ಮಹಾ ಗಣಪತಿ ಸಹಸ್ರನಾಮ ಸ್ತೋತ್ರಮ್

ಮಹಾ ಗಣಪತಿ ಸಹಸ್ರನಾಮ ಸ್ತೋತ್ರಮ್

ಶ್ಲೋಕ 1

ಮುನಿರುವಾಚ

ಕಥಂ ನಾಮ್ನಾಂ ಸಹಸ್ರಂ ತಂ ಗಣೇಶ ಉಪದಿಷ್ಟವಾನ್ ।

ಶಿವದಂ ತನ್ಮಮಾಚಕ್ಷ್ವ ಲೋಕಾನುಗ್ರಹತತ್ಪರ

ಶ್ಲೋಕ 2

ಬ್ರಹ್ಮೋವಾಚ

ದೇವಃ ಪೂರ್ವಂ ಪುರಾರಾತಿಃ ಪುರತ್ರಯಜಯೋದ್ಯಮೇ ।

ಅನರ್ಚನಾದ್ಗಣೇಶಸ್ಯ ಜಾತೋ ವಿಘ್ನಾಕುಲಃ ಕಿಲ

॥ 1 ॥

ಶ್ಲೋಕ 3

ಮನಸಾ ಸ ವಿನಿರ್ಧಾರ್ಯ ದದೃಶೇ ವಿಘ್ನಕಾರಣಮ್ ।

ಮಹಾಗಣಪತಿಂ ಭಕ್ತ್ಯಾ ಸಮಭ್ಯರ್ಚ್ಯ ಯಥಾವಿಧಿ

॥ 2 ॥

ಶ್ಲೋಕ 4

ವಿಘ್ನಪ್ರಶಮನೋಪಾಯಮಪೃಚ್ಛದಪರಿಶ್ರಮಮ್ ।

ಸನ್ತುಷ್ಟಃ ಪೂಜಯಾ ಶಮ್ಭೋರ್ಮಹಾಗಣಪತಿಃ ಸ್ವಯಮ್

॥ 3 ॥

ಶ್ಲೋಕ 5

ಸರ್ವವಿಘ್ನಪ್ರಶಮನಂ ಸರ್ವಕಾಮಫಲಪ್ರದಮ್ ।

ತತಸ್ತಸ್ಮೈ ಸ್ವಯಂ ನಾಮ್ನಾಂ ಸಹಸ್ರಮಿದಮಬ್ರವೀತ್

॥ 4 ॥

ಶ್ಲೋಕ 6

ಅಸ್ಯ ಶ್ರೀಮಹಾಗಣಪತಿಸಹಸ್ರನಾಮಸ್ತೋತ್ರಮಾಲಾಮನ್ತ್ರಸ್ಯ ।

ಗಣೇಶ ಋಷಿಃ, ಮಹಾಗಣಪತಿರ್ದೇವತಾ, ನಾನಾವಿಧಾನಿಚ್ಛನ್ದಾಂಸಿ ।

ಹುಮಿತಿ ಬೀಜಮ್, ತುಙ್ಗಮಿತಿ ಶಕ್ತಿಃ, ಸ್ವಾಹಾಶಕ್ತಿರಿತಿ ಕೀಲಕಮ್ ।

ಸಕಲವಿಘ್ನವಿನಾಶನದ್ವಾರಾ ಶ್ರೀಮಹಾಗಣಪತಿಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಅಥ ಕರನ್ಯಾಸಃ

