Sri Maha Ganapati Sahasranama Stotram

මහා ගණපති සහස්රනාම ස්තෝත්රම්

ශ්ලොක 1

මුනිරුවාච

කථං නාම්නාං සහස්රං තං ගණේශ උපදිෂ්ටවාන් .

ශිවදං තන්මමාචක්ෂ්ව ලෝකානුග්රහතත්පර .. 1 ..

බ්රහ්මෝවාච

දේවඃ පූර්වං පුරාරාතිඃ පුරත්රයජයෝද්යමේ .

අනර්චනාද්ගණේශස්ය ජාතෝ විඝ්නාකුලඃ කිල .. 2 ..

මනසා ස විනිර්ධාර්ය දදෘශේ විඝ්නකාරණම් .

මහාගණපතිං භක්ත්යා සමභ්යර්ච්ය යථාවිධි .. 3 ..

විඝ්නප්රශමනෝපායමපෘච්ඡදපරිශ්රමම් .

සන්තුෂ්ටඃ පූජයා ශම්භෝර්මහාගණපතිඃ ස්වයම් .. 4 ..

සර්වවිඝ්නප්රශමනං සර්වකාමඵලප්රදම් .

තතස්තස්මෛ ස්වයං නාම්නාං සහස්රමිදමබ්රවීත් .. 5 ..

අස්ය ශ්රීමහාගණපතිසහස්රනාමස්තෝත්රමාලාමන්ත්රස්ය .

ගණේශ ඍෂිඃ, මහාගණපතිර්දේවතා, නානාවිධානිච්ඡන්දාංසි .

හුමිති බීජම්, තුඞ්ගමිති ශක්තිඃ, ස්වාහාශක්තිරිති කීලකම් .

සකලවිඝ්නවිනාශනද්වාරා ශ්රීමහාගණපතිප්රසාදසිද්ධ්යර්ථේ ජපේ විනියෝගඃ .

අථ කරන්යාසඃ

ගණේශ්වරෝ ගණක්රීඩ ඉත්යඞ්ගුෂ්ඨාභ්යාං නමඃ .

කුමාරගුරුරීශාන ඉති තර්ජනීභ්යාං නමඃ ..

බ්රහ්මාණ්ඩකුම්භශ්චිද්ව්යෝමේති මධ්යමාභ්යාං නමඃ .

රක්තෝ රක්තාම්බරධර ඉත්යනාමිකාභ්යාං නමඃ

සර්වසද්ගුරුසංසේව්ය ඉති කනිෂ්ඨිකාභ්යාං නමඃ .

ලුප්තවිඝ්නඃ ස්වභක්තානාමිති කරතලකරපෘෂ්ඨාභ්යාං නමඃ ..

අථ අඞ්ගන්යාසඃ

ඡන්දශ්ඡන්දෝද්භව ඉති හෘදයාය නමඃ .

නිෂ්කලෝ නිර්මල ඉති ශිරසේ ස්වාහා .

සෘෂ්ටිස්ථිතිලයක්රීඩ ඉති ශිඛායෛ වෂට් .

ජ්ඤානං විජ්ඤානමානන්ද ඉති කවචාය හුම් .

අෂ්ටාඞ්ගයෝගඵලභෘදිති නේත්රත්රයාය වෞෂට් .

අනන්තශක්තිසහිත ඉත්යස්ත්රාය ඵට් .

භූර්භුවඃ ස්වරෝං ඉති දිග්බන්ධඃ .

අථ ධ්යානම්

ගජවදනමචින්ත්යං තීක්ෂ්ණදංෂ්ට්රං ත්රිනේත්රං

බෘහදුදරමශේෂං භූතිරාජං පුරාණම් .

අමරවරසුපූජ්යං රක්තවර්ණං සුරේශං

පශුපතිසුතමීශං විඝ්නරාජං නමාමි ..

ශ්රීගණපතිරුවාච

ඕං ගණේශ්වරෝ ගණක්රීඩෝ ගණනාථෝ ගණාධිපඃ .

ඒකදන්තෝ වක්රතුණ්ඩෝ ගජවක්ත්රෝ මහෝදරඃ .. 1 ..

ලම්බෝදරෝ ධූම්රවර්ණෝ විකටෝ විඝ්නනාශනඃ .

සුමුඛෝ දුර්මුඛෝ බුද්ධෝ විඝ්නරාජෝ ගජානනඃ .. 2 ..

භීමඃ ප්රමෝද ආමෝදඃ සුරානන්දෝ මදෝත්කටඃ .

හේරම්බඃ ශම්බරඃ ශම්භුර්ලම්බකර්ණෝ මහාබලඃ .. 3 ..

නන්දනෝ ලම්පටෝ භීමෝ මේඝනාදෝ ගණඤ්ජයඃ .

විනායකෝ විරූපාක්ෂෝ වීරඃ ශූරවරප්රදඃ .. 4 ..

මහාගණපතිර්බුද්ධිප්රියඃ ක්ෂිප්රප්රසාදනඃ .

රුද්රප්රියෝ ගණාධ්යක්ෂ උමාපුත්රෝ(අ)ඝනාශනඃ .. 5 ..

කුමාරගුරුරීශානපුත්රෝ මූෂකවාහනඃ .

සිද්ධිප්රියඃ සිද්ධිපතිඃ සිද්ධඃ සිද්ධිවිනායකඃ .. 6 ..

අවිඝ්නස්තුම්බුරුඃ සිංහවාහනෝ මෝහිනීප්රියඃ .

කටඞ්කටෝ රාජපුත්රඃ ශාකලඃ සම්මිතෝමිතඃ .. 7 ..

කූෂ්මාණ්ඩසාමසම්භූතිර්දුර්ජයෝ ධූර්ජයෝ ජයඃ .

භූපතිර්භුවනපතිර්භූතානාං පතිරව්යයඃ .. 8 ..

විශ්වකර්තා විශ්වමුඛෝ විශ්වරූපෝ නිධිර්ගුණඃ .

කවිඃ කවීනාමෘෂභෝ බ්රහ්මණ්යෝ බ්රහ්මවිත්ප්රියඃ .. 9 ..

ජ්යේෂ්ඨරාජෝ නිධිපතිර්නිධිප්රියපතිප්රියඃ .

හිරණ්මයපුරාන්තඃස්ථඃ සූර්යමණ්ඩලමධ්යගඃ .. 10 ..

කරාහතිධ්වස්තසින්ධුසලිලඃ පූෂදන්තභිත් .

උමාඞ්කකේලිකුතුකී මුක්තිදඃ කුලපාවනඃ .. 11 ..

කිරීටී කුණ්ඩලී හාරී වනමාලී මනෝමයඃ .

වෛමුඛ්යහතදෛත්යශ්රීඃ පාදාහතිජිතක්ෂිතිඃ .. 12 ..

සද්යෝජාතඃ ස්වර්ණමුඤ්ජමේඛලී දුර්නිමිත්තහෘත් .

දුඃස්වප්නහෘත්ප්රසහනෝ ගුණී නාදප්රතිෂ්ඨිතඃ .. 13 ..

සුරූපඃ සර්වනේත්රාධිවාසෝ වීරාසනාශ්රයඃ .

පීතාම්බරඃ ඛණ්ඩරදඃ ඛණ්ඩවෛශාඛසංස්ථිතඃ .. 14 ..

