Sri Lalitha Trishati Stotram

zrI lalitA trizati stotram

zloka 1

asya zrIlalitA trizatIstotra mahAmantrasya, bhagavAn hayagrIva RSiH, anuSTup chandaH, zrIlalitAmahAtripurasundarI devatA, aiM bIjaM, sauH zaktiH, klIM kIlakaM, mama caturvidhapuruSArthaphalasiddhyarthe jape viniyogaH |

aimityAdibhiraGganyAsakaranyAsAH kAryAH |

dhyAnam |

atimadhuracApahastA-

-maparimitAmodabANasaubhAgyAm |

aruNAmatizayakaruNA-

-mabhinavakulasundarIM vande |

zrI hayagrIva uvAca |

kakArarUpA kalyANI kalyANaguNazAlinI |

kalyANazailanilayA kamanIyA kalAvatI || 1 ||

kamalAkSI kalmaSaghnI karuNAmRtasAgarA |

kadambakAnanAvAsA kadambakusumapriyA || 2 ||

kandarpavidyA kandarpajanakApAGgavIkSaNA |

karpUravITisaurabhyakallolitakakuptaTA || 3 ||

kalidoSaharA kaJjalocanA kamravigrahA |

karmAdisAkSiNI kArayitrI karmaphalapradA || 4 ||

ekArarUpA caikAkSaryekAnekAkSarAkRtiH |

etattadityanirdezyA caikAnandacidAkRtiH || 5 ||

evamityAgamAbodhyA caikabhaktimadarcitA |

ekAgracittanirdhyAtA caiSaNArahitAdRtA || 6 ||

elAsugandhicikurA cainaHkUTavinAzinI |

ekabhogA caikarasA caikaizvaryapradAyinI || 7 ||

ekAtapatrasAmrAjyapradA caikAntapUjitA |

edhamAnaprabhA caijadanekajagadIzvarI || 8 ||

ekavIrAdisaMsevyA caikaprAbhavazAlinI |

IkArarUpA cezitrI cepsitArthapradAyinI || 9 ||

IdRgityavinirdezyA cezvaratvavidhAyinI |

IzAnAdibrahmamayI cezitvAdyaSTasiddhidA || 10 ||

IkSitrIkSaNasRSTANDakoTirIzvaravallabhA |

IDitA cezvarArdhAGgazarIrezAdhidevatA || 11 ||

IzvarapreraNakarI cezatANDavasAkSiNI |

IzvarotsaGganilayA cetibAdhAvinAzinI || 12 ||

IhAvirahitA cezazaktirISatsmitAnanA |

lakArarUpA lalitA lakSmIvANIniSevitA || 13 ||

lAkinI lalanArUpA lasaddADimapATalA |

lalantikAlasatphAlA lalATanayanArcitA || 14 ||

lakSaNojjvaladivyAGgI lakSakoTyaNDanAyikA |

lakSyArthA lakSaNAgamyA labdhakAmA latAtanuH || 15 ||

lalAmarAjadalikA lambimuktAlatAJcitA |

lambodaraprasUrlabhyA lajjADhyA layavarjitA || 16 ||

hrIM‍kArarUpA hrIM‍kAranilayA hrIM‍padapriyA |

hrIM‍kArabIjA hrIM‍kAramantrA hrIM‍kAralakSaNA || 17 ||

