శ్రీ మహిషాసుర మర్దినీ స్తోత్రమ్ (అయిగిరి నన్దిని)

శ్రీ మహిషాసుర మర్దినీ స్తోత్రమ్ (అయిగిరి నన్దిని)

శ్లోక 1

అయి గిరినన్దిని నన్దితమేదిని విశ్వవినోదిని నన్దినుతే

గిరివరవిన్ధ్యశిరోధినివాసిని విష్ణువిలాసిని జిష్ణునుతే ।

భగవతి హే శితికణ్ఠకుటుమ్బిని భూరికుటుమ్బిని భూరికృతే

జయ జయ హే మహిషాసురమర్దిని రమ్యకపర్దిని శైలసుతే

శ్లోక 2

సురవరవర్షిణి దుర్ధరధర్షిణి దుర్ముఖమర్షిణి హర్షరతే

త్రిభువనపోషిణి శఙ్కరతోషిణి కల్మషమోషిణి ఘోరరతే । [కిల్బిష-, ఘోష-]

దనుజనిరోషిణి దితిసుతరోషిణి దుర్మదశోషిణి సిన్ధుసుతే

జయ జయ హే మహిషాసురమర్దిని రమ్యకపర్దిని శైలసుతే

॥ 1 ॥

శ్లోక 3

అయి జగదమ్బ మదమ్బ కదమ్బవనప్రియవాసిని హాసరతే

శిఖరి శిరోమణి తుఙ్గహిమాలయ శృఙ్గనిజాలయ మధ్యగతే ।

మధుమధురే మధుకైటభగఞ్జిని కైటభభఞ్జిని రాసరతే

జయ జయ హే మహిషాసురమర్దిని రమ్యకపర్దిని శైలసుతే

॥ 2 ॥

శ్లోక 4

అయి శతఖణ్డ విఖణ్డితరుణ్డ వితుణ్డితశుణ్డ గజాధిపతే

రిపుగజగణ్డ విదారణచణ్డ పరాక్రమశుణ్డ మృగాధిపతే ।

నిజభుజదణ్డ నిపాతితఖణ్డ విపాతితముణ్డ భటాధిపతే [-చణ్డ]

జయ జయ హే మహిషాసురమర్దిని రమ్యకపర్దిని శైలసుతే

॥ 3 ॥

శ్లోక 5

అయి రణదుర్మద శత్రువధోదిత దుర్ధరనిర్జర శక్తిభృతే

చతురవిచారధురీణ మహాశివ దూతకృత ప్రమథాధిపతే ।

దురితదురీహ దురాశయ దుర్మతి దానవదూత కృతాన్తమతే

జయ జయ హే మహిషాసురమర్దిని రమ్యకపర్దిని శైలసుతే

॥ 4 ॥

శ్లోక 6

అయి శరణాగత వైరివధూవర వీరవరాభయదాయకరే

త్రిభువన మస్తక శూలవిరోధి శిరోధికృతామల శూలకరే ।

దుమిదుమితామర దున్దుభినాద మహో ముఖరీకృత తిగ్మకరే

జయ జయ హే మహిషాసురమర్దిని రమ్యకపర్దిని శైలసుతే

॥ 5 ॥

శ్లోక 7

అయి నిజహుఙ్కృతిమాత్ర నిరాకృత ధూమ్రవిలోచన ధూమ్రశతే

సమరవిశోషిత శోణితబీజ సముద్భవశోణిత బీజలతే ।

శివ శివ శుమ్భ నిశుమ్భ మహాహవ తర్పిత భూత పిశాచరతే

జయ జయ హే మహిషాసురమర్దిని రమ్యకపర్దిని శైలసుతే

॥ 6 ॥

శ్లోక 8

ధనురనుసఙ్గ రణక్షణసఙ్గ పరిస్ఫురదఙ్గ నటత్కటకే

కనక పిశఙ్గ పృషత్కనిషఙ్గరసద్భట శృఙ్గ హతావటుకే ।

కృతచతురఙ్గ బలక్షితిరఙ్గ ఘటద్బహురఙ్గ రటద్బటుకే

జయ జయ హే మహిషాసురమర్దిని రమ్యకపర్దిని శైలసుతే

॥ 7 ॥

శ్లోక 9

సురలలనా తతథేయి తథేయి కృతాభినయోదర నృత్యరతే

కృత కుకుథః కుకుథో గడదాదికతాల కుతూహల గానరతే ।

ధుధుకుట ధుక్కుట ధిన్ధిమిత ధ్వని ధీర మృదఙ్గ నినాదరతే

జయ జయ హే మహిషాసురమర్దిని రమ్యకపర్దిని శైలసుతే

॥ 8 ॥

శ్లోక 10

జయ జయ జప్య జయే జయ శబ్దపరస్తుతి తత్పర విశ్వనుతే

భణ భణ భిఞ్జిమి భిఙ్కృతనూపుర సిఞ్జితమోహిత భూతపతే । [ఝ-, ఝిం-]

