Sri Lakshmi Sahasra Nama Stotram

zrI lakSmI sahasranAma stotraM

zloka 1

nAmnAM sASTasahasraJca brUhi gArgya mahAmate |

mahAlakSmyA mahAdevyA bhuktimuktyarthasiddhaye || 1 ||

gArgya uvAca

sanatkumAramAsInaM dvAdazAdityasannibham |

apRcchanyogino bhaktyA yoginAmarthasiddhaye || 2 ||

sarvalaukikakarmabhyo vimuktAnAM hitAya vai |

bhuktimuktipradaM japyamanubrUhi dayAnidhe || 3 ||

sanatkumAra bhagavansarvajJo'si vizeSataH |

Astikyasiddhaye nRRNAM kSipradharmArthasAdhanam || 4 ||

khidyanti mAnavAssarve dhanAbhAvena kevalam |

siddhyanti dhanino'nyasya naiva dharmArthakAmanAH || 5 ||

dAridryadhvaMsinI nAma kena vidyA prakIrtitA |

kena vA brahmavidyA'pi kena mRtyuvinAzinI || 6 ||

sarvAsAM sArabhUtaikA vidyAnAM kena kIrtitA |

pratyakSasiddhidA brahman tAmAcakSva dayAnidhe || 7 ||

sanatkumAra uvAca

sAdhu pRSTaM mahAbhAgAssarvalokahitaiSiNaH |

mahatAmeSa dharmazca nAnyeSAmiti me matiH || 8 ||

brahmaviSNumahAdevamahendrAdimahAtmabhiH |

samproktaM kathayAmyadya lakSmInAmasahasrakam || 9 ||

yasyoccAraNamAtreNa dAridryAnmucyate naraH |

kiM punastajjapAjjApI sarveSTArthAnavApnuyAt || 10 ||

asya zrIlakSmIdivyasahasranAmastotramahAmantrasya AnandakardamaciklItendirAsutAdayo mahAtmAno maharSayaH anuSTupchandaH viSNumAyA zaktiH mahAlakSmIH parAdevatA zrImahAlakSmIprasAdadvArA sarveSTArthasiddhyarthe jape viniyogaH |

