ശ്രീ ലക്ഷ്മീ നാരായണ ഹൃദയ സ്തോത്രമ്

ശ്രീ ലക്ഷ്മീ നാരായണ ഹൃദയ സ്തോത്രമ്

ശ്ലോക 1

അഥ നാരായന ഹൃദയ സ്തോത്രമ്

അസ്യ ശ്രീനാരായണഹൃദയസ്തോത്രമന്ത്രസ്യ ഭാര്ഗവ ഋഷിഃ, അനുഷ്ടുപ്ഛന്ദഃ, ശ്രീലക്ഷ്മീനാരായണോ ദേവതാ, ഓം ബീജം, നമശ്ശക്തിഃ, നാരായണായേതി കീലകം, ശ്രീലക്ഷ്മീനാരായണ പ്രീത്യര്ഥേ ജപേ വിനിയോഗഃ ।

കരന്യാസഃ ।

ഓം നാരായണഃ പരം ജ്യോതിരിതി അങ്ഗുഷ്ഠാഭ്യാം നമഃ ।

നാരായണഃ പരം ബ്രഹ്മേതി തര്ജനീഭ്യാം നമഃ ।

നാരായണഃ പരോ ദേവ ഇതി മധ്യമാഭ്യാം നമഃ ।

നാരായണഃ പരം ധാമേതി അനാമികാഭ്യാം നമഃ ।

നാരായണഃ പരോ ധര്മ ഇതി കനിഷ്ഠികാഭ്യാം നമഃ ।

വിശ്വം നാരായണ ഇതി കരതലകരപൃഷ്ഠാഭ്യാം നമഃ ।

അങ്ഗന്യാസഃ ।

നാരായണഃ പരം ജ്യോതിരിതി ഹൃദയായ നമഃ ।

നാരായണഃ പരം ബ്രഹ്മേതി ശിരസേ സ്വാഹാ ।

നാരായണഃ പരോ ദേവ ഇതി ശിഖായൈ വൌഷട് ।

നാരായണഃ പരം ധാമേതി കവചായ ഹുമ് ।

നാരായണഃ പരോ ധര്മ ഇതി നേത്രാഭ്യാം വൌഷട് ।

വിശ്വം നാരായണ ഇതി അസ്ത്രായ ഫട് ।

ദിഗ്ബന്ധഃ ।

ഓം ഐന്ദ്ര്യാദിദശദിശം ഓം നമഃ സുദര്ശനായ സഹസ്രാരായ ഹും ഫട് ബധ്നാമി നമശ്ചക്രായ സ്വാഹാ । ഇതി പ്രതിദിശം യോജ്യമ് ।

അഥ ധ്യാനമ് ।

ഉദ്യാദാദിത്യസങ്കാശം പീതവാസം ചതുര്ഭുജമ് ।

ശങ്ഖചക്രഗദാപാണിം ധ്യായേല്ലക്ഷ്മീപതിം ഹരിമ്

ശ്ലോക 2

ത്രൈലോക്യാധാരചക്രം തദുപരി കമഠം തത്ര ചാനന്തഭോഗീ

തന്മധ്യേ ഭൂമിപദ്മാങ്കുശശിഖരദലം കര്ണികാഭൂതമേരുമ് ।

തത്രസ്ഥം ശാന്തമൂര്തിം മണിമയമകുടം കുണ്ഡലോദ്ഭാസിതാങ്ഗം

ലക്ഷ്മീനാരായണാഖ്യം സരസിജനയനം സന്തതം ചിന്തയാമി

॥ 1 ॥

ശ്ലോക 3

അഥ മൂലാഷ്ടകമ് ।

ഓമ് ॥ നാരായണഃ പരം ജ്യോതിരാത്മാ നാരായണഃ പരഃ ।

നാരായണഃ പരം ബ്രഹ്മ നാരായണ നമോഽസ്തു തേ

॥ 2 ॥

ശ്ലോക 4

നാരായണഃ പരോ ദേവോ ധാതാ നാരായണഃ പരഃ ।

നാരായണഃ പരോ ധാതാ നാരായണ നമോഽസ്തു തേ

॥ 1 ॥

ശ്ലോക 5

നാരായണഃ പരം ധാമ ധ്യാനം നാരായണഃ പരഃ ।

നാരായണ പരോ ധര്മോ നാരായണ നമോഽസ്തു തേ

॥ 2 ॥

ശ്ലോക 6

നാരായണഃ പരോവേദ്യഃ വിദ്യാ നാരായണഃ പരഃ ।

വിശ്വം നാരായണഃ സാക്ഷാന്നാരായണ നമോഽസ്തു തേ

॥ 3 ॥

ശ്ലോക 7

നാരായണാദ്വിധിര്ജാതോ ജാതോ നാരായണാദ്ഭവഃ ।

ജാതോ നാരായണാദിന്ദ്രോ നാരായണ നമോഽസ്തു തേ

॥ 4 ॥

ശ്ലോക 8

രവിര്നാരായണസ്തേജഃ ചന്ദ്രോ നാരായണോ മഹഃ ।

വഹ്നിര്നാരായണഃ സാക്ഷാന്നാരായണ നമോഽസ്തു തേ

॥ 5 ॥

ശ്ലോക 9

നാരായണ ഉപാസ്യഃ സ്യാദ്ഗുരുര്നാരായണഃ പരഃ ।

നാരായണഃ പരോ ബോധോ നാരായണ നമോഽസ്തു തേ

॥ 6 ॥

ശ്ലോക 10

നാരായണഃ ഫലം മുഖ്യം സിദ്ധിര്നാരായണഃ സുഖമ് ।

സേവ്യോനാരായണഃ ശുദ്ധോ നാരായണ നമോഽസ്തു തേ

॥ 7 ॥

ശ്ലോക 11

॥ 8 ॥ [ഹരി]

