Sri Medha Dakshina Murthy Stotram

zrI medhA dakSiNAmUrti mantravarNapada stutiH

zloka 1

omityekAkSaraM brahma vyAharanti trayazzikhAH |

tasmaitArAtmane medhAdakSiNAmUrtaye namaH || 1 ||

natvA yaM munayassarve paraMyAnti durAsadam |

nakArarUpiNe medhAdakSiNAmUrtaye namaH || 2 ||

mohajAlavinirmukto brahmavidyAti yatpadam |

mokArarUpiNe medhAdakSiNAmUrtaye namaH || 3 ||

bhavamAzrityayaM vidvAn nabhavohyabhavatparaH |

bhakArarUpiNe medhAdakSiNAmUrtaye namaH || 4 ||

gaganAkAravadbhAntamanubhAtyakhilaM jagat |

gakArarUpiNe medhAdakSiNAmUrtaye namaH || 5 ||

vaTamUlanivAso yo lokAnAM prabhuravyayaH |

vakArarUpiNe medhAdakSiNAmUrtaye namaH || 6 ||

tejobhiryasyasUryo'sau kAlaklRptikaro bhavet |

tekArarUpiNe medhAdakSiNAmUrtaye namaH || 7 ||

dakSatripurasaMhAre yaH kAlaviSabhaJjane |

dakArarUpiNe medhAdakSiNAmUrtaye namaH || 8 ||

kSipraM bhavati vAksiddhiryannAmasmaraNAnnRNAm |

kSikArarUpiNe medhAdakSiNAmUrtaye namaH || 9 ||

NAkAravAcyoyassuptaM sandIpayati me manaH |

NAkArarUpiNe medhAdakSiNAmUrtaye namaH || 10 ||

mUrtayo hyaSTadhAyasya jagajjanmAdikAraNam |

mUkArarUpiNe medhAdakSiNAmUrtaye namaH || 11 ||

tattvaM brahmAsi paramamiti yadgurubodhitaH |

sarephatAtmane medhAdakSiNAmUrtaye namaH || 12 ||

yeyaM viditvA brahmAdyA RSayo yAnti nirvRtim |

yekArarUpiNe medhAdakSiNAmUrtaye namaH || 13 ||

mahatAM devamityAhurnigamAgamayozzivaH |

makArarUpiNe medhAdakSiNAmUrtaye namaH || 14 ||

sarvasyajagato hyantarbahiryo vyApyasaMsthitaH |

hyakArarUpiNe medhAdakSiNAmUrtaye namaH || 15 ||

tvameva jagatassAkSI sRSTisthityantakAraNam |

mekArarUpiNe medhAdakSiNAmUrtaye namaH || 16 ||

dhAmeti dhAtRsRSTeryatkAraNaM kAryamucyate |

dhAGkArarUpiNe medhAdakSiNAmUrtaye namaH || 17 ||

prakRteryatparaM dhyAtvA tAdAtmyaM yAti vai muniH |

prakArarUpiNe medhAdakSiNAmUrtaye namaH || 18 ||

jJAninoyamupAsyanti tattvAtItaM cidAtmakam |

jJAkArarUpiNe medhAdakSiNAmUrtaye namaH || 19 ||

prajJA saJjAyate yasya dhyAnanAmArcanAdibhiH |

prakArarUpiNe medhAdakSiNAmUrtaye namaH || 20 ||

yasya smaraNamAtreNa naromuktassabandhanAt | [ saromukta ]

yakArarUpiNe medhAdakSiNAmUrtaye namaH || 21 ||

chaveryannendriyANyApurviSayeSviha jADyatAm |

chakArarUpiNe medhAdakSiNAmUrtaye namaH || 22 ||

svAntevidAM jaDAnAM yo dUretiSThati cinmayaH |

svAkArarUpiNe medhAdakSiNAmUrtaye namaH || 23 ||

hAraprAyaphaNIndrAya sarvavidyApradAyine |

hAkArarUpiNe medhAdakSiNAmUrtaye namaH || 24 ||

iti zrI medhAdakSiNAmUrti mantravarNapada stutiH ||