മഹാ ഗണപതി സഹസ്രനാമ സ്തോത്രമ്

മഹാ ഗണപതി സഹസ്രനാമ സ്തോത്രമ്

ശ്ലോക 1

മുനിരുവാച

കഥം നാമ്നാം സഹസ്രം തം ഗണേശ ഉപദിഷ്ടവാന് ।

ശിവദം തന്മമാചക്ഷ്വ ലോകാനുഗ്രഹതത്പര

ശ്ലോക 2

ബ്രഹ്മോവാച

ദേവഃ പൂര്വം പുരാരാതിഃ പുരത്രയജയോദ്യമേ ।

അനര്ചനാദ്ഗണേശസ്യ ജാതോ വിഘ്നാകുലഃ കില

॥ 1 ॥

ശ്ലോക 3

മനസാ സ വിനിര്ധാര്യ ദദൃശേ വിഘ്നകാരണമ് ।

മഹാഗണപതിം ഭക്ത്യാ സമഭ്യര്ച്യ യഥാവിധി

॥ 2 ॥

ശ്ലോക 4

വിഘ്നപ്രശമനോപായമപൃച്ഛദപരിശ്രമമ് ।

സന്തുഷ്ടഃ പൂജയാ ശമ്ഭോര്മഹാഗണപതിഃ സ്വയമ്

॥ 3 ॥

ശ്ലോക 5

സര്വവിഘ്നപ്രശമനം സര്വകാമഫലപ്രദമ് ।

തതസ്തസ്മൈ സ്വയം നാമ്നാം സഹസ്രമിദമബ്രവീത്

॥ 4 ॥

ശ്ലോക 6

അസ്യ ശ്രീമഹാഗണപതിസഹസ്രനാമസ്തോത്രമാലാമന്ത്രസ്യ ।

ഗണേശ ഋഷിഃ, മഹാഗണപതിര്ദേവതാ, നാനാവിധാനിച്ഛന്ദാംസി ।

ഹുമിതി ബീജമ്, തുങ്ഗമിതി ശക്തിഃ, സ്വാഹാശക്തിരിതി കീലകമ് ।

സകലവിഘ്നവിനാശനദ്വാരാ ശ്രീമഹാഗണപതിപ്രസാദസിദ്ധ്യര്ഥേ ജപേ വിനിയോഗഃ ।

അഥ കരന്യാസഃ

ഗണേശ്വരോ ഗണക്രീഡ ഇത്യങ്ഗുഷ്ഠാഭ്യാം നമഃ ।

കുമാരഗുരുരീശാന ഇതി തര്ജനീഭ്യാം നമഃ ॥

ബ്രഹ്മാണ്ഡകുമ്ഭശ്ചിദ്വ്യോമേതി മധ്യമാഭ്യാം നമഃ ।

രക്തോ രക്താമ്ബരധര ഇത്യനാമികാഭ്യാം നമഃ

സര്വസദ്ഗുരുസംസേവ്യ ഇതി കനിഷ്ഠികാഭ്യാം നമഃ ।

ലുപ്തവിഘ്നഃ സ്വഭക്താനാമിതി കരതലകരപൃഷ്ഠാഭ്യാം നമഃ ॥

അഥ അങ്ഗന്യാസഃ

ഛന്ദശ്ഛന്ദോദ്ഭവ ഇതി ഹൃദയായ നമഃ ।

നിഷ്കലോ നിര്മല ഇതി ശിരസേ സ്വാഹാ ।

സൃഷ്ടിസ്ഥിതിലയക്രീഡ ഇതി ശിഖായൈ വഷട് ।

ജ്ഞാനം വിജ്ഞാനമാനന്ദ ഇതി കവചായ ഹുമ് ।

അഷ്ടാങ്ഗയോഗഫലഭൃദിതി നേത്രത്രയായ വൌഷട് ।

അനന്തശക്തിസഹിത ഇത്യസ്ത്രായ ഫട് ।

ഭൂര്ഭുവഃ സ്വരോം ഇതി ദിഗ്ബന്ധഃ ।

അഥ ധ്യാനമ്

ഗജവദനമചിന്ത്യം തീക്ഷ്ണദംഷ്ട്രം ത്രിനേത്രം

ബൃഹദുദരമശേഷം ഭൂതിരാജം പുരാണമ് ।

അമരവരസുപൂജ്യം രക്തവര്ണം സുരേശം

പശുപതിസുതമീശം വിഘ്നരാജം നമാമി ॥

ശ്രീഗണപതിരുവാച

ഓം ഗണേശ്വരോ ഗണക്രീഡോ ഗണനാഥോ ഗണാധിപഃ ।

ഏകദന്തോ വക്രതുണ്ഡോ ഗജവക്ത്രോ മഹോദരഃ

॥ 5 ॥

ശ്ലോക 7

ലമ്ബോദരോ ധൂമ്രവര്ണോ വികടോ വിഘ്നനാശനഃ ।

സുമുഖോ ദുര്മുഖോ ബുദ്ധോ വിഘ്നരാജോ ഗജാനനഃ

॥ 1 ॥

ശ്ലോക 8

ഭീമഃ പ്രമോദ ആമോദഃ സുരാനന്ദോ മദോത്കടഃ ।

ഹേരമ്ബഃ ശമ്ബരഃ ശമ്ഭുര്ലമ്ബകര്ണോ മഹാബലഃ

॥ 2 ॥

ശ്ലോക 9

നന്ദനോ ലമ്പടോ ഭീമോ മേഘനാദോ ഗണഞ്ജയഃ ।

വിനായകോ വിരൂപാക്ഷോ വീരഃ ശൂരവരപ്രദഃ

॥ 3 ॥

ശ്ലോക 10

മഹാഗണപതിര്ബുദ്ധിപ്രിയഃ ക്ഷിപ്രപ്രസാദനഃ ।

രുദ്രപ്രിയോ ഗണാധ്യക്ഷ ഉമാപുത്രോഽഘനാശനഃ

॥ 4 ॥

ശ്ലോക 11

കുമാരഗുരുരീശാനപുത്രോ മൂഷകവാഹനഃ ।

സിദ്ധിപ്രിയഃ സിദ്ധിപതിഃ സിദ്ധഃ സിദ്ധിവിനായകഃ

॥ 5 ॥

ശ്ലോക 12

അവിഘ്നസ്തുമ്ബുരുഃ സിംഹവാഹനോ മോഹിനീപ്രിയഃ ।

കടങ്കടോ രാജപുത്രഃ ശാകലഃ സമ്മിതോമിതഃ

॥ 6 ॥

ശ്ലോക 13

കൂഷ്മാണ്ഡസാമസമ്ഭൂതിര്ദുര്ജയോ ധൂര്ജയോ ജയഃ ।

ഭൂപതിര്ഭുവനപതിര്ഭൂതാനാം പതിരവ്യയഃ

॥ 7 ॥

ശ്ലോക 14

വിശ്വകര്താ വിശ്വമുഖോ വിശ്വരൂപോ നിധിര്ഗുണഃ ।

കവിഃ കവീനാമൃഷഭോ ബ്രഹ്മണ്യോ ബ്രഹ്മവിത്പ്രിയഃ

॥ 8 ॥

ശ്ലോക 15

ജ്യേഷ്ഠരാജോ നിധിപതിര്നിധിപ്രിയപതിപ്രിയഃ ।

ഹിരണ്മയപുരാന്തഃസ്ഥഃ സൂര്യമണ്ഡലമധ്യഗഃ

॥ 9 ॥

ശ്ലോക 16

കരാഹതിധ്വസ്തസിന്ധുസലിലഃ പൂഷദന്തഭിത് ।

ഉമാങ്കകേലികുതുകീ മുക്തിദഃ കുലപാവനഃ

॥ 10 ॥

ശ്ലോക 17

കിരീടീ കുണ്ഡലീ ഹാരീ വനമാലീ മനോമയഃ ।

വൈമുഖ്യഹതദൈത്യശ്രീഃ പാദാഹതിജിതക്ഷിതിഃ

॥ 11 ॥

ശ്ലോക 18

സദ്യോജാതഃ സ്വര്ണമുഞ്ജമേഖലീ ദുര്നിമിത്തഹൃത് ।

ദുഃസ്വപ്നഹൃത്പ്രസഹനോ ഗുണീ നാദപ്രതിഷ്ഠിതഃ

॥ 12 ॥

ശ്ലോക 19

സുരൂപഃ സര്വനേത്രാധിവാസോ വീരാസനാശ്രയഃ ।

പീതാമ്ബരഃ ഖണ്ഡരദഃ ഖണ്ഡവൈശാഖസംസ്ഥിതഃ

॥ 13 ॥

ശ്ലോക 20

ചിത്രാങ്ഗഃ ശ്യാമദശനോ ഭാലചന്ദ്രോ ഹവിര്ഭുജഃ ।

യോഗാധിപസ്താരകസ്ഥഃ പുരുഷോ ഗജകര്ണകഃ