അഥ പ്രാര്ഥനാദശകമ് ।

നാരായണ ത്വമേവാസി ദഹരാഖ്യേ ഹൃദി സ്ഥിതഃ ।

പ്രേരകഃ പ്രേര്യമാണാനാം ത്വയാ പ്രേരിതമാനസഃ

ശ്ലോക 12

ത്വദാജ്ഞാം ശിരസാ ധൃത്വാ ജപാമി ജനപാവനമ് ।

നാനോപാസനമാര്ഗാണാം ഭവകൃദ്ഭാവബോധകഃ

॥ 9 ॥

ശ്ലോക 13

ഭാവാര്ഥകൃദ്ഭവാതീതോ ഭവ സൌഖ്യപ്രദോ മമ ।

ത്വന്മായാമോഹിതം വിശ്വം ത്വയൈവ പരികല്പിതമ്

॥ 10 ॥

ശ്ലോക 14

ത്വദധിഷ്ഠാനമാത്രേണ സാ വൈ സര്വാര്ഥകാരിണീ ।

ത്വമേതാം ച പുരസ്കൃത്യ സര്വകാമാന്പ്രദര്ശയ

॥ 11 ॥

ശ്ലോക 15

ന മേ ത്വദന്യസ്ത്രാതാസ്തി ത്വദന്യന്ന ഹി ദൈവതമ് ।

ത്വദന്യം ന ഹി ജാനാമി പാലകം പുണ്യവര്ധനമ്

॥ 12 ॥

ശ്ലോക 16

യാവത്സാംസാരികോ ഭാവോ മനസ്സ്ഥോ ഭാവനാത്മകഃ ।

താവത്സിദ്ധിര്ഭവേത്സാധ്യാ സര്വഥാ സര്വദാ വിഭോ

॥ 13 ॥

ശ്ലോക 17

പാപിനാമഹമേവാഗ്ര്യോ ദയാലൂനാം ത്വമഗ്രണീഃ ।

ദയനീയോ മദന്യോഽസ്തി തവ കോഽത്ര ജഗത്ത്രയേ

॥ 14 ॥

ശ്ലോക 18

ത്വയാഹം നൈവ സൃഷ്ടശ്ചേന്ന സ്യാത്തവ ദയാലുതാ ।

ആമയോ വാ ന സൃഷ്ടശ്ചേദൌഷധസ്യ വൃഥോദയഃ

॥ 15 ॥

ശ്ലോക 19

പാപസങ്ഘപരിശ്രാന്തഃ പാപാത്മാ പാപരൂപധൃത് ।

ത്വദന്യഃ കോഽത്ര പാപേഭ്യസ്ത്രാതാസ്തി ജഗതീതലേ

॥ 16 ॥

ശ്ലോക 20

ത്വമേവ മാതാ ച പിതാ ത്വമേവ

ത്വമേവ ബന്ധുശ്ച സഖാ ത്വമേവ ।

ത്വമേവ സേവ്യശ്ച ഗുരുസ്ത്വമേവ

ത്വമേവ സര്വം മമ ദേവ ദേവ

॥ 17 ॥

ശ്ലോക 21

പ്രാര്ഥനാദശകം ചൈവ മൂലാഷ്ടകമതഃ പരമ് ।

യഃ പഠേച്ഛൃണുയാന്നിത്യം തസ്യ ലക്ഷ്മീഃ സ്ഥിരാ ഭവേത്

॥ 18 ॥

ശ്ലോക 22

നാരായണസ്യ ഹൃദയം സര്വാഭീഷ്ടഫലപ്രദമ് ।

ലക്ഷ്മീഹൃദയകം സ്തോത്രം യദി ചേത്തദ്വിനാകൃതമ്

॥ 19 ॥

ശ്ലോക 23

തത്സര്വം നിഷ്ഫലം പ്രോക്തം ലക്ഷ്മീഃ ക്രുദ്ധ്യതി സര്വദാ ।

ഏതത്സങ്കലിതം സ്തോത്രം സര്വകാമഫലപ്രദമ്

॥ 20 ॥

ശ്ലോക 24

ലക്ഷ്മീഹൃദയകം ചൈവ തഥാ നാരായണാത്മകമ് ।

ജപേദ്യഃ സങ്കലീകൃത്യ സര്വാഭീഷ്ടമവാപ്നുയാത്

॥ 21 ॥

ശ്ലോക 25

നാരായണസ്യ ഹൃദയമാദൌ ജപ്ത്വാ തതഃ പരമ് ।

ലക്ഷ്മീഹൃദയകം സ്തോത്രം ജപേന്നാരായണം പുനഃ

॥ 22 ॥

ശ്ലോക 26

പുനര്നാരായണം ജപ്ത്വാ പുനര്ലക്ഷ്മീനുതിം ജപേത് ।

പുനര്നാരായണം ജാപ്യം സങ്കലീകരണം ഭവേത്

॥ 23 ॥

ശ്ലോക 27

ഏവം മധ്യേ ദ്വിവാരേണ ജപേത്സങ്കലിതം തു തത് ।

ലക്ഷ്മീഹൃദയകം സ്തോത്രം സര്വകാമപ്രകാശിതമ്

॥ 24 ॥

ശ്ലോക 28

തദ്വജ്ജപാദികം കുര്യാദേതത്സങ്കലിതം ശുഭമ് ।

സര്വാന്കാമാനവാപ്നോതി ആധിവ്യാധിഭയം ഹരേത്

॥ 25 ॥

ശ്ലോക 29

ഗോപ്യമേതത്സദാ കുര്യാന്ന സര്വത്ര പ്രകാശയേത് ।

ഇതി ഗുഹ്യതമം ശാസ്ത്രം പ്രാപ്തം ബ്രഹ്മാദികൈഃ പുരാ

॥ 26 ॥

ശ്ലോക 30

തസ്മാത്സര്വപ്രയത്നേന ഗോപയേത്സാധയേസുധീഃ ।

യത്രൈതത്പുസ്തകം തിഷ്ഠേല്ലക്ഷ്മീനാരായണാത്മകമ്

॥ 27 ॥

ശ്ലോക 31

ഭൂതപൈശാചവേതാല ഭയം നൈവ തു സര്വദാ ।

ലക്ഷ്മീഹൃദയകം പ്രോക്തം വിധിനാ സാധയേത്സുധീഃ

॥ 28 ॥

ശ്ലോക 32

ഭൃഗുവാരേ ച രാത്രൌ ച പൂജയേത്പുസ്തകദ്വയമ് ।

സര്വഥാ സര്വദാ സത്യം ഗോപയേത്സാധയേത്സുധീഃ ।

ഗോപനാത്സാധനാല്ലോകേ ധന്യോ ഭവതി തത്ത്വതഃ

॥ 29 ॥

ശ്ലോക 33

ഇത്യഥര്വരഹസ്യേ ഉത്തരഭാഗേ നാരായണഹൃദയം സമ്പൂര്ണമ് ।

അഥ ലക്ഷ്മീ ഹൃദയ സ്തോത്രമ്

അസ്യ ശ്രീ മഹാലക്ഷ്മീഹൃദയസ്തോത്ര മഹാമന്ത്രസ്യ ഭാര്ഗവ ഋഷിഃ, അനുഷ്ടുപാദീനി നാനാഛന്ദാംസി, ആദ്യാദി ശ്രീമഹാലക്ഷ്മീര്ദേവതാ, ശ്രീം ബീജം, ഹ്രീം ശക്തിഃ, ഐം കീലകം, ആദ്യാദിമഹാലക്ഷ്മീ പ്രസാദസിദ്ധ്യര്ഥം ജപേ വിനിയോഗഃ ॥

