ಶ್ರೀ ಲಕ್ಷ್ಮೀ ಸಹಸ್ರನಾಮ ಸ್ತೋತ್ರಂ

ಶ್ರೀ ಲಕ್ಷ್ಮೀ ಸಹಸ್ರನಾಮ ಸ್ತೋತ್ರಂ

ಶ್ಲೋಕ 1

ನಾಮ್ನಾಂ ಸಾಷ್ಟಸಹಸ್ರಞ್ಚ ಬ್ರೂಹಿ ಗಾರ್ಗ್ಯ ಮಹಾಮತೇ ।

ಮಹಾಲಕ್ಷ್ಮ್ಯಾ ಮಹಾದೇವ್ಯಾ ಭುಕ್ತಿಮುಕ್ತ್ಯರ್ಥಸಿದ್ಧಯೇ

ಶ್ಲೋಕ 2

ಗಾರ್ಗ್ಯ ಉವಾಚ

ಸನತ್ಕುಮಾರಮಾಸೀನಂ ದ್ವಾದಶಾದಿತ್ಯಸನ್ನಿಭಮ್ ।

ಅಪೃಚ್ಛನ್ಯೋಗಿನೋ ಭಕ್ತ್ಯಾ ಯೋಗಿನಾಮರ್ಥಸಿದ್ಧಯೇ

॥ 1 ॥

ಶ್ಲೋಕ 3

ಸರ್ವಲೌಕಿಕಕರ್ಮಭ್ಯೋ ವಿಮುಕ್ತಾನಾಂ ಹಿತಾಯ ವೈ ।

ಭುಕ್ತಿಮುಕ್ತಿಪ್ರದಂ ಜಪ್ಯಮನುಬ್ರೂಹಿ ದಯಾನಿಧೇ

॥ 2 ॥

ಶ್ಲೋಕ 4

ಸನತ್ಕುಮಾರ ಭಗವನ್ಸರ್ವಜ್ಞೋಽಸಿ ವಿಶೇಷತಃ ।

ಆಸ್ತಿಕ್ಯಸಿದ್ಧಯೇ ನೄಣಾಂ ಕ್ಷಿಪ್ರಧರ್ಮಾರ್ಥಸಾಧನಮ್

॥ 3 ॥

ಶ್ಲೋಕ 5

ಖಿದ್ಯನ್ತಿ ಮಾನವಾಸ್ಸರ್ವೇ ಧನಾಭಾವೇನ ಕೇವಲಮ್ ।

ಸಿದ್ಧ್ಯನ್ತಿ ಧನಿನೋಽನ್ಯಸ್ಯ ನೈವ ಧರ್ಮಾರ್ಥಕಾಮನಾಃ

॥ 4 ॥

ಶ್ಲೋಕ 6

ದಾರಿದ್ರ್ಯಧ್ವಂಸಿನೀ ನಾಮ ಕೇನ ವಿದ್ಯಾ ಪ್ರಕೀರ್ತಿತಾ ।

ಕೇನ ವಾ ಬ್ರಹ್ಮವಿದ್ಯಾಽಪಿ ಕೇನ ಮೃತ್ಯುವಿನಾಶಿನೀ

॥ 5 ॥

ಶ್ಲೋಕ 7

ಸರ್ವಾಸಾಂ ಸಾರಭೂತೈಕಾ ವಿದ್ಯಾನಾಂ ಕೇನ ಕೀರ್ತಿತಾ ।

ಪ್ರತ್ಯಕ್ಷಸಿದ್ಧಿದಾ ಬ್ರಹ್ಮನ್ ತಾಮಾಚಕ್ಷ್ವ ದಯಾನಿಧೇ

॥ 6 ॥

ಶ್ಲೋಕ 8

ಸನತ್ಕುಮಾರ ಉವಾಚ

ಸಾಧು ಪೃಷ್ಟಂ ಮಹಾಭಾಗಾಸ್ಸರ್ವಲೋಕಹಿತೈಷಿಣಃ ।

ಮಹತಾಮೇಷ ಧರ್ಮಶ್ಚ ನಾನ್ಯೇಷಾಮಿತಿ ಮೇ ಮತಿಃ

॥ 7 ॥

ಶ್ಲೋಕ 9

ಬ್ರಹ್ಮವಿಷ್ಣುಮಹಾದೇವಮಹೇನ್ದ್ರಾದಿಮಹಾತ್ಮಭಿಃ ।

ಸಮ್ಪ್ರೋಕ್ತಂ ಕಥಯಾಮ್ಯದ್ಯ ಲಕ್ಷ್ಮೀನಾಮಸಹಸ್ರಕಮ್

॥ 8 ॥

ಶ್ಲೋಕ 10

ಯಸ್ಯೋಚ್ಚಾರಣಮಾತ್ರೇಣ ದಾರಿದ್ರ್ಯಾನ್ಮುಚ್ಯತೇ ನರಃ ।

ಕಿಂ ಪುನಸ್ತಜ್ಜಪಾಜ್ಜಾಪೀ ಸರ್ವೇಷ್ಟಾರ್ಥಾನವಾಪ್ನುಯಾತ್

॥ 9 ॥

ಶ್ಲೋಕ 11

ಅಸ್ಯ ಶ್ರೀಲಕ್ಷ್ಮೀದಿವ್ಯಸಹಸ್ರನಾಮಸ್ತೋತ್ರಮಹಾಮನ್ತ್ರಸ್ಯ ಆನನ್ದಕರ್ದಮಚಿಕ್ಲೀತೇನ್ದಿರಾಸುತಾದಯೋ ಮಹಾತ್ಮಾನೋ ಮಹರ್ಷಯಃ ಅನುಷ್ಟುಪ್ಛನ್ದಃ ವಿಷ್ಣುಮಾಯಾ ಶಕ್ತಿಃ ಮಹಾಲಕ್ಷ್ಮೀಃ ಪರಾದೇವತಾ ಶ್ರೀಮಹಾಲಕ್ಷ್ಮೀಪ್ರಸಾದದ್ವಾರಾ ಸರ್ವೇಷ್ಟಾರ್ಥಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧ್ಯಾನಮ್

