර්ණපද ස්තුතිඃ ..