Sri Lalitha Trishati Stotram

ଶ୍ରୀ ଲଲିତା ତ୍ରିଶତି ସ୍ତୋତ୍ରମ୍

ଶ୍ଲୋକ 1

ଅସ୍ଯ ଶ୍ରୀଲଲିତା ତ୍ରିଶତୀସ୍ତୋତ୍ର ମହାମନ୍ତ୍ରସ୍ଯ, ଭଗଵାନ୍ ହଯଗ୍ରୀଵ ଋଷିଃ, ଅନୁଷ୍ଟୁପ୍ ଛନ୍ଦଃ, ଶ୍ରୀଲଲିତାମହାତ୍ରିପୁରସୁନ୍ଦରୀ ଦେଵତା, ଐଂ ବୀଜଂ, ସୌଃ ଶକ୍ତିଃ, କ୍ଲୀଂ କୀଲକଂ, ମମ ଚତୁର୍ଵିଧପୁରୁଷାର୍ଥଫଲସିଦ୍ଧ୍ଯର୍ଥେ ଜପେ ଵିନିଯୋଗଃ ।

ଐମିତ୍ଯାଦିଭିରଙ୍ଗନ୍ଯାସକରନ୍ଯାସାଃ କାର୍ଯାଃ ।

ଧ୍ଯାନମ୍ ।

ଅତିମଧୁରଚାପହସ୍ତା-

-ମପରିମିତାମୋଦବାଣସୌଭାଗ୍ଯାମ୍ ।

ଅରୁଣାମତିଶଯକରୁଣା-

-ମଭିନଵକୁଲସୁନ୍ଦରୀଂ ଵନ୍ଦେ ।

ଶ୍ରୀ ହଯଗ୍ରୀଵ ଉଵାଚ ।

କକାରରୂପା କଲ୍ଯାଣୀ କଲ୍ଯାଣଗୁଣଶାଲିନୀ ।

କଲ୍ଯାଣଶୈଲନିଲଯା କମନୀଯା କଲାଵତୀ

ଶ୍ଲୋକ 2

କମଲାକ୍ଷୀ କଲ୍ମଷଘ୍ନୀ କରୁଣାମୃତସାଗରା ।

କଦମ୍ବକାନନାଵାସା କଦମ୍ବକୁସୁମପ୍ରିଯା

॥ 1 ॥

ଶ୍ଲୋକ 3

କନ୍ଦର୍ପଵିଦ୍ଯା କନ୍ଦର୍ପଜନକାପାଙ୍ଗଵୀକ୍ଷଣା ।

କର୍ପୂରଵୀଟିସୌରଭ୍ଯକଲ୍ଲୋଲିତକକୁପ୍ତଟା

॥ 2 ॥

ଶ୍ଲୋକ 4

କଲିଦୋଷହରା କଞ୍ଜଲୋଚନା କମ୍ରଵିଗ୍ରହା ।

କର୍ମାଦିସାକ୍ଷିଣୀ କାରଯିତ୍ରୀ କର୍ମଫଲପ୍ରଦା

॥ 3 ॥

ଶ୍ଲୋକ 5

ଏକାରରୂପା ଚୈକାକ୍ଷର୍ଯେକାନେକାକ୍ଷରାକୃତିଃ ।

ଏତତ୍ତଦିତ୍ଯନିର୍ଦେଶ୍ଯା ଚୈକାନନ୍ଦଚିଦାକୃତିଃ

॥ 4 ॥

ଶ୍ଲୋକ 6

ଏଵମିତ୍ଯାଗମାବୋଧ୍ଯା ଚୈକଭକ୍ତିମଦର୍ଚିତା ।

ଏକାଗ୍ରଚିତ୍ତନିର୍ଧ୍ଯାତା ଚୈଷଣାରହିତାଦୃତା

॥ 5 ॥

ଶ୍ଲୋକ 7

ଏଲାସୁଗନ୍ଧିଚିକୁରା ଚୈନଃକୂଟଵିନାଶିନୀ ।

ଏକଭୋଗା ଚୈକରସା ଚୈକୈଶ୍ଵର୍ଯପ୍ରଦାଯିନୀ

॥ 6 ॥

ଶ୍ଲୋକ 8

ଏକାତପତ୍ରସାମ୍ରାଜ୍ଯପ୍ରଦା ଚୈକାନ୍ତପୂଜିତା ।

ଏଧମାନପ୍ରଭା ଚୈଜଦନେକଜଗଦୀଶ୍ଵରୀ

॥ 7 ॥

ଶ୍ଲୋକ 9

ଏକଵୀରାଦିସଂସେଵ୍ଯା ଚୈକପ୍ରାଭଵଶାଲିନୀ ।

ଈକାରରୂପା ଚେଶିତ୍ରୀ ଚେପ୍ସିତାର୍ଥପ୍ରଦାଯିନୀ

॥ 8 ॥

ଶ୍ଲୋକ 10

ଈଦୃଗିତ୍ଯଵିନିର୍ଦେଶ୍ଯା ଚେଶ୍ଵରତ୍ଵଵିଧାଯିନୀ ।

ଈଶାନାଦିବ୍ରହ୍ମମଯୀ ଚେଶିତ୍ଵାଦ୍ଯଷ୍ଟସିଦ୍ଧିଦା

॥ 9 ॥

ଶ୍ଲୋକ 11

ଈକ୍ଷିତ୍ରୀକ୍ଷଣସୃଷ୍ଟାଣ୍ଡକୋଟିରୀଶ୍ଵରଵଲ୍ଲଭା ।

ଈଡିତା ଚେଶ୍ଵରାର୍ଧାଙ୍ଗଶରୀରେଶାଧିଦେଵତା

॥ 10 ॥

ଶ୍ଲୋକ 12

ଈଶ୍ଵରପ୍ରେରଣକରୀ ଚେଶତାଣ୍ଡଵସାକ୍ଷିଣୀ ।

ଈଶ୍ଵରୋତ୍ସଙ୍ଗନିଲଯା ଚେତିବାଧାଵିନାଶିନୀ

॥ 11 ॥

ଶ୍ଲୋକ 13

ଈହାଵିରହିତା ଚେଶଶକ୍ତିରୀଷତ୍ସ୍ମିତାନନା ।

