Sri Manasa Devi Stotram (Mahendra Kritam)

ශ්රී මනසා දේවී ස්තෝත්රම් (මහේන්ද්ර කෘතම්)

ශ්ලොක 1

දේවි ත්වාං ස්තෝතුමිච්ඡාමි සාධ්වීනාං ප්රවරාං පරාම් .

පරාත්පරාං ච පරමාං න හි ස්තෝතුං ක්ෂමෝ(අ)ධුනා .. 1 ..

ස්තෝත්රාණාං ලක්ෂණං වේදේ ස්වභාවාඛ්යානතඃ පරම් .

න ක්ෂමඃ ප්රකෘතිං වක්තුං ගුණානාං තව සුව්රතේ .. 2 ..

ශුද්ධසත්ත්වස්වරූපා ත්වං කෝපහිංසාවිවර්ජිතා .

න ච ශප්තෝ මුනිස්තේන ත්යක්තයා ච ත්වයා යතඃ .. 3 ..

ත්වං මයා පූජිතා සාධ්වී ජනනී ච යථා(අ)දිතිඃ .

දයාරූපා ච භගිනී ක්ෂමාරූපා යථා ප්රසූඃ .. 4 ..

ත්වයා මේ රක්ෂිතාඃ ප්රාණා පුත්රදාරාඃ සුරේශ්වරි .

අහං කරෝමි ත්වාං පූජ්යාං මම ප්රීතිශ්ච වර්ධතේ .. 5 ..

නිත්යං යද්යපි පූජ්යා ත්වං භවේ(අ)ත්ර ජගදම්බිකේ .

තථාපි තව පූජාං වෛ වර්ධයාමි පුනඃ පුනඃ .. 6 ..

යේ ත්වාමාෂාඪසඞ්ක්රාන්ත්යාං පූජයිෂ්යන්ති භක්තිතඃ .

පඤ්චම්යාං මනසාඛ්යායාං මාසාන්තේ වා දිනේ දිනේ .. 7 ..

පුත්රපෞත්රාදයස්තේෂාං වර්ධන්තේ ච ධනානි ච .

යශස්විනඃ කීර්තිමන්තෝ විද්යාවන්තෝ ගුණාන්විතාඃ .. 8 ..

යේ ත්වාං න පූජයිෂ්යන්ති නින්දන්ත්යජ්ඤානතෝ ජනාඃ .

ලක්ෂ්මීහීනා භවිෂ්යන්ති තේෂාං නාගභයං සදා .. 9 ..

ත්වං ස්වර්ගලක්ෂ්මීඃ ස්වර්ගේ ච වෛකුණ්ඨේ කමලාකලා .

නාරායණාංශෝ භගවාන් ජරත්කාරුර්මුනීශ්වරඃ .. 10 ..

තපසා තේජසා ත්වාං ච මනසා සසෘජේ පිතා .

අස්මාකං රක්ෂණායෛව තේන ත්වං මනසාභිධා .. 11 ..

මනසා දේවි තු ශක්තා චාත්මනා සිද්ධයෝගිනී .

තේන ත්වං මනසාදේවී පූජිතා වන්දිතා භවේ .. 12 ..

යාං භක්ත්යා මනසා දේවාඃ පූජයන්ත්යනිශං භෘශම් .

තේන ත්වාං මනසාදේවීං ප්රවදන්ති පුරාවිදඃ .. 13 ..

සත්ත්වරූපා ච දේවී ත්වං ශශ්වත්සත්ත්වනිෂේවයා .

යෝ හි යද්භාවයේන්නිත්යං ශතං ප්රාප්නෝති තත්සමම් .. 14 ..

ඉදං ස්තෝත්රං පුණ්යබීජං තාං සම්පූජ්ය ච යඃ පඨේත් .

තස්ය නාගභයං නාස්ති තස්ය වංශෝද්භවස්ය ච .. 15 ..

විෂං භවේත්සුධාතුල්යං සිද්ධස්තෝත්රං යදා පඨේත් .

පඤ්චලක්ෂජපේනෛව සිද්ධස්තෝත්රෝ භවේන්නරඃ .

සර්පශායී භවේත්සෝ(අ)පි නිශ්චිතං සර්පවාහනඃ .. 16 ..

ඉති ශ්රීබ්රහ්මවෛවර්තේ මහාපුරාණේ ප්රකෘතිඛණ්ඩේ ෂට්චත්වාරිංශෝ(අ)ධ්යායේ මහේන්ද්ර කෘත ශ්රී මනසාදේවී ස්තෝත්රම් ..

ආස්තීකමුනි මන්ත්රඃ

සර්පාපසර්ප භද්රං තේ ගච්ඡ සර්ප මහාවිෂ .

ජනමේජයස්ය යජ්ඤාන්තේ ආස්තීකවචනං ස්මර ..