ಗಣೇಶ್ವರೋ ಗಣಕ್ರೀಡ ಇತ್ಯಙ್ಗುಷ್ಠಾಭ್ಯಾಂ ನಮಃ ।

ಕುಮಾರಗುರುರೀಶಾನ ಇತಿ ತರ್ಜನೀಭ್ಯಾಂ ನಮಃ ॥

ಬ್ರಹ್ಮಾಣ್ಡಕುಮ್ಭಶ್ಚಿದ್ವ್ಯೋಮೇತಿ ಮಧ್ಯಮಾಭ್ಯಾಂ ನಮಃ ।

ರಕ್ತೋ ರಕ್ತಾಮ್ಬರಧರ ಇತ್ಯನಾಮಿಕಾಭ್ಯಾಂ ನಮಃ

ಸರ್ವಸದ್ಗುರುಸಂಸೇವ್ಯ ಇತಿ ಕನಿಷ್ಠಿಕಾಭ್ಯಾಂ ನಮಃ ।

ಲುಪ್ತವಿಘ್ನಃ ಸ್ವಭಕ್ತಾನಾಮಿತಿ ಕರತಲಕರಪೃಷ್ಠಾಭ್ಯಾಂ ನಮಃ ॥

ಅಥ ಅಙ್ಗನ್ಯಾಸಃ

ಛನ್ದಶ್ಛನ್ದೋದ್ಭವ ಇತಿ ಹೃದಯಾಯ ನಮಃ ।

ನಿಷ್ಕಲೋ ನಿರ್ಮಲ ಇತಿ ಶಿರಸೇ ಸ್ವಾಹಾ ।

ಸೃಷ್ಟಿಸ್ಥಿತಿಲಯಕ್ರೀಡ ಇತಿ ಶಿಖಾಯೈ ವಷಟ್ ।

ಜ್ಞಾನಂ ವಿಜ್ಞಾನಮಾನನ್ದ ಇತಿ ಕವಚಾಯ ಹುಮ್ ।

ಅಷ್ಟಾಙ್ಗಯೋಗಫಲಭೃದಿತಿ ನೇತ್ರತ್ರಯಾಯ ವೌಷಟ್ ।

ಅನನ್ತಶಕ್ತಿಸಹಿತ ಇತ್ಯಸ್ತ್ರಾಯ ಫಟ್ ।

ಭೂರ್ಭುವಃ ಸ್ವರೋಂ ಇತಿ ದಿಗ್ಬನ್ಧಃ ।

ಅಥ ಧ್ಯಾನಮ್

ಗಜವದನಮಚಿನ್ತ್ಯಂ ತೀಕ್ಷ್ಣದಂಷ್ಟ್ರಂ ತ್ರಿನೇತ್ರಂ

ಬೃಹದುದರಮಶೇಷಂ ಭೂತಿರಾಜಂ ಪುರಾಣಮ್ ।

ಅಮರವರಸುಪೂಜ್ಯಂ ರಕ್ತವರ್ಣಂ ಸುರೇಶಂ

ಪಶುಪತಿಸುತಮೀಶಂ ವಿಘ್ನರಾಜಂ ನಮಾಮಿ ॥

ಶ್ರೀಗಣಪತಿರುವಾಚ

ಓಂ ಗಣೇಶ್ವರೋ ಗಣಕ್ರೀಡೋ ಗಣನಾಥೋ ಗಣಾಧಿಪಃ ।

ಏಕದನ್ತೋ ವಕ್ರತುಣ್ಡೋ ಗಜವಕ್ತ್ರೋ ಮಹೋದರಃ

॥ 5 ॥

ಶ್ಲೋಕ 7

ಲಮ್ಬೋದರೋ ಧೂಮ್ರವರ್ಣೋ ವಿಕಟೋ ವಿಘ್ನನಾಶನಃ ।

ಸುಮುಖೋ ದುರ್ಮುಖೋ ಬುದ್ಧೋ ವಿಘ್ನರಾಜೋ ಗಜಾನನಃ

॥ 1 ॥

ಶ್ಲೋಕ 8

ಭೀಮಃ ಪ್ರಮೋದ ಆಮೋದಃ ಸುರಾನನ್ದೋ ಮದೋತ್ಕಟಃ ।

ಹೇರಮ್ಬಃ ಶಮ್ಬರಃ ಶಮ್ಭುರ್ಲಮ್ಬಕರ್ಣೋ ಮಹಾಬಲಃ

॥ 2 ॥

ಶ್ಲೋಕ 9

ನನ್ದನೋ ಲಮ್ಪಟೋ ಭೀಮೋ ಮೇಘನಾದೋ ಗಣಞ್ಜಯಃ ।

ವಿನಾಯಕೋ ವಿರೂಪಾಕ್ಷೋ ವೀರಃ ಶೂರವರಪ್ರದಃ

॥ 3 ॥

ಶ್ಲೋಕ 10

ಮಹಾಗಣಪತಿರ್ಬುದ್ಧಿಪ್ರಿಯಃ ಕ್ಷಿಪ್ರಪ್ರಸಾದನಃ ।

ರುದ್ರಪ್ರಿಯೋ ಗಣಾಧ್ಯಕ್ಷ ಉಮಾಪುತ್ರೋಽಘನಾಶನಃ

॥ 4 ॥

ಶ್ಲೋಕ 11

ಕುಮಾರಗುರುರೀಶಾನಪುತ್ರೋ ಮೂಷಕವಾಹನಃ ।

ಸಿದ್ಧಿಪ್ರಿಯಃ ಸಿದ್ಧಿಪತಿಃ ಸಿದ್ಧಃ ಸಿದ್ಧಿವಿನಾಯಕಃ

॥ 5 ॥

ಶ್ಲೋಕ 12

ಅವಿಘ್ನಸ್ತುಮ್ಬುರುಃ ಸಿಂಹವಾಹನೋ ಮೋಹಿನೀಪ್ರಿಯಃ ।

ಕಟಙ್ಕಟೋ ರಾಜಪುತ್ರಃ ಶಾಕಲಃ ಸಮ್ಮಿತೋಮಿತಃ

॥ 6 ॥

ಶ್ಲೋಕ 13

ಕೂಷ್ಮಾಣ್ಡಸಾಮಸಮ್ಭೂತಿರ್ದುರ್ಜಯೋ ಧೂರ್ಜಯೋ ಜಯಃ ।

ಭೂಪತಿರ್ಭುವನಪತಿರ್ಭೂತಾನಾಂ ಪತಿರವ್ಯಯಃ

॥ 7 ॥

ಶ್ಲೋಕ 14

ವಿಶ್ವಕರ್ತಾ ವಿಶ್ವಮುಖೋ ವಿಶ್ವರೂಪೋ ನಿಧಿರ್ಗುಣಃ ।

ಕವಿಃ ಕವೀನಾಮೃಷಭೋ ಬ್ರಹ್ಮಣ್ಯೋ ಬ್ರಹ್ಮವಿತ್ಪ್ರಿಯಃ

॥ 8 ॥

ಶ್ಲೋಕ 15

ಜ್ಯೇಷ್ಠರಾಜೋ ನಿಧಿಪತಿರ್ನಿಧಿಪ್ರಿಯಪತಿಪ್ರಿಯಃ ।

ಹಿರಣ್ಮಯಪುರಾನ್ತಃಸ್ಥಃ ಸೂರ್ಯಮಣ್ಡಲಮಧ್ಯಗಃ

॥ 9 ॥

ಶ್ಲೋಕ 16

ಕರಾಹತಿಧ್ವಸ್ತಸಿನ್ಧುಸಲಿಲಃ ಪೂಷದನ್ತಭಿತ್ ।

ಉಮಾಙ್ಕಕೇಲಿಕುತುಕೀ ಮುಕ್ತಿದಃ ಕುಲಪಾವನಃ

॥ 10 ॥

ಶ್ಲೋಕ 17

ಕಿರೀಟೀ ಕುಣ್ಡಲೀ ಹಾರೀ ವನಮಾಲೀ ಮನೋಮಯಃ ।

ವೈಮುಖ್ಯಹತದೈತ್ಯಶ್ರೀಃ ಪಾದಾಹತಿಜಿತಕ್ಷಿತಿಃ

॥ 11 ॥

ಶ್ಲೋಕ 18

ಸದ್ಯೋಜಾತಃ ಸ್ವರ್ಣಮುಞ್ಜಮೇಖಲೀ ದುರ್ನಿಮಿತ್ತಹೃತ್ ।

ದುಃಸ್ವಪ್ನಹೃತ್ಪ್ರಸಹನೋ ಗುಣೀ ನಾದಪ್ರತಿಷ್ಠಿತಃ

॥ 12 ॥

ಶ್ಲೋಕ 19

ಸುರೂಪಃ ಸರ್ವನೇತ್ರಾಧಿವಾಸೋ ವೀರಾಸನಾಶ್ರಯಃ ।

ಪೀತಾಮ್ಬರಃ ಖಣ್ಡರದಃ ಖಣ್ಡವೈಶಾಖಸಂಸ್ಥಿತಃ

॥ 13 ॥

ಶ್ಲೋಕ 20

ಚಿತ್ರಾಙ್ಗಃ ಶ್ಯಾಮದಶನೋ ಭಾಲಚನ್ದ್ರೋ ಹವಿರ್ಭುಜಃ ।

ಯೋಗಾಧಿಪಸ್ತಾರಕಸ್ಥಃ ಪುರುಷೋ ಗಜಕರ್ಣಕಃ

॥ 14 ॥

ಶ್ಲೋಕ 21

ಗಣಾಧಿರಾಜೋ ವಿಜಯಃ ಸ್ಥಿರೋ ಗಜಪತಿಧ್ವಜೀ ।

ದೇವದೇವಃ ಸ್ಮರಃ ಪ್ರಾಣದೀಪಕೋ ವಾಯುಕೀಲಕಃ

॥ 15 ॥

ಶ್ಲೋಕ 22

ವಿಪಶ್ಚಿದ್ವರದೋ ನಾದೋ ನಾದಭಿನ್ನಮಹಾಚಲಃ ।

ವರಾಹರದನೋ ಮೃತ್ಯುಞ್ಜಯೋ ವ್ಯಾಘ್ರಾಜಿನಾಮ್ಬರಃ

॥ 16 ॥

ಶ್ಲೋಕ 23

ಇಚ್ಛಾಶಕ್ತಿಭವೋ ದೇವತ್ರಾತಾ ದೈತ್ಯವಿಮರ್ದನಃ ।

ಶಮ್ಭುವಕ್ತ್ರೋದ್ಭವಃ ಶಮ್ಭುಕೋಪಹಾ ಶಮ್ಭುಹಾಸ್ಯಭೂಃ

॥ 17 ॥

ಶ್ಲೋಕ 24

ಶಮ್ಭುತೇಜಾಃ ಶಿವಾಶೋಕಹಾರೀ ಗೌರೀಸುಖಾವಹಃ ।

ಉಮಾಙ್ಗಮಲಜೋ ಗೌರೀತೇಜೋಭೂಃ ಸ್ವರ್ಧುನೀಭವಃ

॥ 18 ॥

ಶ್ಲೋಕ 25

ಯಜ್ಞಕಾಯೋ ಮಹಾನಾದೋ ಗಿರಿವರ್ಷ್ಮಾ ಶುಭಾನನಃ ।

ಸರ್ವಾತ್ಮಾ ಸರ್ವದೇವಾತ್ಮಾ ಬ್ರಹ್ಮಮೂರ್ಧಾ ಕಕುಪ್ಶ್ರುತಿಃ

॥ 19 ॥

ಶ್ಲೋಕ 26

ಬ್ರಹ್ಮಾಣ್ಡಕುಮ್ಭಶ್ಚಿದ್ವ್ಯೋಮಭಾಲಃಸತ್ಯಶಿರೋರುಹಃ ।

ಜಗಜ್ಜನ್ಮಲಯೋನ್ಮೇಷನಿಮೇಷೋಽಗ್ನ್ಯರ್ಕಸೋಮದೃಕ್

॥ 20 ॥

ಶ್ಲೋಕ 27

ಗಿರೀನ್ದ್ರೈಕರದೋ ಧರ್ಮಾಧರ್ಮೋಷ್ಠಃ ಸಾಮಬೃಂಹಿತಃ ।

ಗ್ರಹರ್ಕ್ಷದಶನೋ ವಾಣೀಜಿಹ್ವೋ ವಾಸವನಾಸಿಕಃ

॥ 21 ॥

ಶ್ಲೋಕ 28

ಭ್ರೂಮಧ್ಯಸಂಸ್ಥಿತಕರೋ ಬ್ರಹ್ಮವಿದ್ಯಾಮದೋದಕಃ ।

ಕುಲಾಚಲಾಂಸಃ ಸೋಮಾರ್ಕಘಣ್ಟೋ ರುದ್ರಶಿರೋಧರಃ

॥ 22 ॥

ಶ್ಲೋಕ 29

ನದೀನದಭುಜಃ ಸರ್ಪಾಙ್ಗುಲೀಕಸ್ತಾರಕಾನಖಃ ।

ವ್ಯೋಮನಾಭಿಃ ಶ್ರೀಹೃದಯೋ ಮೇರುಪೃಷ್ಠೋಽರ್ಣವೋದರಃ

॥ 23 ॥

ಶ್ಲೋಕ 30

ಕುಕ್ಷಿಸ್ಥಯಕ್ಷಗನ್ಧರ್ವರಕ್ಷಃಕಿನ್ನರಮಾನುಷಃ ।

ಪೃಥ್ವೀಕಟಿಃ ಸೃಷ್ಟಿಲಿಙ್ಗಃ ಶೈಲೋರುರ್ದಸ್ರಜಾನುಕಃ

॥ 24 ॥

ಶ್ಲೋಕ 31

ಪಾತಾಲಜಙ್ಘೋ ಮುನಿಪಾತ್ಕಾಲಾಙ್ಗುಷ್ಠಸ್ತ್ರಯೀತನುಃ ।

ಜ್ಯೋತಿರ್ಮಣ್ಡಲಲಾಙ್ಗೂಲೋ ಹೃದಯಾಲಾನನಿಶ್ಚಲಃ

