మహా గణపతి సహస్రనామ స్తోత్రమ్

మహా గణపతి సహస్రనామ స్తోత్రమ్

శ్లోక 1

మునిరువాచ

కథం నామ్నాం సహస్రం తం గణేశ ఉపదిష్టవాన్ ।

శివదం తన్మమాచక్ష్వ లోకానుగ్రహతత్పర

శ్లోక 2

బ్రహ్మోవాచ

దేవః పూర్వం పురారాతిః పురత్రయజయోద్యమే ।

అనర్చనాద్గణేశస్య జాతో విఘ్నాకులః కిల

॥ 1 ॥

శ్లోక 3

మనసా స వినిర్ధార్య దదృశే విఘ్నకారణమ్ ।

మహాగణపతిం భక్త్యా సమభ్యర్చ్య యథావిధి

॥ 2 ॥

శ్లోక 4

విఘ్నప్రశమనోపాయమపృచ్ఛదపరిశ్రమమ్ ।

సన్తుష్టః పూజయా శమ్భోర్మహాగణపతిః స్వయమ్

॥ 3 ॥

శ్లోక 5

సర్వవిఘ్నప్రశమనం సర్వకామఫలప్రదమ్ ।

తతస్తస్మై స్వయం నామ్నాం సహస్రమిదమబ్రవీత్

॥ 4 ॥

శ్లోక 6

అస్య శ్రీమహాగణపతిసహస్రనామస్తోత్రమాలామన్త్రస్య ।

గణేశ ఋషిః, మహాగణపతిర్దేవతా, నానావిధానిచ్ఛన్దాంసి ।

హుమితి బీజమ్, తుఙ్గమితి శక్తిః, స్వాహాశక్తిరితి కీలకమ్ ।

సకలవిఘ్నవినాశనద్వారా శ్రీమహాగణపతిప్రసాదసిద్ధ్యర్థే జపే వినియోగః ।

అథ కరన్యాసః

గణేశ్వరో గణక్రీడ ఇత్యఙ్గుష్ఠాభ్యాం నమః ।

కుమారగురురీశాన ఇతి తర్జనీభ్యాం నమః ॥

బ్రహ్మాణ్డకుమ్భశ్చిద్వ్యోమేతి మధ్యమాభ్యాం నమః ।

రక్తో రక్తామ్బరధర ఇత్యనామికాభ్యాం నమః

సర్వసద్గురుసంసేవ్య ఇతి కనిష్ఠికాభ్యాం నమః ।

లుప్తవిఘ్నః స్వభక్తానామితి కరతలకరపృష్ఠాభ్యాం నమః ॥

అథ అఙ్గన్యాసః

ఛన్దశ్ఛన్దోద్భవ ఇతి హృదయాయ నమః ।

నిష్కలో నిర్మల ఇతి శిరసే స్వాహా ।

సృష్టిస్థితిలయక్రీడ ఇతి శిఖాయై వషట్ ।

జ్ఞానం విజ్ఞానమానన్ద ఇతి కవచాయ హుమ్ ।

అష్టాఙ్గయోగఫలభృదితి నేత్రత్రయాయ వౌషట్ ।

అనన్తశక్తిసహిత ఇత్యస్త్రాయ ఫట్ ।

భూర్భువః స్వరోం ఇతి దిగ్బన్ధః ।

అథ ధ్యానమ్

గజవదనమచిన్త్యం తీక్ష్ణదంష్ట్రం త్రినేత్రం

బృహదుదరమశేషం భూతిరాజం పురాణమ్ ।

అమరవరసుపూజ్యం రక్తవర్ణం సురేశం

పశుపతిసుతమీశం విఘ్నరాజం నమామి ॥

శ్రీగణపతిరువాచ

ఓం గణేశ్వరో గణక్రీడో గణనాథో గణాధిపః ।

ఏకదన్తో వక్రతుణ్డో గజవక్త్రో మహోదరః

॥ 5 ॥

శ్లోక 7

లమ్బోదరో ధూమ్రవర్ణో వికటో విఘ్ననాశనః ।

సుముఖో దుర్ముఖో బుద్ధో విఘ్నరాజో గజాననః

॥ 1 ॥

శ్లోక 8

భీమః ప్రమోద ఆమోదః సురానన్దో మదోత్కటః ।

హేరమ్బః శమ్బరః శమ్భుర్లమ్బకర్ణో మహాబలః

॥ 2 ॥

శ్లోక 9

నన్దనో లమ్పటో భీమో మేఘనాదో గణఞ్జయః ।

వినాయకో విరూపాక్షో వీరః శూరవరప్రదః

॥ 3 ॥

శ్లోక 10

మహాగణపతిర్బుద్ధిప్రియః క్షిప్రప్రసాదనః ।

రుద్రప్రియో గణాధ్యక్ష ఉమాపుత్రోఽఘనాశనః

॥ 4 ॥

శ్లోక 11

కుమారగురురీశానపుత్రో మూషకవాహనః ।

సిద్ధిప్రియః సిద్ధిపతిః సిద్ధః సిద్ధివినాయకః

॥ 5 ॥

శ్లోక 12

అవిఘ్నస్తుమ్బురుః సింహవాహనో మోహినీప్రియః ।

కటఙ్కటో రాజపుత్రః శాకలః సమ్మితోమితః

॥ 6 ॥

శ్లోక 13

కూష్మాణ్డసామసమ్భూతిర్దుర్జయో ధూర్జయో జయః ।

భూపతిర్భువనపతిర్భూతానాం పతిరవ్యయః

॥ 7 ॥

శ్లోక 14

విశ్వకర్తా విశ్వముఖో విశ్వరూపో నిధిర్గుణః ।

కవిః కవీనామృషభో బ్రహ్మణ్యో బ్రహ్మవిత్ప్రియః

॥ 8 ॥

శ్లోక 15

జ్యేష్ఠరాజో నిధిపతిర్నిధిప్రియపతిప్రియః ।

హిరణ్మయపురాన్తఃస్థః సూర్యమణ్డలమధ్యగః

॥ 9 ॥

శ్లోక 16

కరాహతిధ్వస్తసిన్ధుసలిలః పూషదన్తభిత్ ।

ఉమాఙ్కకేలికుతుకీ ముక్తిదః కులపావనః

॥ 10 ॥

శ్లోక 17

కిరీటీ కుణ్డలీ హారీ వనమాలీ మనోమయః ।

వైముఖ్యహతదైత్యశ్రీః పాదాహతిజితక్షితిః

॥ 11 ॥

శ్లోక 18

సద్యోజాతః స్వర్ణముఞ్జమేఖలీ దుర్నిమిత్తహృత్ ।

దుఃస్వప్నహృత్ప్రసహనో గుణీ నాదప్రతిష్ఠితః

॥ 12 ॥

శ్లోక 19

సురూపః సర్వనేత్రాధివాసో వీరాసనాశ్రయః ।

పీతామ్బరః ఖణ్డరదః ఖణ్డవైశాఖసంస్థితః

॥ 13 ॥

శ్లోక 20

చిత్రాఙ్గః శ్యామదశనో భాలచన్ద్రో హవిర్భుజః ।

యోగాధిపస్తారకస్థః పురుషో గజకర్ణకః