hrIM‍kArajapasuprItA hrIM‍matI hrIM‍vibhUSaNA |

hrIM‍zIlA hrIM‍padArAdhyA hrIM‍garbhA hrIM‍padAbhidhA || 18 ||

hrIM‍kAravAcyA hrIM‍kArapUjyA hrIM‍kArapIThikA |

hrIM‍kAravedyA hrIM‍kAracintyA hrIM hrIM‍zarIriNI || 19 ||

hakArarUpA haladhRkpUjitA hariNekSaNA |

harapriyA harArAdhyA haribrahmendravanditA || 20 ||

hayArUDhAsevitAGghrirhayamedhasamarcitA |

haryakSavAhanA haMsavAhanA hatadAnavA || 21 ||

hatyAdipApazamanI haridazvAdisevitA |

hastikumbhottuGgakucA hastikRttipriyAGganA || 22 ||

haridrAkuGkumAdigdhA haryazvAdyamarArcitA |

harikezasakhI hAdividyA hAlAmadAlasA || 23 ||

sakArarUpA sarvajJA sarvezI sarvamaGgalA |

sarvakartrI sarvabhartrI sarvahantrI sanAtanA || 24 ||

sarvAnavadyA sarvAGgasundarI sarvasAkSiNI |

sarvAtmikA sarvasaukhyadAtrI sarvavimohinI || 25 ||

sarvAdhArA sarvagatA sarvAvaguNavarjitA |

sarvAruNA sarvamAtA sarvabhUSaNabhUSitA || 26 ||

kakArArthA kAlahantrI kAmezI kAmitArthadA |

kAmasaJjIvanI kalyA kaThinastanamaNDalA || 27 ||

karabhorUH kalAnAthamukhI kacajitAmbudA |

kaTAkSasyandikaruNA kapAliprANanAyikA || 28 ||

kAruNyavigrahA kAntA kAntidhUtajapAvaliH |

kalAlApA kambukaNThI karanirjitapallavA || 29 ||

kalpavallIsamabhujA kastUrItilakAJcitA |

hakArArthA haMsagatirhATakAbharaNojjvalA || 30 ||

hArahArikucAbhogA hAkinI halyavarjitA |

haritpatisamArAdhyA haThAtkArahatAsurA || 31 ||

harSapradA havirbhoktrI hArdasantamasApahA |

hallIsalAsyasantuSTA haMsamantrArtharUpiNI || 32 ||

hAnopAdAnanirmuktA harSiNI harisodarI |

hAhAhUhUmukhastutyA hAnivRddhivivarjitA || 33 ||

hayyaGgavInahRdayA harigopAruNAMzukA |

lakArAkhyA latApUjyA layasthityudbhavezvarI || 34 ||

lAsyadarzanasantuSTA lAbhAlAbhavivarjitA |

laGghyetarAjJA lAvaNyazAlinI laghusiddhidA || 35 ||

lAkSArasasavarNAbhA lakSmaNAgrajapUjitA |

labhyetarA labdhabhaktisulabhA lAGgalAyudhA || 36 ||

lagnacAmarahastazrIzAradAparivIjitA |

lajjApadasamArAdhyA lampaTA lakulezvarI || 37 ||

labdhamAnA labdharasA labdhasampatsamunnatiH |

hrIM‍kAriNI hrIM‍kArAdyA hrIM‍madhyA hrIM‍zikhAmaNiH || 38 ||

hrIM‍kArakuNDAgnizikhA hrIM‍kArazazicandrikA |