॥ 25 ॥

ಶ್ಲೋಕ 32

ಹೃತ್ಪದ್ಮಕರ್ಣಿಕಾಶಾಲೀ ವಿಯತ್ಕೇಲಿಸರೋವರಃ ।

ಸದ್ಭಕ್ತಧ್ಯಾನನಿಗಡಃ ಪೂಜಾವಾರಿನಿವಾರಿತಃ

॥ 26 ॥

ಶ್ಲೋಕ 33

ಪ್ರತಾಪೀ ಕಾಶ್ಯಪೋ ಮನ್ತಾ ಗಣಕೋ ವಿಷ್ಟಪೀ ಬಲೀ ।

ಯಶಸ್ವೀ ಧಾರ್ಮಿಕೋ ಜೇತಾ ಪ್ರಥಮಃ ಪ್ರಮಥೇಶ್ವರಃ

॥ 27 ॥

ಶ್ಲೋಕ 34

ಚಿನ್ತಾಮಣಿರ್ದ್ವೀಪಪತಿಃ ಕಲ್ಪದ್ರುಮವನಾಲಯಃ ।

ರತ್ನಮಣ್ಡಪಮಧ್ಯಸ್ಥೋ ರತ್ನಸಿಂಹಾಸನಾಶ್ರಯಃ

॥ 28 ॥

ಶ್ಲೋಕ 35

ತೀವ್ರಾಶಿರೋದ್ಧೃತಪದೋ ಜ್ವಾಲಿನೀಮೌಲಿಲಾಲಿತಃ ।

ನನ್ದಾನನ್ದಿತಪೀಠಶ್ರೀರ್ಭೋಗದೋ ಭೂಷಿತಾಸನಃ

॥ 29 ॥

ಶ್ಲೋಕ 36

ಸಕಾಮದಾಯಿನೀಪೀಠಃ ಸ್ಫುರದುಗ್ರಾಸನಾಶ್ರಯಃ ।

ತೇಜೋವತೀಶಿರೋರತ್ನಂ ಸತ್ಯಾನಿತ್ಯಾವತಂಸಿತಃ

॥ 30 ॥

ಶ್ಲೋಕ 37

ಸವಿಘ್ನನಾಶಿನೀಪೀಠಃ ಸರ್ವಶಕ್ತ್ಯಮ್ಬುಜಾಲಯಃ ।

ಲಿಪಿಪದ್ಮಾಸನಾಧಾರೋ ವಹ್ನಿಧಾಮತ್ರಯಾಲಯಃ

॥ 31 ॥

ಶ್ಲೋಕ 38

ಉನ್ನತಪ್ರಪದೋ ಗೂಢಗುಲ್ಫಃ ಸಂವೃತಪಾರ್ಷ್ಣಿಕಃ ।

ಪೀನಜಙ್ಘಃ ಶ್ಲಿಷ್ಟಜಾನುಃ ಸ್ಥೂಲೋರುಃ ಪ್ರೋನ್ನಮತ್ಕಟಿಃ

॥ 32 ॥

ಶ್ಲೋಕ 39

ನಿಮ್ನನಾಭಿಃ ಸ್ಥೂಲಕುಕ್ಷಿಃ ಪೀನವಕ್ಷಾ ಬೃಹದ್ಭುಜಃ ।

ಪೀನಸ್ಕನ್ಧಃ ಕಮ್ಬುಕಣ್ಠೋ ಲಮ್ಬೋಷ್ಠೋ ಲಮ್ಬನಾಸಿಕಃ

॥ 33 ॥

ಶ್ಲೋಕ 40

ಭಗ್ನವಾಮರದಸ್ತುಙ್ಗಸವ್ಯದನ್ತೋ ಮಹಾಹನುಃ ।

ಹ್ರಸ್ವನೇತ್ರತ್ರಯಃ ಶೂರ್ಪಕರ್ಣೋ ನಿಬಿಡಮಸ್ತಕಃ

॥ 34 ॥

ಶ್ಲೋಕ 41

ಸ್ತಬಕಾಕಾರಕುಮ್ಭಾಗ್ರೋ ರತ್ನಮೌಲಿರ್ನಿರಙ್ಕುಶಃ ।

ಸರ್ಪಹಾರಕಟೀಸೂತ್ರಃ ಸರ್ಪಯಜ್ಞೋಪವೀತವಾನ್

॥ 35 ॥

ಶ್ಲೋಕ 42

ಸರ್ಪಕೋಟೀರಕಟಕಃ ಸರ್ಪಗ್ರೈವೇಯಕಾಙ್ಗದಃ ।

ಸರ್ಪಕಕ್ಷೋದರಾಬನ್ಧಃ ಸರ್ಪರಾಜೋತ್ತರಚ್ಛದಃ

॥ 36 ॥

ಶ್ಲೋಕ 43

ರಕ್ತೋ ರಕ್ತಾಮ್ಬರಧರೋ ರಕ್ತಮಾಲಾವಿಭೂಷಣಃ ।

ರಕ್ತೇಕ್ಷನೋ ರಕ್ತಕರೋ ರಕ್ತತಾಲ್ವೋಷ್ಠಪಲ್ಲವಃ

॥ 37 ॥

ಶ್ಲೋಕ 44

ಶ್ವೇತಃ ಶ್ವೇತಾಮ್ಬರಧರಃ ಶ್ವೇತಮಾಲಾವಿಭೂಷಣಃ ।

ಶ್ವೇತಾತಪತ್ರರುಚಿರಃ ಶ್ವೇತಚಾಮರವೀಜಿತಃ

॥ 38 ॥

ಶ್ಲೋಕ 45

ಸರ್ವಾವಯವಸಮ್ಪೂರ್ಣಃ ಸರ್ವಲಕ್ಷಣಲಕ್ಷಿತಃ ।

ಸರ್ವಾಭರಣಶೋಭಾಢ್ಯಃ ಸರ್ವಶೋಭಾಸಮನ್ವಿತಃ

॥ 39 ॥

ಶ್ಲೋಕ 46

ಸರ್ವಮಙ್ಗಲಮಾಙ್ಗಲ್ಯಃ ಸರ್ವಕಾರಣಕಾರಣಮ್ ।

ಸರ್ವದೇವವರಃ ಶಾರ್ಙ್ಗೀ ಬೀಜಪೂರೀ ಗದಾಧರಃ

॥ 40 ॥

ಶ್ಲೋಕ 47

ಶುಭಾಙ್ಗೋ ಲೋಕಸಾರಙ್ಗಃ ಸುತನ್ತುಸ್ತನ್ತುವರ್ಧನಃ ।

ಕಿರೀಟೀ ಕುಣ್ಡಲೀ ಹಾರೀ ವನಮಾಲೀ ಶುಭಾಙ್ಗದಃ

॥ 41 ॥

ಶ್ಲೋಕ 48

ಇಕ್ಷುಚಾಪಧರಃ ಶೂಲೀ ಚಕ್ರಪಾಣಿಃ ಸರೋಜಭೃತ್ ।

ಪಾಶೀ ಧೃತೋತ್ಪಲಃ ಶಾಲಿಮಞ್ಜರೀಭೃತ್ಸ್ವದನ್ತಭೃತ್

॥ 42 ॥

ಶ್ಲೋಕ 49

ಕಲ್ಪವಲ್ಲೀಧರೋ ವಿಶ್ವಾಭಯದೈಕಕರೋ ವಶೀ ।

ಅಕ್ಷಮಾಲಾಧರೋ ಜ್ಞಾನಮುದ್ರಾವಾನ್ ಮುದ್ಗರಾಯುಧಃ

॥ 43 ॥

ಶ್ಲೋಕ 50

ಪೂರ್ಣಪಾತ್ರೀ ಕಮ್ಬುಧರೋ ವಿಧೃತಾಙ್ಕುಶಮೂಲಕಃ ।

ಕರಸ್ಥಾಮ್ರಫಲಶ್ಚೂತಕಲಿಕಾಭೃತ್ಕುಠಾರವಾನ್

॥ 44 ॥

ಶ್ಲೋಕ 51

ಪುಷ್ಕರಸ್ಥಸ್ವರ್ಣಘಟೀಪೂರ್ಣರತ್ನಾಭಿವರ್ಷಕಃ ।

ಭಾರತೀಸುನ್ದರೀನಾಥೋ ವಿನಾಯಕರತಿಪ್ರಿಯಃ

॥ 45 ॥

ಶ್ಲೋಕ 52

ಮಹಾಲಕ್ಷ್ಮೀಪ್ರಿಯತಮಃ ಸಿದ್ಧಲಕ್ಷ್ಮೀಮನೋರಮಃ ।

ರಮಾರಮೇಶಪೂರ್ವಾಙ್ಗೋ ದಕ್ಷಿಣೋಮಾಮಹೇಶ್ವರಃ

॥ 46 ॥

ಶ್ಲೋಕ 53

ಮಹೀವರಾಹವಾಮಾಙ್ಗೋ ರತಿಕನ್ದರ್ಪಪಶ್ಚಿಮಃ ।

ಆಮೋದಮೋದಜನನಃ ಸಪ್ರಮೋದಪ್ರಮೋದನಃ

॥ 47 ॥

ಶ್ಲೋಕ 54

ಸಂವರ್ಧಿತಮಹಾವೃದ್ಧಿರೃದ್ಧಿಸಿದ್ಧಿಪ್ರವರ್ಧನಃ ।

ದನ್ತಸೌಮುಖ್ಯಸುಮುಖಃ ಕಾನ್ತಿಕನ್ದಲಿತಾಶ್ರಯಃ

॥ 48 ॥

ಶ್ಲೋಕ 55

ಮದನಾವತ್ಯಾಶ್ರಿತಾಙ್ಘ್ರಿಃ ಕೃತವೈಮುಖ್ಯದುರ್ಮುಖಃ ।

ವಿಘ್ನಸಮ್ಪಲ್ಲವಃ ಪದ್ಮಃ ಸರ್ವೋನ್ನತಮದದ್ರವಃ

॥ 49 ॥

ಶ್ಲೋಕ 56

ವಿಘ್ನಕೃನ್ನಿಮ್ನಚರಣೋ ದ್ರಾವಿಣೀಶಕ್ತಿಸತ್ಕೃತಃ ।

ತೀವ್ರಾಪ್ರಸನ್ನನಯನೋ ಜ್ವಾಲಿನೀಪಾಲಿತೈಕದೃಕ್

॥ 50 ॥

ಶ್ಲೋಕ 57

ಮೋಹಿನೀಮೋಹನೋ ಭೋಗದಾಯಿನೀಕಾನ್ತಿಮಣ್ಡನಃ ।

ಕಾಮಿನೀಕಾನ್ತವಕ್ತ್ರಶ್ರೀರಧಿಷ್ಠಿತವಸುನ್ಧರಃ

॥ 51 ॥

ಶ್ಲೋಕ 58

ವಸುಧಾರಾಮದೋನ್ನಾದೋ ಮಹಾಶಙ್ಖನಿಧಿಪ್ರಿಯಃ ।

ನಮದ್ವಸುಮತೀಮಾಲೀ ಮಹಾಪದ್ಮನಿಧಿಃ ಪ್ರಭುಃ

॥ 52 ॥

ಶ್ಲೋಕ 59

ಸರ್ವಸದ್ಗುರುಸಂಸೇವ್ಯಃ ಶೋಚಿಷ್ಕೇಶಹೃದಾಶ್ರಯಃ ।

ಈಶಾನಮೂರ್ಧಾ ದೇವೇನ್ದ್ರಶಿಖಃ ಪವನನನ್ದನಃ

॥ 53 ॥

ಶ್ಲೋಕ 60

ಪ್ರತ್ಯುಗ್ರನಯನೋ ದಿವ್ಯೋ ದಿವ್ಯಾಸ್ತ್ರಶತಪರ್ವಧೃಕ್ ।

ಐರಾವತಾದಿಸರ್ವಾಶಾವಾರಣೋ ವಾರಣಪ್ರಿಯಃ

॥ 54 ॥

ಶ್ಲೋಕ 61

ವಜ್ರಾದ್ಯಸ್ತ್ರಪರೀವಾರೋ ಗಣಚಣ್ಡಸಮಾಶ್ರಯಃ ।

ಜಯಾಜಯಪರಿಕರೋ ವಿಜಯಾವಿಜಯಾವಹಃ

॥ 55 ॥

ಶ್ಲೋಕ 62

ಅಜಯಾರ್ಚಿತಪಾದಾಬ್ಜೋ ನಿತ್ಯಾನನ್ದವನಸ್ಥಿತಃ ।

ವಿಲಾಸಿನೀಕೃತೋಲ್ಲಾಸಃ ಶೌಣ್ಡೀ ಸೌನ್ದರ್ಯಮಣ್ಡಿತಃ

॥ 56 ॥

ಶ್ಲೋಕ 63

ಅನನ್ತಾನನ್ತಸುಖದಃ ಸುಮಙ್ಗಲಸುಮಙ್ಗಲಃ ।

ಜ್ಞಾನಾಶ್ರಯಃ ಕ್ರಿಯಾಧಾರ ಇಚ್ಛಾಶಕ್ತಿನಿಷೇವಿತಃ

॥ 57 ॥

ಶ್ಲೋಕ 64

ಸುಭಗಾಸಂಶ್ರಿತಪದೋ ಲಲಿತಾಲಲಿತಾಶ್ರಯಃ ।

ಕಾಮಿನೀಪಾಲನಃ ಕಾಮಕಾಮಿನೀಕೇಲಿಲಾಲಿತಃ

॥ 58 ॥

ಶ್ಲೋಕ 65

ಸರಸ್ವತ್ಯಾಶ್ರಯೋ ಗೌರೀನನ್ದನಃ ಶ್ರೀನಿಕೇತನಃ ।