॥ 14 ॥

శ్లోక 21

గణాధిరాజో విజయః స్థిరో గజపతిధ్వజీ ।

దేవదేవః స్మరః ప్రాణదీపకో వాయుకీలకః

॥ 15 ॥

శ్లోక 22

విపశ్చిద్వరదో నాదో నాదభిన్నమహాచలః ।

వరాహరదనో మృత్యుఞ్జయో వ్యాఘ్రాజినామ్బరః

॥ 16 ॥

శ్లోక 23

ఇచ్ఛాశక్తిభవో దేవత్రాతా దైత్యవిమర్దనః ।

శమ్భువక్త్రోద్భవః శమ్భుకోపహా శమ్భుహాస్యభూః

॥ 17 ॥

శ్లోక 24

శమ్భుతేజాః శివాశోకహారీ గౌరీసుఖావహః ।

ఉమాఙ్గమలజో గౌరీతేజోభూః స్వర్ధునీభవః

॥ 18 ॥

శ్లోక 25

యజ్ఞకాయో మహానాదో గిరివర్ష్మా శుభాననః ।

సర్వాత్మా సర్వదేవాత్మా బ్రహ్మమూర్ధా కకుప్శ్రుతిః

॥ 19 ॥

శ్లోక 26

బ్రహ్మాణ్డకుమ్భశ్చిద్వ్యోమభాలఃసత్యశిరోరుహః ।

జగజ్జన్మలయోన్మేషనిమేషోఽగ్న్యర్కసోమదృక్

॥ 20 ॥

శ్లోక 27

గిరీన్ద్రైకరదో ధర్మాధర్మోష్ఠః సామబృంహితః ।

గ్రహర్క్షదశనో వాణీజిహ్వో వాసవనాసికః

॥ 21 ॥

శ్లోక 28

భ్రూమధ్యసంస్థితకరో బ్రహ్మవిద్యామదోదకః ।

కులాచలాంసః సోమార్కఘణ్టో రుద్రశిరోధరః

॥ 22 ॥

శ్లోక 29

నదీనదభుజః సర్పాఙ్గులీకస్తారకానఖః ।

వ్యోమనాభిః శ్రీహృదయో మేరుపృష్ఠోఽర్ణవోదరః

॥ 23 ॥

శ్లోక 30

కుక్షిస్థయక్షగన్ధర్వరక్షఃకిన్నరమానుషః ।

పృథ్వీకటిః సృష్టిలిఙ్గః శైలోరుర్దస్రజానుకః

॥ 24 ॥

శ్లోక 31

పాతాలజఙ్ఘో మునిపాత్కాలాఙ్గుష్ఠస్త్రయీతనుః ।

జ్యోతిర్మణ్డలలాఙ్గూలో హృదయాలాననిశ్చలః

॥ 25 ॥

శ్లోక 32

హృత్పద్మకర్ణికాశాలీ వియత్కేలిసరోవరః ।

సద్భక్తధ్యాననిగడః పూజావారినివారితః

॥ 26 ॥

శ్లోక 33

ప్రతాపీ కాశ్యపో మన్తా గణకో విష్టపీ బలీ ।

యశస్వీ ధార్మికో జేతా ప్రథమః ప్రమథేశ్వరః

॥ 27 ॥

శ్లోక 34

చిన్తామణిర్ద్వీపపతిః కల్పద్రుమవనాలయః ।

రత్నమణ్డపమధ్యస్థో రత్నసింహాసనాశ్రయః

॥ 28 ॥

శ్లోక 35

తీవ్రాశిరోద్ధృతపదో జ్వాలినీమౌలిలాలితః ।

నన్దానన్దితపీఠశ్రీర్భోగదో భూషితాసనః

॥ 29 ॥

శ్లోక 36

సకామదాయినీపీఠః స్ఫురదుగ్రాసనాశ్రయః ।

తేజోవతీశిరోరత్నం సత్యానిత్యావతంసితః

॥ 30 ॥

శ్లోక 37

సవిఘ్ననాశినీపీఠః సర్వశక్త్యమ్బుజాలయః ।

లిపిపద్మాసనాధారో వహ్నిధామత్రయాలయః

॥ 31 ॥

శ్లోక 38

ఉన్నతప్రపదో గూఢగుల్ఫః సంవృతపార్ష్ణికః ।

పీనజఙ్ఘః శ్లిష్టజానుః స్థూలోరుః ప్రోన్నమత్కటిః

॥ 32 ॥

శ్లోక 39

నిమ్ననాభిః స్థూలకుక్షిః పీనవక్షా బృహద్భుజః ।

పీనస్కన్ధః కమ్బుకణ్ఠో లమ్బోష్ఠో లమ్బనాసికః

॥ 33 ॥

శ్లోక 40

భగ్నవామరదస్తుఙ్గసవ్యదన్తో మహాహనుః ।

హ్రస్వనేత్రత్రయః శూర్పకర్ణో నిబిడమస్తకః

॥ 34 ॥

శ్లోక 41

స్తబకాకారకుమ్భాగ్రో రత్నమౌలిర్నిరఙ్కుశః ।

సర్పహారకటీసూత్రః సర్పయజ్ఞోపవీతవాన్

॥ 35 ॥

శ్లోక 42

సర్పకోటీరకటకః సర్పగ్రైవేయకాఙ్గదః ।

సర్పకక్షోదరాబన్ధః సర్పరాజోత్తరచ్ఛదః

॥ 36 ॥

శ్లోక 43

రక్తో రక్తామ్బరధరో రక్తమాలావిభూషణః ।

రక్తేక్షనో రక్తకరో రక్తతాల్వోష్ఠపల్లవః

॥ 37 ॥

శ్లోక 44

శ్వేతః శ్వేతామ్బరధరః శ్వేతమాలావిభూషణః ।

శ్వేతాతపత్రరుచిరః శ్వేతచామరవీజితః

॥ 38 ॥

శ్లోక 45

సర్వావయవసమ్పూర్ణః సర్వలక్షణలక్షితః ।

సర్వాభరణశోభాఢ్యః సర్వశోభాసమన్వితః

॥ 39 ॥

శ్లోక 46

సర్వమఙ్గలమాఙ్గల్యః సర్వకారణకారణమ్ ।

సర్వదేవవరః శార్ఙ్గీ బీజపూరీ గదాధరః

॥ 40 ॥

శ్లోక 47

శుభాఙ్గో లోకసారఙ్గః సుతన్తుస్తన్తువర్ధనః ।

కిరీటీ కుణ్డలీ హారీ వనమాలీ శుభాఙ్గదః

॥ 41 ॥

శ్లోక 48

ఇక్షుచాపధరః శూలీ చక్రపాణిః సరోజభృత్ ।

పాశీ ధృతోత్పలః శాలిమఞ్జరీభృత్స్వదన్తభృత్

॥ 42 ॥

శ్లోక 49

కల్పవల్లీధరో విశ్వాభయదైకకరో వశీ ।

అక్షమాలాధరో జ్ఞానముద్రావాన్ ముద్గరాయుధః

॥ 43 ॥

శ్లోక 50

పూర్ణపాత్రీ కమ్బుధరో విధృతాఙ్కుశమూలకః ।