ಪದ್ಮನಾಭಪ್ರಿಯಾಂ ದೇವೀಂ ಪದ್ಮಾಕ್ಷೀಂ ಪದ್ಮವಾಸಿನೀಮ್ ।

ಪದ್ಮವಕ್ತ್ರಾಂ ಪದ್ಮಹಸ್ತಾಂ ವನ್ದೇ ಪದ್ಮಾಮಹರ್ನಿಶಮ್

॥ 10 ॥

ಶ್ಲೋಕ 12

ಪೂರ್ಣೇನ್ದುವದನಾಂ ದಿವ್ಯರತ್ನಾಭರಣಭೂಷಿತಾಮ್ ।

ವರದಾಭಯಹಸ್ತಾಢ್ಯಾಂ ಧ್ಯಾಯೇಚ್ಚನ್ದ್ರಸಹೋದರೀಮ್

॥ 1 ॥

ಶ್ಲೋಕ 13

ಇಚ್ಛಾರೂಪಾಂ ಭಗವತಸ್ಸಚ್ಚಿದಾನನ್ದರೂಪಿಣೀಮ್ ।

ಸರ್ವಜ್ಞಾಂ ಸರ್ವಜನನೀಂ ವಿಷ್ಣುವಕ್ಷಸ್ಸ್ಥಲಾಲಯಾಮ್ ।

ದಯಾಲುಮನಿಶಂ ಧ್ಯಾಯೇತ್ಸುಖಸಿದ್ಧಿಸ್ವರೂಪಿಣೀಮ್

॥ 2 ॥

ಶ್ಲೋಕ 14

ಸ್ತೋತ್ರಮ್

ನಿತ್ಯಾಗತಾನನ್ತನಿತ್ಯಾ ನನ್ದಿನೀ ಜನರಞ್ಜನೀ ।

ನಿತ್ಯಪ್ರಕಾಶಿನೀ ಚೈವ ಸ್ವಪ್ರಕಾಶಸ್ವರೂಪಿಣೀ

॥ 3 ॥

ಶ್ಲೋಕ 15

ಮಹಾಲಕ್ಷ್ಮೀರ್ಮಹಾಕಾಲೀ ಮಹಾಕನ್ಯಾ ಸರಸ್ವತೀ ।

ಭೋಗವೈಭವಸನ್ಧಾತ್ರೀ ಭಕ್ತಾನುಗ್ರಹಕಾರಿಣೀ

॥ 1 ॥

ಶ್ಲೋಕ 16

ಈಶಾವಾಸ್ಯಾ ಮಹಾಮಾಯಾ ಮಹಾದೇವೀ ಮಹೇಶ್ವರೀ ।

ಹೃಲ್ಲೇಖಾ ಪರಮಾ ಶಕ್ತಿರ್ಮಾತೃಕಾಬೀಜರೂಪಿಣೀ

॥ 2 ॥

ಶ್ಲೋಕ 17

ನಿತ್ಯಾನನ್ದಾ ನಿತ್ಯಬೋಧಾ ನಾದಿನೀ ಜನಮೋದಿನೀ ।

ಸತ್ಯಪ್ರತ್ಯಯನೀ ಚೈವ ಸ್ವಪ್ರಕಾಶಾತ್ಮರೂಪಿಣೀ

॥ 3 ॥

ಶ್ಲೋಕ 18

ತ್ರಿಪುರಾ ಭೈರವೀ ವಿದ್ಯಾ ಹಂಸಾ ವಾಗೀಶ್ವರೀ ಶಿವಾ ।

ವಾಗ್ದೇವೀ ಚ ಮಹಾರಾತ್ರಿಃ ಕಾಲರಾತ್ರಿಸ್ತ್ರಿಲೋಚನಾ

॥ 4 ॥

ಶ್ಲೋಕ 19

ಭದ್ರಕಾಲೀ ಕರಾಲೀ ಚ ಮಹಾಕಾಲೀ ತಿಲೋತ್ತಮಾ ।

ಕಾಲೀ ಕರಾಲವಕ್ತ್ರಾನ್ತಾ ಕಾಮಾಕ್ಷೀ ಕಾಮದಾ ಶುಭಾ

॥ 5 ॥

ಶ್ಲೋಕ 20

ಚಣ್ಡಿಕಾ ಚಣ್ಡರೂಪೇಶಾ ಚಾಮುಣ್ಡಾ ಚಕ್ರಧಾರಿಣೀ ।

ತ್ರೈಲೋಕ್ಯಜಯಿನೀ ದೇವೀ ತ್ರೈಲೋಕ್ಯವಿಜಯೋತ್ತಮಾ

॥ 6 ॥

ಶ್ಲೋಕ 21

ಸಿದ್ಧಲಕ್ಷ್ಮೀಃ ಕ್ರಿಯಾಲಕ್ಷ್ಮೀರ್ಮೋಕ್ಷಲಕ್ಷ್ಮೀಃ ಪ್ರಸಾದಿನೀ ।

ಉಮಾ ಭಗವತೀ ದುರ್ಗಾ ಚಾನ್ದ್ರೀ ದಾಕ್ಷಾಯಣೀ ಶಿವಾ

॥ 7 ॥

ಶ್ಲೋಕ 22

ಪ್ರತ್ಯಙ್ಗಿರಾ ಧರಾವೇಲಾ ಲೋಕಮಾತಾ ಹರಿಪ್ರಿಯಾ ।

ಪಾರ್ವತೀ ಪರಮಾ ದೇವೀ ಬ್ರಹ್ಮವಿದ್ಯಾಪ್ರದಾಯಿನೀ

॥ 8 ॥

ಶ್ಲೋಕ 23

ಅರೂಪಾ ಬಹುರೂಪಾ ಚ ವಿರೂಪಾ ವಿಶ್ವರೂಪಿಣೀ ।

ಪಞ್ಚಭೂತಾತ್ಮಿಕಾ ವಾಣೀ ಪಞ್ಚಭೂತಾತ್ಮಿಕಾ ಪರಾ

॥ 9 ॥

ಶ್ಲೋಕ 24

ಕಾಲೀ ಮಾ ಪಞ್ಚಿಕಾ ವಾಗ್ಮೀ ಹವಿಃಪ್ರತ್ಯಧಿದೇವತಾ ।

ದೇವಮಾತಾ ಸುರೇಶಾನಾ ದೇವಗರ್ಭಾಽಮ್ಬಿಕಾ ಧೃತಿಃ

॥ 10 ॥

ಶ್ಲೋಕ 25

ಸಙ್ಖ್ಯಾ ಜಾತಿಃ ಕ್ರಿಯಾಶಕ್ತಿಃ ಪ್ರಕೃತಿರ್ಮೋಹಿನೀ ಮಹೀ ।

ಯಜ್ಞವಿದ್ಯಾ ಮಹಾವಿದ್ಯಾ ಗುಹ್ಯವಿದ್ಯಾ ವಿಭಾವರೀ

॥ 11 ॥

ಶ್ಲೋಕ 26

ಜ್ಯೋತಿಷ್ಮತೀ ಮಹಾಮಾತಾ ಸರ್ವಮನ್ತ್ರಫಲಪ್ರದಾ ।

ದಾರಿದ್ರ್ಯಧ್ವಂಸಿನೀ ದೇವೀ ಹೃದಯಗ್ರನ್ಥಿಭೇದಿನೀ

॥ 12 ॥

ಶ್ಲೋಕ 27

ಸಹಸ್ರಾದಿತ್ಯಸಙ್ಕಾಶಾ ಚನ್ದ್ರಿಕಾ ಚನ್ದ್ರರೂಪಿಣೀ ।

ಗಾಯತ್ರೀ ಸೋಮಸಮ್ಭೂತಿಸ್ಸಾವಿತ್ರೀ ಪ್ರಣವಾತ್ಮಿಕಾ

॥ 13 ॥

ಶ್ಲೋಕ 28

ಶಾಙ್ಕರೀ ವೈಷ್ಣವೀ ಬ್ರಾಹ್ಮೀ ಸರ್ವದೇವನಮಸ್ಕೃತಾ ।

ಸೇವ್ಯದುರ್ಗಾ ಕುಬೇರಾಕ್ಷೀ ಕರವೀರನಿವಾಸಿನೀ

॥ 14 ॥

ಶ್ಲೋಕ 29

ಜಯಾ ಚ ವಿಜಯಾ ಚೈವ ಜಯನ್ತೀ ಚಾಽಪರಾಜಿತಾ ।

ಕುಬ್ಜಿಕಾ ಕಾಲಿಕಾ ಶಾಸ್ತ್ರೀ ವೀಣಾಪುಸ್ತಕಧಾರಿಣೀ

॥ 15 ॥

ಶ್ಲೋಕ 30

ಸರ್ವಜ್ಞಶಕ್ತಿಶ್ಶ್ರೀಶಕ್ತಿರ್ಬ್ರಹ್ಮವಿಷ್ಣುಶಿವಾತ್ಮಿಕಾ ।

ಇಡಾಪಿಙ್ಗಲಿಕಾಮಧ್ಯಮೃಣಾಲೀತನ್ತುರೂಪಿಣೀ

॥ 16 ॥

ಶ್ಲೋಕ 31

ಯಜ್ಞೇಶಾನೀ ಪ್ರಥಾ ದೀಕ್ಷಾ ದಕ್ಷಿಣಾ ಸರ್ವಮೋಹಿನೀ ।

ಅಷ್ಟಾಙ್ಗಯೋಗಿನೀ ದೇವೀ ನಿರ್ಬೀಜಧ್ಯಾನಗೋಚರಾ

॥ 17 ॥

ಶ್ಲೋಕ 32

ಸರ್ವತೀರ್ಥಸ್ಥಿತಾ ಶುದ್ಧಾ ಸರ್ವಪರ್ವತವಾಸಿನೀ ।

ವೇದಶಾಸ್ತ್ರಪ್ರಭಾ ದೇವೀ ಷಡಙ್ಗಾದಿಪದಕ್ರಮಾ

॥ 18 ॥

ಶ್ಲೋಕ 33

ಶಿವಾ ಧಾತ್ರೀ ಶುಭಾನನ್ದಾ ಯಜ್ಞಕರ್ಮಸ್ವರೂಪಿಣೀ ।

ವ್ರತಿನೀ ಮೇನಕಾ ದೇವೀ ಬ್ರಹ್ಮಾಣೀ ಬ್ರಹ್ಮಚಾರಿಣೀ

॥ 19 ॥

ಶ್ಲೋಕ 34

ಏಕಾಕ್ಷರಪರಾ ತಾರಾ ಭವಬನ್ಧವಿನಾಶಿನೀ ।

ವಿಶ್ವಮ್ಭರಾ ಧರಾಧಾರಾ ನಿರಾಧಾರಾಽಧಿಕಸ್ವರಾ

॥ 20 ॥

ಶ್ಲೋಕ 35

ರಾಕಾ ಕುಹೂರಮಾವಾಸ್ಯಾ ಪೂರ್ಣಿಮಾಽನುಮತಿರ್ದ್ಯುತಿಃ ।

ಸಿನೀವಾಲೀ ಶಿವಾಽವಶ್ಯಾ ವೈಶ್ವದೇವೀ ಪಿಶಙ್ಗಿಲಾ

॥ 21 ॥

ಶ್ಲೋಕ 36

ಪಿಪ್ಪಲಾ ಚ ವಿಶಾಲಾಕ್ಷೀ ರಕ್ಷೋಘ್ನೀ ವೃಷ್ಟಿಕಾರಿಣೀ ।

ದುಷ್ಟವಿದ್ರಾವಿಣೀ ದೇವೀ ಸರ್ವೋಪದ್ರವನಾಶಿನೀ

॥ 22 ॥

ಶ್ಲೋಕ 37

ಶಾರದಾ ಶರಸನ್ಧಾನಾ ಸರ್ವಶಸ್ತ್ರಸ್ವರೂಪಿಣೀ ।

ಯುದ್ಧಮಧ್ಯಸ್ಥಿತಾ ದೇವೀ ಸರ್ವಭೂತಪ್ರಭಞ್ಜನೀ

॥ 23 ॥

ಶ್ಲೋಕ 38

ಅಯುದ್ಧಾ ಯುದ್ಧರೂಪಾ ಚ ಶಾನ್ತಾ ಶಾನ್ತಿಸ್ವರೂಪಿಣೀ ।

ಗಙ್ಗಾ ಸರಸ್ವತೀವೇಣೀಯಮುನಾನರ್ಮದಾಪಗಾ

॥ 24 ॥

ಶ್ಲೋಕ 39

ಸಮುದ್ರವಸನಾವಾಸಾ ಬ್ರಹ್ಮಾಣ್ಡಶ್ರೋಣಿಮೇಖಲಾ ।

ಪಞ್ಚವಕ್ತ್ರಾ ದಶಭುಜಾ ಶುದ್ಧಸ್ಫಟಿಕಸನ್ನಿಭಾ

॥ 25 ॥

ಶ್ಲೋಕ 40

ರಕ್ತಾ ಕೃಷ್ಣಾ ಸಿತಾ ಪೀತಾ ಸರ್ವವರ್ಣಾ ನಿರೀಶ್ವರೀ ।

ಕಾಲಿಕಾ ಚಕ್ರಿಕಾ ದೇವೀ ಸತ್ಯಾ ತು ವಟುಕಾಸ್ಥಿತಾ

॥ 26 ॥

ಶ್ಲೋಕ 41

ತರುಣೀ ವಾರುಣೀ ನಾರೀ ಜ್ಯೇಷ್ಠಾದೇವೀ ಸುರೇಶ್ವರೀ ।

ವಿಶ್ವಮ್ಭರಾಧರಾ ಕರ್ತ್ರೀ ಗಲಾರ್ಗಲವಿಭಞ್ಜನೀ

॥ 27 ॥

ಶ್ಲೋಕ 42

ಸನ್ಧ್ಯಾರಾತ್ರಿರ್ದಿವಾಜ್ಯೋತ್ಸ್ನಾ ಕಲಾಕಾಷ್ಠಾ ನಿಮೇಷಿಕಾ ।

ಉರ್ವೀ ಕಾತ್ಯಾಯನೀ ಶುಭ್ರಾ ಸಂಸಾರಾರ್ಣವತಾರಿಣೀ

॥ 28 ॥

ಶ್ಲೋಕ 43

ಕಪಿಲಾ ಕೀಲಿಕಾಽಶೋಕಾ ಮಲ್ಲಿಕಾನವಮಲ್ಲಿಕಾ । [ ಮಲ್ಲಿಕಾನವಮಾಲಿಕಾ ]

