Sri Lakshmi Narayana Hrudaya Stotram

ଶ୍ରୀ ଲକ୍ଷ୍ମୀ ନାରାଯଣ ହୃଦଯ ସ୍ତୋତ୍ରମ୍

ଶ୍ଲୋକ 1

ଅଥ ନାରାଯନ ହୃଦଯ ସ୍ତୋତ୍ରମ୍

ଅସ୍ଯ ଶ୍ରୀନାରାଯଣହୃଦଯସ୍ତୋତ୍ରମନ୍ତ୍ରସ୍ଯ ଭାର୍ଗଵ ଋଷିଃ, ଅନୁଷ୍ଟୁପ୍ଛନ୍ଦଃ, ଶ୍ରୀଲକ୍ଷ୍ମୀନାରାଯଣୋ ଦେଵତା, ଓଁ ବୀଜଂ, ନମଶ୍ଶକ୍ତିଃ, ନାରାଯଣାଯେତି କୀଲକଂ, ଶ୍ରୀଲକ୍ଷ୍ମୀନାରାଯଣ ପ୍ରୀତ୍ଯର୍ଥେ ଜପେ ଵିନିଯୋଗଃ ।

କରନ୍ଯାସଃ ।

ଓଁ ନାରାଯଣଃ ପରଂ ଜ୍ଯୋତିରିତି ଅଙ୍ଗୁଷ୍ଠାଭ୍ଯାଂ ନମଃ ।

ନାରାଯଣଃ ପରଂ ବ୍ରହ୍ମେତି ତର୍ଜନୀଭ୍ଯାଂ ନମଃ ।

ନାରାଯଣଃ ପରୋ ଦେଵ ଇତି ମଧ୍ଯମାଭ୍ଯାଂ ନମଃ ।

ନାରାଯଣଃ ପରଂ ଧାମେତି ଅନାମିକାଭ୍ଯାଂ ନମଃ ।

ନାରାଯଣଃ ପରୋ ଧର୍ମ ଇତି କନିଷ୍ଠିକାଭ୍ଯାଂ ନମଃ ।

ଵିଶ୍ଵଂ ନାରାଯଣ ଇତି କରତଲକରପୃଷ୍ଠାଭ୍ଯାଂ ନମଃ ।

ଅଙ୍ଗନ୍ଯାସଃ ।

ନାରାଯଣଃ ପରଂ ଜ୍ଯୋତିରିତି ହୃଦଯାଯ ନମଃ ।

ନାରାଯଣଃ ପରଂ ବ୍ରହ୍ମେତି ଶିରସେ ସ୍ଵାହା ।

ନାରାଯଣଃ ପରୋ ଦେଵ ଇତି ଶିଖାଯୈ ଵୌଷଟ୍ ।

ନାରାଯଣଃ ପରଂ ଧାମେତି କଵଚାଯ ହୁମ୍ ।

ନାରାଯଣଃ ପରୋ ଧର୍ମ ଇତି ନେତ୍ରାଭ୍ଯାଂ ଵୌଷଟ୍ ।

ଵିଶ୍ଵଂ ନାରାଯଣ ଇତି ଅସ୍ତ୍ରାଯ ଫଟ୍ ।

ଦିଗ୍ବନ୍ଧଃ ।

ଓଁ ଐନ୍ଦ୍ର୍ଯାଦିଦଶଦିଶଂ ଓଁ ନମଃ ସୁଦର୍ଶନାଯ ସହସ୍ରାରାଯ ହୁଂ ଫଟ୍ ବଧ୍ନାମି ନମଶ୍ଚକ୍ରାଯ ସ୍ଵାହା । ଇତି ପ୍ରତିଦିଶଂ ଯୋଜ୍ଯମ୍ ।

ଅଥ ଧ୍ଯାନମ୍ ।

ଉଦ୍ଯାଦାଦିତ୍ଯସଙ୍କାଶଂ ପୀତଵାସଂ ଚତୁର୍ଭୁଜମ୍ ।

ଶଙ୍ଖଚକ୍ରଗଦାପାଣିଂ ଧ୍ଯାଯେଲ୍ଲକ୍ଷ୍ମୀପତିଂ ହରିମ୍

ଶ୍ଲୋକ 2

ତ୍ରୈଲୋକ୍ଯାଧାରଚକ୍ରଂ ତଦୁପରି କମଠଂ ତତ୍ର ଚାନନ୍ତଭୋଗୀ

ତନ୍ମଧ୍ଯେ ଭୂମିପଦ୍ମାଙ୍କୁଶଶିଖରଦଲଂ କର୍ଣିକାଭୂତମେରୁମ୍ ।

ତତ୍ରସ୍ଥଂ ଶାନ୍ତମୂର୍ତିଂ ମଣିମଯମକୁଟଂ କୁଣ୍ଡଲୋଦ୍ଭାସିତାଙ୍ଗଂ

ଲକ୍ଷ୍ମୀନାରାଯଣାଖ୍ଯଂ ସରସିଜନଯନଂ ସନ୍ତତଂ ଚିନ୍ତଯାମି

॥ 1 ॥

ଶ୍ଲୋକ 3

ଅଥ ମୂଲାଷ୍ଟକମ୍ ।

ଓମ୍ ॥ ନାରାଯଣଃ ପରଂ ଜ୍ଯୋତିରାତ୍ମା ନାରାଯଣଃ ପରଃ ।

ନାରାଯଣଃ ପରଂ ବ୍ରହ୍ମ ନାରାଯଣ ନମୋଽସ୍ତୁ ତେ

॥ 2 ॥

ଶ୍ଲୋକ 4

ନାରାଯଣଃ ପରୋ ଦେଵୋ ଧାତା ନାରାଯଣଃ ପରଃ ।

ନାରାଯଣଃ ପରୋ ଧାତା ନାରାଯଣ ନମୋଽସ୍ତୁ ତେ

॥ 1 ॥

ଶ୍ଲୋକ 5

ନାରାଯଣଃ ପରଂ ଧାମ ଧ୍ଯାନଂ ନାରାଯଣଃ ପରଃ ।

ନାରାଯଣ ପରୋ ଧର୍ମୋ ନାରାଯଣ ନମୋଽସ୍ତୁ ତେ

॥ 2 ॥

ଶ୍ଲୋକ 6

ନାରାଯଣଃ ପରୋଵେଦ୍ଯଃ ଵିଦ୍ଯା ନାରାଯଣଃ ପରଃ ।

ଵିଶ୍ଵଂ ନାରାଯଣଃ ସାକ୍ଷାନ୍ନାରାଯଣ ନମୋଽସ୍ତୁ ତେ

॥ 3 ॥

ଶ୍ଲୋକ 7

ନାରାଯଣାଦ୍ଵିଧିର୍ଜାତୋ ଜାତୋ ନାରାଯଣାଦ୍ଭଵଃ ।

ଜାତୋ ନାରାଯଣାଦିନ୍ଦ୍ରୋ ନାରାଯଣ ନମୋଽସ୍ତୁ ତେ

॥ 4 ॥

ଶ୍ଲୋକ 8

ରଵିର୍ନାରାଯଣସ୍ତେଜଃ ଚନ୍ଦ୍ରୋ ନାରାଯଣୋ ମହଃ ।

ଵହ୍ନିର୍ନାରାଯଣଃ ସାକ୍ଷାନ୍ନାରାଯଣ ନମୋଽସ୍ତୁ ତେ

॥ 5 ॥

ଶ୍ଲୋକ 9

ନାରାଯଣ ଉପାସ୍ଯଃ ସ୍ଯାଦ୍ଗୁରୁର୍ନାରାଯଣଃ ପରଃ ।

ନାରାଯଣଃ ପରୋ ବୋଧୋ ନାରାଯଣ ନମୋଽସ୍ତୁ ତେ

॥ 6 ॥

ଶ୍ଲୋକ 10

ନାରାଯଣଃ ଫଲଂ ମୁଖ୍ଯଂ ସିଦ୍ଧିର୍ନାରାଯଣଃ ସୁଖମ୍ ।

ସେଵ୍ଯୋନାରାଯଣଃ ଶୁଦ୍ଧୋ ନାରାଯଣ ନମୋଽସ୍ତୁ ତେ

॥ 7 ॥

ଶ୍ଲୋକ 11

॥ 8 ॥ [ହରି]