ಗುರುಗುಪ್ತಪದೋ ವಾಚಾಸಿದ್ಧೋ ವಾಗೀಶ್ವರೀಪತಿಃ

॥ 59 ॥

ಶ್ಲೋಕ 66

ನಲಿನೀಕಾಮುಕೋ ವಾಮಾರಾಮೋ ಜ್ಯೇಷ್ಠಾಮನೋರಮಃ ।

ರೌದ್ರೀಮುದ್ರಿತಪಾದಾಬ್ಜೋ ಹುಮ್ಬೀಜಸ್ತುಙ್ಗಶಕ್ತಿಕಃ

॥ 60 ॥

ಶ್ಲೋಕ 67

ವಿಶ್ವಾದಿಜನನತ್ರಾಣಃ ಸ್ವಾಹಾಶಕ್ತಿಃ ಸಕೀಲಕಃ ।

ಅಮೃತಾಬ್ಧಿಕೃತಾವಾಸೋ ಮದಘೂರ್ಣಿತಲೋಚನಃ

॥ 61 ॥

ಶ್ಲೋಕ 68

ಉಚ್ಛಿಷ್ಟೋಚ್ಛಿಷ್ಟಗಣಕೋ ಗಣೇಶೋ ಗಣನಾಯಕಃ ।

ಸಾರ್ವಕಾಲಿಕಸಂಸಿದ್ಧಿರ್ನಿತ್ಯಸೇವ್ಯೋ ದಿಗಮ್ಬರಃ

॥ 62 ॥

ಶ್ಲೋಕ 69

ಅನಪಾಯೋಽನನ್ತದೃಷ್ಟಿರಪ್ರಮೇಯೋಽಜರಾಮರಃ ।

ಅನಾವಿಲೋಽಪ್ರತಿಹತಿರಚ್ಯುತೋಽಮೃತಮಕ್ಷರಃ

॥ 63 ॥

ಶ್ಲೋಕ 70

ಅಪ್ರತರ್ಕ್ಯೋಽಕ್ಷಯೋಽಜಯ್ಯೋಽನಾಧಾರೋಽನಾಮಯೋಮಲಃ ।

ಅಮೇಯಸಿದ್ಧಿರದ್ವೈತಮಘೋರೋಽಗ್ನಿಸಮಾನನಃ

॥ 64 ॥

ಶ್ಲೋಕ 71

ಅನಾಕಾರೋಽಬ್ಧಿಭೂಮ್ಯಗ್ನಿಬಲಘ್ನೋಽವ್ಯಕ್ತಲಕ್ಷಣಃ ।

ಆಧಾರಪೀಠಮಾಧಾರ ಆಧಾರಾಧೇಯವರ್ಜಿತಃ

॥ 65 ॥

ಶ್ಲೋಕ 72

ಆಖುಕೇತನ ಆಶಾಪೂರಕ ಆಖುಮಹಾರಥಃ ।

ಇಕ್ಷುಸಾಗರಮಧ್ಯಸ್ಥ ಇಕ್ಷುಭಕ್ಷಣಲಾಲಸಃ

॥ 66 ॥

ಶ್ಲೋಕ 73

ಇಕ್ಷುಚಾಪಾತಿರೇಕಶ್ರೀರಿಕ್ಷುಚಾಪನಿಷೇವಿತಃ ।

ಇನ್ದ್ರಗೋಪಸಮಾನಶ್ರೀರಿನ್ದ್ರನೀಲಸಮದ್ಯುತಿಃ

॥ 67 ॥

ಶ್ಲೋಕ 74

ಇನ್ದೀವರದಲಶ್ಯಾಮ ಇನ್ದುಮಣ್ಡಲಮಣ್ಡಿತಃ ।

ಇಧ್ಮಪ್ರಿಯ ಇಡಾಭಾಗ ಇಡಾವಾನಿನ್ದಿರಾಪ್ರಿಯಃ

॥ 68 ॥

ಶ್ಲೋಕ 75

ಇಕ್ಷ್ವಾಕುವಿಘ್ನವಿಧ್ವಂಸೀ ಇತಿಕರ್ತವ್ಯತೇಪ್ಸಿತಃ ।

ಈಶಾನಮೌಲಿರೀಶಾನ ಈಶಾನಪ್ರಿಯ ಈತಿಹಾ

॥ 69 ॥

ಶ್ಲೋಕ 76

ಈಷಣಾತ್ರಯಕಲ್ಪಾನ್ತ ಈಹಾಮಾತ್ರವಿವರ್ಜಿತಃ ।

ಉಪೇನ್ದ್ರ ಉಡುಭೃನ್ಮೌಲಿರುಡುನಾಥಕರಪ್ರಿಯಃ

॥ 70 ॥

ಶ್ಲೋಕ 77

ಉನ್ನತಾನನ ಉತ್ತುಙ್ಗ ಉದಾರಸ್ತ್ರಿದಶಾಗ್ರಣೀಃ ।

ಊರ್ಜಸ್ವಾನೂಷ್ಮಲಮದ ಊಹಾಪೋಹದುರಾಸದಃ

॥ 71 ॥

ಶ್ಲೋಕ 78

ಋಗ್ಯಜುಃಸಾಮನಯನ ಋದ್ಧಿಸಿದ್ಧಿಸಮರ್ಪಕಃ ।

ಋಜುಚಿತ್ತೈಕಸುಲಭೋ ಋಣತ್ರಯವಿಮೋಚನಃ

॥ 72 ॥

ಶ್ಲೋಕ 79

ಲುಪ್ತವಿಘ್ನಃ ಸ್ವಭಕ್ತಾನಾಂ ಲುಪ್ತಶಕ್ತಿಃ ಸುರದ್ವಿಷಾಮ್ ।

ಲುಪ್ತಶ್ರೀರ್ವಿಮುಖಾರ್ಚಾನಾಂ ಲೂತಾವಿಸ್ಫೋಟನಾಶನಃ

॥ 73 ॥

ಶ್ಲೋಕ 80

ಏಕಾರಪೀಠಮಧ್ಯಸ್ಥ ಏಕಪಾದಕೃತಾಸನಃ ।

ಏಜಿತಾಖಿಲದೈತ್ಯಶ್ರೀರೇಧಿತಾಖಿಲಸಂಶ್ರಯಃ

॥ 74 ॥

ಶ್ಲೋಕ 81

ಐಶ್ವರ್ಯನಿಧಿರೈಶ್ವರ್ಯಮೈಹಿಕಾಮುಷ್ಮಿಕಪ್ರದಃ ।

ಐರಮ್ಮದಸಮೋನ್ಮೇಷ ಐರಾವತಸಮಾನನಃ

॥ 75 ॥

ಶ್ಲೋಕ 82

ಓಙ್ಕಾರವಾಚ್ಯ ಓಙ್ಕಾರ ಓಜಸ್ವಾನೋಷಧೀಪತಿಃ ।

ಔದಾರ್ಯನಿಧಿರೌದ್ಧತ್ಯಧೈರ್ಯ ಔನ್ನತ್ಯನಿಃಸಮಃ

॥ 76 ॥

ಶ್ಲೋಕ 83

ಅಙ್ಕುಶಃ ಸುರನಾಗಾನಾಮಙ್ಕುಶಾಕಾರಸಂಸ್ಥಿತಃ ।

ಅಃ ಸಮಸ್ತವಿಸರ್ಗಾನ್ತಪದೇಷು ಪರಿಕೀರ್ತಿತಃ

॥ 77 ॥

ಶ್ಲೋಕ 84

ಕಮಣ್ಡಲುಧರಃ ಕಲ್ಪಃ ಕಪರ್ದೀ ಕಲಭಾನನಃ ।

ಕರ್ಮಸಾಕ್ಷೀ ಕರ್ಮಕರ್ತಾ ಕರ್ಮಾಕರ್ಮಫಲಪ್ರದಃ

॥ 78 ॥

ಶ್ಲೋಕ 85

ಕದಮ್ಬಗೋಲಕಾಕಾರಃ ಕೂಷ್ಮಾಣ್ಡಗಣನಾಯಕಃ ।

ಕಾರುಣ್ಯದೇಹಃ ಕಪಿಲಃ ಕಥಕಃ ಕಟಿಸೂತ್ರಭೃತ್

॥ 79 ॥

ಶ್ಲೋಕ 86

ಖರ್ವಃ ಖಡ್ಗಪ್ರಿಯಃ ಖಡ್ಗಃ ಖಾನ್ತಾನ್ತಃಸ್ಥಃ ಖನಿರ್ಮಲಃ ।

ಖಲ್ವಾಟಶೃಙ್ಗನಿಲಯಃ ಖಟ್ವಾಙ್ಗೀ ಖದುರಾಸದಃ

॥ 80 ॥

ಶ್ಲೋಕ 87

ಗುಣಾಢ್ಯೋ ಗಹನೋ ಗದ್ಯೋ ಗದ್ಯಪದ್ಯಸುಧಾರ್ಣವಃ ।

ಗದ್ಯಗಾನಪ್ರಿಯೋ ಗರ್ಜೋ ಗೀತಗೀರ್ವಾಣಪೂರ್ವಜಃ

॥ 81 ॥

ಶ್ಲೋಕ 88

ಗುಹ್ಯಾಚಾರರತೋ ಗುಹ್ಯೋ ಗುಹ್ಯಾಗಮನಿರೂಪಿತಃ ।

ಗುಹಾಶಯೋ ಗುಡಾಬ್ಧಿಸ್ಥೋ ಗುರುಗಮ್ಯೋ ಗುರುರ್ಗುರುಃ

॥ 82 ॥

ಶ್ಲೋಕ 89

ಘಣ್ಟಾಘರ್ಘರಿಕಾಮಾಲೀ ಘಟಕುಮ್ಭೋ ಘಟೋದರಃ ।

ಙಕಾರವಾಚ್ಯೋ ಙಾಕಾರೋ ಙಕಾರಾಕಾರಶುಣ್ಡಭೃತ್

॥ 83 ॥

ಶ್ಲೋಕ 90

ಚಣ್ಡಶ್ಚಣ್ಡೇಶ್ವರಶ್ಚಣ್ಡೀ ಚಣ್ಡೇಶಶ್ಚಣ್ಡವಿಕ್ರಮಃ ।

ಚರಾಚರಪಿತಾ ಚಿನ್ತಾಮಣಿಶ್ಚರ್ವಣಲಾಲಸಃ

॥ 84 ॥

ಶ್ಲೋಕ 91

ಛನ್ದಶ್ಛನ್ದೋದ್ಭವಶ್ಛನ್ದೋ ದುರ್ಲಕ್ಷ್ಯಶ್ಛನ್ದವಿಗ್ರಹಃ ।

ಜಗದ್ಯೋನಿರ್ಜಗತ್ಸಾಕ್ಷೀ ಜಗದೀಶೋ ಜಗನ್ಮಯಃ

॥ 85 ॥

ಶ್ಲೋಕ 92

ಜಪ್ಯೋ ಜಪಪರೋ ಜಾಪ್ಯೋ ಜಿಹ್ವಾಸಿಂಹಾಸನಪ್ರಭುಃ ।

ಸ್ರವದ್ಗಣ್ಡೋಲ್ಲಸದ್ಧಾನಝಙ್ಕಾರಿಭ್ರಮರಾಕುಲಃ

॥ 86 ॥

ಶ್ಲೋಕ 93

ಟಙ್ಕಾರಸ್ಫಾರಸಂರಾವಷ್ಟಙ್ಕಾರಮಣಿನೂಪುರಃ ।

ಠದ್ವಯೀಪಲ್ಲವಾನ್ತಸ್ಥಸರ್ವಮನ್ತ್ರೇಷು ಸಿದ್ಧಿದಃ

॥ 87 ॥

ಶ್ಲೋಕ 94

ಡಿಣ್ಡಿಮುಣ್ಡೋ ಡಾಕಿನೀಶೋ ಡಾಮರೋ ಡಿಣ್ಡಿಮಪ್ರಿಯಃ ।

ಢಕ್ಕಾನಿನಾದಮುದಿತೋ ಢೌಙ್ಕೋ ಢುಣ್ಢಿವಿನಾಯಕಃ

॥ 88 ॥

ಶ್ಲೋಕ 95

ತತ್ತ್ವಾನಾಂ ಪ್ರಕೃತಿಸ್ತತ್ತ್ವಂ ತತ್ತ್ವಮ್ಪದನಿರೂಪಿತಃ ।

ತಾರಕಾನ್ತರಸಂಸ್ಥಾನಸ್ತಾರಕಸ್ತಾರಕಾನ್ತಕಃ

॥ 89 ॥

ಶ್ಲೋಕ 96

ಸ್ಥಾಣುಃ ಸ್ಥಾಣುಪ್ರಿಯಃ ಸ್ಥಾತಾ ಸ್ಥಾವರಂ ಜಙ್ಗಮಂ ಜಗತ್ ।

ದಕ್ಷಯಜ್ಞಪ್ರಮಥನೋ ದಾತಾ ದಾನಂ ದಮೋ ದಯಾ

॥ 90 ॥

ಶ್ಲೋಕ 97

ದಯಾವಾನ್ದಿವ್ಯವಿಭವೋ ದಣ್ಡಭೃದ್ದಣ್ಡನಾಯಕಃ ।

ದನ್ತಪ್ರಭಿನ್ನಾಭ್ರಮಾಲೋ ದೈತ್ಯವಾರಣದಾರಣಃ

॥ 91 ॥

ಶ್ಲೋಕ 98

ದಂಷ್ಟ್ರಾಲಗ್ನದ್ವೀಪಘಟೋ ದೇವಾರ್ಥನೃಗಜಾಕೃತಿಃ ।

ಧನಂ ಧನಪತೇರ್ಬನ್ಧುರ್ಧನದೋ ಧರಣೀಧರಃ

॥ 92 ॥

ಶ್ಲೋಕ 99

ಧ್ಯಾನೈಕಪ್ರಕಟೋ ಧ್ಯೇಯೋ ಧ್ಯಾನಂ ಧ್ಯಾನಪರಾಯಣಃ ।