ದೇವಿಕಾ ನನ್ದಿಕಾ ಶಾನ್ತಾ ಭಞ್ಜಿಕಾ ಭಯಭಞ್ಜಿಕಾ

॥ 29 ॥

ಶ್ಲೋಕ 44

ಕೌಶಿಕೀ ವೈದಿಕೀ ದೇವೀ ಸೌರೀ ರೂಪಾಧಿಕಾಽತಿಭಾ ।

ದಿಗ್ವಸ್ತ್ರಾ ನವವಸ್ತ್ರಾ ಚ ಕನ್ಯಕಾ ಕಮಲೋದ್ಭವಾ

॥ 30 ॥

ಶ್ಲೋಕ 45

ಶ್ರೀಸ್ಸೌಮ್ಯಲಕ್ಷಣಾಽತೀತದುರ್ಗಾ ಸೂತ್ರಪ್ರಬೋಧಿಕಾ ।

ಶ್ರದ್ಧಾ ಮೇಧಾ ಕೃತಿಃ ಪ್ರಜ್ಞಾ ಧಾರಣಾ ಕಾನ್ತಿರೇವ ಚ

॥ 31 ॥

ಶ್ಲೋಕ 46

ಶ್ರುತಿಃ ಸ್ಮೃತಿರ್ಧೃತಿರ್ಧನ್ಯಾ ಭೂತಿರಿಷ್ಟಿರ್ಮನೀಷಿಣೀ ।

ವಿರಕ್ತಿರ್ವ್ಯಾಪಿನೀ ಮಾಯಾ ಸರ್ವಮಾಯಾಪ್ರಭಞ್ಜನೀ

॥ 32 ॥

ಶ್ಲೋಕ 47

ಮಾಹೇನ್ದ್ರೀ ಮನ್ತ್ರಿಣೀ ಸಿಂಹೀ ಚೇನ್ದ್ರಜಾಲಸ್ವರೂಪಿಣೀ ।

ಅವಸ್ಥಾತ್ರಯನಿರ್ಮುಕ್ತಾ ಗುಣತ್ರಯವಿವರ್ಜಿತಾ

॥ 33 ॥

ಶ್ಲೋಕ 48

ಈಷಣಾತ್ರಯನಿರ್ಮುಕ್ತಾ ಸರ್ವರೋಗವಿವರ್ಜಿತಾ ।

ಯೋಗಿಧ್ಯಾನಾನ್ತಗಮ್ಯಾ ಚ ಯೋಗಧ್ಯಾನಪರಾಯಣಾ

॥ 34 ॥

ಶ್ಲೋಕ 49

ತ್ರಯೀಶಿಖಾ ವಿಶೇಷಜ್ಞಾ ವೇದಾನ್ತಜ್ಞಾನರೂಪಿಣೀ ।

ಭಾರತೀ ಕಮಲಾ ಭಾಷಾ ಪದ್ಮಾ ಪದ್ಮವತೀ ಕೃತಿಃ

॥ 35 ॥

ಶ್ಲೋಕ 50

ಗೌತಮೀ ಗೋಮತೀ ಗೌರೀ ಈಶಾನಾ ಹಂಸವಾಹಿನೀ ।

ನಾರಾಯಣೀ ಪ್ರಭಾಧಾರಾ ಜಾಹ್ನವೀ ಶಙ್ಕರಾತ್ಮಜಾ

॥ 36 ॥

ಶ್ಲೋಕ 51

ಚಿತ್ರಘಣ್ಟಾ ಸುನನ್ದಾ ಶ್ರೀರ್ಮಾನವೀ ಮನುಸಮ್ಭವಾ ।

ಸ್ತಮ್ಭಿನೀ ಕ್ಷೋಭಿಣೀ ಮಾರೀ ಭ್ರಾಮಿಣೀ ಶತ್ರುಮಾರಿಣೀ

॥ 37 ॥

ಶ್ಲೋಕ 52

ಮೋಹಿನೀ ದ್ವೇಷಿಣೀ ವೀರಾ ಅಘೋರಾ ರುದ್ರರೂಪಿಣೀ ।

ರುದ್ರೈಕಾದಶಿನೀ ಪುಣ್ಯಾ ಕಲ್ಯಾಣೀ ಲಾಭಕಾರಿಣೀ

॥ 38 ॥

ಶ್ಲೋಕ 53

ದೇವದುರ್ಗಾ ಮಹಾದುರ್ಗಾ ಸ್ವಪ್ನದುರ್ಗಾಽಷ್ಟಭೈರವೀ ।

ಸೂರ್ಯಚನ್ದ್ರಾಗ್ನಿರೂಪಾ ಚ ಗ್ರಹನಕ್ಷತ್ರರೂಪಿಣೀ

॥ 39 ॥

ಶ್ಲೋಕ 54

ಬಿನ್ದುನಾದಕಲಾತೀತಾ ಬಿನ್ದುನಾದಕಲಾತ್ಮಿಕಾ ।

ದಶವಾಯುಜಯಾಕಾರಾ ಕಲಾಷೋಡಶಸಂಯುತಾ

॥ 40 ॥

ಶ್ಲೋಕ 55

ಕಾಶ್ಯಪೀ ಕಮಲಾದೇವೀ ನಾದಚಕ್ರನಿವಾಸಿನೀ ।

ಮೃಡಾಧಾರಾ ಸ್ಥಿರಾ ಗುಹ್ಯಾ ದೇವಿಕಾ ಚಕ್ರರೂಪಿಣೀ

॥ 41 ॥

ಶ್ಲೋಕ 56

ಅವಿದ್ಯಾ ಶಾರ್ವರೀ ಭುಞ್ಜಾ ಜಮ್ಭಾಸುರನಿಬರ್ಹಿಣೀ ।

ಶ್ರೀಕಾಯಾ ಶ್ರೀಕಲಾ ಶುಭ್ರಾ ಕರ್ಮನಿರ್ಮೂಲಕಾರಿಣೀ

॥ 42 ॥

ಶ್ಲೋಕ 57

ಆದಿಲಕ್ಷ್ಮೀರ್ಗುಣಾಧಾರಾ ಪಞ್ಚಬ್ರಹ್ಮಾತ್ಮಿಕಾ ಪರಾ ।

ಶ್ರುತಿರ್ಬ್ರಹ್ಮಮುಖಾವಾಸಾ ಸರ್ವಸಮ್ಪತ್ತಿರೂಪಿಣೀ

॥ 43 ॥

ಶ್ಲೋಕ 58

ಮೃತಸಞ್ಜೀವನೀ ಮೈತ್ರೀ ಕಾಮಿನೀ ಕಾಮವರ್ಜಿತಾ ।

ನಿರ್ವಾಣಮಾರ್ಗದಾ ದೇವೀ ಹಂಸಿನೀ ಕಾಶಿಕಾ ಕ್ಷಮಾ

॥ 44 ॥

ಶ್ಲೋಕ 59

ಸಪರ್ಯಾ ಗುಣಿನೀ ಭಿನ್ನಾ ನಿರ್ಗುಣಾ ಖಣ್ಡಿತಾಶುಭಾ ।

ಸ್ವಾಮಿನೀ ವೇದಿನೀ ಶಕ್ಯಾ ಶಾಮ್ಬರೀ ಚಕ್ರಧಾರಿಣೀ

॥ 45 ॥

ಶ್ಲೋಕ 60

ದಣ್ಡಿನೀ ಮುಣ್ಡಿನೀ ವ್ಯಾಘ್ರೀ ಶಿಖಿನೀ ಸೋಮಸಂಹತಿಃ ।

ಚಿನ್ತಾಮಣಿಶ್ಚಿದಾನನ್ದಾ ಪಞ್ಚಬಾಣಪ್ರಬೋಧಿನೀ

॥ 46 ॥

ಶ್ಲೋಕ 61

ಬಾಣಶ್ರೇಣಿಸ್ಸಹಸ್ರಾಕ್ಷೀ ಸಹಸ್ರಭುಜಪಾದುಕಾ ।

ಸನ್ಧ್ಯಾವಲಿಸ್ತ್ರಿಸನ್ಧ್ಯಾಖ್ಯಾ ಬ್ರಹ್ಮಾಣ್ಡಮಣಿಭೂಷಣಾ

॥ 47 ॥

ಶ್ಲೋಕ 62

ವಾಸವೀ ವಾರುಣೀಸೇನಾ ಕುಲಿಕಾ ಮನ್ತ್ರರಞ್ಜನೀ ।

ಜಿತಪ್ರಾಣಸ್ವರೂಪಾ ಚ ಕಾನ್ತಾ ಕಾಮ್ಯವರಪ್ರದಾ

॥ 48 ॥

ಶ್ಲೋಕ 63

ಮನ್ತ್ರಬ್ರಾಹ್ಮಣವಿದ್ಯಾರ್ಥಾ ನಾದರೂಪಾ ಹವಿಷ್ಮತೀ ।

ಆಥರ್ವಣಿಃ ಶ್ರುತಿಃ ಶೂನ್ಯಾ ಕಲ್ಪನಾವರ್ಜಿತಾ ಸತೀ

॥ 49 ॥

ಶ್ಲೋಕ 64

ಸತ್ತಾಜಾತಿಃ ಪ್ರಮಾಽಮೇಯಾಽಪ್ರಮಿತಿಃ ಪ್ರಾಣದಾ ಗತಿಃ ।

ಅವರ್ಣಾ ಪಞ್ಚವರ್ಣಾ ಚ ಸರ್ವದಾ ಭುವನೇಶ್ವರೀ

॥ 50 ॥

ಶ್ಲೋಕ 65

ತ್ರೈಲೋಕ್ಯಮೋಹಿನೀ ವಿದ್ಯಾ ಸರ್ವಭರ್ತ್ರೀ ಕ್ಷರಾಽಕ್ಷರಾ ।

ಹಿರಣ್ಯವರ್ಣಾ ಹರಿಣೀ ಸರ್ವೋಪದ್ರವನಾಶಿನೀ

॥ 51 ॥

ಶ್ಲೋಕ 66

ಕೈವಲ್ಯಪದವೀರೇಖಾ ಸೂರ್ಯಮಣ್ಡಲಸಂಸ್ಥಿತಾ ।

ಸೋಮಮಣ್ಡಲಮಧ್ಯಸ್ಥಾ ವಹ್ನಿಮಣ್ಡಲಸಂಸ್ಥಿತಾ

॥ 52 ॥

ಶ್ಲೋಕ 67

ವಾಯುಮಣ್ಡಲಮಧ್ಯಸ್ಥಾ ವ್ಯೋಮಮಣ್ಡಲಸಂಸ್ಥಿತಾ ।

ಚಕ್ರಿಕಾ ಚಕ್ರಮಧ್ಯಸ್ಥಾ ಚಕ್ರಮಾರ್ಗಪ್ರವರ್ತಿನೀ

॥ 53 ॥

ಶ್ಲೋಕ 68

ಕೋಕಿಲಾಕುಲಚಕ್ರೇಶಾ ಪಕ್ಷತಿಃ ಪಙ್ಕ್ತಿಪಾವನೀ ।

ಸರ್ವಸಿದ್ಧಾನ್ತಮಾರ್ಗಸ್ಥಾ ಷಡ್ವರ್ಣಾವರವರ್ಜಿತಾ

॥ 54 ॥

ಶ್ಲೋಕ 69

ಶರರುದ್ರಹರಾ ಹನ್ತ್ರೀ ಸರ್ವಸಂಹಾರಕಾರಿಣೀ ।

ಪುರುಷಾ ಪೌರುಷೀ ತುಷ್ಟಿಸ್ಸರ್ವತನ್ತ್ರಪ್ರಸೂತಿಕಾ

॥ 55 ॥

ಶ್ಲೋಕ 70

ಅರ್ಧನಾರೀಶ್ವರೀ ದೇವೀ ಸರ್ವವಿದ್ಯಾಪ್ರದಾಯಿನೀ ।

ಭಾರ್ಗವೀ ಯಾಜುಷೀವಿದ್ಯಾ ಸರ್ವೋಪನಿಷದಾಸ್ಥಿತಾ

॥ 56 ॥

ಶ್ಲೋಕ 71

॥ 57 ॥ [ ಭುಜುಷೀವಿದ್ಯಾ ]