ଅଥ ପ୍ରାର୍ଥନାଦଶକମ୍ ।

ନାରାଯଣ ତ୍ଵମେଵାସି ଦହରାଖ୍ଯେ ହୃଦି ସ୍ଥିତଃ ।

ପ୍ରେରକଃ ପ୍ରେର୍ଯମାଣାନାଂ ତ୍ଵଯା ପ୍ରେରିତମାନସଃ

ଶ୍ଲୋକ 12

ତ୍ଵଦାଜ୍ଞାଂ ଶିରସା ଧୃତ୍ଵା ଜପାମି ଜନପାଵନମ୍ ।

ନାନୋପାସନମାର୍ଗାଣାଂ ଭଵକୃଦ୍ଭାଵବୋଧକଃ

॥ 9 ॥

ଶ୍ଲୋକ 13

ଭାଵାର୍ଥକୃଦ୍ଭଵାତୀତୋ ଭଵ ସୌଖ୍ଯପ୍ରଦୋ ମମ ।

ତ୍ଵନ୍ମାଯାମୋହିତଂ ଵିଶ୍ଵଂ ତ୍ଵଯୈଵ ପରିକଲ୍ପିତମ୍

॥ 10 ॥

ଶ୍ଲୋକ 14

ତ୍ଵଦଧିଷ୍ଠାନମାତ୍ରେଣ ସା ଵୈ ସର୍ଵାର୍ଥକାରିଣୀ ।

ତ୍ଵମେତାଂ ଚ ପୁରସ୍କୃତ୍ଯ ସର୍ଵକାମାନ୍ପ୍ରଦର୍ଶଯ

॥ 11 ॥

ଶ୍ଲୋକ 15

ନ ମେ ତ୍ଵଦନ୍ଯସ୍ତ୍ରାତାସ୍ତି ତ୍ଵଦନ୍ଯନ୍ନ ହି ଦୈଵତମ୍ ।

ତ୍ଵଦନ୍ଯଂ ନ ହି ଜାନାମି ପାଲକଂ ପୁଣ୍ଯଵର୍ଧନମ୍

॥ 12 ॥

ଶ୍ଲୋକ 16

ଯାଵତ୍ସାଂସାରିକୋ ଭାଵୋ ମନସ୍ସ୍ଥୋ ଭାଵନାତ୍ମକଃ ।

ତାଵତ୍ସିଦ୍ଧିର୍ଭଵେତ୍ସାଧ୍ଯା ସର୍ଵଥା ସର୍ଵଦା ଵିଭୋ

॥ 13 ॥

ଶ୍ଲୋକ 17

ପାପିନାମହମେଵାଗ୍ର୍ଯୋ ଦଯାଲୂନାଂ ତ୍ଵମଗ୍ରଣୀଃ ।

ଦଯନୀଯୋ ମଦନ୍ଯୋଽସ୍ତି ତଵ କୋଽତ୍ର ଜଗତ୍ତ୍ରଯେ

॥ 14 ॥

ଶ୍ଲୋକ 18

ତ୍ଵଯାହଂ ନୈଵ ସୃଷ୍ଟଶ୍ଚେନ୍ନ ସ୍ଯାତ୍ତଵ ଦଯାଲୁତା ।

ଆମଯୋ ଵା ନ ସୃଷ୍ଟଶ୍ଚେଦୌଷଧସ୍ଯ ଵୃଥୋଦଯଃ

॥ 15 ॥

ଶ୍ଲୋକ 19

ପାପସଙ୍ଘପରିଶ୍ରାନ୍ତଃ ପାପାତ୍ମା ପାପରୂପଧୃତ୍ ।

ତ୍ଵଦନ୍ଯଃ କୋଽତ୍ର ପାପେଭ୍ଯସ୍ତ୍ରାତାସ୍ତି ଜଗତୀତଲେ

॥ 16 ॥

ଶ୍ଲୋକ 20

ତ୍ଵମେଵ ମାତା ଚ ପିତା ତ୍ଵମେଵ

ତ୍ଵମେଵ ବନ୍ଧୁଶ୍ଚ ସଖା ତ୍ଵମେଵ ।

ତ୍ଵମେଵ ସେଵ୍ଯଶ୍ଚ ଗୁରୁସ୍ତ୍ଵମେଵ

ତ୍ଵମେଵ ସର୍ଵଂ ମମ ଦେଵ ଦେଵ

॥ 17 ॥

ଶ୍ଲୋକ 21

ପ୍ରାର୍ଥନାଦଶକଂ ଚୈଵ ମୂଲାଷ୍ଟକମତଃ ପରମ୍ ।

ଯଃ ପଠେଚ୍ଛୃଣୁଯାନ୍ନିତ୍ଯଂ ତସ୍ଯ ଲକ୍ଷ୍ମୀଃ ସ୍ଥିରା ଭଵେତ୍

॥ 18 ॥

ଶ୍ଲୋକ 22

ନାରାଯଣସ୍ଯ ହୃଦଯଂ ସର୍ଵାଭୀଷ୍ଟଫଲପ୍ରଦମ୍ ।

ଲକ୍ଷ୍ମୀହୃଦଯକଂ ସ୍ତୋତ୍ରଂ ଯଦି ଚେତ୍ତଦ୍ଵିନାକୃତମ୍

॥ 19 ॥

ଶ୍ଲୋକ 23

ତତ୍ସର୍ଵଂ ନିଷ୍ଫଲଂ ପ୍ରୋକ୍ତଂ ଲକ୍ଷ୍ମୀଃ କ୍ରୁଦ୍ଧ୍ଯତି ସର୍ଵଦା ।

ଏତତ୍ସଙ୍କଲିତଂ ସ୍ତୋତ୍ରଂ ସର୍ଵକାମଫଲପ୍ରଦମ୍

॥ 20 ॥

ଶ୍ଲୋକ 24

ଲକ୍ଷ୍ମୀହୃଦଯକଂ ଚୈଵ ତଥା ନାରାଯଣାତ୍ମକମ୍ ।

ଜପେଦ୍ଯଃ ସଙ୍କଲୀକୃତ୍ଯ ସର୍ଵାଭୀଷ୍ଟମଵାପ୍ନୁଯାତ୍

॥ 21 ॥

ଶ୍ଲୋକ 25

ନାରାଯଣସ୍ଯ ହୃଦଯମାଦୌ ଜପ୍ତ୍ଵା ତତଃ ପରମ୍ ।

ଲକ୍ଷ୍ମୀହୃଦଯକଂ ସ୍ତୋତ୍ରଂ ଜପେନ୍ନାରାଯଣଂ ପୁନଃ

॥ 22 ॥

ଶ୍ଲୋକ 26

ପୁନର୍ନାରାଯଣଂ ଜପ୍ତ୍ଵା ପୁନର୍ଲକ୍ଷ୍ମୀନୁତିଂ ଜପେତ୍ ।

ପୁନର୍ନାରାଯଣଂ ଜାପ୍ଯଂ ସଙ୍କଲୀକରଣଂ ଭଵେତ୍

॥ 23 ॥

ଶ୍ଲୋକ 27

ଏଵଂ ମଧ୍ଯେ ଦ୍ଵିଵାରେଣ ଜପେତ୍ସଙ୍କଲିତଂ ତୁ ତତ୍ ।

ଲକ୍ଷ୍ମୀହୃଦଯକଂ ସ୍ତୋତ୍ରଂ ସର୍ଵକାମପ୍ରକାଶିତମ୍

॥ 24 ॥

ଶ୍ଲୋକ 28

ତଦ୍ଵଜ୍ଜପାଦିକଂ କୁର୍ଯାଦେତତ୍ସଙ୍କଲିତଂ ଶୁଭମ୍ ।

ସର୍ଵାନ୍କାମାନଵାପ୍ନୋତି ଆଧିଵ୍ଯାଧିଭଯଂ ହରେତ୍

॥ 25 ॥

ଶ୍ଲୋକ 29

ଗୋପ୍ଯମେତତ୍ସଦା କୁର୍ଯାନ୍ନ ସର୍ଵତ୍ର ପ୍ରକାଶଯେତ୍ ।

ଇତି ଗୁହ୍ଯତମଂ ଶାସ୍ତ୍ରଂ ପ୍ରାପ୍ତଂ ବ୍ରହ୍ମାଦିକୈଃ ପୁରା

॥ 26 ॥

ଶ୍ଲୋକ 30

ତସ୍ମାତ୍ସର୍ଵପ୍ରଯତ୍ନେନ ଗୋପଯେତ୍ସାଧଯେସୁଧୀଃ ।

ଯତ୍ରୈତତ୍ପୁସ୍ତକଂ ତିଷ୍ଠେଲ୍ଲକ୍ଷ୍ମୀନାରାଯଣାତ୍ମକମ୍

॥ 27 ॥

ଶ୍ଲୋକ 31

ଭୂତପୈଶାଚଵେତାଲ ଭଯଂ ନୈଵ ତୁ ସର୍ଵଦା ।

ଲକ୍ଷ୍ମୀହୃଦଯକଂ ପ୍ରୋକ୍ତଂ ଵିଧିନା ସାଧଯେତ୍ସୁଧୀଃ

॥ 28 ॥

ଶ୍ଲୋକ 32

ଭୃଗୁଵାରେ ଚ ରାତ୍ରୌ ଚ ପୂଜଯେତ୍ପୁସ୍ତକଦ୍ଵଯମ୍ ।

ସର୍ଵଥା ସର୍ଵଦା ସତ୍ଯଂ ଗୋପଯେତ୍ସାଧଯେତ୍ସୁଧୀଃ ।

ଗୋପନାତ୍ସାଧନାଲ୍ଲୋକେ ଧନ୍ଯୋ ଭଵତି ତତ୍ତ୍ଵତଃ

॥ 29 ॥

ଶ୍ଲୋକ 33

ଇତ୍ଯଥର୍ଵରହସ୍ଯେ ଉତ୍ତରଭାଗେ ନାରାଯଣହୃଦଯଂ ସମ୍ପୂର୍ଣମ୍ ।

ଅଥ ଲକ୍ଷ୍ମୀ ହୃଦଯ ସ୍ତୋତ୍ରମ୍

ଅସ୍ଯ ଶ୍ରୀ ମହାଲକ୍ଷ୍ମୀହୃଦଯସ୍ତୋତ୍ର ମହାମନ୍ତ୍ରସ୍ଯ ଭାର୍ଗଵ ଋଷିଃ, ଅନୁଷ୍ଟୁପାଦୀନି ନାନାଛନ୍ଦାଂସି, ଆଦ୍ଯାଦି ଶ୍ରୀମହାଲକ୍ଷ୍ମୀର୍ଦେଵତା, ଶ୍ରୀଂ ବୀଜଂ, ହ୍ରୀଂ ଶକ୍ତିଃ, ଐଂ କୀଲକଂ, ଆଦ୍ଯାଦିମହାଲକ୍ଷ୍ମୀ ପ୍ରସାଦସିଦ୍ଧ୍ଯର୍ଥଂ ଜପେ ଵିନିଯୋଗଃ ॥

