Sri Madhvacharya Kruta Dwadasha Stotra

ଶ୍ରୀ ମଧ୍ଵାଚାର୍ଯ କୃତ ଦ୍ଵାଦଶ ସ୍ତୋତ୍ର - ତୃତୀଯସ୍ତୋତ୍ରମ୍

ଶ୍ଲୋକ 1

ଅଥ ତୃତୀଯସ୍ତୋତ୍ରମ୍

କୁରୁ ଭୁଙ୍କ୍ଷ୍ଵ ଚ କର୍ମ ନିଜଂ ନିଯତଂ ହରିପାଦଵିନମ୍ରଧିଯା ସତତମ୍ ।

ହରିରେଵ ପରୋ ହରିରେଵ ଗୁରୁଃ ହରିରେଵ ଜଗତ୍ପିତୃମାତୃଗତିଃ

ଶ୍ଲୋକ 2

ନ ତତୋଽସ୍ତ୍ଯପରଂ ଜଗଦୀଡ୍ଯତମଂ (ଜଗତୀଡ୍ଯତମଂ) ପରମାତ୍ପରତଃ ପୁରୁଷୋତ୍ତମତଃ ।

ତଦଲଂ ବହୁଲୋକଵିଚିନ୍ତନଯା ପ୍ରଵଣଂ କୁରୁ ମାନସମୀଶପଦେ

॥ 1॥

ଶ୍ଲୋକ 3

ଯତତୋଽପି ହରେଃ ପଦସଂସ୍ମରଣେ ସକଲଂ ହ୍ଯଘମାଶୁ ଲଯଂ ଵ୍ରଜତି ।

ସ୍ମରତସ୍ତୁ ଵିମୁକ୍ତିପଦଂ ପରମଂ ସ୍ଫୁଟମେଷ୍ଯତି ତତ୍କିମପାକ୍ରିଯତେ

॥ 2॥

ଶ୍ଲୋକ 4

ଶ‍ଋଣୁତାମଲସତ୍ଯଵଚଃ ପରମଂ ଶପଥେରିତଂ ଉଚ୍ଛ୍ରିତବାହୁଯୁଗମ୍ ।

ନ ହରେଃ ପରମୋ ନ ହରେଃ ସଦୃଶଃ ପରମଃ ସ ତୁ ସର୍ଵ ଚିଦାତ୍ମଗଣାତ୍

॥ 3॥

ଶ୍ଲୋକ 5

ଯଦି ନାମ ପରୋ ନ ଭଵେତ (ଭଵେତ୍ସ) ହରିଃ କଥମସ୍ଯ ଵଶେ ଜଗଦେତଦଭୂତ୍ ।

ଯଦି ନାମ ନ ତସ୍ଯ ଵଶେ ସକଲଂ କଥମେଵ ତୁ ନିତ୍ଯସୁଖଂ ନ ଭଵେତ୍

॥ 4॥

ଶ୍ଲୋକ 6

ନ ଚ କର୍ମଵିମାମଲ କାଲଗୁଣପ୍ରଭୃତୀଶମଚିତ୍ତନୁ ତଦ୍ଧି ଯତଃ ।

ଚିଦଚିତ୍ତନୁ ସର୍ଵମସୌ ତୁ ହରିର୍ଯମଯେଦିତି ଵୈଦିକମସ୍ତି ଵଚଃ

॥ 5॥

ଶ୍ଲୋକ 7

ଵ୍ଯଵହାରଭିଦାଽପି ଗୁରୋର୍ଜଗତାଂ ନ ତୁ ଚିତ୍ତଗତା ସ ହି ଚୋଦ୍ଯପରମ୍ ।

ବହଵଃ ପୁରୁଷାଃ ପୁରୁଷପ୍ରଵରୋ ହରିରିତ୍ଯଵଦତ୍ସ୍ଵଯମେଵ ହରିଃ

॥ 6॥

ଶ୍ଲୋକ 8

ଚତୁରାନନ ପୂର୍ଵଵିମୁକ୍ତଗଣା ହରିମେତ୍ଯ ତୁ ପୂର୍ଵଵଦେଵ ସଦା ।

ନିଯତୋଚ୍ଚଵିନୀଚତଯୈଵ ନିଜାଂ ସ୍ଥିତିମାପୁରିତି ସ୍ମ ପରଂ ଵଚନମ୍

॥ 7॥

ଶ୍ଲୋକ 9

ଆନନ୍ଦତୀର୍ଥସନ୍ନାମ୍ନା ପୂର୍ଣପ୍ରଜ୍ଞାଭିଧାଯୁଜା ।

କୃତଂ ହର୍ଯଷ୍ଟକଂ ଭକ୍ତ୍ଯା ପଠତଃ ପ୍ରୀଯତେ ହରିଃ

॥ 8॥

ଶ୍ଲୋକ 10

ଇତି ଶ୍ରୀମଦାନନ୍ଦତୀର୍ଥଭଗଵତ୍ପାଦାଚାର୍ଯ ଵିରଚିତଂ

ଦ୍ଵାଦଶସ୍ତୋତ୍ରେଷୁ ତୃତୀଯସ୍ତୋତ୍ରଂ ସମ୍ପୂର୍ଣମ୍