Sri Mahishasura Mardini Stotram (Ayigiri Nandini)

শ্রী মহিষাসুর মর্দিনী স্তোত্রম্ (অযিগিরি নন্দিনি)

শ্লোক 1

অযি গিরিনন্দিনি নন্দিতমেদিনি বিশ্ববিনোদিনি নন্দিনুতে

গিরিবরবিন্ধ্যশিরোধিনিবাসিনি বিষ্ণুবিলাসিনি জিষ্ণুনুতে ।

ভগবতি হে শিতিকণ্ঠকুটুম্বিনি ভূরিকুটুম্বিনি ভূরিকৃতে

জয জয হে মহিষাসুরমর্দিনি রম্যকপর্দিনি শৈলসুতে

শ্লোক 2

সুরবরবর্ষিণি দুর্ধরধর্ষিণি দুর্মুখমর্ষিণি হর্ষরতে

ত্রিভুবনপোষিণি শঙ্করতোষিণি কল্মষমোষিণি ঘোররতে । [কিল্বিষ-, ঘোষ-]

দনুজনিরোষিণি দিতিসুতরোষিণি দুর্মদশোষিণি সিন্ধুসুতে

জয জয হে মহিষাসুরমর্দিনি রম্যকপর্দিনি শৈলসুতে

॥ 1 ॥

শ্লোক 3

অযি জগদম্ব মদম্ব কদম্ববনপ্রিযবাসিনি হাসরতে

শিখরি শিরোমণি তুঙ্গহিমালয শৃঙ্গনিজালয মধ্যগতে ।

মধুমধুরে মধুকৈটভগঞ্জিনি কৈটভভঞ্জিনি রাসরতে

জয জয হে মহিষাসুরমর্দিনি রম্যকপর্দিনি শৈলসুতে

॥ 2 ॥

শ্লোক 4

অযি শতখণ্ড বিখণ্ডিতরুণ্ড বিতুণ্ডিতশুণ্ড গজাধিপতে

রিপুগজগণ্ড বিদারণচণ্ড পরাক্রমশুণ্ড মৃগাধিপতে ।

নিজভুজদণ্ড নিপাতিতখণ্ড বিপাতিতমুণ্ড ভটাধিপতে [-চণ্ড]

জয জয হে মহিষাসুরমর্দিনি রম্যকপর্দিনি শৈলসুতে

॥ 3 ॥

শ্লোক 5

অযি রণদুর্মদ শত্রুবধোদিত দুর্ধরনির্জর শক্তিভৃতে

চতুরবিচারধুরীণ মহাশিব দূতকৃত প্রমথাধিপতে ।

দুরিতদুরীহ দুরাশয দুর্মতি দানবদূত কৃতান্তমতে

জয জয হে মহিষাসুরমর্দিনি রম্যকপর্দিনি শৈলসুতে

॥ 4 ॥

শ্লোক 6

অযি শরণাগত বৈরিবধূবর বীরবরাভযদাযকরে

ত্রিভুবন মস্তক শূলবিরোধি শিরোধিকৃতামল শূলকরে ।

দুমিদুমিতামর দুন্দুভিনাদ মহো মুখরীকৃত তিগ্মকরে

জয জয হে মহিষাসুরমর্দিনি রম্যকপর্দিনি শৈলসুতে

॥ 5 ॥

শ্লোক 7

অযি নিজহুঙ্কৃতিমাত্র নিরাকৃত ধূম্রবিলোচন ধূম্রশতে

সমরবিশোষিত শোণিতবীজ সমুদ্ভবশোণিত বীজলতে ।

শিব শিব শুম্ভ নিশুম্ভ মহাহব তর্পিত ভূত পিশাচরতে

জয জয হে মহিষাসুরমর্দিনি রম্যকপর্দিনি শৈলসুতে

॥ 6 ॥

শ্লোক 8

ধনুরনুসঙ্গ রণক্ষণসঙ্গ পরিস্ফুরদঙ্গ নটত্কটকে

কনক পিশঙ্গ পৃষত্কনিষঙ্গরসদ্ভট শৃঙ্গ হতাবটুকে ।

কৃতচতুরঙ্গ বলক্ষিতিরঙ্গ ঘটদ্বহুরঙ্গ রটদ্বটুকে

জয জয হে মহিষাসুরমর্দিনি রম্যকপর্দিনি শৈলসুতে

॥ 7 ॥

শ্লোক 9

সুরললনা ততথেযি তথেযি কৃতাভিনযোদর নৃত্যরতে

কৃত কুকুথঃ কুকুথো গডদাদিকতাল কুতূহল গানরতে ।

ধুধুকুট ধুক্কুট ধিন্ধিমিত ধ্বনি ধীর মৃদঙ্গ নিনাদরতে

জয জয হে মহিষাসুরমর্দিনি রম্যকপর্দিনি শৈলসুতে

॥ 8 ॥

শ্লোক 10

জয জয জপ্য জযে জয শব্দপরস্তুতি তত্পর বিশ্বনুতে

ভণ ভণ ভিঞ্জিমি ভিঙ্কৃতনূপুর সিঞ্জিতমোহিত ভূতপতে । [ঝ-, ঝিং-]

