Sri Manasa Devi Stotram (Mahendra Kritam)

shrI manasA devI stotram (mahendra kRRitam)

shloka 1

devi tvAM stotumichChAmi sAdhvInAM pravarAM parAm |

parAtparAM cha paramAM na hi stotuM kShamo.adhunA || 1 ||

stotrANAM lakShaNaM vede svabhAvAkhyAnataH param |

na kShamaH prakRRitiM vaktuM guNAnAM tava suvrate || 2 ||

shuddhasattvasvarUpA tvaM kopahiMsAvivarjitA |

na cha shapto munistena tyaktayA cha tvayA yataH || 3 ||

tvaM mayA pUjitA sAdhvI jananI cha yathA.aditiH |

dayArUpA cha bhaginI kShamArUpA yathA prasUH || 4 ||

tvayA me rakShitAH prANA putradArAH sureshvari |

ahaM karomi tvAM pUjyAM mama prItishcha vardhate || 5 ||

nityaM yadyapi pUjyA tvaM bhave.atra jagadambike |

tathApi tava pUjAM vai vardhayAmi punaH punaH || 6 ||

ye tvAmAShADhasa~NkrAntyAM pUjayiShyanti bhaktitaH |

pa~nchamyAM manasAkhyAyAM mAsAnte vA dine dine || 7 ||

putrapautrAdayasteShAM vardhante cha dhanAni cha |

yashasvinaH kIrtimanto vidyAvanto guNAnvitAH || 8 ||

ye tvAM na pUjayiShyanti nindantyaj~nAnato janAH |

lakShmIhInA bhaviShyanti teShAM nAgabhayaM sadA || 9 ||

tvaM svargalakShmIH svarge cha vaikuNThe kamalAkalA |

nArAyaNAMsho bhagavAn jaratkArurmunIshvaraH || 10 ||

tapasA tejasA tvAM cha manasA sasRRije pitA |

asmAkaM rakShaNAyaiva tena tvaM manasAbhidhA || 11 ||

manasA devi tu shaktA chAtmanA siddhayoginI |

tena tvaM manasAdevI pUjitA vanditA bhave || 12 ||

yAM bhaktyA manasA devAH pUjayantyanishaM bhRRisham |

tena tvAM manasAdevIM pravadanti purAvidaH || 13 ||

sattvarUpA cha devI tvaM shashvatsattvaniShevayA |

yo hi yadbhAvayennityaM shataM prApnoti tatsamam || 14 ||

idaM stotraM puNyabIjaM tAM sampUjya cha yaH paThet |

tasya nAgabhayaM nAsti tasya vaMshodbhavasya cha || 15 ||

viShaM bhavetsudhAtulyaM siddhastotraM yadA paThet |

pa~nchalakShajapenaiva siddhastotro bhavennaraH |

sarpashAyI bhavetso.api nishchitaM sarpavAhanaH || 16 ||

iti shrIbrahmavaivarte mahApurANe prakRRitikhaNDe ShaTchatvAriMsho.adhyAye mahendra kRRita shrI manasAdevI stotram ||

AstIkamuni mantraH

sarpApasarpa bhadraM te gachCha sarpa mahAviSha |

janamejayasya yaj~nAnte AstIkavachanaM smara ||