dhyAnam

padmanAbhapriyAM devIM padmAkSIM padmavAsinIm |

padmavaktrAM padmahastAM vande padmAmaharnizam || 1 ||

pUrNenduvadanAM divyaratnAbharaNabhUSitAm |

varadAbhayahastADhyAM dhyAyeccandrasahodarIm || 2 ||

icchArUpAM bhagavatassaccidAnandarUpiNIm |

sarvajJAM sarvajananIM viSNuvakSassthalAlayAm |

dayAlumanizaM dhyAyetsukhasiddhisvarUpiNIm || 3 ||

stotram

nityAgatAnantanityA nandinI janaraJjanI |

nityaprakAzinI caiva svaprakAzasvarUpiNI || 1 ||

mahAlakSmIrmahAkAlI mahAkanyA sarasvatI |

bhogavaibhavasandhAtrI bhaktAnugrahakAriNI || 2 ||

IzAvAsyA mahAmAyA mahAdevI mahezvarI |

hRllekhA paramA zaktirmAtRkAbIjarUpiNI || 3 ||

nityAnandA nityabodhA nAdinI janamodinI |

satyapratyayanI caiva svaprakAzAtmarUpiNI || 4 ||

tripurA bhairavI vidyA haMsA vAgIzvarI zivA |

vAgdevI ca mahArAtriH kAlarAtristrilocanA || 5 ||

bhadrakAlI karAlI ca mahAkAlI tilottamA |

kAlI karAlavaktrAntA kAmAkSI kAmadA zubhA || 6 ||

caNDikA caNDarUpezA cAmuNDA cakradhAriNI |

trailokyajayinI devI trailokyavijayottamA || 7 ||

siddhalakSmIH kriyAlakSmIrmokSalakSmIH prasAdinI |

umA bhagavatI durgA cAndrI dAkSAyaNI zivA || 8 ||

pratyaGgirA dharAvelA lokamAtA haripriyA |

pArvatI paramA devI brahmavidyApradAyinI || 9 ||

arUpA bahurUpA ca virUpA vizvarUpiNI |

paJcabhUtAtmikA vANI paJcabhUtAtmikA parA || 10 ||

kAlI mA paJcikA vAgmI haviHpratyadhidevatA |

devamAtA surezAnA devagarbhA'mbikA dhRtiH || 11 ||

saGkhyA jAtiH kriyAzaktiH prakRtirmohinI mahI |

yajJavidyA mahAvidyA guhyavidyA vibhAvarI || 12 ||

jyotiSmatI mahAmAtA sarvamantraphalapradA |

dAridryadhvaMsinI devI hRdayagranthibhedinI || 13 ||

sahasrAdityasaGkAzA candrikA candrarUpiNI |

gAyatrI somasambhUtissAvitrI praNavAtmikA || 14 ||

zAGkarI vaiSNavI brAhmI sarvadevanamaskRtA |

sevyadurgA kuberAkSI karavIranivAsinI || 15 ||

jayA ca vijayA caiva jayantI cA'parAjitA |

kubjikA kAlikA zAstrI vINApustakadhAriNI || 16 ||

sarvajJazaktizzrIzaktirbrahmaviSNuzivAtmikA |

iDApiGgalikAmadhyamRNAlItanturUpiNI || 17 ||

yajJezAnI prathA dIkSA dakSiNA sarvamohinI |

aSTAGgayoginI devI nirbIjadhyAnagocarA || 18 ||

sarvatIrthasthitA zuddhA sarvaparvatavAsinI |

vedazAstraprabhA devI SaDaGgAdipadakramA || 19 ||

zivA dhAtrI zubhAnandA yajJakarmasvarUpiNI |

vratinI menakA devI brahmANI brahmacAriNI || 20 ||

ekAkSaraparA tArA bhavabandhavinAzinI |

vizvambharA dharAdhArA nirAdhArA'dhikasvarA || 21 ||

rAkA kuhUramAvAsyA pUrNimA'numatirdyutiH |

sinIvAlI zivA'vazyA vaizvadevI pizaGgilA || 22 ||

pippalA ca vizAlAkSI rakSoghnI vRSTikAriNI |

duSTavidrAviNI devI sarvopadravanAzinI || 23 ||

zAradA zarasandhAnA sarvazastrasvarUpiNI |

yuddhamadhyasthitA devI sarvabhUtaprabhaJjanI || 24 ||

ayuddhA yuddharUpA ca zAntA zAntisvarUpiNI |

gaGgA sarasvatIveNIyamunAnarmadApagA || 25 ||

samudravasanAvAsA brahmANDazroNimekhalA |

paJcavaktrA dazabhujA zuddhasphaTikasannibhA || 26 ||

raktA kRSNA sitA pItA sarvavarNA nirIzvarI |

kAlikA cakrikA devI satyA tu vaTukAsthitA || 27 ||

taruNI vAruNI nArI jyeSThAdevI surezvarI |

vizvambharAdharA kartrI galArgalavibhaJjanI || 28 ||

sandhyArAtrirdivAjyotsnA kalAkASThA nimeSikA |

urvI kAtyAyanI zubhrA saMsArArNavatAriNI || 29 ||

kapilA kIlikA'zokA mallikAnavamallikA | [ mallikAnavamAlikA ]