॥ 14 ॥

ശ്ലോക 21

ഗണാധിരാജോ വിജയഃ സ്ഥിരോ ഗജപതിധ്വജീ ।

ദേവദേവഃ സ്മരഃ പ്രാണദീപകോ വായുകീലകഃ

॥ 15 ॥

ശ്ലോക 22

വിപശ്ചിദ്വരദോ നാദോ നാദഭിന്നമഹാചലഃ ।

വരാഹരദനോ മൃത്യുഞ്ജയോ വ്യാഘ്രാജിനാമ്ബരഃ

॥ 16 ॥

ശ്ലോക 23

ഇച്ഛാശക്തിഭവോ ദേവത്രാതാ ദൈത്യവിമര്ദനഃ ।

ശമ്ഭുവക്ത്രോദ്ഭവഃ ശമ്ഭുകോപഹാ ശമ്ഭുഹാസ്യഭൂഃ

॥ 17 ॥

ശ്ലോക 24

ശമ്ഭുതേജാഃ ശിവാശോകഹാരീ ഗൌരീസുഖാവഹഃ ।

ഉമാങ്ഗമലജോ ഗൌരീതേജോഭൂഃ സ്വര്ധുനീഭവഃ

॥ 18 ॥

ശ്ലോക 25

യജ്ഞകായോ മഹാനാദോ ഗിരിവര്ഷ്മാ ശുഭാനനഃ ।

സര്വാത്മാ സര്വദേവാത്മാ ബ്രഹ്മമൂര്ധാ കകുപ്ശ്രുതിഃ

॥ 19 ॥

ശ്ലോക 26

ബ്രഹ്മാണ്ഡകുമ്ഭശ്ചിദ്വ്യോമഭാലഃസത്യശിരോരുഹഃ ।

ജഗജ്ജന്മലയോന്മേഷനിമേഷോഽഗ്ന്യര്കസോമദൃക്

॥ 20 ॥

ശ്ലോക 27

ഗിരീന്ദ്രൈകരദോ ധര്മാധര്മോഷ്ഠഃ സാമബൃംഹിതഃ ।

ഗ്രഹര്ക്ഷദശനോ വാണീജിഹ്വോ വാസവനാസികഃ

॥ 21 ॥

ശ്ലോക 28

ഭ്രൂമധ്യസംസ്ഥിതകരോ ബ്രഹ്മവിദ്യാമദോദകഃ ।

കുലാചലാംസഃ സോമാര്കഘണ്ടോ രുദ്രശിരോധരഃ

॥ 22 ॥

ശ്ലോക 29

നദീനദഭുജഃ സര്പാങ്ഗുലീകസ്താരകാനഖഃ ।

വ്യോമനാഭിഃ ശ്രീഹൃദയോ മേരുപൃഷ്ഠോഽര്ണവോദരഃ

॥ 23 ॥

ശ്ലോക 30

കുക്ഷിസ്ഥയക്ഷഗന്ധര്വരക്ഷഃകിന്നരമാനുഷഃ ।

പൃഥ്വീകടിഃ സൃഷ്ടിലിങ്ഗഃ ശൈലോരുര്ദസ്രജാനുകഃ

॥ 24 ॥

ശ്ലോക 31

പാതാലജങ്ഘോ മുനിപാത്കാലാങ്ഗുഷ്ഠസ്ത്രയീതനുഃ ।

ജ്യോതിര്മണ്ഡലലാങ്ഗൂലോ ഹൃദയാലാനനിശ്ചലഃ

॥ 25 ॥

ശ്ലോക 32

ഹൃത്പദ്മകര്ണികാശാലീ വിയത്കേലിസരോവരഃ ।

സദ്ഭക്തധ്യാനനിഗഡഃ പൂജാവാരിനിവാരിതഃ

॥ 26 ॥

ശ്ലോക 33

പ്രതാപീ കാശ്യപോ മന്താ ഗണകോ വിഷ്ടപീ ബലീ ।

യശസ്വീ ധാര്മികോ ജേതാ പ്രഥമഃ പ്രമഥേശ്വരഃ

॥ 27 ॥

ശ്ലോക 34

ചിന്താമണിര്ദ്വീപപതിഃ കല്പദ്രുമവനാലയഃ ।

രത്നമണ്ഡപമധ്യസ്ഥോ രത്നസിംഹാസനാശ്രയഃ

॥ 28 ॥

ശ്ലോക 35

തീവ്രാശിരോദ്ധൃതപദോ ജ്വാലിനീമൌലിലാലിതഃ ।

നന്ദാനന്ദിതപീഠശ്രീര്ഭോഗദോ ഭൂഷിതാസനഃ

॥ 29 ॥

ശ്ലോക 36

സകാമദായിനീപീഠഃ സ്ഫുരദുഗ്രാസനാശ്രയഃ ।

തേജോവതീശിരോരത്നം സത്യാനിത്യാവതംസിതഃ

॥ 30 ॥

ശ്ലോക 37

സവിഘ്നനാശിനീപീഠഃ സര്വശക്ത്യമ്ബുജാലയഃ ।

ലിപിപദ്മാസനാധാരോ വഹ്നിധാമത്രയാലയഃ

॥ 31 ॥

ശ്ലോക 38

ഉന്നതപ്രപദോ ഗൂഢഗുല്ഫഃ സംവൃതപാര്ഷ്ണികഃ ।

പീനജങ്ഘഃ ശ്ലിഷ്ടജാനുഃ സ്ഥൂലോരുഃ പ്രോന്നമത്കടിഃ

॥ 32 ॥

ശ്ലോക 39

നിമ്നനാഭിഃ സ്ഥൂലകുക്ഷിഃ പീനവക്ഷാ ബൃഹദ്ഭുജഃ ।

പീനസ്കന്ധഃ കമ്ബുകണ്ഠോ ലമ്ബോഷ്ഠോ ലമ്ബനാസികഃ

॥ 33 ॥

ശ്ലോക 40

ഭഗ്നവാമരദസ്തുങ്ഗസവ്യദന്തോ മഹാഹനുഃ ।

ഹ്രസ്വനേത്രത്രയഃ ശൂര്പകര്ണോ നിബിഡമസ്തകഃ

॥ 34 ॥

ശ്ലോക 41

സ്തബകാകാരകുമ്ഭാഗ്രോ രത്നമൌലിര്നിരങ്കുശഃ ।

സര്പഹാരകടീസൂത്രഃ സര്പയജ്ഞോപവീതവാന്

॥ 35 ॥

ശ്ലോക 42

സര്പകോടീരകടകഃ സര്പഗ്രൈവേയകാങ്ഗദഃ ।

സര്പകക്ഷോദരാബന്ധഃ സര്പരാജോത്തരച്ഛദഃ

॥ 36 ॥

ശ്ലോക 43

രക്തോ രക്താമ്ബരധരോ രക്തമാലാവിഭൂഷണഃ ।

രക്തേക്ഷനോ രക്തകരോ രക്തതാല്വോഷ്ഠപല്ലവഃ

॥ 37 ॥

ശ്ലോക 44

ശ്വേതഃ ശ്വേതാമ്ബരധരഃ ശ്വേതമാലാവിഭൂഷണഃ ।

ശ്വേതാതപത്രരുചിരഃ ശ്വേതചാമരവീജിതഃ

॥ 38 ॥

ശ്ലോക 45

സര്വാവയവസമ്പൂര്ണഃ സര്വലക്ഷണലക്ഷിതഃ ।

സര്വാഭരണശോഭാഢ്യഃ സര്വശോഭാസമന്വിതഃ

॥ 39 ॥

ശ്ലോക 46

സര്വമങ്ഗലമാങ്ഗല്യഃ സര്വകാരണകാരണമ് ।

സര്വദേവവരഃ ശാര്ങ്ഗീ ബീജപൂരീ ഗദാധരഃ

॥ 40 ॥

ശ്ലോക 47

ശുഭാങ്ഗോ ലോകസാരങ്ഗഃ സുതന്തുസ്തന്തുവര്ധനഃ ।

കിരീടീ കുണ്ഡലീ ഹാരീ വനമാലീ ശുഭാങ്ഗദഃ

॥ 41 ॥

ശ്ലോക 48

ഇക്ഷുചാപധരഃ ശൂലീ ചക്രപാണിഃ സരോജഭൃത് ।

പാശീ ധൃതോത്പലഃ ശാലിമഞ്ജരീഭൃത്സ്വദന്തഭൃത്

॥ 42 ॥

ശ്ലോക 49

കല്പവല്ലീധരോ വിശ്വാഭയദൈകകരോ വശീ ।

അക്ഷമാലാധരോ ജ്ഞാനമുദ്രാവാന് മുദ്ഗരായുധഃ

॥ 43 ॥

ശ്ലോക 50

പൂര്ണപാത്രീ കമ്ബുധരോ വിധൃതാങ്കുശമൂലകഃ ।