ವ್ಯೋಮಕೇಶಾಖಿಲಪ್ರಾಣಾ ಪಞ್ಚಕೋಶವಿಲಕ್ಷಣಾ ।

ಪಞ್ಚಕೋಶಾತ್ಮಿಕಾ ಪ್ರತ್ಯಕ್ಪಞ್ಚಬ್ರಹ್ಮಾತ್ಮಿಕಾ ಶಿವಾ

ಶ್ಲೋಕ 72

ಜಗಜ್ಜರಾಜನಿತ್ರೀ ಚ ಪಞ್ಚಕರ್ಮಪ್ರಸೂತಿಕಾ ।

ವಾಗ್ದೇವ್ಯಾಭರಣಾಕಾರಾ ಸರ್ವಕಾಮ್ಯಸ್ಥಿತಾಸ್ಥಿತಿಃ

॥ 58 ॥

ಶ್ಲೋಕ 73

ಅಷ್ಟಾದಶಚತುಷ್ಷಷ್ಠಿಪೀಠಿಕಾ ವಿದ್ಯಯಾ ಯುತಾ ।

ಕಾಲಿಕಾಕರ್ಷಣಶ್ಯಾಮಾ ಯಕ್ಷಿಣೀ ಕಿನ್ನರೇಶ್ವರೀ

॥ 59 ॥

ಶ್ಲೋಕ 74

ಕೇತಕೀ ಮಲ್ಲಿಕಾಽಶೋಕಾ ವಾರಾಹೀ ಧರಣೀ ಧ್ರುವಾ ।

ನಾರಸಿಂಹೀ ಮಹೋಗ್ರಾಸ್ಯಾ ಭಕ್ತಾನಾಮಾರ್ತಿನಾಶಿನೀ

॥ 60 ॥

ಶ್ಲೋಕ 75

ಅನ್ತರ್ಬಲಾ ಸ್ಥಿರಾ ಲಕ್ಷ್ಮೀರ್ಜರಾಮರಣನಾಶಿನೀ ।

ಶ್ರೀರಞ್ಜಿತಾ ಮಹಾಕಾಯಾ ಸೋಮಸೂರ್ಯಾಗ್ನಿಲೋಚನಾ

॥ 61 ॥

ಶ್ಲೋಕ 76

ಅದಿತಿರ್ದೇವಮಾತಾ ಚ ಅಷ್ಟಪುತ್ರಾಽಷ್ಟಯೋಗಿನೀ ।

ಅಷ್ಟಪ್ರಕೃತಿರಷ್ಟಾಷ್ಟವಿಭ್ರಾಜದ್ವಿಕೃತಾಕೃತಿಃ

॥ 62 ॥

ಶ್ಲೋಕ 77

ದುರ್ಭಿಕ್ಷಧ್ವಂಸಿನೀ ದೇವೀ ಸೀತಾ ಸತ್ಯಾ ಚ ರುಕ್ಮಿಣೀ ।

ಖ್ಯಾತಿಜಾ ಭಾರ್ಗವೀ ದೇವೀ ದೇವಯೋನಿಸ್ತಪಸ್ವಿನೀ

॥ 63 ॥

ಶ್ಲೋಕ 78

ಶಾಕಮ್ಭರೀ ಮಹಾಶೋಣಾ ಗರುಡೋಪರಿಸಂಸ್ಥಿತಾ ।

ಸಿಂಹಗಾ ವ್ಯಾಘ್ರಗಾ ದೇವೀ ವಾಯುಗಾ ಚ ಮಹಾದ್ರಿಗಾ

॥ 64 ॥

ಶ್ಲೋಕ 79

ಅಕಾರಾದಿಕ್ಷಕಾರಾನ್ತಾ ಸರ್ವವಿದ್ಯಾಧಿದೇವತಾ ।

ಮನ್ತ್ರವ್ಯಾಖ್ಯಾನನಿಪುಣಾ ಜ್ಯೋತಿಶ್ಶಾಸ್ತ್ರೈಕಲೋಚನಾ

॥ 65 ॥

ಶ್ಲೋಕ 80

ಇಡಾಪಿಙ್ಗಲಿಕಾಮಧ್ಯಾಸುಷುಮ್ನಾ ಗ್ರನ್ಥಿಭೇದಿನೀ ।

ಕಾಲಚಕ್ರಾಶ್ರಯೋಪೇತಾ ಕಾಲಚಕ್ರಸ್ವರೂಪಿಣೀ

॥ 66 ॥

ಶ್ಲೋಕ 81

ವೈಶಾರದೀ ಮತಿಶ್ಶ್ರೇಷ್ಠಾ ವರಿಷ್ಠಾ ಸರ್ವದೀಪಿಕಾ ।

ವೈನಾಯಕೀ ವರಾರೋಹಾ ಶ್ರೋಣಿವೇಲಾ ಬಹಿರ್ವಲಿಃ

॥ 67 ॥

ಶ್ಲೋಕ 82

ಜಮ್ಭಿನೀ ಜೃಮ್ಭಿಣೀ ಜಮ್ಭಕಾರಿಣೀ ಗಣಕಾರಿಕಾ ।

ಶರಣೀ ಚಕ್ರಿಕಾಽನನ್ತಾ ಸರ್ವವ್ಯಾಧಿಚಿಕಿತ್ಸಕೀ

॥ 68 ॥

ಶ್ಲೋಕ 83

ದೇವಕೀ ದೇವಸಙ್ಕಾಶಾ ವಾರಿಧಿಃ ಕರುಣಾಕರಾ ।

ಶರ್ವರೀ ಸರ್ವಸಮ್ಪನ್ನಾ ಸರ್ವಪಾಪಪ್ರಭಞ್ಜನೀ

॥ 69 ॥

ಶ್ಲೋಕ 84

ಏಕಮಾತ್ರಾ ದ್ವಿಮಾತ್ರಾ ಚ ತ್ರಿಮಾತ್ರಾ ಚ ತಥಾಽಪರಾ ।

ಅರ್ಧಮಾತ್ರಾ ಪರಾ ಸೂಕ್ಷ್ಮಾ ಸೂಕ್ಷ್ಮಾರ್ಥಾಽರ್ಥಪರಾಽಪರಾ

॥ 70 ॥

ಶ್ಲೋಕ 85

ಏಕವೀರಾ ವಿಶೇಷಾಖ್ಯಾ ಷಷ್ಠೀದೇವೀ ಮನಸ್ವಿನೀ ।

ನೈಷ್ಕರ್ಮ್ಯಾ ನಿಷ್ಕಲಾಲೋಕಾ ಜ್ಞಾನಕರ್ಮಾಧಿಕಾ ಗುಣಾ

॥ 71 ॥

ಶ್ಲೋಕ 86

ಸಬನ್ಧ್ವಾನನ್ದಸನ್ದೋಹಾ ವ್ಯೋಮಾಕಾರಾಽನಿರೂಪಿತಾ ।

ಗದ್ಯಪದ್ಯಾತ್ಮಿಕಾ ವಾಣೀ ಸರ್ವಾಲಙ್ಕಾರಸಂಯುತಾ

॥ 72 ॥

ಶ್ಲೋಕ 87

ಸಾಧುಬನ್ಧಪದನ್ಯಾಸಾ ಸರ್ವೌಕೋ ಘಟಿಕಾವಲಿಃ ।

ಷಟ್ಕರ್ಮಾ ಕರ್ಕಶಾಕಾರಾ ಸರ್ವಕರ್ಮವಿವರ್ಜಿತಾ

॥ 73 ॥

ಶ್ಲೋಕ 88

ಆದಿತ್ಯವರ್ಣಾ ಚಾಪರ್ಣಾ ಕಾಮಿನೀ ವರರೂಪಿಣೀ ।

ಬ್ರಹ್ಮಾಣೀ ಬ್ರಹ್ಮಸನ್ತಾನಾ ವೇದವಾಗೀಶ್ವರೀ ಶಿವಾ

॥ 74 ॥

ಶ್ಲೋಕ 89

ಪುರಾಣನ್ಯಾಯಮೀಮಾಂಸಾಧರ್ಮಶಾಸ್ತ್ರಾಗಮಶ್ರುತಾ ।

ಸದ್ಯೋವೇದವತೀ ಸರ್ವಾ ಹಂಸೀ ವಿದ್ಯಾಧಿದೇವತಾ

॥ 75 ॥

ಶ್ಲೋಕ 90

ವಿಶ್ವೇಶ್ವರೀ ಜಗದ್ಧಾತ್ರೀ ವಿಶ್ವನಿರ್ಮಾಣಕಾರಿಣೀ ।

ವೈದಿಕೀ ವೇದರೂಪಾ ಚ ಕಾಲಿಕಾ ಕಾಲರೂಪಿಣೀ

॥ 76 ॥

ಶ್ಲೋಕ 91

ನಾರಾಯಣೀ ಮಹಾದೇವೀ ಸರ್ವತತ್ತ್ವಪ್ರವರ್ತಿನೀ ।

ಹಿರಣ್ಯವರ್ಣರೂಪಾ ಚ ಹಿರಣ್ಯಪದಸಮ್ಭವಾ

॥ 77 ॥

ಶ್ಲೋಕ 92

ಕೈವಲ್ಯಪದವೀ ಪುಣ್ಯಾ ಕೈವಲ್ಯಜ್ಞಾನಲಕ್ಷಿತಾ ।

ಬ್ರಹ್ಮಸಮ್ಪತ್ತಿರೂಪಾ ಚ ಬ್ರಹ್ಮಸಮ್ಪತ್ತಿಕಾರಿಣೀ

॥ 78 ॥

ಶ್ಲೋಕ 93

ವಾರುಣೀ ವಾರುಣಾರಾಧ್ಯಾ ಸರ್ವಕರ್ಮಪ್ರವರ್ತಿನೀ ।

ಏಕಾಕ್ಷರಪರಾಽಽಯುಕ್ತಾ ಸರ್ವದಾರಿದ್ರ್ಯಭಞ್ಜಿನೀ

॥ 79 ॥

ಶ್ಲೋಕ 94

ಪಾಶಾಙ್ಕುಶಾನ್ವಿತಾ ದಿವ್ಯಾ ವೀಣಾವ್ಯಾಖ್ಯಾಕ್ಷಸೂತ್ರಭೃತ್ ।

ಏಕಮೂರ್ತಿಸ್ತ್ರಯೀಮೂರ್ತಿರ್ಮಧುಕೈಟಭಭಞ್ಜಿನೀ

॥ 80 ॥

ಶ್ಲೋಕ 95

ಸಾಙ್ಖ್ಯಾ ಸಾಙ್ಖ್ಯವತೀ ಜ್ವಾಲಾ ಜ್ವಲನ್ತೀ ಕಾಮರೂಪಿಣೀ ।

ಜಾಗ್ರತೀ ಸರ್ವಸಮ್ಪತ್ತಿಸ್ಸುಷುಪ್ತಾ ಸ್ವೇಷ್ಟದಾಯಿನೀ

॥ 81 ॥

ಶ್ಲೋಕ 96

ಕಪಾಲಿನೀ ಮಹಾದಂಷ್ಟ್ರಾ ಭ್ರುಕುಟೀ ಕುಟಿಲಾನನಾ ।

ಸರ್ವಾವಾಸಾ ಸುವಾಸಾ ಚ ಬೃಹತ್ಯಷ್ಟಿಶ್ಚ ಶಕ್ವರೀ

॥ 82 ॥

ಶ್ಲೋಕ 97

ಛನ್ದೋಗಣಪ್ರತಿಷ್ಠಾ ಚ ಕಲ್ಮಾಷೀ ಕರುಣಾತ್ಮಿಕಾ ।

ಚಕ್ಷುಷ್ಮತೀ ಮಹಾಘೋಷಾ ಖಡ್ಗಚರ್ಮಧರಾಽಶನಿಃ

॥ 83 ॥

ಶ್ಲೋಕ 98

ಶಿಲ್ಪವೈಚಿತ್ರ್ಯವಿದ್ಯೋತಾ ಸರ್ವತೋಭದ್ರವಾಸಿನೀ ।

ಅಚಿನ್ತ್ಯಲಕ್ಷಣಾಕಾರಾ ಸೂತ್ರಭಾಷ್ಯನಿಬನ್ಧನಾ

॥ 84 ॥

ಶ್ಲೋಕ 99

ಸರ್ವವೇದಾರ್ಥಸಮ್ಪತ್ತಿಸ್ಸರ್ವಶಾಸ್ತ್ರಾರ್ಥಮಾತೃಕಾ ।

ಅಕಾರಾದಿಕ್ಷಕಾರಾನ್ತಸರ್ವವರ್ಣಕೃತಸ್ಥಲಾ

॥ 85 ॥

ಶ್ಲೋಕ 100

ಸರ್ವಲಕ್ಷ್ಮೀಸ್ಸದಾನನ್ದಾ ಸಾರವಿದ್ಯಾ ಸದಾಶಿವಾ ।

ಸರ್ವಜ್ಞಾ ಸರ್ವಶಕ್ತಿಶ್ಚ ಖೇಚರೀರೂಪಗೋಚ್ಛ್ರಿತಾ

॥ 86 ॥

ಶ್ಲೋಕ 101