నటితనటార్ధ నటీనటనాయక నాటితనాట్య సుగానరతే

జయ జయ హే మహిషాసురమర్దిని రమ్యకపర్దిని శైలసుతే

॥ 9 ॥

శ్లోక 11

అయి సుమనః సుమనః సుమనః సుమనః సుమనోహర కాన్తియుతే

శ్రిత రజనీ రజనీ రజనీ రజనీ రజనీకర వక్త్రవృతే ।

సునయన విభ్రమర భ్రమర భ్రమర భ్రమర భ్రమరాధిపతే

జయ జయ హే మహిషాసురమర్దిని రమ్యకపర్దిని శైలసుతే

॥ 10 ॥

శ్లోక 12

సహిత మహాహవ మల్లమ తల్లిక మల్లిత రల్లక మల్లరతే

విరచిత వల్లిక పల్లిక మల్లిక భిల్లిక భిల్లిక వర్గ వృతే ।

సితకృత ఫుల్లసముల్లసితారుణ తల్లజ పల్లవ సల్లలితే

జయ జయ హే మహిషాసురమర్దిని రమ్యకపర్దిని శైలసుతే

॥ 11 ॥

శ్లోక 13

అవిరలగణ్డగలన్మదమేదుర మత్తమతఙ్గజ రాజపతే

త్రిభువనభూషణ భూతకలానిధి రూపపయోనిధి రాజసుతే ।

అయి సుదతీజన లాలసమానస మోహనమన్మథ రాజసుతే

జయ జయ హే మహిషాసురమర్దిని రమ్యకపర్దిని శైలసుతే

॥ 12 ॥

శ్లోక 14

కమలదలామల కోమలకాన్తి కలాకలితామల భాలలతే

సకలవిలాస కలానిలయ క్రమకేలిచలత్కలహంసకులే ।

అలికుల సఙ్కుల కువలయ మణ్డల మౌలిమిలద్భకులాలి కులే

జయ జయ హే మహిషాసురమర్దిని రమ్యకపర్దిని శైలసుతే

॥ 13 ॥

శ్లోక 15

కరమురలీరవ వీజిత కూజిత లజ్జితకోకిల మఞ్జుమతే

మిలిత పులిన్ద మనోహర గుఞ్జిత రఞ్జితశైల నికుఞ్జగతే ।

నిజగుణభూత మహాశబరీగణ సద్గుణసమ్భృత కేలితలే

జయ జయ హే మహిషాసురమర్దిని రమ్యకపర్దిని శైలసుతే

॥ 14 ॥

శ్లోక 16

కటితటపీత దుకూలవిచిత్ర మయూఖతిరస్కృత చన్ద్రరుచే

ప్రణతసురాసుర మౌలిమణిస్ఫుర దంశులసన్నఖ చన్ద్రరుచే ।

జితకనకాచల మౌలిపదోర్జిత నిర్భరకుఞ్జర కుమ్భకుచే

జయ జయ హే మహిషాసురమర్దిని రమ్యకపర్దిని శైలసుతే

॥ 15 ॥

శ్లోక 17

విజిత సహస్రకరైక సహస్రకరైక సహస్రకరైకనుతే

కృత సురతారక సఙ్గరతారక సఙ్గరతారక సూనుసుతే ।

సురథసమాధి సమానసమాధి సమాధి సమాధి సుజాతరతే

జయ జయ హే మహిషాసురమర్దిని రమ్యకపర్దిని శైలసుతే

॥ 16 ॥

శ్లోక 18

పదకమలం కరుణానిలయే వరివస్యతి యోఽనుదినం స శివే

అయి కమలే కమలానిలయే కమలానిలయః స కథం న భవేత్ ।

తవ పదమేవ పరమ్పదమిత్యనుశీలయతో మమ కిం న శివే

జయ జయ హే మహిషాసురమర్దిని రమ్యకపర్దిని శైలసుతే

॥ 17 ॥

శ్లోక 19

కనకలసత్కల సిన్ధుజలైరనుసిఞ్చినుతే గుణరఙ్గభువం

భజతి స కిం న శచీకుచకుమ్భ తటీపరిరమ్భ సుఖానుభవమ్ ।

తవ చరణం శరణం కరవాణి నతామరవాణి నివాసి శివం

జయ జయ హే మహిషాసురమర్దిని రమ్యకపర్దిని శైలసుతే

॥ 18 ॥

శ్లోక 20

తవ విమలేన్దుకులం వదనేన్దుమలం సకలం నను కూలయతే

కిము పురుహూత పురీన్దుముఖీ సుముఖీభిరసౌ విముఖీక్రియతే ।

మమ తు మతం శివనామధనే భవతీ కృపయా కిముత క్రియతే

జయ జయ హే మహిషాసురమర్దిని రమ్యకపర్దిని శైలసుతే

॥ 19 ॥

శ్లోక 21

అయి మయి దీనదయాలుతయా కృపయైవ త్వయా భవితవ్యముమే

అయి జగతో జననీ కృపయాసి యథాసి తథాఽనుభితాసిరతే ।

యదుచితమత్ర భవత్యురరి కురుతాదురుతాపమపాకురు తే [మే]

జయ జయ హే మహిషాసురమర్దిని రమ్యకపర్దిని శైలసుతే

॥ 20 ॥

శ్లోక 22

ఇతి శ్రీ మహిషాసురమర్దిని స్తోత్రమ్ ॥