Sri Lalitha Trishati Stotram
Sri Lalitha Trishati Stotram
শ্রী ললিতা ত্রিশতি স্তোত্রম্
অস্য শ্রীললিতা ত্রিশতীস্তোত্র মহামন্ত্রস্য, ভগবান্ হযগ্রীব ঋষিঃ, অনুষ্টুপ্ ছন্দঃ, শ্রীললিতামহাত্রিপুরসুন্দরী দেবতা, ঐং বীজং, সৌঃ শক্তিঃ, ক্লীং কীলকং, মম চতুর্বিধপুরুষার্থফলসিদ্ধ্যর্থে জপে বিনিযোগঃ ।
ঐমিত্যাদিভিরঙ্গন্যাসকরন্যাসাঃ কার্যাঃ ।
ধ্যানম্ ।
অতিমধুরচাপহস্তা-
-মপরিমিতামোদবাণসৌভাগ্যাম্ ।
অরুণামতিশযকরুণা-
-মভিনবকুলসুন্দরীং বন্দে ।
শ্রী হযগ্রীব উবাচ ।
ককাররূপা কল্যাণী কল্যাণগুণশালিনী ।
কল্যাণশৈলনিলযা কমনীযা কলাবতী ॥ 1 ॥
কমলাক্ষী কল্মষঘ্নী করুণামৃতসাগরা ।
কদম্বকাননাবাসা কদম্বকুসুমপ্রিযা ॥ 2 ॥
কন্দর্পবিদ্যা কন্দর্পজনকাপাঙ্গবীক্ষণা ।
কর্পূরবীটিসৌরভ্যকল্লোলিতককুপ্তটা ॥ 3 ॥
কলিদোষহরা কঞ্জলোচনা কম্রবিগ্রহা ।
কর্মাদিসাক্ষিণী কারযিত্রী কর্মফলপ্রদা ॥ 4 ॥
একাররূপা চৈকাক্ষর্যেকানেকাক্ষরাকৃতিঃ ।
এতত্তদিত্যনির্দেশ্যা চৈকানন্দচিদাকৃতিঃ ॥ 5 ॥
এবমিত্যাগমাবোধ্যা চৈকভক্তিমদর্চিতা ।
একাগ্রচিত্তনির্ধ্যাতা চৈষণারহিতাদৃতা ॥ 6 ॥
এলাসুগন্ধিচিকুরা চৈনঃকূটবিনাশিনী ।
একভোগা চৈকরসা চৈকৈশ্বর্যপ্রদাযিনী ॥ 7 ॥
একাতপত্রসাম্রাজ্যপ্রদা চৈকান্তপূজিতা ।
এধমানপ্রভা চৈজদনেকজগদীশ্বরী ॥ 8 ॥
একবীরাদিসংসেব্যা চৈকপ্রাভবশালিনী ।
ঈকাররূপা চেশিত্রী চেপ্সিতার্থপ্রদাযিনী ॥ 9 ॥
ঈদৃগিত্যবিনির্দেশ্যা চেশ্বরত্ববিধাযিনী ।
ঈশানাদিব্রহ্মমযী চেশিত্বাদ্যষ্টসিদ্ধিদা ॥ 10 ॥
ঈক্ষিত্রীক্ষণসৃষ্টাণ্ডকোটিরীশ্বরবল্লভা ।
ঈডিতা চেশ্বরার্ধাঙ্গশরীরেশাধিদেবতা ॥ 11 ॥
ঈশ্বরপ্রেরণকরী চেশতাণ্ডবসাক্ষিণী ।
ঈশ্বরোত্সঙ্গনিলযা চেতিবাধাবিনাশিনী ॥ 12 ॥
ঈহাবিরহিতা চেশশক্তিরীষত্স্মিতাননা ।
লকাররূপা ললিতা লক্ষ্মীবাণীনিষেবিতা ॥ 13 ॥
লাকিনী ললনারূপা লসদ্দাডিমপাটলা ।
ললন্তিকালসত্ফালা ললাটনযনার্চিতা ॥ 14 ॥
লক্ষণোজ্জ্বলদিব্যাঙ্গী লক্ষকোট্যণ্ডনাযিকা ।
লক্ষ্যার্থা লক্ষণাগম্যা লব্ধকামা লতাতনুঃ ॥ 15 ॥