devikA nandikA zAntA bhaJjikA bhayabhaJjikA || 30 ||

kauzikI vaidikI devI saurI rUpAdhikA'tibhA |

digvastrA navavastrA ca kanyakA kamalodbhavA || 31 ||

zrIssaumyalakSaNA'tItadurgA sUtraprabodhikA |

zraddhA medhA kRtiH prajJA dhAraNA kAntireva ca || 32 ||

zrutiH smRtirdhRtirdhanyA bhUtiriSTirmanISiNI |

viraktirvyApinI mAyA sarvamAyAprabhaJjanI || 33 ||

mAhendrI mantriNI siMhI cendrajAlasvarUpiNI |

avasthAtrayanirmuktA guNatrayavivarjitA || 34 ||

ISaNAtrayanirmuktA sarvarogavivarjitA |

yogidhyAnAntagamyA ca yogadhyAnaparAyaNA || 35 ||

trayIzikhA vizeSajJA vedAntajJAnarUpiNI |

bhAratI kamalA bhASA padmA padmavatI kRtiH || 36 ||

gautamI gomatI gaurI IzAnA haMsavAhinI |

nArAyaNI prabhAdhArA jAhnavI zaGkarAtmajA || 37 ||

citraghaNTA sunandA zrIrmAnavI manusambhavA |

stambhinI kSobhiNI mArI bhrAmiNI zatrumAriNI || 38 ||

mohinI dveSiNI vIrA aghorA rudrarUpiNI |

rudraikAdazinI puNyA kalyANI lAbhakAriNI || 39 ||

devadurgA mahAdurgA svapnadurgA'STabhairavI |

sUryacandrAgnirUpA ca grahanakSatrarUpiNI || 40 ||

bindunAdakalAtItA bindunAdakalAtmikA |

dazavAyujayAkArA kalASoDazasaMyutA || 41 ||

kAzyapI kamalAdevI nAdacakranivAsinI |

mRDAdhArA sthirA guhyA devikA cakrarUpiNI || 42 ||

avidyA zArvarI bhuJjA jambhAsuranibarhiNI |

zrIkAyA zrIkalA zubhrA karmanirmUlakAriNI || 43 ||

AdilakSmIrguNAdhArA paJcabrahmAtmikA parA |

zrutirbrahmamukhAvAsA sarvasampattirUpiNI || 44 ||

mRtasaJjIvanI maitrI kAminI kAmavarjitA |

nirvANamArgadA devI haMsinI kAzikA kSamA || 45 ||

saparyA guNinI bhinnA nirguNA khaNDitAzubhA |

svAminI vedinI zakyA zAmbarI cakradhAriNI || 46 ||

daNDinI muNDinI vyAghrI zikhinI somasaMhatiH |

cintAmaNizcidAnandA paJcabANaprabodhinI || 47 ||

bANazreNissahasrAkSI sahasrabhujapAdukA |

sandhyAvalistrisandhyAkhyA brahmANDamaNibhUSaNA || 48 ||

vAsavI vAruNIsenA kulikA mantraraJjanI |

jitaprANasvarUpA ca kAntA kAmyavarapradA || 49 ||

mantrabrAhmaNavidyArthA nAdarUpA haviSmatI |

AtharvaNiH zrutiH zUnyA kalpanAvarjitA satI || 50 ||

sattAjAtiH pramA'meyA'pramitiH prANadA gatiH |

avarNA paJcavarNA ca sarvadA bhuvanezvarI || 51 ||

trailokyamohinI vidyA sarvabhartrI kSarA'kSarA |

hiraNyavarNA hariNI sarvopadravanAzinI || 52 ||

kaivalyapadavIrekhA sUryamaNDalasaMsthitA |

somamaNDalamadhyasthA vahnimaNDalasaMsthitA || 53 ||

vAyumaNDalamadhyasthA vyomamaNDalasaMsthitA |

cakrikA cakramadhyasthA cakramArgapravartinI || 54 ||

kokilAkulacakrezA pakSatiH paGktipAvanI |

sarvasiddhAntamArgasthA SaDvarNAvaravarjitA || 55 ||

zararudraharA hantrI sarvasaMhArakAriNI |

puruSA pauruSI tuSTissarvatantraprasUtikA || 56 ||

ardhanArIzvarI devI sarvavidyApradAyinI |

bhArgavI yAjuSIvidyA sarvopaniSadAsthitA || 57 || [ bhujuSIvidyA ]

