শ্রী লক্ষ্মী সহস্রনাম স্তোত্রং

শ্রী লক্ষ্মী সহস্রনাম স্তোত্রং

শ্লোক 1

নাম্নাং সাষ্টসহস্রঞ্চ ব্রূহি গার্গ্য মহামতে ।

মহালক্ষ্ম্যা মহাদেব্যা ভুক্তিমুক্ত্যর্থসিদ্ধযে

শ্লোক 2

গার্গ্য উবাচ

সনত্কুমারমাসীনং দ্বাদশাদিত্যসন্নিভম্ ।

অপৃচ্ছন্যোগিনো ভক্ত্যা যোগিনামর্থসিদ্ধযে

॥ 1 ॥

শ্লোক 3

সর্বলৌকিককর্মভ্যো বিমুক্তানাং হিতায বৈ ।

ভুক্তিমুক্তিপ্রদং জপ্যমনুব্রূহি দযানিধে

॥ 2 ॥

শ্লোক 4

সনত্কুমার ভগবন্সর্বজ্ঞোঽসি বিশেষতঃ ।

আস্তিক্যসিদ্ধযে নৄণাং ক্ষিপ্রধর্মার্থসাধনম্

॥ 3 ॥

শ্লোক 5

খিদ্যন্তি মানবাস্সর্বে ধনাভাবেন কেবলম্ ।

সিদ্ধ্যন্তি ধনিনোঽন্যস্য নৈব ধর্মার্থকামনাঃ

॥ 4 ॥

শ্লোক 6

দারিদ্র্যধ্বংসিনী নাম কেন বিদ্যা প্রকীর্তিতা ।

কেন বা ব্রহ্মবিদ্যাঽপি কেন মৃত্যুবিনাশিনী

॥ 5 ॥

শ্লোক 7

সর্বাসাং সারভূতৈকা বিদ্যানাং কেন কীর্তিতা ।

প্রত্যক্ষসিদ্ধিদা ব্রহ্মন্ তামাচক্ষ্ব দযানিধে

॥ 6 ॥

শ্লোক 8

সনত্কুমার উবাচ

সাধু পৃষ্টং মহাভাগাস্সর্বলোকহিতৈষিণঃ ।

মহতামেষ ধর্মশ্চ নান্যেষামিতি মে মতিঃ

॥ 7 ॥

শ্লোক 9

ব্রহ্মবিষ্ণুমহাদেবমহেন্দ্রাদিমহাত্মভিঃ ।

সম্প্রোক্তং কথযাম্যদ্য লক্ষ্মীনামসহস্রকম্

॥ 8 ॥

শ্লোক 10

যস্যোচ্চারণমাত্রেণ দারিদ্র্যান্মুচ্যতে নরঃ ।

কিং পুনস্তজ্জপাজ্জাপী সর্বেষ্টার্থানবাপ্নুযাত্

॥ 9 ॥

শ্লোক 11

অস্য শ্রীলক্ষ্মীদিব্যসহস্রনামস্তোত্রমহামন্ত্রস্য আনন্দকর্দমচিক্লীতেন্দিরাসুতাদযো মহাত্মানো মহর্ষযঃ অনুষ্টুপ্ছন্দঃ বিষ্ণুমাযা শক্তিঃ মহালক্ষ্মীঃ পরাদেবতা শ্রীমহালক্ষ্মীপ্রসাদদ্বারা সর্বেষ্টার্থসিদ্ধ্যর্থে জপে বিনিযোগঃ ।