ললামরাজদলিকা লম্বিমুক্তালতাঞ্চিতা ।
লম্বোদরপ্রসূর্লভ্যা লজ্জাঢ্যা লযবর্জিতা ॥ 16 ॥
হ্রীংকাররূপা হ্রীংকারনিলযা হ্রীংপদপ্রিযা ।
হ্রীংকারবীজা হ্রীংকারমন্ত্রা হ্রীংকারলক্ষণা ॥ 17 ॥
হ্রীংকারজপসুপ্রীতা হ্রীংমতী হ্রীংবিভূষণা ।
হ্রীংশীলা হ্রীংপদারাধ্যা হ্রীংগর্ভা হ্রীংপদাভিধা ॥ 18 ॥
হ্রীংকারবাচ্যা হ্রীংকারপূজ্যা হ্রীংকারপীঠিকা ।
হ্রীংকারবেদ্যা হ্রীংকারচিন্ত্যা হ্রীং হ্রীংশরীরিণী ॥ 19 ॥
হকাররূপা হলধৃক্পূজিতা হরিণেক্ষণা ।
হরপ্রিযা হরারাধ্যা হরিব্রহ্মেন্দ্রবন্দিতা ॥ 20 ॥
হযারূঢাসেবিতাঙ্ঘ্রির্হযমেধসমর্চিতা ।
হর্যক্ষবাহনা হংসবাহনা হতদানবা ॥ 21 ॥
হত্যাদিপাপশমনী হরিদশ্বাদিসেবিতা ।
হস্তিকুম্ভোত্তুঙ্গকুচা হস্তিকৃত্তিপ্রিযাঙ্গনা ॥ 22 ॥
হরিদ্রাকুঙ্কুমাদিগ্ধা হর্যশ্বাদ্যমরার্চিতা ।
হরিকেশসখী হাদিবিদ্যা হালামদালসা ॥ 23 ॥
সকাররূপা সর্বজ্ঞা সর্বেশী সর্বমঙ্গলা ।
সর্বকর্ত্রী সর্বভর্ত্রী সর্বহন্ত্রী সনাতনা ॥ 24 ॥
সর্বানবদ্যা সর্বাঙ্গসুন্দরী সর্বসাক্ষিণী ।
সর্বাত্মিকা সর্বসৌখ্যদাত্রী সর্ববিমোহিনী ॥ 25 ॥
সর্বাধারা সর্বগতা সর্বাবগুণবর্জিতা ।
সর্বারুণা সর্বমাতা সর্বভূষণভূষিতা ॥ 26 ॥
ককারার্থা কালহন্ত্রী কামেশী কামিতার্থদা ।
কামসঞ্জীবনী কল্যা কঠিনস্তনমণ্ডলা ॥ 27 ॥
করভোরূঃ কলানাথমুখী কচজিতাম্বুদা ।
কটাক্ষস্যন্দিকরুণা কপালিপ্রাণনাযিকা ॥ 28 ॥
কারুণ্যবিগ্রহা কান্তা কান্তিধূতজপাবলিঃ ।
কলালাপা কম্বুকণ্ঠী করনির্জিতপল্লবা ॥ 29 ॥
কল্পবল্লীসমভুজা কস্তূরীতিলকাঞ্চিতা ।
হকারার্থা হংসগতির্হাটকাভরণোজ্জ্বলা ॥ 30 ॥
হারহারিকুচাভোগা হাকিনী হল্যবর্জিতা ।
হরিত্পতিসমারাধ্যা হঠাত্কারহতাসুরা ॥ 31 ॥
হর্ষপ্রদা হবির্ভোক্ত্রী হার্দসন্তমসাপহা ।
হল্লীসলাস্যসন্তুষ্টা হংসমন্ত্রার্থরূপিণী ॥ 32 ॥
হানোপাদাননির্মুক্তা হর্ষিণী হরিসোদরী ।
হাহাহূহূমুখস্তুত্যা হানিবৃদ্ধিবিবর্জিতা ॥ 33 ॥
হয্যঙ্গবীনহৃদযা হরিগোপারুণাংশুকা ।