ಅಣಿಮಾದಿಗುಣೋಪೇತಾ ಪರಾ ಕಾಷ್ಠಾ ಪರಾ ಗತಿಃ ।

ಹಂಸಯುಕ್ತವಿಮಾನಸ್ಥಾ ಹಂಸಾರೂಢಾ ಶಶಿಪ್ರಭಾ

॥ 87 ॥

ಶ್ಲೋಕ 102

ಭವಾನೀ ವಾಸನಾಶಕ್ತಿರಾಕೃತಿಸ್ಥಾಖಿಲಾಽಖಿಲಾ ।

ತನ್ತ್ರಹೇತುರ್ವಿಚಿತ್ರಾಙ್ಗೀ ವ್ಯೋಮಗಙ್ಗಾವಿನೋದಿನೀ

॥ 88 ॥

ಶ್ಲೋಕ 103

ವರ್ಷಾ ಚ ವಾರ್ಷಿಕಾ ಚೈವ ಋಗ್ಯಜುಸ್ಸಾಮರೂಪಿಣೀ ।

ಮಹಾನದೀನದೀಪುಣ್ಯಾಽಗಣ್ಯಪುಣ್ಯಗುಣಕ್ರಿಯಾ

॥ 89 ॥

ಶ್ಲೋಕ 104

ಸಮಾಧಿಗತಲಭ್ಯಾರ್ಥಾ ಶ್ರೋತವ್ಯಾ ಸ್ವಪ್ರಿಯಾ ಘೃಣಾ ।

ನಾಮಾಕ್ಷರಪರಾ ದೇವೀ ಉಪಸರ್ಗನಖಾಞ್ಚಿತಾ

॥ 90 ॥

ಶ್ಲೋಕ 105

ನಿಪಾತೋರುದ್ವಯೀಜಙ್ಘಾ ಮಾತೃಕಾ ಮನ್ತ್ರರೂಪಿಣೀ ।

ಆಸೀನಾ ಚ ಶಯಾನಾ ಚ ತಿಷ್ಠನ್ತೀ ಧಾವನಾಧಿಕಾ

॥ 91 ॥

ಶ್ಲೋಕ 106

ಲಕ್ಷ್ಯಲಕ್ಷಣಯೋಗಾಢ್ಯಾ ತಾದ್ರೂಪ್ಯಗಣನಾಕೃತಿಃ ।

ಸೈಕರೂಪಾ ನೈಕರೂಪಾ ಸೇನ್ದುರೂಪಾ ತದಾಕೃತಿಃ

॥ 92 ॥

ಶ್ಲೋಕ 107

ಸಮಾಸತದ್ಧಿತಾಕಾರಾ ವಿಭಕ್ತಿವಚನಾತ್ಮಿಕಾ ।

ಸ್ವಾಹಾಕಾರಾ ಸ್ವಧಾಕಾರಾ ಶ್ರೀಪತ್ಯರ್ಧಾಙ್ಗನನ್ದಿನೀ

॥ 93 ॥

ಶ್ಲೋಕ 108

ಗಮ್ಭೀರಾ ಗಹನಾ ಗುಹ್ಯಾ ಯೋನಿಲಿಙ್ಗಾರ್ಧಧಾರಿಣೀ ।

ಶೇಷವಾಸುಕಿಸಂಸೇವ್ಯಾ ಚಪಲಾ ವರವರ್ಣಿನೀ

॥ 94 ॥

ಶ್ಲೋಕ 109

ಕಾರುಣ್ಯಾಕಾರಸಮ್ಪತ್ತಿಃ ಕೀಲಕೃನ್ಮನ್ತ್ರಕೀಲಿಕಾ ।

ಶಕ್ತಿಬೀಜಾತ್ಮಿಕಾ ಸರ್ವಮನ್ತ್ರೇಷ್ಟಾಕ್ಷಯಕಾಮನಾ

॥ 95 ॥

ಶ್ಲೋಕ 110

ಆಗ್ನೇಯೀ ಪಾರ್ಥಿವಾ ಆಪ್ಯಾ ವಾಯವ್ಯಾ ವ್ಯೋಮಕೇತನಾ ।

ಸತ್ಯಜ್ಞಾನಾತ್ಮಿಕಾಽಽನನ್ದಾ ಬ್ರಾಹ್ಮೀ ಬ್ರಹ್ಮ ಸನಾತನೀ

॥ 96 ॥

ಶ್ಲೋಕ 111

ಅವಿದ್ಯಾವಾಸನಾ ಮಾಯಾಪ್ರಕೃತಿಸ್ಸರ್ವಮೋಹಿನೀ ।

ಶಕ್ತಿರ್ಧಾರಣಶಕ್ತಿಶ್ಚ ಚಿದಚಿಚ್ಛಕ್ತಿಯೋಗಿನೀ

॥ 97 ॥

ಶ್ಲೋಕ 112

ವಕ್ತ್ರಾರುಣಾ ಮಹಾಮಾಯಾ ಮರೀಚಿರ್ಮದಮರ್ದಿನೀ ।

ವಿರಾಟ್ ಸ್ವಾಹಾ ಸ್ವಧಾ ಶುದ್ಧಾ ನೀರೂಪಾಸ್ತಿಸ್ಸುಭಕ್ತಿಗಾ

॥ 98 ॥

ಶ್ಲೋಕ 113

ನಿರೂಪಿತಾದ್ವಯೀವಿದ್ಯಾ ನಿತ್ಯಾನಿತ್ಯಸ್ವರೂಪಿಣೀ ।

ವೈರಾಜಮಾರ್ಗಸಞ್ಚಾರಾ ಸರ್ವಸತ್ಪಥದರ್ಶಿನೀ

॥ 99 ॥

ಶ್ಲೋಕ 114

ಜಾಲನ್ಧರೀ ಮೃಡಾನೀ ಚ ಭವಾನೀ ಭವಭಞ್ಜನೀ ।

ತ್ರೈಕಾಲಿಕಜ್ಞಾನತನ್ತುಸ್ತ್ರಿಕಾಲಜ್ಞಾನದಾಯಿನೀ

॥ 100 ॥

ಶ್ಲೋಕ 115

ನಾದಾತೀತಾ ಸ್ಮೃತಿಃ ಪ್ರಜ್ಞಾ ಧಾತ್ರೀರೂಪಾ ತ್ರಿಪುಷ್ಕರಾ ।

ಪರಾಜಿತಾವಿಧಾನಜ್ಞಾ ವಿಶೇಷಿತಗುಣಾತ್ಮಿಕಾ

॥ 101 ॥

ಶ್ಲೋಕ 116

ಹಿರಣ್ಯಕೇಶಿನೀ ಹೇಮಬ್ರಹ್ಮಸೂತ್ರವಿಚಕ್ಷಣಾ ।

ಅಸಙ್ಖ್ಯೇಯಪರಾರ್ಧಾನ್ತಸ್ವರವ್ಯಞ್ಜನವೈಖರೀ

॥ 102 ॥

ಶ್ಲೋಕ 117

ಮಧುಜಿಹ್ವಾ ಮಧುಮತೀ ಮಧುಮಾಸೋದಯಾ ಮಧುಃ ।

ಮಾಧವೀ ಚ ಮಹಾಭಾಗಾ ಮೇಘಗಮ್ಭೀರನಿಸ್ವನಾ

॥ 103 ॥

ಶ್ಲೋಕ 118

ಬ್ರಹ್ಮವಿಷ್ಣುಮಹೇಶಾದಿಜ್ಞಾತವ್ಯಾರ್ಥವಿಶೇಷಗಾ ।

ನಾಭೌ ವಹ್ನಿಶಿಖಾಕಾರಾ ಲಲಾಟೇ ಚನ್ದ್ರಸನ್ನಿಭಾ

॥ 104 ॥

ಶ್ಲೋಕ 119

ಭ್ರೂಮಧ್ಯೇ ಭಾಸ್ಕರಾಕಾರಾ ಸರ್ವತಾರಾಕೃತಿರ್ಹೃದಿ ।

ಕೃತ್ತಿಕಾದಿಭರಣ್ಯನ್ತನಕ್ಷತ್ರೇಷ್ಟ್ಯಾರ್ಚಿತೋದಯಾ

॥ 105 ॥

ಶ್ಲೋಕ 120

ಗ್ರಹವಿದ್ಯಾತ್ಮಿಕಾ ಜ್ಯೋತಿರ್ಜ್ಯೋತಿರ್ವಿನ್ಮತಿಜೀವಿಕಾ ।

ಬ್ರಹ್ಮಾಣ್ಡಗರ್ಭಿಣೀ ಬಾಲಾ ಸಪ್ತಾವರಣದೇವತಾ

॥ 106 ॥

ಶ್ಲೋಕ 121

ವೈರಾಜೋತ್ತಮಸಾಮ್ರಾಜ್ಯಾ ಕುಮಾರಕುಶಲೋದಯಾ ।

ಬಗಲಾ ಭ್ರಮರಾಮ್ಬಾ ಚ ಶಿವದೂತೀ ಶಿವಾತ್ಮಿಕಾ

॥ 107 ॥

ಶ್ಲೋಕ 122

ಮೇರುವಿನ್ಧ್ಯಾದಿಸಂಸ್ಥಾನಾ ಕಾಶ್ಮೀರಪುರವಾಸಿನೀ ।

ಯೋಗನಿದ್ರಾ ಮಹಾನಿದ್ರಾ ವಿನಿದ್ರಾ ರಾಕ್ಷಸಾಶ್ರಿತಾ

॥ 108 ॥

ಶ್ಲೋಕ 123

ಸುವರ್ಣದಾ ಮಹಾಗಙ್ಗಾ ಪಞ್ಚಾಖ್ಯಾ ಪಞ್ಚಸಂಹತಿಃ ।

ಸುಪ್ರಜಾತಾ ಸುವೀರಾ ಚ ಸುಪೋಷಾ ಸುಪತಿಶ್ಶಿವಾ

॥ 109 ॥

ಶ್ಲೋಕ 124

ಸುಗೃಹಾ ರಕ್ತಬೀಜಾನ್ತಾ ಹತಕನ್ದರ್ಪಜೀವಿಕಾ ।

ಸಮುದ್ರವ್ಯೋಮಮಧ್ಯಸ್ಥಾ ಸಮಬಿನ್ದುಸಮಾಶ್ರಯಾ

॥ 110 ॥

ಶ್ಲೋಕ 125

ಸೌಭಾಗ್ಯರಸಜೀವಾತುಸ್ಸಾರಾಸಾರವಿವೇಕದೃಕ್ ।

ತ್ರಿವಲ್ಯಾದಿಸುಪುಷ್ಟಾಙ್ಗಾ ಭಾರತೀ ಭರತಾಶ್ರಿತಾ

॥ 111 ॥

ಶ್ಲೋಕ 126

ನಾದಬ್ರಹ್ಮಮಯೀವಿದ್ಯಾ ಜ್ಞಾನಬ್ರಹ್ಮಮಯೀಪರಾ ।

ಬ್ರಹ್ಮನಾಡೀ ನಿರುಕ್ತಿಶ್ಚ ಬ್ರಹ್ಮಕೈವಲ್ಯಸಾಧನಮ್

॥ 112 ॥

ಶ್ಲೋಕ 127

ಕಾಲಿಕೇಯಮಹೋದಾರವೀರ್ಯವಿಕ್ರಮರೂಪಿಣೀ ।

ವಡವಾಗ್ನಿಶಿಖಾವಕ್ತ್ರಾ ಮಹಾಕವಲತರ್ಪಣಾ

॥ 113 ॥

ಶ್ಲೋಕ 128

ಮಹಾಭೂತಾ ಮಹಾದರ್ಪಾ ಮಹಾಸಾರಾ ಮಹಾಕ್ರತುಃ ।

ಪಞ್ಜಭೂತಮಹಾಗ್ರಾಸಾ ಪಞ್ಚಭೂತಾಧಿದೇವತಾ

॥ 114 ॥

ಶ್ಲೋಕ 129

ಸರ್ವಪ್ರಮಾಣಾ ಸಮ್ಪತ್ತಿಸ್ಸರ್ವರೋಗಪ್ರತಿಕ್ರಿಯಾ ।

ಬ್ರಹ್ಮಾಣ್ಡಾನ್ತರ್ಬಹಿರ್ವ್ಯಾಪ್ತಾ ವಿಷ್ಣುವಕ್ಷೋವಿಭೂಷಿಣೀ

॥ 115 ॥

ಶ್ಲೋಕ 130

ಶಾಙ್ಕರೀ ವಿಧಿವಕ್ತ್ರಸ್ಥಾ ಪ್ರವರಾ ವರಹೇತುಕೀ ।

ಹೇಮಮಾಲಾ ಶಿಖಾಮಾಲಾ ತ್ರಿಶಿಖಾ ಪಞ್ಚಲೋಚನಾ

॥ 116 ॥

ಶ್ಲೋಕ 131

॥ 117 ॥ [ ಪಞ್ಚಮೋಚನಾ ]