ধ্যানম্

পদ্মনাভপ্রিযাং দেবীং পদ্মাক্ষীং পদ্মবাসিনীম্ ।

পদ্মবক্ত্রাং পদ্মহস্তাং বন্দে পদ্মামহর্নিশম্

॥ 10 ॥

শ্লোক 12

পূর্ণেন্দুবদনাং দিব্যরত্নাভরণভূষিতাম্ ।

বরদাভযহস্তাঢ্যাং ধ্যাযেচ্চন্দ্রসহোদরীম্

॥ 1 ॥

শ্লোক 13

ইচ্ছারূপাং ভগবতস্সচ্চিদানন্দরূপিণীম্ ।

সর্বজ্ঞাং সর্বজননীং বিষ্ণুবক্ষস্স্থলালযাম্ ।

দযালুমনিশং ধ্যাযেত্সুখসিদ্ধিস্বরূপিণীম্

॥ 2 ॥

শ্লোক 14

স্তোত্রম্

নিত্যাগতানন্তনিত্যা নন্দিনী জনরঞ্জনী ।

নিত্যপ্রকাশিনী চৈব স্বপ্রকাশস্বরূপিণী

॥ 3 ॥

শ্লোক 15

মহালক্ষ্মীর্মহাকালী মহাকন্যা সরস্বতী ।

ভোগবৈভবসন্ধাত্রী ভক্তানুগ্রহকারিণী

॥ 1 ॥

শ্লোক 16

ঈশাবাস্যা মহামাযা মহাদেবী মহেশ্বরী ।

হৃল্লেখা পরমা শক্তির্মাতৃকাবীজরূপিণী

॥ 2 ॥

শ্লোক 17

নিত্যানন্দা নিত্যবোধা নাদিনী জনমোদিনী ।

সত্যপ্রত্যযনী চৈব স্বপ্রকাশাত্মরূপিণী

॥ 3 ॥

শ্লোক 18

ত্রিপুরা ভৈরবী বিদ্যা হংসা বাগীশ্বরী শিবা ।

বাগ্দেবী চ মহারাত্রিঃ কালরাত্রিস্ত্রিলোচনা

॥ 4 ॥

শ্লোক 19

ভদ্রকালী করালী চ মহাকালী তিলোত্তমা ।

কালী করালবক্ত্রান্তা কামাক্ষী কামদা শুভা

॥ 5 ॥

শ্লোক 20

চণ্ডিকা চণ্ডরূপেশা চামুণ্ডা চক্রধারিণী ।

ত্রৈলোক্যজযিনী দেবী ত্রৈলোক্যবিজযোত্তমা

॥ 6 ॥

শ্লোক 21

সিদ্ধলক্ষ্মীঃ ক্রিযালক্ষ্মীর্মোক্ষলক্ষ্মীঃ প্রসাদিনী ।

উমা ভগবতী দুর্গা চান্দ্রী দাক্ষাযণী শিবা

॥ 7 ॥

শ্লোক 22

প্রত্যঙ্গিরা ধরাবেলা লোকমাতা হরিপ্রিযা ।

পার্বতী পরমা দেবী ব্রহ্মবিদ্যাপ্রদাযিনী

॥ 8 ॥

শ্লোক 23

অরূপা বহুরূপা চ বিরূপা বিশ্বরূপিণী ।

পঞ্চভূতাত্মিকা বাণী পঞ্চভূতাত্মিকা পরা

॥ 9 ॥

শ্লোক 24

কালী মা পঞ্চিকা বাগ্মী হবিঃপ্রত্যধিদেবতা ।

দেবমাতা সুরেশানা দেবগর্ভাঽম্বিকা ধৃতিঃ

॥ 10 ॥

শ্লোক 25

সঙ্খ্যা জাতিঃ ক্রিযাশক্তিঃ প্রকৃতির্মোহিনী মহী ।

যজ্ঞবিদ্যা মহাবিদ্যা গুহ্যবিদ্যা বিভাবরী

॥ 11 ॥

শ্লোক 26

জ্যোতিষ্মতী মহামাতা সর্বমন্ত্রফলপ্রদা ।

দারিদ্র্যধ্বংসিনী দেবী হৃদযগ্রন্থিভেদিনী

॥ 12 ॥

শ্লোক 27

সহস্রাদিত্যসঙ্কাশা চন্দ্রিকা চন্দ্ররূপিণী ।

গাযত্রী সোমসম্ভূতিস্সাবিত্রী প্রণবাত্মিকা

॥ 13 ॥

শ্লোক 28

শাঙ্করী বৈষ্ণবী ব্রাহ্মী সর্বদেবনমস্কৃতা ।

সেব্যদুর্গা কুবেরাক্ষী করবীরনিবাসিনী

॥ 14 ॥

শ্লোক 29

জযা চ বিজযা চৈব জযন্তী চাঽপরাজিতা ।

কুব্জিকা কালিকা শাস্ত্রী বীণাপুস্তকধারিণী

॥ 15 ॥

শ্লোক 30

সর্বজ্ঞশক্তিশ্শ্রীশক্তির্ব্রহ্মবিষ্ণুশিবাত্মিকা ।

ইডাপিঙ্গলিকামধ্যমৃণালীতন্তুরূপিণী

॥ 16 ॥

শ্লোক 31

যজ্ঞেশানী প্রথা দীক্ষা দক্ষিণা সর্বমোহিনী ।

অষ্টাঙ্গযোগিনী দেবী নির্বীজধ্যানগোচরা

॥ 17 ॥

শ্লোক 32

সর্বতীর্থস্থিতা শুদ্ধা সর্বপর্বতবাসিনী ।

বেদশাস্ত্রপ্রভা দেবী ষডঙ্গাদিপদক্রমা

॥ 18 ॥

শ্লোক 33

শিবা ধাত্রী শুভানন্দা যজ্ঞকর্মস্বরূপিণী ।

ব্রতিনী মেনকা দেবী ব্রহ্মাণী ব্রহ্মচারিণী

॥ 19 ॥

শ্লোক 34

একাক্ষরপরা তারা ভববন্ধবিনাশিনী ।

বিশ্বম্ভরা ধরাধারা নিরাধারাঽধিকস্বরা

॥ 20 ॥

শ্লোক 35

রাকা কুহূরমাবাস্যা পূর্ণিমাঽনুমতির্দ্যুতিঃ ।

সিনীবালী শিবাঽবশ্যা বৈশ্বদেবী পিশঙ্গিলা

॥ 21 ॥

শ্লোক 36

পিপ্পলা চ বিশালাক্ষী রক্ষোঘ্নী বৃষ্টিকারিণী ।

দুষ্টবিদ্রাবিণী দেবী সর্বোপদ্রবনাশিনী

॥ 22 ॥

শ্লোক 37

শারদা শরসন্ধানা সর্বশস্ত্রস্বরূপিণী ।

যুদ্ধমধ্যস্থিতা দেবী সর্বভূতপ্রভঞ্জনী

॥ 23 ॥

শ্লোক 38

অযুদ্ধা যুদ্ধরূপা চ শান্তা শান্তিস্বরূপিণী ।

গঙ্গা সরস্বতীবেণীযমুনানর্মদাপগা

॥ 24 ॥

শ্লোক 39

সমুদ্রবসনাবাসা ব্রহ্মাণ্ডশ্রোণিমেখলা ।

পঞ্চবক্ত্রা দশভুজা শুদ্ধস্ফটিকসন্নিভা

॥ 25 ॥

শ্লোক 40

রক্তা কৃষ্ণা সিতা পীতা সর্ববর্ণা নিরীশ্বরী ।

কালিকা চক্রিকা দেবী সত্যা তু বটুকাস্থিতা

॥ 26 ॥

শ্লোক 41

তরুণী বারুণী নারী জ্যেষ্ঠাদেবী সুরেশ্বরী ।

বিশ্বম্ভরাধরা কর্ত্রী গলার্গলবিভঞ্জনী

॥ 27 ॥

শ্লোক 42

সন্ধ্যারাত্রির্দিবাজ্যোত্স্না কলাকাষ্ঠা নিমেষিকা ।

উর্বী কাত্যাযনী শুভ্রা সংসারার্ণবতারিণী

॥ 28 ॥

শ্লোক 43

কপিলা কীলিকাঽশোকা মল্লিকানবমল্লিকা । [ মল্লিকানবমালিকা ]