vyomakezAkhilaprANA paJcakozavilakSaNA |

paJcakozAtmikA pratyakpaJcabrahmAtmikA zivA || 58 ||

jagajjarAjanitrI ca paJcakarmaprasUtikA |

vAgdevyAbharaNAkArA sarvakAmyasthitAsthitiH || 59 ||

aSTAdazacatuSSaSThipIThikA vidyayA yutA |

kAlikAkarSaNazyAmA yakSiNI kinnarezvarI || 60 ||

ketakI mallikA'zokA vArAhI dharaNI dhruvA |

nArasiMhI mahogrAsyA bhaktAnAmArtinAzinI || 61 ||

antarbalA sthirA lakSmIrjarAmaraNanAzinI |

zrIraJjitA mahAkAyA somasUryAgnilocanA || 62 ||

aditirdevamAtA ca aSTaputrA'STayoginI |

aSTaprakRtiraSTASTavibhrAjadvikRtAkRtiH || 63 ||

durbhikSadhvaMsinI devI sItA satyA ca rukmiNI |

khyAtijA bhArgavI devI devayonistapasvinI || 64 ||

zAkambharI mahAzoNA garuDoparisaMsthitA |

siMhagA vyAghragA devI vAyugA ca mahAdrigA || 65 ||

akArAdikSakArAntA sarvavidyAdhidevatA |

mantravyAkhyAnanipuNA jyotizzAstraikalocanA || 66 ||

iDApiGgalikAmadhyAsuSumnA granthibhedinI |

kAlacakrAzrayopetA kAlacakrasvarUpiNI || 67 ||

vaizAradI matizzreSThA variSThA sarvadIpikA |

vainAyakI varArohA zroNivelA bahirvaliH || 68 ||

jambhinI jRmbhiNI jambhakAriNI gaNakArikA |

zaraNI cakrikA'nantA sarvavyAdhicikitsakI || 69 ||

devakI devasaGkAzA vAridhiH karuNAkarA |

zarvarI sarvasampannA sarvapApaprabhaJjanI || 70 ||

ekamAtrA dvimAtrA ca trimAtrA ca tathA'parA |

ardhamAtrA parA sUkSmA sUkSmArthA'rthaparA'parA || 71 ||

ekavIrA vizeSAkhyA SaSThIdevI manasvinI |

naiSkarmyA niSkalAlokA jJAnakarmAdhikA guNA || 72 ||

sabandhvAnandasandohA vyomAkArA'nirUpitA |

gadyapadyAtmikA vANI sarvAlaGkArasaMyutA || 73 ||

sAdhubandhapadanyAsA sarvauko ghaTikAvaliH |

SaTkarmA karkazAkArA sarvakarmavivarjitA || 74 ||

AdityavarNA cAparNA kAminI vararUpiNI |

brahmANI brahmasantAnA vedavAgIzvarI zivA || 75 ||

purANanyAyamImAMsAdharmazAstrAgamazrutA |

sadyovedavatI sarvA haMsI vidyAdhidevatA || 76 ||

vizvezvarI jagaddhAtrI vizvanirmANakAriNI |

vaidikI vedarUpA ca kAlikA kAlarUpiNI || 77 ||

nArAyaNI mahAdevI sarvatattvapravartinI |

hiraNyavarNarUpA ca hiraNyapadasambhavA || 78 ||

kaivalyapadavI puNyA kaivalyajJAnalakSitA |

brahmasampattirUpA ca brahmasampattikAriNI || 79 ||

vAruNI vAruNArAdhyA sarvakarmapravartinI |

ekAkSaraparA''yuktA sarvadAridryabhaJjinI || 80 ||

pAzAGkuzAnvitA divyA vINAvyAkhyAkSasUtrabhRt |

ekamUrtistrayImUrtirmadhukaiTabhabhaJjinI || 81 ||

sAGkhyA sAGkhyavatI jvAlA jvalantI kAmarUpiNI |

jAgratI sarvasampattissuSuptA sveSTadAyinI || 82 ||

kapAlinI mahAdaMSTrA bhrukuTI kuTilAnanA |

sarvAvAsA suvAsA ca bRhatyaSTizca zakvarI || 83 ||

chandogaNapratiSThA ca kalmASI karuNAtmikA |

cakSuSmatI mahAghoSA khaDgacarmadharA'zaniH || 84 ||

zilpavaicitryavidyotA sarvatobhadravAsinI |

acintyalakSaNAkArA sUtrabhASyanibandhanA || 85 ||

sarvavedArthasampattissarvazAstrArthamAtRkA |

akArAdikSakArAntasarvavarNakRtasthalA || 86 ||

sarvalakSmIssadAnandA sAravidyA sadAzivA |

sarvajJA sarvazaktizca khecarIrUpagocchritA || 87 ||