චිත්රාඞ්ගඃ ශ්යාමදශනෝ භාලචන්ද්රෝ හවිර්භුජඃ .

යෝගාධිපස්තාරකස්ථඃ පුරුෂෝ ගජකර්ණකඃ .. 15 ..

ගණාධිරාජෝ විජයඃ ස්ථිරෝ ගජපතිධ්වජී .

දේවදේවඃ ස්මරඃ ප්රාණදීපකෝ වායුකීලකඃ .. 16 ..

විපශ්චිද්වරදෝ නාදෝ නාදභින්නමහාචලඃ .

වරාහරදනෝ මෘත්යුඤ්ජයෝ ව්යාඝ්රාජිනාම්බරඃ .. 17 ..

ඉච්ඡාශක්තිභවෝ දේවත්රාතා දෛත්යවිමර්දනඃ .

ශම්භුවක්ත්රෝද්භවඃ ශම්භුකෝපහා ශම්භුහාස්යභූඃ .. 18 ..

ශම්භුතේජාඃ ශිවාශෝකහාරී ගෞරීසුඛාවහඃ .

උමාඞ්ගමලජෝ ගෞරීතේජෝභූඃ ස්වර්ධුනීභවඃ .. 19 ..

යජ්ඤකායෝ මහානාදෝ ගිරිවර්ෂ්මා ශුභානනඃ .

සර්වාත්මා සර්වදේවාත්මා බ්රහ්මමූර්ධා කකුප්ශ්රුතිඃ .. 20 ..

බ්රහ්මාණ්ඩකුම්භශ්චිද්ව්යෝමභාලඃසත්යශිරෝරුහඃ .

ජගජ්ජන්මලයෝන්මේෂනිමේෂෝ(අ)ග්න්යර්කසෝමදෘක් .. 21 ..

ගිරීන්ද්රෛකරදෝ ධර්මාධර්මෝෂ්ඨඃ සාමබෘංහිතඃ .

ග්රහර්ක්ෂදශනෝ වාණීජිහ්වෝ වාසවනාසිකඃ .. 22 ..

භ්රූමධ්යසංස්ථිතකරෝ බ්රහ්මවිද්යාමදෝදකඃ .

කුලාචලාංසඃ සෝමාර්කඝණ්ටෝ රුද්රශිරෝධරඃ .. 23 ..

නදීනදභුජඃ සර්පාඞ්ගුලීකස්තාරකානඛඃ .

ව්යෝමනාභිඃ ශ්රීහෘදයෝ මේරුපෘෂ්ඨෝ(අ)ර්ණවෝදරඃ .. 24 ..

කුක්ෂිස්ථයක්ෂගන්ධර්වරක්ෂඃකින්නරමානුෂඃ .

පෘථ්වීකටිඃ සෘෂ්ටිලිඞ්ගඃ ශෛලෝරුර්දස්රජානුකඃ .. 25 ..

පාතාලජඞ්ඝෝ මුනිපාත්කාලාඞ්ගුෂ්ඨස්ත්රයීතනුඃ .

ජ්යෝතිර්මණ්ඩලලාඞ්ගූලෝ හෘදයාලානනිශ්චලඃ .. 26 ..

හෘත්පද්මකර්ණිකාශාලී වියත්කේලිසරෝවරඃ .

සද්භක්තධ්යානනිගඩඃ පූජාවාරිනිවාරිතඃ .. 27 ..

ප්රතාපී කාශ්යපෝ මන්තා ගණකෝ විෂ්ටපී බලී .

යශස්වී ධාර්මිකෝ ජේතා ප්රථමඃ ප්රමථේශ්වරඃ .. 28 ..

චින්තාමණිර්ද්වීපපතිඃ කල්පද්රුමවනාලයඃ .

රත්නමණ්ඩපමධ්යස්ථෝ රත්නසිංහාසනාශ්රයඃ .. 29 ..

තීව්රාශිරෝද්ධෘතපදෝ ජ්වාලිනීමෞලිලාලිතඃ .

නන්දානන්දිතපීඨශ්රීර්භෝගදෝ භූෂිතාසනඃ .. 30 ..

සකාමදායිනීපීඨඃ ස්ඵුරදුග්රාසනාශ්රයඃ .

තේජෝවතීශිරෝරත්නං සත්යානිත්යාවතංසිතඃ .. 31 ..

සවිඝ්නනාශිනීපීඨඃ සර්වශක්ත්යම්බුජාලයඃ .

ලිපිපද්මාසනාධාරෝ වහ්නිධාමත්රයාලයඃ .. 32 ..

උන්නතප්රපදෝ ගූඪගුල්ඵඃ සංවෘතපාර්ෂ්ණිකඃ .

පීනජඞ්ඝඃ ශ්ලිෂ්ටජානුඃ ස්ථූලෝරුඃ ප්රෝන්නමත්කටිඃ .. 33 ..

නිම්නනාභිඃ ස්ථූලකුක්ෂිඃ පීනවක්ෂා බෘහද්භුජඃ .

පීනස්කන්ධඃ කම්බුකණ්ඨෝ ලම්බෝෂ්ඨෝ ලම්බනාසිකඃ .. 34 ..

භග්නවාමරදස්තුඞ්ගසව්යදන්තෝ මහාහනුඃ .

හ්රස්වනේත්රත්රයඃ ශූර්පකර්ණෝ නිබිඩමස්තකඃ .. 35 ..

ස්තබකාකාරකුම්භාග්රෝ රත්නමෞලිර්නිරඞ්කුශඃ .

සර්පහාරකටීසූත්රඃ සර්පයජ්ඤෝපවීතවාන් .. 36 ..

සර්පකෝටීරකටකඃ සර්පග්රෛවේයකාඞ්ගදඃ .

සර්පකක්ෂෝදරාබන්ධඃ සර්පරාජෝත්තරච්ඡදඃ .. 37 ..

රක්තෝ රක්තාම්බරධරෝ රක්තමාලාවිභූෂණඃ .

රක්තේක්ෂනෝ රක්තකරෝ රක්තතාල්වෝෂ්ඨපල්ලවඃ .. 38 ..

ශ්වේතඃ ශ්වේතාම්බරධරඃ ශ්වේතමාලාවිභූෂණඃ .

ශ්වේතාතපත්රරුචිරඃ ශ්වේතචාමරවීජිතඃ .. 39 ..

සර්වාවයවසම්පූර්ණඃ සර්වලක්ෂණලක්ෂිතඃ .

සර්වාභරණශෝභාඪ්යඃ සර්වශෝභාසමන්විතඃ .. 40 ..

සර්වමඞ්ගලමාඞ්ගල්යඃ සර්වකාරණකාරණම් .

සර්වදේවවරඃ ශාර්ඞ්ගී බීජපූරී ගදාධරඃ .. 41 ..

ශුභාඞ්ගෝ ලෝකසාරඞ්ගඃ සුතන්තුස්තන්තුවර්ධනඃ .

කිරීටී කුණ්ඩලී හාරී වනමාලී ශුභාඞ්ගදඃ .. 42 ..

ඉක්ෂුචාපධරඃ ශූලී චක්රපාණිඃ සරෝජභෘත් .

පාශී ධෘතෝත්පලඃ ශාලිමඤ්ජරීභෘත්ස්වදන්තභෘත් .. 43 ..