ഋഷ്യാദിന്യാസഃ –

ഓം ഭാര്ഗവൃഷയേ നമഃ ശിരസി ।

ഓം അനുഷ്ടുപാദിനാനാഛന്ദോഭ്യോ നമോ മുഖേ ।

ഓം ആദ്യാദിശ്രീമഹാലക്ഷ്മീ ദേവതായൈ നമോ ഹൃദയേ ।

ഓം ശ്രീം ബീജായ നമോ ഗുഹ്യേ ।

ഓം ഹ്രീം ശക്തയേ നമഃ പാദയോഃ ।

ഓം ഐം കീലകായ നമോ നാഭൌ ।

ഓം വിനിയോഗായ നമഃ സര്വാങ്ഗേ ।

കരന്യാസഃ –

ഓം ശ്രീം അങ്ഗുഷ്ഠാഭ്യാം നമഃ ।

ഓം ഹ്രീം തര്ജനീഭ്യാം നമഃ ।

ഓം ഐം മധ്യമാഭ്യാം നമഃ ।

ഓം ശ്രീം അനാമികാഭ്യാം നമഃ ।

ഓം ഹ്രീം കനിഷ്ഠികാഭ്യാം നമഃ ।

ഓം ഐം കരതല കരപൃഷ്ഠാഭ്യാം നമഃ ।

അങ്ഗന്യാസഃ –

ഓം ശ്രീം ഹൃദയായ നമഃ ।

ഓം ഹ്രീം ശിരസേ സ്വാഹാ ।

ഓം ഐം ശിഖായൈ വഷട് ।

ഓം ശ്രീം കവചായ ഹുമ് ।

ഓം ഹ്രീം നേത്രത്രയായ വൌഷട് ।

ഓം ഐം അസ്ത്രായ ഫട് ।

ഓം ശ്രീം ഹ്രീം ഐം ഇതി ദിഗ്ബന്ധഃ ।

അഥ ധ്യാനമ് ।

ഹസ്തദ്വയേന കമലേ ധാരയന്തീം സ്വലീലയാ ।

ഹാരനൂപുരസംയുക്താം ലക്ഷ്മീം ദേവീം വിചിന്തയേ ॥

കൌശേയപീതവസനാമരവിന്ദനേത്രാം

പദ്മദ്വയാഭയവരോദ്യതപദ്മഹസ്താമ് ।

ഉദ്യച്ഛതാര്കസദൃശീം പരമാങ്കസംസ്ഥാം

ധ്യായേദ്വിധീശനതപാദയുഗാം ജനിത്രീമ് ॥

പീതവസ്ത്രാം സുവര്ണാങ്ഗീം പദ്മഹസ്തദ്വായാന്വിതാമ് ।

ലക്ഷ്മീം ധ്യാത്വേതി മന്ത്രേണ സ ഭവേത്പൃഥിവീപതിഃ ॥

മാതുലുങ്ഗം ഗദാം ഖേടം പാണൌ പാത്രം ച ബിഭ്രതീ ।

നാഗം ലിങ്ഗം ച യോനിം ച ബിഭ്രതീം ചൈവ മൂര്ധനി ॥

[ ഇതി ധ്യാത്വാ മാനസോപചാരൈഃ സമ്പൂജ്യ ।

ശങ്ഖചക്രഗദാഹസ്തേ ശുഭ്രവര്ണേ സുവാസിനീ ।

മമ ദേഹി വരം ലക്ഷ്മീഃ സര്വസിദ്ധിപ്രദായിനീ ।

ഇതി സമ്പ്രാര്ഥ്യ ഓം ശ്രീം ഹ്രീം ഐം മഹാലക്ഷ്മ്യൈ കമലധാരിണ്യൈ സിംഹവാഹിന്യൈ സ്വാഹാ ഇതി മന്ത്രം ജപ്ത്വാ പുനഃ പൂര്വവദ്ധൃദയാദി ഷഡങ്ഗന്യാസം കൃത്വാ സ്തോത്രം പഠേത് । ]

