Aadya Kalika Ashtottara Sata Namavali

आद्य कालिका अष्टोत्तर शत नामावलिः

श्लोक 1

श्रीसदाशिव उवाच

शृणु देवि जगद्वन्द्ये स्तोत्रमेतदनुत्तमम् ।

पठनाच्छ्रवणाद्यस्य सर्वसिद्धीश्वरो भवेत्

श्लोक 2

असौभाग्यप्रशमनं सुखसम्पद्विवर्धनम् ।

अकालमृत्युहरणं सर्वापद्विनिवारणम्

॥ 1 ॥

श्लोक 3

श्रीमदाद्याकालिकायाः सुखसान्निध्यकारणम् ।

स्तवस्यास्य प्रसीदेन त्रिपुरारिरहं प्रिये

॥ 2 ॥

श्लोक 4

स्तोत्रस्यास्य ऋषिर्देवि सदाशिव उदाहृतः ।

छन्दोऽनुष्टुब्देवताद्या कालिका परिकीर्तिता ।

धर्मकामार्थमोक्षेषु विनियोगः प्रकीर्तितः

॥ 3 ॥

श्लोक 5

अथ स्तोत्रम्

ह्रीं काली श्रीं कराली च क्रीं कल्याणी कलावती ।

कमला कलिदर्पघ्नी कपर्दीशकृपान्विता

॥ 4 ॥

श्लोक 6

कालिका कालमाता च कालानलसमद्युतिः ।

कपर्दिनी करालास्या करुणामृतसागरा

॥ 5 ॥

श्लोक 7

कृपामयी कृपाधारा कृपापारा कृपागमा ।

कृशानुः कपिला कृष्णा कृष्णानन्दविवर्धिनी

॥ 6 ॥

श्लोक 8

कालरात्रिः कामरूपा कामपाशविमोचिनी ।

कादम्बिनी कलाधारा कलिकल्मषनाशिनी

॥ 7 ॥

श्लोक 9

कुमारीपूजनप्रीता कुमारीपूजकालया ।

कुमारीभोजनानन्दा कुमारीरूपधारिणी

॥ 8 ॥

श्लोक 10

कदम्बवनसञ्चारा कदम्बवनवासिनी ।

कदम्बपुष्पसन्तोषा कदम्बपुष्पमालिनी

॥ 9 ॥

श्लोक 11

किशोरी कलकण्ठा च कलनादनिनादिनी ।

कादम्बरीपानरता तथा कादम्बरीप्रिया

॥ 10 ॥

श्लोक 12

कपालपात्रनिरता कङ्कालमाल्यधारिणी ।

कमलासनसन्तुष्टा कमलासनवासिनी

॥ 11 ॥

श्लोक 13

कमलालयमध्यस्था कमलामोदमोदिनी ।

कलहंसगतिः क्लैब्यनाशिनी कामरूपिणी

॥ 12 ॥

श्लोक 14

कामरूपकृतावासा कामपीठविलासिनी ।

कमनीया कल्पलता कमनीयविभूषणा

॥ 13 ॥

श्लोक 15

कमनीयगुणाराध्या कोमलाङ्गी कृशोदरी ।

कारणामृतसन्तोषा कारणानन्दसिद्धिदा

॥ 14 ॥

श्लोक 16

कारणानन्दजापेष्टा कारणार्चनहर्षिता ।

कारणार्णवसम्मग्ना कारणव्रतपालिनी

॥ 15 ॥

श्लोक 17

कस्तूरीसौरभामोदा कस्तूरीतिलकोज्ज्वला ।

कस्तूरीपूजनरता कस्तूरीपूजकप्रिया

॥ 16 ॥

श्लोक 18

कस्तूरीदाहजननी कस्तूरीमृगतोषिणी ।

कस्तूरीभोजनप्रीता कर्पूरामोदमोदिता

॥ 17 ॥

श्लोक 19

कर्पूरमालाभरणा कर्पूरचन्दनोक्षिता ।

कर्पूरकारणाह्लादा कर्पूरामृतपायिनी

॥ 18 ॥

श्लोक 20

कर्पूरसागरस्नाता कर्पूरसागरालया ।

कूर्चबीजजपप्रीता कूर्चजापपरायणा

॥ 19 ॥

श्लोक 21

कुलीना कौलिकाराध्या कौलिकप्रियकारिणी ।

कुलाचारा कौतुकिनी कुलमार्गप्रदर्शिनी

॥ 20 ॥

श्लोक 22

काशीश्वरी कष्टहर्त्री काशीशवरदायिनी ।

काशीश्वरकृतामोदा काशीश्वरमनोरमा

॥ 21 ॥

श्लोक 23

कलमञ्जीरचरणा क्वणत्काञ्चीविभूषणा ।

काञ्चनाद्रिकृतागारा काञ्चनाचलकौमुदी

॥ 22 ॥

श्लोक 24

कामबीजजपानन्दा कामबीजस्वरूपिणी ।