ಸರ್ವಾಗಮಸದಾಚಾರಮರ್ಯಾದಾ ಯಾತುಭಞ್ಜನೀ ।

ಪುಣ್ಯಶ್ಲೋಕಪ್ರಬನ್ಧಾಢ್ಯಾ ಸರ್ವಾನ್ತರ್ಯಾಮಿರೂಪಿಣೀ

ಶ್ಲೋಕ 132

ಸಾಮಗಾನಸಮಾರಾಧ್ಯಾ ಶ್ರೋತ್ರಕರ್ಣರಸಾಯನಮ್ ।

ಜೀವಲೋಕೈಕಜೀವಾತುರ್ಭದ್ರೋದಾರವಿಲೋಕನಾ

॥ 118 ॥

ಶ್ಲೋಕ 133

ತಟಿತ್ಕೋಟಿಲಸತ್ಕಾನ್ತಿಸ್ತರುಣೀ ಹರಿಸುನ್ದರೀ ।

ಮೀನನೇತ್ರಾ ಚ ಸೇನ್ದ್ರಾಕ್ಷೀ ವಿಶಾಲಾಕ್ಷೀ ಸುಮಙ್ಗಲಾ

॥ 119 ॥

ಶ್ಲೋಕ 134

ಸರ್ವಮಙ್ಗಲಸಮ್ಪನ್ನಾ ಸಾಕ್ಷಾನ್ಮಙ್ಗಲದೇವತಾ ।

ದೇಹಹೃದ್ದೀಪಿಕಾ ದೀಪ್ತಿರ್ಜಿಹ್ವಪಾಪಪ್ರಣಾಶಿನೀ

॥ 120 ॥

ಶ್ಲೋಕ 135

ಅರ್ಧಚನ್ದ್ರೋಲ್ಲಸದ್ದಂಷ್ಟ್ರಾ ಯಜ್ಞವಾಟೀವಿಲಾಸಿನೀ ।

ಮಹಾದುರ್ಗಾ ಮಹೋತ್ಸಾಹಾ ಮಹಾದೇವಬಲೋದಯಾ

॥ 121 ॥

ಶ್ಲೋಕ 136

ಡಾಕಿನೀಡ್ಯಾ ಶಾಕಿನೀಡ್ಯಾ ಸಾಕಿನೀಡ್ಯಾ ಸಮಸ್ತಜುಟ್ ।

ನಿರಙ್ಕುಶಾ ನಾಕಿವನ್ದ್ಯಾ ಷಡಾಧಾರಾಧಿದೇವತಾ

॥ 122 ॥

ಶ್ಲೋಕ 137

ಭುವನಜ್ಞಾನಿನಿಶ್ಶ್ರೇಣೀ ಭುವನಾಕಾರವಲ್ಲರೀ ।

ಶಾಶ್ವತೀ ಶಾಶ್ವತಾಕಾರಾ ಲೋಕಾನುಗ್ರಹಕಾರಿಣೀ

॥ 123 ॥

ಶ್ಲೋಕ 138

ಸಾರಸೀ ಮಾನಸೀ ಹಂಸೀ ಹಂಸಲೋಕಪ್ರದಾಯಿನೀ ।

ಚಿನ್ಮುದ್ರಾಲಙ್ಕೃತಕರಾ ಕೋಟಿಸೂರ್ಯಸಮಪ್ರಭಾ

॥ 124 ॥

ಶ್ಲೋಕ 139

ಸುಖಪ್ರಾಣಿಶಿರೋರೇಖಾ ಸದದೃಷ್ಟಪ್ರದಾಯಿನೀ ।

ಸರ್ವಸಾಙ್ಕರ್ಯದೋಷಘ್ನೀ ಗ್ರಹೋಪದ್ರವನಾಶಿನೀ

॥ 125 ॥

ಶ್ಲೋಕ 140

ಕ್ಷುದ್ರಜನ್ತುಭಯಘ್ನೀ ಚ ವಿಷರೋಗಾದಿಭಞ್ಜನೀ ।

ಸದಾಶಾನ್ತಾ ಸದಾಶುದ್ಧಾ ಗೃಹಚ್ಛಿದ್ರನಿವಾರಿಣೀ

॥ 126 ॥

ಶ್ಲೋಕ 141

ಕಲಿದೋಷಪ್ರಶಮನೀ ಕೋಲಾಹಲಪುರಸ್ಥಿತಾ ।

ಗೌರೀ ಲಾಕ್ಷಣಿಕೀ ಮುಖ್ಯಾ ಜಘನ್ಯಾಕೃತಿವರ್ಜಿತಾ

॥ 127 ॥

ಶ್ಲೋಕ 142

ಮಾಯಾ ವಿದ್ಯಾ ಮೂಲಭೂತಾ ವಾಸವೀ ವಿಷ್ಣುಚೇತನಾ ।

ವಾದಿನೀ ವಸುರೂಪಾ ಚ ವಸುರತ್ನಪರಿಚ್ಛದಾ

॥ 128 ॥

ಶ್ಲೋಕ 143

ಛಾನ್ದಸೀ ಚನ್ದ್ರಹೃದಯಾ ಮನ್ತ್ರಸ್ವಚ್ಛನ್ದಭೈರವೀ ।

ವನಮಾಲಾ ವೈಜಯನ್ತೀ ಪಞ್ಚದಿವ್ಯಾಯುಧಾತ್ಮಿಕಾ

॥ 129 ॥

ಶ್ಲೋಕ 144

ಪೀತಾಮ್ಬರಮಯೀ ಚಞ್ಚತ್ಕೌಸ್ತುಭಾ ಹರಿಕಾಮಿನೀ ।

ನಿತ್ಯಾ ತಥ್ಯಾ ರಮಾ ರಾಮಾ ರಮಣೀ ಮೃತ್ಯುಭಞ್ಜನೀ

॥ 130 ॥

ಶ್ಲೋಕ 145

ಜ್ಯೇಷ್ಠಾ ಕಾಷ್ಠಾ ಧನಿಷ್ಠಾನ್ತಾ ಶರಾಙ್ಗೀ ನಿರ್ಗುಣಪ್ರಿಯಾ ।

ಮೈತ್ರೇಯಾ ಮಿತ್ರವಿನ್ದಾ ಚ ಶೇಷ್ಯಶೇಷಕಲಾಶಯಾ

॥ 131 ॥

ಶ್ಲೋಕ 146

ವಾರಾಣಸೀವಾಸಲಭ್ಯಾ ಚಾರ್ಯಾವರ್ತಜನಸ್ತುತಾ । [ ವಾರಾಣಸೀವಾಸರತಾ ]