కరస్థామ్రఫలశ్చూతకలికాభృత్కుఠారవాన్

॥ 44 ॥

శ్లోక 51

పుష్కరస్థస్వర్ణఘటీపూర్ణరత్నాభివర్షకః ।

భారతీసున్దరీనాథో వినాయకరతిప్రియః

॥ 45 ॥

శ్లోక 52

మహాలక్ష్మీప్రియతమః సిద్ధలక్ష్మీమనోరమః ।

రమారమేశపూర్వాఙ్గో దక్షిణోమామహేశ్వరః

॥ 46 ॥

శ్లోక 53

మహీవరాహవామాఙ్గో రతికన్దర్పపశ్చిమః ।

ఆమోదమోదజననః సప్రమోదప్రమోదనః

॥ 47 ॥

శ్లోక 54

సంవర్ధితమహావృద్ధిరృద్ధిసిద్ధిప్రవర్ధనః ।

దన్తసౌముఖ్యసుముఖః కాన్తికన్దలితాశ్రయః

॥ 48 ॥

శ్లోక 55

మదనావత్యాశ్రితాఙ్ఘ్రిః కృతవైముఖ్యదుర్ముఖః ।

విఘ్నసమ్పల్లవః పద్మః సర్వోన్నతమదద్రవః

॥ 49 ॥

శ్లోక 56

విఘ్నకృన్నిమ్నచరణో ద్రావిణీశక్తిసత్కృతః ।

తీవ్రాప్రసన్ననయనో జ్వాలినీపాలితైకదృక్

॥ 50 ॥

శ్లోక 57

మోహినీమోహనో భోగదాయినీకాన్తిమణ్డనః ।

కామినీకాన్తవక్త్రశ్రీరధిష్ఠితవసున్ధరః

॥ 51 ॥

శ్లోక 58

వసుధారామదోన్నాదో మహాశఙ్ఖనిధిప్రియః ।

నమద్వసుమతీమాలీ మహాపద్మనిధిః ప్రభుః

॥ 52 ॥

శ్లోక 59

సర్వసద్గురుసంసేవ్యః శోచిష్కేశహృదాశ్రయః ।

ఈశానమూర్ధా దేవేన్ద్రశిఖః పవననన్దనః

॥ 53 ॥

శ్లోక 60

ప్రత్యుగ్రనయనో దివ్యో దివ్యాస్త్రశతపర్వధృక్ ।

ఐరావతాదిసర్వాశావారణో వారణప్రియః

॥ 54 ॥

శ్లోక 61

వజ్రాద్యస్త్రపరీవారో గణచణ్డసమాశ్రయః ।

జయాజయపరికరో విజయావిజయావహః

॥ 55 ॥

శ్లోక 62

అజయార్చితపాదాబ్జో నిత్యానన్దవనస్థితః ।

విలాసినీకృతోల్లాసః శౌణ్డీ సౌన్దర్యమణ్డితః

॥ 56 ॥

శ్లోక 63

అనన్తానన్తసుఖదః సుమఙ్గలసుమఙ్గలః ।

జ్ఞానాశ్రయః క్రియాధార ఇచ్ఛాశక్తినిషేవితః

॥ 57 ॥

శ్లోక 64

సుభగాసంశ్రితపదో లలితాలలితాశ్రయః ।

కామినీపాలనః కామకామినీకేలిలాలితః

॥ 58 ॥

శ్లోక 65

సరస్వత్యాశ్రయో గౌరీనన్దనః శ్రీనికేతనః ।

గురుగుప్తపదో వాచాసిద్ధో వాగీశ్వరీపతిః

॥ 59 ॥

శ్లోక 66

నలినీకాముకో వామారామో జ్యేష్ఠామనోరమః ।

రౌద్రీముద్రితపాదాబ్జో హుమ్బీజస్తుఙ్గశక్తికః

॥ 60 ॥

శ్లోక 67

విశ్వాదిజననత్రాణః స్వాహాశక్తిః సకీలకః ।

అమృతాబ్ధికృతావాసో మదఘూర్ణితలోచనః

॥ 61 ॥

శ్లోక 68

ఉచ్ఛిష్టోచ్ఛిష్టగణకో గణేశో గణనాయకః ।

సార్వకాలికసంసిద్ధిర్నిత్యసేవ్యో దిగమ్బరః

॥ 62 ॥

శ్లోక 69

అనపాయోఽనన్తదృష్టిరప్రమేయోఽజరామరః ।

అనావిలోఽప్రతిహతిరచ్యుతోఽమృతమక్షరః

॥ 63 ॥

శ్లోక 70

అప్రతర్క్యోఽక్షయోఽజయ్యోఽనాధారోఽనామయోమలః ।

అమేయసిద్ధిరద్వైతమఘోరోఽగ్నిసమాననః

॥ 64 ॥

శ్లోక 71

అనాకారోఽబ్ధిభూమ్యగ్నిబలఘ్నోఽవ్యక్తలక్షణః ।

ఆధారపీఠమాధార ఆధారాధేయవర్జితః

॥ 65 ॥

శ్లోక 72

ఆఖుకేతన ఆశాపూరక ఆఖుమహారథః ।

ఇక్షుసాగరమధ్యస్థ ఇక్షుభక్షణలాలసః

॥ 66 ॥

శ్లోక 73

ఇక్షుచాపాతిరేకశ్రీరిక్షుచాపనిషేవితః ।

ఇన్ద్రగోపసమానశ్రీరిన్ద్రనీలసమద్యుతిః

॥ 67 ॥

శ్లోక 74

ఇన్దీవరదలశ్యామ ఇన్దుమణ్డలమణ్డితః ।

ఇధ్మప్రియ ఇడాభాగ ఇడావానిన్దిరాప్రియః

॥ 68 ॥

శ్లోక 75

ఇక్ష్వాకువిఘ్నవిధ్వంసీ ఇతికర్తవ్యతేప్సితః ।

ఈశానమౌలిరీశాన ఈశానప్రియ ఈతిహా

॥ 69 ॥

శ్లోక 76

ఈషణాత్రయకల్పాన్త ఈహామాత్రవివర్జితః ।

ఉపేన్ద్ర ఉడుభృన్మౌలిరుడునాథకరప్రియః

॥ 70 ॥

శ్లోక 77

ఉన్నతానన ఉత్తుఙ్గ ఉదారస్త్రిదశాగ్రణీః ।

ఊర్జస్వానూష్మలమద ఊహాపోహదురాసదః

॥ 71 ॥

శ్లోక 78

ఋగ్యజుఃసామనయన ఋద్ధిసిద్ధిసమర్పకః ।

ఋజుచిత్తైకసులభో ఋణత్రయవిమోచనః

॥ 72 ॥

శ్లోక 79

లుప్తవిఘ్నః స్వభక్తానాం లుప్తశక్తిః సురద్విషామ్ ।

లుప్తశ్రీర్విముఖార్చానాం లూతావిస్ఫోటనాశనః

॥ 73 ॥

శ్లోక 80

ఏకారపీఠమధ్యస్థ ఏకపాదకృతాసనః ।

ఏజితాఖిలదైత్యశ్రీరేధితాఖిలసంశ్రయః

॥ 74 ॥

శ్లోక 81

ఐశ్వర్యనిధిరైశ్వర్యమైహికాముష్మికప్రదః ।

ఐరమ్మదసమోన్మేష ఐరావతసమాననః