লকারাখ্যা লতাপূজ্যা লযস্থিত্যুদ্ভবেশ্বরী ॥ 34 ॥
লাস্যদর্শনসন্তুষ্টা লাভালাভবিবর্জিতা ।
লঙ্ঘ্যেতরাজ্ঞা লাবণ্যশালিনী লঘুসিদ্ধিদা ॥ 35 ॥
লাক্ষারসসবর্ণাভা লক্ষ্মণাগ্রজপূজিতা ।
লভ্যেতরা লব্ধভক্তিসুলভা লাঙ্গলাযুধা ॥ 36 ॥
লগ্নচামরহস্তশ্রীশারদাপরিবীজিতা ।
লজ্জাপদসমারাধ্যা লম্পটা লকুলেশ্বরী ॥ 37 ॥
লব্ধমানা লব্ধরসা লব্ধসম্পত্সমুন্নতিঃ ।
হ্রীংকারিণী হ্রীংকারাদ্যা হ্রীংমধ্যা হ্রীংশিখামণিঃ ॥ 38 ॥
হ্রীংকারকুণ্ডাগ্নিশিখা হ্রীংকারশশিচন্দ্রিকা ।
হ্রীংকারভাস্কররুচির্হ্রীংকারাম্ভোদচঞ্চলা ॥ 39 ॥
হ্রীংকারকন্দাঙ্কুরিকা হ্রীংকারৈকপরাযণা ।
হ্রীংকারদীর্ঘিকাহংসী হ্রীংকারোদ্যানকেকিনী ॥ 40 ॥
হ্রীংকারারণ্যহরিণী হ্রীংকারাবালবল্লরী ।
হ্রীংকারপঞ্জরশুকী হ্রীংকারাঙ্গণদীপিকা ॥ 41 ॥
হ্রীংকারকন্দরাসিংহী হ্রীংকারাম্ভোজভৃঙ্গিকা ।
হ্রীংকারসুমনোমাধ্বী হ্রীংকারতরুমঞ্জরী ॥ 42 ॥
সকারাখ্যা সমরসা সকলাগমসংস্তুতা ।
সর্ববেদান্ততাত্পর্যভূমিঃ সদসদাশ্রযা ॥ 43 ॥
সকলা সচ্চিদানন্দা সাধ্যা সদ্গতিদাযিনী ।
সনকাদিমুনিধ্যেযা সদাশিবকুটুম্বিনী ॥ 44 ॥
সকালাধিষ্ঠানরূপা সত্যরূপা সমাকৃতিঃ ।
সর্বপ্রপঞ্চনির্মাত্রী সমনাধিকবর্জিতা ॥ 45 ॥
সর্বোত্তুঙ্গা সঙ্গহীনা সগুণা সকলেষ্টদা ।
ককারিণী কাব্যলোলা কামেশ্বরমনোহরা ॥ 46 ॥
কামেশ্বরপ্রাণনাডী কামেশোত্সঙ্গবাসিনী ।
কামেশ্বরালিঙ্গিতাঙ্গী কামেশ্বরসুখপ্রদা ॥ 47 ॥
কামেশ্বরপ্রণযিনী কামেশ্বরবিলাসিনী ।
কামেশ্বরতপঃসিদ্ধিঃ কামেশ্বরমনঃপ্রিযা ॥ 48 ॥
কামেশ্বরপ্রাণনাথা কামেশ্বরবিমোহিনী ।
কামেশ্বরব্রহ্মবিদ্যা কামেশ্বরগৃহেশ্বরী ॥ 49 ॥
কামেশ্বরাহ্লাদকরী কামেশ্বরমহেশ্বরী ।
কামেশ্বরী কামকোটিনিলযা কাঙ্ক্ষিতার্থদা ॥ 50 ॥
লকারিণী লব্ধরূপা লব্ধধীর্লব্ধবাঞ্ছিতা ।
লব্ধপাপমনোদূরা লব্ধাহঙ্কারদুর্গমা ॥ 51 ॥
লব্ধশক্তির্লব্ধদেহা লব্ধৈশ্বর্যসমুন্নতিঃ ।
লব্ধবৃদ্ধির্লব্ধলীলা লব্ধযৌবনশালিনী ॥ 52 ॥
লব্ধাতিশযসর্বাঙ্গসৌন্দর্যা লব্ধবিভ্রমা ।
লব্ধরাগা লব্ধপতির্লব্ধনানাগমস্থিতিঃ ॥ 53 ॥