කල්පවල්ලීධරෝ විශ්වාභයදෛකකරෝ වශී .

අක්ෂමාලාධරෝ ජ්ඤානමුද්රාවාන් මුද්ගරායුධඃ .. 44 ..

පූර්ණපාත්රී කම්බුධරෝ විධෘතාඞ්කුශමූලකඃ .

කරස්ථාම්රඵලශ්චූතකලිකාභෘත්කුඨාරවාන් .. 45 ..

පුෂ්කරස්ථස්වර්ණඝටීපූර්ණරත්නාභිවර්ෂකඃ .

භාරතීසුන්දරීනාථෝ විනායකරතිප්රියඃ .. 46 ..

මහාලක්ෂ්මීප්රියතමඃ සිද්ධලක්ෂ්මීමනෝරමඃ .

රමාරමේශපූර්වාඞ්ගෝ දක්ෂිණෝමාමහේශ්වරඃ .. 47 ..

මහීවරාහවාමාඞ්ගෝ රතිකන්දර්පපශ්චිමඃ .

ආමෝදමෝදජනනඃ සප්රමෝදප්රමෝදනඃ .. 48 ..

සංවර්ධිතමහාවෘද්ධිරෘද්ධිසිද්ධිප්රවර්ධනඃ .

දන්තසෞමුඛ්යසුමුඛඃ කාන්තිකන්දලිතාශ්රයඃ .. 49 ..

මදනාවත්යාශ්රිතාඞ්ඝ්රිඃ කෘතවෛමුඛ්යදුර්මුඛඃ .

විඝ්නසම්පල්ලවඃ පද්මඃ සර්වෝන්නතමදද්රවඃ .. 50 ..

විඝ්නකෘන්නිම්නචරණෝ ද්රාවිණීශක්තිසත්කෘතඃ .

තීව්රාප්රසන්නනයනෝ ජ්වාලිනීපාලිතෛකදෘක් .. 51 ..

මෝහිනීමෝහනෝ භෝගදායිනීකාන්තිමණ්ඩනඃ .

කාමිනීකාන්තවක්ත්රශ්රීරධිෂ්ඨිතවසුන්ධරඃ .. 52 ..

වසුධාරාමදෝන්නාදෝ මහාශඞ්ඛනිධිප්රියඃ .

නමද්වසුමතීමාලී මහාපද්මනිධිඃ ප්රභුඃ .. 53 ..

සර්වසද්ගුරුසංසේව්යඃ ශෝචිෂ්කේශහෘදාශ්රයඃ .

ඊශානමූර්ධා දේවේන්ද්රශිඛඃ පවනනන්දනඃ .. 54 ..

ප්රත්යුග්රනයනෝ දිව්යෝ දිව්යාස්ත්රශතපර්වධෘක් .

ඓරාවතාදිසර්වාශාවාරණෝ වාරණප්රියඃ .. 55 ..

වජ්රාද්යස්ත්රපරීවාරෝ ගණචණ්ඩසමාශ්රයඃ .

ජයාජයපරිකරෝ විජයාවිජයාවහඃ .. 56 ..

අජයාර්චිතපාදාබ්ජෝ නිත්යානන්දවනස්ථිතඃ .

විලාසිනීකෘතෝල්ලාසඃ ශෞණ්ඩී සෞන්දර්යමණ්ඩිතඃ .. 57 ..

අනන්තානන්තසුඛදඃ සුමඞ්ගලසුමඞ්ගලඃ .

ජ්ඤානාශ්රයඃ ක්රියාධාර ඉච්ඡාශක්තිනිෂේවිතඃ .. 58 ..

සුභගාසංශ්රිතපදෝ ලලිතාලලිතාශ්රයඃ .

කාමිනීපාලනඃ කාමකාමිනීකේලිලාලිතඃ .. 59 ..

සරස්වත්යාශ්රයෝ ගෞරීනන්දනඃ ශ්රීනිකේතනඃ .

ගුරුගුප්තපදෝ වාචාසිද්ධෝ වාගීශ්වරීපතිඃ .. 60 ..

නලිනීකාමුකෝ වාමාරාමෝ ජ්යේෂ්ඨාමනෝරමඃ .

රෞද්රීමුද්රිතපාදාබ්ජෝ හුම්බීජස්තුඞ්ගශක්තිකඃ .. 61 ..

විශ්වාදිජනනත්රාණඃ ස්වාහාශක්තිඃ සකීලකඃ .

අමෘතාබ්ධිකෘතාවාසෝ මදඝූර්ණිතලෝචනඃ .. 62 ..

උච්ඡිෂ්ටෝච්ඡිෂ්ටගණකෝ ගණේශෝ ගණනායකඃ .

සාර්වකාලිකසංසිද්ධිර්නිත්යසේව්යෝ දිගම්බරඃ .. 63 ..

අනපායෝ(අ)නන්තදෘෂ්ටිරප්රමේයෝ(අ)ජරාමරඃ .

අනාවිලෝ(අ)ප්රතිහතිරච්යුතෝ(අ)මෘතමක්ෂරඃ .. 64 ..

අප්රතර්ක්යෝ(අ)ක්ෂයෝ(අ)ජය්යෝ(අ)නාධාරෝ(අ)නාමයෝමලඃ .

අමේයසිද්ධිරද්වෛතමඝෝරෝ(අ)ග්නිසමානනඃ .. 65 ..

අනාකාරෝ(අ)බ්ධිභූම්යග්නිබලඝ්නෝ(අ)ව්යක්තලක්ෂණඃ .

ආධාරපීඨමාධාර ආධාරාධේයවර්ජිතඃ .. 66 ..

ආඛුකේතන ආශාපූරක ආඛුමහාරථඃ .

ඉක්ෂුසාගරමධ්යස්ථ ඉක්ෂුභක්ෂණලාලසඃ .. 67 ..

ඉක්ෂුචාපාතිරේකශ්රීරික්ෂුචාපනිෂේවිතඃ .

ඉන්ද්රගෝපසමානශ්රීරින්ද්රනීලසමද්යුතිඃ .. 68 ..

ඉන්දීවරදලශ්යාම ඉන්දුමණ්ඩලමණ්ඩිතඃ .

ඉධ්මප්රිය ඉඩාභාග ඉඩාවානින්දිරාප්රියඃ .. 69 ..

ඉක්ෂ්වාකුවිඝ්නවිධ්වංසී ඉතිකර්තව්යතේප්සිතඃ .

ඊශානමෞලිරීශාන ඊශානප්රිය ඊතිහා .. 70 ..

ඊෂණාත්රයකල්පාන්ත ඊහාමාත්රවිවර්ජිතඃ .

උපේන්ද්ර උඩුභෘන්මෞලිරුඩුනාථකරප්රියඃ .. 71 ..

උන්නතානන උත්තුඞ්ග උදාරස්ත්රිදශාග්රණීඃ .

ඌර්ජස්වානූෂ්මලමද ඌහාපෝහදුරාසදඃ .. 72 ..

ඍග්යජුඃසාමනයන ඍද්ධිසිද්ධිසමර්පකඃ .

ඍජුචිත්තෛකසුලභෝ ඍණත්රයවිමෝචනඃ .. 73 ..

ලුප්තවිඝ්නඃ ස්වභක්තානාං ලුප්තශක්තිඃ සුරද්විෂාම් .