॥ 75 ॥

శ్లోక 82

ఓఙ్కారవాచ్య ఓఙ్కార ఓజస్వానోషధీపతిః ।

ఔదార్యనిధిరౌద్ధత్యధైర్య ఔన్నత్యనిఃసమః

॥ 76 ॥

శ్లోక 83

అఙ్కుశః సురనాగానామఙ్కుశాకారసంస్థితః ।

అః సమస్తవిసర్గాన్తపదేషు పరికీర్తితః

॥ 77 ॥

శ్లోక 84

కమణ్డలుధరః కల్పః కపర్దీ కలభాననః ।

కర్మసాక్షీ కర్మకర్తా కర్మాకర్మఫలప్రదః

॥ 78 ॥

శ్లోక 85

కదమ్బగోలకాకారః కూష్మాణ్డగణనాయకః ।

కారుణ్యదేహః కపిలః కథకః కటిసూత్రభృత్

॥ 79 ॥

శ్లోక 86

ఖర్వః ఖడ్గప్రియః ఖడ్గః ఖాన్తాన్తఃస్థః ఖనిర్మలః ।

ఖల్వాటశృఙ్గనిలయః ఖట్వాఙ్గీ ఖదురాసదః

॥ 80 ॥

శ్లోక 87

గుణాఢ్యో గహనో గద్యో గద్యపద్యసుధార్ణవః ।

గద్యగానప్రియో గర్జో గీతగీర్వాణపూర్వజః

॥ 81 ॥

శ్లోక 88

గుహ్యాచారరతో గుహ్యో గుహ్యాగమనిరూపితః ।

గుహాశయో గుడాబ్ధిస్థో గురుగమ్యో గురుర్గురుః

॥ 82 ॥

శ్లోక 89

ఘణ్టాఘర్ఘరికామాలీ ఘటకుమ్భో ఘటోదరః ।

ఙకారవాచ్యో ఙాకారో ఙకారాకారశుణ్డభృత్

॥ 83 ॥

శ్లోక 90

చణ్డశ్చణ్డేశ్వరశ్చణ్డీ చణ్డేశశ్చణ్డవిక్రమః ।

చరాచరపితా చిన్తామణిశ్చర్వణలాలసః

॥ 84 ॥

శ్లోక 91

ఛన్దశ్ఛన్దోద్భవశ్ఛన్దో దుర్లక్ష్యశ్ఛన్దవిగ్రహః ।

జగద్యోనిర్జగత్సాక్షీ జగదీశో జగన్మయః

॥ 85 ॥

శ్లోక 92

జప్యో జపపరో జాప్యో జిహ్వాసింహాసనప్రభుః ।

స్రవద్గణ్డోల్లసద్ధానఝఙ్కారిభ్రమరాకులః

॥ 86 ॥

శ్లోక 93

టఙ్కారస్ఫారసంరావష్టఙ్కారమణినూపురః ।

ఠద్వయీపల్లవాన్తస్థసర్వమన్త్రేషు సిద్ధిదః

॥ 87 ॥

శ్లోక 94

డిణ్డిముణ్డో డాకినీశో డామరో డిణ్డిమప్రియః ।

ఢక్కానినాదముదితో ఢౌఙ్కో ఢుణ్ఢివినాయకః

॥ 88 ॥

శ్లోక 95

తత్త్వానాం ప్రకృతిస్తత్త్వం తత్త్వమ్పదనిరూపితః ।

తారకాన్తరసంస్థానస్తారకస్తారకాన్తకః

॥ 89 ॥

శ్లోక 96

స్థాణుః స్థాణుప్రియః స్థాతా స్థావరం జఙ్గమం జగత్ ।

దక్షయజ్ఞప్రమథనో దాతా దానం దమో దయా

॥ 90 ॥

శ్లోక 97

దయావాన్దివ్యవిభవో దణ్డభృద్దణ్డనాయకః ।

దన్తప్రభిన్నాభ్రమాలో దైత్యవారణదారణః

॥ 91 ॥

శ్లోక 98

దంష్ట్రాలగ్నద్వీపఘటో దేవార్థనృగజాకృతిః ।

ధనం ధనపతేర్బన్ధుర్ధనదో ధరణీధరః

॥ 92 ॥

శ్లోక 99

ధ్యానైకప్రకటో ధ్యేయో ధ్యానం ధ్యానపరాయణః ।

ధ్వనిప్రకృతిచీత్కారో బ్రహ్మాణ్డావలిమేఖలః

॥ 93 ॥

శ్లోక 100

నన్ద్యో నన్దిప్రియో నాదో నాదమధ్యప్రతిష్ఠితః ।

నిష్కలో నిర్మలో నిత్యో నిత్యానిత్యో నిరామయః

॥ 94 ॥

శ్లోక 101

పరం వ్యోమ పరం ధామ పరమాత్మా పరం పదమ్

॥ 95 ॥

శ్లోక 102

పరాత్పరః పశుపతిః పశుపాశవిమోచనః ।

పూర్ణానన్దః పరానన్దః పురాణపురుషోత్తమః

॥ 96 ॥

శ్లోక 103

పద్మప్రసన్నవదనః ప్రణతాజ్ఞాననాశనః ।

ప్రమాణప్రత్యయాతీతః ప్రణతార్తినివారణః

॥ 97 ॥

శ్లోక 104

ఫణిహస్తః ఫణిపతిః ఫూత్కారః ఫణితప్రియః ।

బాణార్చితాఙ్ఘ్రియుగలో బాలకేలికుతూహలీ ।

బ్రహ్మ బ్రహ్మార్చితపదో బ్రహ్మచారీ బృహస్పతిః

॥ 98 ॥

శ్లోక 105

బృహత్తమో బ్రహ్మపరో బ్రహ్మణ్యో బ్రహ్మవిత్ప్రియః ।

బృహన్నాదాగ్ర్యచీత్కారో బ్రహ్మాణ్డావలిమేఖలః

॥ 99 ॥

శ్లోక 106

భ్రూక్షేపదత్తలక్ష్మీకో భర్గో భద్రో భయాపహః ।

భగవాన్ భక్తిసులభో భూతిదో భూతిభూషణః

॥ 100 ॥

శ్లోక 107

భవ్యో భూతాలయో భోగదాతా భ్రూమధ్యగోచరః ।

మన్త్రో మన్త్రపతిర్మన్త్రీ మదమత్తో మనో మయః

॥ 101 ॥

శ్లోక 108

మేఖలాహీశ్వరో మన్దగతిర్మన్దనిభేక్షణః ।

మహాబలో మహావీర్యో మహాప్రాణో మహామనాః

॥ 102 ॥

శ్లోక 109

యజ్ఞో యజ్ఞపతిర్యజ్ఞగోప్తా యజ్ఞఫలప్రదః ।

యశస్కరో యోగగమ్యో యాజ్ఞికో యాజకప్రియః

॥ 103 ॥

శ్లోక 110

రసో రసప్రియో రస్యో రఞ్జకో రావణార్చితః ।

రాజ్యరక్షాకరో రత్నగర్భో రాజ్యసుఖప్రదః

॥ 104 ॥

శ్లోక 111

లక్షో లక్షపతిర్లక్ష్యో లయస్థో లడ్డుకప్రియః ।