লব্ধভোগা লব্ধসুখা লব্ধহর্ষাভিপূরিতা ।
হ্রীংকারমূর্তির্হ্রীংকারসৌধশৃঙ্গকপোতিকা ॥ 54 ॥
হ্রীংকারদুগ্ধাব্ধিসুধা হ্রীংকারকমলেন্দিরা ।
হ্রীংকারমণিদীপার্চির্হ্রীংকারতরুশারিকা ॥ 55 ॥
হ্রীংকারপেটকমণির্হ্রীংকারাদর্শবিম্বিতা ।
হ্রীংকারকোশাসিলতা হ্রীংকারাস্থাননর্তকী ॥ 56 ॥
হ্রীংকারশুক্তিকামুক্তামণির্হ্রীংকারবোধিতা ।
হ্রীংকারমযসৌবর্ণস্তম্ভবিদ্রুমপুত্রিকা ॥ 57 ॥
হ্রীংকারবেদোপনিষদ্ হ্রীংকারাধ্বরদক্ষিণা ।
হ্রীংকারনন্দনারামনবকল্পকবল্লরী ॥ 58 ॥
হ্রীংকারহিমবদ্গঙ্গা হ্রীংকারার্ণবকৌস্তুভা ।
হ্রীংকারমন্ত্রসর্বস্বা হ্রীংকারপরসৌখ্যদা ॥ 59 ॥
উত্তরপীঠিকা (ফলশৃতিঃ)
হযগ্রীব উবাচ ।
ইত্যেবং তে মযাখ্যাতং দেব্যা নামশতত্রযম্ ।
রহস্যাতিরহস্যত্বাদ্গোপনীযং ত্বযা মুনে ॥ 1 ॥
শিববর্ণানি নামানি শ্রীদেব্যা কথিতানি হি ।
শক্ত্যক্ষরাণি নামানি কামেশকথিতানি চ ॥ 2 ॥
উভযাক্ষরনামানি হ্যুভাভ্যাং কথিতানি বৈ ।
তদন্যৈর্গ্রথিতং স্তোত্রমেতস্য সদৃশং কিমু ॥ 3 ॥
নানেন সদৃশং স্তোত্রং শ্রীদেবীপ্রীতিদাযকম্ ।
লোকত্রযেঽপি কল্যাণং সম্ভবেন্নাত্র সংশযঃ ॥ 4 ॥
সূত উবাচ ।
ইতি হযমুখগীতং স্তোত্ররাজং নিশম্য
প্রগলিতকলুষোঽভূচ্চিত্তপর্যাপ্তিমেত্য ।
নিজগুরুমথ নত্বা কুম্ভজন্মা তদুক্তং
পুনরধিকরহস্যং জ্ঞাতুমেবং জগাদ ॥ 5 ॥
অগস্ত্য উবাচ ।
অশ্বানন মহাভাগ রহস্যমপি মে বদ ।
শিববর্ণানি কান্যত্র শক্তিবর্ণানি কানি হি ॥ 6 ॥
উভযোরপি বর্ণানি কানি বা বদ দেশিক ।
ইতি পৃষ্টঃ কুম্ভজেন হযগ্রীবোঽবদত্পুনঃ ॥ 7 ॥
হযগ্রীব উবাচ ।
তব গোপ্যং কিমস্তীহ সাক্ষাদম্বানুশাসনাত্ ।
ইদং ত্বতিরহস্যং তে বক্ষ্যামি শৃণু কুম্ভজ ॥ 8 ॥
এতদ্বিজ্ঞানমাত্রেণ শ্রীবিদ্যা সিদ্ধিদা ভবেত্ ।
কত্রযং হদ্বযং চৈব শৈবো ভাগঃ প্রকীর্তিতঃ ॥ 9 ॥
শক্ত্যক্ষরাণি শেষাণি হ্রীঙ্কার উভযাত্মকঃ ।
এবং বিভাগমজ্ঞাত্বা যে বিদ্যাজপশালিনঃ ॥ 10 ॥
ন তেষাং সিদ্ধিদা বিদ্যা কল্পকোটিশতৈরপি ।
চতুর্ভিঃ শিবচক্রৈশ্চ শক্তিচক্রৈশ্চ পঞ্চভিঃ ॥ 11 ॥