নটিতনটার্ধ নটীনটনাযক নাটিতনাট্য সুগানরতে

জয জয হে মহিষাসুরমর্দিনি রম্যকপর্দিনি শৈলসুতে

॥ 9 ॥

শ্লোক 11

অযি সুমনঃ সুমনঃ সুমনঃ সুমনঃ সুমনোহর কান্তিযুতে

শ্রিত রজনী রজনী রজনী রজনী রজনীকর বক্ত্রবৃতে ।

সুনযন বিভ্রমর ভ্রমর ভ্রমর ভ্রমর ভ্রমরাধিপতে

জয জয হে মহিষাসুরমর্দিনি রম্যকপর্দিনি শৈলসুতে

॥ 10 ॥

শ্লোক 12

সহিত মহাহব মল্লম তল্লিক মল্লিত রল্লক মল্লরতে

বিরচিত বল্লিক পল্লিক মল্লিক ভিল্লিক ভিল্লিক বর্গ বৃতে ।

সিতকৃত ফুল্লসমুল্লসিতারুণ তল্লজ পল্লব সল্ললিতে

জয জয হে মহিষাসুরমর্দিনি রম্যকপর্দিনি শৈলসুতে

॥ 11 ॥

শ্লোক 13

অবিরলগণ্ডগলন্মদমেদুর মত্তমতঙ্গজ রাজপতে

ত্রিভুবনভূষণ ভূতকলানিধি রূপপযোনিধি রাজসুতে ।

অযি সুদতীজন লালসমানস মোহনমন্মথ রাজসুতে

জয জয হে মহিষাসুরমর্দিনি রম্যকপর্দিনি শৈলসুতে

॥ 12 ॥

শ্লোক 14

কমলদলামল কোমলকান্তি কলাকলিতামল ভাললতে

সকলবিলাস কলানিলয ক্রমকেলিচলত্কলহংসকুলে ।

অলিকুল সঙ্কুল কুবলয মণ্ডল মৌলিমিলদ্ভকুলালি কুলে

জয জয হে মহিষাসুরমর্দিনি রম্যকপর্দিনি শৈলসুতে

॥ 13 ॥

শ্লোক 15

করমুরলীরব বীজিত কূজিত লজ্জিতকোকিল মঞ্জুমতে

মিলিত পুলিন্দ মনোহর গুঞ্জিত রঞ্জিতশৈল নিকুঞ্জগতে ।

নিজগুণভূত মহাশবরীগণ সদ্গুণসম্ভৃত কেলিতলে

জয জয হে মহিষাসুরমর্দিনি রম্যকপর্দিনি শৈলসুতে

॥ 14 ॥

শ্লোক 16

কটিতটপীত দুকূলবিচিত্র মযূখতিরস্কৃত চন্দ্ররুচে

প্রণতসুরাসুর মৌলিমণিস্ফুর দংশুলসন্নখ চন্দ্ররুচে ।

জিতকনকাচল মৌলিপদোর্জিত নির্ভরকুঞ্জর কুম্ভকুচে

জয জয হে মহিষাসুরমর্দিনি রম্যকপর্দিনি শৈলসুতে

॥ 15 ॥

শ্লোক 17

বিজিত সহস্রকরৈক সহস্রকরৈক সহস্রকরৈকনুতে

কৃত সুরতারক সঙ্গরতারক সঙ্গরতারক সূনুসুতে ।

সুরথসমাধি সমানসমাধি সমাধি সমাধি সুজাতরতে

জয জয হে মহিষাসুরমর্দিনি রম্যকপর্দিনি শৈলসুতে

॥ 16 ॥

শ্লোক 18

পদকমলং করুণানিলযে বরিবস্যতি যোঽনুদিনং স শিবে

অযি কমলে কমলানিলযে কমলানিলযঃ স কথং ন ভবেত্ ।

তব পদমেব পরম্পদমিত্যনুশীলযতো মম কিং ন শিবে

জয জয হে মহিষাসুরমর্দিনি রম্যকপর্দিনি শৈলসুতে

॥ 17 ॥

শ্লোক 19

কনকলসত্কল সিন্ধুজলৈরনুসিঞ্চিনুতে গুণরঙ্গভুবং

ভজতি স কিং ন শচীকুচকুম্ভ তটীপরিরম্ভ সুখানুভবম্ ।

তব চরণং শরণং করবাণি নতামরবাণি নিবাসি শিবং

জয জয হে মহিষাসুরমর্দিনি রম্যকপর্দিনি শৈলসুতে

॥ 18 ॥

শ্লোক 20

তব বিমলেন্দুকুলং বদনেন্দুমলং সকলং ননু কূলযতে

কিমু পুরুহূত পুরীন্দুমুখী সুমুখীভিরসৌ বিমুখীক্রিযতে ।

মম তু মতং শিবনামধনে ভবতী কৃপযা কিমুত ক্রিযতে

জয জয হে মহিষাসুরমর্দিনি রম্যকপর্দিনি শৈলসুতে

॥ 19 ॥

শ্লোক 21

অযি মযি দীনদযালুতযা কৃপযৈব ত্বযা ভবিতব্যমুমে

অযি জগতো জননী কৃপযাসি যথাসি তথাঽনুভিতাসিরতে ।

যদুচিতমত্র ভবত্যুররি কুরুতাদুরুতাপমপাকুরু তে [মে]

জয জয হে মহিষাসুরমর্দিনি রম্যকপর্দিনি শৈলসুতে

॥ 20 ॥

শ্লোক 22

ইতি শ্রী মহিষাসুরমর্দিনি স্তোত্রম্ ॥