ලුප්තශ්රීර්විමුඛාර්චානාං ලූතාවිස්ඵෝටනාශනඃ .. 74 ..

ඒකාරපීඨමධ්යස්ථ ඒකපාදකෘතාසනඃ .

ඒජිතාඛිලදෛත්යශ්රීරේධිතාඛිලසංශ්රයඃ .. 75 ..

ඓශ්වර්යනිධිරෛශ්වර්යමෛහිකාමුෂ්මිකප්රදඃ .

ඓරම්මදසමෝන්මේෂ ඓරාවතසමානනඃ .. 76 ..

ඕඞ්කාරවාච්ය ඕඞ්කාර ඕජස්වානෝෂධීපතිඃ .

ඖදාර්යනිධිරෞද්ධත්යධෛර්ය ඖන්නත්යනිඃසමඃ .. 77 ..

අඞ්කුශඃ සුරනාගානාමඞ්කුශාකාරසංස්ථිතඃ .

අඃ සමස්තවිසර්ගාන්තපදේෂු පරිකීර්තිතඃ .. 78 ..

කමණ්ඩලුධරඃ කල්පඃ කපර්දී කලභානනඃ .

කර්මසාක්ෂී කර්මකර්තා කර්මාකර්මඵලප්රදඃ .. 79 ..

කදම්බගෝලකාකාරඃ කූෂ්මාණ්ඩගණනායකඃ .

කාරුණ්යදේහඃ කපිලඃ කථකඃ කටිසූත්රභෘත් .. 80 ..

ඛර්වඃ ඛඩ්ගප්රියඃ ඛඩ්ගඃ ඛාන්තාන්තඃස්ථඃ ඛනිර්මලඃ .

ඛල්වාටශෘඞ්ගනිලයඃ ඛට්වාඞ්ගී ඛදුරාසදඃ .. 81 ..

ගුණාඪ්යෝ ගහනෝ ගද්යෝ ගද්යපද්යසුධාර්ණවඃ .

ගද්යගානප්රියෝ ගර්ජෝ ගීතගීර්වාණපූර්වජඃ .. 82 ..

ගුහ්යාචාරරතෝ ගුහ්යෝ ගුහ්යාගමනිරූපිතඃ .

ගුහාශයෝ ගුඩාබ්ධිස්ථෝ ගුරුගම්යෝ ගුරුර්ගුරුඃ .. 83 ..

ඝණ්ටාඝර්ඝරිකාමාලී ඝටකුම්භෝ ඝටෝදරඃ .

ඞකාරවාච්යෝ ඞාකාරෝ ඞකාරාකාරශුණ්ඩභෘත් .. 84 ..

චණ්ඩශ්චණ්ඩේශ්වරශ්චණ්ඩී චණ්ඩේශශ්චණ්ඩවික්රමඃ .

චරාචරපිතා චින්තාමණිශ්චර්වණලාලසඃ .. 85 ..

ඡන්දශ්ඡන්දෝද්භවශ්ඡන්දෝ දුර්ලක්ෂ්යශ්ඡන්දවිග්රහඃ .

ජගද්යෝනිර්ජගත්සාක්ෂී ජගදීශෝ ජගන්මයඃ .. 86 ..

ජප්යෝ ජපපරෝ ජාප්යෝ ජිහ්වාසිංහාසනප්රභුඃ .

ස්රවද්ගණ්ඩෝල්ලසද්ධානඣඞ්කාරිභ්රමරාකුලඃ .. 87 ..

ටඞ්කාරස්ඵාරසංරාවෂ්ටඞ්කාරමණිනූපුරඃ .

ඨද්වයීපල්ලවාන්තස්ථසර්වමන්ත්රේෂු සිද්ධිදඃ .. 88 ..

ඩිණ්ඩිමුණ්ඩෝ ඩාකිනීශෝ ඩාමරෝ ඩිණ්ඩිමප්රියඃ .

ඪක්කානිනාදමුදිතෝ ඪෞඞ්කෝ ඪුණ්ඪිවිනායකඃ .. 89 ..

තත්ත්වානාං ප්රකෘතිස්තත්ත්වං තත්ත්වම්පදනිරූපිතඃ .

තාරකාන්තරසංස්ථානස්තාරකස්තාරකාන්තකඃ .. 90 ..

ස්ථාණුඃ ස්ථාණුප්රියඃ ස්ථාතා ස්ථාවරං ජඞ්ගමං ජගත් .

දක්ෂයජ්ඤප්රමථනෝ දාතා දානං දමෝ දයා .. 91 ..

දයාවාන්දිව්යවිභවෝ දණ්ඩභෘද්දණ්ඩනායකඃ .

දන්තප්රභින්නාභ්රමාලෝ දෛත්යවාරණදාරණඃ .. 92 ..

දංෂ්ට්රාලග්නද්වීපඝටෝ දේවාර්ථනෘගජාකෘතිඃ .

ධනං ධනපතේර්බන්ධුර්ධනදෝ ධරණීධරඃ .. 93 ..

ධ්යානෛකප්රකටෝ ධ්යේයෝ ධ්යානං ධ්යානපරායණඃ .

ධ්වනිප්රකෘතිචීත්කාරෝ බ්රහ්මාණ්ඩාවලිමේඛලඃ .. 94 ..

නන්ද්යෝ නන්දිප්රියෝ නාදෝ නාදමධ්යප්රතිෂ්ඨිතඃ .

නිෂ්කලෝ නිර්මලෝ නිත්යෝ නිත්යානිත්යෝ නිරාමයඃ .. 95 ..

පරං ව්යෝම පරං ධාම පරමාත්මා පරං පදම් .. 96 ..

පරාත්පරඃ පශුපතිඃ පශුපාශවිමෝචනඃ .

පූර්ණානන්දඃ පරානන්දඃ පුරාණපුරුෂෝත්තමඃ .. 97 ..

පද්මප්රසන්නවදනඃ ප්රණතාජ්ඤානනාශනඃ .

ප්රමාණප්රත්යයාතීතඃ ප්රණතාර්තිනිවාරණඃ .. 98 ..

ඵණිහස්තඃ ඵණිපතිඃ ඵූත්කාරඃ ඵණිතප්රියඃ .

බාණාර්චිතාඞ්ඝ්රියුගලෝ බාලකේලිකුතූහලී .

බ්රහ්ම බ්රහ්මාර්චිතපදෝ බ්රහ්මචාරී බෘහස්පතිඃ .. 99 ..

බෘහත්තමෝ බ්රහ්මපරෝ බ්රහ්මණ්යෝ බ්රහ්මවිත්ප්රියඃ .

බෘහන්නාදාග්ර්යචීත්කාරෝ බ්රහ්මාණ්ඩාවලිමේඛලඃ .. 100 ..

භ්රූක්ෂේපදත්තලක්ෂ්මීකෝ භර්ගෝ භද්රෝ භයාපහඃ .

භගවාන් භක්තිසුලභෝ භූතිදෝ භූතිභූෂණඃ .. 101 ..

භව්යෝ භූතාලයෝ භෝගදාතා භ්රූමධ්යගෝචරඃ .

මන්ත්රෝ මන්ත්රපතිර්මන්ත්රී මදමත්තෝ මනෝ මයඃ .. 102 ..

මේඛලාහීශ්වරෝ මන්දගතිර්මන්දනිභේක්ෂණඃ .