aNimAdiguNopetA parA kASThA parA gatiH |

haMsayuktavimAnasthA haMsArUDhA zaziprabhA || 88 ||

bhavAnI vAsanAzaktirAkRtisthAkhilA'khilA |

tantraheturvicitrAGgI vyomagaGgAvinodinI || 89 ||

varSA ca vArSikA caiva RgyajussAmarUpiNI |

mahAnadInadIpuNyA'gaNyapuNyaguNakriyA || 90 ||

samAdhigatalabhyArthA zrotavyA svapriyA ghRNA |

nAmAkSaraparA devI upasarganakhAJcitA || 91 ||

nipAtorudvayIjaGghA mAtRkA mantrarUpiNI |

AsInA ca zayAnA ca tiSThantI dhAvanAdhikA || 92 ||

lakSyalakSaNayogADhyA tAdrUpyagaNanAkRtiH |

saikarUpA naikarUpA sendurUpA tadAkRtiH || 93 ||

samAsataddhitAkArA vibhaktivacanAtmikA |

svAhAkArA svadhAkArA zrIpatyardhAGganandinI || 94 ||

gambhIrA gahanA guhyA yoniliGgArdhadhAriNI |

zeSavAsukisaMsevyA capalA varavarNinI || 95 ||

kAruNyAkArasampattiH kIlakRnmantrakIlikA |

zaktibIjAtmikA sarvamantreSTAkSayakAmanA || 96 ||

AgneyI pArthivA ApyA vAyavyA vyomaketanA |

satyajJAnAtmikA''nandA brAhmI brahma sanAtanI || 97 ||

avidyAvAsanA mAyAprakRtissarvamohinI |

zaktirdhAraNazaktizca cidacicchaktiyoginI || 98 ||

vaktrAruNA mahAmAyA marIcirmadamardinI |

virAT svAhA svadhA zuddhA nIrUpAstissubhaktigA || 99 ||

nirUpitAdvayIvidyA nityAnityasvarUpiNI |

vairAjamArgasaJcArA sarvasatpathadarzinI || 100 ||

jAlandharI mRDAnI ca bhavAnI bhavabhaJjanI |

traikAlikajJAnatantustrikAlajJAnadAyinI || 101 ||

nAdAtItA smRtiH prajJA dhAtrIrUpA tripuSkarA |

parAjitAvidhAnajJA vizeSitaguNAtmikA || 102 ||

hiraNyakezinI hemabrahmasUtravicakSaNA |

asaGkhyeyaparArdhAntasvaravyaJjanavaikharI || 103 ||

madhujihvA madhumatI madhumAsodayA madhuH |

mAdhavI ca mahAbhAgA meghagambhIranisvanA || 104 ||

brahmaviSNumahezAdijJAtavyArthavizeSagA |

nAbhau vahnizikhAkArA lalATe candrasannibhA || 105 ||

bhrUmadhye bhAskarAkArA sarvatArAkRtirhRdi |

kRttikAdibharaNyantanakSatreSTyArcitodayA || 106 ||

grahavidyAtmikA jyotirjyotirvinmatijIvikA |

brahmANDagarbhiNI bAlA saptAvaraNadevatA || 107 ||

vairAjottamasAmrAjyA kumArakuzalodayA |

bagalA bhramarAmbA ca zivadUtI zivAtmikA || 108 ||

meruvindhyAdisaMsthAnA kAzmIrapuravAsinI |

yoganidrA mahAnidrA vinidrA rAkSasAzritA || 109 ||

suvarNadA mahAgaGgA paJcAkhyA paJcasaMhatiH |

suprajAtA suvIrA ca supoSA supatizzivA || 110 ||

sugRhA raktabIjAntA hatakandarpajIvikA |

samudravyomamadhyasthA samabindusamAzrayA || 111 ||

saubhAgyarasajIvAtussArAsAravivekadRk |

trivalyAdisupuSTAGgA bhAratI bharatAzritA || 112 ||

nAdabrahmamayIvidyA jJAnabrahmamayIparA |

brahmanADI niruktizca brahmakaivalyasAdhanam || 113 ||

kAlikeyamahodAravIryavikramarUpiNI |

vaDavAgnizikhAvaktrA mahAkavalatarpaNA || 114 ||

mahAbhUtA mahAdarpA mahAsArA mahAkratuH |

paJjabhUtamahAgrAsA paJcabhUtAdhidevatA || 115 ||

sarvapramANA sampattissarvarogapratikriyA |

brahmANDAntarbahirvyAptA viSNuvakSovibhUSiNI || 116 ||

zAGkarI vidhivaktrasthA pravarA varahetukI |

hemamAlA zikhAmAlA trizikhA paJcalocanA || 117 || [ paJcamocanA ]

