શ્રી લક્ષ્મી નારાયણ હૃદય સ્તોત્રમ્

શ્રી લક્ષ્મી નારાયણ હૃદય સ્તોત્રમ્

શ્લોક 1

અથ નારાયન હૃદય સ્તોત્રમ્

અસ્ય શ્રીનારાયણહૃદયસ્તોત્રમન્ત્રસ્ય ભાર્ગવ ઋષિઃ, અનુષ્ટુપ્છન્દઃ, શ્રીલક્ષ્મીનારાયણો દેવતા, ૐ બીજં, નમશ્શક્તિઃ, નારાયણાયેતિ કીલકં, શ્રીલક્ષ્મીનારાયણ પ્રીત્યર્થે જપે વિનિયોગઃ ।

કરન્યાસઃ ।

ૐ નારાયણઃ પરં જ્યોતિરિતિ અઙ્ગુષ્ઠાભ્યાં નમઃ ।

નારાયણઃ પરં બ્રહ્મેતિ તર્જનીભ્યાં નમઃ ।

નારાયણઃ પરો દેવ ઇતિ મધ્યમાભ્યાં નમઃ ।

નારાયણઃ પરં ધામેતિ અનામિકાભ્યાં નમઃ ।

નારાયણઃ પરો ધર્મ ઇતિ કનિષ્ઠિકાભ્યાં નમઃ ।

વિશ્વં નારાયણ ઇતિ કરતલકરપૃષ્ઠાભ્યાં નમઃ ।

અઙ્ગન્યાસઃ ।

નારાયણઃ પરં જ્યોતિરિતિ હૃદયાય નમઃ ।

નારાયણઃ પરં બ્રહ્મેતિ શિરસે સ્વાહા ।

નારાયણઃ પરો દેવ ઇતિ શિખાયૈ વૌષટ્ ।

નારાયણઃ પરં ધામેતિ કવચાય હુમ્ ।

નારાયણઃ પરો ધર્મ ઇતિ નેત્રાભ્યાં વૌષટ્ ।

વિશ્વં નારાયણ ઇતિ અસ્ત્રાય ફટ્ ।

દિગ્બન્ધઃ ।

ૐ ઐન્દ્ર્યાદિદશદિશં ૐ નમઃ સુદર્શનાય સહસ્રારાય હું ફટ્ બધ્નામિ નમશ્ચક્રાય સ્વાહા । ઇતિ પ્રતિદિશં યોજ્યમ્ ।