দেবিকা নন্দিকা শান্তা ভঞ্জিকা ভযভঞ্জিকা

॥ 29 ॥

শ্লোক 44

কৌশিকী বৈদিকী দেবী সৌরী রূপাধিকাঽতিভা ।

দিগ্বস্ত্রা নববস্ত্রা চ কন্যকা কমলোদ্ভবা

॥ 30 ॥

শ্লোক 45

শ্রীস্সৌম্যলক্ষণাঽতীতদুর্গা সূত্রপ্রবোধিকা ।

শ্রদ্ধা মেধা কৃতিঃ প্রজ্ঞা ধারণা কান্তিরেব চ

॥ 31 ॥

শ্লোক 46

শ্রুতিঃ স্মৃতির্ধৃতির্ধন্যা ভূতিরিষ্টির্মনীষিণী ।

বিরক্তির্ব্যাপিনী মাযা সর্বমাযাপ্রভঞ্জনী

॥ 32 ॥

শ্লোক 47

মাহেন্দ্রী মন্ত্রিণী সিংহী চেন্দ্রজালস্বরূপিণী ।

অবস্থাত্রযনির্মুক্তা গুণত্রযবিবর্জিতা

॥ 33 ॥

শ্লোক 48

ঈষণাত্রযনির্মুক্তা সর্বরোগবিবর্জিতা ।

যোগিধ্যানান্তগম্যা চ যোগধ্যানপরাযণা

॥ 34 ॥

শ্লোক 49

ত্রযীশিখা বিশেষজ্ঞা বেদান্তজ্ঞানরূপিণী ।

ভারতী কমলা ভাষা পদ্মা পদ্মবতী কৃতিঃ

॥ 35 ॥

শ্লোক 50

গৌতমী গোমতী গৌরী ঈশানা হংসবাহিনী ।

নারাযণী প্রভাধারা জাহ্নবী শঙ্করাত্মজা

॥ 36 ॥

শ্লোক 51

চিত্রঘণ্টা সুনন্দা শ্রীর্মানবী মনুসম্ভবা ।

স্তম্ভিনী ক্ষোভিণী মারী ভ্রামিণী শত্রুমারিণী

॥ 37 ॥

শ্লোক 52

মোহিনী দ্বেষিণী বীরা অঘোরা রুদ্ররূপিণী ।

রুদ্রৈকাদশিনী পুণ্যা কল্যাণী লাভকারিণী

॥ 38 ॥

শ্লোক 53

দেবদুর্গা মহাদুর্গা স্বপ্নদুর্গাঽষ্টভৈরবী ।

সূর্যচন্দ্রাগ্নিরূপা চ গ্রহনক্ষত্ররূপিণী

॥ 39 ॥

শ্লোক 54

বিন্দুনাদকলাতীতা বিন্দুনাদকলাত্মিকা ।

দশবাযুজযাকারা কলাষোডশসংযুতা

॥ 40 ॥

শ্লোক 55

কাশ্যপী কমলাদেবী নাদচক্রনিবাসিনী ।

মৃডাধারা স্থিরা গুহ্যা দেবিকা চক্ররূপিণী

॥ 41 ॥

শ্লোক 56

অবিদ্যা শার্বরী ভুঞ্জা জম্ভাসুরনিবর্হিণী ।

শ্রীকাযা শ্রীকলা শুভ্রা কর্মনির্মূলকারিণী

॥ 42 ॥

শ্লোক 57

আদিলক্ষ্মীর্গুণাধারা পঞ্চব্রহ্মাত্মিকা পরা ।

শ্রুতির্ব্রহ্মমুখাবাসা সর্বসম্পত্তিরূপিণী

॥ 43 ॥

শ্লোক 58

মৃতসঞ্জীবনী মৈত্রী কামিনী কামবর্জিতা ।

নির্বাণমার্গদা দেবী হংসিনী কাশিকা ক্ষমা

॥ 44 ॥

শ্লোক 59

সপর্যা গুণিনী ভিন্না নির্গুণা খণ্ডিতাশুভা ।

স্বামিনী বেদিনী শক্যা শাম্বরী চক্রধারিণী

॥ 45 ॥

শ্লোক 60

দণ্ডিনী মুণ্ডিনী ব্যাঘ্রী শিখিনী সোমসংহতিঃ ।

চিন্তামণিশ্চিদানন্দা পঞ্চবাণপ্রবোধিনী

॥ 46 ॥

শ্লোক 61

বাণশ্রেণিস্সহস্রাক্ষী সহস্রভুজপাদুকা ।

সন্ধ্যাবলিস্ত্রিসন্ধ্যাখ্যা ব্রহ্মাণ্ডমণিভূষণা

॥ 47 ॥

শ্লোক 62

বাসবী বারুণীসেনা কুলিকা মন্ত্ররঞ্জনী ।

জিতপ্রাণস্বরূপা চ কান্তা কাম্যবরপ্রদা

॥ 48 ॥

শ্লোক 63

মন্ত্রব্রাহ্মণবিদ্যার্থা নাদরূপা হবিষ্মতী ।

আথর্বণিঃ শ্রুতিঃ শূন্যা কল্পনাবর্জিতা সতী

॥ 49 ॥

শ্লোক 64

সত্তাজাতিঃ প্রমাঽমেযাঽপ্রমিতিঃ প্রাণদা গতিঃ ।

অবর্ণা পঞ্চবর্ণা চ সর্বদা ভুবনেশ্বরী

॥ 50 ॥

শ্লোক 65

ত্রৈলোক্যমোহিনী বিদ্যা সর্বভর্ত্রী ক্ষরাঽক্ষরা ।

হিরণ্যবর্ণা হরিণী সর্বোপদ্রবনাশিনী

॥ 51 ॥

শ্লোক 66

কৈবল্যপদবীরেখা সূর্যমণ্ডলসংস্থিতা ।

সোমমণ্ডলমধ্যস্থা বহ্নিমণ্ডলসংস্থিতা

॥ 52 ॥

শ্লোক 67

বাযুমণ্ডলমধ্যস্থা ব্যোমমণ্ডলসংস্থিতা ।

চক্রিকা চক্রমধ্যস্থা চক্রমার্গপ্রবর্তিনী

॥ 53 ॥

শ্লোক 68

কোকিলাকুলচক্রেশা পক্ষতিঃ পঙ্ক্তিপাবনী ।

সর্বসিদ্ধান্তমার্গস্থা ষড্বর্ণাবরবর্জিতা

॥ 54 ॥

শ্লোক 69

শররুদ্রহরা হন্ত্রী সর্বসংহারকারিণী ।

পুরুষা পৌরুষী তুষ্টিস্সর্বতন্ত্রপ্রসূতিকা

॥ 55 ॥

শ্লোক 70

অর্ধনারীশ্বরী দেবী সর্ববিদ্যাপ্রদাযিনী ।

ভার্গবী যাজুষীবিদ্যা সর্বোপনিষদাস্থিতা

॥ 56 ॥

শ্লোক 71

॥ 57 ॥ [ ভুজুষীবিদ্যা ]