കരസ്ഥാമ്രഫലശ്ചൂതകലികാഭൃത്കുഠാരവാന്

॥ 44 ॥

ശ്ലോക 51

പുഷ്കരസ്ഥസ്വര്ണഘടീപൂര്ണരത്നാഭിവര്ഷകഃ ।

ഭാരതീസുന്ദരീനാഥോ വിനായകരതിപ്രിയഃ

॥ 45 ॥

ശ്ലോക 52

മഹാലക്ഷ്മീപ്രിയതമഃ സിദ്ധലക്ഷ്മീമനോരമഃ ।

രമാരമേശപൂര്വാങ്ഗോ ദക്ഷിണോമാമഹേശ്വരഃ

॥ 46 ॥

ശ്ലോക 53

മഹീവരാഹവാമാങ്ഗോ രതികന്ദര്പപശ്ചിമഃ ।

ആമോദമോദജനനഃ സപ്രമോദപ്രമോദനഃ

॥ 47 ॥

ശ്ലോക 54

സംവര്ധിതമഹാവൃദ്ധിരൃദ്ധിസിദ്ധിപ്രവര്ധനഃ ।

ദന്തസൌമുഖ്യസുമുഖഃ കാന്തികന്ദലിതാശ്രയഃ

॥ 48 ॥

ശ്ലോക 55

മദനാവത്യാശ്രിതാങ്ഘ്രിഃ കൃതവൈമുഖ്യദുര്മുഖഃ ।

വിഘ്നസമ്പല്ലവഃ പദ്മഃ സര്വോന്നതമദദ്രവഃ

॥ 49 ॥

ശ്ലോക 56

വിഘ്നകൃന്നിമ്നചരണോ ദ്രാവിണീശക്തിസത്കൃതഃ ।

തീവ്രാപ്രസന്നനയനോ ജ്വാലിനീപാലിതൈകദൃക്

॥ 50 ॥

ശ്ലോക 57

മോഹിനീമോഹനോ ഭോഗദായിനീകാന്തിമണ്ഡനഃ ।

കാമിനീകാന്തവക്ത്രശ്രീരധിഷ്ഠിതവസുന്ധരഃ

॥ 51 ॥

ശ്ലോക 58

വസുധാരാമദോന്നാദോ മഹാശങ്ഖനിധിപ്രിയഃ ।

നമദ്വസുമതീമാലീ മഹാപദ്മനിധിഃ പ്രഭുഃ

॥ 52 ॥

ശ്ലോക 59

സര്വസദ്ഗുരുസംസേവ്യഃ ശോചിഷ്കേശഹൃദാശ്രയഃ ।

ഈശാനമൂര്ധാ ദേവേന്ദ്രശിഖഃ പവനനന്ദനഃ

॥ 53 ॥

ശ്ലോക 60

പ്രത്യുഗ്രനയനോ ദിവ്യോ ദിവ്യാസ്ത്രശതപര്വധൃക് ।

ഐരാവതാദിസര്വാശാവാരണോ വാരണപ്രിയഃ

॥ 54 ॥

ശ്ലോക 61

വജ്രാദ്യസ്ത്രപരീവാരോ ഗണചണ്ഡസമാശ്രയഃ ।

ജയാജയപരികരോ വിജയാവിജയാവഹഃ

॥ 55 ॥

ശ്ലോക 62

അജയാര്ചിതപാദാബ്ജോ നിത്യാനന്ദവനസ്ഥിതഃ ।

വിലാസിനീകൃതോല്ലാസഃ ശൌണ്ഡീ സൌന്ദര്യമണ്ഡിതഃ

॥ 56 ॥

ശ്ലോക 63

അനന്താനന്തസുഖദഃ സുമങ്ഗലസുമങ്ഗലഃ ।

ജ്ഞാനാശ്രയഃ ക്രിയാധാര ഇച്ഛാശക്തിനിഷേവിതഃ

॥ 57 ॥

ശ്ലോക 64

സുഭഗാസംശ്രിതപദോ ലലിതാലലിതാശ്രയഃ ।

കാമിനീപാലനഃ കാമകാമിനീകേലിലാലിതഃ

॥ 58 ॥

ശ്ലോക 65

സരസ്വത്യാശ്രയോ ഗൌരീനന്ദനഃ ശ്രീനികേതനഃ ।

ഗുരുഗുപ്തപദോ വാചാസിദ്ധോ വാഗീശ്വരീപതിഃ

॥ 59 ॥

ശ്ലോക 66

നലിനീകാമുകോ വാമാരാമോ ജ്യേഷ്ഠാമനോരമഃ ।

രൌദ്രീമുദ്രിതപാദാബ്ജോ ഹുമ്ബീജസ്തുങ്ഗശക്തികഃ

॥ 60 ॥

ശ്ലോക 67

വിശ്വാദിജനനത്രാണഃ സ്വാഹാശക്തിഃ സകീലകഃ ।

അമൃതാബ്ധികൃതാവാസോ മദഘൂര്ണിതലോചനഃ

॥ 61 ॥

ശ്ലോക 68

ഉച്ഛിഷ്ടോച്ഛിഷ്ടഗണകോ ഗണേശോ ഗണനായകഃ ।

സാര്വകാലികസംസിദ്ധിര്നിത്യസേവ്യോ ദിഗമ്ബരഃ

॥ 62 ॥

ശ്ലോക 69

അനപായോഽനന്തദൃഷ്ടിരപ്രമേയോഽജരാമരഃ ।

അനാവിലോഽപ്രതിഹതിരച്യുതോഽമൃതമക്ഷരഃ

॥ 63 ॥

ശ്ലോക 70

അപ്രതര്ക്യോഽക്ഷയോഽജയ്യോഽനാധാരോഽനാമയോമലഃ ।

അമേയസിദ്ധിരദ്വൈതമഘോരോഽഗ്നിസമാനനഃ

॥ 64 ॥

ശ്ലോക 71

അനാകാരോഽബ്ധിഭൂമ്യഗ്നിബലഘ്നോഽവ്യക്തലക്ഷണഃ ।

ആധാരപീഠമാധാര ആധാരാധേയവര്ജിതഃ

॥ 65 ॥

ശ്ലോക 72

ആഖുകേതന ആശാപൂരക ആഖുമഹാരഥഃ ।

ഇക്ഷുസാഗരമധ്യസ്ഥ ഇക്ഷുഭക്ഷണലാലസഃ

॥ 66 ॥

ശ്ലോക 73

ഇക്ഷുചാപാതിരേകശ്രീരിക്ഷുചാപനിഷേവിതഃ ।

ഇന്ദ്രഗോപസമാനശ്രീരിന്ദ്രനീലസമദ്യുതിഃ

॥ 67 ॥

ശ്ലോക 74

ഇന്ദീവരദലശ്യാമ ഇന്ദുമണ്ഡലമണ്ഡിതഃ ।

ഇധ്മപ്രിയ ഇഡാഭാഗ ഇഡാവാനിന്ദിരാപ്രിയഃ

॥ 68 ॥

ശ്ലോക 75

ഇക്ഷ്വാകുവിഘ്നവിധ്വംസീ ഇതികര്തവ്യതേപ്സിതഃ ।

ഈശാനമൌലിരീശാന ഈശാനപ്രിയ ഈതിഹാ

॥ 69 ॥

ശ്ലോക 76

ഈഷണാത്രയകല്പാന്ത ഈഹാമാത്രവിവര്ജിതഃ ।

ഉപേന്ദ്ര ഉഡുഭൃന്മൌലിരുഡുനാഥകരപ്രിയഃ

॥ 70 ॥

ശ്ലോക 77

ഉന്നതാനന ഉത്തുങ്ഗ ഉദാരസ്ത്രിദശാഗ്രണീഃ ।

ഊര്ജസ്വാനൂഷ്മലമദ ഊഹാപോഹദുരാസദഃ

॥ 71 ॥

ശ്ലോക 78

ഋഗ്യജുഃസാമനയന ഋദ്ധിസിദ്ധിസമര്പകഃ ।

ഋജുചിത്തൈകസുലഭോ ഋണത്രയവിമോചനഃ

॥ 72 ॥

ശ്ലോക 79

ലുപ്തവിഘ്നഃ സ്വഭക്താനാം ലുപ്തശക്തിഃ സുരദ്വിഷാമ് ।

ലുപ്തശ്രീര്വിമുഖാര്ചാനാം ലൂതാവിസ്ഫോടനാശനഃ

॥ 73 ॥

ശ്ലോക 80

ഏകാരപീഠമധ്യസ്ഥ ഏകപാദകൃതാസനഃ ।

ഏജിതാഖിലദൈത്യശ്രീരേധിതാഖിലസംശ്രയഃ

॥ 74 ॥

ശ്ലോക 81

ഐശ്വര്യനിധിരൈശ്വര്യമൈഹികാമുഷ്മികപ്രദഃ ।

ഐരമ്മദസമോന്മേഷ ഐരാവതസമാനനഃ