ଲକାରରୂପା ଲଲିତା ଲକ୍ଷ୍ମୀଵାଣୀନିଷେଵିତା

॥ 12 ॥

ଶ୍ଲୋକ 14

ଲାକିନୀ ଲଲନାରୂପା ଲସଦ୍ଦାଡିମପାଟଲା ।

ଲଲନ୍ତିକାଲସତ୍ଫାଲା ଲଲାଟନଯନାର୍ଚିତା

॥ 13 ॥

ଶ୍ଲୋକ 15

ଲକ୍ଷଣୋଜ୍ଜ୍ଵଲଦିଵ୍ଯାଙ୍ଗୀ ଲକ୍ଷକୋଟ୍ଯଣ୍ଡନାଯିକା ।

ଲକ୍ଷ୍ଯାର୍ଥା ଲକ୍ଷଣାଗମ୍ଯା ଲବ୍ଧକାମା ଲତାତନୁଃ

॥ 14 ॥

ଶ୍ଲୋକ 16

ଲଲାମରାଜଦଲିକା ଲମ୍ବିମୁକ୍ତାଲତାଞ୍ଚିତା ।

ଲମ୍ବୋଦରପ୍ରସୂର୍ଲଭ୍ଯା ଲଜ୍ଜାଢ୍ଯା ଲଯଵର୍ଜିତା

॥ 15 ॥

ଶ୍ଲୋକ 17

ହ୍ରୀଂ‍କାରରୂପା ହ୍ରୀଂ‍କାରନିଲଯା ହ୍ରୀଂ‍ପଦପ୍ରିଯା ।

ହ୍ରୀଂ‍କାରବୀଜା ହ୍ରୀଂ‍କାରମନ୍ତ୍ରା ହ୍ରୀଂ‍କାରଲକ୍ଷଣା

॥ 16 ॥

ଶ୍ଲୋକ 18

ହ୍ରୀଂ‍କାରଜପସୁପ୍ରୀତା ହ୍ରୀଂ‍ମତୀ ହ୍ରୀଂ‍ଵିଭୂଷଣା ।

ହ୍ରୀଂ‍ଶୀଲା ହ୍ରୀଂ‍ପଦାରାଧ୍ଯା ହ୍ରୀଂ‍ଗର୍ଭା ହ୍ରୀଂ‍ପଦାଭିଧା

॥ 17 ॥

ଶ୍ଲୋକ 19

ହ୍ରୀଂ‍କାରଵାଚ୍ଯା ହ୍ରୀଂ‍କାରପୂଜ୍ଯା ହ୍ରୀଂ‍କାରପୀଠିକା ।

ହ୍ରୀଂ‍କାରଵେଦ୍ଯା ହ୍ରୀଂ‍କାରଚିନ୍ତ୍ଯା ହ୍ରୀଂ ହ୍ରୀଂ‍ଶରୀରିଣୀ

॥ 18 ॥

ଶ୍ଲୋକ 20

ହକାରରୂପା ହଲଧୃକ୍ପୂଜିତା ହରିଣେକ୍ଷଣା ।

ହରପ୍ରିଯା ହରାରାଧ୍ଯା ହରିବ୍ରହ୍ମେନ୍ଦ୍ରଵନ୍ଦିତା

॥ 19 ॥

ଶ୍ଲୋକ 21

ହଯାରୂଢାସେଵିତାଙ୍ଘ୍ରିର୍ହଯମେଧସମର୍ଚିତା ।

ହର୍ଯକ୍ଷଵାହନା ହଂସଵାହନା ହତଦାନଵା

॥ 20 ॥

ଶ୍ଲୋକ 22

ହତ୍ଯାଦିପାପଶମନୀ ହରିଦଶ୍ଵାଦିସେଵିତା ।

ହସ୍ତିକୁମ୍ଭୋତ୍ତୁଙ୍ଗକୁଚା ହସ୍ତିକୃତ୍ତିପ୍ରିଯାଙ୍ଗନା

॥ 21 ॥

ଶ୍ଲୋକ 23

ହରିଦ୍ରାକୁଙ୍କୁମାଦିଗ୍ଧା ହର୍ଯଶ୍ଵାଦ୍ଯମରାର୍ଚିତା ।

ହରିକେଶସଖୀ ହାଦିଵିଦ୍ଯା ହାଲାମଦାଲସା

॥ 22 ॥

ଶ୍ଲୋକ 24

ସକାରରୂପା ସର୍ଵଜ୍ଞା ସର୍ଵେଶୀ ସର୍ଵମଙ୍ଗଲା ।

ସର୍ଵକର୍ତ୍ରୀ ସର୍ଵଭର୍ତ୍ରୀ ସର୍ଵହନ୍ତ୍ରୀ ସନାତନା

॥ 23 ॥

ଶ୍ଲୋକ 25

ସର୍ଵାନଵଦ୍ଯା ସର୍ଵାଙ୍ଗସୁନ୍ଦରୀ ସର୍ଵସାକ୍ଷିଣୀ ।

ସର୍ଵାତ୍ମିକା ସର୍ଵସୌଖ୍ଯଦାତ୍ରୀ ସର୍ଵଵିମୋହିନୀ

॥ 24 ॥

ଶ୍ଲୋକ 26

ସର୍ଵାଧାରା ସର୍ଵଗତା ସର୍ଵାଵଗୁଣଵର୍ଜିତା ।

ସର୍ଵାରୁଣା ସର୍ଵମାତା ସର୍ଵଭୂଷଣଭୂଷିତା

॥ 25 ॥

ଶ୍ଲୋକ 27

କକାରାର୍ଥା କାଲହନ୍ତ୍ରୀ କାମେଶୀ କାମିତାର୍ଥଦା ।

କାମସଞ୍ଜୀଵନୀ କଲ୍ଯା କଠିନସ୍ତନମଣ୍ଡଲା

॥ 26 ॥

ଶ୍ଲୋକ 28

କରଭୋରୂଃ କଲାନାଥମୁଖୀ କଚଜିତାମ୍ବୁଦା ।

କଟାକ୍ଷସ୍ଯନ୍ଦିକରୁଣା କପାଲିପ୍ରାଣନାଯିକା

॥ 27 ॥