ଋଷ୍ଯାଦିନ୍ଯାସଃ –

ଓଁ ଭାର୍ଗଵୃଷଯେ ନମଃ ଶିରସି ।

ଓଁ ଅନୁଷ୍ଟୁପାଦିନାନାଛନ୍ଦୋଭ୍ଯୋ ନମୋ ମୁଖେ ।

ଓଁ ଆଦ୍ଯାଦିଶ୍ରୀମହାଲକ୍ଷ୍ମୀ ଦେଵତାଯୈ ନମୋ ହୃଦଯେ ।

ଓଁ ଶ୍ରୀଂ ବୀଜାଯ ନମୋ ଗୁହ୍ଯେ ।

ଓଁ ହ୍ରୀଂ ଶକ୍ତଯେ ନମଃ ପାଦଯୋଃ ।

ଓଁ ଐଂ କୀଲକାଯ ନମୋ ନାଭୌ ।

ଓଁ ଵିନିଯୋଗାଯ ନମଃ ସର୍ଵାଙ୍ଗେ ।

କରନ୍ଯାସଃ –

ଓଁ ଶ୍ରୀଂ ଅଙ୍ଗୁଷ୍ଠାଭ୍ଯାଂ ନମଃ ।

ଓଁ ହ୍ରୀଂ ତର୍ଜନୀଭ୍ଯାଂ ନମଃ ।

ଓଁ ଐଂ ମଧ୍ଯମାଭ୍ଯାଂ ନମଃ ।

ଓଁ ଶ୍ରୀଂ ଅନାମିକାଭ୍ଯାଂ ନମଃ ।

ଓଁ ହ୍ରୀଂ କନିଷ୍ଠିକାଭ୍ଯାଂ ନମଃ ।

ଓଁ ଐଂ କରତଲ କରପୃଷ୍ଠାଭ୍ଯାଂ ନମଃ ।

ଅଙ୍ଗନ୍ଯାସଃ –

ଓଁ ଶ୍ରୀଂ ହୃଦଯାଯ ନମଃ ।

ଓଁ ହ୍ରୀଂ ଶିରସେ ସ୍ଵାହା ।

ଓଁ ଐଂ ଶିଖାଯୈ ଵଷଟ୍ ।

ଓଁ ଶ୍ରୀଂ କଵଚାଯ ହୁମ୍ ।

ଓଁ ହ୍ରୀଂ ନେତ୍ରତ୍ରଯାଯ ଵୌଷଟ୍ ।

ଓଁ ଐଂ ଅସ୍ତ୍ରାଯ ଫଟ୍ ।

ଓଁ ଶ୍ରୀଂ ହ୍ରୀଂ ଐଂ ଇତି ଦିଗ୍ବନ୍ଧଃ ।

ଅଥ ଧ୍ଯାନମ୍ ।

ହସ୍ତଦ୍ଵଯେନ କମଲେ ଧାରଯନ୍ତୀଂ ସ୍ଵଲୀଲଯା ।

ହାରନୂପୁରସଂଯୁକ୍ତାଂ ଲକ୍ଷ୍ମୀଂ ଦେଵୀଂ ଵିଚିନ୍ତଯେ ॥

କୌଶେଯପୀତଵସନାମରଵିନ୍ଦନେତ୍ରାଂ

ପଦ୍ମଦ୍ଵଯାଭଯଵରୋଦ୍ଯତପଦ୍ମହସ୍ତାମ୍ ।

ଉଦ୍ଯଚ୍ଛତାର୍କସଦୃଶୀଂ ପରମାଙ୍କସଂସ୍ଥାଂ

ଧ୍ଯାଯେଦ୍ଵିଧୀଶନତପାଦଯୁଗାଂ ଜନିତ୍ରୀମ୍ ॥

ପୀତଵସ୍ତ୍ରାଂ ସୁଵର୍ଣାଙ୍ଗୀଂ ପଦ୍ମହସ୍ତଦ୍ଵାଯାନ୍ଵିତାମ୍ ।

ଲକ୍ଷ୍ମୀଂ ଧ୍ଯାତ୍ଵେତି ମନ୍ତ୍ରେଣ ସ ଭଵେତ୍ପୃଥିଵୀପତିଃ ॥

ମାତୁଲୁଙ୍ଗଂ ଗଦାଂ ଖେଟଂ ପାଣୌ ପାତ୍ରଂ ଚ ବିଭ୍ରତୀ ।

ନାଗଂ ଲିଙ୍ଗଂ ଚ ଯୋନିଂ ଚ ବିଭ୍ରତୀଂ ଚୈଵ ମୂର୍ଧନି ॥

[ ଇତି ଧ୍ଯାତ୍ଵା ମାନସୋପଚାରୈଃ ସମ୍ପୂଜ୍ଯ ।

ଶଙ୍ଖଚକ୍ରଗଦାହସ୍ତେ ଶୁଭ୍ରଵର୍ଣେ ସୁଵାସିନୀ ।

ମମ ଦେହି ଵରଂ ଲକ୍ଷ୍ମୀଃ ସର୍ଵସିଦ୍ଧିପ୍ରଦାଯିନୀ ।

ଇତି ସମ୍ପ୍ରାର୍ଥ୍ଯ ଓଁ ଶ୍ରୀଂ ହ୍ରୀଂ ଐଂ ମହାଲକ୍ଷ୍ମ୍ଯୈ କମଲଧାରିଣ୍ଯୈ ସିଂହଵାହିନ୍ଯୈ ସ୍ଵାହା ଇତି ମନ୍ତ୍ରଂ ଜପ୍ତ୍ଵା ପୁନଃ ପୂର୍ଵଵଦ୍ଧୃଦଯାଦି ଷଡଙ୍ଗନ୍ଯାସଂ କୃତ୍ଵା ସ୍ତୋତ୍ରଂ ପଠେତ୍ । ]