hrIM‍kArabhAskararucirhrIM‍kArAmbhodacaJcalA || 39 ||

hrIM‍kArakandAGkurikA hrIM‍kAraikaparAyaNA |

hrIM‍kAradIrghikAhaMsI hrIM‍kArodyAnakekinI || 40 ||

hrIM‍kArAraNyahariNI hrIM‍kArAvAlavallarI |

hrIM‍kArapaJjarazukI hrIM‍kArAGgaNadIpikA || 41 ||

hrIM‍kArakandarAsiMhI hrIM‍kArAmbhojabhRGgikA |

hrIM‍kArasumanomAdhvI hrIM‍kAratarumaJjarI || 42 ||

sakArAkhyA samarasA sakalAgamasaMstutA |

sarvavedAntatAtparyabhUmiH sadasadAzrayA || 43 ||

sakalA saccidAnandA sAdhyA sadgatidAyinI |

sanakAdimunidhyeyA sadAzivakuTumbinI || 44 ||

sakAlAdhiSThAnarUpA satyarUpA samAkRtiH |

sarvaprapaJcanirmAtrI samanAdhikavarjitA || 45 ||

sarvottuGgA saGgahInA saguNA sakaleSTadA |

kakAriNI kAvyalolA kAmezvaramanoharA || 46 ||

kAmezvaraprANanADI kAmezotsaGgavAsinI |

kAmezvarAliGgitAGgI kAmezvarasukhapradA || 47 ||

kAmezvarapraNayinI kAmezvaravilAsinI |

kAmezvaratapaHsiddhiH kAmezvaramanaHpriyA || 48 ||

kAmezvaraprANanAthA kAmezvaravimohinI |

kAmezvarabrahmavidyA kAmezvaragRhezvarI || 49 ||

kAmezvarAhlAdakarI kAmezvaramahezvarI |

kAmezvarI kAmakoTinilayA kAGkSitArthadA || 50 ||

lakAriNI labdharUpA labdhadhIrlabdhavAJchitA |

labdhapApamanodUrA labdhAhaGkAradurgamA || 51 ||

labdhazaktirlabdhadehA labdhaizvaryasamunnatiH |

labdhavRddhirlabdhalIlA labdhayauvanazAlinI || 52 ||

labdhAtizayasarvAGgasaundaryA labdhavibhramA |

labdharAgA labdhapatirlabdhanAnAgamasthitiH || 53 ||

labdhabhogA labdhasukhA labdhaharSAbhipUritA |

hrIM‍kAramUrtirhrIM‍kArasaudhazRGgakapotikA || 54 ||

hrIM‍kAradugdhAbdhisudhA hrIM‍kArakamalendirA |

hrIM‍kAramaNidIpArcirhrIM‍kArataruzArikA || 55 ||

hrIM‍kArapeTakamaNirhrIM‍kArAdarzabimbitA |

hrIM‍kArakozAsilatA hrIM‍kArAsthAnanartakI || 56 ||

hrIM‍kArazuktikAmuktAmaNirhrIM‍kArabodhitA |

hrIM‍kAramayasauvarNastambhavidrumaputrikA || 57 ||

hrIM‍kAravedopaniSad hrIM‍kArAdhvaradakSiNA |

hrIM‍kAranandanArAmanavakalpakavallarI || 58 ||

hrIM‍kArahimavadgaGgA hrIM‍kArArNavakaustubhA |

hrIM‍kAramantrasarvasvA hrIM‍kAraparasaukhyadA || 59 ||

uttarapIThikA (phalazRtiH)