ଶ୍ଲୋକ 29

କାରୁଣ୍ଯଵିଗ୍ରହା କାନ୍ତା କାନ୍ତିଧୂତଜପାଵଲିଃ ।

କଲାଲାପା କମ୍ବୁକଣ୍ଠୀ କରନିର୍ଜିତପଲ୍ଲଵା

॥ 28 ॥

ଶ୍ଲୋକ 30

କଲ୍ପଵଲ୍ଲୀସମଭୁଜା କସ୍ତୂରୀତିଲକାଞ୍ଚିତା ।

ହକାରାର୍ଥା ହଂସଗତିର୍ହାଟକାଭରଣୋଜ୍ଜ୍ଵଲା

॥ 29 ॥

ଶ୍ଲୋକ 31

ହାରହାରିକୁଚାଭୋଗା ହାକିନୀ ହଲ୍ଯଵର୍ଜିତା ।

ହରିତ୍ପତିସମାରାଧ୍ଯା ହଠାତ୍କାରହତାସୁରା

॥ 30 ॥

ଶ୍ଲୋକ 32

ହର୍ଷପ୍ରଦା ହଵିର୍ଭୋକ୍ତ୍ରୀ ହାର୍ଦସନ୍ତମସାପହା ।

ହଲ୍ଲୀସଲାସ୍ଯସନ୍ତୁଷ୍ଟା ହଂସମନ୍ତ୍ରାର୍ଥରୂପିଣୀ

॥ 31 ॥

ଶ୍ଲୋକ 33

ହାନୋପାଦାନନିର୍ମୁକ୍ତା ହର୍ଷିଣୀ ହରିସୋଦରୀ ।

ହାହାହୂହୂମୁଖସ୍ତୁତ୍ଯା ହାନିଵୃଦ୍ଧିଵିଵର୍ଜିତା

॥ 32 ॥

ଶ୍ଲୋକ 34

ହଯ୍ଯଙ୍ଗଵୀନହୃଦଯା ହରିଗୋପାରୁଣାଂଶୁକା ।

ଲକାରାଖ୍ଯା ଲତାପୂଜ୍ଯା ଲଯସ୍ଥିତ୍ଯୁଦ୍ଭଵେଶ୍ଵରୀ

॥ 33 ॥

ଶ୍ଲୋକ 35

ଲାସ୍ଯଦର୍ଶନସନ୍ତୁଷ୍ଟା ଲାଭାଲାଭଵିଵର୍ଜିତା ।

ଲଙ୍ଘ୍ଯେତରାଜ୍ଞା ଲାଵଣ୍ଯଶାଲିନୀ ଲଘୁସିଦ୍ଧିଦା

॥ 34 ॥

ଶ୍ଲୋକ 36

ଲାକ୍ଷାରସସଵର୍ଣାଭା ଲକ୍ଷ୍ମଣାଗ୍ରଜପୂଜିତା ।

ଲଭ୍ଯେତରା ଲବ୍ଧଭକ୍ତିସୁଲଭା ଲାଙ୍ଗଲାଯୁଧା

॥ 35 ॥

ଶ୍ଲୋକ 37

ଲଗ୍ନଚାମରହସ୍ତଶ୍ରୀଶାରଦାପରିଵୀଜିତା ।

ଲଜ୍ଜାପଦସମାରାଧ୍ଯା ଲମ୍ପଟା ଲକୁଲେଶ୍ଵରୀ

॥ 36 ॥

ଶ୍ଲୋକ 38

ଲବ୍ଧମାନା ଲବ୍ଧରସା ଲବ୍ଧସମ୍ପତ୍ସମୁନ୍ନତିଃ ।

ହ୍ରୀଂ‍କାରିଣୀ ହ୍ରୀଂ‍କାରାଦ୍ଯା ହ୍ରୀଂ‍ମଧ୍ଯା ହ୍ରୀଂ‍ଶିଖାମଣିଃ

॥ 37 ॥

ଶ୍ଲୋକ 39

ହ୍ରୀଂ‍କାରକୁଣ୍ଡାଗ୍ନିଶିଖା ହ୍ରୀଂ‍କାରଶଶିଚନ୍ଦ୍ରିକା ।

ହ୍ରୀଂ‍କାରଭାସ୍କରରୁଚିର୍ହ୍ରୀଂ‍କାରାମ୍ଭୋଦଚଞ୍ଚଲା

॥ 38 ॥

ଶ୍ଲୋକ 40

ହ୍ରୀଂ‍କାରକନ୍ଦାଙ୍କୁରିକା ହ୍ରୀଂ‍କାରୈକପରାଯଣା ।

ହ୍ରୀଂ‍କାରଦୀର୍ଘିକାହଂସୀ ହ୍ରୀଂ‍କାରୋଦ୍ଯାନକେକିନୀ

॥ 39 ॥

ଶ୍ଲୋକ 41

ହ୍ରୀଂ‍କାରାରଣ୍ଯହରିଣୀ ହ୍ରୀଂ‍କାରାଵାଲଵଲ୍ଲରୀ ।

ହ୍ରୀଂ‍କାରପଞ୍ଜରଶୁକୀ ହ୍ରୀଂ‍କାରାଙ୍ଗଣଦୀପିକା

॥ 40 ॥

ଶ୍ଲୋକ 42

ହ୍ରୀଂ‍କାରକନ୍ଦରାସିଂହୀ ହ୍ରୀଂ‍କାରାମ୍ଭୋଜଭୃଙ୍ଗିକା ।

ହ୍ରୀଂ‍କାରସୁମନୋମାଧ୍ଵୀ ହ୍ରୀଂ‍କାରତରୁମଞ୍ଜରୀ

॥ 41 ॥

ଶ୍ଲୋକ 43

ସକାରାଖ୍ଯା ସମରସା ସକଲାଗମସଂସ୍ତୁତା ।

ସର୍ଵଵେଦାନ୍ତତାତ୍ପର୍ଯଭୂମିଃ ସଦସଦାଶ୍ରଯା

॥ 42 ॥

ଶ୍ଲୋକ 44

ସକଲା ସଚ୍ଚିଦାନନ୍ଦା ସାଧ୍ଯା ସଦ୍ଗତିଦାଯିନୀ ।