॥ 75 ॥

ശ്ലോക 82

ഓങ്കാരവാച്യ ഓങ്കാര ഓജസ്വാനോഷധീപതിഃ ।

ഔദാര്യനിധിരൌദ്ധത്യധൈര്യ ഔന്നത്യനിഃസമഃ

॥ 76 ॥

ശ്ലോക 83

അങ്കുശഃ സുരനാഗാനാമങ്കുശാകാരസംസ്ഥിതഃ ।

അഃ സമസ്തവിസര്ഗാന്തപദേഷു പരികീര്തിതഃ

॥ 77 ॥

ശ്ലോക 84

കമണ്ഡലുധരഃ കല്പഃ കപര്ദീ കലഭാനനഃ ।

കര്മസാക്ഷീ കര്മകര്താ കര്മാകര്മഫലപ്രദഃ

॥ 78 ॥

ശ്ലോക 85

കദമ്ബഗോലകാകാരഃ കൂഷ്മാണ്ഡഗണനായകഃ ।

കാരുണ്യദേഹഃ കപിലഃ കഥകഃ കടിസൂത്രഭൃത്

॥ 79 ॥

ശ്ലോക 86

ഖര്വഃ ഖഡ്ഗപ്രിയഃ ഖഡ്ഗഃ ഖാന്താന്തഃസ്ഥഃ ഖനിര്മലഃ ।

ഖല്വാടശൃങ്ഗനിലയഃ ഖട്വാങ്ഗീ ഖദുരാസദഃ

॥ 80 ॥

ശ്ലോക 87

ഗുണാഢ്യോ ഗഹനോ ഗദ്യോ ഗദ്യപദ്യസുധാര്ണവഃ ।

ഗദ്യഗാനപ്രിയോ ഗര്ജോ ഗീതഗീര്വാണപൂര്വജഃ

॥ 81 ॥

ശ്ലോക 88

ഗുഹ്യാചാരരതോ ഗുഹ്യോ ഗുഹ്യാഗമനിരൂപിതഃ ।

ഗുഹാശയോ ഗുഡാബ്ധിസ്ഥോ ഗുരുഗമ്യോ ഗുരുര്ഗുരുഃ

॥ 82 ॥

ശ്ലോക 89

ഘണ്ടാഘര്ഘരികാമാലീ ഘടകുമ്ഭോ ഘടോദരഃ ।

ങകാരവാച്യോ ങാകാരോ ങകാരാകാരശുണ്ഡഭൃത്

॥ 83 ॥

ശ്ലോക 90

ചണ്ഡശ്ചണ്ഡേശ്വരശ്ചണ്ഡീ ചണ്ഡേശശ്ചണ്ഡവിക്രമഃ ।

ചരാചരപിതാ ചിന്താമണിശ്ചര്വണലാലസഃ

॥ 84 ॥

ശ്ലോക 91

ഛന്ദശ്ഛന്ദോദ്ഭവശ്ഛന്ദോ ദുര്ലക്ഷ്യശ്ഛന്ദവിഗ്രഹഃ ।

ജഗദ്യോനിര്ജഗത്സാക്ഷീ ജഗദീശോ ജഗന്മയഃ

॥ 85 ॥

ശ്ലോക 92

ജപ്യോ ജപപരോ ജാപ്യോ ജിഹ്വാസിംഹാസനപ്രഭുഃ ।

സ്രവദ്ഗണ്ഡോല്ലസദ്ധാനഝങ്കാരിഭ്രമരാകുലഃ

॥ 86 ॥

ശ്ലോക 93

ടങ്കാരസ്ഫാരസംരാവഷ്ടങ്കാരമണിനൂപുരഃ ।

ഠദ്വയീപല്ലവാന്തസ്ഥസര്വമന്ത്രേഷു സിദ്ധിദഃ

॥ 87 ॥

ശ്ലോക 94

ഡിണ്ഡിമുണ്ഡോ ഡാകിനീശോ ഡാമരോ ഡിണ്ഡിമപ്രിയഃ ।

ഢക്കാനിനാദമുദിതോ ഢൌങ്കോ ഢുണ്ഢിവിനായകഃ

॥ 88 ॥

ശ്ലോക 95

തത്ത്വാനാം പ്രകൃതിസ്തത്ത്വം തത്ത്വമ്പദനിരൂപിതഃ ।

താരകാന്തരസംസ്ഥാനസ്താരകസ്താരകാന്തകഃ

॥ 89 ॥

ശ്ലോക 96

സ്ഥാണുഃ സ്ഥാണുപ്രിയഃ സ്ഥാതാ സ്ഥാവരം ജങ്ഗമം ജഗത് ।

ദക്ഷയജ്ഞപ്രമഥനോ ദാതാ ദാനം ദമോ ദയാ

॥ 90 ॥

ശ്ലോക 97

ദയാവാന്ദിവ്യവിഭവോ ദണ്ഡഭൃദ്ദണ്ഡനായകഃ ।

ദന്തപ്രഭിന്നാഭ്രമാലോ ദൈത്യവാരണദാരണഃ

॥ 91 ॥

ശ്ലോക 98

ദംഷ്ട്രാലഗ്നദ്വീപഘടോ ദേവാര്ഥനൃഗജാകൃതിഃ ।

ധനം ധനപതേര്ബന്ധുര്ധനദോ ധരണീധരഃ

॥ 92 ॥

ശ്ലോക 99

ധ്യാനൈകപ്രകടോ ധ്യേയോ ധ്യാനം ധ്യാനപരായണഃ ।

ധ്വനിപ്രകൃതിചീത്കാരോ ബ്രഹ്മാണ്ഡാവലിമേഖലഃ

॥ 93 ॥

ശ്ലോക 100

നന്ദ്യോ നന്ദിപ്രിയോ നാദോ നാദമധ്യപ്രതിഷ്ഠിതഃ ।

നിഷ്കലോ നിര്മലോ നിത്യോ നിത്യാനിത്യോ നിരാമയഃ

॥ 94 ॥

ശ്ലോക 101

പരം വ്യോമ പരം ധാമ പരമാത്മാ പരം പദമ്

॥ 95 ॥

ശ്ലോക 102

പരാത്പരഃ പശുപതിഃ പശുപാശവിമോചനഃ ।

പൂര്ണാനന്ദഃ പരാനന്ദഃ പുരാണപുരുഷോത്തമഃ

॥ 96 ॥

ശ്ലോക 103

പദ്മപ്രസന്നവദനഃ പ്രണതാജ്ഞാനനാശനഃ ।

പ്രമാണപ്രത്യയാതീതഃ പ്രണതാര്തിനിവാരണഃ

॥ 97 ॥

ശ്ലോക 104

ഫണിഹസ്തഃ ഫണിപതിഃ ഫൂത്കാരഃ ഫണിതപ്രിയഃ ।

ബാണാര്ചിതാങ്ഘ്രിയുഗലോ ബാലകേലികുതൂഹലീ ।

ബ്രഹ്മ ബ്രഹ്മാര്ചിതപദോ ബ്രഹ്മചാരീ ബൃഹസ്പതിഃ

॥ 98 ॥

ശ്ലോക 105

ബൃഹത്തമോ ബ്രഹ്മപരോ ബ്രഹ്മണ്യോ ബ്രഹ്മവിത്പ്രിയഃ ।

ബൃഹന്നാദാഗ്ര്യചീത്കാരോ ബ്രഹ്മാണ്ഡാവലിമേഖലഃ

॥ 99 ॥

ശ്ലോക 106

ഭ്രൂക്ഷേപദത്തലക്ഷ്മീകോ ഭര്ഗോ ഭദ്രോ ഭയാപഹഃ ।

ഭഗവാന് ഭക്തിസുലഭോ ഭൂതിദോ ഭൂതിഭൂഷണഃ

॥ 100 ॥

ശ്ലോക 107

ഭവ്യോ ഭൂതാലയോ ഭോഗദാതാ ഭ്രൂമധ്യഗോചരഃ ।

മന്ത്രോ മന്ത്രപതിര്മന്ത്രീ മദമത്തോ മനോ മയഃ

॥ 101 ॥

ശ്ലോക 108

മേഖലാഹീശ്വരോ മന്ദഗതിര്മന്ദനിഭേക്ഷണഃ ।

മഹാബലോ മഹാവീര്യോ മഹാപ്രാണോ മഹാമനാഃ

॥ 102 ॥

ശ്ലോക 109

യജ്ഞോ യജ്ഞപതിര്യജ്ഞഗോപ്താ യജ്ഞഫലപ്രദഃ ।

യശസ്കരോ യോഗഗമ്യോ യാജ്ഞികോ യാജകപ്രിയഃ

॥ 103 ॥

ശ്ലോക 110

രസോ രസപ്രിയോ രസ്യോ രഞ്ജകോ രാവണാര്ചിതഃ ।

രാജ്യരക്ഷാകരോ രത്നഗര്ഭോ രാജ്യസുഖപ്രദഃ

॥ 104 ॥

ശ്ലോക 111

ലക്ഷോ ലക്ഷപതിര്ലക്ഷ്യോ ലയസ്ഥോ ലഡ്ഡുകപ്രിയഃ ।