സ്തോത്രമ് ।

വന്ദേ ലക്ഷ്മീം പരമശിവമയീം ശുദ്ധജാമ്ബൂനദാഭാം

തേജോരൂപാം കനകവസനാം സര്വഭൂഷോജ്ജ്വലാങ്ഗീമ് ।

ബീജാപൂരം കനകകലശം ഹേമപദ്മം ദധാനാ-

-മാദ്യാം ശക്തിം സകലജനനീം വിഷ്ണുവാമാങ്കസംസ്ഥാമ്

॥ 30 ॥

ശ്ലോക 34

ശ്രീമത്സൌഭാഗ്യജനനീം സ്തൌമി ലക്ഷ്മീം സനാതനീമ് ।

സര്വകാമഫലാവാപ്തിസാധനൈകസുഖാവഹാമ്

॥ 1 ॥

ശ്ലോക 35

സ്മരാമി നിത്യം ദേവേശി ത്വയാ പ്രേരിതമാനസഃ ।

ത്വദാജ്ഞാം ശിരസാ ധൃത്വാ ഭജാമി പരമേശ്വരീമ്

॥ 2 ॥

ശ്ലോക 36

സമസ്തസമ്പത്സുഖദാം മഹാശ്രിയം

സമസ്തസൌഭാഗ്യകരീം മഹാശ്രിയമ് ।

സമസ്തകല്യാണകരീം മഹാശ്രിയം

ഭജാമ്യഹം ജ്ഞാനകരീം മഹാശ്രിയമ്

॥ 3 ॥

ശ്ലോക 37

വിജ്ഞാനസമ്പത്സുഖദാം സനാതനീം

വിചിത്രവാഗ്ഭൂതികരീം മനോഹരാമ് ।

അനന്തസമ്മോദസുഖപ്രദായിനീം

നമാമ്യഹം ഭൂതികരീം ഹരിപ്രിയാമ്

॥ 4 ॥

ശ്ലോക 38

സമസ്തഭൂതാന്തരസംസ്ഥിതാ ത്വം

സമസ്തഭോക്ത്രീശ്വരി വിശ്വരൂപേ ।

തന്നാസ്തി യത്ത്വദ്വ്യതിരിക്തവസ്തു

ത്വത്പാദപദ്മം പ്രണമാമ്യഹം ശ്രീഃ

॥ 5 ॥

ശ്ലോക 39

ദാരിദ്ര്യ ദുഃഖൌഘതമോപഹന്ത്രീ

ത്വത്പാദപദ്മം മയി സന്നിധത്സ്വ ।

ദീനാര്തിവിച്ഛേദനഹേതുഭൂതൈഃ

കൃപാകടാക്ഷൈരഭിഷിഞ്ച മാം ശ്രീഃ

॥ 6 ॥

ശ്ലോക 40

അമ്ബ പ്രസീദ കരുണാസുധയാര്ദ്രദൃഷ്ട്യാ

മാം ത്വത്കൃപാദ്രവിണഗേഹമിമം കുരുഷ്വ ।

ആലോകയ പ്രണതഹൃദ്ഗതശോകഹന്ത്രീ

ത്വത്പാദപദ്മയുഗലം പ്രണമാമ്യഹം ശ്രീഃ

॥ 7 ॥

ശ്ലോക 41

ശാന്ത്യൈ നമോഽസ്തു ശരണാഗതരക്ഷണായൈ

കാന്ത്യൈ നമോഽസ്തു കമനീയഗുണാശ്രയായൈ ।

ക്ഷാന്ത്യൈ നമോഽസ്തു ദുരിതക്ഷയകാരണായൈ

ദാത്ര്യൈ നമോഽസ്തു ധനധാന്യസമൃദ്ധിദായൈ

॥ 8 ॥

ശ്ലോക 42

ശക്ത്യൈ നമോഽസ്തു ശശിശേഖരസംസ്തുതായൈ

രത്യൈ നമോഽസ്തു രജനീകരസോദരായൈ ।

ഭക്ത്യൈ നമോഽസ്തു ഭവസാഗരതാരകായൈ

മത്യൈ നമോഽസ്തു മധുസൂദനവല്ലഭായൈ

॥ 9 ॥

ശ്ലോക 43

ലക്ഷ്മ്യൈ നമോഽസ്തു ശുഭലക്ഷണലക്ഷിതായൈ

സിദ്ധ്യൈ നമോഽസ്തു ശിവസിദ്ധസുപൂജിതായൈ ।

ധൃത്യൈ നമോഽസ്ത്വമിതദുര്ഗതിഭഞ്ജനായൈ

ഗത്യൈ നമോഽസ്തു വരസദ്ഗതിദായികായൈ

॥ 10 ॥

ശ്ലോക 44

ദേവ്യൈ നമോഽസ്തു ദിവി ദേവഗണാര്ചിതായൈ

ഭൂത്യൈ നമോഽസ്തു ഭുവനാര്തിവിനാശനായൈ ।

ധാത്ര്യൈ നമോഽസ്തു ധരണീധരവല്ലഭായൈ

പുഷ്ട്യൈ നമോഽസ്തു പുരുഷോത്തമവല്ലഭായൈ

॥ 11 ॥

ശ്ലോക 45

സുതീവ്രദാരിദ്ര്യവിദുഃഖഹന്ത്ര്യൈ

നമോഽസ്തു തേ സര്വഭയാപഹന്ത്ര്യൈ ।

ശ്രീവിഷ്ണുവക്ഷഃസ്ഥലസംസ്ഥിതായൈ

നമോ നമഃ സര്വവിഭൂതിദായൈ

॥ 12 ॥

ശ്ലോക 46

ജയതു ജയതു ലക്ഷ്മീര്ലക്ഷണാലങ്കൃതാങ്ഗീ

ജയതു ജയതു പദ്മാ പദ്മസദ്മാഭിവന്ദ്യാ ।

ജയതു ജയതു വിദ്യാ വിഷ്ണുവാമാങ്കസംസ്ഥാ

ജയതു ജയതു സമ്യക്സര്വസമ്പത്കരീ ശ്രീഃ

॥ 13 ॥

ശ്ലോക 47

ജയതു ജയതു ദേവീ ദേവസങ്ഘാഭിപൂജ്യാ

ജയതു ജയതു ഭദ്രാ ഭാര്ഗവീ ഭാഗ്യരൂപാ ।

ജയതു ജയതു നിത്യാ നിര്മലജ്ഞാനവേദ്യാ

ജയതു ജയതു സത്യാ സര്വഭൂതാന്തരസ്ഥാ