নবচক্রৈশ্চ সংসিদ্ধং শ্রীচক্রং শিবযোর্বপুঃ ।
ত্রিকোণমষ্টকোণং চ দশকোণদ্বযং তথা ॥ 12 ॥
চতুর্দশারং চৈতানি শক্তিচক্রাণি পঞ্চ চ ।
বিন্দুশ্চাষ্টদলং পদ্মং পদ্মং ষোডশপত্রকম্ ॥ 13 ॥
চতুরশ্রং চ চত্বারি শিবচক্রাণ্যনুক্রমাত্ ।
ত্রিকোণে বৈন্দবং শ্লিষ্টং অষ্টারেঽষ্টদলাম্বুজম্ ॥ 14 ॥
দশারযোঃ ষোডশারং ভূগৃহং ভুবনাশ্রকে ।
শৈবানামপি শাক্তানাং চক্রাণাং চ পরস্পরম্ ॥ 15 ॥
অবিনাভাবসম্বন্ধং যো জানাতি স চক্রবিত্ ।
ত্রিকোণরূপিণী শক্তির্বিন্দুরূপপরঃ শিবঃ ॥ 16 ॥
অবিনাভাবসম্বন্ধং তস্মাদ্বিন্দুত্রিকোণযোঃ ।
এবং বিভাগমজ্ঞাত্বা শ্রীচক্রং যঃ সমর্চযেত্ ॥ 17 ॥
ন তত্ফলমবাপ্নোতি ললিতাম্বা ন তুষ্যতি ।
যে চ জানন্তি লোকেঽস্মিন্ শ্রীবিদ্যাচক্রবেদিনঃ ॥ 18 ॥
সামন্যবেদিনঃ সর্বে বিশেষজ্ঞোঽতিদুর্লভঃ ।
স্বযংবিদ্যাবিশেষজ্ঞো বিশেষজ্ঞং সমর্চযেত্ ॥ 19 ॥
তস্মৈ দেযং ততো গ্রাহ্যমশক্তস্তস্য দাপযেত্ ।
অন্ধং তমঃ প্রবিশন্তি যেঽবিদ্যাং সমুপাসতে ॥ 20 ॥
ইতি শ্রুতিরপাহৈতানবিদ্যোপাসকান্পুনঃ ।
বিদ্যান্যোপাসকানেব নিন্দত্যারুণিকী শ্রুতিঃ ॥ 21 ॥
অশ্রুতা সশ্রুতাসশ্চ যজ্বানো যেঽপ্যযজ্বনঃ ।
স্বর্যন্তো নাপেক্ষন্তে ইন্দ্রমগ্নিং চ যে বিদুঃ ॥ 22 ॥
সিকতা ইব সংযন্তি রশ্মিভিঃ সমুদীরিতাঃ ।
অস্মাল্লোকাদমুষ্মাচ্চেত্যাহ চারণ্যকশ্রুতিঃ ॥ 23 ॥
যস্য নো পশ্চিমং জন্ম যদি বা শঙ্করঃ স্বযম্ ।
তেনৈব লভ্যতে বিদ্যা শ্রীমত্পঞ্চদশাক্ষরী ॥ 24 ॥
ইতি মন্ত্রেষু বহুধা বিদ্যাযা মহিমোচ্যতে ।
মোক্ষৈকহেতুবিদ্যা তু শ্রীবিদ্যা নাত্র সংশযঃ ॥ 25 ॥
ন শিল্পাদিজ্ঞানযুক্তে বিদ্বচ্ছব্ধঃ প্রযুজ্যতে ।
মোক্ষৈকহেতুবিদ্যা সা শ্রীবিদ্যৈব ন সংশযঃ ॥ 26 ॥
তস্মাদ্বিদ্যাবিদেবাত্র বিদ্বান্বিদ্বানিতীর্যতে ।
স্বযং বিদ্যাবিদে দদ্যাত্খ্যাপযেত্তদ্গুণান্সুধীঃ ॥ 27 ॥
স্বযংবিদ্যারহস্যজ্ঞো বিদ্যামাহাত্ম্যবেদ্যপি ।
বিদ্যাবিদং নার্চযেচ্চেত্কো বা তং পূজযেজ্জনঃ ॥ 28 ॥
প্রসঙ্গাদিদমুক্তং তে প্রকৃতং শৃণু কুম্ভজ ।
