Sri Manasa Devi Stotram (Mahendra Kritam)

ଶ୍ରୀ ମନସା ଦେଵୀ ସ୍ତୋତ୍ରମ୍ (ମହେନ୍ଦ୍ର କୃତମ୍)

ଶ୍ଲୋକ 1

ଦେଵି ତ୍ଵାଂ ସ୍ତୋତୁମିଚ୍ଛାମି ସାଧ୍ଵୀନାଂ ପ୍ରଵରାଂ ପରାମ୍ ।

ପରାତ୍ପରାଂ ଚ ପରମାଂ ନ ହି ସ୍ତୋତୁଂ କ୍ଷମୋଽଧୁନା

ଶ୍ଲୋକ 2

ସ୍ତୋତ୍ରାଣାଂ ଲକ୍ଷଣଂ ଵେଦେ ସ୍ଵଭାଵାଖ୍ଯାନତଃ ପରମ୍ ।

ନ କ୍ଷମଃ ପ୍ରକୃତିଂ ଵକ୍ତୁଂ ଗୁଣାନାଂ ତଵ ସୁଵ୍ରତେ

॥ 1 ॥

ଶ୍ଲୋକ 3

ଶୁଦ୍ଧସତ୍ତ୍ଵସ୍ଵରୂପା ତ୍ଵଂ କୋପହିଂସାଵିଵର୍ଜିତା ।

ନ ଚ ଶପ୍ତୋ ମୁନିସ୍ତେନ ତ୍ଯକ୍ତଯା ଚ ତ୍ଵଯା ଯତଃ

॥ 2 ॥

ଶ୍ଲୋକ 4

ତ୍ଵଂ ମଯା ପୂଜିତା ସାଧ୍ଵୀ ଜନନୀ ଚ ଯଥାଽଦିତିଃ ।

ଦଯାରୂପା ଚ ଭଗିନୀ କ୍ଷମାରୂପା ଯଥା ପ୍ରସୂଃ

॥ 3 ॥

ଶ୍ଲୋକ 5

ତ୍ଵଯା ମେ ରକ୍ଷିତାଃ ପ୍ରାଣା ପୁତ୍ରଦାରାଃ ସୁରେଶ୍ଵରି ।

ଅହଂ କରୋମି ତ୍ଵାଂ ପୂଜ୍ଯାଂ ମମ ପ୍ରୀତିଶ୍ଚ ଵର୍ଧତେ

॥ 4 ॥

ଶ୍ଲୋକ 6

ନିତ୍ଯଂ ଯଦ୍ଯପି ପୂଜ୍ଯା ତ୍ଵଂ ଭଵେଽତ୍ର ଜଗଦମ୍ବିକେ ।

ତଥାପି ତଵ ପୂଜାଂ ଵୈ ଵର୍ଧଯାମି ପୁନଃ ପୁନଃ

॥ 5 ॥

ଶ୍ଲୋକ 7

ଯେ ତ୍ଵାମାଷାଢସଙ୍କ୍ରାନ୍ତ୍ଯାଂ ପୂଜଯିଷ୍ଯନ୍ତି ଭକ୍ତିତଃ ।

ପଞ୍ଚମ୍ଯାଂ ମନସାଖ୍ଯାଯାଂ ମାସାନ୍ତେ ଵା ଦିନେ ଦିନେ

॥ 6 ॥

ଶ୍ଲୋକ 8

ପୁତ୍ରପୌତ୍ରାଦଯସ୍ତେଷାଂ ଵର୍ଧନ୍ତେ ଚ ଧନାନି ଚ ।

ଯଶସ୍ଵିନଃ କୀର୍ତିମନ୍ତୋ ଵିଦ୍ଯାଵନ୍ତୋ ଗୁଣାନ୍ଵିତାଃ

॥ 7 ॥

ଶ୍ଲୋକ 9

ଯେ ତ୍ଵାଂ ନ ପୂଜଯିଷ୍ଯନ୍ତି ନିନ୍ଦନ୍ତ୍ଯଜ୍ଞାନତୋ ଜନାଃ ।

ଲକ୍ଷ୍ମୀହୀନା ଭଵିଷ୍ଯନ୍ତି ତେଷାଂ ନାଗଭଯଂ ସଦା