॥ 14 ॥

ശ്ലോക 48

ജയതു ജയതു രമ്യാ രത്നഗര്ഭാന്തരസ്ഥാ

ജയതു ജയതു ശുദ്ധാ ശുദ്ധജാമ്ബൂനദാഭാ ।

ജയതു ജയതു കാന്താ കാന്തിമദ്ഭാസിതാങ്ഗീ

ജയതു ജയതു ശാന്താ ശീഘ്രമാഗച്ഛ സൌമ്യേ

॥ 15 ॥

ശ്ലോക 49

യസ്യാഃ കലായാഃ കമലോദ്ഭവാദ്യാ

രുദ്രാശ്ച ശക്ര പ്രമുഖാശ്ച ദേവാഃ ।

ജീവന്തി സര്വേഽപി സശക്തയസ്തേ

പ്രഭുത്വമാപ്താഃ പരമായുഷസ്തേ

॥ 16 ॥

ശ്ലോക 50

ലിലേഖ നിടിലേ വിധിര്മമ ലിപിം വിസൃജ്യാന്തരം

ത്വയാ വിലിഖിതവ്യമേതദിതി തത്ഫലപ്രാപ്തയേ ।

തദന്തരഫലേസ്ഫുടം കമലവാസിനീ ശ്രീരിമാം

സമര്പയ സമുദ്രികാം സകലഭാഗ്യസംസൂചികാമ്

॥ 17 ॥

ശ്ലോക 51

കലയാ തേ യഥാ ദേവി ജീവന്തി സചരാചരാഃ ।

തഥാ സമ്പത്കരേ ലക്ഷ്മി സര്വദാ സമ്പ്രസീദ മേ

॥ 18 ॥

ശ്ലോക 52

യഥാ വിഷ്ണുര്ധ്രുവേ നിത്യം സ്വകലാം സന്ന്യവേശയത് ।

തഥൈവ സ്വകലാം ലക്ഷ്മി മയി സമ്യക് സമര്പയ

॥ 19 ॥

ശ്ലോക 53

സര്വസൌഖ്യപ്രദേ ദേവി ഭക്താനാമഭയപ്രദേ ।

അചലാം കുരു യത്നേന കലാം മയി നിവേശിതാമ്

॥ 20 ॥

ശ്ലോക 54

മുദാസ്താം മത്ഫാലേ പരമപദലക്ഷ്മീഃ സ്ഫുടകലാ

സദാ വൈകുണ്ഠശ്രീര്നിവസതു കലാ മേ നയനയോഃ ।

വസേത്സത്യേ ലോകേ മമ വചസി ലക്ഷ്മീര്വരകലാ

ശ്രിയഃ ശ്വേതദ്വീപേ നിവസതു കലാ മേ സ്വകരയോഃ

॥ 21 ॥

ശ്ലോക 55

താവന്നിത്യം മമാങ്ഗേഷു ക്ഷീരാബ്ധൌ ശ്രീകലാ വസേത് ।

സൂര്യാചന്ദ്രമസൌ യാവദ്യാവല്ലക്ഷ്മീപതിഃ ശ്രിയാഃ

॥ 22 ॥

ശ്ലോക 56

സര്വമങ്ഗലസമ്പൂര്ണാ സര്വൈശ്വര്യസമന്വിതാ ।

ആദ്യാദി ശ്രീര്മഹാലക്ഷ്മീ ത്വത്കലാ മയി തിഷ്ഠതു

॥ 23 ॥

ശ്ലോക 57

അജ്ഞാനതിമിരം ഹന്തും ശുദ്ധജ്ഞാനപ്രകാശികാ ।

സര്വൈശ്വര്യപ്രദാ മേഽസ്തു ത്വത്കലാ മയി സംസ്ഥിതാ

॥ 24 ॥

ശ്ലോക 58

അലക്ഷ്മീം ഹരതു ക്ഷിപ്രം തമഃ സൂര്യപ്രഭാ യഥാ ।

വിതനോതു മമ ശ്രേയസ്ത്വത്കലാ മയി സംസ്ഥിതാ

॥ 25 ॥

ശ്ലോക 59

ഐശ്വര്യമങ്ഗലോത്പത്തിസ്ത്വത്കലായാം നിധീയതേ ।

മയി തസ്മാത്കൃതാര്ഥോഽസ്മി പാത്രമസ്മി സ്ഥിതേസ്തവ

॥ 26 ॥

ശ്ലോക 60

ഭവദാവേശഭാഗ്യാര്ഹോ ഭാഗ്യവാനസ്മി ഭാര്ഗവി ।

ത്വത്പ്രസാദാത്പവിത്രോഽഹം ലോകമാതര്നമോഽസ്തു തേ

॥ 27 ॥

ശ്ലോക 61

പുനാസി മാം ത്വത്കലയൈവ യസ്മാ-

-ദതഃ സമാഗച്ഛ മമാഗ്രതസ്ത്വമ് ।

പരം പദം ശ്രീര്ഭവ സുപ്രസന്നാ

മയ്യച്യുതേന പ്രവിശാദിലക്ഷ്മീഃ

॥ 28 ॥

ശ്ലോക 62

ശ്രീവൈകുണ്ഠസ്ഥിതേ ലക്ഷ്മി സമാഗച്ഛ മമാഗ്രതഃ ।

നാരായണേന സഹ മാം കൃപാദൃഷ്ട്യാഽവലോകയ

॥ 29 ॥

ശ്ലോക 63

സത്യലോകസ്ഥിതേ ലക്ഷ്മി ത്വം മമാഗച്ഛ സന്നിധിമ് ।

വാസുദേവേന സഹിതാ പ്രസീദ വരദാ ഭവ

॥ 30 ॥

ശ്ലോക 64

ശ്വേതദ്വീപസ്ഥിതേ ലക്ഷ്മി ശീഘ്രമാഗച്ഛ സുവ്രതേ ।

വിഷ്ണുനാ സഹിതേ ദേവി ജഗന്മാതഃ പ്രസീദ മേ

॥ 31 ॥

ശ്ലോക 65

ക്ഷീരാമ്ബുധിസ്ഥിതേ ലക്ഷ്മി സമാഗച്ഛ സമാധവാ ।

ത്വത്കൃപാദൃഷ്ടിസുധയാ സതതം മാം വിലോകയ

॥ 32 ॥

ശ്ലോക 66