sarvAgamasadAcAramaryAdA yAtubhaJjanI |

puNyazlokaprabandhADhyA sarvAntaryAmirUpiNI || 118 ||

sAmagAnasamArAdhyA zrotrakarNarasAyanam |

jIvalokaikajIvAturbhadrodAravilokanA || 119 ||

taTitkoTilasatkAntistaruNI harisundarI |

mInanetrA ca sendrAkSI vizAlAkSI sumaGgalA || 120 ||

sarvamaGgalasampannA sAkSAnmaGgaladevatA |

dehahRddIpikA dIptirjihvapApapraNAzinI || 121 ||

ardhacandrollasaddaMSTrA yajJavATIvilAsinI |

mahAdurgA mahotsAhA mahAdevabalodayA || 122 ||

DAkinIDyA zAkinIDyA sAkinIDyA samastajuT |

niraGkuzA nAkivandyA SaDAdhArAdhidevatA || 123 ||

bhuvanajJAninizzreNI bhuvanAkAravallarI |

zAzvatI zAzvatAkArA lokAnugrahakAriNI || 124 ||

sArasI mAnasI haMsI haMsalokapradAyinI |

cinmudrAlaGkRtakarA koTisUryasamaprabhA || 125 ||

sukhaprANizirorekhA sadadRSTapradAyinI |

sarvasAGkaryadoSaghnI grahopadravanAzinI || 126 ||

kSudrajantubhayaghnI ca viSarogAdibhaJjanI |

sadAzAntA sadAzuddhA gRhacchidranivAriNI || 127 ||

kalidoSaprazamanI kolAhalapurasthitA |

gaurI lAkSaNikI mukhyA jaghanyAkRtivarjitA || 128 ||

mAyA vidyA mUlabhUtA vAsavI viSNucetanA |

vAdinI vasurUpA ca vasuratnaparicchadA || 129 ||

chAndasI candrahRdayA mantrasvacchandabhairavI |

vanamAlA vaijayantI paJcadivyAyudhAtmikA || 130 ||

pItAmbaramayI caJcatkaustubhA harikAminI |

nityA tathyA ramA rAmA ramaNI mRtyubhaJjanI || 131 ||

jyeSThA kASThA dhaniSThAntA zarAGgI nirguNapriyA |

maitreyA mitravindA ca zeSyazeSakalAzayA || 132 ||

vArANasIvAsalabhyA cAryAvartajanastutA | [ vArANasIvAsaratA ]