ସନକାଦିମୁନିଧ୍ଯେଯା ସଦାଶିଵକୁଟୁମ୍ବିନୀ

॥ 43 ॥

ଶ୍ଲୋକ 45

ସକାଲାଧିଷ୍ଠାନରୂପା ସତ୍ଯରୂପା ସମାକୃତିଃ ।

ସର୍ଵପ୍ରପଞ୍ଚନିର୍ମାତ୍ରୀ ସମନାଧିକଵର୍ଜିତା

॥ 44 ॥

ଶ୍ଲୋକ 46

ସର୍ଵୋତ୍ତୁଙ୍ଗା ସଙ୍ଗହୀନା ସଗୁଣା ସକଲେଷ୍ଟଦା ।

କକାରିଣୀ କାଵ୍ଯଲୋଲା କାମେଶ୍ଵରମନୋହରା

॥ 45 ॥

ଶ୍ଲୋକ 47

କାମେଶ୍ଵରପ୍ରାଣନାଡୀ କାମେଶୋତ୍ସଙ୍ଗଵାସିନୀ ।

କାମେଶ୍ଵରାଲିଙ୍ଗିତାଙ୍ଗୀ କାମେଶ୍ଵରସୁଖପ୍ରଦା

॥ 46 ॥

ଶ୍ଲୋକ 48

କାମେଶ୍ଵରପ୍ରଣଯିନୀ କାମେଶ୍ଵରଵିଲାସିନୀ ।

କାମେଶ୍ଵରତପଃସିଦ୍ଧିଃ କାମେଶ୍ଵରମନଃପ୍ରିଯା

॥ 47 ॥

ଶ୍ଲୋକ 49

କାମେଶ୍ଵରପ୍ରାଣନାଥା କାମେଶ୍ଵରଵିମୋହିନୀ ।

କାମେଶ୍ଵରବ୍ରହ୍ମଵିଦ୍ଯା କାମେଶ୍ଵରଗୃହେଶ୍ଵରୀ

॥ 48 ॥

ଶ୍ଲୋକ 50

କାମେଶ୍ଵରାହ୍ଲାଦକରୀ କାମେଶ୍ଵରମହେଶ୍ଵରୀ ।

କାମେଶ୍ଵରୀ କାମକୋଟିନିଲଯା କାଙ୍କ୍ଷିତାର୍ଥଦା

॥ 49 ॥

ଶ୍ଲୋକ 51

ଲକାରିଣୀ ଲବ୍ଧରୂପା ଲବ୍ଧଧୀର୍ଲବ୍ଧଵାଞ୍ଛିତା ।

ଲବ୍ଧପାପମନୋଦୂରା ଲବ୍ଧାହଙ୍କାରଦୁର୍ଗମା

॥ 50 ॥

ଶ୍ଲୋକ 52

ଲବ୍ଧଶକ୍ତିର୍ଲବ୍ଧଦେହା ଲବ୍ଧୈଶ୍ଵର୍ଯସମୁନ୍ନତିଃ ।

ଲବ୍ଧଵୃଦ୍ଧିର୍ଲବ୍ଧଲୀଲା ଲବ୍ଧଯୌଵନଶାଲିନୀ

॥ 51 ॥

ଶ୍ଲୋକ 53

ଲବ୍ଧାତିଶଯସର୍ଵାଙ୍ଗସୌନ୍ଦର୍ଯା ଲବ୍ଧଵିଭ୍ରମା ।

ଲବ୍ଧରାଗା ଲବ୍ଧପତିର୍ଲବ୍ଧନାନାଗମସ୍ଥିତିଃ

॥ 52 ॥

ଶ୍ଲୋକ 54

ଲବ୍ଧଭୋଗା ଲବ୍ଧସୁଖା ଲବ୍ଧହର୍ଷାଭିପୂରିତା ।

ହ୍ରୀଂ‍କାରମୂର୍ତିର୍ହ୍ରୀଂ‍କାରସୌଧଶୃଙ୍ଗକପୋତିକା

॥ 53 ॥

ଶ୍ଲୋକ 55

ହ୍ରୀଂ‍କାରଦୁଗ୍ଧାବ୍ଧିସୁଧା ହ୍ରୀଂ‍କାରକମଲେନ୍ଦିରା ।

ହ୍ରୀଂ‍କାରମଣିଦୀପାର୍ଚିର୍ହ୍ରୀଂ‍କାରତରୁଶାରିକା

॥ 54 ॥

ଶ୍ଲୋକ 56

ହ୍ରୀଂ‍କାରପେଟକମଣିର୍ହ୍ରୀଂ‍କାରାଦର୍ଶବିମ୍ବିତା ।

ହ୍ରୀଂ‍କାରକୋଶାସିଲତା ହ୍ରୀଂ‍କାରାସ୍ଥାନନର୍ତକୀ

॥ 55 ॥

ଶ୍ଲୋକ 57

ହ୍ରୀଂ‍କାରଶୁକ୍ତିକାମୁକ୍ତାମଣିର୍ହ୍ରୀଂ‍କାରବୋଧିତା ।

ହ୍ରୀଂ‍କାରମଯସୌଵର୍ଣସ୍ତମ୍ଭଵିଦ୍ରୁମପୁତ୍ରିକା

॥ 56 ॥

ଶ୍ଲୋକ 58

ହ୍ରୀଂ‍କାରଵେଦୋପନିଷଦ୍ ହ୍ରୀଂ‍କାରାଧ୍ଵରଦକ୍ଷିଣା ।

ହ୍ରୀଂ‍କାରନନ୍ଦନାରାମନଵକଲ୍ପକଵଲ୍ଲରୀ

॥ 57 ॥

ଶ୍ଲୋକ 59

ହ୍ରୀଂ‍କାରହିମଵଦ୍ଗଙ୍ଗା ହ୍ରୀଂ‍କାରାର୍ଣଵକୌସ୍ତୁଭା ।

ହ୍ରୀଂ‍କାରମନ୍ତ୍ରସର୍ଵସ୍ଵା ହ୍ରୀଂ‍କାରପରସୌଖ୍ଯଦା

॥ 58 ॥

ଶ୍ଲୋକ 60

ଉତ୍ତରପୀଠିକା (ଫଲଶୃତିଃ)