hayagrIva uvAca |

ityevaM te mayAkhyAtaM devyA nAmazatatrayam |

rahasyAtirahasyatvAdgopanIyaM tvayA mune || 1 ||

zivavarNAni nAmAni zrIdevyA kathitAni hi |

zaktyakSarANi nAmAni kAmezakathitAni ca || 2 ||

ubhayAkSaranAmAni hyubhAbhyAM kathitAni vai |

tadanyairgrathitaM stotrametasya sadRzaM kimu || 3 ||

nAnena sadRzaM stotraM zrIdevIprItidAyakam |

lokatraye'pi kalyANaM sambhavennAtra saMzayaH || 4 ||

sUta uvAca |

iti hayamukhagItaM stotrarAjaM nizamya

pragalitakaluSo'bhUccittaparyAptimetya |

nijagurumatha natvA kumbhajanmA taduktaM

punaradhikarahasyaM jJAtumevaM jagAda || 5 ||

agastya uvAca |

azvAnana mahAbhAga rahasyamapi me vada |

zivavarNAni kAnyatra zaktivarNAni kAni hi || 6 ||

ubhayorapi varNAni kAni vA vada dezika |

iti pRSTaH kumbhajena hayagrIvo'vadatpunaH || 7 ||

hayagrIva uvAca |

tava gopyaM kimastIha sAkSAdambAnuzAsanAt |

idaM tvatirahasyaM te vakSyAmi zRNu kumbhaja || 8 ||

etadvijJAnamAtreNa zrIvidyA siddhidA bhavet |

katrayaM hadvayaM caiva zaivo bhAgaH prakIrtitaH || 9 ||

zaktyakSarANi zeSANi hrIGkAra ubhayAtmakaH |

evaM vibhAgamajJAtvA ye vidyAjapazAlinaH || 10 ||

na teSAM siddhidA vidyA kalpakoTizatairapi |

caturbhiH zivacakraizca zakticakraizca paJcabhiH || 11 ||

navacakraizca saMsiddhaM zrIcakraM zivayorvapuH |

trikoNamaSTakoNaM ca dazakoNadvayaM tathA || 12 ||

caturdazAraM caitAni zakticakrANi paJca ca |

binduzcASTadalaM padmaM padmaM SoDazapatrakam || 13 ||

caturazraM ca catvAri zivacakrANyanukramAt |

trikoNe baindavaM zliSTaM aSTAre'STadalAmbujam || 14 ||

dazArayoH SoDazAraM bhUgRhaM bhuvanAzrake |

zaivAnAmapi zAktAnAM cakrANAM ca parasparam || 15 ||

avinAbhAvasambandhaM yo jAnAti sa cakravit |

trikoNarUpiNI zaktirbindurUpaparaH zivaH || 16 ||

avinAbhAvasambandhaM tasmAdbindutrikoNayoH |

evaM vibhAgamajJAtvA zrIcakraM yaH samarcayet || 17 ||

na tatphalamavApnoti lalitAmbA na tuSyati |

ye ca jAnanti loke'smin zrIvidyAcakravedinaH || 18 ||

sAmanyavedinaH sarve vizeSajJo'tidurlabhaH |

svayaMvidyAvizeSajJo vizeSajJaM samarcayet || 19 ||

tasmai deyaM tato grAhyamazaktastasya dApayet |

andhaM tamaH pravizanti ye'vidyAM samupAsate || 20 ||

iti zrutirapAhaitAnavidyopAsakAnpunaH |

vidyAnyopAsakAneva nindatyAruNikI zrutiH || 21 ||

azrutA sazrutAsazca yajvAno ye'pyayajvanaH |

svaryanto nApekSante indramagniM ca ye viduH || 22 ||

sikatA iva saMyanti razmibhiH samudIritAH |

asmAllokAdamuSmAccetyAha cAraNyakazrutiH || 23 ||

yasya no pazcimaM janma yadi vA zaGkaraH svayam |

tenaiva labhyate vidyA zrImatpaJcadazAkSarI || 24 ||

iti mantreSu bahudhA vidyAyA mahimocyate |

mokSaikahetuvidyA tu zrIvidyA nAtra saMzayaH || 25 ||

na zilpAdijJAnayukte vidvacchabdhaH prayujyate |

mokSaikahetuvidyA sA zrIvidyaiva na saMzayaH || 26 ||

tasmAdvidyAvidevAtra vidvAnvidvAnitIryate |

svayaM vidyAvide dadyAtkhyApayettadguNAnsudhIH || 27 ||

svayaMvidyArahasyajJo vidyAmAhAtmyavedyapi |

vidyAvidaM nArcayeccetko vA taM pUjayejjanaH || 28 ||

prasaGgAdidamuktaM te prakRtaM zRNu kumbhaja |

yaH kIrtayetsakRdbhaktyA divyanAmazatatrayam || 29 ||

tasya puNyamahaM vakSye zRNu tvaM kumbhasambhava |