અથ ધ્યાનમ્ ।

ઉદ્યાદાદિત્યસઙ્કાશં પીતવાસં ચતુર્ભુજમ્ ।

શઙ્ખચક્રગદાપાણિં ધ્યાયેલ્લક્ષ્મીપતિં હરિમ્

શ્લોક 2

ત્રૈલોક્યાધારચક્રં તદુપરિ કમઠં તત્ર ચાનન્તભોગી

તન્મધ્યે ભૂમિપદ્માઙ્કુશશિખરદલં કર્ણિકાભૂતમેરુમ્ ।

તત્રસ્થં શાન્તમૂર્તિં મણિમયમકુટં કુણ્ડલોદ્ભાસિતાઙ્ગં

લક્ષ્મીનારાયણાખ્યં સરસિજનયનં સન્તતં ચિન્તયામિ

॥ 1 ॥

શ્લોક 3

અથ મૂલાષ્ટકમ્ ।

ઓમ્ ॥ નારાયણઃ પરં જ્યોતિરાત્મા નારાયણઃ પરઃ ।

નારાયણઃ પરં બ્રહ્મ નારાયણ નમોઽસ્તુ તે

॥ 2 ॥

શ્લોક 4

નારાયણઃ પરો દેવો ધાતા નારાયણઃ પરઃ ।

નારાયણઃ પરો ધાતા નારાયણ નમોઽસ્તુ તે

॥ 1 ॥

શ્લોક 5

નારાયણઃ પરં ધામ ધ્યાનં નારાયણઃ પરઃ ।

નારાયણ પરો ધર્મો નારાયણ નમોઽસ્તુ તે

॥ 2 ॥

શ્લોક 6

નારાયણઃ પરોવેદ્યઃ વિદ્યા નારાયણઃ પરઃ ।

વિશ્વં નારાયણઃ સાક્ષાન્નારાયણ નમોઽસ્તુ તે

॥ 3 ॥

શ્લોક 7

નારાયણાદ્વિધિર્જાતો જાતો નારાયણાદ્ભવઃ ।

જાતો નારાયણાદિન્દ્રો નારાયણ નમોઽસ્તુ તે

॥ 4 ॥

શ્લોક 8

રવિર્નારાયણસ્તેજઃ ચન્દ્રો નારાયણો મહઃ ।

વહ્નિર્નારાયણઃ સાક્ષાન્નારાયણ નમોઽસ્તુ તે

॥ 5 ॥

શ્લોક 9

નારાયણ ઉપાસ્યઃ સ્યાદ્ગુરુર્નારાયણઃ પરઃ ।

નારાયણઃ પરો બોધો નારાયણ નમોઽસ્તુ તે

॥ 6 ॥

શ્લોક 10

નારાયણઃ ફલં મુખ્યં સિદ્ધિર્નારાયણઃ સુખમ્ ।

સેવ્યોનારાયણઃ શુદ્ધો નારાયણ નમોઽસ્તુ તે

॥ 7 ॥

શ્લોક 11

॥ 8 ॥ [હરિ]