ସ୍ତୋତ୍ରମ୍ ।

ଵନ୍ଦେ ଲକ୍ଷ୍ମୀଂ ପରମଶିଵମଯୀଂ ଶୁଦ୍ଧଜାମ୍ବୂନଦାଭାଂ

ତେଜୋରୂପାଂ କନକଵସନାଂ ସର୍ଵଭୂଷୋଜ୍ଜ୍ଵଲାଙ୍ଗୀମ୍ ।

ବୀଜାପୂରଂ କନକକଲଶଂ ହେମପଦ୍ମଂ ଦଧାନା-

-ମାଦ୍ଯାଂ ଶକ୍ତିଂ ସକଲଜନନୀଂ ଵିଷ୍ଣୁଵାମାଙ୍କସଂସ୍ଥାମ୍

॥ 30 ॥

ଶ୍ଲୋକ 34

ଶ୍ରୀମତ୍ସୌଭାଗ୍ଯଜନନୀଂ ସ୍ତୌମି ଲକ୍ଷ୍ମୀଂ ସନାତନୀମ୍ ।

ସର୍ଵକାମଫଲାଵାପ୍ତିସାଧନୈକସୁଖାଵହାମ୍

॥ 1 ॥

ଶ୍ଲୋକ 35

ସ୍ମରାମି ନିତ୍ଯଂ ଦେଵେଶି ତ୍ଵଯା ପ୍ରେରିତମାନସଃ ।

ତ୍ଵଦାଜ୍ଞାଂ ଶିରସା ଧୃତ୍ଵା ଭଜାମି ପରମେଶ୍ଵରୀମ୍

॥ 2 ॥

ଶ୍ଲୋକ 36

ସମସ୍ତସମ୍ପତ୍ସୁଖଦାଂ ମହାଶ୍ରିଯଂ

ସମସ୍ତସୌଭାଗ୍ଯକରୀଂ ମହାଶ୍ରିଯମ୍ ।

ସମସ୍ତକଲ୍ଯାଣକରୀଂ ମହାଶ୍ରିଯଂ

ଭଜାମ୍ଯହଂ ଜ୍ଞାନକରୀଂ ମହାଶ୍ରିଯମ୍

॥ 3 ॥

ଶ୍ଲୋକ 37

ଵିଜ୍ଞାନସମ୍ପତ୍ସୁଖଦାଂ ସନାତନୀଂ

ଵିଚିତ୍ରଵାଗ୍ଭୂତିକରୀଂ ମନୋହରାମ୍ ।

ଅନନ୍ତସମ୍ମୋଦସୁଖପ୍ରଦାଯିନୀଂ

ନମାମ୍ଯହଂ ଭୂତିକରୀଂ ହରିପ୍ରିଯାମ୍

॥ 4 ॥

ଶ୍ଲୋକ 38

ସମସ୍ତଭୂତାନ୍ତରସଂସ୍ଥିତା ତ୍ଵଂ

ସମସ୍ତଭୋକ୍ତ୍ରୀଶ୍ଵରି ଵିଶ୍ଵରୂପେ ।

ତନ୍ନାସ୍ତି ଯତ୍ତ୍ଵଦ୍ଵ୍ଯତିରିକ୍ତଵସ୍ତୁ

ତ୍ଵତ୍ପାଦପଦ୍ମଂ ପ୍ରଣମାମ୍ଯହଂ ଶ୍ରୀଃ

॥ 5 ॥

ଶ୍ଲୋକ 39

ଦାରିଦ୍ର୍ଯ ଦୁଃଖୌଘତମୋପହନ୍ତ୍ରୀ

ତ୍ଵତ୍ପାଦପଦ୍ମଂ ମଯି ସନ୍ନିଧତ୍ସ୍ଵ ।

ଦୀନାର୍ତିଵିଚ୍ଛେଦନହେତୁଭୂତୈଃ

କୃପାକଟାକ୍ଷୈରଭିଷିଞ୍ଚ ମାଂ ଶ୍ରୀଃ

॥ 6 ॥

ଶ୍ଲୋକ 40

ଅମ୍ବ ପ୍ରସୀଦ କରୁଣାସୁଧଯାର୍ଦ୍ରଦୃଷ୍ଟ୍ଯା

ମାଂ ତ୍ଵତ୍କୃପାଦ୍ରଵିଣଗେହମିମଂ କୁରୁଷ୍ଵ ।

ଆଲୋକଯ ପ୍ରଣତହୃଦ୍ଗତଶୋକହନ୍ତ୍ରୀ

ତ୍ଵତ୍ପାଦପଦ୍ମଯୁଗଲଂ ପ୍ରଣମାମ୍ଯହଂ ଶ୍ରୀଃ

॥ 7 ॥

ଶ୍ଲୋକ 41

ଶାନ୍ତ୍ଯୈ ନମୋଽସ୍ତୁ ଶରଣାଗତରକ୍ଷଣାଯୈ

କାନ୍ତ୍ଯୈ ନମୋଽସ୍ତୁ କମନୀଯଗୁଣାଶ୍ରଯାଯୈ ।

କ୍ଷାନ୍ତ୍ଯୈ ନମୋଽସ୍ତୁ ଦୁରିତକ୍ଷଯକାରଣାଯୈ

ଦାତ୍ର୍ଯୈ ନମୋଽସ୍ତୁ ଧନଧାନ୍ଯସମୃଦ୍ଧିଦାଯୈ

॥ 8 ॥

ଶ୍ଲୋକ 42

ଶକ୍ତ୍ଯୈ ନମୋଽସ୍ତୁ ଶଶିଶେଖରସଂସ୍ତୁତାଯୈ

ରତ୍ଯୈ ନମୋଽସ୍ତୁ ରଜନୀକରସୋଦରାଯୈ ।

ଭକ୍ତ୍ଯୈ ନମୋଽସ୍ତୁ ଭଵସାଗରତାରକାଯୈ

ମତ୍ଯୈ ନମୋଽସ୍ତୁ ମଧୁସୂଦନଵଲ୍ଲଭାଯୈ

॥ 9 ॥

ଶ୍ଲୋକ 43

ଲକ୍ଷ୍ମ୍ଯୈ ନମୋଽସ୍ତୁ ଶୁଭଲକ୍ଷଣଲକ୍ଷିତାଯୈ

ସିଦ୍ଧ୍ଯୈ ନମୋଽସ୍ତୁ ଶିଵସିଦ୍ଧସୁପୂଜିତାଯୈ ।

ଧୃତ୍ଯୈ ନମୋଽସ୍ତ୍ଵମିତଦୁର୍ଗତିଭଞ୍ଜନାଯୈ

ଗତ୍ଯୈ ନମୋଽସ୍ତୁ ଵରସଦ୍ଗତିଦାଯିକାଯୈ

॥ 10 ॥

ଶ୍ଲୋକ 44

ଦେଵ୍ଯୈ ନମୋଽସ୍ତୁ ଦିଵି ଦେଵଗଣାର୍ଚିତାଯୈ

ଭୂତ୍ଯୈ ନମୋଽସ୍ତୁ ଭୁଵନାର୍ତିଵିନାଶନାଯୈ ।

ଧାତ୍ର୍ଯୈ ନମୋଽସ୍ତୁ ଧରଣୀଧରଵଲ୍ଲଭାଯୈ

ପୁଷ୍ଟ୍ଯୈ ନମୋଽସ୍ତୁ ପୁରୁଷୋତ୍ତମଵଲ୍ଲଭାଯୈ

॥ 11 ॥

ଶ୍ଲୋକ 45

ସୁତୀଵ୍ରଦାରିଦ୍ର୍ଯଵିଦୁଃଖହନ୍ତ୍ର୍ଯୈ

ନମୋଽସ୍ତୁ ତେ ସର୍ଵଭଯାପହନ୍ତ୍ର୍ଯୈ ।

ଶ୍ରୀଵିଷ୍ଣୁଵକ୍ଷଃସ୍ଥଲସଂସ୍ଥିତାଯୈ

ନମୋ ନମଃ ସର୍ଵଵିଭୂତିଦାଯୈ

॥ 12 ॥

ଶ୍ଲୋକ 46

ଜଯତୁ ଜଯତୁ ଲକ୍ଷ୍ମୀର୍ଲକ୍ଷଣାଲଙ୍କୃତାଙ୍ଗୀ

ଜଯତୁ ଜଯତୁ ପଦ୍ମା ପଦ୍ମସଦ୍ମାଭିଵନ୍ଦ୍ଯା ।

ଜଯତୁ ଜଯତୁ ଵିଦ୍ଯା ଵିଷ୍ଣୁଵାମାଙ୍କସଂସ୍ଥା

ଜଯତୁ ଜଯତୁ ସମ୍ଯକ୍ସର୍ଵସମ୍ପତ୍କରୀ ଶ୍ରୀଃ

॥ 13 ॥

ଶ୍ଲୋକ 47

ଜଯତୁ ଜଯତୁ ଦେଵୀ ଦେଵସଙ୍ଘାଭିପୂଜ୍ଯା

ଜଯତୁ ଜଯତୁ ଭଦ୍ରା ଭାର୍ଗଵୀ ଭାଗ୍ଯରୂପା ।

ଜଯତୁ ଜଯତୁ ନିତ୍ଯା ନିର୍ମଲଜ୍ଞାନଵେଦ୍ଯା

ଜଯତୁ ଜଯତୁ ସତ୍ଯା ସର୍ଵଭୂତାନ୍ତରସ୍ଥା