രത്നഗര്ഭസ്ഥിതേ ലക്ഷ്മി പരിപൂര്ണേ ഹിരണ്മയേ ।

സമാഗച്ഛ സമാഗച്ഛ സ്ഥിത്വാഽഽശു പുരതോ മമ

॥ 33 ॥

ശ്ലോക 67

സ്ഥിരാ ഭവ മഹാലക്ഷ്മി നിശ്ചലാ ഭവ നിര്മലേ ।

പ്രസന്നേ കമലേ ദേവി പ്രസന്നഹൃദയാ ഭവ

॥ 34 ॥

ശ്ലോക 68

ശ്രീധരേ ശ്രീമഹാഭൂതേ ത്വദന്തഃസ്ഥം മഹാനിധിമ് ।

ശീഘ്രമുദ്ധൃത്യ പുരതഃ പ്രദര്ശയ സമര്പയ

॥ 35 ॥

ശ്ലോക 69

വസുന്ധരേ ശ്രീവസുധേ വസുദോഗ്ധ്രി കൃപാമയേ ।

ത്വത്കുക്ഷിഗതസര്വസ്വം ശീഘ്രം മേ സമ്പ്രദര്ശയ

॥ 36 ॥

ശ്ലോക 70

വിഷ്ണുപ്രിയേ രത്നഗര്ഭേ സമസ്തഫലദേ ശിവേ ।

ത്വദ്ഗര്ഭഗതഹേമാദീന് സമ്പ്രദര്ശയ ദര്ശയ

॥ 37 ॥

ശ്ലോക 71

രസാതലഗതേ ലക്ഷ്മി ശീഘ്രമാഗച്ഛ മേ പുരഃ ।

ന ജാനേ പരമം രൂപം മാതര്മേ സമ്പ്രദര്ശയ

॥ 38 ॥

ശ്ലോക 72

ആവിര്ഭവ മനോവേഗാച്ഛീഘ്രമാഗച്ഛ മേ പുരഃ ।

മാ വത്സ ഭൈരിഹേത്യുക്ത്വാ കാമം ഗൌരിവ രക്ഷ മാമ്

॥ 39 ॥

ശ്ലോക 73

ദേവി ശീഘ്രം സമാഗച്ഛ ധരണീഗര്ഭസംസ്ഥിതേ ।

മാതസ്ത്വദ്ഭൃത്യഭൃത്യോഽഹം മൃഗയേ ത്വാം കുതൂഹലാത്

॥ 40 ॥

ശ്ലോക 74

ഉത്തിഷ്ഠ ജാഗൃഹി ത്വം മേ സമുത്തിഷ്ഠ സുജാഗൃഹി ।

അക്ഷയാന് ഹേമകലശാന് സുവര്ണേന സുപൂരിതാന്

॥ 41 ॥

ശ്ലോക 75

നിക്ഷേപാന്മേ സമാകൃഷ്യ സമുദ്ധൃത്യ മമാഗ്രതഃ ।

സമുന്നതാനനാ ഭൂത്വാ സമാധേഹി ധരാന്തരാത്

॥ 42 ॥

ശ്ലോക 76

മത്സന്നിധിം സമാഗച്ഛ മദാഹിതകൃപാരസാത് ।

പ്രസീദ ശ്രേയസാം ദോഗ്ധ്രീ ലക്ഷ്മീര്മേ നയനാഗ്രതഃ

॥ 43 ॥

ശ്ലോക 77

അത്രോപവിശ ലക്ഷ്മി ത്വം സ്ഥിരാ ഭവ ഹിരണ്മയേ ।

സുസ്ഥിരാ ഭവ സമ്പ്രീത്യാ പ്രസീദ വരദാ ഭവ

॥ 44 ॥

ശ്ലോക 78

ആനീതാംസ്തു തഥാ ദേവി നിധീന്മേ സമ്പ്രദര്ശയ ।

അദ്യ ക്ഷണേന സഹസാ ദത്ത്വാ സംരക്ഷ മാം സദാ

॥ 45 ॥

ശ്ലോക 79

മയി തിഷ്ഠ തഥാ നിത്യം യഥേന്ദ്രാദിഷു തിഷ്ഠസി ।

അഭയം കുരു മേ ദേവി മഹാലക്ഷ്മീര്നമോഽസ്തു തേ

॥ 46 ॥

ശ്ലോക 80

സമാഗച്ഛ മഹാലക്ഷ്മി ശുദ്ധജാമ്ബൂനദപ്രഭേ ।

പ്രസീദ പുരതഃ സ്ഥിത്വാ പ്രണതം മാം വിലോകയ

॥ 47 ॥

ശ്ലോക 81

ലക്ഷ്മീര്ഭുവം ഗതാ ഭാസി യത്ര യത്ര ഹിരണ്മയീ ।

തത്ര തത്ര സ്ഥിതാ ത്വം മേ തവ രൂപം പ്രദര്ശയ

॥ 48 ॥

ശ്ലോക 82

ക്രീഡന്തീ ബഹുധാ ഭൂമൌ പരിപൂര്ണകൃപാമയി ।

മമ മൂര്ധനി തേ ഹസ്തമവിലമ്ബിതമര്പയ

॥ 49 ॥

ശ്ലോക 83

ഫലദ്ഭാഗ്യോദയേ ലക്ഷ്മി സമസ്തപുരവാസിനീ ।

പ്രസീദ മേ മഹാലക്ഷ്മി പരിപൂര്ണമനോരഥേ

॥ 50 ॥

ശ്ലോക 84

അയോധ്യാദിഷു സര്വേഷു നഗരേഷു സമാസ്ഥിതേ ।

വൈഭവൈര്വിവിധൈര്യുക്തൈഃ സമാഗച്ഛ മുദാന്വിതേ

॥ 51 ॥

ശ്ലോക 85

സമാഗച്ഛ സമാഗച്ഛ മമാഗ്രേ ഭവ സുസ്ഥിരാ ।

കരുണാരസനിഷ്യന്ദനേത്രദ്വയ വിലാസിനീ

॥ 52 ॥

ശ്ലോക 86

॥ 53 ॥ [നിഷ്പന്ന]

സന്നിധത്സ്വ മഹാലക്ഷ്മി ത്വത്പാണിം മമ മസ്തകേ ।

കരുണാസുധയാ മാം ത്വമഭിഷിഞ്ച്യ സ്ഥിരം കുരു

ശ്ലോക 87

സര്വരാജഗൃഹേ ലക്ഷ്മി സമാഗച്ഛ ബലാന്വിതേ । [മുദാന്വിതേ]

