ശ്രീ മഹാകാലീ സ്തോത്രം

ശ്രീ മഹാകാലീ സ്തോത്രം

ശ്ലോക 1

ധ്യാനമ്

ശവാരൂഢാം മഹാഭീമാം ഘോരദംഷ്ട്രാം വരപ്രദാം

ഹാസ്യയുക്താം ത്രിണേത്രാഞ്ച കപാല കര്ത്രികാ കരാമ് ।

മുക്തകേശീം ലലജ്ജിഹ്വാം പിബന്തീം രുധിരം മുഹുഃ

ചതുര്ബാഹുയുതാം ദേവീം വരാഭയകരാം സ്മരേത് ॥

ശവാരൂഢാം മഹാഭീമാം ഘോരദംഷ്ട്രാം ഹസന്മുഖീം

ചതുര്ഭുജാം ഖഡ്ഗമുണ്ഡവരാഭയകരാം ശിവാമ് ।

മുണ്ഡമാലാധരാം ദേവീം ലലജ്ജിഹ്വാം ദിഗമ്ബരാം

ഏവം സഞ്ചിന്തയേത്കാലീം ശ്മശനാലയവാസിനീമ് ॥

സ്തോത്രമ്

വിശ്വേശ്വരീം ജഗദ്ധാത്രീം സ്ഥിതിസംഹാരകാരിണീമ് ।

നിദ്രാം ഭഗവതീം വിഷ്ണോരതുലാം തേജസഃ പ്രഭാമ്

ശ്ലോക 2

ത്വം സ്വാഹാ ത്വം സ്വധാ ത്വം ഹി വഷട്കാരഃ സ്വരാത്മികാ ।

സുധാ ത്വമക്ഷരേ നിത്യേ ത്രിധാ മാത്രാത്മികാ സ്ഥിതാ

॥ 1 ॥

ശ്ലോക 3

അര്ഥമാത്രാസ്ഥിതാ നിത്യാ യാനുച്ചാര്യാ വിശേഷതഃ ।

ത്വമേവ സന്ധ്യാ സാവിത്രീ ത്വം ദേവീ ജനനീ പരാ

॥ 2 ॥

ശ്ലോക 4

ത്വയൈതദ്ധാര്യതേ വിശ്വം ത്വയൈതദ്സൃജ്യതേ ജഗത് ।

ത്വയൈതത്പാല്യതേ ദേവി ത്വമത്സ്യന്തേ ച സര്വദാ

॥ 3 ॥

ശ്ലോക 5

വിസൃഷ്ടൌ സൃഷ്ടിരൂപാ ത്വം സ്ഥിതിരൂപാ ച പാലനേ ।

തഥാ സംഹൃതിരൂപാന്തേ ജഗതോഽസ്യ ജഗന്മയേ

॥ 4 ॥

ശ്ലോക 6

മഹാവിദ്യാ മഹാമായാ മഹാമേധാ മഹാസ്മൃതിഃ ।

മഹാമോഹാ ച ഭവതീ മഹാദേവീ മഹേശ്വരീ

॥ 5 ॥

ശ്ലോക 7

പ്രകൃതിസ്ത്വം ച സര്വസ്യ ഗുണത്രയവിഭാവിനീ ।

കാലരാത്രിര്മഹാരാത്രിര്മോഹരാത്രിശ്ച ദാരുണാ

॥ 6 ॥

ശ്ലോക 8

ത്വം ശ്രീസ്ത്വമീശ്വരീ ത്വം ഹ്രീസ്ത്വം ബുദ്ധിര്ബോധലക്ഷണാ ।

ലജ്ജാ പുഷ്ടിസ്തഥാ തുഷ്ടിസ്ത്വം ശാന്തിഃ ക്ഷാന്തിരേവ ച

॥ 7 ॥

ശ്ലോക 9

ഖഡ്ഗിനീ ശൂലിനീ ഘോരാ ഗദിനീ ചക്രിണീ തഥാ ।

ശങ്ഖിനീ ചാപിനീ ബാണഭുശുണ്ഡീപരിഘായുധാ

॥ 8 ॥

ശ്ലോക 10

സൌമ്യാ സൌമ്യതരാശേഷാ സൌമ്യേഭ്യസ്ത്വതിസുന്ദരീ ।

പരാപരാണാം പരമാ ത്വമേവ പരമേശ്വരീ

॥ 9 ॥

ശ്ലോക 11

യച്ച കിഞ്ചിത് ക്വചിദ്വസ്തു സദസദ്വാഖിലാത്മികേ ।

തസ്യ സര്വസ്യ യാ ശക്തിഃ സാ ത്വം കിം സ്തൂയസേ തദാ

॥ 10 ॥

ശ്ലോക 12

യയാ ത്വയാ ജഗത്സ്രഷ്ടാ ജഗത്പാത്യത്തി യോ ജഗത് ।

സോഽപി നിദ്രാവശം നീതഃ കസ്ത്വാം സ്തോതുമിഹേശ്വരഃ

॥ 11 ॥

ശ്ലോക 13

വിഷ്ണുഃ ശരീരഗ്രഹണമഹമീശാന ഏവ ച ।

കാരിതാസ്തേ യതോഽതസ്ത്വാം കഃ സ്തോതും ശക്തിമാന് ഭവേത്

॥ 12 ॥

ശ്ലോക 14

സാ ത്വമിത്ഥം പ്രഭാവൈഃ സ്വൈരുദാരൈര്ദേവി സംസ്തുതാ ।

മോഹയൈതൌ ദുരാധര്ഷാവസുരൌ മധുകൈടഭൌ

॥ 13 ॥

ശ്ലോക 15

പ്രബോധം ച ജഗത്സ്വാമീ നീയതാമച്യുതോ ലഘു ।

ബോധശ്ച ക്രിയതാമസ്യ ഹന്തുമേതൌ മഹാസുരൌ

॥ 14 ॥

ശ്ലോക 16

ഇതി ശ്രീ മഹാകാലീ സ്തോത്രമ് ।