Sri Lalitha Mula Mantra Kavacham

śrī lalitā mūla mantra kavacam

Śloka 1

asya śrīlalitā kavaca stavaratna mantrasya, ānandabhairava ṛṣiḥ, amṛtavirāṭ chandaḥ, śrī mahātripurasundarī lalitāparāmbā devatā aiṃ bījaṃ hrīṃ śaktiḥ śrīṃ kīlakaṃ, mama śrī lalitāmbā prasādasiddhyarthe śrī lalitā kavacastavaratna mantra jape viniyogaḥ |

karanyāsaḥ |

aiṃ aṅguṣṭhābhyāṃ namaḥ |

hrīṃ tarjanībhyāṃ namaḥ |

śrīṃ madhyamābhyāṃ namaḥ |

śrīṃ anāmikābhyāṃ namaḥ |

hrīṃ kaniṣṭhikābhyāṃ namaḥ |

aiṃ karatalakarapṛṣṭhābhyāṃ namaḥ |

aṅganyāsaḥ |

aiṃ hṛdayāya namaḥ |

hrīṃ śirase svāhā |

śrīṃ śikhāyai vaṣaṭ |

śrīṃ kavacāya hum |

hrīṃ netratrayāya vauṣaṭ |

aiṃ astrāya phaṭ |

bhūrbhuvassuvaromiti digbandhaḥ |

dhyānam –

śrīvidyāṃ paripūrṇameruśikhare bindutrikoṇesthitāṃ

vāgīśādi samastabhūtajananīṃ mañce śivākārake |

kāmākṣīṃ karuṇārasārṇavamayīṃ kāmeśvarāṅkasthitāṃ

kāntāṃ cinmayakāmakoṭinilayāṃ śrībrahmavidyāṃ bhaje || 1 ||

lamityādi pañcapūjāṃ kuryāt |

laṃ – pṛthvītattvātmikāyai śrīlalitādevyai gandhaṃ samarpayāmi |

haṃ – ākāśatattvātmikāyai śrīlalitādevyai puṣpaṃ samarpayāmi |

yaṃ – vāyutattvātmikāyai śrī lalitādevyai dhūpaṃ samarpayāmi |

raṃ – vahnitattvātmikāyai śrī lalitādevyai dīpaṃ samarpayāmi |

vaṃ – amṛtatattvātmikāyai śrī lalitādevyai amṛtanaivedyaṃ samarpayāmi |

pañcapūjāṃ kṛtvā yonimudrāṃ pradarśya |

atha kavacam |

kakāraḥ pātu śīrṣaṃ me ekāraḥ pātu phālakam |

īkāraścakṣuṣī pātu śrotre rakṣellakārakaḥ || 2 ||

hrīṅkāraḥ pātu nāsāgraṃ vaktraṃ vāgbhavasañjñikaḥ |

hakāraḥ pātu kaṇṭhaṃ me sakāraḥ skandhadeśakam || 3 ||

kakāro hṛdayaṃ pātu hakāro jaṭharaṃ tathā |

lakāro nābhideśaṃ tu hrīṅkāraḥ pātu guhyakam || 4 ||

kāmakūṭaḥ sadā pātu kaṭideśaṃ mamāvatu |

sakāraḥ pātu corū me kakāraḥ pātu jānunī || 5 ||

lakāraḥ pātu jaṅghe me hrīṅkāraḥ pātu gulphakau |

śaktikūṭaṃ sadā pātu pādau rakṣatu sarvadā || 6 ||

mūlamantrakṛtaṃ caitatkavacaṃ yo japennaraḥ |

pratyahaṃ niyataḥ prātastasya lokā vaśaṃvadāḥ || 7 ||

uttaranyāsaḥ |

karanyāsaḥ –

aiṃ aṅguṣṭhābhyāṃ namaḥ |

hrīṃ tarjanībhyāṃ namaḥ |

śrīṃ madhyamābhyāṃ namaḥ |

śrīṃ anāmikābhyāṃ namaḥ |

hrīṃ kaniṣṭhikābhyāṃ namaḥ |

aiṃ karatalakarapṛṣṭhābhyāṃ namaḥ |

aṅganyāsaḥ |

aiṃ hṛdayāya namaḥ |

hrīṃ śirase svāhā |

śrīṃ śikhāyai vaṣaṭ |

śrīṃ kavacāya hum |

hrīṃ netratrayāya vauṣaṭ |

aiṃ astrāya phaṭ |

bhūrbhuvassuvaromiti digvimokaḥ |

iti brahmakṛta śrī lalitā mūlamantra kavacam |