ಜಗದುತ್ಪತ್ತಿಸಂಸ್ಥಾನಸಂಹಾರತ್ರಯಕಾರಣಮ್

॥ 132 ॥

ಶ್ಲೋಕ 147

ತ್ವಮಮ್ಬ ವಿಷ್ಣುಸರ್ವಸ್ವಂ ನಮಸ್ತೇಽಸ್ತು ಮಹೇಶ್ವರಿ ।

ನಮಸ್ತೇ ಸರ್ವಲೋಕಾನಾಂ ಜನನ್ಯೈ ಪುಣ್ಯಮೂರ್ತಯೇ

॥ 133 ॥

ಶ್ಲೋಕ 148

ಸಿದ್ಧಲಕ್ಷ್ಮೀರ್ಮಹಾಕಾಲಿ ಮಹಲಕ್ಷ್ಮಿ ನಮೋಽಸ್ತು ತೇ ।

ಸದ್ಯೋಜಾತಾದಿಪಞ್ಚಾಗ್ನಿರೂಪಾ ಪಞ್ಚಕಪಞ್ಚಕಮ್

॥ 134 ॥

ಶ್ಲೋಕ 149

ಯನ್ತ್ರಲಕ್ಷ್ಮೀರ್ಭವತ್ಯಾದಿರಾದ್ಯಾದ್ಯೇ ತೇ ನಮೋ ನಮಃ ।

ಸೃಷ್ಟ್ಯಾದಿಕಾರಣಾಕಾರವಿತತೇ ದೋಷವರ್ಜಿತೇ

॥ 135 ॥

ಶ್ಲೋಕ 150

ಜಗಲ್ಲಕ್ಷ್ಮೀರ್ಜಗನ್ಮಾತರ್ವಿಷ್ಣುಪತ್ನಿ ನಮೋಽಸ್ತು ತೇ ।

ನವಕೋಟಿಮಹಾಶಕ್ತಿಸಮುಪಾಸ್ಯಪದಾಮ್ಬುಜೇ

॥ 136 ॥

ಶ್ಲೋಕ 151

ಕನತ್ಸೌವರ್ಣರತ್ನಾಢ್ಯ ಸರ್ವಾಭರಣಭೂಷಿತೇ ।

ಅನನ್ತಾನಿತ್ಯಮಹಿಷೀಪ್ರಪಞ್ಚೇಶ್ವರನಾಯಕಿ

॥ 137 ॥

ಶ್ಲೋಕ 152

ಅತ್ಯುಚ್ಛ್ರಿತಪದಾನ್ತಸ್ಥೇ ಪರಮವ್ಯೋಮನಾಯಕಿ ।

ನಾಕಪೃಷ್ಠಗತಾರಾಧ್ಯೇ ವಿಷ್ಣುಲೋಕವಿಲಾಸಿನಿ

॥ 138 ॥

ಶ್ಲೋಕ 153

ವೈಕುಣ್ಠರಾಜಮಹಿಷಿ ಶ್ರೀರಙ್ಗನಗರಾಶ್ರಿತೇ ।

ರಙ್ಗನಾಯಕಿ ಭೂಪುತ್ರಿ ಕೃಷ್ಣೇ ವರದವಲ್ಲಭೇ

॥ 139 ॥

ಶ್ಲೋಕ 154

ಕೋಟಿಬ್ರಹ್ಮಾದಿಸಂಸೇವ್ಯೇ ಕೋಟಿರುದ್ರಾದಿಕೀರ್ತಿತೇ ।

ಮಾತುಲುಙ್ಗಮಯಂ ಖೇಟಂ ಸೌವರ್ಣಚಷಕಂ ತಥಾ

॥ 140 ॥

ಶ್ಲೋಕ 155

ಪದ್ಮದ್ವಯಂ ಪೂರ್ಣಕುಮ್ಭಂ ಕೀರಞ್ಚ ವರದಾಭಯೇ ।

ಪಾಶಮಙ್ಕುಶಕಂ ಶಙ್ಖಂ ಚಕ್ರಂ ಶೂಲಂ ಕೃಪಾಣಿಕಾಮ್

॥ 141 ॥

ಶ್ಲೋಕ 156

ಧನುರ್ಬಾಣೌ ಚಾಕ್ಷಮಾಲಾಂ ಚಿನ್ಮುದ್ರಾಮಪಿ ಬಿಭ್ರತೀ ।

ಅಷ್ಟಾದಶಭುಜೇ ಲಕ್ಷ್ಮೀರ್ಮಹಾಷ್ಟಾದಶಪೀಠಗೇ

॥ 142 ॥

ಶ್ಲೋಕ 157

ಭೂಮಿನೀಲಾದಿಸಂಸೇವ್ಯೇ ಸ್ವಾಮಿಚಿತ್ತಾನುವರ್ತಿನಿ ।

ಪದ್ಮೇ ಪದ್ಮಾಲಯೇ ಪದ್ಮಿ ಪೂರ್ಣಕುಮ್ಭಾಭಿಷೇಚಿತೇ

॥ 143 ॥

ಶ್ಲೋಕ 158

ಇನ್ದಿರೇನ್ದಿನ್ದಿರಾಭಾಕ್ಷಿ ಕ್ಷೀರಸಾಗರಕನ್ಯಕೇ ।

ಭಾರ್ಗವಿ ತ್ವಂ ಸ್ವತನ್ತ್ರೇಚ್ಛಾ ವಶೀಕೃತಜಗತ್ಪತಿಃ

॥ 144 ॥

ಶ್ಲೋಕ 159

ಮಙ್ಗಲಂ ಮಙ್ಗಲಾನಾಂ ತ್ವಂ ದೇವತಾನಾಂ ಚ ದೇವತಾ ।

ತ್ವಮುತ್ತಮೋತ್ತಮಾನಾಂ ಚ ತ್ವಂ ಶ್ರೇಯಃ ಪರಮಾಮೃತಮ್

॥ 145 ॥

ಶ್ಲೋಕ 160

ಧನಧಾನ್ಯಾಭಿವೃದ್ಧಿಶ್ಚ ಸಾರ್ವಭೌಮಸುಖೋಚ್ಛ್ರಯಾ ।

ಆನ್ದೋಲಿಕಾದಿಸೌಭಾಗ್ಯಂ ಮತ್ತೇಭಾದಿಮಹೋದಯಃ

॥ 146 ॥

ಶ್ಲೋಕ 161

ಪುತ್ರಪೌತ್ರಾಭಿವೃದ್ಧಿಶ್ಚ ವಿದ್ಯಾಭೋಗಬಲಾದಿಕಮ್ ।

ಆಯುರಾರೋಗ್ಯಸಮ್ಪತ್ತಿರಷ್ಟೈಶ್ವರ್ಯಂ ತ್ವಮೇವ ಹಿ

॥ 147 ॥

ಶ್ಲೋಕ 162

ಪರಮೇಶವಿಭೂತಿಶ್ಚ ಸೂಕ್ಷ್ಮಾತ್ಸೂಕ್ಷ್ಮತರಾಗತಿಃ ।

ಸದಯಾಪಾಙ್ಗಸನ್ದತ್ತಬ್ರಹ್ಮೇನ್ದ್ರಾದಿಪದಸ್ಥಿತಿಃ

॥ 148 ॥

ಶ್ಲೋಕ 163

ಅವ್ಯಾಹತಮಹಾಭಾಗ್ಯಂ ತ್ವಮೇವಾಕ್ಷೋಭ್ಯವಿಕ್ರಮಃ ।

ಸಮನ್ವಯಶ್ಚ ವೇದಾನಾಮವಿರೋಧಸ್ತ್ವಮೇವ ಹಿ

॥ 149 ॥

ಶ್ಲೋಕ 164

ನಿಃಶ್ರೇಯಸಪದಪ್ರಾಪ್ತಿಸಾಧನಂ ಫಲಮೇವ ಚ ।

ಶ್ರೀಮನ್ತ್ರರಾಜರಾಜ್ಞೀ ಚ ಶ್ರೀವಿದ್ಯಾ ಕ್ಷೇಮಕಾರಿಣೀ

॥ 150 ॥

ಶ್ಲೋಕ 165

ಶ್ರೀಮ್ಬೀಜಜಪಸನ್ತುಷ್ಟಾ ಐಂ ಹ್ರೀಂ ಶ್ರೀಂ ಬೀಜಪಾಲಿಕಾ ।

ಪ್ರಪತ್ತಿಮಾರ್ಗಸುಲಭಾ ವಿಷ್ಣುಪ್ರಥಮಕಿಙ್ಕರೀ

॥ 151 ॥

ಶ್ಲೋಕ 166

ಕ್ಲೀಙ್ಕಾರಾರ್ಥಸವಿತ್ರೀ ಚ ಸೌಮಙ್ಗಲ್ಯಾಧಿದೇವತಾ ।

ಶ್ರೀಷೋಡಶಾಕ್ಷರೀವಿದ್ಯಾ ಶ್ರೀಯನ್ತ್ರಪುರವಾಸಿನೀ

