Sri Madhvacharya Kruta Dwadasha Stotra

ශ්රී මධ්වාචාර්ය කෘත ද්වාදශ ස්තෝත්ර - තෘතීයස්තෝත්රම්

ශ්ලොක 1

අථ තෘතීයස්තෝත්රම්

කුරු භුඞ්ක්ෂ්ව ච කර්ම නිජං නියතං හරිපාදවිනම්රධියා සතතම් .

හරිරේව පරෝ හරිරේව ගුරුඃ හරිරේව ජගත්පිතෘමාතෘගතිඃ .. 1..

න තතෝ(අ)ස්ත්යපරං ජගදීඩ්යතමං (ජගතීඩ්යතමං) පරමාත්පරතඃ පුරුෂෝත්තමතඃ .

තදලං බහුලෝකවිචින්තනයා ප්රවණං කුරු මානසමීශපදේ .. 2..

යතතෝ(අ)පි හරේඃ පදසංස්මරණේ සකලං හ්යඝමාශු ලයං ව්රජති .

ස්මරතස්තු විමුක්තිපදං පරමං ස්ඵුටමේෂ්යති තත්කිමපාක්රියතේ .. 3..

ශ‍ඍණුතාමලසත්යවචඃ පරමං ශපථේරිතං උච්ඡ්රිතබාහුයුගම් .

න හරේඃ පරමෝ න හරේඃ සදෘශඃ පරමඃ ස තු සර්ව චිදාත්මගණාත් .. 4..

යදි නාම පරෝ න භවේත (භවේත්ස) හරිඃ කථමස්ය වශේ ජගදේතදභූත් .

යදි නාම න තස්ය වශේ සකලං කථමේව තු නිත්යසුඛං න භවේත් .. 5..

න ච කර්මවිමාමල කාලගුණප්රභෘතීශමචිත්තනු තද්ධි යතඃ .

චිදචිත්තනු සර්වමසෞ තු හරිර්යමයේදිති වෛදිකමස්ති වචඃ .. 6..

ව්යවහාරභිදා(අ)පි ගුරෝර්ජගතාං න තු චිත්තගතා ස හි චෝද්යපරම් .

බහවඃ පුරුෂාඃ පුරුෂප්රවරෝ හරිරිත්යවදත්ස්වයමේව හරිඃ .. 7..

චතුරානන පූර්වවිමුක්තගණා හරිමේත්ය තු පූර්වවදේව සදා .

නියතෝච්චවිනීචතයෛව නිජාං ස්ථිතිමාපුරිති ස්ම පරං වචනම් .. 8..

ආනන්දතීර්ථසන්නාම්නා පූර්ණප්රජ්ඤාභිධායුජා .

කෘතං හර්යෂ්ටකං භක්ත්යා පඨතඃ ප්රීයතේ හරිඃ .. 9..

ඉති ශ්රීමදානන්දතීර්ථභගවත්පාදාචාර්ය විරචිතං

ද්වාදශස්තෝත්රේෂු තෘතීයස්තෝත්රං සම්පූර්ණම්