මහාබලෝ මහාවීර්යෝ මහාප්රාණෝ මහාමනාඃ .. 103 ..

යජ්ඤෝ යජ්ඤපතිර්යජ්ඤගෝප්තා යජ්ඤඵලප්රදඃ .

යශස්කරෝ යෝගගම්යෝ යාජ්ඤිකෝ යාජකප්රියඃ .. 104 ..

රසෝ රසප්රියෝ රස්යෝ රඤ්ජකෝ රාවණාර්චිතඃ .

රාජ්යරක්ෂාකරෝ රත්නගර්භෝ රාජ්යසුඛප්රදඃ .. 105 ..

ලක්ෂෝ ලක්ෂපතිර්ලක්ෂ්යෝ ලයස්ථෝ ලඩ්ඩුකප්රියඃ .

ලාසප්රියෝ ලාස්යපරෝ ලාභකෘල්ලෝකවිශ්රුතඃ .. 106 ..

වරේණ්යෝ වහ්නිවදනෝ වන්ද්යෝ වේදාන්තගෝචරඃ .

විකර්තා විශ්වතශ්චක්ෂුර්විධාතා විශ්වතෝමුඛඃ .. 107 ..

වාමදේවෝ විශ්වනේතා වජ්රිවජ්රනිවාරණඃ .

විවස්වද්බන්ධනෝ විශ්වාධාරෝ විශ්වේශ්වරෝ විභුඃ .. 108 ..

ශබ්දබ්රහ්ම ශමප්රාප්යඃ ශම්භුශක්තිගණේශ්වරඃ .

ශාස්තා ශිඛාග්රනිලයඃ ශරණ්යඃ ශම්බරේශ්වරඃ .. 109 ..

ෂඩෘතුකුසුමස්රග්වී ෂඩාධාරඃ ෂඩක්ෂරඃ .

සංසාරවෛද්යඃ සර්වජ්ඤඃ සර්වභේෂජභේෂජම් .. 110 ..

සෘෂ්ටිස්ථිතිලයක්රීඩඃ සුරකුඤ්ජරභේදකඃ .

සින්දූරිතමහාකුම්භඃ සදසද්භක්තිදායකඃ .. 111 ..

සාක්ෂී සමුද්රමථනඃ ස්වයංවේද්යඃ ස්වදක්ෂිණඃ .

ස්වතන්ත්රඃ සත්යසඞ්කල්පඃ සාමගානරතඃ සුඛී .. 112 ..

හංසෝ හස්තිපිශාචීශෝ හවනං හව්යකව්යභුක් .

හව්යං හුතප්රියෝ හෘෂ්ටෝ හෘල්ලේඛාමන්ත්රමධ්යගඃ .. 113 ..

ක්ෂේත්රාධිපඃ ක්ෂමාභර්තා ක්ෂමාක්ෂමපරායණඃ .

ක්ෂිප්රක්ෂේමකරඃ ක්ෂේමානන්දඃ ක්ෂෝණීසුරද්රුමඃ .. 114 ..

ධර්මප්රදෝ(අ)ර්ථදඃ කාමදාතා සෞභාග්යවර්ධනඃ .

විද්යාප්රදෝ විභවදෝ භුක්තිමුක්තිඵලප්රදඃ .. 115 ..

ආභිරූප්යකරෝ වීරශ්රීප්රදෝ විජයප්රදඃ .

සර්වවශ්යකරෝ ගර්භදෝෂහා පුත්රපෞත්රදඃ .. 116 ..

මේධාදඃ කීර්තිදඃ ශෝකහාරී දෞර්භාග්යනාශනඃ .

ප්රතිවාදිමුඛස්තම්භෝ රුෂ්ටචිත්තප්රසාදනඃ .. 117 ..

පරාභිචාරශමනෝ දුඃඛහා බන්ධමෝක්ෂදඃ .

ලවස්ත්රුටිඃ කලා කාෂ්ඨා නිමේෂස්තත්පරක්ෂණඃ .. 118 ..

ඝටී මුහූර්තඃ ප්රහරෝ දිවා නක්තමහර්නිශම් .

පක්ෂෝ මාසර්ත්වයනාබ්දයුගං කල්පෝ මහාලයඃ .. 119 ..

රාශිස්තාරා තිථිර්යෝගෝ වාරඃ කරණමංශකම් .

ලග්නං හෝරා කාලචක්රං මේරුඃ සප්තර්ෂයෝ ධ්රුවඃ .. 120 ..

රාහුර්මන්දඃ කවිර්ජීවෝ බුධෝ භෞමඃ ශශී රවිඃ .

කාලඃ සෘෂ්ටිඃ ස්ථිතිර්විශ්වං ස්ථාවරං ජඞ්ගමං ජගත් .. 121 ..

භූරාපෝ(අ)ග්නිර්මරුද්ව්යෝමාහඞ්කෘතිඃ ප්රකෘතිඃ පුමාන් .

බ්රහ්මා විෂ්ණුඃ ශිවෝ රුද්ර ඊශඃ ශක්තිඃ සදාශිවඃ .. 122 ..

ත්රිදශාඃ පිතරඃ සිද්ධා යක්ෂා රක්ෂාංසි කින්නරාඃ .

සිද්ධවිද්යාධරා භූතා මනුෂ්යාඃ පශවඃ ඛගාඃ .. 123 ..

සමුද්රාඃ සරිතඃ ශෛලා භූතං භව්යං භවෝද්භවඃ .

සාඞ්ඛ්යං පාතඤ්ජලං යෝගං පුරාණානි ශ්රුතිඃ ස්මෘතිඃ .. 124 ..

වේදාඞ්ගානි සදාචාරෝ මීමාංසා න්යායවිස්තරඃ .

ආයුර්වේදෝ ධනුර්වේදෝ ගාන්ධර්වං කාව්යනාටකම් .. 125 ..

වෛඛානසං භාගවතං මානුෂං පාඤ්චරාත්රකම් .

ශෛවං පාශුපතං කාලාමුඛම්භෛරවශාසනම් .. 126 ..

ශාක්තං වෛනායකං සෞරං ජෛනමාර්හතසංහිතා .

සදසද්ව්යක්තමව්යක්තං සචේතනමචේතනම් .. 127 ..

බන්ධෝ මෝක්ෂඃ සුඛං භෝගෝ යෝගඃ සත්යමණුර්මහාන් .

ස්වස්ති හුම්ඵට් ස්වධා ස්වාහා ශ්රෞෂට් වෞෂට් වෂණ් නමඃ 128 ..

ජ්ඤානං විජ්ඤානමානන්දෝ බෝධඃ සංවිත්සමෝ(අ)සමඃ .

ඒක ඒකාක්ෂරාධාර ඒකාක්ෂරපරායණඃ .. 129 ..

ඒකාග්රධීරේකවීර ඒකෝ(අ)නේකස්වරූපධෘක් .

ද්විරූපෝ ද්විභුජෝ ද්ව්යක්ෂෝ ද්විරදෝ ද්වීපරක්ෂකඃ .. 130 ..

ද්වෛමාතුරෝ ද්විවදනෝ ද්වන්ද්වහීනෝ ද්වයාතිගඃ .

ත්රිධාමා ත්රිකරස්ත්රේතා ත්රිවර්ගඵලදායකඃ .. 131 ..