॥ 152 ॥

ಶ್ಲೋಕ 167

ಸರ್ವಮಙ್ಗಲಮಾಙ್ಗಲ್ಯೇ ಶಿವೇ ಸರ್ವಾರ್ಥಸಾಧಿಕೇ ।

ಶರಣ್ಯೇ ತ್ರ್ಯಮ್ಬಕೇ ಗೌರೀ ನಾರಾಯಣಿ ನಮೋಽಸ್ತು ತೇ

॥ 153 ॥

ಶ್ಲೋಕ 168

ಪುನಃ ಪುನರ್ನಮಸ್ತೇಽಸ್ತು ಸಾಷ್ಟಾಙ್ಗಮಯುತಂ ಪುನಃ ।

ಸನತ್ಕುಮಾರ ಉವಾಚ-

ಏವಂ ಸ್ತುತಾ ಮಹಾಲಕ್ಷ್ಮೀರ್ಬ್ರಹ್ಮರುದ್ರಾದಿಭಿಸ್ಸುರೈಃ ।

ನಮದ್ಭಿರಾರ್ತೈರ್ದೀನೈಶ್ಚ ನಿಸ್ಸ್ವತ್ವೈರ್ಭೋಗವರ್ಜಿತೈಃ

॥ 154 ॥

ಶ್ಲೋಕ 169

ಜ್ಯೇಷ್ಠಾ ಜುಷ್ಟೈಶ್ಚ ನಿಶ್ಶ್ರೀಕೈಸ್ಸಂಸಾರಾತ್ಸ್ವಪರಾಯಣೈಃ ।

ವಿಷ್ಣುಪತ್ನೀ ದದೌ ತೇಷಾಂ ದರ್ಶನಂ ದೃಷ್ಟಿತರ್ಪಣಮ್

॥ 1 ॥

ಶ್ಲೋಕ 170

ಶರತ್ಪೂರ್ಣೇನ್ದುಕೋಟ್ಯಾಭಧವಲಾಪಾಙ್ಗವೀಕ್ಷಣೈಃ ।

ಸರ್ವಾನ್ಸತ್ತ್ವಸಮಾವಿಷ್ಟಾನ್ ಚಕ್ರೇ ಹೃಷ್ಟಾ ವರಂ ದದೌ

॥ 2 ॥

ಶ್ಲೋಕ 171

ಮಹಾಲಕ್ಷ್ಮೀರುವಾಚ-

ನಾಮ್ನಾಂ ಸಾಷ್ಟಸಹಸ್ರಂ ಮೇ ಪ್ರಮಾದಾದ್ವಾಪಿ ಯಸ್ಸಕೃತ್ ।

ಕೀರ್ತಯೇತ್ತತ್ಕುಲೇ ಸತ್ಯಂ ವಸಾಮ್ಯಾಚನ್ದ್ರತಾರಕಮ್

॥ 3 ॥

ಶ್ಲೋಕ 172

ಕಿಂ ಪುನರ್ನಿಯಮಾಜ್ಜಪ್ತುರ್ಮದೇಕಶರಣಸ್ಯ ಚ ।

ಮಾತೃವತ್ಸಾನುಕಮ್ಪಾಹಂ ಪೋಷಕೀ ಸ್ಯಾಮಹರ್ನಿಶಮ್

॥ 4 ॥

ಶ್ಲೋಕ 173

ಮನ್ನಾಮ ಸ್ತವತಾಂ ಲೋಕೇ ದುರ್ಲಭಂ ನಾಸ್ತಿ ಚಿನ್ತಿತಮ್ ।

ಮತ್ಪ್ರಸಾದೇನ ಸರ್ವೇಽಪಿ ಸ್ವಸ್ವೇಷ್ಟಾರ್ಥಮವಾಪ್ಸ್ಯಥ

॥ 5 ॥

ಶ್ಲೋಕ 174

ಲುಪ್ತವೈಷ್ಣವಧರ್ಮಸ್ಯ ಮದ್ವ್ರತೇಷ್ವವಕೀರ್ಣಿನಃ ।

ಭಕ್ತಿಪ್ರಪತ್ತಿಹೀನಸ್ಯ ವನ್ದ್ಯೋ ನಾಮ್ನಾಂ ಸ್ತವೋಽಪಿ ಮೇ

॥ 6 ॥

ಶ್ಲೋಕ 175

ತಸ್ಮಾದವಶ್ಯಂ ತೈರ್ದೋಷೈರ್ವಿಹೀನಃ ಪಾಪವರ್ಜಿತಃ ।

ಜಪೇತ್ಸಾಷ್ಟಸಹಸ್ರಂ ಮೇ ನಾಮ್ನಾಂ ಪ್ರತ್ಯಹಮಾದರಾತ್

॥ 7 ॥

ಶ್ಲೋಕ 176

ಸಾಕ್ಷಾದಲಕ್ಷ್ಮೀಪುತ್ರೋಽಪಿ ದುರ್ಭಾಗ್ಯೋಽಪ್ಯಲಸೋಽಪಿ ವಾ ।

ಅಪ್ರಯತ್ನೋಽಪಿ ಮೂಢೋಽಪಿ ವಿಕಲಃ ಪತಿತೋಽಪಿ ಚ

॥ 8 ॥

ಶ್ಲೋಕ 177

ಅವಶ್ಯಂ ಪ್ರಾಪ್ನುಯಾದ್ಭಾಗ್ಯಂ ಮತ್ಪ್ರಸಾದೇನ ಕೇವಲಮ್ ।

ಸ್ಪೃಹೇಯಮಚಿರಾದ್ದೇವಾ ವರದಾನಾಯ ಜಾಪಿನಃ ।

ದದಾಮಿ ಸರ್ವಮಿಷ್ಟಾರ್ಥಂ ಲಕ್ಷ್ಮೀತಿ ಸ್ಮರತಾಂ ಧ್ರುವಮ್

॥ 9 ॥

ಶ್ಲೋಕ 178

ಸನತ್ಕುಮಾರ ಉವಾಚ-

ಇತ್ಯುಕ್ತ್ವಾಽನ್ತರ್ದಧೇ ಲಕ್ಷ್ಮೀರ್ವೈಷ್ಣವೀ ಭಗವತ್ಕಲಾ ।

ಇಷ್ಟಾಪೂರ್ತಂ ಚ ಸುಕೃತಂ ಭಾಗಧೇಯಂ ಚ ಚಿನ್ತಿತಮ್

॥ 10 ॥

ಶ್ಲೋಕ 179

ಸ್ವಂ ಸ್ವಂ ಸ್ಥಾನಂ ಚ ಭೋಗಂ ಚ ವಿಜಯಂ ಲೇಭಿರೇ ಸುರಾಃ ।

ತದೇತತ್ ಪ್ರವದಾಮ್ಯದ್ಯ ಲಕ್ಷ್ಮೀನಾಮಸಹಸ್ರಕಮ್ ।

ಯೋಗಿನಃ ಪಠತ ಕ್ಷಿಪ್ರಂ ಚಿನ್ತಿತಾರ್ಥಾನವಾಪ್ಸ್ಯಥ

॥ 11 ॥

ಶ್ಲೋಕ 180

ಗಾರ್ಗ್ಯ ಉವಾಚ-

ಸನತ್ಕುಮಾರೋಯೋಗೀನ್ದ್ರ ಇತ್ಯುಕ್ತ್ವಾ ಸ ದಯಾನಿಧಿಃ ।

ಅನುಗೃಹ್ಯ ಯಯೌ ಕ್ಷಿಪ್ರಂ ತಾಂಶ್ಚ ದ್ವಾದಶಯೋಗಿನಃ

॥ 12 ॥

ಶ್ಲೋಕ 181

ತಸ್ಮಾದೇತದ್ರಹಸ್ಯಂ ಚ ಗೋಪ್ಯಂ ಜಪ್ಯಂ ಪ್ರಯತ್ನತಃ ।

ಅಷ್ಟಮ್ಯಾಂ ಚ ಚತುರ್ದಶ್ಯಾಂ ನವಮ್ಯಾಂ ಭೃಗುವಾಸರೇ

॥ 13 ॥

ಶ್ಲೋಕ 182

ಪೌರ್ಣಮಾಸ್ಯಾಮಮಾಯಾಂ ಚ ಪರ್ವಕಾಲೇ ವಿಶೇಷತಃ ।

ಜಪೇದ್ವಾ ನಿತ್ಯಕಾರ್ಯೇಷು ಸರ್ವಾನ್ಕಾಮಾನವಾಪ್ನುಯಾತ್

॥ 14 ॥

ಶ್ಲೋಕ 183

ಇತಿ ಶ್ರೀಸ್ಕನ್ದಪುರಾಣೇ ಸನತ್ಕುಮಾರಸಂಹಿತಾಯಾಂ ಲಕ್ಷ್ಮೀಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