లాసప్రియో లాస్యపరో లాభకృల్లోకవిశ్రుతః

॥ 105 ॥

శ్లోక 112

వరేణ్యో వహ్నివదనో వన్ద్యో వేదాన్తగోచరః ।

వికర్తా విశ్వతశ్చక్షుర్విధాతా విశ్వతోముఖః

॥ 106 ॥

శ్లోక 113

వామదేవో విశ్వనేతా వజ్రివజ్రనివారణః ।

వివస్వద్బన్ధనో విశ్వాధారో విశ్వేశ్వరో విభుః

॥ 107 ॥

శ్లోక 114

శబ్దబ్రహ్మ శమప్రాప్యః శమ్భుశక్తిగణేశ్వరః ।

శాస్తా శిఖాగ్రనిలయః శరణ్యః శమ్బరేశ్వరః

॥ 108 ॥

శ్లోక 115

షడృతుకుసుమస్రగ్వీ షడాధారః షడక్షరః ।

సంసారవైద్యః సర్వజ్ఞః సర్వభేషజభేషజమ్

॥ 109 ॥

శ్లోక 116

సృష్టిస్థితిలయక్రీడః సురకుఞ్జరభేదకః ।

సిన్దూరితమహాకుమ్భః సదసద్భక్తిదాయకః

॥ 110 ॥

శ్లోక 117

సాక్షీ సముద్రమథనః స్వయంవేద్యః స్వదక్షిణః ।

స్వతన్త్రః సత్యసఙ్కల్పః సామగానరతః సుఖీ

॥ 111 ॥

శ్లోక 118

హంసో హస్తిపిశాచీశో హవనం హవ్యకవ్యభుక్ ।

హవ్యం హుతప్రియో హృష్టో హృల్లేఖామన్త్రమధ్యగః

॥ 112 ॥

శ్లోక 119

క్షేత్రాధిపః క్షమాభర్తా క్షమాక్షమపరాయణః ।

క్షిప్రక్షేమకరః క్షేమానన్దః క్షోణీసురద్రుమః

॥ 113 ॥

శ్లోక 120

ధర్మప్రదోఽర్థదః కామదాతా సౌభాగ్యవర్ధనః ।

విద్యాప్రదో విభవదో భుక్తిముక్తిఫలప్రదః

॥ 114 ॥

శ్లోక 121

ఆభిరూప్యకరో వీరశ్రీప్రదో విజయప్రదః ।

సర్వవశ్యకరో గర్భదోషహా పుత్రపౌత్రదః

॥ 115 ॥

శ్లోక 122

మేధాదః కీర్తిదః శోకహారీ దౌర్భాగ్యనాశనః ।

ప్రతివాదిముఖస్తమ్భో రుష్టచిత్తప్రసాదనః

॥ 116 ॥

శ్లోక 123

పరాభిచారశమనో దుఃఖహా బన్ధమోక్షదః ।

లవస్త్రుటిః కలా కాష్ఠా నిమేషస్తత్పరక్షణః

॥ 117 ॥

శ్లోక 124

ఘటీ ముహూర్తః ప్రహరో దివా నక్తమహర్నిశమ్ ।

పక్షో మాసర్త్వయనాబ్దయుగం కల్పో మహాలయః

॥ 118 ॥

శ్లోక 125

రాశిస్తారా తిథిర్యోగో వారః కరణమంశకమ్ ।

లగ్నం హోరా కాలచక్రం మేరుః సప్తర్షయో ధ్రువః

॥ 119 ॥

శ్లోక 126

రాహుర్మన్దః కవిర్జీవో బుధో భౌమః శశీ రవిః ।

కాలః సృష్టిః స్థితిర్విశ్వం స్థావరం జఙ్గమం జగత్

॥ 120 ॥

శ్లోక 127

భూరాపోఽగ్నిర్మరుద్వ్యోమాహఙ్కృతిః ప్రకృతిః పుమాన్ ।

బ్రహ్మా విష్ణుః శివో రుద్ర ఈశః శక్తిః సదాశివః

॥ 121 ॥

శ్లోక 128

త్రిదశాః పితరః సిద్ధా యక్షా రక్షాంసి కిన్నరాః ।

సిద్ధవిద్యాధరా భూతా మనుష్యాః పశవః ఖగాః

॥ 122 ॥

శ్లోక 129

సముద్రాః సరితః శైలా భూతం భవ్యం భవోద్భవః ।

సాఙ్ఖ్యం పాతఞ్జలం యోగం పురాణాని శ్రుతిః స్మృతిః

॥ 123 ॥

శ్లోక 130

వేదాఙ్గాని సదాచారో మీమాంసా న్యాయవిస్తరః ।

ఆయుర్వేదో ధనుర్వేదో గాన్ధర్వం కావ్యనాటకమ్

॥ 124 ॥

శ్లోక 131

వైఖానసం భాగవతం మానుషం పాఞ్చరాత్రకమ్ ।

శైవం పాశుపతం కాలాముఖమ్భైరవశాసనమ్

॥ 125 ॥

శ్లోక 132

శాక్తం వైనాయకం సౌరం జైనమార్హతసంహితా ।

సదసద్వ్యక్తమవ్యక్తం సచేతనమచేతనమ్

॥ 126 ॥

శ్లోక 133

బన్ధో మోక్షః సుఖం భోగో యోగః సత్యమణుర్మహాన్ ।

స్వస్తి హుమ్ఫట్ స్వధా స్వాహా శ్రౌషట్ వౌషట్ వషణ్ నమః 128 ॥

జ్ఞానం విజ్ఞానమానన్దో బోధః సంవిత్సమోఽసమః ।

ఏక ఏకాక్షరాధార ఏకాక్షరపరాయణః

॥ 127 ॥

శ్లోక 134

ఏకాగ్రధీరేకవీర ఏకోఽనేకస్వరూపధృక్ ।

ద్విరూపో ద్విభుజో ద్వ్యక్షో ద్విరదో ద్వీపరక్షకః

॥ 129 ॥

శ్లోక 135

ద్వైమాతురో ద్వివదనో ద్వన్ద్వహీనో ద్వయాతిగః ।

త్రిధామా త్రికరస్త్రేతా త్రివర్గఫలదాయకః

॥ 130 ॥

శ్లోక 136

త్రిగుణాత్మా త్రిలోకాదిస్త్రిశక్తీశస్త్రిలోచనః ।

చతుర్విధవచోవృత్తిపరివృత్తిప్రవర్తకః

॥ 131 ॥

శ్లోక 137

చతుర్బాహుశ్చతుర్దన్తశ్చతురాత్మా చతుర్భుజః ।

చతుర్విధోపాయమయశ్చతుర్వర్ణాశ్రమాశ్రయః 133 ॥

చతుర్థీపూజనప్రీతశ్చతుర్థీతిథిసమ్భవః ॥

పఞ్చాక్షరాత్మా పఞ్చాత్మా పఞ్చాస్యః పఞ్చకృత్తమః

