Sri Manasa Devi Stotram (Mahendra Kritam)

zrI manasA devI stotram (mahendra kRtam)

zloka 1

devi tvAM stotumicchAmi sAdhvInAM pravarAM parAm |

parAtparAM ca paramAM na hi stotuM kSamo'dhunA || 1 ||

stotrANAM lakSaNaM vede svabhAvAkhyAnataH param |

na kSamaH prakRtiM vaktuM guNAnAM tava suvrate || 2 ||

zuddhasattvasvarUpA tvaM kopahiMsAvivarjitA |

na ca zapto munistena tyaktayA ca tvayA yataH || 3 ||

tvaM mayA pUjitA sAdhvI jananI ca yathA'ditiH |

dayArUpA ca bhaginI kSamArUpA yathA prasUH || 4 ||

tvayA me rakSitAH prANA putradArAH surezvari |

ahaM karomi tvAM pUjyAM mama prItizca vardhate || 5 ||

nityaM yadyapi pUjyA tvaM bhave'tra jagadambike |

tathApi tava pUjAM vai vardhayAmi punaH punaH || 6 ||

ye tvAmASADhasaGkrAntyAM pUjayiSyanti bhaktitaH |

paJcamyAM manasAkhyAyAM mAsAnte vA dine dine || 7 ||

putrapautrAdayasteSAM vardhante ca dhanAni ca |

yazasvinaH kIrtimanto vidyAvanto guNAnvitAH || 8 ||

ye tvAM na pUjayiSyanti nindantyajJAnato janAH |

lakSmIhInA bhaviSyanti teSAM nAgabhayaM sadA || 9 ||

tvaM svargalakSmIH svarge ca vaikuNThe kamalAkalA |

nArAyaNAMzo bhagavAn jaratkArurmunIzvaraH || 10 ||

tapasA tejasA tvAM ca manasA sasRje pitA |

asmAkaM rakSaNAyaiva tena tvaM manasAbhidhA || 11 ||

manasA devi tu zaktA cAtmanA siddhayoginI |

tena tvaM manasAdevI pUjitA vanditA bhave || 12 ||

yAM bhaktyA manasA devAH pUjayantyanizaM bhRzam |

tena tvAM manasAdevIM pravadanti purAvidaH || 13 ||

sattvarUpA ca devI tvaM zazvatsattvaniSevayA |

yo hi yadbhAvayennityaM zataM prApnoti tatsamam || 14 ||

idaM stotraM puNyabIjaM tAM sampUjya ca yaH paThet |

tasya nAgabhayaM nAsti tasya vaMzodbhavasya ca || 15 ||

viSaM bhavetsudhAtulyaM siddhastotraM yadA paThet |

paJcalakSajapenaiva siddhastotro bhavennaraH |

sarpazAyI bhavetso'pi nizcitaM sarpavAhanaH || 16 ||

iti zrIbrahmavaivarte mahApurANe prakRtikhaNDe SaTcatvAriMzo'dhyAye mahendra kRta zrI manasAdevI stotram ||

AstIkamuni mantraH

sarpApasarpa bhadraM te gaccha sarpa mahAviSa |

janamejayasya yajJAnte AstIkavacanaM smara ||