ব্যোমকেশাখিলপ্রাণা পঞ্চকোশবিলক্ষণা ।

পঞ্চকোশাত্মিকা প্রত্যক্পঞ্চব্রহ্মাত্মিকা শিবা

শ্লোক 72

জগজ্জরাজনিত্রী চ পঞ্চকর্মপ্রসূতিকা ।

বাগ্দেব্যাভরণাকারা সর্বকাম্যস্থিতাস্থিতিঃ

॥ 58 ॥

শ্লোক 73

অষ্টাদশচতুষ্ষষ্ঠিপীঠিকা বিদ্যযা যুতা ।

কালিকাকর্ষণশ্যামা যক্ষিণী কিন্নরেশ্বরী

॥ 59 ॥

শ্লোক 74

কেতকী মল্লিকাঽশোকা বারাহী ধরণী ধ্রুবা ।

নারসিংহী মহোগ্রাস্যা ভক্তানামার্তিনাশিনী

॥ 60 ॥

শ্লোক 75

অন্তর্বলা স্থিরা লক্ষ্মীর্জরামরণনাশিনী ।

শ্রীরঞ্জিতা মহাকাযা সোমসূর্যাগ্নিলোচনা

॥ 61 ॥

শ্লোক 76

অদিতির্দেবমাতা চ অষ্টপুত্রাঽষ্টযোগিনী ।

অষ্টপ্রকৃতিরষ্টাষ্টবিভ্রাজদ্বিকৃতাকৃতিঃ

॥ 62 ॥

শ্লোক 77

দুর্ভিক্ষধ্বংসিনী দেবী সীতা সত্যা চ রুক্মিণী ।

খ্যাতিজা ভার্গবী দেবী দেবযোনিস্তপস্বিনী

॥ 63 ॥

শ্লোক 78

শাকম্ভরী মহাশোণা গরুডোপরিসংস্থিতা ।

সিংহগা ব্যাঘ্রগা দেবী বাযুগা চ মহাদ্রিগা

॥ 64 ॥

শ্লোক 79

অকারাদিক্ষকারান্তা সর্ববিদ্যাধিদেবতা ।

মন্ত্রব্যাখ্যাননিপুণা জ্যোতিশ্শাস্ত্রৈকলোচনা

॥ 65 ॥

শ্লোক 80

ইডাপিঙ্গলিকামধ্যাসুষুম্না গ্রন্থিভেদিনী ।

কালচক্রাশ্রযোপেতা কালচক্রস্বরূপিণী

॥ 66 ॥

শ্লোক 81

বৈশারদী মতিশ্শ্রেষ্ঠা বরিষ্ঠা সর্বদীপিকা ।

বৈনাযকী বরারোহা শ্রোণিবেলা বহির্বলিঃ

॥ 67 ॥

শ্লোক 82

জম্ভিনী জৃম্ভিণী জম্ভকারিণী গণকারিকা ।

শরণী চক্রিকাঽনন্তা সর্বব্যাধিচিকিত্সকী

॥ 68 ॥

শ্লোক 83

দেবকী দেবসঙ্কাশা বারিধিঃ করুণাকরা ।

শর্বরী সর্বসম্পন্না সর্বপাপপ্রভঞ্জনী

॥ 69 ॥

শ্লোক 84

একমাত্রা দ্বিমাত্রা চ ত্রিমাত্রা চ তথাঽপরা ।

অর্ধমাত্রা পরা সূক্ষ্মা সূক্ষ্মার্থাঽর্থপরাঽপরা

॥ 70 ॥

শ্লোক 85

একবীরা বিশেষাখ্যা ষষ্ঠীদেবী মনস্বিনী ।

নৈষ্কর্ম্যা নিষ্কলালোকা জ্ঞানকর্মাধিকা গুণা

॥ 71 ॥

শ্লোক 86

সবন্ধ্বানন্দসন্দোহা ব্যোমাকারাঽনিরূপিতা ।

গদ্যপদ্যাত্মিকা বাণী সর্বালঙ্কারসংযুতা

॥ 72 ॥

শ্লোক 87

সাধুবন্ধপদন্যাসা সর্বৌকো ঘটিকাবলিঃ ।

ষট্কর্মা কর্কশাকারা সর্বকর্মবিবর্জিতা

॥ 73 ॥

শ্লোক 88

আদিত্যবর্ণা চাপর্ণা কামিনী বররূপিণী ।

ব্রহ্মাণী ব্রহ্মসন্তানা বেদবাগীশ্বরী শিবা

॥ 74 ॥

শ্লোক 89

পুরাণন্যাযমীমাংসাধর্মশাস্ত্রাগমশ্রুতা ।

সদ্যোবেদবতী সর্বা হংসী বিদ্যাধিদেবতা

॥ 75 ॥

শ্লোক 90

বিশ্বেশ্বরী জগদ্ধাত্রী বিশ্বনির্মাণকারিণী ।

বৈদিকী বেদরূপা চ কালিকা কালরূপিণী

॥ 76 ॥

শ্লোক 91

নারাযণী মহাদেবী সর্বতত্ত্বপ্রবর্তিনী ।

হিরণ্যবর্ণরূপা চ হিরণ্যপদসম্ভবা

॥ 77 ॥

শ্লোক 92

কৈবল্যপদবী পুণ্যা কৈবল্যজ্ঞানলক্ষিতা ।

ব্রহ্মসম্পত্তিরূপা চ ব্রহ্মসম্পত্তিকারিণী

॥ 78 ॥

শ্লোক 93

বারুণী বারুণারাধ্যা সর্বকর্মপ্রবর্তিনী ।

একাক্ষরপরাঽঽযুক্তা সর্বদারিদ্র্যভঞ্জিনী

॥ 79 ॥

শ্লোক 94

পাশাঙ্কুশান্বিতা দিব্যা বীণাব্যাখ্যাক্ষসূত্রভৃত্ ।

একমূর্তিস্ত্রযীমূর্তির্মধুকৈটভভঞ্জিনী

॥ 80 ॥

শ্লোক 95

সাঙ্খ্যা সাঙ্খ্যবতী জ্বালা জ্বলন্তী কামরূপিণী ।

জাগ্রতী সর্বসম্পত্তিস্সুষুপ্তা স্বেষ্টদাযিনী

॥ 81 ॥

শ্লোক 96

কপালিনী মহাদংষ্ট্রা ভ্রুকুটী কুটিলাননা ।

সর্বাবাসা সুবাসা চ বৃহত্যষ্টিশ্চ শক্বরী

॥ 82 ॥

শ্লোক 97

ছন্দোগণপ্রতিষ্ঠা চ কল্মাষী করুণাত্মিকা ।

চক্ষুষ্মতী মহাঘোষা খড্গচর্মধরাঽশনিঃ

॥ 83 ॥

শ্লোক 98

শিল্পবৈচিত্র্যবিদ্যোতা সর্বতোভদ্রবাসিনী ।

অচিন্ত্যলক্ষণাকারা সূত্রভাষ্যনিবন্ধনা

॥ 84 ॥

শ্লোক 99

সর্ববেদার্থসম্পত্তিস্সর্বশাস্ত্রার্থমাতৃকা ।

অকারাদিক্ষকারান্তসর্ববর্ণকৃতস্থলা

॥ 85 ॥

শ্লোক 100

সর্বলক্ষ্মীস্সদানন্দা সারবিদ্যা সদাশিবা ।

সর্বজ্ঞা সর্বশক্তিশ্চ খেচরীরূপগোচ্ছ্রিতা

॥ 86 ॥

শ্লোক 101