॥ 132 ॥

శ్లోక 138

పఞ్చాధారః పఞ్చవర్ణః పఞ్చాక్షరపరాయణః ।

పఞ్చతాలః పఞ్చకరః పఞ్చప్రణవమాతృకః

॥ 134 ॥

శ్లోక 139

పఞ్చబ్రహ్మమయస్ఫూర్తిః పఞ్చావరణవారితః ।

పఞ్చభక్షప్రియః పఞ్చబాణః పఞ్చశిఖాత్మకః

॥ 135 ॥

శ్లోక 140

షట్కోణపీఠః షట్చక్రధామా షడ్గ్రన్థిభేదకః ।

షడఙ్గధ్వాన్తవిధ్వంసీ షడఙ్గులమహాహ్రదః

॥ 136 ॥

శ్లోక 141

షణ్ముఖః షణ్ముఖభ్రాతా షట్శక్తిపరివారితః ।

షడ్వైరివర్గవిధ్వంసీ షడూర్మిభయభఞ్జనః

॥ 137 ॥

శ్లోక 142

షట్తర్కదూరః షట్కర్మా షడ్గుణః షడ్రసాశ్రయః ।

సప్తపాతాలచరణః సప్తద్వీపోరుమణ్డలః

॥ 138 ॥

శ్లోక 143

సప్తస్వర్లోకముకుటః సప్తసప్తివరప్రదః ।

సప్తాఙ్గరాజ్యసుఖదః సప్తర్షిగణవన్దితః

॥ 139 ॥

శ్లోక 144

సప్తచ్ఛన్దోనిధిః సప్తహోత్రః సప్తస్వరాశ్రయః ।

సప్తాబ్ధికేలికాసారః సప్తమాతృనిషేవితః

॥ 140 ॥

శ్లోక 145

సప్తచ్ఛన్దో మోదమదః సప్తచ్ఛన్దో మఖప్రభుః ।

అష్టమూర్తిర్ధ్యేయమూర్తిరష్టప్రకృతికారణమ్

॥ 141 ॥

శ్లోక 146

అష్టాఙ్గయోగఫలభృదష్టపత్రామ్బుజాసనః ।

అష్టశక్తిసమానశ్రీరష్టైశ్వర్యప్రవర్ధనః

॥ 142 ॥

శ్లోక 147

అష్టపీఠోపపీఠశ్రీరష్టమాతృసమావృతః ।

అష్టభైరవసేవ్యోఽష్టవసువన్ద్యోఽష్టమూర్తిభృత్

॥ 143 ॥

శ్లోక 148

అష్టచక్రస్ఫురన్మూర్తిరష్టద్రవ్యహవిఃప్రియః ।

అష్టశ్రీరష్టసామశ్రీరష్టైశ్వర్యప్రదాయకః ।

నవనాగాసనాధ్యాసీ నవనిధ్యనుశాసితః

॥ 144 ॥

శ్లోక 149

నవద్వారపురావృత్తో నవద్వారనికేతనః ।

నవనాథమహానాథో నవనాగవిభూషితః

॥ 145 ॥

శ్లోక 150

నవనారాయణస్తుల్యో నవదుర్గానిషేవితః ।

నవరత్నవిచిత్రాఙ్గో నవశక్తిశిరోద్ధృతః

॥ 146 ॥

శ్లోక 151

దశాత్మకో దశభుజో దశదిక్పతివన్దితః ।

దశాధ్యాయో దశప్రాణో దశేన్ద్రియనియామకః

॥ 147 ॥

శ్లోక 152

దశాక్షరమహామన్త్రో దశాశావ్యాపివిగ్రహః ।

ఏకాదశమహారుద్రైఃస్తుతశ్చైకాదశాక్షరః

॥ 148 ॥

శ్లోక 153

ద్వాదశద్విదశాష్టాదిదోర్దణ్డాస్త్రనికేతనః ।

త్రయోదశభిదాభిన్నో విశ్వేదేవాధిదైవతమ్

॥ 149 ॥

శ్లోక 154

చతుర్దశేన్ద్రవరదశ్చతుర్దశమనుప్రభుః ।

చతుర్దశాద్యవిద్యాఢ్యశ్చతుర్దశజగత్పతిః

॥ 150 ॥

శ్లోక 155

సామపఞ్చదశః పఞ్చదశీశీతాంశునిర్మలః ।

తిథిపఞ్చదశాకారస్తిథ్యా పఞ్చదశార్చితః

॥ 151 ॥

శ్లోక 156

షోడశాధారనిలయః షోడశస్వరమాతృకః ।

షోడశాన్తపదావాసః షోడశేన్దుకలాత్మకః

॥ 152 ॥

శ్లోక 157

కలాసప్తదశీ సప్తదశసప్తదశాక్షరః ।

అష్టాదశద్వీపపతిరష్టాదశపురాణకృత్

॥ 153 ॥

శ్లోక 158

అష్టాదశౌషధీసృష్టిరష్టాదశవిధిః స్మృతః ।

అష్టాదశలిపివ్యష్టిసమష్టిజ్ఞానకోవిదః

॥ 154 ॥

శ్లోక 159

అష్టాదశాన్నసమ్పత్తిరష్టాదశవిజాతికృత్ ।

ఏకవింశః పుమానేకవింశత్యఙ్గులిపల్లవః

॥ 155 ॥

శ్లోక 160

చతుర్వింశతితత్త్వాత్మా పఞ్చవింశాఖ్యపూరుషః ।

సప్తవింశతితారేశః సప్తవింశతియోగకృత్

॥ 156 ॥

శ్లోక 161

ద్వాత్రింశద్భైరవాధీశశ్చతుస్త్రింశన్మహాహ్రదః ।

షట్త్రింశత్తత్త్వసమ్భూతిరష్టత్రింశత్కలాత్మకః

॥ 157 ॥

శ్లోక 162

పఞ్చాశద్విష్ణుశక్తీశః పఞ్చాశన్మాతృకాలయః ।

ద్విపఞ్చాశద్వపుఃశ్రేణీత్రిషష్ట్యక్షరసంశ్రయః ।

పఞ్చాశదక్షరశ్రేణీపఞ్చాశద్రుద్రవిగ్రహః

॥ 158 ॥

శ్లోక 163

చతుఃషష్టిమహాసిద్ధియోగినీవృన్దవన్దితః ।

నమదేకోనపఞ్చాశన్మరుద్వర్గనిరర్గలః

॥ 159 ॥

శ్లోక 164

చతుఃషష్ట్యర్థనిర్ణేతా చతుఃషష్టికలానిధిః ।

అష్టషష్టిమహాతీర్థక్షేత్రభైరవవన్దితః

॥ 160 ॥

శ్లోక 165

చతుర్నవతిమన్త్రాత్మా షణ్ణవత్యధికప్రభుః ।

శతానన్దః శతధృతిః శతపత్రాయతేక్షణః

॥ 161 ॥

శ్లోక 166

శతానీకః శతమఖః శతధారావరాయుధః ।

సహస్రపత్రనిలయః సహస్రఫణిభూషణః

॥ 162 ॥

