Sri Medha Dakshina Murthy Stotram

ଶ୍ରୀ ମେଧା ଦକ୍ଷିଣାମୂର୍ତି ମନ୍ତ୍ରଵର୍ଣପଦ ସ୍ତୁତିଃ

ଶ୍ଲୋକ 1

ଓମିତ୍ଯେକାକ୍ଷରଂ ବ୍ରହ୍ମ ଵ୍ଯାହରନ୍ତି ତ୍ରଯଶ୍ଶିଖାଃ ।

ତସ୍ମୈତାରାତ୍ମନେ ମେଧାଦକ୍ଷିଣାମୂର୍ତଯେ ନମଃ

ଶ୍ଲୋକ 2

ନତ୍ଵା ଯଂ ମୁନଯସ୍ସର୍ଵେ ପରଂଯାନ୍ତି ଦୁରାସଦମ୍ ।

ନକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 1 ॥

ଶ୍ଲୋକ 3

ମୋହଜାଲଵିନିର୍ମୁକ୍ତୋ ବ୍ରହ୍ମଵିଦ୍ଯାତି ଯତ୍ପଦମ୍ ।

ମୋକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 2 ॥

ଶ୍ଲୋକ 4

ଭଵମାଶ୍ରିତ୍ଯଯଂ ଵିଦ୍ଵାନ୍ ନଭଵୋହ୍ଯଭଵତ୍ପରଃ ।

ଭକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 3 ॥

ଶ୍ଲୋକ 5

ଗଗନାକାରଵଦ୍ଭାନ୍ତମନୁଭାତ୍ଯଖିଲଂ ଜଗତ୍ ।

ଗକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 4 ॥

ଶ୍ଲୋକ 6

ଵଟମୂଲନିଵାସୋ ଯୋ ଲୋକାନାଂ ପ୍ରଭୁରଵ୍ଯଯଃ ।

ଵକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 5 ॥

ଶ୍ଲୋକ 7

ତେଜୋଭିର୍ଯସ୍ଯସୂର୍ଯୋଽସୌ କାଲକ୍ଲୃପ୍ତିକରୋ ଭଵେତ୍ ।

ତେକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 6 ॥

ଶ୍ଲୋକ 8

ଦକ୍ଷତ୍ରିପୁରସଂହାରେ ଯଃ କାଲଵିଷଭଞ୍ଜନେ ।

ଦକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 7 ॥

ଶ୍ଲୋକ 9

କ୍ଷିପ୍ରଂ ଭଵତି ଵାକ୍ସିଦ୍ଧିର୍ଯନ୍ନାମସ୍ମରଣାନ୍ନୃଣାମ୍ ।

କ୍ଷିକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 8 ॥

ଶ୍ଲୋକ 10

ଣାକାରଵାଚ୍ଯୋଯସ୍ସୁପ୍ତଂ ସନ୍ଦୀପଯତି ମେ ମନଃ ।

ଣାକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 9 ॥

ଶ୍ଲୋକ 11

ମୂର୍ତଯୋ ହ୍ଯଷ୍ଟଧାଯସ୍ଯ ଜଗଜ୍ଜନ୍ମାଦିକାରଣମ୍ ।

ମୂକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 10 ॥

ଶ୍ଲୋକ 12

ତତ୍ତ୍ଵଂ ବ୍ରହ୍ମାସି ପରମମିତି ଯଦ୍ଗୁରୁବୋଧିତଃ ।

ସରେଫତାତ୍ମନେ ମେଧାଦକ୍ଷିଣାମୂର୍ତଯେ ନମଃ

॥ 11 ॥

ଶ୍ଲୋକ 13

ଯେଯଂ ଵିଦିତ୍ଵା ବ୍ରହ୍ମାଦ୍ଯା ଋଷଯୋ ଯାନ୍ତି ନିର୍ଵୃତିମ୍ ।

ଯେକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 12 ॥

ଶ୍ଲୋକ 14

ମହତାଂ ଦେଵମିତ୍ଯାହୁର୍ନିଗମାଗମଯୋଶ୍ଶିଵଃ ।

ମକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 13 ॥

ଶ୍ଲୋକ 15

ସର୍ଵସ୍ଯଜଗତୋ ହ୍ଯନ୍ତର୍ବହିର୍ଯୋ ଵ୍ଯାପ୍ଯସଂସ୍ଥିତଃ ।

ହ୍ଯକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 14 ॥

ଶ୍ଲୋକ 16

ତ୍ଵମେଵ ଜଗତସ୍ସାକ୍ଷୀ ସୃଷ୍ଟିସ୍ଥିତ୍ଯନ୍ତକାରଣମ୍ ।

ମେକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 15 ॥

ଶ୍ଲୋକ 17

ଧାମେତି ଧାତୃସୃଷ୍ଟେର୍ଯତ୍କାରଣଂ କାର୍ଯମୁଚ୍ଯତେ ।

ଧାଙ୍କାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 16 ॥

ଶ୍ଲୋକ 18

ପ୍ରକୃତେର୍ଯତ୍ପରଂ ଧ୍ଯାତ୍ଵା ତାଦାତ୍ମ୍ଯଂ ଯାତି ଵୈ ମୁନିଃ ।

ପ୍ରକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 17 ॥

ଶ୍ଲୋକ 19

ଜ୍ଞାନିନୋଯମୁପାସ୍ଯନ୍ତି ତତ୍ତ୍ଵାତୀତଂ ଚିଦାତ୍ମକମ୍ ।

ଜ୍ଞାକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 18 ॥

ଶ୍ଲୋକ 20

ପ୍ରଜ୍ଞା ସଞ୍ଜାଯତେ ଯସ୍ଯ ଧ୍ଯାନନାମାର୍ଚନାଦିଭିଃ ।

ପ୍ରକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 19 ॥

ଶ୍ଲୋକ 21

ଯସ୍ଯ ସ୍ମରଣମାତ୍ରେଣ ନରୋମୁକ୍ତସ୍ସବନ୍ଧନାତ୍ । [ ସରୋମୁକ୍ତ ]

ଯକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 20 ॥

ଶ୍ଲୋକ 22

ଛଵେର୍ଯନ୍ନେନ୍ଦ୍ରିଯାଣ୍ଯାପୁର୍ଵିଷଯେଷ୍ଵିହ ଜାଡ୍ଯତାମ୍ ।

ଛକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 21 ॥

ଶ୍ଲୋକ 23

ସ୍ଵାନ୍ତେଵିଦାଂ ଜଡାନାଂ ଯୋ ଦୂରେତିଷ୍ଠତି ଚିନ୍ମଯଃ ।

ସ୍ଵାକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 22 ॥

ଶ୍ଲୋକ 24

ହାରପ୍ରାଯଫଣୀନ୍ଦ୍ରାଯ ସର୍ଵଵିଦ୍ଯାପ୍ରଦାଯିନେ ।

ହାକାରରୂପିଣେ ମେଧାଦକ୍ଷିଣାମୂର୍ତଯେ ନମଃ

॥ 23 ॥

ଶ୍ଲୋକ 25

ଇତି ଶ୍ରୀ ମେଧାଦକ୍ଷିଣାମୂର୍ତି ମନ୍ତ୍ରଵର୍ଣପଦ ସ୍ତୁତିଃ ॥