శ్రీ మహాకాలీ స్తోత్రం

శ్రీ మహాకాలీ స్తోత్రం

శ్లోక 1

ధ్యానమ్

శవారూఢాం మహాభీమాం ఘోరదంష్ట్రాం వరప్రదాం

హాస్యయుక్తాం త్రిణేత్రాఞ్చ కపాల కర్త్రికా కరామ్ ।

ముక్తకేశీం లలజ్జిహ్వాం పిబన్తీం రుధిరం ముహుః

చతుర్బాహుయుతాం దేవీం వరాభయకరాం స్మరేత్ ॥

శవారూఢాం మహాభీమాం ఘోరదంష్ట్రాం హసన్ముఖీం

చతుర్భుజాం ఖడ్గముణ్డవరాభయకరాం శివామ్ ।

ముణ్డమాలాధరాం దేవీం లలజ్జిహ్వాం దిగమ్బరాం

ఏవం సఞ్చిన్తయేత్కాలీం శ్మశనాలయవాసినీమ్ ॥

స్తోత్రమ్

విశ్వేశ్వరీం జగద్ధాత్రీం స్థితిసంహారకారిణీమ్ ।

నిద్రాం భగవతీం విష్ణోరతులాం తేజసః ప్రభామ్

శ్లోక 2

త్వం స్వాహా త్వం స్వధా త్వం హి వషట్కారః స్వరాత్మికా ।

సుధా త్వమక్షరే నిత్యే త్రిధా మాత్రాత్మికా స్థితా

॥ 1 ॥

శ్లోక 3

అర్థమాత్రాస్థితా నిత్యా యానుచ్చార్యా విశేషతః ।

త్వమేవ సన్ధ్యా సావిత్రీ త్వం దేవీ జననీ పరా

॥ 2 ॥

శ్లోక 4

త్వయైతద్ధార్యతే విశ్వం త్వయైతద్సృజ్యతే జగత్ ।

త్వయైతత్పాల్యతే దేవి త్వమత్స్యన్తే చ సర్వదా

॥ 3 ॥

శ్లోక 5

విసృష్టౌ సృష్టిరూపా త్వం స్థితిరూపా చ పాలనే ।

తథా సంహృతిరూపాన్తే జగతోఽస్య జగన్మయే

॥ 4 ॥

శ్లోక 6

మహావిద్యా మహామాయా మహామేధా మహాస్మృతిః ।

మహామోహా చ భవతీ మహాదేవీ మహేశ్వరీ

॥ 5 ॥

శ్లోక 7

ప్రకృతిస్త్వం చ సర్వస్య గుణత్రయవిభావినీ ।

కాలరాత్రిర్మహారాత్రిర్మోహరాత్రిశ్చ దారుణా

॥ 6 ॥

శ్లోక 8

త్వం శ్రీస్త్వమీశ్వరీ త్వం హ్రీస్త్వం బుద్ధిర్బోధలక్షణా ।

లజ్జా పుష్టిస్తథా తుష్టిస్త్వం శాన్తిః క్షాన్తిరేవ చ

॥ 7 ॥

శ్లోక 9

ఖడ్గినీ శూలినీ ఘోరా గదినీ చక్రిణీ తథా ।

శఙ్ఖినీ చాపినీ బాణభుశుణ్డీపరిఘాయుధా

॥ 8 ॥

శ్లోక 10

సౌమ్యా సౌమ్యతరాశేషా సౌమ్యేభ్యస్త్వతిసున్దరీ ।

పరాపరాణాం పరమా త్వమేవ పరమేశ్వరీ

॥ 9 ॥

శ్లోక 11

యచ్చ కిఞ్చిత్ క్వచిద్వస్తు సదసద్వాఖిలాత్మికే ।

తస్య సర్వస్య యా శక్తిః సా త్వం కిం స్తూయసే తదా

॥ 10 ॥

శ్లోక 12

యయా త్వయా జగత్స్రష్టా జగత్పాత్యత్తి యో జగత్ ।

సోఽపి నిద్రావశం నీతః కస్త్వాం స్తోతుమిహేశ్వరః

॥ 11 ॥

శ్లోక 13

విష్ణుః శరీరగ్రహణమహమీశాన ఏవ చ ।

కారితాస్తే యతోఽతస్త్వాం కః స్తోతుం శక్తిమాన్ భవేత్

॥ 12 ॥

శ్లోక 14

సా త్వమిత్థం ప్రభావైః స్వైరుదారైర్దేవి సంస్తుతా ।

మోహయైతౌ దురాధర్షావసురౌ మధుకైటభౌ

॥ 13 ॥

శ్లోక 15

ప్రబోధం చ జగత్స్వామీ నీయతామచ్యుతో లఘు ।

బోధశ్చ క్రియతామస్య హన్తుమేతౌ మహాసురౌ

॥ 14 ॥

శ్లోక 16

ఇతి శ్రీ మహాకాలీ స్తోత్రమ్ ।