ହଯଗ୍ରୀଵ ଉଵାଚ ।

ଇତ୍ଯେଵଂ ତେ ମଯାଖ୍ଯାତଂ ଦେଵ୍ଯା ନାମଶତତ୍ରଯମ୍ ।

ରହସ୍ଯାତିରହସ୍ଯତ୍ଵାଦ୍ଗୋପନୀଯଂ ତ୍ଵଯା ମୁନେ

॥ 59 ॥

ଶ୍ଲୋକ 61

ଶିଵଵର୍ଣାନି ନାମାନି ଶ୍ରୀଦେଵ୍ଯା କଥିତାନି ହି ।

ଶକ୍ତ୍ଯକ୍ଷରାଣି ନାମାନି କାମେଶକଥିତାନି ଚ

॥ 1 ॥

ଶ୍ଲୋକ 62

ଉଭଯାକ୍ଷରନାମାନି ହ୍ଯୁଭାଭ୍ଯାଂ କଥିତାନି ଵୈ ।

ତଦନ୍ଯୈର୍ଗ୍ରଥିତଂ ସ୍ତୋତ୍ରମେତସ୍ଯ ସଦୃଶଂ କିମୁ

॥ 2 ॥

ଶ୍ଲୋକ 63

ନାନେନ ସଦୃଶଂ ସ୍ତୋତ୍ରଂ ଶ୍ରୀଦେଵୀପ୍ରୀତିଦାଯକମ୍ ।

ଲୋକତ୍ରଯେଽପି କଲ୍ଯାଣଂ ସମ୍ଭଵେନ୍ନାତ୍ର ସଂଶଯଃ

॥ 3 ॥

ଶ୍ଲୋକ 64

ସୂତ ଉଵାଚ ।

ଇତି ହଯମୁଖଗୀତଂ ସ୍ତୋତ୍ରରାଜଂ ନିଶମ୍ଯ

ପ୍ରଗଲିତକଲୁଷୋଽଭୂଚ୍ଚିତ୍ତପର୍ଯାପ୍ତିମେତ୍ଯ ।

ନିଜଗୁରୁମଥ ନତ୍ଵା କୁମ୍ଭଜନ୍ମା ତଦୁକ୍ତଂ

ପୁନରଧିକରହସ୍ଯଂ ଜ୍ଞାତୁମେଵଂ ଜଗାଦ

॥ 4 ॥

ଶ୍ଲୋକ 65

ଅଗସ୍ତ୍ଯ ଉଵାଚ ।

ଅଶ୍ଵାନନ ମହାଭାଗ ରହସ୍ଯମପି ମେ ଵଦ ।

ଶିଵଵର୍ଣାନି କାନ୍ଯତ୍ର ଶକ୍ତିଵର୍ଣାନି କାନି ହି

॥ 5 ॥

ଶ୍ଲୋକ 66

ଉଭଯୋରପି ଵର୍ଣାନି କାନି ଵା ଵଦ ଦେଶିକ ।

ଇତି ପୃଷ୍ଟଃ କୁମ୍ଭଜେନ ହଯଗ୍ରୀଵୋଽଵଦତ୍ପୁନଃ

॥ 6 ॥

ଶ୍ଲୋକ 67

ହଯଗ୍ରୀଵ ଉଵାଚ ।

ତଵ ଗୋପ୍ଯଂ କିମସ୍ତୀହ ସାକ୍ଷାଦମ୍ବାନୁଶାସନାତ୍ ।

ଇଦଂ ତ୍ଵତିରହସ୍ଯଂ ତେ ଵକ୍ଷ୍ଯାମି ଶୃଣୁ କୁମ୍ଭଜ

॥ 7 ॥

ଶ୍ଲୋକ 68

ଏତଦ୍ଵିଜ୍ଞାନମାତ୍ରେଣ ଶ୍ରୀଵିଦ୍ଯା ସିଦ୍ଧିଦା ଭଵେତ୍ ।

କତ୍ରଯଂ ହଦ୍ଵଯଂ ଚୈଵ ଶୈଵୋ ଭାଗଃ ପ୍ରକୀର୍ତିତଃ

॥ 8 ॥

ଶ୍ଲୋକ 69

ଶକ୍ତ୍ଯକ୍ଷରାଣି ଶେଷାଣି ହ୍ରୀଙ୍କାର ଉଭଯାତ୍ମକଃ ।

ଏଵଂ ଵିଭାଗମଜ୍ଞାତ୍ଵା ଯେ ଵିଦ୍ଯାଜପଶାଲିନଃ

॥ 9 ॥

ଶ୍ଲୋକ 70

ନ ତେଷାଂ ସିଦ୍ଧିଦା ଵିଦ୍ଯା କଲ୍ପକୋଟିଶତୈରପି ।

ଚତୁର୍ଭିଃ ଶିଵଚକ୍ରୈଶ୍ଚ ଶକ୍ତିଚକ୍ରୈଶ୍ଚ ପଞ୍ଚଭିଃ

॥ 10 ॥

ଶ୍ଲୋକ 71

ନଵଚକ୍ରୈଶ୍ଚ ସଂସିଦ୍ଧଂ ଶ୍ରୀଚକ୍ରଂ ଶିଵଯୋର୍ଵପୁଃ ।

ତ୍ରିକୋଣମଷ୍ଟକୋଣଂ ଚ ଦଶକୋଣଦ୍ଵଯଂ ତଥା

॥ 11 ॥

ଶ୍ଲୋକ 72

ଚତୁର୍ଦଶାରଂ ଚୈତାନି ଶକ୍ତିଚକ୍ରାଣି ପଞ୍ଚ ଚ ।

ବିନ୍ଦୁଶ୍ଚାଷ୍ଟଦଲଂ ପଦ୍ମଂ ପଦ୍ମଂ ଷୋଡଶପତ୍ରକମ୍

॥ 12 ॥

ଶ୍ଲୋକ 73

ଚତୁରଶ୍ରଂ ଚ ଚତ୍ଵାରି ଶିଵଚକ୍ରାଣ୍ଯନୁକ୍ରମାତ୍ ।

ତ୍ରିକୋଣେ ବୈନ୍ଦଵଂ ଶ୍ଲିଷ୍ଟଂ ଅଷ୍ଟାରେଽଷ୍ଟଦଲାମ୍ବୁଜମ୍

॥ 13 ॥

ଶ୍ଲୋକ 74

ଦଶାରଯୋଃ ଷୋଡଶାରଂ ଭୂଗୃହଂ ଭୁଵନାଶ୍ରକେ ।