અથ પ્રાર્થનાદશકમ્ ।

નારાયણ ત્વમેવાસિ દહરાખ્યે હૃદિ સ્થિતઃ ।

પ્રેરકઃ પ્રેર્યમાણાનાં ત્વયા પ્રેરિતમાનસઃ

શ્લોક 12

ત્વદાજ્ઞાં શિરસા ધૃત્વા જપામિ જનપાવનમ્ ।

નાનોપાસનમાર્ગાણાં ભવકૃદ્ભાવબોધકઃ

॥ 9 ॥

શ્લોક 13

ભાવાર્થકૃદ્ભવાતીતો ભવ સૌખ્યપ્રદો મમ ।

ત્વન્માયામોહિતં વિશ્વં ત્વયૈવ પરિકલ્પિતમ્

॥ 10 ॥

શ્લોક 14

ત્વદધિષ્ઠાનમાત્રેણ સા વૈ સર્વાર્થકારિણી ।

ત્વમેતાં ચ પુરસ્કૃત્ય સર્વકામાન્પ્રદર્શય

॥ 11 ॥

શ્લોક 15

ન મે ત્વદન્યસ્ત્રાતાસ્તિ ત્વદન્યન્ન હિ દૈવતમ્ ।

ત્વદન્યં ન હિ જાનામિ પાલકં પુણ્યવર્ધનમ્

॥ 12 ॥

શ્લોક 16

યાવત્સાંસારિકો ભાવો મનસ્સ્થો ભાવનાત્મકઃ ।

તાવત્સિદ્ધિર્ભવેત્સાધ્યા સર્વથા સર્વદા વિભો

॥ 13 ॥

શ્લોક 17

પાપિનામહમેવાગ્ર્યો દયાલૂનાં ત્વમગ્રણીઃ ।

દયનીયો મદન્યોઽસ્તિ તવ કોઽત્ર જગત્ત્રયે

॥ 14 ॥

શ્લોક 18

ત્વયાહં નૈવ સૃષ્ટશ્ચેન્ન સ્યાત્તવ દયાલુતા ।

આમયો વા ન સૃષ્ટશ્ચેદૌષધસ્ય વૃથોદયઃ

॥ 15 ॥

શ્લોક 19

પાપસઙ્ઘપરિશ્રાન્તઃ પાપાત્મા પાપરૂપધૃત્ ।

ત્વદન્યઃ કોઽત્ર પાપેભ્યસ્ત્રાતાસ્તિ જગતીતલે

॥ 16 ॥

શ્લોક 20

ત્વમેવ માતા ચ પિતા ત્વમેવ

ત્વમેવ બન્ધુશ્ચ સખા ત્વમેવ ।

ત્વમેવ સેવ્યશ્ચ ગુરુસ્ત્વમેવ

ત્વમેવ સર્વં મમ દેવ દેવ

॥ 17 ॥

શ્લોક 21

પ્રાર્થનાદશકં ચૈવ મૂલાષ્ટકમતઃ પરમ્ ।

યઃ પઠેચ્છૃણુયાન્નિત્યં તસ્ય લક્ષ્મીઃ સ્થિરા ભવેત્

॥ 18 ॥

શ્લોક 22

નારાયણસ્ય હૃદયં સર્વાભીષ્ટફલપ્રદમ્ ।

લક્ષ્મીહૃદયકં સ્તોત્રં યદિ ચેત્તદ્વિનાકૃતમ્

॥ 19 ॥

શ્લોક 23

તત્સર્વં નિષ્ફલં પ્રોક્તં લક્ષ્મીઃ ક્રુદ્ધ્યતિ સર્વદા ।

એતત્સઙ્કલિતં સ્તોત્રં સર્વકામફલપ્રદમ્

॥ 20 ॥

શ્લોક 24

લક્ષ્મીહૃદયકં ચૈવ તથા નારાયણાત્મકમ્ ।

જપેદ્યઃ સઙ્કલીકૃત્ય સર્વાભીષ્ટમવાપ્નુયાત્

॥ 21 ॥

શ્લોક 25

નારાયણસ્ય હૃદયમાદૌ જપ્ત્વા તતઃ પરમ્ ।

લક્ષ્મીહૃદયકં સ્તોત્રં જપેન્નારાયણં પુનઃ

॥ 22 ॥

શ્લોક 26

પુનર્નારાયણં જપ્ત્વા પુનર્લક્ષ્મીનુતિં જપેત્ ।

પુનર્નારાયણં જાપ્યં સઙ્કલીકરણં ભવેત્

॥ 23 ॥

શ્લોક 27

એવં મધ્યે દ્વિવારેણ જપેત્સઙ્કલિતં તુ તત્ ।

લક્ષ્મીહૃદયકં સ્તોત્રં સર્વકામપ્રકાશિતમ્

॥ 24 ॥

શ્લોક 28

તદ્વજ્જપાદિકં કુર્યાદેતત્સઙ્કલિતં શુભમ્ ।

સર્વાન્કામાનવાપ્નોતિ આધિવ્યાધિભયં હરેત્

॥ 25 ॥

શ્લોક 29

ગોપ્યમેતત્સદા કુર્યાન્ન સર્વત્ર પ્રકાશયેત્ ।

ઇતિ ગુહ્યતમં શાસ્ત્રં પ્રાપ્તં બ્રહ્માદિકૈઃ પુરા

॥ 26 ॥

શ્લોક 30

તસ્માત્સર્વપ્રયત્નેન ગોપયેત્સાધયેસુધીઃ ।

યત્રૈતત્પુસ્તકં તિષ્ઠેલ્લક્ષ્મીનારાયણાત્મકમ્

॥ 27 ॥

શ્લોક 31

ભૂતપૈશાચવેતાલ ભયં નૈવ તુ સર્વદા ।

લક્ષ્મીહૃદયકં પ્રોક્તં વિધિના સાધયેત્સુધીઃ

॥ 28 ॥

શ્લોક 32

ભૃગુવારે ચ રાત્રૌ ચ પૂજયેત્પુસ્તકદ્વયમ્ ।

સર્વથા સર્વદા સત્યં ગોપયેત્સાધયેત્સુધીઃ ।

ગોપનાત્સાધનાલ્લોકે ધન્યો ભવતિ તત્ત્વતઃ

॥ 29 ॥

શ્લોક 33

ઇત્યથર્વરહસ્યે ઉત્તરભાગે નારાયણહૃદયં સમ્પૂર્ણમ્ ।

અથ લક્ષ્મી હૃદય સ્તોત્રમ્

અસ્ય શ્રી મહાલક્ષ્મીહૃદયસ્તોત્ર મહામન્ત્રસ્ય ભાર્ગવ ઋષિઃ, અનુષ્ટુપાદીનિ નાનાછન્દાંસિ, આદ્યાદિ શ્રીમહાલક્ષ્મીર્દેવતા, શ્રીં બીજં, હ્રીં શક્તિઃ, ઐં કીલકં, આદ્યાદિમહાલક્ષ્મી પ્રસાદસિદ્ધ્યર્થં જપે વિનિયોગઃ ॥