ಧ್ವನಿಪ್ರಕೃತಿಚೀತ್ಕಾರೋ ಬ್ರಹ್ಮಾಣ್ಡಾವಲಿಮೇಖಲಃ

॥ 93 ॥

ಶ್ಲೋಕ 100

ನನ್ದ್ಯೋ ನನ್ದಿಪ್ರಿಯೋ ನಾದೋ ನಾದಮಧ್ಯಪ್ರತಿಷ್ಠಿತಃ ।

ನಿಷ್ಕಲೋ ನಿರ್ಮಲೋ ನಿತ್ಯೋ ನಿತ್ಯಾನಿತ್ಯೋ ನಿರಾಮಯಃ

॥ 94 ॥

ಶ್ಲೋಕ 101

ಪರಂ ವ್ಯೋಮ ಪರಂ ಧಾಮ ಪರಮಾತ್ಮಾ ಪರಂ ಪದಮ್

॥ 95 ॥

ಶ್ಲೋಕ 102

ಪರಾತ್ಪರಃ ಪಶುಪತಿಃ ಪಶುಪಾಶವಿಮೋಚನಃ ।

ಪೂರ್ಣಾನನ್ದಃ ಪರಾನನ್ದಃ ಪುರಾಣಪುರುಷೋತ್ತಮಃ

॥ 96 ॥

ಶ್ಲೋಕ 103

ಪದ್ಮಪ್ರಸನ್ನವದನಃ ಪ್ರಣತಾಜ್ಞಾನನಾಶನಃ ।

ಪ್ರಮಾಣಪ್ರತ್ಯಯಾತೀತಃ ಪ್ರಣತಾರ್ತಿನಿವಾರಣಃ

॥ 97 ॥

ಶ್ಲೋಕ 104

ಫಣಿಹಸ್ತಃ ಫಣಿಪತಿಃ ಫೂತ್ಕಾರಃ ಫಣಿತಪ್ರಿಯಃ ।

ಬಾಣಾರ್ಚಿತಾಙ್ಘ್ರಿಯುಗಲೋ ಬಾಲಕೇಲಿಕುತೂಹಲೀ ।

ಬ್ರಹ್ಮ ಬ್ರಹ್ಮಾರ್ಚಿತಪದೋ ಬ್ರಹ್ಮಚಾರೀ ಬೃಹಸ್ಪತಿಃ

॥ 98 ॥

ಶ್ಲೋಕ 105

ಬೃಹತ್ತಮೋ ಬ್ರಹ್ಮಪರೋ ಬ್ರಹ್ಮಣ್ಯೋ ಬ್ರಹ್ಮವಿತ್ಪ್ರಿಯಃ ।

ಬೃಹನ್ನಾದಾಗ್ರ್ಯಚೀತ್ಕಾರೋ ಬ್ರಹ್ಮಾಣ್ಡಾವಲಿಮೇಖಲಃ

॥ 99 ॥

ಶ್ಲೋಕ 106

ಭ್ರೂಕ್ಷೇಪದತ್ತಲಕ್ಷ್ಮೀಕೋ ಭರ್ಗೋ ಭದ್ರೋ ಭಯಾಪಹಃ ।

ಭಗವಾನ್ ಭಕ್ತಿಸುಲಭೋ ಭೂತಿದೋ ಭೂತಿಭೂಷಣಃ

॥ 100 ॥

ಶ್ಲೋಕ 107

ಭವ್ಯೋ ಭೂತಾಲಯೋ ಭೋಗದಾತಾ ಭ್ರೂಮಧ್ಯಗೋಚರಃ ।

ಮನ್ತ್ರೋ ಮನ್ತ್ರಪತಿರ್ಮನ್ತ್ರೀ ಮದಮತ್ತೋ ಮನೋ ಮಯಃ

॥ 101 ॥

ಶ್ಲೋಕ 108

ಮೇಖಲಾಹೀಶ್ವರೋ ಮನ್ದಗತಿರ್ಮನ್ದನಿಭೇಕ್ಷಣಃ ।

ಮಹಾಬಲೋ ಮಹಾವೀರ್ಯೋ ಮಹಾಪ್ರಾಣೋ ಮಹಾಮನಾಃ

॥ 102 ॥

ಶ್ಲೋಕ 109

ಯಜ್ಞೋ ಯಜ್ಞಪತಿರ್ಯಜ್ಞಗೋಪ್ತಾ ಯಜ್ಞಫಲಪ್ರದಃ ।

ಯಶಸ್ಕರೋ ಯೋಗಗಮ್ಯೋ ಯಾಜ್ಞಿಕೋ ಯಾಜಕಪ್ರಿಯಃ

॥ 103 ॥

ಶ್ಲೋಕ 110

ರಸೋ ರಸಪ್ರಿಯೋ ರಸ್ಯೋ ರಞ್ಜಕೋ ರಾವಣಾರ್ಚಿತಃ ।

ರಾಜ್ಯರಕ್ಷಾಕರೋ ರತ್ನಗರ್ಭೋ ರಾಜ್ಯಸುಖಪ್ರದಃ

॥ 104 ॥

ಶ್ಲೋಕ 111

ಲಕ್ಷೋ ಲಕ್ಷಪತಿರ್ಲಕ್ಷ್ಯೋ ಲಯಸ್ಥೋ ಲಡ್ಡುಕಪ್ರಿಯಃ ।

ಲಾಸಪ್ರಿಯೋ ಲಾಸ್ಯಪರೋ ಲಾಭಕೃಲ್ಲೋಕವಿಶ್ರುತಃ

॥ 105 ॥

ಶ್ಲೋಕ 112

ವರೇಣ್ಯೋ ವಹ್ನಿವದನೋ ವನ್ದ್ಯೋ ವೇದಾನ್ತಗೋಚರಃ ।

ವಿಕರ್ತಾ ವಿಶ್ವತಶ್ಚಕ್ಷುರ್ವಿಧಾತಾ ವಿಶ್ವತೋಮುಖಃ

॥ 106 ॥

ಶ್ಲೋಕ 113

ವಾಮದೇವೋ ವಿಶ್ವನೇತಾ ವಜ್ರಿವಜ್ರನಿವಾರಣಃ ।

ವಿವಸ್ವದ್ಬನ್ಧನೋ ವಿಶ್ವಾಧಾರೋ ವಿಶ್ವೇಶ್ವರೋ ವಿಭುಃ

॥ 107 ॥

ಶ್ಲೋಕ 114

ಶಬ್ದಬ್ರಹ್ಮ ಶಮಪ್ರಾಪ್ಯಃ ಶಮ್ಭುಶಕ್ತಿಗಣೇಶ್ವರಃ ।

ಶಾಸ್ತಾ ಶಿಖಾಗ್ರನಿಲಯಃ ಶರಣ್ಯಃ ಶಮ್ಬರೇಶ್ವರಃ

॥ 108 ॥

ಶ್ಲೋಕ 115

ಷಡೃತುಕುಸುಮಸ್ರಗ್ವೀ ಷಡಾಧಾರಃ ಷಡಕ್ಷರಃ ।

ಸಂಸಾರವೈದ್ಯಃ ಸರ್ವಜ್ಞಃ ಸರ್ವಭೇಷಜಭೇಷಜಮ್

॥ 109 ॥

ಶ್ಲೋಕ 116

ಸೃಷ್ಟಿಸ್ಥಿತಿಲಯಕ್ರೀಡಃ ಸುರಕುಞ್ಜರಭೇದಕಃ ।

ಸಿನ್ದೂರಿತಮಹಾಕುಮ್ಭಃ ಸದಸದ್ಭಕ್ತಿದಾಯಕಃ

॥ 110 ॥

ಶ್ಲೋಕ 117

ಸಾಕ್ಷೀ ಸಮುದ್ರಮಥನಃ ಸ್ವಯಂವೇದ್ಯಃ ಸ್ವದಕ್ಷಿಣಃ ।

ಸ್ವತನ್ತ್ರಃ ಸತ್ಯಸಙ್ಕಲ್ಪಃ ಸಾಮಗಾನರತಃ ಸುಖೀ

॥ 111 ॥

ಶ್ಲೋಕ 118

ಹಂಸೋ ಹಸ್ತಿಪಿಶಾಚೀಶೋ ಹವನಂ ಹವ್ಯಕವ್ಯಭುಕ್ ।

ಹವ್ಯಂ ಹುತಪ್ರಿಯೋ ಹೃಷ್ಟೋ ಹೃಲ್ಲೇಖಾಮನ್ತ್ರಮಧ್ಯಗಃ

॥ 112 ॥

ಶ್ಲೋಕ 119

ಕ್ಷೇತ್ರಾಧಿಪಃ ಕ್ಷಮಾಭರ್ತಾ ಕ್ಷಮಾಕ್ಷಮಪರಾಯಣಃ ।

ಕ್ಷಿಪ್ರಕ್ಷೇಮಕರಃ ಕ್ಷೇಮಾನನ್ದಃ ಕ್ಷೋಣೀಸುರದ್ರುಮಃ

॥ 113 ॥

ಶ್ಲೋಕ 120

ಧರ್ಮಪ್ರದೋಽರ್ಥದಃ ಕಾಮದಾತಾ ಸೌಭಾಗ್ಯವರ್ಧನಃ ।

ವಿದ್ಯಾಪ್ರದೋ ವಿಭವದೋ ಭುಕ್ತಿಮುಕ್ತಿಫಲಪ್ರದಃ

॥ 114 ॥

ಶ್ಲೋಕ 121

ಆಭಿರೂಪ್ಯಕರೋ ವೀರಶ್ರೀಪ್ರದೋ ವಿಜಯಪ್ರದಃ ।

ಸರ್ವವಶ್ಯಕರೋ ಗರ್ಭದೋಷಹಾ ಪುತ್ರಪೌತ್ರದಃ

॥ 115 ॥

ಶ್ಲೋಕ 122

ಮೇಧಾದಃ ಕೀರ್ತಿದಃ ಶೋಕಹಾರೀ ದೌರ್ಭಾಗ್ಯನಾಶನಃ ।

ಪ್ರತಿವಾದಿಮುಖಸ್ತಮ್ಭೋ ರುಷ್ಟಚಿತ್ತಪ್ರಸಾದನಃ

॥ 116 ॥

ಶ್ಲೋಕ 123

ಪರಾಭಿಚಾರಶಮನೋ ದುಃಖಹಾ ಬನ್ಧಮೋಕ್ಷದಃ ।

ಲವಸ್ತ್ರುಟಿಃ ಕಲಾ ಕಾಷ್ಠಾ ನಿಮೇಷಸ್ತತ್ಪರಕ್ಷಣಃ

॥ 117 ॥

ಶ್ಲೋಕ 124

ಘಟೀ ಮುಹೂರ್ತಃ ಪ್ರಹರೋ ದಿವಾ ನಕ್ತಮಹರ್ನಿಶಮ್ ।

ಪಕ್ಷೋ ಮಾಸರ್ತ್ವಯನಾಬ್ದಯುಗಂ ಕಲ್ಪೋ ಮಹಾಲಯಃ

॥ 118 ॥

ಶ್ಲೋಕ 125

ರಾಶಿಸ್ತಾರಾ ತಿಥಿರ್ಯೋಗೋ ವಾರಃ ಕರಣಮಂಶಕಮ್ ।

ಲಗ್ನಂ ಹೋರಾ ಕಾಲಚಕ್ರಂ ಮೇರುಃ ಸಪ್ತರ್ಷಯೋ ಧ್ರುವಃ

॥ 119 ॥

ಶ್ಲೋಕ 126

ರಾಹುರ್ಮನ್ದಃ ಕವಿರ್ಜೀವೋ ಬುಧೋ ಭೌಮಃ ಶಶೀ ರವಿಃ ।

ಕಾಲಃ ಸೃಷ್ಟಿಃ ಸ್ಥಿತಿರ್ವಿಶ್ವಂ ಸ್ಥಾವರಂ ಜಙ್ಗಮಂ ಜಗತ್

॥ 120 ॥

ಶ್ಲೋಕ 127

ಭೂರಾಪೋಽಗ್ನಿರ್ಮರುದ್ವ್ಯೋಮಾಹಙ್ಕೃತಿಃ ಪ್ರಕೃತಿಃ ಪುಮಾನ್ ।

ಬ್ರಹ್ಮಾ ವಿಷ್ಣುಃ ಶಿವೋ ರುದ್ರ ಈಶಃ ಶಕ್ತಿಃ ಸದಾಶಿವಃ

॥ 121 ॥

ಶ್ಲೋಕ 128

ತ್ರಿದಶಾಃ ಪಿತರಃ ಸಿದ್ಧಾ ಯಕ್ಷಾ ರಕ್ಷಾಂಸಿ ಕಿನ್ನರಾಃ ।

ಸಿದ್ಧವಿದ್ಯಾಧರಾ ಭೂತಾ ಮನುಷ್ಯಾಃ ಪಶವಃ ಖಗಾಃ

॥ 122 ॥

ಶ್ಲೋಕ 129

ಸಮುದ್ರಾಃ ಸರಿತಃ ಶೈಲಾ ಭೂತಂ ಭವ್ಯಂ ಭವೋದ್ಭವಃ ।

ಸಾಙ್ಖ್ಯಂ ಪಾತಞ್ಜಲಂ ಯೋಗಂ ಪುರಾಣಾನಿ ಶ್ರುತಿಃ ಸ್ಮೃತಿಃ

॥ 123 ॥

ಶ್ಲೋಕ 130

ವೇದಾಙ್ಗಾನಿ ಸದಾಚಾರೋ ಮೀಮಾಂಸಾ ನ್ಯಾಯವಿಸ್ತರಃ ।