rahasyanAmasAhasrapAThe yatphalamIritam || 30 ||

tatphalaM koTiguNitamekanAmajapAdbhavet |

kAmezvarIkAmezAbhyAM kRtaM nAmazatatrayam || 31 ||

nAnyena tulayedetat stotreNAnyakRtena ca |

zriyaH paramparA yasya bhAvi vA cottarottaram || 32 ||

tenaiva labhyate caitatpazcAcchreyaH parIkSayet |

asyA nAmnAM trizatyAstu mahimA kena varNyate || 33 ||

yA svayaM zivayorvaktrapadmAbhyAM pariniHsRtA |

nityaM SoDazasaGkhyAkAnviprAnAdau tu bhojayet || 34 ||

abhyaktAMstilatailena snAtAnuSNena vAriNA |

abhyarcya gandhapuSpAdyaiH kAmezvaryAdinAmabhiH || 35 ||

sUpApUpaiH zarkarAdyaiH pAyasaiH phalasaMyutaiH |

vidyAvido vizeSeNa bhojayetSoDaza dvijAn || 36 ||

evaM nityArcanaM kuryAdAdau brAhmaNabhojanam |

trizatInAmabhiH pazcAdbrAhmaNAnkramazo'rcayet || 37 ||

tailAbhyaGgAdikaM datvA vibhave sati bhaktitaH |

zuklapratipadArabhya paurNamAsyavadhi kramAt || 38 ||

divase divase viprA bhojyA viMzatisaGkhyayA |

dazabhiH paJcabhirvApi tribhirekena vA dinaiH || 39 ||

triMzatSaSTiH zataM viprAH sambhojyAstrizataM kramAt |

evaM yaH kurute bhaktyA janmamadhye sakRnnaraH || 40 ||

tasyaiva saphalaM janma muktistasya kare sthirA |

rahasyanAmasAhasrabhojane'pyevameva hi || 41 ||

Adau nityabaliM kuryAtpazcAdbrAhmaNabhojanam |

rahasyanAmasAhasramahimA yo mayoditaH || 42 ||

sa zIkarANuratnaikanAmno mahimavAridheH |

vAgdevIracite nAmasAhasre yadyadIritam || 43 ||

tatphalaM koTiguNitaM nAmno'pyekasya kIrtanAt |

etadanyairjapaiH stotrairarcanairyatphalaM bhavet || 44 ||

tatphalaM koTiguNitaM bhavennAmazatatrayAt |

vAgdevIracite stotre tAdRzo mahimA yadi || 45 ||

sAkSAtkAmezakAmezIkRte'smingRhyatAmiti |

sakRtsaGkIrtanAdeva nAmnAmasmin zatatraye || 46 ||

bhaveccittasya paryAptirnyUnamanyAnapekSiNI |

na jJAtavyamito'pyanyatra japtavyaM ca kumbhaja || 47 ||

yadyatsAdhyatamaM kAryaM tattadarthamidaM japet |

tattatphalamavApnoti pazcAtkAryaM parIkSayet || 48 ||

ye ye prayogAstantreSu taistairyatsAdhyate phalam |

tatsarvaM sidhyati kSipraM nAmatrizatakIrtanAt || 49 ||

AyuSkaraM puSTikaraM putradaM vazyakArakam |

vidyApradaM kIrtikaraM sukavitvapradAyakam || 50 ||

sarvasampatpradaM sarvabhogadaM sarvasaukhyadam |

sarvAbhISTapradaM caiva devyA nAmazatatrayam || 51 ||

etajjapaparo bhUyAnnAnyadicchetkadAcana |

etatkIrtanasantuSTA zrIdevI lalitAmbikA || 52 ||

bhaktasya yadyadiSTaM syAttattatpUrayate dhruvam |

tasmAtkumbhodbhava mune kIrtaya tvamidaM sadA || 53 ||

nAparaM kiJcidapi te boddhavyamavaziSyate |

iti te kathitaM stotraM lalitAprItidAyakam || 54 ||

nAvidyAvedine brUyAnnAbhaktAya kadAcana |

na zaThAya na duSTAya nAvizvAsAya karhicit || 56 ||

yo brUyAttrizatIM nAmnAM tasyAnartho mahAnbhavet |

ityAjJA zAGkarI proktA tasmAdgopyamidaM tvayA || 57 ||

lalitApreritenaiva mayoktaM stotramuttamam |

rahasyanAmasAhasrAdapi gopyamidaM mune || 58 ||

sUta uvAca |

evamuktvA hayagrIvaH kumbhajaM tApasottamam |

stotreNAnena lalitAM stutvA tripurasundarIm |

AnandalaharImagnamAnasaH samavartata || 59 ||

iti brahmANDapurANe uttarakhaNDe hayagrIvAgastyasaMvAde lalitopAkhyAne stotrakhaNDe zrIlalitAtrizatIstotraratnam |