ଶୈଵାନାମପି ଶାକ୍ତାନାଂ ଚକ୍ରାଣାଂ ଚ ପରସ୍ପରମ୍

॥ 14 ॥

ଶ୍ଲୋକ 75

ଅଵିନାଭାଵସମ୍ବନ୍ଧଂ ଯୋ ଜାନାତି ସ ଚକ୍ରଵିତ୍ ।

ତ୍ରିକୋଣରୂପିଣୀ ଶକ୍ତିର୍ବିନ୍ଦୁରୂପପରଃ ଶିଵଃ

॥ 15 ॥

ଶ୍ଲୋକ 76

ଅଵିନାଭାଵସମ୍ବନ୍ଧଂ ତସ୍ମାଦ୍ବିନ୍ଦୁତ୍ରିକୋଣଯୋଃ ।

ଏଵଂ ଵିଭାଗମଜ୍ଞାତ୍ଵା ଶ୍ରୀଚକ୍ରଂ ଯଃ ସମର୍ଚଯେତ୍

॥ 16 ॥

ଶ୍ଲୋକ 77

ନ ତତ୍ଫଲମଵାପ୍ନୋତି ଲଲିତାମ୍ବା ନ ତୁଷ୍ଯତି ।

ଯେ ଚ ଜାନନ୍ତି ଲୋକେଽସ୍ମିନ୍ ଶ୍ରୀଵିଦ୍ଯାଚକ୍ରଵେଦିନଃ

॥ 17 ॥

ଶ୍ଲୋକ 78

ସାମନ୍ଯଵେଦିନଃ ସର୍ଵେ ଵିଶେଷଜ୍ଞୋଽତିଦୁର୍ଲଭଃ ।

ସ୍ଵଯଂଵିଦ୍ଯାଵିଶେଷଜ୍ଞୋ ଵିଶେଷଜ୍ଞଂ ସମର୍ଚଯେତ୍

॥ 18 ॥

ଶ୍ଲୋକ 79

ତସ୍ମୈ ଦେଯଂ ତତୋ ଗ୍ରାହ୍ଯମଶକ୍ତସ୍ତସ୍ଯ ଦାପଯେତ୍ ।

ଅନ୍ଧଂ ତମଃ ପ୍ରଵିଶନ୍ତି ଯେଽଵିଦ୍ଯାଂ ସମୁପାସତେ

॥ 19 ॥

ଶ୍ଲୋକ 80

ଇତି ଶ୍ରୁତିରପାହୈତାନଵିଦ୍ଯୋପାସକାନ୍ପୁନଃ ।

ଵିଦ୍ଯାନ୍ଯୋପାସକାନେଵ ନିନ୍ଦତ୍ଯାରୁଣିକୀ ଶ୍ରୁତିଃ

॥ 20 ॥

ଶ୍ଲୋକ 81

ଅଶ୍ରୁତା ସଶ୍ରୁତାସଶ୍ଚ ଯଜ୍ଵାନୋ ଯେଽପ୍ଯଯଜ୍ଵନଃ ।

ସ୍ଵର୍ଯନ୍ତୋ ନାପେକ୍ଷନ୍ତେ ଇନ୍ଦ୍ରମଗ୍ନିଂ ଚ ଯେ ଵିଦୁଃ

॥ 21 ॥

ଶ୍ଲୋକ 82

ସିକତା ଇଵ ସଂଯନ୍ତି ରଶ୍ମିଭିଃ ସମୁଦୀରିତାଃ ।

ଅସ୍ମାଲ୍ଲୋକାଦମୁଷ୍ମାଚ୍ଚେତ୍ଯାହ ଚାରଣ୍ଯକଶ୍ରୁତିଃ

॥ 22 ॥

ଶ୍ଲୋକ 83

ଯସ୍ଯ ନୋ ପଶ୍ଚିମଂ ଜନ୍ମ ଯଦି ଵା ଶଙ୍କରଃ ସ୍ଵଯମ୍ ।

ତେନୈଵ ଲଭ୍ଯତେ ଵିଦ୍ଯା ଶ୍ରୀମତ୍ପଞ୍ଚଦଶାକ୍ଷରୀ

॥ 23 ॥

ଶ୍ଲୋକ 84

ଇତି ମନ୍ତ୍ରେଷୁ ବହୁଧା ଵିଦ୍ଯାଯା ମହିମୋଚ୍ଯତେ ।

ମୋକ୍ଷୈକହେତୁଵିଦ୍ଯା ତୁ ଶ୍ରୀଵିଦ୍ଯା ନାତ୍ର ସଂଶଯଃ

॥ 24 ॥

ଶ୍ଲୋକ 85

ନ ଶିଲ୍ପାଦିଜ୍ଞାନଯୁକ୍ତେ ଵିଦ୍ଵଚ୍ଛବ୍ଧଃ ପ୍ରଯୁଜ୍ଯତେ ।

ମୋକ୍ଷୈକହେତୁଵିଦ୍ଯା ସା ଶ୍ରୀଵିଦ୍ଯୈଵ ନ ସଂଶଯଃ

॥ 25 ॥

ଶ୍ଲୋକ 86

ତସ୍ମାଦ୍ଵିଦ୍ଯାଵିଦେଵାତ୍ର ଵିଦ୍ଵାନ୍ଵିଦ୍ଵାନିତୀର୍ଯତେ ।

ସ୍ଵଯଂ ଵିଦ୍ଯାଵିଦେ ଦଦ୍ଯାତ୍ଖ୍ଯାପଯେତ୍ତଦ୍ଗୁଣାନ୍ସୁଧୀଃ

॥ 26 ॥

ଶ୍ଲୋକ 87

ସ୍ଵଯଂଵିଦ୍ଯାରହସ୍ଯଜ୍ଞୋ ଵିଦ୍ଯାମାହାତ୍ମ୍ଯଵେଦ୍ଯପି ।

ଵିଦ୍ଯାଵିଦଂ ନାର୍ଚଯେଚ୍ଚେତ୍କୋ ଵା ତଂ ପୂଜଯେଜ୍ଜନଃ

॥ 27 ॥

ଶ୍ଲୋକ 88

ପ୍ରସଙ୍ଗାଦିଦମୁକ୍ତଂ ତେ ପ୍ରକୃତଂ ଶୃଣୁ କୁମ୍ଭଜ ।

ଯଃ କୀର୍ତଯେତ୍ସକୃଦ୍ଭକ୍ତ୍ଯା ଦିଵ୍ଯନାମଶତତ୍ରଯମ୍

॥ 28 ॥

ଶ୍ଲୋକ 89

ତସ୍ଯ ପୁଣ୍ଯମହଂ ଵକ୍ଷ୍ଯେ ଶୃଣୁ ତ୍ଵଂ କୁମ୍ଭସମ୍ଭଵ ।