॥ 8 ॥

ଶ୍ଲୋକ 10

ତ୍ଵଂ ସ୍ଵର୍ଗଲକ୍ଷ୍ମୀଃ ସ୍ଵର୍ଗେ ଚ ଵୈକୁଣ୍ଠେ କମଲାକଲା ।

ନାରାଯଣାଂଶୋ ଭଗଵାନ୍ ଜରତ୍କାରୁର୍ମୁନୀଶ୍ଵରଃ

॥ 9 ॥

ଶ୍ଲୋକ 11

ତପସା ତେଜସା ତ୍ଵାଂ ଚ ମନସା ସସୃଜେ ପିତା ।

ଅସ୍ମାକଂ ରକ୍ଷଣାଯୈଵ ତେନ ତ୍ଵଂ ମନସାଭିଧା

॥ 10 ॥

ଶ୍ଲୋକ 12

ମନସା ଦେଵି ତୁ ଶକ୍ତା ଚାତ୍ମନା ସିଦ୍ଧଯୋଗିନୀ ।

ତେନ ତ୍ଵଂ ମନସାଦେଵୀ ପୂଜିତା ଵନ୍ଦିତା ଭଵେ

॥ 11 ॥

ଶ୍ଲୋକ 13

ଯାଂ ଭକ୍ତ୍ଯା ମନସା ଦେଵାଃ ପୂଜଯନ୍ତ୍ଯନିଶଂ ଭୃଶମ୍ ।

ତେନ ତ୍ଵାଂ ମନସାଦେଵୀଂ ପ୍ରଵଦନ୍ତି ପୁରାଵିଦଃ

॥ 12 ॥

ଶ୍ଲୋକ 14

ସତ୍ତ୍ଵରୂପା ଚ ଦେଵୀ ତ୍ଵଂ ଶଶ୍ଵତ୍ସତ୍ତ୍ଵନିଷେଵଯା ।

ଯୋ ହି ଯଦ୍ଭାଵଯେନ୍ନିତ୍ଯଂ ଶତଂ ପ୍ରାପ୍ନୋତି ତତ୍ସମମ୍

॥ 13 ॥

ଶ୍ଲୋକ 15

ଇଦଂ ସ୍ତୋତ୍ରଂ ପୁଣ୍ଯବୀଜଂ ତାଂ ସମ୍ପୂଜ୍ଯ ଚ ଯଃ ପଠେତ୍ ।

ତସ୍ଯ ନାଗଭଯଂ ନାସ୍ତି ତସ୍ଯ ଵଂଶୋଦ୍ଭଵସ୍ଯ ଚ

॥ 14 ॥

ଶ୍ଲୋକ 16

ଵିଷଂ ଭଵେତ୍ସୁଧାତୁଲ୍ଯଂ ସିଦ୍ଧସ୍ତୋତ୍ରଂ ଯଦା ପଠେତ୍ ।

ପଞ୍ଚଲକ୍ଷଜପେନୈଵ ସିଦ୍ଧସ୍ତୋତ୍ରୋ ଭଵେନ୍ନରଃ ।

ସର୍ପଶାଯୀ ଭଵେତ୍ସୋଽପି ନିଶ୍ଚିତଂ ସର୍ପଵାହନଃ

॥ 15 ॥

ଶ୍ଲୋକ 17

ଇତି ଶ୍ରୀବ୍ରହ୍ମଵୈଵର୍ତେ ମହାପୁରାଣେ ପ୍ରକୃତିଖଣ୍ଡେ ଷଟ୍ଚତ୍ଵାରିଂଶୋଽଧ୍ଯାଯେ ମହେନ୍ଦ୍ର କୃତ ଶ୍ରୀ ମନସାଦେଵୀ ସ୍ତୋତ୍ରମ୍ ॥

ଆସ୍ତୀକମୁନି ମନ୍ତ୍ରଃ

ସର୍ପାପସର୍ପ ଭଦ୍ରଂ ତେ ଗଚ୍ଛ ସର୍ପ ମହାଵିଷ ।

ଜନମେଜଯସ୍ଯ ଯଜ୍ଞାନ୍ତେ ଆସ୍ତୀକଵଚନଂ ସ୍ମର ॥