ઋષ્યાદિન્યાસઃ –

ૐ ભાર્ગવૃષયે નમઃ શિરસિ ।

ૐ અનુષ્ટુપાદિનાનાછન્દોભ્યો નમો મુખે ।

ૐ આદ્યાદિશ્રીમહાલક્ષ્મી દેવતાયૈ નમો હૃદયે ।

ૐ શ્રીં બીજાય નમો ગુહ્યે ।

ૐ હ્રીં શક્તયે નમઃ પાદયોઃ ।

ૐ ઐં કીલકાય નમો નાભૌ ।

ૐ વિનિયોગાય નમઃ સર્વાઙ્ગે ।

કરન્યાસઃ –

ૐ શ્રીં અઙ્ગુષ્ઠાભ્યાં નમઃ ।

ૐ હ્રીં તર્જનીભ્યાં નમઃ ।

ૐ ઐં મધ્યમાભ્યાં નમઃ ।

ૐ શ્રીં અનામિકાભ્યાં નમઃ ।

ૐ હ્રીં કનિષ્ઠિકાભ્યાં નમઃ ।

ૐ ઐં કરતલ કરપૃષ્ઠાભ્યાં નમઃ ।

અઙ્ગન્યાસઃ –

ૐ શ્રીં હૃદયાય નમઃ ।

ૐ હ્રીં શિરસે સ્વાહા ।

ૐ ઐં શિખાયૈ વષટ્ ।

ૐ શ્રીં કવચાય હુમ્ ।

ૐ હ્રીં નેત્રત્રયાય વૌષટ્ ।

ૐ ઐં અસ્ત્રાય ફટ્ ।

ૐ શ્રીં હ્રીં ઐં ઇતિ દિગ્બન્ધઃ ।

અથ ધ્યાનમ્ ।

હસ્તદ્વયેન કમલે ધારયન્તીં સ્વલીલયા ।

હારનૂપુરસંયુક્તાં લક્ષ્મીં દેવીં વિચિન્તયે ॥

કૌશેયપીતવસનામરવિન્દનેત્રાં

પદ્મદ્વયાભયવરોદ્યતપદ્મહસ્તામ્ ।

ઉદ્યચ્છતાર્કસદૃશીં પરમાઙ્કસંસ્થાં

ધ્યાયેદ્વિધીશનતપાદયુગાં જનિત્રીમ્ ॥

પીતવસ્ત્રાં સુવર્ણાઙ્ગીં પદ્મહસ્તદ્વાયાન્વિતામ્ ।

લક્ષ્મીં ધ્યાત્વેતિ મન્ત્રેણ સ ભવેત્પૃથિવીપતિઃ ॥

માતુલુઙ્ગં ગદાં ખેટં પાણૌ પાત્રં ચ બિભ્રતી ।

નાગં લિઙ્ગં ચ યોનિં ચ બિભ્રતીં ચૈવ મૂર્ધનિ ॥

[ ઇતિ ધ્યાત્વા માનસોપચારૈઃ સમ્પૂજ્ય ।

શઙ્ખચક્રગદાહસ્તે શુભ્રવર્ણે સુવાસિની ।

મમ દેહિ વરં લક્ષ્મીઃ સર્વસિદ્ધિપ્રદાયિની ।

ઇતિ સમ્પ્રાર્થ્ય ૐ શ્રીં હ્રીં ઐં મહાલક્ષ્મ્યૈ કમલધારિણ્યૈ સિંહવાહિન્યૈ સ્વાહા ઇતિ મન્ત્રં જપ્ત્વા પુનઃ પૂર્વવદ્ધૃદયાદિ ષડઙ્ગન્યાસં કૃત્વા સ્તોત્રં પઠેત્ । ]