ରହସ୍ଯନାମସାହସ୍ରପାଠେ ଯତ୍ଫଲମୀରିତମ୍

॥ 29 ॥

ଶ୍ଲୋକ 90

ତତ୍ଫଲଂ କୋଟିଗୁଣିତମେକନାମଜପାଦ୍ଭଵେତ୍ ।

କାମେଶ୍ଵରୀକାମେଶାଭ୍ଯାଂ କୃତଂ ନାମଶତତ୍ରଯମ୍

॥ 30 ॥

ଶ୍ଲୋକ 91

ନାନ୍ଯେନ ତୁଲଯେଦେତତ୍ ସ୍ତୋତ୍ରେଣାନ୍ଯକୃତେନ ଚ ।

ଶ୍ରିଯଃ ପରମ୍ପରା ଯସ୍ଯ ଭାଵି ଵା ଚୋତ୍ତରୋତ୍ତରମ୍

॥ 31 ॥

ଶ୍ଲୋକ 92

ତେନୈଵ ଲଭ୍ଯତେ ଚୈତତ୍ପଶ୍ଚାଚ୍ଛ୍ରେଯଃ ପରୀକ୍ଷଯେତ୍ ।

ଅସ୍ଯା ନାମ୍ନାଂ ତ୍ରିଶତ୍ଯାସ୍ତୁ ମହିମା କେନ ଵର୍ଣ୍ଯତେ

॥ 32 ॥

ଶ୍ଲୋକ 93

ଯା ସ୍ଵଯଂ ଶିଵଯୋର୍ଵକ୍ତ୍ରପଦ୍ମାଭ୍ଯାଂ ପରିନିଃସୃତା ।

ନିତ୍ଯଂ ଷୋଡଶସଙ୍ଖ୍ଯାକାନ୍ଵିପ୍ରାନାଦୌ ତୁ ଭୋଜଯେତ୍

॥ 33 ॥

ଶ୍ଲୋକ 94

ଅଭ୍ଯକ୍ତାଂସ୍ତିଲତୈଲେନ ସ୍ନାତାନୁଷ୍ଣେନ ଵାରିଣା ।

ଅଭ୍ଯର୍ଚ୍ଯ ଗନ୍ଧପୁଷ୍ପାଦ୍ଯୈଃ କାମେଶ୍ଵର୍ଯାଦିନାମଭିଃ

॥ 34 ॥

ଶ୍ଲୋକ 95

ସୂପାପୂପୈଃ ଶର୍କରାଦ୍ଯୈଃ ପାଯସୈଃ ଫଲସଂଯୁତୈଃ ।

ଵିଦ୍ଯାଵିଦୋ ଵିଶେଷେଣ ଭୋଜଯେତ୍ଷୋଡଶ ଦ୍ଵିଜାନ୍

॥ 35 ॥

ଶ୍ଲୋକ 96

ଏଵଂ ନିତ୍ଯାର୍ଚନଂ କୁର୍ଯାଦାଦୌ ବ୍ରାହ୍ମଣଭୋଜନମ୍ ।

ତ୍ରିଶତୀନାମଭିଃ ପଶ୍ଚାଦ୍ବ୍ରାହ୍ମଣାନ୍କ୍ରମଶୋଽର୍ଚଯେତ୍

॥ 36 ॥

ଶ୍ଲୋକ 97

ତୈଲାଭ୍ଯଙ୍ଗାଦିକଂ ଦତ୍ଵା ଵିଭଵେ ସତି ଭକ୍ତିତଃ ।

ଶୁକ୍ଲପ୍ରତିପଦାରଭ୍ଯ ପୌର୍ଣମାସ୍ଯଵଧି କ୍ରମାତ୍

॥ 37 ॥

ଶ୍ଲୋକ 98

ଦିଵସେ ଦିଵସେ ଵିପ୍ରା ଭୋଜ୍ଯା ଵିଂଶତିସଙ୍ଖ୍ଯଯା ।

ଦଶଭିଃ ପଞ୍ଚଭିର୍ଵାପି ତ୍ରିଭିରେକେନ ଵା ଦିନୈଃ

॥ 38 ॥

ଶ୍ଲୋକ 99

ତ୍ରିଂଶତ୍ଷଷ୍ଟିଃ ଶତଂ ଵିପ୍ରାଃ ସମ୍ଭୋଜ୍ଯାସ୍ତ୍ରିଶତଂ କ୍ରମାତ୍ ।

ଏଵଂ ଯଃ କୁରୁତେ ଭକ୍ତ୍ଯା ଜନ୍ମମଧ୍ଯେ ସକୃନ୍ନରଃ

॥ 39 ॥

ଶ୍ଲୋକ 100

ତସ୍ଯୈଵ ସଫଲଂ ଜନ୍ମ ମୁକ୍ତିସ୍ତସ୍ଯ କରେ ସ୍ଥିରା ।

ରହସ୍ଯନାମସାହସ୍ରଭୋଜନେଽପ୍ଯେଵମେଵ ହି

॥ 40 ॥

ଶ୍ଲୋକ 101

ଆଦୌ ନିତ୍ଯବଲିଂ କୁର୍ଯାତ୍ପଶ୍ଚାଦ୍ବ୍ରାହ୍ମଣଭୋଜନମ୍ ।

ରହସ୍ଯନାମସାହସ୍ରମହିମା ଯୋ ମଯୋଦିତଃ

॥ 41 ॥

ଶ୍ଲୋକ 102

ସ ଶୀକରାଣୁରତ୍ନୈକନାମ୍ନୋ ମହିମଵାରିଧେଃ ।

ଵାଗ୍ଦେଵୀରଚିତେ ନାମସାହସ୍ରେ ଯଦ୍ଯଦୀରିତମ୍

॥ 42 ॥

ଶ୍ଲୋକ 103

ତତ୍ଫଲଂ କୋଟିଗୁଣିତଂ ନାମ୍ନୋଽପ୍ଯେକସ୍ଯ କୀର୍ତନାତ୍ ।

ଏତଦନ୍ଯୈର୍ଜପୈଃ ସ୍ତୋତ୍ରୈରର୍ଚନୈର୍ଯତ୍ଫଲଂ ଭଵେତ୍

॥ 43 ॥

ଶ୍ଲୋକ 104

ତତ୍ଫଲଂ କୋଟିଗୁଣିତଂ ଭଵେନ୍ନାମଶତତ୍ରଯାତ୍ ।

ଵାଗ୍ଦେଵୀରଚିତେ ସ୍ତୋତ୍ରେ ତାଦୃଶୋ ମହିମା ଯଦି

