શ્રી મહિષાસુર મર્દિની સ્તોત્રમ્ (અયિગિરિ નન્દિનિ)

શ્રી મહિષાસુર મર્દિની સ્તોત્રમ્ (અયિગિરિ નન્દિનિ)

શ્લોક 1

અયિ ગિરિનન્દિનિ નન્દિતમેદિનિ વિશ્વવિનોદિનિ નન્દિનુતે

ગિરિવરવિન્ધ્યશિરોધિનિવાસિનિ વિષ્ણુવિલાસિનિ જિષ્ણુનુતે ।

ભગવતિ હે શિતિકણ્ઠકુટુમ્બિનિ ભૂરિકુટુમ્બિનિ ભૂરિકૃતે

જય જય હે મહિષાસુરમર્દિનિ રમ્યકપર્દિનિ શૈલસુતે

શ્લોક 2

સુરવરવર્ષિણિ દુર્ધરધર્ષિણિ દુર્મુખમર્ષિણિ હર્ષરતે

ત્રિભુવનપોષિણિ શઙ્કરતોષિણિ કલ્મષમોષિણિ ઘોરરતે । [કિલ્બિષ-, ઘોષ-]

દનુજનિરોષિણિ દિતિસુતરોષિણિ દુર્મદશોષિણિ સિન્ધુસુતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 1 ॥

શ્લોક 3

અયિ જગદમ્બ મદમ્બ કદમ્બવનપ્રિયવાસિનિ હાસરતે

શિખરિ શિરોમણિ તુઙ્ગહિમાલય શૃઙ્ગનિજાલય મધ્યગતે ।

મધુમધુરે મધુકૈટભગઞ્જિનિ કૈટભભઞ્જિનિ રાસરતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 2 ॥

શ્લોક 4

અયિ શતખણ્ડ વિખણ્ડિતરુણ્ડ વિતુણ્ડિતશુણ્ડ ગજાધિપતે

રિપુગજગણ્ડ વિદારણચણ્ડ પરાક્રમશુણ્ડ મૃગાધિપતે ।

નિજભુજદણ્ડ નિપાતિતખણ્ડ વિપાતિતમુણ્ડ ભટાધિપતે [-ચણ્ડ]

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 3 ॥

શ્લોક 5

અયિ રણદુર્મદ શત્રુવધોદિત દુર્ધરનિર્જર શક્તિભૃતે

ચતુરવિચારધુરીણ મહાશિવ દૂતકૃત પ્રમથાધિપતે ।

દુરિતદુરીહ દુરાશય દુર્મતિ દાનવદૂત કૃતાન્તમતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 4 ॥

શ્લોક 6

અયિ શરણાગત વૈરિવધૂવર વીરવરાભયદાયકરે

ત્રિભુવન મસ્તક શૂલવિરોધિ શિરોધિકૃતામલ શૂલકરે ।

દુમિદુમિતામર દુન્દુભિનાદ મહો મુખરીકૃત તિગ્મકરે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 5 ॥

શ્લોક 7

અયિ નિજહુઙ્કૃતિમાત્ર નિરાકૃત ધૂમ્રવિલોચન ધૂમ્રશતે

સમરવિશોષિત શોણિતબીજ સમુદ્ભવશોણિત બીજલતે ।

શિવ શિવ શુમ્ભ નિશુમ્ભ મહાહવ તર્પિત ભૂત પિશાચરતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 6 ॥

શ્લોક 8

ધનુરનુસઙ્ગ રણક્ષણસઙ્ગ પરિસ્ફુરદઙ્ગ નટત્કટકે

કનક પિશઙ્ગ પૃષત્કનિષઙ્ગરસદ્ભટ શૃઙ્ગ હતાવટુકે ।

કૃતચતુરઙ્ગ બલક્ષિતિરઙ્ગ ઘટદ્બહુરઙ્ગ રટદ્બટુકે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 7 ॥

શ્લોક 9

સુરલલના તતથેયિ તથેયિ કૃતાભિનયોદર નૃત્યરતે

કૃત કુકુથઃ કુકુથો ગડદાદિકતાલ કુતૂહલ ગાનરતે ।

ધુધુકુટ ધુક્કુટ ધિન્ધિમિત ધ્વનિ ધીર મૃદઙ્ગ નિનાદરતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 8 ॥

શ્લોક 10

જય જય જપ્ય જયે જય શબ્દપરસ્તુતિ તત્પર વિશ્વનુતે

ભણ ભણ ભિઞ્જિમિ ભિઙ્કૃતનૂપુર સિઞ્જિતમોહિત ભૂતપતે । [ઝ-, ઝિં-]