ಆಯುರ್ವೇದೋ ಧನುರ್ವೇದೋ ಗಾನ್ಧರ್ವಂ ಕಾವ್ಯನಾಟಕಮ್

॥ 124 ॥

ಶ್ಲೋಕ 131

ವೈಖಾನಸಂ ಭಾಗವತಂ ಮಾನುಷಂ ಪಾಞ್ಚರಾತ್ರಕಮ್ ।

ಶೈವಂ ಪಾಶುಪತಂ ಕಾಲಾಮುಖಮ್ಭೈರವಶಾಸನಮ್

॥ 125 ॥

ಶ್ಲೋಕ 132

ಶಾಕ್ತಂ ವೈನಾಯಕಂ ಸೌರಂ ಜೈನಮಾರ್ಹತಸಂಹಿತಾ ।

ಸದಸದ್ವ್ಯಕ್ತಮವ್ಯಕ್ತಂ ಸಚೇತನಮಚೇತನಮ್

॥ 126 ॥

ಶ್ಲೋಕ 133

ಬನ್ಧೋ ಮೋಕ್ಷಃ ಸುಖಂ ಭೋಗೋ ಯೋಗಃ ಸತ್ಯಮಣುರ್ಮಹಾನ್ ।

ಸ್ವಸ್ತಿ ಹುಮ್ಫಟ್ ಸ್ವಧಾ ಸ್ವಾಹಾ ಶ್ರೌಷಟ್ ವೌಷಟ್ ವಷಣ್ ನಮಃ 128 ॥

ಜ್ಞಾನಂ ವಿಜ್ಞಾನಮಾನನ್ದೋ ಬೋಧಃ ಸಂವಿತ್ಸಮೋಽಸಮಃ ।

ಏಕ ಏಕಾಕ್ಷರಾಧಾರ ಏಕಾಕ್ಷರಪರಾಯಣಃ

॥ 127 ॥

ಶ್ಲೋಕ 134

ಏಕಾಗ್ರಧೀರೇಕವೀರ ಏಕೋಽನೇಕಸ್ವರೂಪಧೃಕ್ ।

ದ್ವಿರೂಪೋ ದ್ವಿಭುಜೋ ದ್ವ್ಯಕ್ಷೋ ದ್ವಿರದೋ ದ್ವೀಪರಕ್ಷಕಃ

॥ 129 ॥

ಶ್ಲೋಕ 135

ದ್ವೈಮಾತುರೋ ದ್ವಿವದನೋ ದ್ವನ್ದ್ವಹೀನೋ ದ್ವಯಾತಿಗಃ ।

ತ್ರಿಧಾಮಾ ತ್ರಿಕರಸ್ತ್ರೇತಾ ತ್ರಿವರ್ಗಫಲದಾಯಕಃ

॥ 130 ॥

ಶ್ಲೋಕ 136

ತ್ರಿಗುಣಾತ್ಮಾ ತ್ರಿಲೋಕಾದಿಸ್ತ್ರಿಶಕ್ತೀಶಸ್ತ್ರಿಲೋಚನಃ ।

ಚತುರ್ವಿಧವಚೋವೃತ್ತಿಪರಿವೃತ್ತಿಪ್ರವರ್ತಕಃ

॥ 131 ॥

ಶ್ಲೋಕ 137

ಚತುರ್ಬಾಹುಶ್ಚತುರ್ದನ್ತಶ್ಚತುರಾತ್ಮಾ ಚತುರ್ಭುಜಃ ।

ಚತುರ್ವಿಧೋಪಾಯಮಯಶ್ಚತುರ್ವರ್ಣಾಶ್ರಮಾಶ್ರಯಃ 133 ॥

ಚತುರ್ಥೀಪೂಜನಪ್ರೀತಶ್ಚತುರ್ಥೀತಿಥಿಸಮ್ಭವಃ ॥

ಪಞ್ಚಾಕ್ಷರಾತ್ಮಾ ಪಞ್ಚಾತ್ಮಾ ಪಞ್ಚಾಸ್ಯಃ ಪಞ್ಚಕೃತ್ತಮಃ

॥ 132 ॥

ಶ್ಲೋಕ 138

ಪಞ್ಚಾಧಾರಃ ಪಞ್ಚವರ್ಣಃ ಪಞ್ಚಾಕ್ಷರಪರಾಯಣಃ ।

ಪಞ್ಚತಾಲಃ ಪಞ್ಚಕರಃ ಪಞ್ಚಪ್ರಣವಮಾತೃಕಃ

॥ 134 ॥

ಶ್ಲೋಕ 139

ಪಞ್ಚಬ್ರಹ್ಮಮಯಸ್ಫೂರ್ತಿಃ ಪಞ್ಚಾವರಣವಾರಿತಃ ।

ಪಞ್ಚಭಕ್ಷಪ್ರಿಯಃ ಪಞ್ಚಬಾಣಃ ಪಞ್ಚಶಿಖಾತ್ಮಕಃ

॥ 135 ॥

ಶ್ಲೋಕ 140

ಷಟ್ಕೋಣಪೀಠಃ ಷಟ್ಚಕ್ರಧಾಮಾ ಷಡ್ಗ್ರನ್ಥಿಭೇದಕಃ ।

ಷಡಙ್ಗಧ್ವಾನ್ತವಿಧ್ವಂಸೀ ಷಡಙ್ಗುಲಮಹಾಹ್ರದಃ

॥ 136 ॥

ಶ್ಲೋಕ 141

ಷಣ್ಮುಖಃ ಷಣ್ಮುಖಭ್ರಾತಾ ಷಟ್ಶಕ್ತಿಪರಿವಾರಿತಃ ।

ಷಡ್ವೈರಿವರ್ಗವಿಧ್ವಂಸೀ ಷಡೂರ್ಮಿಭಯಭಞ್ಜನಃ

॥ 137 ॥

ಶ್ಲೋಕ 142

ಷಟ್ತರ್ಕದೂರಃ ಷಟ್ಕರ್ಮಾ ಷಡ್ಗುಣಃ ಷಡ್ರಸಾಶ್ರಯಃ ।

ಸಪ್ತಪಾತಾಲಚರಣಃ ಸಪ್ತದ್ವೀಪೋರುಮಣ್ಡಲಃ

॥ 138 ॥

ಶ್ಲೋಕ 143

ಸಪ್ತಸ್ವರ್ಲೋಕಮುಕುಟಃ ಸಪ್ತಸಪ್ತಿವರಪ್ರದಃ ।

ಸಪ್ತಾಙ್ಗರಾಜ್ಯಸುಖದಃ ಸಪ್ತರ್ಷಿಗಣವನ್ದಿತಃ

॥ 139 ॥

ಶ್ಲೋಕ 144

ಸಪ್ತಚ್ಛನ್ದೋನಿಧಿಃ ಸಪ್ತಹೋತ್ರಃ ಸಪ್ತಸ್ವರಾಶ್ರಯಃ ।

ಸಪ್ತಾಬ್ಧಿಕೇಲಿಕಾಸಾರಃ ಸಪ್ತಮಾತೃನಿಷೇವಿತಃ

॥ 140 ॥

ಶ್ಲೋಕ 145

ಸಪ್ತಚ್ಛನ್ದೋ ಮೋದಮದಃ ಸಪ್ತಚ್ಛನ್ದೋ ಮಖಪ್ರಭುಃ ।

ಅಷ್ಟಮೂರ್ತಿರ್ಧ್ಯೇಯಮೂರ್ತಿರಷ್ಟಪ್ರಕೃತಿಕಾರಣಮ್

॥ 141 ॥

ಶ್ಲೋಕ 146

ಅಷ್ಟಾಙ್ಗಯೋಗಫಲಭೃದಷ್ಟಪತ್ರಾಮ್ಬುಜಾಸನಃ ।

ಅಷ್ಟಶಕ್ತಿಸಮಾನಶ್ರೀರಷ್ಟೈಶ್ವರ್ಯಪ್ರವರ್ಧನಃ

॥ 142 ॥

ಶ್ಲೋಕ 147

ಅಷ್ಟಪೀಠೋಪಪೀಠಶ್ರೀರಷ್ಟಮಾತೃಸಮಾವೃತಃ ।

ಅಷ್ಟಭೈರವಸೇವ್ಯೋಽಷ್ಟವಸುವನ್ದ್ಯೋಽಷ್ಟಮೂರ್ತಿಭೃತ್

॥ 143 ॥

ಶ್ಲೋಕ 148

ಅಷ್ಟಚಕ್ರಸ್ಫುರನ್ಮೂರ್ತಿರಷ್ಟದ್ರವ್ಯಹವಿಃಪ್ರಿಯಃ ।

ಅಷ್ಟಶ್ರೀರಷ್ಟಸಾಮಶ್ರೀರಷ್ಟೈಶ್ವರ್ಯಪ್ರದಾಯಕಃ ।

ನವನಾಗಾಸನಾಧ್ಯಾಸೀ ನವನಿಧ್ಯನುಶಾಸಿತಃ

॥ 144 ॥

ಶ್ಲೋಕ 149

ನವದ್ವಾರಪುರಾವೃತ್ತೋ ನವದ್ವಾರನಿಕೇತನಃ ।

ನವನಾಥಮಹಾನಾಥೋ ನವನಾಗವಿಭೂಷಿತಃ

॥ 145 ॥

ಶ್ಲೋಕ 150

ನವನಾರಾಯಣಸ್ತುಲ್ಯೋ ನವದುರ್ಗಾನಿಷೇವಿತಃ ।

ನವರತ್ನವಿಚಿತ್ರಾಙ್ಗೋ ನವಶಕ್ತಿಶಿರೋದ್ಧೃತಃ

॥ 146 ॥

ಶ್ಲೋಕ 151

ದಶಾತ್ಮಕೋ ದಶಭುಜೋ ದಶದಿಕ್ಪತಿವನ್ದಿತಃ ।

ದಶಾಧ್ಯಾಯೋ ದಶಪ್ರಾಣೋ ದಶೇನ್ದ್ರಿಯನಿಯಾಮಕಃ

॥ 147 ॥

ಶ್ಲೋಕ 152

ದಶಾಕ್ಷರಮಹಾಮನ್ತ್ರೋ ದಶಾಶಾವ್ಯಾಪಿವಿಗ್ರಹಃ ।

ಏಕಾದಶಮಹಾರುದ್ರೈಃಸ್ತುತಶ್ಚೈಕಾದಶಾಕ್ಷರಃ

॥ 148 ॥

ಶ್ಲೋಕ 153

ದ್ವಾದಶದ್ವಿದಶಾಷ್ಟಾದಿದೋರ್ದಣ್ಡಾಸ್ತ್ರನಿಕೇತನಃ ।

ತ್ರಯೋದಶಭಿದಾಭಿನ್ನೋ ವಿಶ್ವೇದೇವಾಧಿದೈವತಮ್

॥ 149 ॥

ಶ್ಲೋಕ 154

ಚತುರ್ದಶೇನ್ದ್ರವರದಶ್ಚತುರ್ದಶಮನುಪ್ರಭುಃ ।

ಚತುರ್ದಶಾದ್ಯವಿದ್ಯಾಢ್ಯಶ್ಚತುರ್ದಶಜಗತ್ಪತಿಃ

॥ 150 ॥

ಶ್ಲೋಕ 155

ಸಾಮಪಞ್ಚದಶಃ ಪಞ್ಚದಶೀಶೀತಾಂಶುನಿರ್ಮಲಃ ।

ತಿಥಿಪಞ್ಚದಶಾಕಾರಸ್ತಿಥ್ಯಾ ಪಞ್ಚದಶಾರ್ಚಿತಃ

॥ 151 ॥

ಶ್ಲೋಕ 156

ಷೋಡಶಾಧಾರನಿಲಯಃ ಷೋಡಶಸ್ವರಮಾತೃಕಃ ।

ಷೋಡಶಾನ್ತಪದಾವಾಸಃ ಷೋಡಶೇನ್ದುಕಲಾತ್ಮಕಃ

॥ 152 ॥

ಶ್ಲೋಕ 157

ಕಲಾಸಪ್ತದಶೀ ಸಪ್ತದಶಸಪ್ತದಶಾಕ್ಷರಃ ।

ಅಷ್ಟಾದಶದ್ವೀಪಪತಿರಷ್ಟಾದಶಪುರಾಣಕೃತ್

॥ 153 ॥

ಶ್ಲೋಕ 158

ಅಷ್ಟಾದಶೌಷಧೀಸೃಷ್ಟಿರಷ್ಟಾದಶವಿಧಿಃ ಸ್ಮೃತಃ ।

ಅಷ್ಟಾದಶಲಿಪಿವ್ಯಷ್ಟಿಸಮಷ್ಟಿಜ್ಞಾನಕೋವಿದಃ

॥ 154 ॥

ಶ್ಲೋಕ 159

ಅಷ್ಟಾದಶಾನ್ನಸಮ್ಪತ್ತಿರಷ್ಟಾದಶವಿಜಾತಿಕೃತ್ ।

ಏಕವಿಂಶಃ ಪುಮಾನೇಕವಿಂಶತ್ಯಙ್ಗುಲಿಪಲ್ಲವಃ

॥ 155 ॥

ಶ್ಲೋಕ 160

ಚತುರ್ವಿಂಶತಿತತ್ತ್ವಾತ್ಮಾ ಪಞ್ಚವಿಂಶಾಖ್ಯಪೂರುಷಃ ।

ಸಪ್ತವಿಂಶತಿತಾರೇಶಃ ಸಪ್ತವಿಂಶತಿಯೋಗಕೃತ್

॥ 156 ॥

ಶ್ಲೋಕ 161