ലാസപ്രിയോ ലാസ്യപരോ ലാഭകൃല്ലോകവിശ്രുതഃ

॥ 105 ॥

ശ്ലോക 112

വരേണ്യോ വഹ്നിവദനോ വന്ദ്യോ വേദാന്തഗോചരഃ ।

വികര്താ വിശ്വതശ്ചക്ഷുര്വിധാതാ വിശ്വതോമുഖഃ

॥ 106 ॥

ശ്ലോക 113

വാമദേവോ വിശ്വനേതാ വജ്രിവജ്രനിവാരണഃ ।

വിവസ്വദ്ബന്ധനോ വിശ്വാധാരോ വിശ്വേശ്വരോ വിഭുഃ

॥ 107 ॥

ശ്ലോക 114

ശബ്ദബ്രഹ്മ ശമപ്രാപ്യഃ ശമ്ഭുശക്തിഗണേശ്വരഃ ।

ശാസ്താ ശിഖാഗ്രനിലയഃ ശരണ്യഃ ശമ്ബരേശ്വരഃ

॥ 108 ॥

ശ്ലോക 115

ഷഡൃതുകുസുമസ്രഗ്വീ ഷഡാധാരഃ ഷഡക്ഷരഃ ।

സംസാരവൈദ്യഃ സര്വജ്ഞഃ സര്വഭേഷജഭേഷജമ്

॥ 109 ॥

ശ്ലോക 116

സൃഷ്ടിസ്ഥിതിലയക്രീഡഃ സുരകുഞ്ജരഭേദകഃ ।

സിന്ദൂരിതമഹാകുമ്ഭഃ സദസദ്ഭക്തിദായകഃ

॥ 110 ॥

ശ്ലോക 117

സാക്ഷീ സമുദ്രമഥനഃ സ്വയംവേദ്യഃ സ്വദക്ഷിണഃ ।

സ്വതന്ത്രഃ സത്യസങ്കല്പഃ സാമഗാനരതഃ സുഖീ

॥ 111 ॥

ശ്ലോക 118

ഹംസോ ഹസ്തിപിശാചീശോ ഹവനം ഹവ്യകവ്യഭുക് ।

ഹവ്യം ഹുതപ്രിയോ ഹൃഷ്ടോ ഹൃല്ലേഖാമന്ത്രമധ്യഗഃ

॥ 112 ॥

ശ്ലോക 119

ക്ഷേത്രാധിപഃ ക്ഷമാഭര്താ ക്ഷമാക്ഷമപരായണഃ ।

ക്ഷിപ്രക്ഷേമകരഃ ക്ഷേമാനന്ദഃ ക്ഷോണീസുരദ്രുമഃ

॥ 113 ॥

ശ്ലോക 120

ധര്മപ്രദോഽര്ഥദഃ കാമദാതാ സൌഭാഗ്യവര്ധനഃ ।

വിദ്യാപ്രദോ വിഭവദോ ഭുക്തിമുക്തിഫലപ്രദഃ

॥ 114 ॥

ശ്ലോക 121

ആഭിരൂപ്യകരോ വീരശ്രീപ്രദോ വിജയപ്രദഃ ।

സര്വവശ്യകരോ ഗര്ഭദോഷഹാ പുത്രപൌത്രദഃ

॥ 115 ॥

ശ്ലോക 122

മേധാദഃ കീര്തിദഃ ശോകഹാരീ ദൌര്ഭാഗ്യനാശനഃ ।

പ്രതിവാദിമുഖസ്തമ്ഭോ രുഷ്ടചിത്തപ്രസാദനഃ

॥ 116 ॥

ശ്ലോക 123

പരാഭിചാരശമനോ ദുഃഖഹാ ബന്ധമോക്ഷദഃ ।

ലവസ്ത്രുടിഃ കലാ കാഷ്ഠാ നിമേഷസ്തത്പരക്ഷണഃ

॥ 117 ॥

ശ്ലോക 124

ഘടീ മുഹൂര്തഃ പ്രഹരോ ദിവാ നക്തമഹര്നിശമ് ।

പക്ഷോ മാസര്ത്വയനാബ്ദയുഗം കല്പോ മഹാലയഃ

॥ 118 ॥

ശ്ലോക 125

രാശിസ്താരാ തിഥിര്യോഗോ വാരഃ കരണമംശകമ് ।

ലഗ്നം ഹോരാ കാലചക്രം മേരുഃ സപ്തര്ഷയോ ധ്രുവഃ

॥ 119 ॥

ശ്ലോക 126

രാഹുര്മന്ദഃ കവിര്ജീവോ ബുധോ ഭൌമഃ ശശീ രവിഃ ।

കാലഃ സൃഷ്ടിഃ സ്ഥിതിര്വിശ്വം സ്ഥാവരം ജങ്ഗമം ജഗത്

॥ 120 ॥

ശ്ലോക 127

ഭൂരാപോഽഗ്നിര്മരുദ്വ്യോമാഹങ്കൃതിഃ പ്രകൃതിഃ പുമാന് ।

ബ്രഹ്മാ വിഷ്ണുഃ ശിവോ രുദ്ര ഈശഃ ശക്തിഃ സദാശിവഃ

॥ 121 ॥

ശ്ലോക 128

ത്രിദശാഃ പിതരഃ സിദ്ധാ യക്ഷാ രക്ഷാംസി കിന്നരാഃ ।

സിദ്ധവിദ്യാധരാ ഭൂതാ മനുഷ്യാഃ പശവഃ ഖഗാഃ

॥ 122 ॥

ശ്ലോക 129

സമുദ്രാഃ സരിതഃ ശൈലാ ഭൂതം ഭവ്യം ഭവോദ്ഭവഃ ।

സാങ്ഖ്യം പാതഞ്ജലം യോഗം പുരാണാനി ശ്രുതിഃ സ്മൃതിഃ

॥ 123 ॥

ശ്ലോക 130

വേദാങ്ഗാനി സദാചാരോ മീമാംസാ ന്യായവിസ്തരഃ ।

ആയുര്വേദോ ധനുര്വേദോ ഗാന്ധര്വം കാവ്യനാടകമ്

॥ 124 ॥

ശ്ലോക 131

വൈഖാനസം ഭാഗവതം മാനുഷം പാഞ്ചരാത്രകമ് ।

ശൈവം പാശുപതം കാലാമുഖമ്ഭൈരവശാസനമ്

॥ 125 ॥

ശ്ലോക 132

ശാക്തം വൈനായകം സൌരം ജൈനമാര്ഹതസംഹിതാ ।

സദസദ്വ്യക്തമവ്യക്തം സചേതനമചേതനമ്

॥ 126 ॥

ശ്ലോക 133

ബന്ധോ മോക്ഷഃ സുഖം ഭോഗോ യോഗഃ സത്യമണുര്മഹാന് ।

സ്വസ്തി ഹുമ്ഫട് സ്വധാ സ്വാഹാ ശ്രൌഷട് വൌഷട് വഷണ് നമഃ 128 ॥

ജ്ഞാനം വിജ്ഞാനമാനന്ദോ ബോധഃ സംവിത്സമോഽസമഃ ।

ഏക ഏകാക്ഷരാധാര ഏകാക്ഷരപരായണഃ

॥ 127 ॥

ശ്ലോക 134

ഏകാഗ്രധീരേകവീര ഏകോഽനേകസ്വരൂപധൃക് ।

ദ്വിരൂപോ ദ്വിഭുജോ ദ്വ്യക്ഷോ ദ്വിരദോ ദ്വീപരക്ഷകഃ

॥ 129 ॥

ശ്ലോക 135

ദ്വൈമാതുരോ ദ്വിവദനോ ദ്വന്ദ്വഹീനോ ദ്വയാതിഗഃ ।

ത്രിധാമാ ത്രികരസ്ത്രേതാ ത്രിവര്ഗഫലദായകഃ

॥ 130 ॥

ശ്ലോക 136

ത്രിഗുണാത്മാ ത്രിലോകാദിസ്ത്രിശക്തീശസ്ത്രിലോചനഃ ।

ചതുര്വിധവചോവൃത്തിപരിവൃത്തിപ്രവര്തകഃ

॥ 131 ॥

ശ്ലോക 137

ചതുര്ബാഹുശ്ചതുര്ദന്തശ്ചതുരാത്മാ ചതുര്ഭുജഃ ।

ചതുര്വിധോപായമയശ്ചതുര്വര്ണാശ്രമാശ്രയഃ 133 ॥

ചതുര്ഥീപൂജനപ്രീതശ്ചതുര്ഥീതിഥിസമ്ഭവഃ ॥

പഞ്ചാക്ഷരാത്മാ പഞ്ചാത്മാ പഞ്ചാസ്യഃ പഞ്ചകൃത്തമഃ