ත්රිගුණාත්මා ත්රිලෝකාදිස්ත්රිශක්තීශස්ත්රිලෝචනඃ .

චතුර්විධවචෝවෘත්තිපරිවෘත්තිප්රවර්තකඃ .. 132 ..

චතුර්බාහුශ්චතුර්දන්තශ්චතුරාත්මා චතුර්භුජඃ .

චතුර්විධෝපායමයශ්චතුර්වර්ණාශ්රමාශ්රයඃ 133 ..

චතුර්ථීපූජනප්රීතශ්චතුර්ථීතිථිසම්භවඃ ..

පඤ්චාක්ෂරාත්මා පඤ්චාත්මා පඤ්චාස්යඃ පඤ්චකෘත්තමඃ .. 134 ..

පඤ්චාධාරඃ පඤ්චවර්ණඃ පඤ්චාක්ෂරපරායණඃ .

පඤ්චතාලඃ පඤ්චකරඃ පඤ්චප්රණවමාතෘකඃ .. 135 ..

පඤ්චබ්රහ්මමයස්ඵූර්තිඃ පඤ්චාවරණවාරිතඃ .

පඤ්චභක්ෂප්රියඃ පඤ්චබාණඃ පඤ්චශිඛාත්මකඃ .. 136 ..

ෂට්කෝණපීඨඃ ෂට්චක්රධාමා ෂඩ්ග්රන්ථිභේදකඃ .

ෂඩඞ්ගධ්වාන්තවිධ්වංසී ෂඩඞ්ගුලමහාහ්රදඃ .. 137 ..

ෂණ්මුඛඃ ෂණ්මුඛභ්රාතා ෂට්ශක්තිපරිවාරිතඃ .

ෂඩ්වෛරිවර්ගවිධ්වංසී ෂඩූර්මිභයභඤ්ජනඃ .. 138 ..

ෂට්තර්කදූරඃ ෂට්කර්මා ෂඩ්ගුණඃ ෂඩ්රසාශ්රයඃ .

සප්තපාතාලචරණඃ සප්තද්වීපෝරුමණ්ඩලඃ .. 139 ..

සප්තස්වර්ලෝකමුකුටඃ සප්තසප්තිවරප්රදඃ .

සප්තාඞ්ගරාජ්යසුඛදඃ සප්තර්ෂිගණවන්දිතඃ .. 140 ..

සප්තච්ඡන්දෝනිධිඃ සප්තහෝත්රඃ සප්තස්වරාශ්රයඃ .

සප්තාබ්ධිකේලිකාසාරඃ සප්තමාතෘනිෂේවිතඃ .. 141 ..

සප්තච්ඡන්දෝ මෝදමදඃ සප්තච්ඡන්දෝ මඛප්රභුඃ .

අෂ්ටමූර්තිර්ධ්යේයමූර්තිරෂ්ටප්රකෘතිකාරණම් .. 142 ..

අෂ්ටාඞ්ගයෝගඵලභෘදෂ්ටපත්රාම්බුජාසනඃ .

අෂ්ටශක්තිසමානශ්රීරෂ්ටෛශ්වර්යප්රවර්ධනඃ .. 143 ..

අෂ්ටපීඨෝපපීඨශ්රීරෂ්ටමාතෘසමාවෘතඃ .

අෂ්ටභෛරවසේව්යෝ(අ)ෂ්ටවසුවන්ද්යෝ(අ)ෂ්ටමූර්තිභෘත් .. 144 ..

අෂ්ටචක්රස්ඵුරන්මූර්තිරෂ්ටද්රව්යහවිඃප්රියඃ .

අෂ්ටශ්රීරෂ්ටසාමශ්රීරෂ්ටෛශ්වර්යප්රදායකඃ .

නවනාගාසනාධ්යාසී නවනිධ්යනුශාසිතඃ .. 145 ..

නවද්වාරපුරාවෘත්තෝ නවද්වාරනිකේතනඃ .

නවනාථමහානාථෝ නවනාගවිභූෂිතඃ .. 146 ..

නවනාරායණස්තුල්යෝ නවදුර්ගානිෂේවිතඃ .

නවරත්නවිචිත්රාඞ්ගෝ නවශක්තිශිරෝද්ධෘතඃ .. 147 ..

දශාත්මකෝ දශභුජෝ දශදික්පතිවන්දිතඃ .

දශාධ්යායෝ දශප්රාණෝ දශේන්ද්රියනියාමකඃ .. 148 ..

දශාක්ෂරමහාමන්ත්රෝ දශාශාව්යාපිවිග්රහඃ .

ඒකාදශමහාරුද්රෛඃස්තුතශ්චෛකාදශාක්ෂරඃ .. 149 ..

ද්වාදශද්විදශාෂ්ටාදිදෝර්දණ්ඩාස්ත්රනිකේතනඃ .

ත්රයෝදශභිදාභින්නෝ විශ්වේදේවාධිදෛවතම් .. 150 ..

චතුර්දශේන්ද්රවරදශ්චතුර්දශමනුප්රභුඃ .

චතුර්දශාද්යවිද්යාඪ්යශ්චතුර්දශජගත්පතිඃ .. 151 ..

සාමපඤ්චදශඃ පඤ්චදශීශීතාංශුනිර්මලඃ .

තිථිපඤ්චදශාකාරස්තිථ්යා පඤ්චදශාර්චිතඃ .. 152 ..

ෂෝඩශාධාරනිලයඃ ෂෝඩශස්වරමාතෘකඃ .

ෂෝඩශාන්තපදාවාසඃ ෂෝඩශේන්දුකලාත්මකඃ .. 153 ..

කලාසප්තදශී සප්තදශසප්තදශාක්ෂරඃ .

අෂ්ටාදශද්වීපපතිරෂ්ටාදශපුරාණකෘත් .. 154 ..

අෂ්ටාදශෞෂධීසෘෂ්ටිරෂ්ටාදශවිධිඃ ස්මෘතඃ .

අෂ්ටාදශලිපිව්යෂ්ටිසමෂ්ටිජ්ඤානකෝවිදඃ .. 155 ..

අෂ්ටාදශාන්නසම්පත්තිරෂ්ටාදශවිජාතිකෘත් .

ඒකවිංශඃ පුමානේකවිංශත්යඞ්ගුලිපල්ලවඃ .. 156 ..

චතුර්විංශතිතත්ත්වාත්මා පඤ්චවිංශාඛ්යපූරුෂඃ .

සප්තවිංශතිතාරේශඃ සප්තවිංශතියෝගකෘත් .. 157 ..

ද්වාත්රිංශද්භෛරවාධීශශ්චතුස්ත්රිංශන්මහාහ්රදඃ .

ෂට්ත්රිංශත්තත්ත්වසම්භූතිරෂ්ටත්රිංශත්කලාත්මකඃ .. 158 ..

පඤ්චාශද්විෂ්ණුශක්තීශඃ පඤ්චාශන්මාතෘකාලයඃ .

ද්විපඤ්චාශද්වපුඃශ්රේණීත්රිෂෂ්ට්යක්ෂරසංශ්රයඃ .

පඤ්චාශදක්ෂරශ්රේණීපඤ්චාශද්රුද්රවිග්රහඃ .. 159 ..

චතුඃෂෂ්ටිමහාසිද්ධියෝගිනීවෘන්දවන්දිතඃ .

