Sri Madhvacharya Kruta Dwadasha Stotra

zrI madhvAcArya kRta dvAdaza stotra - tRtIyastotram

zloka 1

atha tRtIyastotram

kuru bhuGkSva ca karma nijaM niyataM haripAdavinamradhiyA satatam |

harireva paro harireva guruH harireva jagatpitRmAtRgatiH || 1||

na tato'styaparaM jagadIDyatamaM (jagatIDyatamaM) paramAtparataH puruSottamataH |

tadalaM bahulokavicintanayA pravaNaM kuru mAnasamIzapade || 2||

yatato'pi hareH padasaMsmaraNe sakalaM hyaghamAzu layaM vrajati |

smaratastu vimuktipadaM paramaM sphuTameSyati tatkimapAkriyate || 3||

za‍RNutAmalasatyavacaH paramaM zapatheritaM ucchritabAhuyugam |

na hareH paramo na hareH sadRzaH paramaH sa tu sarva cidAtmagaNAt || 4||

yadi nAma paro na bhaveta (bhavetsa) hariH kathamasya vaze jagadetadabhUt |

yadi nAma na tasya vaze sakalaM kathameva tu nityasukhaM na bhavet || 5||

na ca karmavimAmala kAlaguNaprabhRtIzamacittanu taddhi yataH |

cidacittanu sarvamasau tu hariryamayediti vaidikamasti vacaH || 6||

vyavahArabhidA'pi gurorjagatAM na tu cittagatA sa hi codyaparam |

bahavaH puruSAH puruSapravaro harirityavadatsvayameva hariH || 7||

caturAnana pUrvavimuktagaNA harimetya tu pUrvavadeva sadA |

niyatoccavinIcatayaiva nijAM sthitimApuriti sma paraM vacanam || 8||

AnandatIrthasannAmnA pUrNaprajJAbhidhAyujA |

kRtaM haryaSTakaM bhaktyA paThataH prIyate hariH || 9||

iti zrImadAnandatIrthabhagavatpAdAcArya viracitaM

dvAdazastotreSu tRtIyastotraM sampUrNam