অণিমাদিগুণোপেতা পরা কাষ্ঠা পরা গতিঃ ।

হংসযুক্তবিমানস্থা হংসারূঢা শশিপ্রভা

॥ 87 ॥

শ্লোক 102

ভবানী বাসনাশক্তিরাকৃতিস্থাখিলাঽখিলা ।

তন্ত্রহেতুর্বিচিত্রাঙ্গী ব্যোমগঙ্গাবিনোদিনী

॥ 88 ॥

শ্লোক 103

বর্ষা চ বার্ষিকা চৈব ঋগ্যজুস্সামরূপিণী ।

মহানদীনদীপুণ্যাঽগণ্যপুণ্যগুণক্রিযা

॥ 89 ॥

শ্লোক 104

সমাধিগতলভ্যার্থা শ্রোতব্যা স্বপ্রিযা ঘৃণা ।

নামাক্ষরপরা দেবী উপসর্গনখাঞ্চিতা

॥ 90 ॥

শ্লোক 105

নিপাতোরুদ্বযীজঙ্ঘা মাতৃকা মন্ত্ররূপিণী ।

আসীনা চ শযানা চ তিষ্ঠন্তী ধাবনাধিকা

॥ 91 ॥

শ্লোক 106

লক্ষ্যলক্ষণযোগাঢ্যা তাদ্রূপ্যগণনাকৃতিঃ ।

সৈকরূপা নৈকরূপা সেন্দুরূপা তদাকৃতিঃ

॥ 92 ॥

শ্লোক 107

সমাসতদ্ধিতাকারা বিভক্তিবচনাত্মিকা ।

স্বাহাকারা স্বধাকারা শ্রীপত্যর্ধাঙ্গনন্দিনী

॥ 93 ॥

শ্লোক 108

গম্ভীরা গহনা গুহ্যা যোনিলিঙ্গার্ধধারিণী ।

শেষবাসুকিসংসেব্যা চপলা বরবর্ণিনী

॥ 94 ॥

শ্লোক 109

কারুণ্যাকারসম্পত্তিঃ কীলকৃন্মন্ত্রকীলিকা ।

শক্তিবীজাত্মিকা সর্বমন্ত্রেষ্টাক্ষযকামনা

॥ 95 ॥

শ্লোক 110

আগ্নেযী পার্থিবা আপ্যা বাযব্যা ব্যোমকেতনা ।

সত্যজ্ঞানাত্মিকাঽঽনন্দা ব্রাহ্মী ব্রহ্ম সনাতনী

॥ 96 ॥

শ্লোক 111

অবিদ্যাবাসনা মাযাপ্রকৃতিস্সর্বমোহিনী ।

শক্তির্ধারণশক্তিশ্চ চিদচিচ্ছক্তিযোগিনী

॥ 97 ॥

শ্লোক 112

বক্ত্রারুণা মহামাযা মরীচির্মদমর্দিনী ।

বিরাট্ স্বাহা স্বধা শুদ্ধা নীরূপাস্তিস্সুভক্তিগা

॥ 98 ॥

শ্লোক 113

নিরূপিতাদ্বযীবিদ্যা নিত্যানিত্যস্বরূপিণী ।

বৈরাজমার্গসঞ্চারা সর্বসত্পথদর্শিনী

॥ 99 ॥

শ্লোক 114

জালন্ধরী মৃডানী চ ভবানী ভবভঞ্জনী ।

ত্রৈকালিকজ্ঞানতন্তুস্ত্রিকালজ্ঞানদাযিনী

॥ 100 ॥

শ্লোক 115

নাদাতীতা স্মৃতিঃ প্রজ্ঞা ধাত্রীরূপা ত্রিপুষ্করা ।

পরাজিতাবিধানজ্ঞা বিশেষিতগুণাত্মিকা

॥ 101 ॥

শ্লোক 116

হিরণ্যকেশিনী হেমব্রহ্মসূত্রবিচক্ষণা ।

অসঙ্খ্যেযপরার্ধান্তস্বরব্যঞ্জনবৈখরী

॥ 102 ॥

শ্লোক 117

মধুজিহ্বা মধুমতী মধুমাসোদযা মধুঃ ।

মাধবী চ মহাভাগা মেঘগম্ভীরনিস্বনা

॥ 103 ॥

শ্লোক 118

ব্রহ্মবিষ্ণুমহেশাদিজ্ঞাতব্যার্থবিশেষগা ।

নাভৌ বহ্নিশিখাকারা ললাটে চন্দ্রসন্নিভা

॥ 104 ॥

শ্লোক 119

ভ্রূমধ্যে ভাস্করাকারা সর্বতারাকৃতির্হৃদি ।

কৃত্তিকাদিভরণ্যন্তনক্ষত্রেষ্ট্যার্চিতোদযা

॥ 105 ॥

শ্লোক 120

গ্রহবিদ্যাত্মিকা জ্যোতির্জ্যোতির্বিন্মতিজীবিকা ।

ব্রহ্মাণ্ডগর্ভিণী বালা সপ্তাবরণদেবতা

॥ 106 ॥

শ্লোক 121

বৈরাজোত্তমসাম্রাজ্যা কুমারকুশলোদযা ।

বগলা ভ্রমরাম্বা চ শিবদূতী শিবাত্মিকা

॥ 107 ॥

শ্লোক 122

মেরুবিন্ধ্যাদিসংস্থানা কাশ্মীরপুরবাসিনী ।

যোগনিদ্রা মহানিদ্রা বিনিদ্রা রাক্ষসাশ্রিতা

॥ 108 ॥

শ্লোক 123

সুবর্ণদা মহাগঙ্গা পঞ্চাখ্যা পঞ্চসংহতিঃ ।

সুপ্রজাতা সুবীরা চ সুপোষা সুপতিশ্শিবা

॥ 109 ॥

শ্লোক 124

সুগৃহা রক্তবীজান্তা হতকন্দর্পজীবিকা ।

সমুদ্রব্যোমমধ্যস্থা সমবিন্দুসমাশ্রযা

॥ 110 ॥

শ্লোক 125

সৌভাগ্যরসজীবাতুস্সারাসারবিবেকদৃক্ ।

ত্রিবল্যাদিসুপুষ্টাঙ্গা ভারতী ভরতাশ্রিতা

॥ 111 ॥

শ্লোক 126

নাদব্রহ্মমযীবিদ্যা জ্ঞানব্রহ্মমযীপরা ।

ব্রহ্মনাডী নিরুক্তিশ্চ ব্রহ্মকৈবল্যসাধনম্

॥ 112 ॥

শ্লোক 127

কালিকেযমহোদারবীর্যবিক্রমরূপিণী ।

বডবাগ্নিশিখাবক্ত্রা মহাকবলতর্পণা

॥ 113 ॥

শ্লোক 128

মহাভূতা মহাদর্পা মহাসারা মহাক্রতুঃ ।

পঞ্জভূতমহাগ্রাসা পঞ্চভূতাধিদেবতা

॥ 114 ॥

শ্লোক 129

সর্বপ্রমাণা সম্পত্তিস্সর্বরোগপ্রতিক্রিযা ।

ব্রহ্মাণ্ডান্তর্বহির্ব্যাপ্তা বিষ্ণুবক্ষোবিভূষিণী

॥ 115 ॥

শ্লোক 130

শাঙ্করী বিধিবক্ত্রস্থা প্রবরা বরহেতুকী ।

হেমমালা শিখামালা ত্রিশিখা পঞ্চলোচনা

॥ 116 ॥

শ্লোক 131

॥ 117 ॥ [ পঞ্চমোচনা ]