ದ್ವಾತ್ರಿಂಶದ್ಭೈರವಾಧೀಶಶ್ಚತುಸ್ತ್ರಿಂಶನ್ಮಹಾಹ್ರದಃ ।

ಷಟ್ತ್ರಿಂಶತ್ತತ್ತ್ವಸಮ್ಭೂತಿರಷ್ಟತ್ರಿಂಶತ್ಕಲಾತ್ಮಕಃ

॥ 157 ॥

ಶ್ಲೋಕ 162

ಪಞ್ಚಾಶದ್ವಿಷ್ಣುಶಕ್ತೀಶಃ ಪಞ್ಚಾಶನ್ಮಾತೃಕಾಲಯಃ ।

ದ್ವಿಪಞ್ಚಾಶದ್ವಪುಃಶ್ರೇಣೀತ್ರಿಷಷ್ಟ್ಯಕ್ಷರಸಂಶ್ರಯಃ ।

ಪಞ್ಚಾಶದಕ್ಷರಶ್ರೇಣೀಪಞ್ಚಾಶದ್ರುದ್ರವಿಗ್ರಹಃ

॥ 158 ॥

ಶ್ಲೋಕ 163

ಚತುಃಷಷ್ಟಿಮಹಾಸಿದ್ಧಿಯೋಗಿನೀವೃನ್ದವನ್ದಿತಃ ।

ನಮದೇಕೋನಪಞ್ಚಾಶನ್ಮರುದ್ವರ್ಗನಿರರ್ಗಲಃ

॥ 159 ॥

ಶ್ಲೋಕ 164

ಚತುಃಷಷ್ಟ್ಯರ್ಥನಿರ್ಣೇತಾ ಚತುಃಷಷ್ಟಿಕಲಾನಿಧಿಃ ।

ಅಷ್ಟಷಷ್ಟಿಮಹಾತೀರ್ಥಕ್ಷೇತ್ರಭೈರವವನ್ದಿತಃ

॥ 160 ॥

ಶ್ಲೋಕ 165

ಚತುರ್ನವತಿಮನ್ತ್ರಾತ್ಮಾ ಷಣ್ಣವತ್ಯಧಿಕಪ್ರಭುಃ ।

ಶತಾನನ್ದಃ ಶತಧೃತಿಃ ಶತಪತ್ರಾಯತೇಕ್ಷಣಃ

॥ 161 ॥

ಶ್ಲೋಕ 166

ಶತಾನೀಕಃ ಶತಮಖಃ ಶತಧಾರಾವರಾಯುಧಃ ।

ಸಹಸ್ರಪತ್ರನಿಲಯಃ ಸಹಸ್ರಫಣಿಭೂಷಣಃ

॥ 162 ॥

ಶ್ಲೋಕ 167

ಸಹಸ್ರಶೀರ್ಷಾ ಪುರುಷಃ ಸಹಸ್ರಾಕ್ಷಃ ಸಹಸ್ರಪಾತ್ ।

ಸಹಸ್ರನಾಮಸಂಸ್ತುತ್ಯಃ ಸಹಸ್ರಾಕ್ಷಬಲಾಪಹಃ

॥ 163 ॥

ಶ್ಲೋಕ 168

ದಶಸಾಹಸ್ರಫಣಿಭೃತ್ಫಣಿರಾಜಕೃತಾಸನಃ ।

ಅಷ್ಟಾಶೀತಿಸಹಸ್ರಾದ್ಯಮಹರ್ಷಿಸ್ತೋತ್ರಪಾಠಿತಃ

॥ 164 ॥

ಶ್ಲೋಕ 169

ಲಕ್ಷಾಧಾರಃ ಪ್ರಿಯಾಧಾರೋ ಲಕ್ಷಾಧಾರಮನೋಮಯಃ ।

ಚತುರ್ಲಕ್ಷಜಪಪ್ರೀತಶ್ಚತುರ್ಲಕ್ಷಪ್ರಕಾಶಕಃ

॥ 165 ॥

ಶ್ಲೋಕ 170

ಚತುರಶೀತಿಲಕ್ಷಾಣಾಂ ಜೀವಾನಾಂ ದೇಹಸಂಸ್ಥಿತಃ ।

ಕೋಟಿಸೂರ್ಯಪ್ರತೀಕಾಶಃ ಕೋಟಿಚನ್ದ್ರಾಂಶುನಿರ್ಮಲಃ

॥ 166 ॥

ಶ್ಲೋಕ 171

ಶಿವೋದ್ಭವಾದ್ಯಷ್ಟಕೋಟಿವೈನಾಯಕಧುರನ್ಧರಃ ।

ಸಪ್ತಕೋಟಿಮಹಾಮನ್ತ್ರಮನ್ತ್ರಿತಾವಯವದ್ಯುತಿಃ

॥ 167 ॥

ಶ್ಲೋಕ 172

ತ್ರಯಸ್ತ್ರಿಂಶತ್ಕೋಟಿಸುರಶ್ರೇಣೀಪ್ರಣತಪಾದುಕಃ ।

ಅನನ್ತದೇವತಾಸೇವ್ಯೋ ಹ್ಯನನ್ತಶುಭದಾಯಕಃ

॥ 168 ॥

ಶ್ಲೋಕ 173

ಅನನ್ತನಾಮಾನನ್ತಶ್ರೀರನನ್ತೋಽನನ್ತಸೌಖ್ಯದಃ ।

ಅನನ್ತಶಕ್ತಿಸಹಿತೋ ಹ್ಯನನ್ತಮುನಿಸಂಸ್ತುತಃ

॥ 169 ॥

ಶ್ಲೋಕ 174

ಇತಿ ವೈನಾಯಕಂ ನಾಮ್ನಾಂ ಸಹಸ್ರಮಿದಮೀರಿತಮ್ ।

ಇದಂ ಬ್ರಾಹ್ಮೇ ಮುಹೂರ್ತೇ ಯಃ ಪಠತಿ ಪ್ರತ್ಯಹಂ ನರಃ

॥ 170 ॥

ಶ್ಲೋಕ 175

ಕರಸ್ಥಂ ತಸ್ಯ ಸಕಲಮೈಹಿಕಾಮುಷ್ಮಿಕಂ ಸುಖಮ್ ।

ಆಯುರಾರೋಗ್ಯಮೈಶ್ವರ್ಯಂ ಧೈರ್ಯಂ ಶೌರ್ಯಂ ಬಲಂ ಯಶಃ

॥ 171 ॥

ಶ್ಲೋಕ 176

ಮೇಧಾ ಪ್ರಜ್ಞಾ ಧೃತಿಃ ಕಾನ್ತಿಃ ಸೌಭಾಗ್ಯಮಭಿರೂಪತಾ ।

ಸತ್ಯಂ ದಯಾ ಕ್ಷಮಾ ಶಾನ್ತಿರ್ದಾಕ್ಷಿಣ್ಯಂ ಧರ್ಮಶೀಲತಾ

॥ 172 ॥

ಶ್ಲೋಕ 177

ಜಗತ್ಸಂವನನಂ ವಿಶ್ವಸಂವಾದೋ ವೇದಪಾಟವಮ್ ।

ಸಭಾಪಾಣ್ಡಿತ್ಯಮೌದಾರ್ಯಂ ಗಾಮ್ಭೀರ್ಯಂ ಬ್ರಹ್ಮವರ್ಚಸಮ್

॥ 173 ॥

ಶ್ಲೋಕ 178

ಓಜಸ್ತೇಜಃ ಕುಲಂ ಶೀಲಂ ಪ್ರತಾಪೋ ವೀರ್ಯಮಾರ್ಯತಾ ।

ಜ್ಞಾನಂ ವಿಜ್ಞಾನಮಾಸ್ತಿಕ್ಯಂ ಸ್ಥೈರ್ಯಂ ವಿಶ್ವಾಸತಾ ತಥಾ

॥ 174 ॥

ಶ್ಲೋಕ 179

ಧನಧಾನ್ಯಾದಿವೃದ್ಧಿಶ್ಚ ಸಕೃದಸ್ಯ ಜಪಾದ್ಭವೇತ್ ।

ವಶ್ಯಂ ಚತುರ್ವಿಧಂ ವಿಶ್ವಂ ಜಪಾದಸ್ಯ ಪ್ರಜಾಯತೇ

॥ 175 ॥

ಶ್ಲೋಕ 180

ರಾಜ್ಞೋ ರಾಜಕಲತ್ರಸ್ಯ ರಾಜಪುತ್ರಸ್ಯ ಮನ್ತ್ರಿಣಃ ।

ಜಪ್ಯತೇ ಯಸ್ಯ ವಶ್ಯಾರ್ಥೇ ಸ ದಾಸಸ್ತಸ್ಯ ಜಾಯತೇ

॥ 176 ॥

ಶ್ಲೋಕ 181

ಧರ್ಮಾರ್ಥಕಾಮಮೋಕ್ಷಾಣಾಮನಾಯಾಸೇನ ಸಾಧನಮ್ ।

ಶಾಕಿನೀಡಾಕಿನೀರಕ್ಷೋಯಕ್ಷಗ್ರಹಭಯಾಪಹಮ್

॥ 177 ॥

ಶ್ಲೋಕ 182

ಸಾಮ್ರಾಜ್ಯಸುಖದಂ ಸರ್ವಸಪತ್ನಮದಮರ್ದನಮ್ ।

ಸಮಸ್ತಕಲಹಧ್ವಂಸಿ ದಗ್ಧಬೀಜಪ್ರರೋಹಣಮ್

॥ 178 ॥

ಶ್ಲೋಕ 183

ದುಃಸ್ವಪ್ನಶಮನಂ ಕ್ರುದ್ಧಸ್ವಾಮಿಚಿತ್ತಪ್ರಸಾದನಮ್ ।

ಷಡ್ವರ್ಗಾಷ್ಟಮಹಾಸಿದ್ಧಿತ್ರಿಕಾಲಜ್ಞಾನಕಾರಣಮ್

॥ 179 ॥

ಶ್ಲೋಕ 184

ಪರಕೃತ್ಯಪ್ರಶಮನಂ ಪರಚಕ್ರಪ್ರಮರ್ದನಮ್ ।

ಸಙ್ಗ್ರಾಮಮಾರ್ಗೇ ಸವೇಷಾಮಿದಮೇಕಂ ಜಯಾವಹಮ್

॥ 180 ॥

ಶ್ಲೋಕ 185

ಸರ್ವವನ್ಧ್ಯತ್ವದೋಷಘ್ನಂ ಗರ್ಭರಕ್ಷೈಕಕಾರಣಮ್ ।

ಪಠ್ಯತೇ ಪ್ರತ್ಯಹಂ ಯತ್ರ ಸ್ತೋತ್ರಂ ಗಣಪತೇರಿದಮ್

॥ 181 ॥

ಶ್ಲೋಕ 186

ದೇಶೇ ತತ್ರ ನ ದುರ್ಭಿಕ್ಷಮೀತಯೋ ದುರಿತಾನಿ ಚ ।

ನ ತದ್ಗೇಹಂ ಜಹಾತಿ ಶ್ರೀರ್ಯತ್ರಾಯಂ ಜಪ್ಯತೇ ಸ್ತವಃ

॥ 182 ॥

ಶ್ಲೋಕ 187

ಕ್ಷಯಕುಷ್ಠಪ್ರಮೇಹಾರ್ಶಭಗನ್ದರವಿಷೂಚಿಕಾಃ ।

ಗುಲ್ಮಂ ಪ್ಲೀಹಾನಮಶಮಾನಮತಿಸಾರಂ ಮಹೋದರಮ್

॥ 183 ॥

ಶ್ಲೋಕ 188

ಕಾಸಂ ಶ್ವಾಸಮುದಾವರ್ತಂ ಶೂಲಂ ಶೋಫಾಮಯೋದರಮ್ ।

ಶಿರೋರೋಗಂ ವಮಿಂ ಹಿಕ್ಕಾಂ ಗಣ್ಡಮಾಲಾಮರೋಚಕಮ್

॥ 184 ॥

ಶ್ಲೋಕ 189

ವಾತಪಿತ್ತಕಫದ್ವನ್ದ್ವತ್ರಿದೋಷಜನಿತಜ್ವರಮ್ ।

ಆಗನ್ತುವಿಷಮಂ ಶೀತಮುಷ್ಣಂ ಚೈಕಾಹಿಕಾದಿಕಮ್

॥ 185 ॥

ಶ್ಲೋಕ 190

ಇತ್ಯಾದ್ಯುಕ್ತಮನುಕ್ತಂ ವಾ ರೋಗದೋಷಾದಿಸಮ್ಭವಮ್ ।

ಸರ್ವಂ ಪ್ರಶಮಯತ್ಯಾಶು ಸ್ತೋತ್ರಸ್ಯಾಸ್ಯ ಸಕೃಜ್ಜಪಃ

॥ 186 ॥

ಶ್ಲೋಕ 191

ಪ್ರಾಪ್ಯತೇಽಸ್ಯ ಜಪಾತ್ಸಿದ್ಧಿಃ ಸ್ತ್ರೀಶೂದ್ರೈಃ ಪತಿತೈರಪಿ ।

ಸಹಸ್ರನಾಮಮನ್ತ್ರೋಽಯಂ ಜಪಿತವ್ಯಃ ಶುಭಾಪ್ತಯೇ

॥ 187 ॥

ಶ್ಲೋಕ 192

ಮಹಾಗಣಪತೇಃ ಸ್ತೋತ್ರಂ ಸಕಾಮಃ ಪ್ರಜಪನ್ನಿದಮ್ ।

ಇಚ್ಛಯಾ ಸಕಲಾನ್ ಭೋಗಾನುಪಭುಜ್ಯೇಹ ಪಾರ್ಥಿವಾನ್

॥ 188 ॥

ಶ್ಲೋಕ 193