যঃ কীর্তযেত্সকৃদ্ভক্ত্যা দিব্যনামশতত্রযম্ ॥ 29 ॥
তস্য পুণ্যমহং বক্ষ্যে শৃণু ত্বং কুম্ভসম্ভব ।
রহস্যনামসাহস্রপাঠে যত্ফলমীরিতম্ ॥ 30 ॥
তত্ফলং কোটিগুণিতমেকনামজপাদ্ভবেত্ ।
কামেশ্বরীকামেশাভ্যাং কৃতং নামশতত্রযম্ ॥ 31 ॥
নান্যেন তুলযেদেতত্ স্তোত্রেণান্যকৃতেন চ ।
শ্রিযঃ পরম্পরা যস্য ভাবি বা চোত্তরোত্তরম্ ॥ 32 ॥
তেনৈব লভ্যতে চৈতত্পশ্চাচ্ছ্রেযঃ পরীক্ষযেত্ ।
অস্যা নাম্নাং ত্রিশত্যাস্তু মহিমা কেন বর্ণ্যতে ॥ 33 ॥
যা স্বযং শিবযোর্বক্ত্রপদ্মাভ্যাং পরিনিঃসৃতা ।
নিত্যং ষোডশসঙ্খ্যাকান্বিপ্রানাদৌ তু ভোজযেত্ ॥ 34 ॥
অভ্যক্তাংস্তিলতৈলেন স্নাতানুষ্ণেন বারিণা ।
অভ্যর্চ্য গন্ধপুষ্পাদ্যৈঃ কামেশ্বর্যাদিনামভিঃ ॥ 35 ॥
সূপাপূপৈঃ শর্করাদ্যৈঃ পাযসৈঃ ফলসংযুতৈঃ ।
বিদ্যাবিদো বিশেষেণ ভোজযেত্ষোডশ দ্বিজান্ ॥ 36 ॥
এবং নিত্যার্চনং কুর্যাদাদৌ ব্রাহ্মণভোজনম্ ।
ত্রিশতীনামভিঃ পশ্চাদ্ব্রাহ্মণান্ক্রমশোঽর্চযেত্ ॥ 37 ॥
তৈলাভ্যঙ্গাদিকং দত্বা বিভবে সতি ভক্তিতঃ ।
শুক্লপ্রতিপদারভ্য পৌর্ণমাস্যবধি ক্রমাত্ ॥ 38 ॥
দিবসে দিবসে বিপ্রা ভোজ্যা বিংশতিসঙ্খ্যযা ।
দশভিঃ পঞ্চভির্বাপি ত্রিভিরেকেন বা দিনৈঃ ॥ 39 ॥
ত্রিংশত্ষষ্টিঃ শতং বিপ্রাঃ সম্ভোজ্যাস্ত্রিশতং ক্রমাত্ ।
এবং যঃ কুরুতে ভক্ত্যা জন্মমধ্যে সকৃন্নরঃ ॥ 40 ॥
তস্যৈব সফলং জন্ম মুক্তিস্তস্য করে স্থিরা ।
রহস্যনামসাহস্রভোজনেঽপ্যেবমেব হি ॥ 41 ॥
আদৌ নিত্যবলিং কুর্যাত্পশ্চাদ্ব্রাহ্মণভোজনম্ ।
রহস্যনামসাহস্রমহিমা যো মযোদিতঃ ॥ 42 ॥
স শীকরাণুরত্নৈকনাম্নো মহিমবারিধেঃ ।
বাগ্দেবীরচিতে নামসাহস্রে যদ্যদীরিতম্ ॥ 43 ॥
তত্ফলং কোটিগুণিতং নাম্নোঽপ্যেকস্য কীর্তনাত্ ।
এতদন্যৈর্জপৈঃ স্তোত্রৈরর্চনৈর্যত্ফলং ভবেত্ ॥ 44 ॥
তত্ফলং কোটিগুণিতং ভবেন্নামশতত্রযাত্ ।
বাগ্দেবীরচিতে স্তোত্রে তাদৃশো মহিমা যদি ॥ 45 ॥
সাক্ষাত্কামেশকামেশীকৃতেঽস্মিন্গৃহ্যতামিতি ।
সকৃত্সঙ্কীর্তনাদেব নাম্নামস্মিন্ শতত্রযে ॥ 46 ॥
ভবেচ্চিত্তস্য পর্যাপ্তির্ন্যূনমন্যানপেক্ষিণী ।