॥ 14 ॥

ଶ୍ଲୋକ 48

ଜଯତୁ ଜଯତୁ ରମ୍ଯା ରତ୍ନଗର୍ଭାନ୍ତରସ୍ଥା

ଜଯତୁ ଜଯତୁ ଶୁଦ୍ଧା ଶୁଦ୍ଧଜାମ୍ବୂନଦାଭା ।

ଜଯତୁ ଜଯତୁ କାନ୍ତା କାନ୍ତିମଦ୍ଭାସିତାଙ୍ଗୀ

ଜଯତୁ ଜଯତୁ ଶାନ୍ତା ଶୀଘ୍ରମାଗଚ୍ଛ ସୌମ୍ଯେ

॥ 15 ॥

ଶ୍ଲୋକ 49

ଯସ୍ଯାଃ କଲାଯାଃ କମଲୋଦ୍ଭଵାଦ୍ଯା

ରୁଦ୍ରାଶ୍ଚ ଶକ୍ର ପ୍ରମୁଖାଶ୍ଚ ଦେଵାଃ ।

ଜୀଵନ୍ତି ସର୍ଵେଽପି ସଶକ୍ତଯସ୍ତେ

ପ୍ରଭୁତ୍ଵମାପ୍ତାଃ ପରମାଯୁଷସ୍ତେ

॥ 16 ॥

ଶ୍ଲୋକ 50

ଲିଲେଖ ନିଟିଲେ ଵିଧିର୍ମମ ଲିପିଂ ଵିସୃଜ୍ଯାନ୍ତରଂ

ତ୍ଵଯା ଵିଲିଖିତଵ୍ଯମେତଦିତି ତତ୍ଫଲପ୍ରାପ୍ତଯେ ।

ତଦନ୍ତରଫଲେସ୍ଫୁଟଂ କମଲଵାସିନୀ ଶ୍ରୀରିମାଂ

ସମର୍ପଯ ସମୁଦ୍ରିକାଂ ସକଲଭାଗ୍ଯସଂସୂଚିକାମ୍

॥ 17 ॥

ଶ୍ଲୋକ 51

କଲଯା ତେ ଯଥା ଦେଵି ଜୀଵନ୍ତି ସଚରାଚରାଃ ।

ତଥା ସମ୍ପତ୍କରେ ଲକ୍ଷ୍ମି ସର୍ଵଦା ସମ୍ପ୍ରସୀଦ ମେ

॥ 18 ॥

ଶ୍ଲୋକ 52

ଯଥା ଵିଷ୍ଣୁର୍ଧ୍ରୁଵେ ନିତ୍ଯଂ ସ୍ଵକଲାଂ ସନ୍ନ୍ଯଵେଶଯତ୍ ।

ତଥୈଵ ସ୍ଵକଲାଂ ଲକ୍ଷ୍ମି ମଯି ସମ୍ଯକ୍ ସମର୍ପଯ

॥ 19 ॥

ଶ୍ଲୋକ 53

ସର୍ଵସୌଖ୍ଯପ୍ରଦେ ଦେଵି ଭକ୍ତାନାମଭଯପ୍ରଦେ ।

ଅଚଲାଂ କୁରୁ ଯତ୍ନେନ କଲାଂ ମଯି ନିଵେଶିତାମ୍

॥ 20 ॥

ଶ୍ଲୋକ 54

ମୁଦାସ୍ତାଂ ମତ୍ଫାଲେ ପରମପଦଲକ୍ଷ୍ମୀଃ ସ୍ଫୁଟକଲା

ସଦା ଵୈକୁଣ୍ଠଶ୍ରୀର୍ନିଵସତୁ କଲା ମେ ନଯନଯୋଃ ।

ଵସେତ୍ସତ୍ଯେ ଲୋକେ ମମ ଵଚସି ଲକ୍ଷ୍ମୀର୍ଵରକଲା

ଶ୍ରିଯଃ ଶ୍ଵେତଦ୍ଵୀପେ ନିଵସତୁ କଲା ମେ ସ୍ଵକରଯୋଃ

॥ 21 ॥

ଶ୍ଲୋକ 55

ତାଵନ୍ନିତ୍ଯଂ ମମାଙ୍ଗେଷୁ କ୍ଷୀରାବ୍ଧୌ ଶ୍ରୀକଲା ଵସେତ୍ ।

ସୂର୍ଯାଚନ୍ଦ୍ରମସୌ ଯାଵଦ୍ଯାଵଲ୍ଲକ୍ଷ୍ମୀପତିଃ ଶ୍ରିଯାଃ

॥ 22 ॥

ଶ୍ଲୋକ 56

ସର୍ଵମଙ୍ଗଲସମ୍ପୂର୍ଣା ସର୍ଵୈଶ୍ଵର୍ଯସମନ୍ଵିତା ।

ଆଦ୍ଯାଦି ଶ୍ରୀର୍ମହାଲକ୍ଷ୍ମୀ ତ୍ଵତ୍କଲା ମଯି ତିଷ୍ଠତୁ

॥ 23 ॥

ଶ୍ଲୋକ 57

ଅଜ୍ଞାନତିମିରଂ ହନ୍ତୁଂ ଶୁଦ୍ଧଜ୍ଞାନପ୍ରକାଶିକା ।

ସର୍ଵୈଶ୍ଵର୍ଯପ୍ରଦା ମେଽସ୍ତୁ ତ୍ଵତ୍କଲା ମଯି ସଂସ୍ଥିତା

॥ 24 ॥

ଶ୍ଲୋକ 58

ଅଲକ୍ଷ୍ମୀଂ ହରତୁ କ୍ଷିପ୍ରଂ ତମଃ ସୂର୍ଯପ୍ରଭା ଯଥା ।

ଵିତନୋତୁ ମମ ଶ୍ରେଯସ୍ତ୍ଵତ୍କଲା ମଯି ସଂସ୍ଥିତା

॥ 25 ॥

ଶ୍ଲୋକ 59

ଐଶ୍ଵର୍ଯମଙ୍ଗଲୋତ୍ପତ୍ତିସ୍ତ୍ଵତ୍କଲାଯାଂ ନିଧୀଯତେ ।

ମଯି ତସ୍ମାତ୍କୃତାର୍ଥୋଽସ୍ମି ପାତ୍ରମସ୍ମି ସ୍ଥିତେସ୍ତଵ

॥ 26 ॥

ଶ୍ଲୋକ 60

ଭଵଦାଵେଶଭାଗ୍ଯାର୍ହୋ ଭାଗ୍ଯଵାନସ୍ମି ଭାର୍ଗଵି ।

ତ୍ଵତ୍ପ୍ରସାଦାତ୍ପଵିତ୍ରୋଽହଂ ଲୋକମାତର୍ନମୋଽସ୍ତୁ ତେ

॥ 27 ॥

ଶ୍ଲୋକ 61

ପୁନାସି ମାଂ ତ୍ଵତ୍କଲଯୈଵ ଯସ୍ମା-

-ଦତଃ ସମାଗଚ୍ଛ ମମାଗ୍ରତସ୍ତ୍ଵମ୍ ।

ପରଂ ପଦଂ ଶ୍ରୀର୍ଭଵ ସୁପ୍ରସନ୍ନା

ମଯ୍ଯଚ୍ଯୁତେନ ପ୍ରଵିଶାଦିଲକ୍ଷ୍ମୀଃ

॥ 28 ॥

ଶ୍ଲୋକ 62

ଶ୍ରୀଵୈକୁଣ୍ଠସ୍ଥିତେ ଲକ୍ଷ୍ମି ସମାଗଚ୍ଛ ମମାଗ୍ରତଃ ।

ନାରାଯଣେନ ସହ ମାଂ କୃପାଦୃଷ୍ଟ୍ଯାଽଵଲୋକଯ

॥ 29 ॥

ଶ୍ଲୋକ 63

ସତ୍ଯଲୋକସ୍ଥିତେ ଲକ୍ଷ୍ମି ତ୍ଵଂ ମମାଗଚ୍ଛ ସନ୍ନିଧିମ୍ ।

ଵାସୁଦେଵେନ ସହିତା ପ୍ରସୀଦ ଵରଦା ଭଵ

॥ 30 ॥

ଶ୍ଲୋକ 64

ଶ୍ଵେତଦ୍ଵୀପସ୍ଥିତେ ଲକ୍ଷ୍ମି ଶୀଘ୍ରମାଗଚ୍ଛ ସୁଵ୍ରତେ ।

ଵିଷ୍ଣୁନା ସହିତେ ଦେଵି ଜଗନ୍ମାତଃ ପ୍ରସୀଦ ମେ

॥ 31 ॥

ଶ୍ଲୋକ 65

କ୍ଷୀରାମ୍ବୁଧିସ୍ଥିତେ ଲକ୍ଷ୍ମି ସମାଗଚ୍ଛ ସମାଧଵା ।

ତ୍ଵତ୍କୃପାଦୃଷ୍ଟିସୁଧଯା ସତତଂ ମାଂ ଵିଲୋକଯ

॥ 32 ॥

ଶ୍ଲୋକ 66