॥ 132 ॥

ശ്ലോക 138

പഞ്ചാധാരഃ പഞ്ചവര്ണഃ പഞ്ചാക്ഷരപരായണഃ ।

പഞ്ചതാലഃ പഞ്ചകരഃ പഞ്ചപ്രണവമാതൃകഃ

॥ 134 ॥

ശ്ലോക 139

പഞ്ചബ്രഹ്മമയസ്ഫൂര്തിഃ പഞ്ചാവരണവാരിതഃ ।

പഞ്ചഭക്ഷപ്രിയഃ പഞ്ചബാണഃ പഞ്ചശിഖാത്മകഃ

॥ 135 ॥

ശ്ലോക 140

ഷട്കോണപീഠഃ ഷട്ചക്രധാമാ ഷഡ്ഗ്രന്ഥിഭേദകഃ ।

ഷഡങ്ഗധ്വാന്തവിധ്വംസീ ഷഡങ്ഗുലമഹാഹ്രദഃ

॥ 136 ॥

ശ്ലോക 141

ഷണ്മുഖഃ ഷണ്മുഖഭ്രാതാ ഷട്ശക്തിപരിവാരിതഃ ।

ഷഡ്വൈരിവര്ഗവിധ്വംസീ ഷഡൂര്മിഭയഭഞ്ജനഃ

॥ 137 ॥

ശ്ലോക 142

ഷട്തര്കദൂരഃ ഷട്കര്മാ ഷഡ്ഗുണഃ ഷഡ്രസാശ്രയഃ ।

സപ്തപാതാലചരണഃ സപ്തദ്വീപോരുമണ്ഡലഃ

॥ 138 ॥

ശ്ലോക 143

സപ്തസ്വര്ലോകമുകുടഃ സപ്തസപ്തിവരപ്രദഃ ।

സപ്താങ്ഗരാജ്യസുഖദഃ സപ്തര്ഷിഗണവന്ദിതഃ

॥ 139 ॥

ശ്ലോക 144

സപ്തച്ഛന്ദോനിധിഃ സപ്തഹോത്രഃ സപ്തസ്വരാശ്രയഃ ।

സപ്താബ്ധികേലികാസാരഃ സപ്തമാതൃനിഷേവിതഃ

॥ 140 ॥

ശ്ലോക 145

സപ്തച്ഛന്ദോ മോദമദഃ സപ്തച്ഛന്ദോ മഖപ്രഭുഃ ।

അഷ്ടമൂര്തിര്ധ്യേയമൂര്തിരഷ്ടപ്രകൃതികാരണമ്

॥ 141 ॥

ശ്ലോക 146

അഷ്ടാങ്ഗയോഗഫലഭൃദഷ്ടപത്രാമ്ബുജാസനഃ ।

അഷ്ടശക്തിസമാനശ്രീരഷ്ടൈശ്വര്യപ്രവര്ധനഃ

॥ 142 ॥

ശ്ലോക 147

അഷ്ടപീഠോപപീഠശ്രീരഷ്ടമാതൃസമാവൃതഃ ।

അഷ്ടഭൈരവസേവ്യോഽഷ്ടവസുവന്ദ്യോഽഷ്ടമൂര്തിഭൃത്

॥ 143 ॥

ശ്ലോക 148

അഷ്ടചക്രസ്ഫുരന്മൂര്തിരഷ്ടദ്രവ്യഹവിഃപ്രിയഃ ।

അഷ്ടശ്രീരഷ്ടസാമശ്രീരഷ്ടൈശ്വര്യപ്രദായകഃ ।

നവനാഗാസനാധ്യാസീ നവനിധ്യനുശാസിതഃ

॥ 144 ॥

ശ്ലോക 149

നവദ്വാരപുരാവൃത്തോ നവദ്വാരനികേതനഃ ।

നവനാഥമഹാനാഥോ നവനാഗവിഭൂഷിതഃ

॥ 145 ॥

ശ്ലോക 150

നവനാരായണസ്തുല്യോ നവദുര്ഗാനിഷേവിതഃ ।

നവരത്നവിചിത്രാങ്ഗോ നവശക്തിശിരോദ്ധൃതഃ

॥ 146 ॥

ശ്ലോക 151

ദശാത്മകോ ദശഭുജോ ദശദിക്പതിവന്ദിതഃ ।

ദശാധ്യായോ ദശപ്രാണോ ദശേന്ദ്രിയനിയാമകഃ

॥ 147 ॥

ശ്ലോക 152

ദശാക്ഷരമഹാമന്ത്രോ ദശാശാവ്യാപിവിഗ്രഹഃ ।

ഏകാദശമഹാരുദ്രൈഃസ്തുതശ്ചൈകാദശാക്ഷരഃ

॥ 148 ॥

ശ്ലോക 153

ദ്വാദശദ്വിദശാഷ്ടാദിദോര്ദണ്ഡാസ്ത്രനികേതനഃ ।

ത്രയോദശഭിദാഭിന്നോ വിശ്വേദേവാധിദൈവതമ്

॥ 149 ॥

ശ്ലോക 154

ചതുര്ദശേന്ദ്രവരദശ്ചതുര്ദശമനുപ്രഭുഃ ।

ചതുര്ദശാദ്യവിദ്യാഢ്യശ്ചതുര്ദശജഗത്പതിഃ

॥ 150 ॥

ശ്ലോക 155

സാമപഞ്ചദശഃ പഞ്ചദശീശീതാംശുനിര്മലഃ ।

തിഥിപഞ്ചദശാകാരസ്തിഥ്യാ പഞ്ചദശാര്ചിതഃ

॥ 151 ॥

ശ്ലോക 156

ഷോഡശാധാരനിലയഃ ഷോഡശസ്വരമാതൃകഃ ।

ഷോഡശാന്തപദാവാസഃ ഷോഡശേന്ദുകലാത്മകഃ

॥ 152 ॥

ശ്ലോക 157

കലാസപ്തദശീ സപ്തദശസപ്തദശാക്ഷരഃ ।

അഷ്ടാദശദ്വീപപതിരഷ്ടാദശപുരാണകൃത്

॥ 153 ॥

ശ്ലോക 158

അഷ്ടാദശൌഷധീസൃഷ്ടിരഷ്ടാദശവിധിഃ സ്മൃതഃ ।

അഷ്ടാദശലിപിവ്യഷ്ടിസമഷ്ടിജ്ഞാനകോവിദഃ

॥ 154 ॥

ശ്ലോക 159

അഷ്ടാദശാന്നസമ്പത്തിരഷ്ടാദശവിജാതികൃത് ।

ഏകവിംശഃ പുമാനേകവിംശത്യങ്ഗുലിപല്ലവഃ

॥ 155 ॥

ശ്ലോക 160

ചതുര്വിംശതിതത്ത്വാത്മാ പഞ്ചവിംശാഖ്യപൂരുഷഃ ।

സപ്തവിംശതിതാരേശഃ സപ്തവിംശതിയോഗകൃത്

॥ 156 ॥

ശ്ലോക 161

ദ്വാത്രിംശദ്ഭൈരവാധീശശ്ചതുസ്ത്രിംശന്മഹാഹ്രദഃ ।

ഷട്ത്രിംശത്തത്ത്വസമ്ഭൂതിരഷ്ടത്രിംശത്കലാത്മകഃ

॥ 157 ॥

ശ്ലോക 162

പഞ്ചാശദ്വിഷ്ണുശക്തീശഃ പഞ്ചാശന്മാതൃകാലയഃ ।

ദ്വിപഞ്ചാശദ്വപുഃശ്രേണീത്രിഷഷ്ട്യക്ഷരസംശ്രയഃ ।

പഞ്ചാശദക്ഷരശ്രേണീപഞ്ചാശദ്രുദ്രവിഗ്രഹഃ

॥ 158 ॥

ശ്ലോക 163

ചതുഃഷഷ്ടിമഹാസിദ്ധിയോഗിനീവൃന്ദവന്ദിതഃ ।

നമദേകോനപഞ്ചാശന്മരുദ്വര്ഗനിരര്ഗലഃ

॥ 159 ॥

ശ്ലോക 164

ചതുഃഷഷ്ട്യര്ഥനിര്ണേതാ ചതുഃഷഷ്ടികലാനിധിഃ ।

അഷ്ടഷഷ്ടിമഹാതീര്ഥക്ഷേത്രഭൈരവവന്ദിതഃ

॥ 160 ॥

ശ്ലോക 165

ചതുര്നവതിമന്ത്രാത്മാ ഷണ്ണവത്യധികപ്രഭുഃ ।

ശതാനന്ദഃ ശതധൃതിഃ ശതപത്രായതേക്ഷണഃ

॥ 161 ॥

ശ്ലോക 166

ശതാനീകഃ ശതമഖഃ ശതധാരാവരായുധഃ ।

സഹസ്രപത്രനിലയഃ സഹസ്രഫണിഭൂഷണഃ

॥ 162 ॥