ಮನೋರಥಫಲೈರ್ದಿವ್ಯೈರ್ವ್ಯೋಮಯಾನೈರ್ಮನೋರಮೈಃ ।

ಚನ್ದ್ರೇನ್ದ್ರಭಾಸ್ಕರೋಪೇನ್ದ್ರಬ್ರಹ್ಮಶರ್ವಾದಿಸದ್ಮಸು

॥ 189 ॥

ಶ್ಲೋಕ 194

ಕಾಮರೂಪಃ ಕಾಮಗತಿಃ ಕಾಮದಃ ಕಾಮದೇಶ್ವರಃ ।

ಭುಕ್ತ್ವಾ ಯಥೇಪ್ಸಿತಾನ್ಭೋಗಾನಭೀಷ್ಟೈಃ ಸಹ ಬನ್ಧುಭಿಃ

॥ 190 ॥

ಶ್ಲೋಕ 195

ಗಣೇಶಾನುಚರೋ ಭೂತ್ವಾ ಗಣೋ ಗಣಪತಿಪ್ರಿಯಃ ।

ನನ್ದೀಶ್ವರಾದಿಸಾನನ್ದೈರ್ನನ್ದಿತಃ ಸಕಲೈರ್ಗಣೈಃ

॥ 191 ॥

ಶ್ಲೋಕ 196

ಶಿವಾಭ್ಯಾಂ ಕೃಪಯಾ ಪುತ್ರನಿರ್ವಿಶೇಷಂ ಚ ಲಾಲಿತಃ ।

ಶಿವಭಕ್ತಃ ಪೂರ್ಣಕಾಮೋ ಗಣೇಶ್ವರವರಾತ್ಪುನಃ

॥ 192 ॥

ಶ್ಲೋಕ 197

ಜಾತಿಸ್ಮರೋ ಧರ್ಮಪರಃ ಸಾರ್ವಭೌಮೋಽಭಿಜಾಯತೇ ।

ನಿಷ್ಕಾಮಸ್ತು ಜಪನ್ನಿತ್ಯಂ ಭಕ್ತ್ಯಾ ವಿಘ್ನೇಶತತ್ಪರಃ

॥ 193 ॥

ಶ್ಲೋಕ 198

ಯೋಗಸಿದ್ಧಿಂ ಪರಾಂ ಪ್ರಾಪ್ಯ ಜ್ಞಾನವೈರಾಗ್ಯಸಂಯುತಃ ।

ನಿರನ್ತರೇ ನಿರಾಬಾಧೇ ಪರಮಾನನ್ದಸಞ್ಜ್ಞಿತೇ

॥ 194 ॥

ಶ್ಲೋಕ 199

ವಿಶ್ವೋತ್ತೀರ್ಣೇ ಪರೇ ಪೂರ್ಣೇ ಪುನರಾವೃತ್ತಿವರ್ಜಿತೇ ।

ಲೀನೋ ವೈನಾಯಕೇ ಧಾಮ್ನಿ ರಮತೇ ನಿತ್ಯನಿರ್ವೃತೇ

॥ 195 ॥

ಶ್ಲೋಕ 200

ಯೋ ನಾಮಭಿರ್ಹುತೈರ್ದತ್ತೈಃ ಪೂಜಯೇದರ್ಚಯೇ​ಏನ್ನರಃ ।

ರಾಜಾನೋ ವಶ್ಯತಾಂ ಯಾನ್ತಿ ರಿಪವೋ ಯಾನ್ತಿ ದಾಸತಾಮ್

॥ 196 ॥

ಶ್ಲೋಕ 201

ತಸ್ಯ ಸಿಧ್ಯನ್ತಿ ಮನ್ತ್ರಾಣಾಂ ದುರ್ಲಭಾಶ್ಚೇಷ್ಟಸಿದ್ಧಯಃ ।

ಮೂಲಮನ್ತ್ರಾದಪಿ ಸ್ತೋತ್ರಮಿದಂ ಪ್ರಿಯತಮಂ ಮಮ

॥ 197 ॥

ಶ್ಲೋಕ 202

ನಭಸ್ಯೇ ಮಾಸಿ ಶುಕ್ಲಾಯಾಂ ಚತುರ್ಥ್ಯಾಂ ಮಮ ಜನ್ಮನಿ ।

ದೂರ್ವಾಭಿರ್ನಾಮಭಿಃ ಪೂಜಾಂ ತರ್ಪಣಂ ವಿಧಿವಚ್ಚರೇತ್

॥ 198 ॥

ಶ್ಲೋಕ 203

ಅಷ್ಟದ್ರವ್ಯೈರ್ವಿಶೇಷೇಣ ಕುರ್ಯಾದ್ಭಕ್ತಿಸುಸಂಯುತಃ ।

ತಸ್ಯೇಪ್ಸಿತಂ ಧನಂ ಧಾನ್ಯಮೈಶ್ವರ್ಯಂ ವಿಜಯೋ ಯಶಃ

॥ 199 ॥

ಶ್ಲೋಕ 204

ಭವಿಷ್ಯತಿ ನ ಸನ್ದೇಹಃ ಪುತ್ರಪೌತ್ರಾದಿಕಂ ಸುಖಮ್ ।

ಇದಂ ಪ್ರಜಪಿತಂ ಸ್ತೋತ್ರಂ ಪಠಿತಂ ಶ್ರಾವಿತಂ ಶ್ರುತಮ್

॥ 200 ॥

ಶ್ಲೋಕ 205

ವ್ಯಾಕೃತಂ ಚರ್ಚಿತಂ ಧ್ಯಾತಂ ವಿಮೃಷ್ಟಮಭಿವನ್ದಿತಮ್ ।

ಇಹಾಮುತ್ರ ಚ ವಿಶ್ವೇಷಾಂ ವಿಶ್ವೈಶ್ವರ್ಯಪ್ರದಾಯಕಮ್

॥ 201 ॥

ಶ್ಲೋಕ 206

ಸ್ವಚ್ಛನ್ದಚಾರಿಣಾಪ್ಯೇಷ ಯೇನ ಸನ್ಧಾರ್ಯತೇ ಸ್ತವಃ ।

ಸ ರಕ್ಷ್ಯತೇ ಶಿವೋದ್ಭೂತೈರ್ಗಣೈರಧ್ಯಷ್ಟಕೋಟಿಭಿಃ

॥ 202 ॥

ಶ್ಲೋಕ 207

ಲಿಖಿತಂ ಪುಸ್ತಕಸ್ತೋತ್ರಂ ಮನ್ತ್ರಭೂತಂ ಪ್ರಪೂಜಯೇತ್ ।

ತತ್ರ ಸರ್ವೋತ್ತಮಾ ಲಕ್ಷ್ಮೀಃ ಸನ್ನಿಧತ್ತೇ ನಿರನ್ತರಮ್

॥ 203 ॥

ಶ್ಲೋಕ 208

ದಾನೈರಶೇಷೈರಖಿಲೈರ್ವ್ರತೈಶ್ಚ ತೀರ್ಥೈರಶೇಷೈರಖಿಲೈರ್ಮಖೈಶ್ಚ ।

ನ ತತ್ಫಲಂ ವಿನ್ದತಿ ಯದ್ಗಣೇಶಸಹಸ್ರನಾಮಸ್ಮರಣೇನ ಸದ್ಯಃ

॥ 204 ॥

ಶ್ಲೋಕ 209

ಏತನ್ನಾಮ್ನಾಂ ಸಹಸ್ರಂ ಪಠತಿ ದಿನಮಣೌ ಪ್ರತ್ಯಹಮ್ಪ್ರೋಜ್ಜಿಹಾನೇ

ಸಾಯಂ ಮಧ್ಯನ್ದಿನೇ ವಾ ತ್ರಿಷವಣಮಥವಾ ಸನ್ತತಂ ವಾ ಜನೋ ಯಃ ।

ಸ ಸ್ಯಾದೈಶ್ವರ್ಯಧುರ್ಯಃ ಪ್ರಭವತಿ ವಚಸಾಂ ಕೀರ್ತಿಮುಚ್ಚೈಸ್ತನೋತಿ

ದಾರಿದ್ರ್ಯಂ ಹನ್ತಿ ವಿಶ್ವಂ ವಶಯತಿ ಸುಚಿರಂ ವರ್ಧತೇ ಪುತ್ರಪೌತ್ರೈಃ

॥ 205 ॥

ಶ್ಲೋಕ 210

ಅಕಿಞ್ಚನೋಪ್ಯೇಕಚಿತ್ತೋ ನಿಯತೋ ನಿಯತಾಸನಃ ।

ಪ್ರಜಪಂಶ್ಚತುರೋ ಮಾಸಾನ್ ಗಣೇಶಾರ್ಚನತತ್ಪರಃ

॥ 206 ॥

ಶ್ಲೋಕ 211

ದರಿದ್ರತಾಂ ಸಮುನ್ಮೂಲ್ಯ ಸಪ್ತಜನ್ಮಾನುಗಾಮಪಿ ।

ಲಭತೇ ಮಹತೀಂ ಲಕ್ಷ್ಮೀಮಿತ್ಯಾಜ್ಞಾ ಪಾರಮೇಶ್ವರೀ

॥ 207 ॥

ಶ್ಲೋಕ 212

ಆಯುಷ್ಯಂ ವೀತರೋಗಂ ಕುಲಮತಿವಿಮಲಂ ಸಮ್ಪದಶ್ಚಾರ್ತಿನಾಶಃ

ಕೀರ್ತಿರ್ನಿತ್ಯಾವದಾತಾ ಭವತಿ ಖಲು ನವಾ ಕಾನ್ತಿರವ್ಯಾಜಭವ್ಯಾ ।

ಪುತ್ರಾಃ ಸನ್ತಃ ಕಲತ್ರಂ ಗುಣವದಭಿಮತಂ ಯದ್ಯದನ್ಯಚ್ಚ ತತ್ತ -

ನ್ನಿತ್ಯಂ ಯಃ ಸ್ತೋತ್ರಮೇತತ್ ಪಠತಿ ಗಣಪತೇಸ್ತಸ್ಯ ಹಸ್ತೇ ಸಮಸ್ತಮ್

॥ 208 ॥

ಶ್ಲೋಕ 213

ಗಣಞ್ಜಯೋ ಗಣಪತಿರ್ಹೇರಮ್ಬೋ ಧರಣೀಧರಃ ।

ಮಹಾಗಣಪತಿರ್ಬುದ್ಧಿಪ್ರಿಯಃ ಕ್ಷಿಪ್ರಪ್ರಸಾದನಃ

॥ 209 ॥

ಶ್ಲೋಕ 214

ಅಮೋಘಸಿದ್ಧಿರಮೃತಮನ್ತ್ರಶ್ಚಿನ್ತಾಮಣಿರ್ನಿಧಿಃ ।

ಸುಮಙ್ಗಲೋ ಬೀಜಮಾಶಾಪೂರಕೋ ವರದಃ ಕಲಃ

॥ 210 ॥

ಶ್ಲೋಕ 215

ಕಾಶ್ಯಪೋ ನನ್ದನೋ ವಾಚಾಸಿದ್ಧೋ ಢುಣ್ಢಿರ್ವಿನಾಯಕಃ ।

ಮೋದಕೈರೇಭಿರತ್ರೈಕವಿಂಶತ್ಯಾ ನಾಮಭಿಃ ಪುಮಾನ್

॥ 211 ॥

ಶ್ಲೋಕ 216

ಉಪಾಯನಂ ದದೇದ್ಭಕ್ತ್ಯಾ ಮತ್ಪ್ರಸಾದಂ ಚಿಕೀರ್ಷತಿ ।

ವತ್ಸರಂ ವಿಘ್ನರಾಜೋಽಸ್ಯ ತಥ್ಯಮಿಷ್ಟಾರ್ಥಸಿದ್ಧಯೇ

॥ 212 ॥

ಶ್ಲೋಕ 217

ಯಃ ಸ್ತೌತಿ ಮದ್ಗತಮನಾ ಮಮಾರಾಧನತತ್ಪರಃ ।

ಸ್ತುತೋ ನಾಮ್ನಾ ಸಹಸ್ರೇಣ ತೇನಾಹಂ ನಾತ್ರ ಸಂಶಯಃ

॥ 213 ॥

ಶ್ಲೋಕ 218

ನಮೋ ನಮಃ ಸುರವರಪೂಜಿತಾಙ್ಘ್ರಯೇ

ನಮೋ ನಮೋ ನಿರುಪಮಮಙ್ಗಲಾತ್ಮನೇ ।

ನಮೋ ನಮೋ ವಿಪುಲದಯೈಕಸಿದ್ಧಯೇ

ನಮೋ ನಮಃ ಕರಿಕಲಭಾನನಾಯ ತೇ

॥ 214 ॥

ಶ್ಲೋಕ 219

ಕಿಙ್ಕಿಣೀಗಣರಚಿತಚರಣಃ

ಪ್ರಕಟಿತಗುರುಮಿತಚಾರುಕರಣಃ ।

ಮದಜಲಲಹರೀಕಲಿತಕಪೋಲಃ

ಶಮಯತು ದುರಿತಂ ಗಣಪತಿನಾಮ್ನಾ

॥ 215 ॥

ಶ್ಲೋಕ 220

॥ ಇತಿ ಶ್ರೀಗಣೇಶಪುರಾಣೇ ಉಪಾಸನಾಖಣ್ಡೇ ಈಶ್ವರಗಣೇಶಸಂವಾದೇ

ಗಣೇಶಸಹಸ್ರನಾಮಸ್ತೋತ್ರಂ ನಾಮ ಷಟ್ಚತ್ವಾರಿಂಶೋಧ್ಯಾಯಃ ॥