ରତ୍ନଗର୍ଭସ୍ଥିତେ ଲକ୍ଷ୍ମି ପରିପୂର୍ଣେ ହିରଣ୍ମଯେ ।

ସମାଗଚ୍ଛ ସମାଗଚ୍ଛ ସ୍ଥିତ୍ଵାଽଽଶୁ ପୁରତୋ ମମ

॥ 33 ॥

ଶ୍ଲୋକ 67

ସ୍ଥିରା ଭଵ ମହାଲକ୍ଷ୍ମି ନିଶ୍ଚଲା ଭଵ ନିର୍ମଲେ ।

ପ୍ରସନ୍ନେ କମଲେ ଦେଵି ପ୍ରସନ୍ନହୃଦଯା ଭଵ

॥ 34 ॥

ଶ୍ଲୋକ 68

ଶ୍ରୀଧରେ ଶ୍ରୀମହାଭୂତେ ତ୍ଵଦନ୍ତଃସ୍ଥଂ ମହାନିଧିମ୍ ।

ଶୀଘ୍ରମୁଦ୍ଧୃତ୍ଯ ପୁରତଃ ପ୍ରଦର୍ଶଯ ସମର୍ପଯ

॥ 35 ॥

ଶ୍ଲୋକ 69

ଵସୁନ୍ଧରେ ଶ୍ରୀଵସୁଧେ ଵସୁଦୋଗ୍ଧ୍ରି କୃପାମଯେ ।

ତ୍ଵତ୍କୁକ୍ଷିଗତସର୍ଵସ୍ଵଂ ଶୀଘ୍ରଂ ମେ ସମ୍ପ୍ରଦର୍ଶଯ

॥ 36 ॥

ଶ୍ଲୋକ 70

ଵିଷ୍ଣୁପ୍ରିଯେ ରତ୍ନଗର୍ଭେ ସମସ୍ତଫଲଦେ ଶିଵେ ।

ତ୍ଵଦ୍ଗର୍ଭଗତହେମାଦୀନ୍ ସମ୍ପ୍ରଦର୍ଶଯ ଦର୍ଶଯ

॥ 37 ॥

ଶ୍ଲୋକ 71

ରସାତଲଗତେ ଲକ୍ଷ୍ମି ଶୀଘ୍ରମାଗଚ୍ଛ ମେ ପୁରଃ ।

ନ ଜାନେ ପରମଂ ରୂପଂ ମାତର୍ମେ ସମ୍ପ୍ରଦର୍ଶଯ

॥ 38 ॥

ଶ୍ଲୋକ 72

ଆଵିର୍ଭଵ ମନୋଵେଗାଚ୍ଛୀଘ୍ରମାଗଚ୍ଛ ମେ ପୁରଃ ।

ମା ଵତ୍ସ ଭୈରିହେତ୍ଯୁକ୍ତ୍ଵା କାମଂ ଗୌରିଵ ରକ୍ଷ ମାମ୍

॥ 39 ॥

ଶ୍ଲୋକ 73

ଦେଵି ଶୀଘ୍ରଂ ସମାଗଚ୍ଛ ଧରଣୀଗର୍ଭସଂସ୍ଥିତେ ।

ମାତସ୍ତ୍ଵଦ୍ଭୃତ୍ଯଭୃତ୍ଯୋଽହଂ ମୃଗଯେ ତ୍ଵାଂ କୁତୂହଲାତ୍

॥ 40 ॥

ଶ୍ଲୋକ 74

ଉତ୍ତିଷ୍ଠ ଜାଗୃହି ତ୍ଵଂ ମେ ସମୁତ୍ତିଷ୍ଠ ସୁଜାଗୃହି ।

ଅକ୍ଷଯାନ୍ ହେମକଲଶାନ୍ ସୁଵର୍ଣେନ ସୁପୂରିତାନ୍

॥ 41 ॥

ଶ୍ଲୋକ 75

ନିକ୍ଷେପାନ୍ମେ ସମାକୃଷ୍ଯ ସମୁଦ୍ଧୃତ୍ଯ ମମାଗ୍ରତଃ ।

ସମୁନ୍ନତାନନା ଭୂତ୍ଵା ସମାଧେହି ଧରାନ୍ତରାତ୍

॥ 42 ॥

ଶ୍ଲୋକ 76

ମତ୍ସନ୍ନିଧିଂ ସମାଗଚ୍ଛ ମଦାହିତକୃପାରସାତ୍ ।

ପ୍ରସୀଦ ଶ୍ରେଯସାଂ ଦୋଗ୍ଧ୍ରୀ ଲକ୍ଷ୍ମୀର୍ମେ ନଯନାଗ୍ରତଃ

॥ 43 ॥

ଶ୍ଲୋକ 77

ଅତ୍ରୋପଵିଶ ଲକ୍ଷ୍ମି ତ୍ଵଂ ସ୍ଥିରା ଭଵ ହିରଣ୍ମଯେ ।

ସୁସ୍ଥିରା ଭଵ ସମ୍ପ୍ରୀତ୍ଯା ପ୍ରସୀଦ ଵରଦା ଭଵ

॥ 44 ॥

ଶ୍ଲୋକ 78

ଆନୀତାଂସ୍ତୁ ତଥା ଦେଵି ନିଧୀନ୍ମେ ସମ୍ପ୍ରଦର୍ଶଯ ।

ଅଦ୍ଯ କ୍ଷଣେନ ସହସା ଦତ୍ତ୍ଵା ସଂରକ୍ଷ ମାଂ ସଦା

॥ 45 ॥

ଶ୍ଲୋକ 79

ମଯି ତିଷ୍ଠ ତଥା ନିତ୍ଯଂ ଯଥେନ୍ଦ୍ରାଦିଷୁ ତିଷ୍ଠସି ।

ଅଭଯଂ କୁରୁ ମେ ଦେଵି ମହାଲକ୍ଷ୍ମୀର୍ନମୋଽସ୍ତୁ ତେ

॥ 46 ॥

ଶ୍ଲୋକ 80

ସମାଗଚ୍ଛ ମହାଲକ୍ଷ୍ମି ଶୁଦ୍ଧଜାମ୍ବୂନଦପ୍ରଭେ ।

ପ୍ରସୀଦ ପୁରତଃ ସ୍ଥିତ୍ଵା ପ୍ରଣତଂ ମାଂ ଵିଲୋକଯ

॥ 47 ॥

ଶ୍ଲୋକ 81

ଲକ୍ଷ୍ମୀର୍ଭୁଵଂ ଗତା ଭାସି ଯତ୍ର ଯତ୍ର ହିରଣ୍ମଯୀ ।

ତତ୍ର ତତ୍ର ସ୍ଥିତା ତ୍ଵଂ ମେ ତଵ ରୂପଂ ପ୍ରଦର୍ଶଯ

॥ 48 ॥

ଶ୍ଲୋକ 82

କ୍ରୀଡନ୍ତୀ ବହୁଧା ଭୂମୌ ପରିପୂର୍ଣକୃପାମଯି ।

ମମ ମୂର୍ଧନି ତେ ହସ୍ତମଵିଲମ୍ବିତମର୍ପଯ

॥ 49 ॥

ଶ୍ଲୋକ 83

ଫଲଦ୍ଭାଗ୍ଯୋଦଯେ ଲକ୍ଷ୍ମି ସମସ୍ତପୁରଵାସିନୀ ।

ପ୍ରସୀଦ ମେ ମହାଲକ୍ଷ୍ମି ପରିପୂର୍ଣମନୋରଥେ

॥ 50 ॥

ଶ୍ଲୋକ 84

ଅଯୋଧ୍ଯାଦିଷୁ ସର୍ଵେଷୁ ନଗରେଷୁ ସମାସ୍ଥିତେ ।

ଵୈଭଵୈର୍ଵିଵିଧୈର୍ଯୁକ୍ତୈଃ ସମାଗଚ୍ଛ ମୁଦାନ୍ଵିତେ

॥ 51 ॥

ଶ୍ଲୋକ 85

ସମାଗଚ୍ଛ ସମାଗଚ୍ଛ ମମାଗ୍ରେ ଭଵ ସୁସ୍ଥିରା ।

କରୁଣାରସନିଷ୍ଯନ୍ଦନେତ୍ରଦ୍ଵଯ ଵିଲାସିନୀ

॥ 52 ॥

ଶ୍ଲୋକ 86

॥ 53 ॥ [ନିଷ୍ପନ୍ନ]

ସନ୍ନିଧତ୍ସ୍ଵ ମହାଲକ୍ଷ୍ମି ତ୍ଵତ୍ପାଣିଂ ମମ ମସ୍ତକେ ।

କରୁଣାସୁଧଯା ମାଂ ତ୍ଵମଭିଷିଞ୍ଚ୍ଯ ସ୍ଥିରଂ କୁରୁ

ଶ୍ଲୋକ 87

ସର୍ଵରାଜଗୃହେ ଲକ୍ଷ୍ମି ସମାଗଚ୍ଛ ବଲାନ୍ଵିତେ । [ମୁଦାନ୍ଵିତେ]