कुमतिघ्नी कुलीनार्तिनाशिनी कुलकामिनी

॥ 23 ॥

श्लोक 25

क्रीं ह्रीं श्रीं मन्त्रवर्णेन कालकण्टकघातिनी ।

इत्याद्याकालिकादेव्याः शतनाम प्रकीर्तितम्

॥ 24 ॥

श्लोक 26

ककारकूटघटितं कालीरूपस्वरूपकम् ।

पूजाकाले पठेद्यस्तु कालिकाकृतमानसः

॥ 25 ॥

श्लोक 27

मन्त्रसिद्धिर्भवेदाशु तस्य काली प्रसीदति ।

बुद्धिं विद्यां च लभते गुरोरादेशमात्रतः

॥ 26 ॥

श्लोक 28

धनवान् कीर्तिमान् भूयाद्दानशीलो दयान्वितः ।

पुत्रपौत्रसुखैश्वर्यैर्मोदते साधको भुवि

॥ 27 ॥

श्लोक 29

भौमावास्यानिशाभागे मपञ्चकसमन्वितः ।

पूजयित्वा महाकालीमाद्यां त्रिभुवनेश्वरीम्

॥ 28 ॥

श्लोक 30

पठित्वा शतनामानि साक्षात्कालीमयो भवेत् ।

नासाध्यं विद्यते तस्य त्रिषु लोकेषु किञ्चन

॥ 29 ॥

श्लोक 31

विद्यायां वाक्पतिः साक्षात् धने धनपतिर्भवेत् ।

समुद्र इव गाम्भीर्ये बले च पवनोपमः

॥ 30 ॥

श्लोक 32

तिग्मांशुरिव दुष्प्रेक्ष्यः शशिवच्छुभदर्शनः ।

रूपे मूर्तिधरः कामो योषितां हृदयङ्गमः

॥ 31 ॥

श्लोक 33

सर्वत्र जयमाप्नोति स्तवस्यास्य प्रसादतः ।

यं यं कामं पुरस्कृत्य स्तोत्रमेतदुदीरयेत्

॥ 32 ॥

श्लोक 34

तं तं काममवाप्नोति श्रीमदाद्याप्रसादतः ।

रणे राजकुले द्यूते विवादे प्राणसङ्कटे

॥ 33 ॥

श्लोक 35

दस्युग्रस्ते ग्रामदाहे सिंहव्याघ्रावृते तथा ।

अरण्ये प्रान्तरे दुर्गे ग्रहराजभयेऽपि वा

॥ 34 ॥

श्लोक 36

ज्वरदाहे चिरव्याधौ महारोगादिसङ्कुले ।

बालग्रहादि रोगे च तथा दुःस्वप्नदर्शने

॥ 35 ॥

श्लोक 37

दुस्तरे सलिले वापि पोते वातविपद्गते ।

विचिन्त्य परमां मायामाद्यां कालीं परात्पराम्

॥ 36 ॥

श्लोक 38

यः पठेच्छतनामानि दृढभक्तिसमन्वितः ।

सर्वापद्भ्यो विमुच्येत देवि सत्यं न संशयः

॥ 37 ॥

श्लोक 39

न पापेभ्यो भयं तस्य न रोगोभ्यो भयं क्वचित् ।

सर्वत्र विजयस्तस्य न कुत्रापि पराभवः

॥ 38 ॥

श्लोक 40

तस्य दर्शनमात्रेण पलायन्ते विपद्गणाः ।

स वक्ता सर्वशास्त्राणां स भोक्ता सर्वसम्पदाम्

॥ 39 ॥

श्लोक 41

स कर्ता जातिधर्माणां ज्ञातीनां प्रभुरेव सः ।

वाणी तस्य वसेद्वक्त्रे कमला निश्चला गृहे

॥ 40 ॥

श्लोक 42

तन्नाम्ना मानवाः सर्वे प्रणमन्ति ससम्भ्रमाः ।

दृष्ट्या तस्य तृणायन्ते ह्यणिमाद्यष्टसिद्धयः

॥ 41 ॥

श्लोक 43

आद्याकालीस्वरूपाख्यं शतनाम प्रकीर्तितम् ।

अष्टोत्तरशतावृत्या पुरश्चर्याऽस्य गीयते

॥ 42 ॥

श्लोक 44

पुरस्क्रियान्वितं स्तोत्रं सर्वाभीष्टफलप्रदम् ।

शतनामस्तुतिमिमामाद्याकालीस्वरूपिणीम्

॥ 43 ॥

श्लोक 45

पठेद्वा पाठयेद्वापि शृणुयाच्छ्रावयेदपि ।

सर्वपापविनिर्मुक्तो ब्रह्मसायुज्यमाप्नुयात्

॥ 44 ॥

श्लोक 46

इति महानिर्वाणतन्त्रे सप्तमोल्लासान्तर्गतं श्री आद्या कालिका शतनाम स्तोत्रम् ॥