ন জ্ঞাতব্যমিতোঽপ্যন্যত্র জপ্তব্যং চ কুম্ভজ ॥ 47 ॥
যদ্যত্সাধ্যতমং কার্যং তত্তদর্থমিদং জপেত্ ।
তত্তত্ফলমবাপ্নোতি পশ্চাত্কার্যং পরীক্ষযেত্ ॥ 48 ॥
যে যে প্রযোগাস্তন্ত্রেষু তৈস্তৈর্যত্সাধ্যতে ফলম্ ।
তত্সর্বং সিধ্যতি ক্ষিপ্রং নামত্রিশতকীর্তনাত্ ॥ 49 ॥
আযুষ্করং পুষ্টিকরং পুত্রদং বশ্যকারকম্ ।
বিদ্যাপ্রদং কীর্তিকরং সুকবিত্বপ্রদাযকম্ ॥ 50 ॥
সর্বসম্পত্প্রদং সর্বভোগদং সর্বসৌখ্যদম্ ।
সর্বাভীষ্টপ্রদং চৈব দেব্যা নামশতত্রযম্ ॥ 51 ॥
এতজ্জপপরো ভূযান্নান্যদিচ্ছেত্কদাচন ।
এতত্কীর্তনসন্তুষ্টা শ্রীদেবী ললিতাম্বিকা ॥ 52 ॥
ভক্তস্য যদ্যদিষ্টং স্যাত্তত্তত্পূরযতে ধ্রুবম্ ।
তস্মাত্কুম্ভোদ্ভব মুনে কীর্তয ত্বমিদং সদা ॥ 53 ॥
নাপরং কিঞ্চিদপি তে বোদ্ধব্যমবশিষ্যতে ।
ইতি তে কথিতং স্তোত্রং ললিতাপ্রীতিদাযকম্ ॥ 54 ॥
নাবিদ্যাবেদিনে ব্রূযান্নাভক্তায কদাচন ।
ন শঠায ন দুষ্টায নাবিশ্বাসায কর্হিচিত্ ॥ 56 ॥
যো ব্রূযাত্ত্রিশতীং নাম্নাং তস্যানর্থো মহান্ভবেত্ ।
ইত্যাজ্ঞা শাঙ্করী প্রোক্তা তস্মাদ্গোপ্যমিদং ত্বযা ॥ 57 ॥
ললিতাপ্রেরিতেনৈব মযোক্তং স্তোত্রমুত্তমম্ ।
রহস্যনামসাহস্রাদপি গোপ্যমিদং মুনে ॥ 58 ॥
সূত উবাচ ।
এবমুক্ত্বা হযগ্রীবঃ কুম্ভজং তাপসোত্তমম্ ।
স্তোত্রেণানেন ললিতাং স্তুত্বা ত্রিপুরসুন্দরীম্ ।
আনন্দলহরীমগ্নমানসঃ সমবর্তত ॥ 59 ॥
ইতি ব্রহ্মাণ্ডপুরাণে উত্তরখণ্ডে হযগ্রীবাগস্ত্যসংবাদে ললিতোপাখ্যানে স্তোত্রখণ্ডে শ্রীললিতাত্রিশতীস্তোত্ররত্নম্ ।
About This Stotram
Overview
Sri Lalitha Trishati Stotram is a Sanskrit stotram in 117 verses dedicated to Goddess Lalitha Tripurasundari. The nyasa assigns Lord Hayagriva as the rishi, connecting the text to the Sri Vidya tradition where Hayagriva is the divine teacher of the Srikula lineage. The stotram includes nyasa, dhyana, and bija mantras, reflecting its Tantric structure. It belongs to the Shakta tradition of Sri Vidya upasana.