॥ 44 ॥

ଶ୍ଲୋକ 105

ସାକ୍ଷାତ୍କାମେଶକାମେଶୀକୃତେଽସ୍ମିନ୍ଗୃହ୍ଯତାମିତି ।

ସକୃତ୍ସଙ୍କୀର୍ତନାଦେଵ ନାମ୍ନାମସ୍ମିନ୍ ଶତତ୍ରଯେ

॥ 45 ॥

ଶ୍ଲୋକ 106

ଭଵେଚ୍ଚିତ୍ତସ୍ଯ ପର୍ଯାପ୍ତିର୍ନ୍ଯୂନମନ୍ଯାନପେକ୍ଷିଣୀ ।

ନ ଜ୍ଞାତଵ୍ଯମିତୋଽପ୍ଯନ୍ଯତ୍ର ଜପ୍ତଵ୍ଯଂ ଚ କୁମ୍ଭଜ

॥ 46 ॥

ଶ୍ଲୋକ 107

ଯଦ୍ଯତ୍ସାଧ୍ଯତମଂ କାର୍ଯଂ ତତ୍ତଦର୍ଥମିଦଂ ଜପେତ୍ ।

ତତ୍ତତ୍ଫଲମଵାପ୍ନୋତି ପଶ୍ଚାତ୍କାର୍ଯଂ ପରୀକ୍ଷଯେତ୍

॥ 47 ॥

ଶ୍ଲୋକ 108

ଯେ ଯେ ପ୍ରଯୋଗାସ୍ତନ୍ତ୍ରେଷୁ ତୈସ୍ତୈର୍ଯତ୍ସାଧ୍ଯତେ ଫଲମ୍ ।

ତତ୍ସର୍ଵଂ ସିଧ୍ଯତି କ୍ଷିପ୍ରଂ ନାମତ୍ରିଶତକୀର୍ତନାତ୍

॥ 48 ॥

ଶ୍ଲୋକ 109

ଆଯୁଷ୍କରଂ ପୁଷ୍ଟିକରଂ ପୁତ୍ରଦଂ ଵଶ୍ଯକାରକମ୍ ।

ଵିଦ୍ଯାପ୍ରଦଂ କୀର୍ତିକରଂ ସୁକଵିତ୍ଵପ୍ରଦାଯକମ୍

॥ 49 ॥

ଶ୍ଲୋକ 110

ସର୍ଵସମ୍ପତ୍ପ୍ରଦଂ ସର୍ଵଭୋଗଦଂ ସର୍ଵସୌଖ୍ଯଦମ୍ ।

ସର୍ଵାଭୀଷ୍ଟପ୍ରଦଂ ଚୈଵ ଦେଵ୍ଯା ନାମଶତତ୍ରଯମ୍

॥ 50 ॥

ଶ୍ଲୋକ 111

ଏତଜ୍ଜପପରୋ ଭୂଯାନ୍ନାନ୍ଯଦିଚ୍ଛେତ୍କଦାଚନ ।

ଏତତ୍କୀର୍ତନସନ୍ତୁଷ୍ଟା ଶ୍ରୀଦେଵୀ ଲଲିତାମ୍ବିକା

॥ 51 ॥

ଶ୍ଲୋକ 112

ଭକ୍ତସ୍ଯ ଯଦ୍ଯଦିଷ୍ଟଂ ସ୍ଯାତ୍ତତ୍ତତ୍ପୂରଯତେ ଧ୍ରୁଵମ୍ ।

ତସ୍ମାତ୍କୁମ୍ଭୋଦ୍ଭଵ ମୁନେ କୀର୍ତଯ ତ୍ଵମିଦଂ ସଦା

॥ 52 ॥

ଶ୍ଲୋକ 113

ନାପରଂ କିଞ୍ଚିଦପି ତେ ବୋଦ୍ଧଵ୍ଯମଵଶିଷ୍ଯତେ ।

ଇତି ତେ କଥିତଂ ସ୍ତୋତ୍ରଂ ଲଲିତାପ୍ରୀତିଦାଯକମ୍

॥ 53 ॥

ଶ୍ଲୋକ 114

ନାଵିଦ୍ଯାଵେଦିନେ ବ୍ରୂଯାନ୍ନାଭକ୍ତାଯ କଦାଚନ ।

ନ ଶଠାଯ ନ ଦୁଷ୍ଟାଯ ନାଵିଶ୍ଵାସାଯ କର୍ହିଚିତ୍

॥ 54 ॥

ଶ୍ଲୋକ 115

ଯୋ ବ୍ରୂଯାତ୍ତ୍ରିଶତୀଂ ନାମ୍ନାଂ ତସ୍ଯାନର୍ଥୋ ମହାନ୍ଭଵେତ୍ ।

ଇତ୍ଯାଜ୍ଞା ଶାଙ୍କରୀ ପ୍ରୋକ୍ତା ତସ୍ମାଦ୍ଗୋପ୍ଯମିଦଂ ତ୍ଵଯା

॥ 56 ॥

ଶ୍ଲୋକ 116

ଲଲିତାପ୍ରେରିତେନୈଵ ମଯୋକ୍ତଂ ସ୍ତୋତ୍ରମୁତ୍ତମମ୍ ।

ରହସ୍ଯନାମସାହସ୍ରାଦପି ଗୋପ୍ଯମିଦଂ ମୁନେ

॥ 57 ॥

ଶ୍ଲୋକ 117

ସୂତ ଉଵାଚ ।

ଏଵମୁକ୍ତ୍ଵା ହଯଗ୍ରୀଵଃ କୁମ୍ଭଜଂ ତାପସୋତ୍ତମମ୍ ।

ସ୍ତୋତ୍ରେଣାନେନ ଲଲିତାଂ ସ୍ତୁତ୍ଵା ତ୍ରିପୁରସୁନ୍ଦରୀମ୍ ।

ଆନନ୍ଦଲହରୀମଗ୍ନମାନସଃ ସମଵର୍ତତ

॥ 58 ॥

ଶ୍ଲୋକ 118

ଇତି ବ୍ରହ୍ମାଣ୍ଡପୁରାଣେ ଉତ୍ତରଖଣ୍ଡେ ହଯଗ୍ରୀଵାଗସ୍ତ୍ଯସଂଵାଦେ ଲଲିତୋପାଖ୍ଯାନେ ସ୍ତୋତ୍ରଖଣ୍ଡେ ଶ୍ରୀଲଲିତାତ୍ରିଶତୀସ୍ତୋତ୍ରରତ୍ନମ୍ ।