സ്ഥിത്വാഽഽശു പുരതോ മേഽദ്യ പ്രസാദേനാഽഭയം കുരു

॥ 54 ॥

ശ്ലോക 88

സാദരം മസ്തകേ ഹസ്തം മമ ത്വം കൃപയാര്പയ ।

സര്വരാജഗൃഹേ ലക്ഷ്മി ത്വത്കലാ മയി തിഷ്ഠതു

॥ 55 ॥

ശ്ലോക 89

ആദ്യാദി ശ്രീമഹാലക്ഷ്മി വിഷ്ണുവാമാങ്കസംസ്ഥിതേ ।

പ്രത്യക്ഷം കുരു മേ രൂപം രക്ഷ മാം ശരണാഗതമ്

॥ 56 ॥

ശ്ലോക 90

പ്രസീദ മേ മഹാലക്ഷ്മി സുപ്രസീദ മഹാശിവേ ।

അചലാ ഭവ സമ്പ്രീത്യാ സുസ്ഥിരാ ഭവ മദ്ഗൃഹേ

॥ 57 ॥

ശ്ലോക 91

യാവത്തിഷ്ഠന്തി വേദാശ്ച യാവച്ചന്ദ്രദിവാകരൌ ।

യാവദ്വിഷ്ണുശ്ച യാവത്ത്വം താവത്കുരു കൃപാം മയി

॥ 58 ॥

ശ്ലോക 92

ചാന്ദ്രീകലാ യഥാ ശുക്ലേ വര്ധതേ സാ ദിനേ ദിനേ ।

തഥാ ദയാ തേ മയ്യേവ വര്ധതാമഭിവര്ധതാമ്

॥ 59 ॥

ശ്ലോക 93

യഥാ വൈകുണ്ഠനഗരേ യഥാ വൈ ക്ഷീരസാഗരേ ।

തഥാ മദ്ഭവനേ തിഷ്ഠ സ്ഥിരം ശ്രീവിഷ്ണുനാ സഹ

॥ 60 ॥

ശ്ലോക 94

യോഗിനാം ഹൃദയേ നിത്യം യഥാ തിഷ്ഠസി വിഷ്ണുനാ ।

തഥാ മദ്ഭവനേ തിഷ്ഠ സ്ഥിരം ശ്രീവിഷ്ണുനാ സഹ

॥ 61 ॥

ശ്ലോക 95

നാരായണസ്യ ഹൃദയേ ഭവതീ യഥാസ്തേ

നാരായണോഽപി തവ ഹൃത്കമലേ യഥാസ്തേ ।

നാരായണസ്ത്വമപി നിത്യമുഭൌ തഥൈവ

തൌ തിഷ്ഠതാം ഹൃദി മമാപി ദയാന്വിതൌ ശ്രീഃ

॥ 62 ॥

ശ്ലോക 96

വിജ്ഞാനവൃദ്ധിം ഹൃദയേ കുരു ശ്രീഃ

സൌഭാഗ്യവൃദ്ധിം കുരു മേ ഗൃഹേ ശ്രീഃ ।

ദയാസുവൃദ്ധിം കുരുതാം മയി ശ്രീഃ

സുവര്ണവൃദ്ധിം കുരു മേ ഗൃഹേ ശ്രീഃ

॥ 63 ॥

ശ്ലോക 97

ന മാം ത്യജേഥാഃ ശ്രിതകല്പവല്ലി

സദ്ഭക്തചിന്താമണികാമധേനോ ।

വിശ്വസ്യ മാതര്ഭവ സുപ്രസന്നാ

ഗൃഹേ കലത്രേഷു ച പുത്രവര്ഗേ

॥ 64 ॥

ശ്ലോക 98

ആദ്യാദിമായേ ത്വമജാണ്ഡബീജം

ത്വമേവ സാകാരനിരാകൃതിസ്ത്വമ് ।

ത്വയാ ധൃതാശ്ചാബ്ജഭവാണ്ഡസങ്ഘാ-

-ശ്ചിത്രം ചരിത്രം തവ ദേവി വിഷ്ണോഃ

॥ 65 ॥

ശ്ലോക 99

ബ്രഹ്മരുദ്രാദയോ ദേവാ വേദാശ്ചാപി ന ശക്നുയുഃ ।

മഹിമാനം തവ സ്തോതും മന്ദോഽഹം ശക്നുയാം കഥമ്

॥ 66 ॥

ശ്ലോക 100

അമ്ബ ത്വദ്വത്സവാക്യാനി സൂക്താസൂക്താനി യാനി ച ।

താനി സ്വീകുരു സര്വജ്ഞേ ദയാലുത്വേന സാദരമ്

॥ 67 ॥

ശ്ലോക 101

ഭവതീം ശരണം ഗത്വാ കൃതാര്ഥാഃ സ്യുഃ പുരാതനാഃ ।

ഇതി സഞ്ചിന്ത്യ മനസാ ത്വാമഹം ശരണം വ്രജേ

॥ 68 ॥

ശ്ലോക 102

അനന്താ നിത്യസുഖിനസ്ത്വദ്ഭക്താസ്ത്വത്പരായണാഃ ।

ഇതി വേദപ്രമാണാദ്ധി ദേവി ത്വാം ശരണം വ്രജേ

॥ 69 ॥

ശ്ലോക 103

തവ പ്രതിജ്ഞാ മദ്ഭക്താ ന നശ്യന്തീത്യപി ക്വചിത് ।

ഇതി സഞ്ചിന്ത്യ സഞ്ചിന്ത്യ പ്രാണാന് സന്ധാരയാമ്യഹമ്

॥ 70 ॥

ശ്ലോക 104

ത്വദധീനസ്ത്വഹം മാതസ്ത്വത്കൃപാ മയി വിദ്യതേ ।

യാവത്സമ്പൂര്ണകാമഃ സ്യാത്താവദ്ദേഹി ദയാനിധേ

॥ 71 ॥

ശ്ലോക 105

ക്ഷണമാത്രം ന ശക്നോമി ജീവിതും ത്വത്കൃപാം വിനാ ।

ന ജീവന്തീഹ ജലജാ ജലം ത്യക്ത്വാ ജലഗ്രഹാഃ

॥ 72 ॥

ശ്ലോക 106

യഥാ ഹി പുത്രവാത്സല്യാജ്ജനനീ പ്രസ്നുതസ്തനീ ।

വത്സം ത്വരിതമാഗത്യ സമ്പ്രീണയതി വത്സലാ

॥ 73 ॥

ശ്ലോക 107

യദി സ്യാം തവ പുത്രോഽഹം മാതാ ത്വം യദി മാമകീ ।

ദയാപയോധരസ്തന്യസുധാഭിരഭിഷിഞ്ച മാമ്

॥ 74 ॥

ശ്ലോക 108

മൃഗ്യോ ന ഗുണലേശോഽപി മയി ദോഷൈകമന്ദിരേ ।

പാംസൂനാം വൃഷ്ടിബിന്ദൂനാം ദോഷാണാം ച ന മേ മതിഃ

॥ 75 ॥

ശ്ലോക 109

പാപിനാമഹമേവാഗ്ര്യോ ദയാലൂനാം ത്വമഗ്രണീഃ ।

ദയനീയോ മദന്യോഽസ്തി തവ കോഽത്ര ജഗത്ത്രയേ

॥ 76 ॥

ശ്ലോക 110

വിധിനാഹം ന സൃഷ്ടശ്ചേന്ന സ്യാത്തവ ദയാലുതാ ।

ആമയോ വാ ന സൃഷ്ടശ്ചേദൌഷധസ്യ വൃഥോദയഃ

॥ 77 ॥

ശ്ലോക 111

കൃപാ മദഗ്രജാ കിം തേ അഹം കിം വാ തദഗ്രജഃ ।

വിചാര്യ ദേഹി മേ വിത്തം തവ ദേവി ദയാനിധേ

॥ 78 ॥

ശ്ലോക 112

മാതാ പിതാ ത്വം ഗുരുസദ്ഗതിഃ ശ്രീ-

-സ്ത്വമേവ സഞ്ജീവനഹേതുഭൂതാ ।

അന്യം ന മന്യേ ജഗദേകനാഥേ

ത്വമേവ സര്വം മമ ദേവി സത്യേ

॥ 79 ॥

ശ്ലോക 113

ആദ്യാദിലക്ഷ്മീര്ഭവ സുപ്രസന്നാ

വിശുദ്ധവിജ്ഞാനസുഖൈകദോഗ്ധ്രീ ।

അജ്ഞാനഹന്ത്രീ ത്രിഗുണാതിരിക്താ

പ്രജ്ഞാനനേത്രീ ഭവ സുപ്രസന്നാ

॥ 80 ॥

ശ്ലോക 114

അശേഷവാഗ്ജാഡ്യമലാപഹന്ത്രീ

നവം നവം സ്പഷ്ടസുവാക്പ്രദായിനീ ।

മമേഹ ജിഹ്വാഗ്ര സുരങ്ഗനര്തകീ [നര്തിനീ]