නමදේකෝනපඤ්චාශන්මරුද්වර්ගනිරර්ගලඃ .. 160 ..

චතුඃෂෂ්ට්යර්ථනිර්ණේතා චතුඃෂෂ්ටිකලානිධිඃ .

අෂ්ටෂෂ්ටිමහාතීර්ථක්ෂේත්රභෛරවවන්දිතඃ .. 161 ..

චතුර්නවතිමන්ත්රාත්මා ෂණ්ණවත්යධිකප්රභුඃ .

ශතානන්දඃ ශතධෘතිඃ ශතපත්රායතේක්ෂණඃ .. 162 ..

ශතානීකඃ ශතමඛඃ ශතධාරාවරායුධඃ .

සහස්රපත්රනිලයඃ සහස්රඵණිභූෂණඃ .. 163 ..

සහස්රශීර්ෂා පුරුෂඃ සහස්රාක්ෂඃ සහස්රපාත් .

සහස්රනාමසංස්තුත්යඃ සහස්රාක්ෂබලාපහඃ .. 164 ..

දශසාහස්රඵණිභෘත්ඵණිරාජකෘතාසනඃ .

අෂ්ටාශීතිසහස්රාද්යමහර්ෂිස්තෝත්රපාඨිතඃ .. 165 ..

ලක්ෂාධාරඃ ප්රියාධාරෝ ලක්ෂාධාරමනෝමයඃ .

චතුර්ලක්ෂජපප්රීතශ්චතුර්ලක්ෂප්රකාශකඃ .. 166 ..

චතුරශීතිලක්ෂාණාං ජීවානාං දේහසංස්ථිතඃ .

කෝටිසූර්යප්රතීකාශඃ කෝටිචන්ද්රාංශුනිර්මලඃ .. 167 ..

ශිවෝද්භවාද්යෂ්ටකෝටිවෛනායකධුරන්ධරඃ .

සප්තකෝටිමහාමන්ත්රමන්ත්රිතාවයවද්යුතිඃ .. 168 ..

ත්රයස්ත්රිංශත්කෝටිසුරශ්රේණීප්රණතපාදුකඃ .

අනන්තදේවතාසේව්යෝ හ්යනන්තශුභදායකඃ .. 169 ..

අනන්තනාමානන්තශ්රීරනන්තෝ(අ)නන්තසෞඛ්යදඃ .

අනන්තශක්තිසහිතෝ හ්යනන්තමුනිසංස්තුතඃ .. 170 ..

ඉති වෛනායකං නාම්නාං සහස්රමිදමීරිතම් .

ඉදං බ්රාහ්මේ මුහූර්තේ යඃ පඨති ප්රත්යහං නරඃ .. 171 ..

කරස්ථං තස්ය සකලමෛහිකාමුෂ්මිකං සුඛම් .

ආයුරාරෝග්යමෛශ්වර්යං ධෛර්යං ශෞර්යං බලං යශඃ .. 172 ..

මේධා ප්රජ්ඤා ධෘතිඃ කාන්තිඃ සෞභාග්යමභිරූපතා .

සත්යං දයා ක්ෂමා ශාන්තිර්දාක්ෂිණ්යං ධර්මශීලතා .. 173 ..

ජගත්සංවනනං විශ්වසංවාදෝ වේදපාටවම් .

සභාපාණ්ඩිත්යමෞදාර්යං ගාම්භීර්යං බ්රහ්මවර්චසම් .. 174 ..

ඕජස්තේජඃ කුලං ශීලං ප්රතාපෝ වීර්යමාර්යතා .

ජ්ඤානං විජ්ඤානමාස්තික්යං ස්ථෛර්යං විශ්වාසතා තථා .. 175 ..

ධනධාන්යාදිවෘද්ධිශ්ච සකෘදස්ය ජපාද්භවේත් .

වශ්යං චතුර්විධං විශ්වං ජපාදස්ය ප්රජායතේ .. 176 ..

රාජ්ඤෝ රාජකලත්රස්ය රාජපුත්රස්ය මන්ත්රිණඃ .

ජප්යතේ යස්ය වශ්යාර්ථේ ස දාසස්තස්ය ජායතේ .. 177 ..

ධර්මාර්ථකාමමෝක්ෂාණාමනායාසේන සාධනම් .

ශාකිනීඩාකිනීරක්ෂෝයක්ෂග්රහභයාපහම් .. 178 ..

සාම්රාජ්යසුඛදං සර්වසපත්නමදමර්දනම් .

සමස්තකලහධ්වංසි දග්ධබීජප්රරෝහණම් .. 179 ..

දුඃස්වප්නශමනං ක්රුද්ධස්වාමිචිත්තප්රසාදනම් .

ෂඩ්වර්ගාෂ්ටමහාසිද්ධිත්රිකාලජ්ඤානකාරණම් .. 180 ..

පරකෘත්යප්රශමනං පරචක්රප්රමර්දනම් .

සඞ්ග්රාමමාර්ගේ සවේෂාමිදමේකං ජයාවහම් .. 181 ..

සර්වවන්ධ්යත්වදෝෂඝ්නං ගර්භරක්ෂෛකකාරණම් .

පඨ්යතේ ප්රත්යහං යත්ර ස්තෝත්රං ගණපතේරිදම් .. 182 ..

දේශේ තත්ර න දුර්භික්ෂමීතයෝ දුරිතානි ච .

න තද්ගේහං ජහාති ශ්රීර්යත්රායං ජප්යතේ ස්තවඃ .. 183 ..

ක්ෂයකුෂ්ඨප්රමේහාර්ශභගන්දරවිෂූචිකාඃ .

ගුල්මං ප්ලීහානමශමානමතිසාරං මහෝදරම් .. 184 ..

කාසං ශ්වාසමුදාවර්තං ශූලං ශෝඵාමයෝදරම් .

ශිරෝරෝගං වමිං හික්කාං ගණ්ඩමාලාමරෝචකම් .. 185 ..

වාතපිත්තකඵද්වන්ද්වත්රිදෝෂජනිතජ්වරම් .

ආගන්තුවිෂමං ශීතමුෂ්ණං චෛකාහිකාදිකම් .. 186 ..

ඉත්යාද්යුක්තමනුක්තං වා රෝගදෝෂාදිසම්භවම් .

සර්වං ප්රශමයත්යාශු ස්තෝත්රස්යාස්ය සකෘජ්ජපඃ .. 187 ..

ප්රාප්යතේ(අ)ස්ය ජපාත්සිද්ධිඃ ස්ත්රීශූද්රෛඃ පතිතෛරපි .

සහස්රනාමමන්ත්රෝ(අ)යං ජපිතව්යඃ ශුභාප්තයේ .. 188 ..

මහාගණපතේඃ ස්තෝත්රං සකාමඃ ප්රජපන්නිදම් .

ඉච්ඡයා සකලාන් භෝගානුපභුජ්යේහ පාර්ථිවාන් .. 189 ..

මනෝරථඵලෛර්දිව්යෛර්ව්යෝමයානෛර්මනෝරමෛඃ .

චන්ද්රේන්ද්රභාස්කරෝපේන්ද්රබ්රහ්මශර්වාදිසද්මසු .. 190 ..

කාමරූපඃ කාමගතිඃ කාමදඃ කාමදේශ්වරඃ .