ശ്ലോക 167

സഹസ്രശീര്ഷാ പുരുഷഃ സഹസ്രാക്ഷഃ സഹസ്രപാത് ।

സഹസ്രനാമസംസ്തുത്യഃ സഹസ്രാക്ഷബലാപഹഃ

॥ 163 ॥

ശ്ലോക 168

ദശസാഹസ്രഫണിഭൃത്ഫണിരാജകൃതാസനഃ ।

അഷ്ടാശീതിസഹസ്രാദ്യമഹര്ഷിസ്തോത്രപാഠിതഃ

॥ 164 ॥

ശ്ലോക 169

ലക്ഷാധാരഃ പ്രിയാധാരോ ലക്ഷാധാരമനോമയഃ ।

ചതുര്ലക്ഷജപപ്രീതശ്ചതുര്ലക്ഷപ്രകാശകഃ

॥ 165 ॥

ശ്ലോക 170

ചതുരശീതിലക്ഷാണാം ജീവാനാം ദേഹസംസ്ഥിതഃ ।

കോടിസൂര്യപ്രതീകാശഃ കോടിചന്ദ്രാംശുനിര്മലഃ

॥ 166 ॥

ശ്ലോക 171

ശിവോദ്ഭവാദ്യഷ്ടകോടിവൈനായകധുരന്ധരഃ ।

സപ്തകോടിമഹാമന്ത്രമന്ത്രിതാവയവദ്യുതിഃ

॥ 167 ॥

ശ്ലോക 172

ത്രയസ്ത്രിംശത്കോടിസുരശ്രേണീപ്രണതപാദുകഃ ।

അനന്തദേവതാസേവ്യോ ഹ്യനന്തശുഭദായകഃ

॥ 168 ॥

ശ്ലോക 173

അനന്തനാമാനന്തശ്രീരനന്തോഽനന്തസൌഖ്യദഃ ।

അനന്തശക്തിസഹിതോ ഹ്യനന്തമുനിസംസ്തുതഃ

॥ 169 ॥

ശ്ലോക 174

ഇതി വൈനായകം നാമ്നാം സഹസ്രമിദമീരിതമ് ।

ഇദം ബ്രാഹ്മേ മുഹൂര്തേ യഃ പഠതി പ്രത്യഹം നരഃ

॥ 170 ॥

ശ്ലോക 175

കരസ്ഥം തസ്യ സകലമൈഹികാമുഷ്മികം സുഖമ് ।

ആയുരാരോഗ്യമൈശ്വര്യം ധൈര്യം ശൌര്യം ബലം യശഃ

॥ 171 ॥

ശ്ലോക 176

മേധാ പ്രജ്ഞാ ധൃതിഃ കാന്തിഃ സൌഭാഗ്യമഭിരൂപതാ ।

സത്യം ദയാ ക്ഷമാ ശാന്തിര്ദാക്ഷിണ്യം ധര്മശീലതാ

॥ 172 ॥

ശ്ലോക 177

ജഗത്സംവനനം വിശ്വസംവാദോ വേദപാടവമ് ।

സഭാപാണ്ഡിത്യമൌദാര്യം ഗാമ്ഭീര്യം ബ്രഹ്മവര്ചസമ്

॥ 173 ॥

ശ്ലോക 178

ഓജസ്തേജഃ കുലം ശീലം പ്രതാപോ വീര്യമാര്യതാ ।

ജ്ഞാനം വിജ്ഞാനമാസ്തിക്യം സ്ഥൈര്യം വിശ്വാസതാ തഥാ

॥ 174 ॥

ശ്ലോക 179

ധനധാന്യാദിവൃദ്ധിശ്ച സകൃദസ്യ ജപാദ്ഭവേത് ।

വശ്യം ചതുര്വിധം വിശ്വം ജപാദസ്യ പ്രജായതേ

॥ 175 ॥

ശ്ലോക 180

രാജ്ഞോ രാജകലത്രസ്യ രാജപുത്രസ്യ മന്ത്രിണഃ ।

ജപ്യതേ യസ്യ വശ്യാര്ഥേ സ ദാസസ്തസ്യ ജായതേ

॥ 176 ॥

ശ്ലോക 181

ധര്മാര്ഥകാമമോക്ഷാണാമനായാസേന സാധനമ് ।

ശാകിനീഡാകിനീരക്ഷോയക്ഷഗ്രഹഭയാപഹമ്

॥ 177 ॥

ശ്ലോക 182

സാമ്രാജ്യസുഖദം സര്വസപത്നമദമര്ദനമ് ।

സമസ്തകലഹധ്വംസി ദഗ്ധബീജപ്രരോഹണമ്

॥ 178 ॥

ശ്ലോക 183

ദുഃസ്വപ്നശമനം ക്രുദ്ധസ്വാമിചിത്തപ്രസാദനമ് ।

ഷഡ്വര്ഗാഷ്ടമഹാസിദ്ധിത്രികാലജ്ഞാനകാരണമ്

॥ 179 ॥

ശ്ലോക 184

പരകൃത്യപ്രശമനം പരചക്രപ്രമര്ദനമ് ।

സങ്ഗ്രാമമാര്ഗേ സവേഷാമിദമേകം ജയാവഹമ്

॥ 180 ॥

ശ്ലോക 185

സര്വവന്ധ്യത്വദോഷഘ്നം ഗര്ഭരക്ഷൈകകാരണമ് ।

പഠ്യതേ പ്രത്യഹം യത്ര സ്തോത്രം ഗണപതേരിദമ്

॥ 181 ॥

ശ്ലോക 186

ദേശേ തത്ര ന ദുര്ഭിക്ഷമീതയോ ദുരിതാനി ച ।

ന തദ്ഗേഹം ജഹാതി ശ്രീര്യത്രായം ജപ്യതേ സ്തവഃ

॥ 182 ॥

ശ്ലോക 187

ക്ഷയകുഷ്ഠപ്രമേഹാര്ശഭഗന്ദരവിഷൂചികാഃ ।

ഗുല്മം പ്ലീഹാനമശമാനമതിസാരം മഹോദരമ്

॥ 183 ॥

ശ്ലോക 188

കാസം ശ്വാസമുദാവര്തം ശൂലം ശോഫാമയോദരമ് ।

ശിരോരോഗം വമിം ഹിക്കാം ഗണ്ഡമാലാമരോചകമ്

॥ 184 ॥

ശ്ലോക 189

വാതപിത്തകഫദ്വന്ദ്വത്രിദോഷജനിതജ്വരമ് ।

ആഗന്തുവിഷമം ശീതമുഷ്ണം ചൈകാഹികാദികമ്

॥ 185 ॥

ശ്ലോക 190

ഇത്യാദ്യുക്തമനുക്തം വാ രോഗദോഷാദിസമ്ഭവമ് ।

സര്വം പ്രശമയത്യാശു സ്തോത്രസ്യാസ്യ സകൃജ്ജപഃ

॥ 186 ॥

ശ്ലോക 191

പ്രാപ്യതേഽസ്യ ജപാത്സിദ്ധിഃ സ്ത്രീശൂദ്രൈഃ പതിതൈരപി ।

സഹസ്രനാമമന്ത്രോഽയം ജപിതവ്യഃ ശുഭാപ്തയേ

॥ 187 ॥

ശ്ലോക 192

മഹാഗണപതേഃ സ്തോത്രം സകാമഃ പ്രജപന്നിദമ് ।

ഇച്ഛയാ സകലാന് ഭോഗാനുപഭുജ്യേഹ പാര്ഥിവാന്

॥ 188 ॥

ശ്ലോക 193

മനോരഥഫലൈര്ദിവ്യൈര്വ്യോമയാനൈര്മനോരമൈഃ ।

ചന്ദ്രേന്ദ്രഭാസ്കരോപേന്ദ്രബ്രഹ്മശര്വാദിസദ്മസു

॥ 189 ॥

ശ്ലോക 194

കാമരൂപഃ കാമഗതിഃ കാമദഃ കാമദേശ്വരഃ ।

ഭുക്ത്വാ യഥേപ്സിതാന്ഭോഗാനഭീഷ്ടൈഃ സഹ ബന്ധുഭിഃ

॥ 190 ॥

ശ്ലോക 195

ഗണേശാനുചരോ ഭൂത്വാ ഗണോ ഗണപതിപ്രിയഃ ।

നന്ദീശ്വരാദിസാനന്ദൈര്നന്ദിതഃ സകലൈര്ഗണൈഃ

॥ 191 ॥