What are the benefits of chanting Sri Lalitha Trishati Stotram?
- Chanting is said to lead to attainment of the four human goals: dharma, artha, kama, and moksha.
- Devotees recite it for spiritual purification and liberation.
- It is used for protection from negative energies and obstacles.
- The bija mantras within the text are considered potent for invocation of the Goddess.
- Regular recitation is associated with Lalitha's grace and blessings.
When is the best time to recite this?
Morning and evening recitation are traditional. Lalitha Panchami, Navaratri, and the month of Shravana are especially recommended. It is a core text in Sri Vidya ritual and is recited alongside the Lalitha Sahasranama.
Historical and traditional background
The attribution to Lord Hayagriva as rishi places this stotram within the Sri Vidya lineage transmitted through the Srikula Shakta tradition. Hayagriva, the horse-headed avatar of Vishnu, is the principal teacher of Sri Vidya according to tradition. The inclusion of bija mantras like "Aim," "Sauh," and "Klim" and the formal nyasa structure indicate Tantric composition. The trishati is a recognized component of Lalitha puja across South Indian Shakta traditions. The exact date of composition is not known.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Sri Lalitha Trishati Namavali — the namavali form of the same 300 names, used for puja worship with individual salutations.
- Sri Lalita Sahasranama — the foundational thousand-name hymn from the Brahmanda Purana, the primary text of Srikula worship.