નટિતનટાર્ધ નટીનટનાયક નાટિતનાટ્ય સુગાનરતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 9 ॥

શ્લોક 11

અયિ સુમનઃ સુમનઃ સુમનઃ સુમનઃ સુમનોહર કાન્તિયુતે

શ્રિત રજની રજની રજની રજની રજનીકર વક્ત્રવૃતે ।

સુનયન વિભ્રમર ભ્રમર ભ્રમર ભ્રમર ભ્રમરાધિપતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 10 ॥

શ્લોક 12

સહિત મહાહવ મલ્લમ તલ્લિક મલ્લિત રલ્લક મલ્લરતે

વિરચિત વલ્લિક પલ્લિક મલ્લિક ભિલ્લિક ભિલ્લિક વર્ગ વૃતે ।

સિતકૃત ફુલ્લસમુલ્લસિતારુણ તલ્લજ પલ્લવ સલ્લલિતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 11 ॥

શ્લોક 13

અવિરલગણ્ડગલન્મદમેદુર મત્તમતઙ્ગજ રાજપતે

ત્રિભુવનભૂષણ ભૂતકલાનિધિ રૂપપયોનિધિ રાજસુતે ।

અયિ સુદતીજન લાલસમાનસ મોહનમન્મથ રાજસુતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 12 ॥

શ્લોક 14

કમલદલામલ કોમલકાન્તિ કલાકલિતામલ ભાલલતે

સકલવિલાસ કલાનિલય ક્રમકેલિચલત્કલહંસકુલે ।

અલિકુલ સઙ્કુલ કુવલય મણ્ડલ મૌલિમિલદ્ભકુલાલિ કુલે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 13 ॥

શ્લોક 15

કરમુરલીરવ વીજિત કૂજિત લજ્જિતકોકિલ મઞ્જુમતે

મિલિત પુલિન્દ મનોહર ગુઞ્જિત રઞ્જિતશૈલ નિકુઞ્જગતે ।

નિજગુણભૂત મહાશબરીગણ સદ્ગુણસમ્ભૃત કેલિતલે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 14 ॥

શ્લોક 16

કટિતટપીત દુકૂલવિચિત્ર મયૂખતિરસ્કૃત ચન્દ્રરુચે

પ્રણતસુરાસુર મૌલિમણિસ્ફુર દંશુલસન્નખ ચન્દ્રરુચે ।

જિતકનકાચલ મૌલિપદોર્જિત નિર્ભરકુઞ્જર કુમ્ભકુચે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 15 ॥

શ્લોક 17

વિજિત સહસ્રકરૈક સહસ્રકરૈક સહસ્રકરૈકનુતે

કૃત સુરતારક સઙ્ગરતારક સઙ્ગરતારક સૂનુસુતે ।

સુરથસમાધિ સમાનસમાધિ સમાધિ સમાધિ સુજાતરતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 16 ॥

શ્લોક 18

પદકમલં કરુણાનિલયે વરિવસ્યતિ યોઽનુદિનં સ શિવે

અયિ કમલે કમલાનિલયે કમલાનિલયઃ સ કથં ન ભવેત્ ।

તવ પદમેવ પરમ્પદમિત્યનુશીલયતો મમ કિં ન શિવે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 17 ॥

શ્લોક 19

કનકલસત્કલ સિન્ધુજલૈરનુસિઞ્ચિનુતે ગુણરઙ્ગભુવં

ભજતિ સ કિં ન શચીકુચકુમ્ભ તટીપરિરમ્ભ સુખાનુભવમ્ ।

તવ ચરણં શરણં કરવાણિ નતામરવાણિ નિવાસિ શિવં

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 18 ॥

શ્લોક 20

તવ વિમલેન્દુકુલં વદનેન્દુમલં સકલં નનુ કૂલયતે

કિમુ પુરુહૂત પુરીન્દુમુખી સુમુખીભિરસૌ વિમુખીક્રિયતે ।

મમ તુ મતં શિવનામધને ભવતી કૃપયા કિમુત ક્રિયતે

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 19 ॥

શ્લોક 21

અયિ મયિ દીનદયાલુતયા કૃપયૈવ ત્વયા ભવિતવ્યમુમે

અયિ જગતો જનની કૃપયાસિ યથાસિ તથાઽનુભિતાસિરતે ।

યદુચિતમત્ર ભવત્યુરરિ કુરુતાદુરુતાપમપાકુરુ તે [મે]

જય જય હે મહિષાસુરમર્દિનિ રમ્યકપર્દિનિ શૈલસુતે

॥ 20 ॥

શ્લોક 22

ઇતિ શ્રી મહિષાસુરમર્દિનિ સ્તોત્રમ્ ॥