সর্বাগমসদাচারমর্যাদা যাতুভঞ্জনী ।

পুণ্যশ্লোকপ্রবন্ধাঢ্যা সর্বান্তর্যামিরূপিণী

শ্লোক 132

সামগানসমারাধ্যা শ্রোত্রকর্ণরসাযনম্ ।

জীবলোকৈকজীবাতুর্ভদ্রোদারবিলোকনা

॥ 118 ॥

শ্লোক 133

তটিত্কোটিলসত্কান্তিস্তরুণী হরিসুন্দরী ।

মীননেত্রা চ সেন্দ্রাক্ষী বিশালাক্ষী সুমঙ্গলা

॥ 119 ॥

শ্লোক 134

সর্বমঙ্গলসম্পন্না সাক্ষান্মঙ্গলদেবতা ।

দেহহৃদ্দীপিকা দীপ্তির্জিহ্বপাপপ্রণাশিনী

॥ 120 ॥

শ্লোক 135

অর্ধচন্দ্রোল্লসদ্দংষ্ট্রা যজ্ঞবাটীবিলাসিনী ।

মহাদুর্গা মহোত্সাহা মহাদেববলোদযা

॥ 121 ॥

শ্লোক 136

ডাকিনীড্যা শাকিনীড্যা সাকিনীড্যা সমস্তজুট্ ।

নিরঙ্কুশা নাকিবন্দ্যা ষডাধারাধিদেবতা

॥ 122 ॥

শ্লোক 137

ভুবনজ্ঞানিনিশ্শ্রেণী ভুবনাকারবল্লরী ।

শাশ্বতী শাশ্বতাকারা লোকানুগ্রহকারিণী

॥ 123 ॥

শ্লোক 138

সারসী মানসী হংসী হংসলোকপ্রদাযিনী ।

চিন্মুদ্রালঙ্কৃতকরা কোটিসূর্যসমপ্রভা

॥ 124 ॥

শ্লোক 139

সুখপ্রাণিশিরোরেখা সদদৃষ্টপ্রদাযিনী ।

সর্বসাঙ্কর্যদোষঘ্নী গ্রহোপদ্রবনাশিনী

॥ 125 ॥

শ্লোক 140

ক্ষুদ্রজন্তুভযঘ্নী চ বিষরোগাদিভঞ্জনী ।

সদাশান্তা সদাশুদ্ধা গৃহচ্ছিদ্রনিবারিণী

॥ 126 ॥

শ্লোক 141

কলিদোষপ্রশমনী কোলাহলপুরস্থিতা ।

গৌরী লাক্ষণিকী মুখ্যা জঘন্যাকৃতিবর্জিতা

॥ 127 ॥

শ্লোক 142

মাযা বিদ্যা মূলভূতা বাসবী বিষ্ণুচেতনা ।

বাদিনী বসুরূপা চ বসুরত্নপরিচ্ছদা

॥ 128 ॥

শ্লোক 143

ছান্দসী চন্দ্রহৃদযা মন্ত্রস্বচ্ছন্দভৈরবী ।

বনমালা বৈজযন্তী পঞ্চদিব্যাযুধাত্মিকা

॥ 129 ॥

শ্লোক 144

পীতাম্বরমযী চঞ্চত্কৌস্তুভা হরিকামিনী ।

নিত্যা তথ্যা রমা রামা রমণী মৃত্যুভঞ্জনী

॥ 130 ॥

শ্লোক 145

জ্যেষ্ঠা কাষ্ঠা ধনিষ্ঠান্তা শরাঙ্গী নির্গুণপ্রিযা ।

মৈত্রেযা মিত্রবিন্দা চ শেষ্যশেষকলাশযা

॥ 131 ॥

শ্লোক 146

বারাণসীবাসলভ্যা চার্যাবর্তজনস্তুতা । [ বারাণসীবাসরতা ]