ସ୍ଥିତ୍ଵାଽଽଶୁ ପୁରତୋ ମେଽଦ୍ଯ ପ୍ରସାଦେନାଽଭଯଂ କୁରୁ

॥ 54 ॥

ଶ୍ଲୋକ 88

ସାଦରଂ ମସ୍ତକେ ହସ୍ତଂ ମମ ତ୍ଵଂ କୃପଯାର୍ପଯ ।

ସର୍ଵରାଜଗୃହେ ଲକ୍ଷ୍ମି ତ୍ଵତ୍କଲା ମଯି ତିଷ୍ଠତୁ

॥ 55 ॥

ଶ୍ଲୋକ 89

ଆଦ୍ଯାଦି ଶ୍ରୀମହାଲକ୍ଷ୍ମି ଵିଷ୍ଣୁଵାମାଙ୍କସଂସ୍ଥିତେ ।

ପ୍ରତ୍ଯକ୍ଷଂ କୁରୁ ମେ ରୂପଂ ରକ୍ଷ ମାଂ ଶରଣାଗତମ୍

॥ 56 ॥

ଶ୍ଲୋକ 90

ପ୍ରସୀଦ ମେ ମହାଲକ୍ଷ୍ମି ସୁପ୍ରସୀଦ ମହାଶିଵେ ।

ଅଚଲା ଭଵ ସମ୍ପ୍ରୀତ୍ଯା ସୁସ୍ଥିରା ଭଵ ମଦ୍ଗୃହେ

॥ 57 ॥

ଶ୍ଲୋକ 91

ଯାଵତ୍ତିଷ୍ଠନ୍ତି ଵେଦାଶ୍ଚ ଯାଵଚ୍ଚନ୍ଦ୍ରଦିଵାକରୌ ।

ଯାଵଦ୍ଵିଷ୍ଣୁଶ୍ଚ ଯାଵତ୍ତ୍ଵଂ ତାଵତ୍କୁରୁ କୃପାଂ ମଯି

॥ 58 ॥

ଶ୍ଲୋକ 92

ଚାନ୍ଦ୍ରୀକଲା ଯଥା ଶୁକ୍ଲେ ଵର୍ଧତେ ସା ଦିନେ ଦିନେ ।

ତଥା ଦଯା ତେ ମଯ୍ଯେଵ ଵର୍ଧତାମଭିଵର୍ଧତାମ୍

॥ 59 ॥

ଶ୍ଲୋକ 93

ଯଥା ଵୈକୁଣ୍ଠନଗରେ ଯଥା ଵୈ କ୍ଷୀରସାଗରେ ।

ତଥା ମଦ୍ଭଵନେ ତିଷ୍ଠ ସ୍ଥିରଂ ଶ୍ରୀଵିଷ୍ଣୁନା ସହ

॥ 60 ॥

ଶ୍ଲୋକ 94

ଯୋଗିନାଂ ହୃଦଯେ ନିତ୍ଯଂ ଯଥା ତିଷ୍ଠସି ଵିଷ୍ଣୁନା ।

ତଥା ମଦ୍ଭଵନେ ତିଷ୍ଠ ସ୍ଥିରଂ ଶ୍ରୀଵିଷ୍ଣୁନା ସହ

॥ 61 ॥

ଶ୍ଲୋକ 95

ନାରାଯଣସ୍ଯ ହୃଦଯେ ଭଵତୀ ଯଥାସ୍ତେ

ନାରାଯଣୋଽପି ତଵ ହୃତ୍କମଲେ ଯଥାସ୍ତେ ।

ନାରାଯଣସ୍ତ୍ଵମପି ନିତ୍ଯମୁଭୌ ତଥୈଵ

ତୌ ତିଷ୍ଠତାଂ ହୃଦି ମମାପି ଦଯାନ୍ଵିତୌ ଶ୍ରୀଃ

॥ 62 ॥

ଶ୍ଲୋକ 96

ଵିଜ୍ଞାନଵୃଦ୍ଧିଂ ହୃଦଯେ କୁରୁ ଶ୍ରୀଃ

ସୌଭାଗ୍ଯଵୃଦ୍ଧିଂ କୁରୁ ମେ ଗୃହେ ଶ୍ରୀଃ ।

ଦଯାସୁଵୃଦ୍ଧିଂ କୁରୁତାଂ ମଯି ଶ୍ରୀଃ

ସୁଵର୍ଣଵୃଦ୍ଧିଂ କୁରୁ ମେ ଗୃହେ ଶ୍ରୀଃ

॥ 63 ॥

ଶ୍ଲୋକ 97

ନ ମାଂ ତ୍ଯଜେଥାଃ ଶ୍ରିତକଲ୍ପଵଲ୍ଲି

ସଦ୍ଭକ୍ତଚିନ୍ତାମଣିକାମଧେନୋ ।

ଵିଶ୍ଵସ୍ଯ ମାତର୍ଭଵ ସୁପ୍ରସନ୍ନା

ଗୃହେ କଲତ୍ରେଷୁ ଚ ପୁତ୍ରଵର୍ଗେ

॥ 64 ॥

ଶ୍ଲୋକ 98

ଆଦ୍ଯାଦିମାଯେ ତ୍ଵମଜାଣ୍ଡବୀଜଂ

ତ୍ଵମେଵ ସାକାରନିରାକୃତିସ୍ତ୍ଵମ୍ ।

ତ୍ଵଯା ଧୃତାଶ୍ଚାବ୍ଜଭଵାଣ୍ଡସଙ୍ଘା-

-ଶ୍ଚିତ୍ରଂ ଚରିତ୍ରଂ ତଵ ଦେଵି ଵିଷ୍ଣୋଃ

॥ 65 ॥

ଶ୍ଲୋକ 99

ବ୍ରହ୍ମରୁଦ୍ରାଦଯୋ ଦେଵା ଵେଦାଶ୍ଚାପି ନ ଶକ୍ନୁଯୁଃ ।

ମହିମାନଂ ତଵ ସ୍ତୋତୁଂ ମନ୍ଦୋଽହଂ ଶକ୍ନୁଯାଂ କଥମ୍

॥ 66 ॥

ଶ୍ଲୋକ 100

ଅମ୍ବ ତ୍ଵଦ୍ଵତ୍ସଵାକ୍ଯାନି ସୂକ୍ତାସୂକ୍ତାନି ଯାନି ଚ ।

ତାନି ସ୍ଵୀକୁରୁ ସର୍ଵଜ୍ଞେ ଦଯାଲୁତ୍ଵେନ ସାଦରମ୍

॥ 67 ॥

ଶ୍ଲୋକ 101

ଭଵତୀଂ ଶରଣଂ ଗତ୍ଵା କୃତାର୍ଥାଃ ସ୍ଯୁଃ ପୁରାତନାଃ ।

ଇତି ସଞ୍ଚିନ୍ତ୍ଯ ମନସା ତ୍ଵାମହଂ ଶରଣଂ ଵ୍ରଜେ

॥ 68 ॥

ଶ୍ଲୋକ 102

ଅନନ୍ତା ନିତ୍ଯସୁଖିନସ୍ତ୍ଵଦ୍ଭକ୍ତାସ୍ତ୍ଵତ୍ପରାଯଣାଃ ।

ଇତି ଵେଦପ୍ରମାଣାଦ୍ଧି ଦେଵି ତ୍ଵାଂ ଶରଣଂ ଵ୍ରଜେ

॥ 69 ॥

ଶ୍ଲୋକ 103

ତଵ ପ୍ରତିଜ୍ଞା ମଦ୍ଭକ୍ତା ନ ନଶ୍ଯନ୍ତୀତ୍ଯପି କ୍ଵଚିତ୍ ।

ଇତି ସଞ୍ଚିନ୍ତ୍ଯ ସଞ୍ଚିନ୍ତ୍ଯ ପ୍ରାଣାନ୍ ସନ୍ଧାରଯାମ୍ଯହମ୍

॥ 70 ॥

ଶ୍ଲୋକ 104

ତ୍ଵଦଧୀନସ୍ତ୍ଵହଂ ମାତସ୍ତ୍ଵତ୍କୃପା ମଯି ଵିଦ୍ଯତେ ।

ଯାଵତ୍ସମ୍ପୂର୍ଣକାମଃ ସ୍ଯାତ୍ତାଵଦ୍ଦେହି ଦଯାନିଧେ

॥ 71 ॥

ଶ୍ଲୋକ 105

କ୍ଷଣମାତ୍ରଂ ନ ଶକ୍ନୋମି ଜୀଵିତୁଂ ତ୍ଵତ୍କୃପାଂ ଵିନା ।

ନ ଜୀଵନ୍ତୀହ ଜଲଜା ଜଲଂ ତ୍ଯକ୍ତ୍ଵା ଜଲଗ୍ରହାଃ

॥ 72 ॥

ଶ୍ଲୋକ 106

ଯଥା ହି ପୁତ୍ରଵାତ୍ସଲ୍ଯାଜ୍ଜନନୀ ପ୍ରସ୍ନୁତସ୍ତନୀ ।

ଵତ୍ସଂ ତ୍ଵରିତମାଗତ୍ଯ ସମ୍ପ୍ରୀଣଯତି ଵତ୍ସଲା

॥ 73 ॥

ଶ୍ଲୋକ 107

ଯଦି ସ୍ଯାଂ ତଵ ପୁତ୍ରୋଽହଂ ମାତା ତ୍ଵଂ ଯଦି ମାମକୀ ।

ଦଯାପଯୋଧରସ୍ତନ୍ଯସୁଧାଭିରଭିଷିଞ୍ଚ ମାମ୍

॥ 74 ॥

ଶ୍ଲୋକ 108

ମୃଗ୍ଯୋ ନ ଗୁଣଲେଶୋଽପି ମଯି ଦୋଷୈକମନ୍ଦିରେ ।

ପାଂସୂନାଂ ଵୃଷ୍ଟିବିନ୍ଦୂନାଂ ଦୋଷାଣାଂ ଚ ନ ମେ ମତିଃ

॥ 75 ॥

ଶ୍ଲୋକ 109

ପାପିନାମହମେଵାଗ୍ର୍ଯୋ ଦଯାଲୂନାଂ ତ୍ଵମଗ୍ରଣୀଃ ।

ଦଯନୀଯୋ ମଦନ୍ଯୋଽସ୍ତି ତଵ କୋଽତ୍ର ଜଗତ୍ତ୍ରଯେ

॥ 76 ॥

ଶ୍ଲୋକ 110

ଵିଧିନାହଂ ନ ସୃଷ୍ଟଶ୍ଚେନ୍ନ ସ୍ଯାତ୍ତଵ ଦଯାଲୁତା ।

ଆମଯୋ ଵା ନ ସୃଷ୍ଟଶ୍ଚେଦୌଷଧସ୍ଯ ଵୃଥୋଦଯଃ

॥ 77 ॥

ଶ୍ଲୋକ 111

କୃପା ମଦଗ୍ରଜା କିଂ ତେ ଅହଂ କିଂ ଵା ତଦଗ୍ରଜଃ ।

ଵିଚାର୍ଯ ଦେହି ମେ ଵିତ୍ତଂ ତଵ ଦେଵି ଦଯାନିଧେ

॥ 78 ॥

ଶ୍ଲୋକ 112

ମାତା ପିତା ତ୍ଵଂ ଗୁରୁସଦ୍ଗତିଃ ଶ୍ରୀ-

-ସ୍ତ୍ଵମେଵ ସଞ୍ଜୀଵନହେତୁଭୂତା ।

ଅନ୍ଯଂ ନ ମନ୍ଯେ ଜଗଦେକନାଥେ

ତ୍ଵମେଵ ସର୍ଵଂ ମମ ଦେଵି ସତ୍ଯେ

॥ 79 ॥

ଶ୍ଲୋକ 113

ଆଦ୍ଯାଦିଲକ୍ଷ୍ମୀର୍ଭଵ ସୁପ୍ରସନ୍ନା

ଵିଶୁଦ୍ଧଵିଜ୍ଞାନସୁଖୈକଦୋଗ୍ଧ୍ରୀ ।

ଅଜ୍ଞାନହନ୍ତ୍ରୀ ତ୍ରିଗୁଣାତିରିକ୍ତା

ପ୍ରଜ୍ଞାନନେତ୍ରୀ ଭଵ ସୁପ୍ରସନ୍ନା

॥ 80 ॥

ଶ୍ଲୋକ 114

ଅଶେଷଵାଗ୍ଜାଡ୍ଯମଲାପହନ୍ତ୍ରୀ

ନଵଂ ନଵଂ ସ୍ପଷ୍ଟସୁଵାକ୍ପ୍ରଦାଯିନୀ ।

ମମେହ ଜିହ୍ଵାଗ୍ର ସୁରଙ୍ଗନର୍ତକୀ [ନର୍ତିନୀ]