ഭവ പ്രസന്നാ വദനേ ച മേ ശ്രീഃ

॥ 81 ॥

ശ്ലോക 115

സമസ്തസമ്പത്സുവിരാജമാനാ

സമസ്തതേജശ്ചയഭാസമാനാ ।

വിഷ്ണുപ്രിയേ ത്വം ഭവ ദീപ്യമാനാ

വാഗ്ദേവതാ മേ നയനേ പ്രസന്നാ

॥ 82 ॥

ശ്ലോക 116

സര്വപ്രദര്ശേ സകലാര്ഥദേ ത്വം

പ്രഭാസുലാവണ്യദയാപ്രദോഗ്ധ്രീ ।

സുവര്ണദേ ത്വം സുമുഖീ ഭവ ശ്രീ-

-ര്ഹിരണ്മയീ മേ നയനേ പ്രസന്നാ

॥ 83 ॥

ശ്ലോക 117

സര്വാര്ഥദാ സര്വജഗത്പ്രസൂതിഃ

സര്വേശ്വരീ സര്വഭയാപഹന്ത്രീ ।

സര്വോന്നതാ ത്വം സുമുഖീ ഭവ ശ്രീ-

-ര്ഹിരണ്മയീ മേ നയനേ പ്രസന്നാ

॥ 84 ॥

ശ്ലോക 118

സമസ്തവിഘ്നൌഘവിനാശകാരിണീ

സമസ്തഭക്തോദ്ധരണേ വിചക്ഷണാ ।

അനന്തസൌഭാഗ്യസുഖപ്രദായിനീ

ഹിരണ്മയീ മേ നയനേ പ്രസന്നാ

॥ 85 ॥

ശ്ലോക 119

ദേവി പ്രസീദ ദയനീയതമായ മഹ്യം

ദേവാധിനാഥഭവദേവഗണാഭിവന്ദ്യേ ।

മാതസ്തഥൈവ ഭവ സന്നിഹിതാ ദൃശോര്മേ

പത്യാ സമം മമ മുഖേ ഭവ സുപ്രസന്നാ

॥ 86 ॥

ശ്ലോക 120

മാ വത്സ ഭൈരഭയദാനകരോഽര്പിതസ്തേ

മൌലൌ മമേതി മയി ദീനദയാനുകമ്പേ ।

മാതഃ സമര്പയ മുദാ കരുണാകടാക്ഷം

മാങ്ഗല്യബീജമിഹ നഃ സൃജ ജന്മ മാതഃ

॥ 87 ॥

ശ്ലോക 121

കടാക്ഷ ഇഹ കാമധുക്തവ മനസ്തു ചിന്താമണിഃ

കരഃ സുരതരുഃ സദാ നവനിധിസ്ത്വമേവേന്ദിരേ ।

ഭവേ തവ ദയാരസോ മമ രസായനം ചാന്വഹം

മുഖം തവ കലാനിധിര്വിവിധവാഞ്ഛിതാര്ഥപ്രദമ്

॥ 88 ॥

ശ്ലോക 122

യഥാ രസസ്പര്ശനതോഽയസോഽപി

സുവര്ണതാ സ്യാത്കമലേ തഥാ തേ ।

കടാക്ഷസംസ്പര്ശനതോ ജനാനാ-

-മമങ്ഗലാനാമപി മങ്ഗലത്വമ്

॥ 89 ॥

ശ്ലോക 123

ദേഹീതി നാസ്തീതി വചഃ പ്രവേശാ-

-ദ്ഭീതോ രമേ ത്വാം ശരണം പ്രപദ്യേ ।

അതഃ സദാഽസ്മിന്നഭയപ്രദാ ത്വം

സഹൈവ പത്യാ മയി സന്നിധേഹി

॥ 90 ॥

ശ്ലോക 124

കല്പദ്രുമേണ മണിനാ സഹിതാ സുരമ്യാ

ശ്രീസ്തേ കലാ മയി രസേന രസായനേന ।

ആസ്താം യതോ മമ ശിരഃകരദൃഷ്ടിപാദ-

-സ്പൃഷ്ടാഃ സുവര്ണവപുഷഃ സ്ഥിരജങ്ഗമാഃ സ്യുഃ

॥ 91 ॥

ശ്ലോക 125

ആദ്യാദിവിഷ്ണോഃ സ്ഥിരധര്മപത്നീ

ത്വമേവ പത്യാ മയി സന്നിധേഹി ।

ആദ്യാദിലക്ഷ്മി ത്വദനുഗ്രഹേണ

പദേ പദേ മേ നിധിദര്ശനം സ്യാത്

॥ 92 ॥

ശ്ലോക 126

ആദ്യാദിലക്ഷ്മീഹൃദയം പഠേദ്യഃ

സ രാജ്യലക്ഷ്മീമചലാം തനോതി ।

മഹാദരിദ്രോഽപി ഭവേദ്ധനാഢ്യ-

-സ്തദന്വയേ ശ്രീഃ സ്ഥിരതാം പ്രയാതി

॥ 93 ॥

ശ്ലോക 127

യസ്യ സ്മരണമാത്രേണ തുഷ്ടാ സ്യാദ്വിഷ്ണുവല്ലഭാ ।

തസ്യാഭീഷ്ടം ദദത്യാശു തം പാലയതി പുത്രവത്

॥ 94 ॥

ശ്ലോക 128

ഇദം രഹസ്യം ഹൃദയം സര്വകാമഫലപ്രദമ് ।

ജപഃ പഞ്ചസഹസ്രം തു പുരശ്ചരണമുച്യതേ

॥ 95 ॥

ശ്ലോക 129

ത്രികാലമേകകാലം വാ നരോ ഭക്തിസമന്വിതഃ ।

യഃ പഠേച്ഛൃണുയാദ്വാപി സ യാതി പരമാം ശ്രിയമ്

॥ 96 ॥

ശ്ലോക 130

മഹാലക്ഷ്മീം സമുദ്ദിശ്യ നിശി ഭാര്ഗവവാസരേ ।

ഇദം ശ്രീഹൃദയം ജപ്ത്വാ പഞ്ചവാരം ധനീ ഭവേത്

॥ 97 ॥

ശ്ലോക 131

അനേന ഹൃദയേനാന്നം ഗര്ഭിണ്യാ അഭിമന്ത്രിതമ് ।

ദദാതി തത്കുലേ പുത്രോ ജായതേ ശ്രീപതിഃ സ്വയമ്

॥ 98 ॥

ശ്ലോക 132

നരേണ വാഽഥവാ നാര്യാ ലക്ഷ്മീഹൃദയമന്ത്രിതേ ।

ജലേ പീതേ ച തദ്വംശേ മന്ദഭാഗ്യോ ന ജായതേ

॥ 99 ॥

ശ്ലോക 133

യ ആശ്വിനേ മാസി ച ശുക്ലപക്ഷേ

രമോത്സവേ സന്നിഹിതേ സുഭക്ത്യാ ।

പഠേത്തഥൈകോത്തരവാരവൃദ്ധ്യാ

ലഭേത്സ സൌവര്ണമയീം സുവൃഷ്ടിമ്

॥ 100 ॥

ശ്ലോക 134

യ ഏകഭക്തോഽന്വഹമേകവര്ഷം

വിശുദ്ധധീഃ സപ്തതിവാരജാപീ ।

സ മന്ദഭാഗ്യോഽപി രമാകടാക്ഷാ-

-ദ്ഭവേത്സഹസ്രാക്ഷശതാധികശ്രീഃ

॥ 101 ॥

ശ്ലോക 135

ശ്രീശാങ്ഘ്രിഭക്തിം ഹരിദാസദാസ്യം

പ്രസന്നമന്ത്രാര്ഥദൃഢൈകനിഷ്ഠാമ് ।

ഗുരോഃ സ്മൃതിം നിര്മലബോധബുദ്ധിം

പ്രദേഹി മാതഃ പരമം പദം ശ്രീഃ

॥ 102 ॥

ശ്ലോക 136

പൃഥ്വീപതിത്വം പുരുഷോത്തമത്വം

വിഭൂതിവാസം വിവിധാര്ഥസിദ്ധിമ് ।

സമ്പൂര്ണകീര്തിം ബഹുവര്ഷഭോഗം

പ്രദേഹി മേ ലക്ഷ്മി പുനഃ പുനസ്ത്വമ്

॥ 103 ॥

ശ്ലോക 137

വാദാര്ഥസിദ്ധിം ബഹുലോകവശ്യം

വയഃ സ്ഥിരത്വം ലലനാസുഭോഗമ് ।

പൌത്രാദിലബ്ധിം സകലാര്ഥസിദ്ധിം

പ്രദേഹി മേ ഭാര്ഗവി ജന്മജന്മനി

॥ 104 ॥

ശ്ലോക 138

സുവര്ണവൃദ്ധിം കുരു മേ ഗൃഹേ ശ്രീഃ

സുധാന്യവൃദ്ധിം കുരൂ മേ ഗൃഹേ ശ്രീഃ ।

കല്യാണവൃദ്ധിം കുരു മേ ഗൃഹേ ശ്രീഃ

വിഭൂതിവൃദ്ധിം കുരു മേ ഗൃഹേ ശ്രീഃ

॥ 105 ॥

ശ്ലോക 139

ധ്യായേല്ലക്ഷ്മീം പ്രഹസിതമുഖീം കോടിബാലാര്കഭാസാം

വിദ്യുദ്വര്ണാമ്ബരവരധരാം ഭൂഷണാഢ്യാം സുശോഭാമ് ।

ബീജാപൂരം സരസിജയുഗം ബിഭ്രതീം സ്വര്ണപാത്രം

ഭര്ത്രായുക്താം മുഹുരഭയദാം മഹ്യമപ്യച്യുതശ്രീഃ

॥ 106 ॥

ശ്ലോക 140

ഗുഹ്യാതിഗുഹ്യഗോപ്ത്രീ ത്വം ഗൃഹാണാസ്മത്കൃതം ജപമ് ।

സിദ്ധിര്ഭവതു മേ ദേവി ത്വത്പ്രസാദാന്മയി സ്ഥിതാ

॥ 107 ॥

ശ്ലോക 141

ഇതി ശ്രീഅഥര്വണരഹസ്യേ ശ്രീലക്ഷ്മീഹൃദയസ്തോത്രം സമ്പൂര്ണമ് ॥