জগদুত্পত্তিসংস্থানসংহারত্রযকারণম্

॥ 132 ॥

শ্লোক 147

ত্বমম্ব বিষ্ণুসর্বস্বং নমস্তেঽস্তু মহেশ্বরি ।

নমস্তে সর্বলোকানাং জনন্যৈ পুণ্যমূর্তযে

॥ 133 ॥

শ্লোক 148

সিদ্ধলক্ষ্মীর্মহাকালি মহলক্ষ্মি নমোঽস্তু তে ।

সদ্যোজাতাদিপঞ্চাগ্নিরূপা পঞ্চকপঞ্চকম্

॥ 134 ॥

শ্লোক 149

যন্ত্রলক্ষ্মীর্ভবত্যাদিরাদ্যাদ্যে তে নমো নমঃ ।

সৃষ্ট্যাদিকারণাকারবিততে দোষবর্জিতে

॥ 135 ॥

শ্লোক 150

জগল্লক্ষ্মীর্জগন্মাতর্বিষ্ণুপত্নি নমোঽস্তু তে ।

নবকোটিমহাশক্তিসমুপাস্যপদাম্বুজে

॥ 136 ॥

শ্লোক 151

কনত্সৌবর্ণরত্নাঢ্য সর্বাভরণভূষিতে ।

অনন্তানিত্যমহিষীপ্রপঞ্চেশ্বরনাযকি

॥ 137 ॥

শ্লোক 152

অত্যুচ্ছ্রিতপদান্তস্থে পরমব্যোমনাযকি ।

নাকপৃষ্ঠগতারাধ্যে বিষ্ণুলোকবিলাসিনি

॥ 138 ॥

শ্লোক 153

বৈকুণ্ঠরাজমহিষি শ্রীরঙ্গনগরাশ্রিতে ।

রঙ্গনাযকি ভূপুত্রি কৃষ্ণে বরদবল্লভে

॥ 139 ॥

শ্লোক 154

কোটিব্রহ্মাদিসংসেব্যে কোটিরুদ্রাদিকীর্তিতে ।

মাতুলুঙ্গমযং খেটং সৌবর্ণচষকং তথা

॥ 140 ॥

শ্লোক 155

পদ্মদ্বযং পূর্ণকুম্ভং কীরঞ্চ বরদাভযে ।

পাশমঙ্কুশকং শঙ্খং চক্রং শূলং কৃপাণিকাম্

॥ 141 ॥

শ্লোক 156

ধনুর্বাণৌ চাক্ষমালাং চিন্মুদ্রামপি বিভ্রতী ।

অষ্টাদশভুজে লক্ষ্মীর্মহাষ্টাদশপীঠগে

॥ 142 ॥

শ্লোক 157

ভূমিনীলাদিসংসেব্যে স্বামিচিত্তানুবর্তিনি ।

পদ্মে পদ্মালযে পদ্মি পূর্ণকুম্ভাভিষেচিতে

॥ 143 ॥

শ্লোক 158

ইন্দিরেন্দিন্দিরাভাক্ষি ক্ষীরসাগরকন্যকে ।

ভার্গবি ত্বং স্বতন্ত্রেচ্ছা বশীকৃতজগত্পতিঃ

॥ 144 ॥

শ্লোক 159

মঙ্গলং মঙ্গলানাং ত্বং দেবতানাং চ দেবতা ।

ত্বমুত্তমোত্তমানাং চ ত্বং শ্রেযঃ পরমামৃতম্

॥ 145 ॥

শ্লোক 160

ধনধান্যাভিবৃদ্ধিশ্চ সার্বভৌমসুখোচ্ছ্রযা ।

আন্দোলিকাদিসৌভাগ্যং মত্তেভাদিমহোদযঃ

॥ 146 ॥

শ্লোক 161

পুত্রপৌত্রাভিবৃদ্ধিশ্চ বিদ্যাভোগবলাদিকম্ ।

আযুরারোগ্যসম্পত্তিরষ্টৈশ্বর্যং ত্বমেব হি

॥ 147 ॥

শ্লোক 162

পরমেশবিভূতিশ্চ সূক্ষ্মাত্সূক্ষ্মতরাগতিঃ ।

সদযাপাঙ্গসন্দত্তব্রহ্মেন্দ্রাদিপদস্থিতিঃ

॥ 148 ॥

শ্লোক 163

অব্যাহতমহাভাগ্যং ত্বমেবাক্ষোভ্যবিক্রমঃ ।

সমন্বযশ্চ বেদানামবিরোধস্ত্বমেব হি

॥ 149 ॥

শ্লোক 164

নিঃশ্রেযসপদপ্রাপ্তিসাধনং ফলমেব চ ।

শ্রীমন্ত্ররাজরাজ্ঞী চ শ্রীবিদ্যা ক্ষেমকারিণী

॥ 150 ॥

শ্লোক 165

শ্রীম্বীজজপসন্তুষ্টা ঐং হ্রীং শ্রীং বীজপালিকা ।

প্রপত্তিমার্গসুলভা বিষ্ণুপ্রথমকিঙ্করী

॥ 151 ॥

শ্লোক 166

ক্লীঙ্কারার্থসবিত্রী চ সৌমঙ্গল্যাধিদেবতা ।