ശ്ലോക 196

ശിവാഭ്യാം കൃപയാ പുത്രനിര്വിശേഷം ച ലാലിതഃ ।

ശിവഭക്തഃ പൂര്ണകാമോ ഗണേശ്വരവരാത്പുനഃ

॥ 192 ॥

ശ്ലോക 197

ജാതിസ്മരോ ധര്മപരഃ സാര്വഭൌമോഽഭിജായതേ ।

നിഷ്കാമസ്തു ജപന്നിത്യം ഭക്ത്യാ വിഘ്നേശതത്പരഃ

॥ 193 ॥

ശ്ലോക 198

യോഗസിദ്ധിം പരാം പ്രാപ്യ ജ്ഞാനവൈരാഗ്യസംയുതഃ ।

നിരന്തരേ നിരാബാധേ പരമാനന്ദസഞ്ജ്ഞിതേ

॥ 194 ॥

ശ്ലോക 199

വിശ്വോത്തീര്ണേ പരേ പൂര്ണേ പുനരാവൃത്തിവര്ജിതേ ।

ലീനോ വൈനായകേ ധാമ്നി രമതേ നിത്യനിര്വൃതേ

॥ 195 ॥

ശ്ലോക 200

യോ നാമഭിര്ഹുതൈര്ദത്തൈഃ പൂജയേദര്ചയേ​ഏന്നരഃ ।

രാജാനോ വശ്യതാം യാന്തി രിപവോ യാന്തി ദാസതാമ്

॥ 196 ॥

ശ്ലോക 201

തസ്യ സിധ്യന്തി മന്ത്രാണാം ദുര്ലഭാശ്ചേഷ്ടസിദ്ധയഃ ।

മൂലമന്ത്രാദപി സ്തോത്രമിദം പ്രിയതമം മമ

॥ 197 ॥

ശ്ലോക 202

നഭസ്യേ മാസി ശുക്ലായാം ചതുര്ഥ്യാം മമ ജന്മനി ।

ദൂര്വാഭിര്നാമഭിഃ പൂജാം തര്പണം വിധിവച്ചരേത്

॥ 198 ॥

ശ്ലോക 203

അഷ്ടദ്രവ്യൈര്വിശേഷേണ കുര്യാദ്ഭക്തിസുസംയുതഃ ।

തസ്യേപ്സിതം ധനം ധാന്യമൈശ്വര്യം വിജയോ യശഃ

॥ 199 ॥

ശ്ലോക 204

ഭവിഷ്യതി ന സന്ദേഹഃ പുത്രപൌത്രാദികം സുഖമ് ।

ഇദം പ്രജപിതം സ്തോത്രം പഠിതം ശ്രാവിതം ശ്രുതമ്

॥ 200 ॥

ശ്ലോക 205

വ്യാകൃതം ചര്ചിതം ധ്യാതം വിമൃഷ്ടമഭിവന്ദിതമ് ।

ഇഹാമുത്ര ച വിശ്വേഷാം വിശ്വൈശ്വര്യപ്രദായകമ്

॥ 201 ॥

ശ്ലോക 206

സ്വച്ഛന്ദചാരിണാപ്യേഷ യേന സന്ധാര്യതേ സ്തവഃ ।

സ രക്ഷ്യതേ ശിവോദ്ഭൂതൈര്ഗണൈരധ്യഷ്ടകോടിഭിഃ

॥ 202 ॥

ശ്ലോക 207

ലിഖിതം പുസ്തകസ്തോത്രം മന്ത്രഭൂതം പ്രപൂജയേത് ।

തത്ര സര്വോത്തമാ ലക്ഷ്മീഃ സന്നിധത്തേ നിരന്തരമ്

॥ 203 ॥

ശ്ലോക 208

ദാനൈരശേഷൈരഖിലൈര്വ്രതൈശ്ച തീര്ഥൈരശേഷൈരഖിലൈര്മഖൈശ്ച ।

ന തത്ഫലം വിന്ദതി യദ്ഗണേശസഹസ്രനാമസ്മരണേന സദ്യഃ

॥ 204 ॥

ശ്ലോക 209

ഏതന്നാമ്നാം സഹസ്രം പഠതി ദിനമണൌ പ്രത്യഹമ്പ്രോജ്ജിഹാനേ

സായം മധ്യന്ദിനേ വാ ത്രിഷവണമഥവാ സന്തതം വാ ജനോ യഃ ।

സ സ്യാദൈശ്വര്യധുര്യഃ പ്രഭവതി വചസാം കീര്തിമുച്ചൈസ്തനോതി

ദാരിദ്ര്യം ഹന്തി വിശ്വം വശയതി സുചിരം വര്ധതേ പുത്രപൌത്രൈഃ

॥ 205 ॥

ശ്ലോക 210

അകിഞ്ചനോപ്യേകചിത്തോ നിയതോ നിയതാസനഃ ।

പ്രജപംശ്ചതുരോ മാസാന് ഗണേശാര്ചനതത്പരഃ

॥ 206 ॥

ശ്ലോക 211

ദരിദ്രതാം സമുന്മൂല്യ സപ്തജന്മാനുഗാമപി ।

ലഭതേ മഹതീം ലക്ഷ്മീമിത്യാജ്ഞാ പാരമേശ്വരീ

॥ 207 ॥

ശ്ലോക 212

ആയുഷ്യം വീതരോഗം കുലമതിവിമലം സമ്പദശ്ചാര്തിനാശഃ

കീര്തിര്നിത്യാവദാതാ ഭവതി ഖലു നവാ കാന്തിരവ്യാജഭവ്യാ ।

പുത്രാഃ സന്തഃ കലത്രം ഗുണവദഭിമതം യദ്യദന്യച്ച തത്ത -

ന്നിത്യം യഃ സ്തോത്രമേതത് പഠതി ഗണപതേസ്തസ്യ ഹസ്തേ സമസ്തമ്

॥ 208 ॥

ശ്ലോക 213

ഗണഞ്ജയോ ഗണപതിര്ഹേരമ്ബോ ധരണീധരഃ ।

മഹാഗണപതിര്ബുദ്ധിപ്രിയഃ ക്ഷിപ്രപ്രസാദനഃ

॥ 209 ॥

ശ്ലോക 214

അമോഘസിദ്ധിരമൃതമന്ത്രശ്ചിന്താമണിര്നിധിഃ ।

സുമങ്ഗലോ ബീജമാശാപൂരകോ വരദഃ കലഃ

॥ 210 ॥

ശ്ലോക 215

കാശ്യപോ നന്ദനോ വാചാസിദ്ധോ ഢുണ്ഢിര്വിനായകഃ ।

മോദകൈരേഭിരത്രൈകവിംശത്യാ നാമഭിഃ പുമാന്

॥ 211 ॥

ശ്ലോക 216

ഉപായനം ദദേദ്ഭക്ത്യാ മത്പ്രസാദം ചികീര്ഷതി ।

വത്സരം വിഘ്നരാജോഽസ്യ തഥ്യമിഷ്ടാര്ഥസിദ്ധയേ

॥ 212 ॥

ശ്ലോക 217

യഃ സ്തൌതി മദ്ഗതമനാ മമാരാധനതത്പരഃ ।

സ്തുതോ നാമ്നാ സഹസ്രേണ തേനാഹം നാത്ര സംശയഃ

॥ 213 ॥

ശ്ലോക 218

നമോ നമഃ സുരവരപൂജിതാങ്ഘ്രയേ

നമോ നമോ നിരുപമമങ്ഗലാത്മനേ ।

നമോ നമോ വിപുലദയൈകസിദ്ധയേ

നമോ നമഃ കരികലഭാനനായ തേ

॥ 214 ॥

ശ്ലോക 219

കിങ്കിണീഗണരചിതചരണഃ

പ്രകടിതഗുരുമിതചാരുകരണഃ ।

മദജലലഹരീകലിതകപോലഃ

ശമയതു ദുരിതം ഗണപതിനാമ്നാ

॥ 215 ॥

ശ്ലോക 220

॥ ഇതി ശ്രീഗണേശപുരാണേ ഉപാസനാഖണ്ഡേ ഈശ്വരഗണേശസംവാദേ

ഗണേശസഹസ്രനാമസ്തോത്രം നാമ ഷട്ചത്വാരിംശോധ്യായഃ ॥