శ్లోక 167

సహస్రశీర్షా పురుషః సహస్రాక్షః సహస్రపాత్ ।

సహస్రనామసంస్తుత్యః సహస్రాక్షబలాపహః

॥ 163 ॥

శ్లోక 168

దశసాహస్రఫణిభృత్ఫణిరాజకృతాసనః ।

అష్టాశీతిసహస్రాద్యమహర్షిస్తోత్రపాఠితః

॥ 164 ॥

శ్లోక 169

లక్షాధారః ప్రియాధారో లక్షాధారమనోమయః ।

చతుర్లక్షజపప్రీతశ్చతుర్లక్షప్రకాశకః

॥ 165 ॥

శ్లోక 170

చతురశీతిలక్షాణాం జీవానాం దేహసంస్థితః ।

కోటిసూర్యప్రతీకాశః కోటిచన్ద్రాంశునిర్మలః

॥ 166 ॥

శ్లోక 171

శివోద్భవాద్యష్టకోటివైనాయకధురన్ధరః ।

సప్తకోటిమహామన్త్రమన్త్రితావయవద్యుతిః

॥ 167 ॥

శ్లోక 172

త్రయస్త్రింశత్కోటిసురశ్రేణీప్రణతపాదుకః ।

అనన్తదేవతాసేవ్యో హ్యనన్తశుభదాయకః

॥ 168 ॥

శ్లోక 173

అనన్తనామానన్తశ్రీరనన్తోఽనన్తసౌఖ్యదః ।

అనన్తశక్తిసహితో హ్యనన్తమునిసంస్తుతః

॥ 169 ॥

శ్లోక 174

ఇతి వైనాయకం నామ్నాం సహస్రమిదమీరితమ్ ।

ఇదం బ్రాహ్మే ముహూర్తే యః పఠతి ప్రత్యహం నరః

॥ 170 ॥

శ్లోక 175

కరస్థం తస్య సకలమైహికాముష్మికం సుఖమ్ ।

ఆయురారోగ్యమైశ్వర్యం ధైర్యం శౌర్యం బలం యశః

॥ 171 ॥

శ్లోక 176

మేధా ప్రజ్ఞా ధృతిః కాన్తిః సౌభాగ్యమభిరూపతా ।

సత్యం దయా క్షమా శాన్తిర్దాక్షిణ్యం ధర్మశీలతా

॥ 172 ॥

శ్లోక 177

జగత్సంవననం విశ్వసంవాదో వేదపాటవమ్ ।

సభాపాణ్డిత్యమౌదార్యం గామ్భీర్యం బ్రహ్మవర్చసమ్

॥ 173 ॥

శ్లోక 178

ఓజస్తేజః కులం శీలం ప్రతాపో వీర్యమార్యతా ।

జ్ఞానం విజ్ఞానమాస్తిక్యం స్థైర్యం విశ్వాసతా తథా

॥ 174 ॥

శ్లోక 179

ధనధాన్యాదివృద్ధిశ్చ సకృదస్య జపాద్భవేత్ ।

వశ్యం చతుర్విధం విశ్వం జపాదస్య ప్రజాయతే

॥ 175 ॥

శ్లోక 180

రాజ్ఞో రాజకలత్రస్య రాజపుత్రస్య మన్త్రిణః ।

జప్యతే యస్య వశ్యార్థే స దాసస్తస్య జాయతే

॥ 176 ॥

శ్లోక 181

ధర్మార్థకామమోక్షాణామనాయాసేన సాధనమ్ ।

శాకినీడాకినీరక్షోయక్షగ్రహభయాపహమ్

॥ 177 ॥

శ్లోక 182

సామ్రాజ్యసుఖదం సర్వసపత్నమదమర్దనమ్ ।

సమస్తకలహధ్వంసి దగ్ధబీజప్రరోహణమ్

॥ 178 ॥

శ్లోక 183

దుఃస్వప్నశమనం క్రుద్ధస్వామిచిత్తప్రసాదనమ్ ।

షడ్వర్గాష్టమహాసిద్ధిత్రికాలజ్ఞానకారణమ్

॥ 179 ॥

శ్లోక 184

పరకృత్యప్రశమనం పరచక్రప్రమర్దనమ్ ।

సఙ్గ్రామమార్గే సవేషామిదమేకం జయావహమ్

॥ 180 ॥

శ్లోక 185

సర్వవన్ధ్యత్వదోషఘ్నం గర్భరక్షైకకారణమ్ ।

పఠ్యతే ప్రత్యహం యత్ర స్తోత్రం గణపతేరిదమ్

॥ 181 ॥

శ్లోక 186

దేశే తత్ర న దుర్భిక్షమీతయో దురితాని చ ।

న తద్గేహం జహాతి శ్రీర్యత్రాయం జప్యతే స్తవః

॥ 182 ॥

శ్లోక 187

క్షయకుష్ఠప్రమేహార్శభగన్దరవిషూచికాః ।

గుల్మం ప్లీహానమశమానమతిసారం మహోదరమ్

॥ 183 ॥

శ్లోక 188

కాసం శ్వాసముదావర్తం శూలం శోఫామయోదరమ్ ।

శిరోరోగం వమిం హిక్కాం గణ్డమాలామరోచకమ్

॥ 184 ॥

శ్లోక 189

వాతపిత్తకఫద్వన్ద్వత్రిదోషజనితజ్వరమ్ ।

ఆగన్తువిషమం శీతముష్ణం చైకాహికాదికమ్

॥ 185 ॥

శ్లోక 190

ఇత్యాద్యుక్తమనుక్తం వా రోగదోషాదిసమ్భవమ్ ।

సర్వం ప్రశమయత్యాశు స్తోత్రస్యాస్య సకృజ్జపః

॥ 186 ॥

శ్లోక 191

ప్రాప్యతేఽస్య జపాత్సిద్ధిః స్త్రీశూద్రైః పతితైరపి ।

సహస్రనామమన్త్రోఽయం జపితవ్యః శుభాప్తయే

॥ 187 ॥

శ్లోక 192

మహాగణపతేః స్తోత్రం సకామః ప్రజపన్నిదమ్ ।

ఇచ్ఛయా సకలాన్ భోగానుపభుజ్యేహ పార్థివాన్

॥ 188 ॥

శ్లోక 193

మనోరథఫలైర్దివ్యైర్వ్యోమయానైర్మనోరమైః ।

చన్ద్రేన్ద్రభాస్కరోపేన్ద్రబ్రహ్మశర్వాదిసద్మసు

॥ 189 ॥

శ్లోక 194

కామరూపః కామగతిః కామదః కామదేశ్వరః ।

భుక్త్వా యథేప్సితాన్భోగానభీష్టైః సహ బన్ధుభిః

॥ 190 ॥

శ్లోక 195

గణేశానుచరో భూత్వా గణో గణపతిప్రియః ।

నన్దీశ్వరాదిసానన్దైర్నన్దితః సకలైర్గణైః

॥ 191 ॥