ଭଵ ପ୍ରସନ୍ନା ଵଦନେ ଚ ମେ ଶ୍ରୀଃ

॥ 81 ॥

ଶ୍ଲୋକ 115

ସମସ୍ତସମ୍ପତ୍ସୁଵିରାଜମାନା

ସମସ୍ତତେଜଶ୍ଚଯଭାସମାନା ।

ଵିଷ୍ଣୁପ୍ରିଯେ ତ୍ଵଂ ଭଵ ଦୀପ୍ଯମାନା

ଵାଗ୍ଦେଵତା ମେ ନଯନେ ପ୍ରସନ୍ନା

॥ 82 ॥

ଶ୍ଲୋକ 116

ସର୍ଵପ୍ରଦର୍ଶେ ସକଲାର୍ଥଦେ ତ୍ଵଂ

ପ୍ରଭାସୁଲାଵଣ୍ଯଦଯାପ୍ରଦୋଗ୍ଧ୍ରୀ ।

ସୁଵର୍ଣଦେ ତ୍ଵଂ ସୁମୁଖୀ ଭଵ ଶ୍ରୀ-

-ର୍ହିରଣ୍ମଯୀ ମେ ନଯନେ ପ୍ରସନ୍ନା

॥ 83 ॥

ଶ୍ଲୋକ 117

ସର୍ଵାର୍ଥଦା ସର୍ଵଜଗତ୍ପ୍ରସୂତିଃ

ସର୍ଵେଶ୍ଵରୀ ସର୍ଵଭଯାପହନ୍ତ୍ରୀ ।

ସର୍ଵୋନ୍ନତା ତ୍ଵଂ ସୁମୁଖୀ ଭଵ ଶ୍ରୀ-

-ର୍ହିରଣ୍ମଯୀ ମେ ନଯନେ ପ୍ରସନ୍ନା

॥ 84 ॥

ଶ୍ଲୋକ 118

ସମସ୍ତଵିଘ୍ନୌଘଵିନାଶକାରିଣୀ

ସମସ୍ତଭକ୍ତୋଦ୍ଧରଣେ ଵିଚକ୍ଷଣା ।

ଅନନ୍ତସୌଭାଗ୍ଯସୁଖପ୍ରଦାଯିନୀ

ହିରଣ୍ମଯୀ ମେ ନଯନେ ପ୍ରସନ୍ନା

॥ 85 ॥

ଶ୍ଲୋକ 119

ଦେଵି ପ୍ରସୀଦ ଦଯନୀଯତମାଯ ମହ୍ଯଂ

ଦେଵାଧିନାଥଭଵଦେଵଗଣାଭିଵନ୍ଦ୍ଯେ ।

ମାତସ୍ତଥୈଵ ଭଵ ସନ୍ନିହିତା ଦୃଶୋର୍ମେ

ପତ୍ଯା ସମଂ ମମ ମୁଖେ ଭଵ ସୁପ୍ରସନ୍ନା

॥ 86 ॥

ଶ୍ଲୋକ 120

ମା ଵତ୍ସ ଭୈରଭଯଦାନକରୋଽର୍ପିତସ୍ତେ

ମୌଲୌ ମମେତି ମଯି ଦୀନଦଯାନୁକମ୍ପେ ।

ମାତଃ ସମର୍ପଯ ମୁଦା କରୁଣାକଟାକ୍ଷଂ

ମାଙ୍ଗଲ୍ଯବୀଜମିହ ନଃ ସୃଜ ଜନ୍ମ ମାତଃ

॥ 87 ॥

ଶ୍ଲୋକ 121

କଟାକ୍ଷ ଇହ କାମଧୁକ୍ତଵ ମନସ୍ତୁ ଚିନ୍ତାମଣିଃ

କରଃ ସୁରତରୁଃ ସଦା ନଵନିଧିସ୍ତ୍ଵମେଵେନ୍ଦିରେ ।

ଭଵେ ତଵ ଦଯାରସୋ ମମ ରସାଯନଂ ଚାନ୍ଵହଂ

ମୁଖଂ ତଵ କଲାନିଧିର୍ଵିଵିଧଵାଞ୍ଛିତାର୍ଥପ୍ରଦମ୍

॥ 88 ॥

ଶ୍ଲୋକ 122

ଯଥା ରସସ୍ପର୍ଶନତୋଽଯସୋଽପି

ସୁଵର୍ଣତା ସ୍ଯାତ୍କମଲେ ତଥା ତେ ।

କଟାକ୍ଷସଂସ୍ପର୍ଶନତୋ ଜନାନା-

-ମମଙ୍ଗଲାନାମପି ମଙ୍ଗଲତ୍ଵମ୍

॥ 89 ॥

ଶ୍ଲୋକ 123

ଦେହୀତି ନାସ୍ତୀତି ଵଚଃ ପ୍ରଵେଶା-

-ଦ୍ଭୀତୋ ରମେ ତ୍ଵାଂ ଶରଣଂ ପ୍ରପଦ୍ଯେ ।

ଅତଃ ସଦାଽସ୍ମିନ୍ନଭଯପ୍ରଦା ତ୍ଵଂ

ସହୈଵ ପତ୍ଯା ମଯି ସନ୍ନିଧେହି

॥ 90 ॥

ଶ୍ଲୋକ 124

କଲ୍ପଦ୍ରୁମେଣ ମଣିନା ସହିତା ସୁରମ୍ଯା

ଶ୍ରୀସ୍ତେ କଲା ମଯି ରସେନ ରସାଯନେନ ।

ଆସ୍ତାଂ ଯତୋ ମମ ଶିରଃକରଦୃଷ୍ଟିପାଦ-

-ସ୍ପୃଷ୍ଟାଃ ସୁଵର୍ଣଵପୁଷଃ ସ୍ଥିରଜଙ୍ଗମାଃ ସ୍ଯୁଃ

॥ 91 ॥

ଶ୍ଲୋକ 125

ଆଦ୍ଯାଦିଵିଷ୍ଣୋଃ ସ୍ଥିରଧର୍ମପତ୍ନୀ

ତ୍ଵମେଵ ପତ୍ଯା ମଯି ସନ୍ନିଧେହି ।

ଆଦ୍ଯାଦିଲକ୍ଷ୍ମି ତ୍ଵଦନୁଗ୍ରହେଣ

ପଦେ ପଦେ ମେ ନିଧିଦର୍ଶନଂ ସ୍ଯାତ୍

॥ 92 ॥

ଶ୍ଲୋକ 126

ଆଦ୍ଯାଦିଲକ୍ଷ୍ମୀହୃଦଯଂ ପଠେଦ୍ଯଃ

ସ ରାଜ୍ଯଲକ୍ଷ୍ମୀମଚଲାଂ ତନୋତି ।

ମହାଦରିଦ୍ରୋଽପି ଭଵେଦ୍ଧନାଢ୍ଯ-

-ସ୍ତଦନ୍ଵଯେ ଶ୍ରୀଃ ସ୍ଥିରତାଂ ପ୍ରଯାତି

॥ 93 ॥

ଶ୍ଲୋକ 127

ଯସ୍ଯ ସ୍ମରଣମାତ୍ରେଣ ତୁଷ୍ଟା ସ୍ଯାଦ୍ଵିଷ୍ଣୁଵଲ୍ଲଭା ।

ତସ୍ଯାଭୀଷ୍ଟଂ ଦଦତ୍ଯାଶୁ ତଂ ପାଲଯତି ପୁତ୍ରଵତ୍

॥ 94 ॥

ଶ୍ଲୋକ 128

ଇଦଂ ରହସ୍ଯଂ ହୃଦଯଂ ସର୍ଵକାମଫଲପ୍ରଦମ୍ ।

ଜପଃ ପଞ୍ଚସହସ୍ରଂ ତୁ ପୁରଶ୍ଚରଣମୁଚ୍ଯତେ

॥ 95 ॥

ଶ୍ଲୋକ 129

ତ୍ରିକାଲମେକକାଲଂ ଵା ନରୋ ଭକ୍ତିସମନ୍ଵିତଃ ।

ଯଃ ପଠେଚ୍ଛୃଣୁଯାଦ୍ଵାପି ସ ଯାତି ପରମାଂ ଶ୍ରିଯମ୍

॥ 96 ॥

ଶ୍ଲୋକ 130

ମହାଲକ୍ଷ୍ମୀଂ ସମୁଦ୍ଦିଶ୍ଯ ନିଶି ଭାର୍ଗଵଵାସରେ ।

ଇଦଂ ଶ୍ରୀହୃଦଯଂ ଜପ୍ତ୍ଵା ପଞ୍ଚଵାରଂ ଧନୀ ଭଵେତ୍

॥ 97 ॥

ଶ୍ଲୋକ 131

ଅନେନ ହୃଦଯେନାନ୍ନଂ ଗର୍ଭିଣ୍ଯା ଅଭିମନ୍ତ୍ରିତମ୍ ।

ଦଦାତି ତତ୍କୁଲେ ପୁତ୍ରୋ ଜାଯତେ ଶ୍ରୀପତିଃ ସ୍ଵଯମ୍

॥ 98 ॥

ଶ୍ଲୋକ 132

ନରେଣ ଵାଽଥଵା ନାର୍ଯା ଲକ୍ଷ୍ମୀହୃଦଯମନ୍ତ୍ରିତେ ।

ଜଲେ ପୀତେ ଚ ତଦ୍ଵଂଶେ ମନ୍ଦଭାଗ୍ଯୋ ନ ଜାଯତେ

॥ 99 ॥

ଶ୍ଲୋକ 133

ଯ ଆଶ୍ଵିନେ ମାସି ଚ ଶୁକ୍ଲପକ୍ଷେ

ରମୋତ୍ସଵେ ସନ୍ନିହିତେ ସୁଭକ୍ତ୍ଯା ।

ପଠେତ୍ତଥୈକୋତ୍ତରଵାରଵୃଦ୍ଧ୍ଯା

ଲଭେତ୍ସ ସୌଵର୍ଣମଯୀଂ ସୁଵୃଷ୍ଟିମ୍

॥ 100 ॥

ଶ୍ଲୋକ 134

ଯ ଏକଭକ୍ତୋଽନ୍ଵହମେକଵର୍ଷଂ

ଵିଶୁଦ୍ଧଧୀଃ ସପ୍ତତିଵାରଜାପୀ ।

ସ ମନ୍ଦଭାଗ୍ଯୋଽପି ରମାକଟାକ୍ଷା-

-ଦ୍ଭଵେତ୍ସହସ୍ରାକ୍ଷଶତାଧିକଶ୍ରୀଃ

॥ 101 ॥

ଶ୍ଲୋକ 135

ଶ୍ରୀଶାଙ୍ଘ୍ରିଭକ୍ତିଂ ହରିଦାସଦାସ୍ଯଂ

ପ୍ରସନ୍ନମନ୍ତ୍ରାର୍ଥଦୃଢୈକନିଷ୍ଠାମ୍ ।

ଗୁରୋଃ ସ୍ମୃତିଂ ନିର୍ମଲବୋଧବୁଦ୍ଧିଂ

ପ୍ରଦେହି ମାତଃ ପରମଂ ପଦଂ ଶ୍ରୀଃ

॥ 102 ॥

ଶ୍ଲୋକ 136

ପୃଥ୍ଵୀପତିତ୍ଵଂ ପୁରୁଷୋତ୍ତମତ୍ଵଂ

ଵିଭୂତିଵାସଂ ଵିଵିଧାର୍ଥସିଦ୍ଧିମ୍ ।

ସମ୍ପୂର୍ଣକୀର୍ତିଂ ବହୁଵର୍ଷଭୋଗଂ

ପ୍ରଦେହି ମେ ଲକ୍ଷ୍ମି ପୁନଃ ପୁନସ୍ତ୍ଵମ୍

॥ 103 ॥

ଶ୍ଲୋକ 137

ଵାଦାର୍ଥସିଦ୍ଧିଂ ବହୁଲୋକଵଶ୍ଯଂ

ଵଯଃ ସ୍ଥିରତ୍ଵଂ ଲଲନାସୁଭୋଗମ୍ ।

ପୌତ୍ରାଦିଲବ୍ଧିଂ ସକଲାର୍ଥସିଦ୍ଧିଂ

ପ୍ରଦେହି ମେ ଭାର୍ଗଵି ଜନ୍ମଜନ୍ମନି

॥ 104 ॥

ଶ୍ଲୋକ 138

ସୁଵର୍ଣଵୃଦ୍ଧିଂ କୁରୁ ମେ ଗୃହେ ଶ୍ରୀଃ

ସୁଧାନ୍ଯଵୃଦ୍ଧିଂ କୁରୂ ମେ ଗୃହେ ଶ୍ରୀଃ ।

କଲ୍ଯାଣଵୃଦ୍ଧିଂ କୁରୁ ମେ ଗୃହେ ଶ୍ରୀଃ

ଵିଭୂତିଵୃଦ୍ଧିଂ କୁରୁ ମେ ଗୃହେ ଶ୍ରୀଃ

॥ 105 ॥

ଶ୍ଲୋକ 139

ଧ୍ଯାଯେଲ୍ଲକ୍ଷ୍ମୀଂ ପ୍ରହସିତମୁଖୀଂ କୋଟିବାଲାର୍କଭାସାଂ

ଵିଦ୍ଯୁଦ୍ଵର୍ଣାମ୍ବରଵରଧରାଂ ଭୂଷଣାଢ୍ଯାଂ ସୁଶୋଭାମ୍ ।

ବୀଜାପୂରଂ ସରସିଜଯୁଗଂ ବିଭ୍ରତୀଂ ସ୍ଵର୍ଣପାତ୍ରଂ

ଭର୍ତ୍ରାଯୁକ୍ତାଂ ମୁହୁରଭଯଦାଂ ମହ୍ଯମପ୍ଯଚ୍ଯୁତଶ୍ରୀଃ

॥ 106 ॥

ଶ୍ଲୋକ 140

ଗୁହ୍ଯାତିଗୁହ୍ଯଗୋପ୍ତ୍ରୀ ତ୍ଵଂ ଗୃହାଣାସ୍ମତ୍କୃତଂ ଜପମ୍ ।

ସିଦ୍ଧିର୍ଭଵତୁ ମେ ଦେଵି ତ୍ଵତ୍ପ୍ରସାଦାନ୍ମଯି ସ୍ଥିତା

॥ 107 ॥

ଶ୍ଲୋକ 141

ଇତି ଶ୍ରୀଅଥର୍ଵଣରହସ୍ଯେ ଶ୍ରୀଲକ୍ଷ୍ମୀହୃଦଯସ୍ତୋତ୍ରଂ ସମ୍ପୂର୍ଣମ୍ ॥