শ্রীষোডশাক্ষরীবিদ্যা শ্রীযন্ত্রপুরবাসিনী

॥ 152 ॥

শ্লোক 167

সর্বমঙ্গলমাঙ্গল্যে শিবে সর্বার্থসাধিকে ।

শরণ্যে ত্র্যম্বকে গৌরী নারাযণি নমোঽস্তু তে

॥ 153 ॥

শ্লোক 168

পুনঃ পুনর্নমস্তেঽস্তু সাষ্টাঙ্গমযুতং পুনঃ ।

সনত্কুমার উবাচ-

এবং স্তুতা মহালক্ষ্মীর্ব্রহ্মরুদ্রাদিভিস্সুরৈঃ ।

নমদ্ভিরার্তৈর্দীনৈশ্চ নিস্স্বত্বৈর্ভোগবর্জিতৈঃ

॥ 154 ॥

শ্লোক 169

জ্যেষ্ঠা জুষ্টৈশ্চ নিশ্শ্রীকৈস্সংসারাত্স্বপরাযণৈঃ ।

বিষ্ণুপত্নী দদৌ তেষাং দর্শনং দৃষ্টিতর্পণম্

॥ 1 ॥

শ্লোক 170

শরত্পূর্ণেন্দুকোট্যাভধবলাপাঙ্গবীক্ষণৈঃ ।

সর্বান্সত্ত্বসমাবিষ্টান্ চক্রে হৃষ্টা বরং দদৌ

॥ 2 ॥

শ্লোক 171

মহালক্ষ্মীরুবাচ-

নাম্নাং সাষ্টসহস্রং মে প্রমাদাদ্বাপি যস্সকৃত্ ।

কীর্তযেত্তত্কুলে সত্যং বসাম্যাচন্দ্রতারকম্

॥ 3 ॥

শ্লোক 172

কিং পুনর্নিযমাজ্জপ্তুর্মদেকশরণস্য চ ।

মাতৃবত্সানুকম্পাহং পোষকী স্যামহর্নিশম্

॥ 4 ॥

শ্লোক 173

মন্নাম স্তবতাং লোকে দুর্লভং নাস্তি চিন্তিতম্ ।

মত্প্রসাদেন সর্বেঽপি স্বস্বেষ্টার্থমবাপ্স্যথ

॥ 5 ॥

শ্লোক 174

লুপ্তবৈষ্ণবধর্মস্য মদ্ব্রতেষ্ববকীর্ণিনঃ ।

ভক্তিপ্রপত্তিহীনস্য বন্দ্যো নাম্নাং স্তবোঽপি মে

॥ 6 ॥

শ্লোক 175

তস্মাদবশ্যং তৈর্দোষৈর্বিহীনঃ পাপবর্জিতঃ ।

জপেত্সাষ্টসহস্রং মে নাম্নাং প্রত্যহমাদরাত্

॥ 7 ॥

শ্লোক 176

সাক্ষাদলক্ষ্মীপুত্রোঽপি দুর্ভাগ্যোঽপ্যলসোঽপি বা ।

অপ্রযত্নোঽপি মূঢোঽপি বিকলঃ পতিতোঽপি চ

॥ 8 ॥

শ্লোক 177

অবশ্যং প্রাপ্নুযাদ্ভাগ্যং মত্প্রসাদেন কেবলম্ ।

স্পৃহেযমচিরাদ্দেবা বরদানায জাপিনঃ ।

দদামি সর্বমিষ্টার্থং লক্ষ্মীতি স্মরতাং ধ্রুবম্

॥ 9 ॥

শ্লোক 178

সনত্কুমার উবাচ-

ইত্যুক্ত্বাঽন্তর্দধে লক্ষ্মীর্বৈষ্ণবী ভগবত্কলা ।

ইষ্টাপূর্তং চ সুকৃতং ভাগধেযং চ চিন্তিতম্

॥ 10 ॥

শ্লোক 179

স্বং স্বং স্থানং চ ভোগং চ বিজযং লেভিরে সুরাঃ ।

তদেতত্ প্রবদাম্যদ্য লক্ষ্মীনামসহস্রকম্ ।

যোগিনঃ পঠত ক্ষিপ্রং চিন্তিতার্থানবাপ্স্যথ

॥ 11 ॥

শ্লোক 180

গার্গ্য উবাচ-

সনত্কুমারোযোগীন্দ্র ইত্যুক্ত্বা স দযানিধিঃ ।

অনুগৃহ্য যযৌ ক্ষিপ্রং তাংশ্চ দ্বাদশযোগিনঃ

॥ 12 ॥

শ্লোক 181

তস্মাদেতদ্রহস্যং চ গোপ্যং জপ্যং প্রযত্নতঃ ।

অষ্টম্যাং চ চতুর্দশ্যাং নবম্যাং ভৃগুবাসরে

॥ 13 ॥

শ্লোক 182

পৌর্ণমাস্যামমাযাং চ পর্বকালে বিশেষতঃ ।

জপেদ্বা নিত্যকার্যেষু সর্বান্কামানবাপ্নুযাত্

॥ 14 ॥

শ্লোক 183

ইতি শ্রীস্কন্দপুরাণে সনত্কুমারসংহিতাযাং লক্ষ্মীসহস্রনামস্তোত্রং সম্পূর্ণম্ ॥