jagadutpattisaMsthAnasaMhAratrayakAraNam || 133 ||

tvamamba viSNusarvasvaM namaste'stu mahezvari |

namaste sarvalokAnAM jananyai puNyamUrtaye || 134 ||

siddhalakSmIrmahAkAli mahalakSmi namo'stu te |

sadyojAtAdipaJcAgnirUpA paJcakapaJcakam || 135 ||

yantralakSmIrbhavatyAdirAdyAdye te namo namaH |

sRSTyAdikAraNAkAravitate doSavarjite || 136 ||

jagallakSmIrjaganmAtarviSNupatni namo'stu te |

navakoTimahAzaktisamupAsyapadAmbuje || 137 ||

kanatsauvarNaratnADhya sarvAbharaNabhUSite |

anantAnityamahiSIprapaJcezvaranAyaki || 138 ||

atyucchritapadAntasthe paramavyomanAyaki |

nAkapRSThagatArAdhye viSNulokavilAsini || 139 ||

vaikuNTharAjamahiSi zrIraGganagarAzrite |

raGganAyaki bhUputri kRSNe varadavallabhe || 140 ||

koTibrahmAdisaMsevye koTirudrAdikIrtite |

mAtuluGgamayaM kheTaM sauvarNacaSakaM tathA || 141 ||

padmadvayaM pUrNakumbhaM kIraJca varadAbhaye |

pAzamaGkuzakaM zaGkhaM cakraM zUlaM kRpANikAm || 142 ||

dhanurbANau cAkSamAlAM cinmudrAmapi bibhratI |

aSTAdazabhuje lakSmIrmahASTAdazapIThage || 143 ||

bhUminIlAdisaMsevye svAmicittAnuvartini |

padme padmAlaye padmi pUrNakumbhAbhiSecite || 144 ||

indirendindirAbhAkSi kSIrasAgarakanyake |

bhArgavi tvaM svatantrecchA vazIkRtajagatpatiH || 145 ||

maGgalaM maGgalAnAM tvaM devatAnAM ca devatA |

tvamuttamottamAnAM ca tvaM zreyaH paramAmRtam || 146 ||

dhanadhAnyAbhivRddhizca sArvabhaumasukhocchrayA |

AndolikAdisaubhAgyaM mattebhAdimahodayaH || 147 ||

putrapautrAbhivRddhizca vidyAbhogabalAdikam |

AyurArogyasampattiraSTaizvaryaM tvameva hi || 148 ||

paramezavibhUtizca sUkSmAtsUkSmatarAgatiH |

sadayApAGgasandattabrahmendrAdipadasthitiH || 149 ||

avyAhatamahAbhAgyaM tvamevAkSobhyavikramaH |

samanvayazca vedAnAmavirodhastvameva hi || 150 ||

niHzreyasapadaprAptisAdhanaM phalameva ca |

zrImantrarAjarAjJI ca zrIvidyA kSemakAriNI || 151 ||

zrImbIjajapasantuSTA aiM hrIM zrIM bIjapAlikA |

prapattimArgasulabhA viSNuprathamakiGkarI || 152 ||

klIGkArArthasavitrI ca saumaGgalyAdhidevatA |

zrISoDazAkSarIvidyA zrIyantrapuravAsinI || 153 ||

sarvamaGgalamAGgalye zive sarvArthasAdhike |

zaraNye tryambake gaurI nArAyaNi namo'stu te || 154 ||

punaH punarnamaste'stu sASTAGgamayutaM punaH |

sanatkumAra uvAca-

evaM stutA mahAlakSmIrbrahmarudrAdibhissuraiH |

namadbhirArtairdInaizca nissvatvairbhogavarjitaiH || 1 ||

jyeSThA juSTaizca nizzrIkaissaMsArAtsvaparAyaNaiH |

viSNupatnI dadau teSAM darzanaM dRSTitarpaNam || 2 ||

zaratpUrNendukoTyAbhadhavalApAGgavIkSaNaiH |

sarvAnsattvasamAviSTAn cakre hRSTA varaM dadau || 3 ||

mahAlakSmIruvAca-

nAmnAM sASTasahasraM me pramAdAdvApi yassakRt |

kIrtayettatkule satyaM vasAmyAcandratArakam || 4 ||

kiM punarniyamAjjapturmadekazaraNasya ca |

mAtRvatsAnukampAhaM poSakI syAmaharnizam || 5 ||

mannAma stavatAM loke durlabhaM nAsti cintitam |

matprasAdena sarve'pi svasveSTArthamavApsyatha || 6 ||

luptavaiSNavadharmasya madvrateSvavakIrNinaH |

bhaktiprapattihInasya vandyo nAmnAM stavo'pi me || 7 ||

tasmAdavazyaM tairdoSairvihInaH pApavarjitaH |

japetsASTasahasraM me nAmnAM pratyahamAdarAt || 8 ||

sAkSAdalakSmIputro'pi durbhAgyo'pyalaso'pi vA |

aprayatno'pi mUDho'pi vikalaH patito'pi ca || 9 ||

avazyaM prApnuyAdbhAgyaM matprasAdena kevalam |

spRheyamacirAddevA varadAnAya jApinaH |

dadAmi sarvamiSTArthaM lakSmIti smaratAM dhruvam || 10 ||

sanatkumAra uvAca-

ityuktvA'ntardadhe lakSmIrvaiSNavI bhagavatkalA |

iSTApUrtaM ca sukRtaM bhAgadheyaM ca cintitam || 11 ||

svaM svaM sthAnaM ca bhogaM ca vijayaM lebhire surAH |

tadetat pravadAmyadya lakSmInAmasahasrakam |

yoginaH paThata kSipraM cintitArthAnavApsyatha || 12 ||

gArgya uvAca-

sanatkumAroyogIndra ityuktvA sa dayAnidhiH |

anugRhya yayau kSipraM tAMzca dvAdazayoginaH || 13 ||

tasmAdetadrahasyaM ca gopyaM japyaM prayatnataH |

aSTamyAM ca caturdazyAM navamyAM bhRguvAsare || 14 ||

paurNamAsyAmamAyAM ca parvakAle vizeSataH |

japedvA nityakAryeSu sarvAnkAmAnavApnuyAt || 15 ||

iti zrIskandapurANe sanatkumArasaMhitAyAM lakSmIsahasranAmastotraM sampUrNam ||