භුක්ත්වා යථේප්සිතාන්භෝගානභීෂ්ටෛඃ සහ බන්ධුභිඃ .. 191 ..

ගණේශානුචරෝ භූත්වා ගණෝ ගණපතිප්රියඃ .

නන්දීශ්වරාදිසානන්දෛර්නන්දිතඃ සකලෛර්ගණෛඃ .. 192 ..

ශිවාභ්යාං කෘපයා පුත්රනිර්විශේෂං ච ලාලිතඃ .

ශිවභක්තඃ පූර්ණකාමෝ ගණේශ්වරවරාත්පුනඃ .. 193 ..

ජාතිස්මරෝ ධර්මපරඃ සාර්වභෞමෝ(අ)භිජායතේ .

නිෂ්කාමස්තු ජපන්නිත්යං භක්ත්යා විඝ්නේශතත්පරඃ .. 194 ..

යෝගසිද්ධිං පරාං ප්රාප්ය ජ්ඤානවෛරාග්යසංයුතඃ .

නිරන්තරේ නිරාබාධේ පරමානන්දසඤ්ජ්ඤිතේ .. 195 ..

විශ්වෝත්තීර්ණේ පරේ පූර්ණේ පුනරාවෘත්තිවර්ජිතේ .

ලීනෝ වෛනායකේ ධාම්නි රමතේ නිත්යනිර්වෘතේ .. 196 ..

යෝ නාමභිර්හුතෛර්දත්තෛඃ පූජයේදර්චයේ​ඒන්නරඃ .

රාජානෝ වශ්යතාං යාන්ති රිපවෝ යාන්ති දාසතාම් .. 197 ..

තස්ය සිධ්යන්ති මන්ත්රාණාං දුර්ලභාශ්චේෂ්ටසිද්ධයඃ .

මූලමන්ත්රාදපි ස්තෝත්රමිදං ප්රියතමං මම .. 198 ..

නභස්යේ මාසි ශුක්ලායාං චතුර්ථ්යාං මම ජන්මනි .

දූර්වාභිර්නාමභිඃ පූජාං තර්පණං විධිවච්චරේත් .. 199 ..

අෂ්ටද්රව්යෛර්විශේෂේණ කුර්යාද්භක්තිසුසංයුතඃ .

තස්යේප්සිතං ධනං ධාන්යමෛශ්වර්යං විජයෝ යශඃ .. 200 ..

භවිෂ්යති න සන්දේහඃ පුත්රපෞත්රාදිකං සුඛම් .

ඉදං ප්රජපිතං ස්තෝත්රං පඨිතං ශ්රාවිතං ශ්රුතම් .. 201 ..

ව්යාකෘතං චර්චිතං ධ්යාතං විමෘෂ්ටමභිවන්දිතම් .

ඉහාමුත්ර ච විශ්වේෂාං විශ්වෛශ්වර්යප්රදායකම් .. 202 ..

ස්වච්ඡන්දචාරිණාප්යේෂ යේන සන්ධාර්යතේ ස්තවඃ .

ස රක්ෂ්යතේ ශිවෝද්භූතෛර්ගණෛරධ්යෂ්ටකෝටිභිඃ .. 203 ..

ලිඛිතං පුස්තකස්තෝත්රං මන්ත්රභූතං ප්රපූජයේත් .

තත්ර සර්වෝත්තමා ලක්ෂ්මීඃ සන්නිධත්තේ නිරන්තරම් .. 204 ..

දානෛරශේෂෛරඛිලෛර්ව්රතෛශ්ච තීර්ථෛරශේෂෛරඛිලෛර්මඛෛශ්ච .

න තත්ඵලං වින්දති යද්ගණේශසහස්රනාමස්මරණේන සද්යඃ .. 205 ..

ඒතන්නාම්නාං සහස්රං පඨති දිනමණෞ ප්රත්යහම්ප්රෝජ්ජිහානේ

සායං මධ්යන්දිනේ වා ත්රිෂවණමථවා සන්තතං වා ජනෝ යඃ .

ස ස්යාදෛශ්වර්යධුර්යඃ ප්රභවති වචසාං කීර්තිමුච්චෛස්තනෝති

දාරිද්ර්යං හන්ති විශ්වං වශයති සුචිරං වර්ධතේ පුත්රපෞත්රෛඃ .. 206 ..

අකිඤ්චනෝප්යේකචිත්තෝ නියතෝ නියතාසනඃ .

ප්රජපංශ්චතුරෝ මාසාන් ගණේශාර්චනතත්පරඃ .. 207 ..

දරිද්රතාං සමුන්මූල්ය සප්තජන්මානුගාමපි .

ලභතේ මහතීං ලක්ෂ්මීමිත්යාජ්ඤා පාරමේශ්වරී .. 208 ..

ආයුෂ්යං වීතරෝගං කුලමතිවිමලං සම්පදශ්චාර්තිනාශඃ

කීර්තිර්නිත්යාවදාතා භවති ඛලු නවා කාන්තිරව්යාජභව්යා .

පුත්රාඃ සන්තඃ කලත්රං ගුණවදභිමතං යද්යදන්යච්ච තත්ත -

න්නිත්යං යඃ ස්තෝත්රමේතත් පඨති ගණපතේස්තස්ය හස්තේ සමස්තම් .. 209 ..

ගණඤ්ජයෝ ගණපතිර්හේරම්බෝ ධරණීධරඃ .

මහාගණපතිර්බුද්ධිප්රියඃ ක්ෂිප්රප්රසාදනඃ .. 210 ..

අමෝඝසිද්ධිරමෘතමන්ත්රශ්චින්තාමණිර්නිධිඃ .

සුමඞ්ගලෝ බීජමාශාපූරකෝ වරදඃ කලඃ .. 211 ..

කාශ්යපෝ නන්දනෝ වාචාසිද්ධෝ ඪුණ්ඪිර්විනායකඃ .

මෝදකෛරේභිරත්රෛකවිංශත්යා නාමභිඃ පුමාන් .. 212 ..

උපායනං දදේද්භක්ත්යා මත්ප්රසාදං චිකීර්ෂති .

වත්සරං විඝ්නරාජෝ(අ)ස්ය තථ්යමිෂ්ටාර්ථසිද්ධයේ .. 213 ..

යඃ ස්තෞති මද්ගතමනා මමාරාධනතත්පරඃ .

ස්තුතෝ නාම්නා සහස්රේණ තේනාහං නාත්ර සංශයඃ .. 214 ..

නමෝ නමඃ සුරවරපූජිතාඞ්ඝ්රයේ

නමෝ නමෝ නිරුපමමඞ්ගලාත්මනේ .

නමෝ නමෝ විපුලදයෛකසිද්ධයේ

නමෝ නමඃ කරිකලභානනාය තේ .. 215 ..

කිඞ්කිණීගණරචිතචරණඃ

ප්රකටිතගුරුමිතචාරුකරණඃ .

මදජලලහරීකලිතකපෝලඃ

ශමයතු දුරිතං ගණපතිනාම්නා .. 216 ..

.. ඉති ශ්රීගණේශපුරාණේ උපාසනාඛණ්ඩේ ඊශ්වරගණේශසංවාදේ

ගණේශසහස්රනාමස්තෝත්රං නාම ෂට්චත්වාරිංශෝධ්යායඃ ..