శ్లోక 196

శివాభ్యాం కృపయా పుత్రనిర్విశేషం చ లాలితః ।

శివభక్తః పూర్ణకామో గణేశ్వరవరాత్పునః

॥ 192 ॥

శ్లోక 197

జాతిస్మరో ధర్మపరః సార్వభౌమోఽభిజాయతే ।

నిష్కామస్తు జపన్నిత్యం భక్త్యా విఘ్నేశతత్పరః

॥ 193 ॥

శ్లోక 198

యోగసిద్ధిం పరాం ప్రాప్య జ్ఞానవైరాగ్యసంయుతః ।

నిరన్తరే నిరాబాధే పరమానన్దసఞ్జ్ఞితే

॥ 194 ॥

శ్లోక 199

విశ్వోత్తీర్ణే పరే పూర్ణే పునరావృత్తివర్జితే ।

లీనో వైనాయకే ధామ్ని రమతే నిత్యనిర్వృతే

॥ 195 ॥

శ్లోక 200

యో నామభిర్హుతైర్దత్తైః పూజయేదర్చయే​ఏన్నరః ।

రాజానో వశ్యతాం యాన్తి రిపవో యాన్తి దాసతామ్

॥ 196 ॥

శ్లోక 201

తస్య సిధ్యన్తి మన్త్రాణాం దుర్లభాశ్చేష్టసిద్ధయః ।

మూలమన్త్రాదపి స్తోత్రమిదం ప్రియతమం మమ

॥ 197 ॥

శ్లోక 202

నభస్యే మాసి శుక్లాయాం చతుర్థ్యాం మమ జన్మని ।

దూర్వాభిర్నామభిః పూజాం తర్పణం విధివచ్చరేత్

॥ 198 ॥

శ్లోక 203

అష్టద్రవ్యైర్విశేషేణ కుర్యాద్భక్తిసుసంయుతః ।

తస్యేప్సితం ధనం ధాన్యమైశ్వర్యం విజయో యశః

॥ 199 ॥

శ్లోక 204

భవిష్యతి న సన్దేహః పుత్రపౌత్రాదికం సుఖమ్ ।

ఇదం ప్రజపితం స్తోత్రం పఠితం శ్రావితం శ్రుతమ్

॥ 200 ॥

శ్లోక 205

వ్యాకృతం చర్చితం ధ్యాతం విమృష్టమభివన్దితమ్ ।

ఇహాముత్ర చ విశ్వేషాం విశ్వైశ్వర్యప్రదాయకమ్

॥ 201 ॥

శ్లోక 206

స్వచ్ఛన్దచారిణాప్యేష యేన సన్ధార్యతే స్తవః ।

స రక్ష్యతే శివోద్భూతైర్గణైరధ్యష్టకోటిభిః

॥ 202 ॥

శ్లోక 207

లిఖితం పుస్తకస్తోత్రం మన్త్రభూతం ప్రపూజయేత్ ।

తత్ర సర్వోత్తమా లక్ష్మీః సన్నిధత్తే నిరన్తరమ్

॥ 203 ॥

శ్లోక 208

దానైరశేషైరఖిలైర్వ్రతైశ్చ తీర్థైరశేషైరఖిలైర్మఖైశ్చ ।

న తత్ఫలం విన్దతి యద్గణేశసహస్రనామస్మరణేన సద్యః

॥ 204 ॥

శ్లోక 209

ఏతన్నామ్నాం సహస్రం పఠతి దినమణౌ ప్రత్యహమ్ప్రోజ్జిహానే

సాయం మధ్యన్దినే వా త్రిషవణమథవా సన్తతం వా జనో యః ।

స స్యాదైశ్వర్యధుర్యః ప్రభవతి వచసాం కీర్తిముచ్చైస్తనోతి

దారిద్ర్యం హన్తి విశ్వం వశయతి సుచిరం వర్ధతే పుత్రపౌత్రైః

॥ 205 ॥

శ్లోక 210

అకిఞ్చనోప్యేకచిత్తో నియతో నియతాసనః ।

ప్రజపంశ్చతురో మాసాన్ గణేశార్చనతత్పరః

॥ 206 ॥

శ్లోక 211

దరిద్రతాం సమున్మూల్య సప్తజన్మానుగామపి ।

లభతే మహతీం లక్ష్మీమిత్యాజ్ఞా పారమేశ్వరీ

॥ 207 ॥

శ్లోక 212

ఆయుష్యం వీతరోగం కులమతివిమలం సమ్పదశ్చార్తినాశః

కీర్తిర్నిత్యావదాతా భవతి ఖలు నవా కాన్తిరవ్యాజభవ్యా ।

పుత్రాః సన్తః కలత్రం గుణవదభిమతం యద్యదన్యచ్చ తత్త -

న్నిత్యం యః స్తోత్రమేతత్ పఠతి గణపతేస్తస్య హస్తే సమస్తమ్

॥ 208 ॥

శ్లోక 213

గణఞ్జయో గణపతిర్హేరమ్బో ధరణీధరః ।

మహాగణపతిర్బుద్ధిప్రియః క్షిప్రప్రసాదనః

॥ 209 ॥

శ్లోక 214

అమోఘసిద్ధిరమృతమన్త్రశ్చిన్తామణిర్నిధిః ।

సుమఙ్గలో బీజమాశాపూరకో వరదః కలః

॥ 210 ॥

శ్లోక 215

కాశ్యపో నన్దనో వాచాసిద్ధో ఢుణ్ఢిర్వినాయకః ।

మోదకైరేభిరత్రైకవింశత్యా నామభిః పుమాన్

॥ 211 ॥

శ్లోక 216

ఉపాయనం దదేద్భక్త్యా మత్ప్రసాదం చికీర్షతి ।

వత్సరం విఘ్నరాజోఽస్య తథ్యమిష్టార్థసిద్ధయే

॥ 212 ॥

శ్లోక 217

యః స్తౌతి మద్గతమనా మమారాధనతత్పరః ।

స్తుతో నామ్నా సహస్రేణ తేనాహం నాత్ర సంశయః

॥ 213 ॥

శ్లోక 218

నమో నమః సురవరపూజితాఙ్ఘ్రయే

నమో నమో నిరుపమమఙ్గలాత్మనే ।

నమో నమో విపులదయైకసిద్ధయే

నమో నమః కరికలభాననాయ తే

॥ 214 ॥

శ్లోక 219

కిఙ్కిణీగణరచితచరణః

ప్రకటితగురుమితచారుకరణః ।

మదజలలహరీకలితకపోలః

శమయతు దురితం గణపతినామ్నా

॥ 215 ॥

శ్లోక 220

॥ ఇతి శ్రీగణేశపురాణే ఉపాసనాఖణ్డే ఈశ్వరగణేశసంవాదే

గణేశసహస్రనామస్తోత్రం నామ షట్చత్వారింశోధ్యాయః ॥