સ્તોત્રમ્ ।

વન્દે લક્ષ્મીં પરમશિવમયીં શુદ્ધજામ્બૂનદાભાં

તેજોરૂપાં કનકવસનાં સર્વભૂષોજ્જ્વલાઙ્ગીમ્ ।

બીજાપૂરં કનકકલશં હેમપદ્મં દધાના-

-માદ્યાં શક્તિં સકલજનનીં વિષ્ણુવામાઙ્કસંસ્થામ્

॥ 30 ॥

શ્લોક 34

શ્રીમત્સૌભાગ્યજનનીં સ્તૌમિ લક્ષ્મીં સનાતનીમ્ ।

સર્વકામફલાવાપ્તિસાધનૈકસુખાવહામ્

॥ 1 ॥

શ્લોક 35

સ્મરામિ નિત્યં દેવેશિ ત્વયા પ્રેરિતમાનસઃ ।

ત્વદાજ્ઞાં શિરસા ધૃત્વા ભજામિ પરમેશ્વરીમ્

॥ 2 ॥

શ્લોક 36

સમસ્તસમ્પત્સુખદાં મહાશ્રિયં

સમસ્તસૌભાગ્યકરીં મહાશ્રિયમ્ ।

સમસ્તકલ્યાણકરીં મહાશ્રિયં

ભજામ્યહં જ્ઞાનકરીં મહાશ્રિયમ્

॥ 3 ॥

શ્લોક 37

વિજ્ઞાનસમ્પત્સુખદાં સનાતનીં

વિચિત્રવાગ્ભૂતિકરીં મનોહરામ્ ।

અનન્તસમ્મોદસુખપ્રદાયિનીં

નમામ્યહં ભૂતિકરીં હરિપ્રિયામ્

॥ 4 ॥

શ્લોક 38

સમસ્તભૂતાન્તરસંસ્થિતા ત્વં

સમસ્તભોક્ત્રીશ્વરિ વિશ્વરૂપે ।

તન્નાસ્તિ યત્ત્વદ્વ્યતિરિક્તવસ્તુ

ત્વત્પાદપદ્મં પ્રણમામ્યહં શ્રીઃ

॥ 5 ॥

શ્લોક 39

દારિદ્ર્ય દુઃખૌઘતમોપહન્ત્રી

ત્વત્પાદપદ્મં મયિ સન્નિધત્સ્વ ।

દીનાર્તિવિચ્છેદનહેતુભૂતૈઃ

કૃપાકટાક્ષૈરભિષિઞ્ચ માં શ્રીઃ

॥ 6 ॥

શ્લોક 40

અમ્બ પ્રસીદ કરુણાસુધયાર્દ્રદૃષ્ટ્યા

માં ત્વત્કૃપાદ્રવિણગેહમિમં કુરુષ્વ ।

આલોકય પ્રણતહૃદ્ગતશોકહન્ત્રી

ત્વત્પાદપદ્મયુગલં પ્રણમામ્યહં શ્રીઃ

॥ 7 ॥

શ્લોક 41

શાન્ત્યૈ નમોઽસ્તુ શરણાગતરક્ષણાયૈ

કાન્ત્યૈ નમોઽસ્તુ કમનીયગુણાશ્રયાયૈ ।

ક્ષાન્ત્યૈ નમોઽસ્તુ દુરિતક્ષયકારણાયૈ

દાત્ર્યૈ નમોઽસ્તુ ધનધાન્યસમૃદ્ધિદાયૈ

॥ 8 ॥

શ્લોક 42

શક્ત્યૈ નમોઽસ્તુ શશિશેખરસંસ્તુતાયૈ

રત્યૈ નમોઽસ્તુ રજનીકરસોદરાયૈ ।

ભક્ત્યૈ નમોઽસ્તુ ભવસાગરતારકાયૈ

મત્યૈ નમોઽસ્તુ મધુસૂદનવલ્લભાયૈ

॥ 9 ॥

શ્લોક 43

લક્ષ્મ્યૈ નમોઽસ્તુ શુભલક્ષણલક્ષિતાયૈ

સિદ્ધ્યૈ નમોઽસ્તુ શિવસિદ્ધસુપૂજિતાયૈ ।

ધૃત્યૈ નમોઽસ્ત્વમિતદુર્ગતિભઞ્જનાયૈ

ગત્યૈ નમોઽસ્તુ વરસદ્ગતિદાયિકાયૈ

॥ 10 ॥

શ્લોક 44

દેવ્યૈ નમોઽસ્તુ દિવિ દેવગણાર્ચિતાયૈ

ભૂત્યૈ નમોઽસ્તુ ભુવનાર્તિવિનાશનાયૈ ।

ધાત્ર્યૈ નમોઽસ્તુ ધરણીધરવલ્લભાયૈ

પુષ્ટ્યૈ નમોઽસ્તુ પુરુષોત્તમવલ્લભાયૈ

॥ 11 ॥

શ્લોક 45

સુતીવ્રદારિદ્ર્યવિદુઃખહન્ત્ર્યૈ

નમોઽસ્તુ તે સર્વભયાપહન્ત્ર્યૈ ।

શ્રીવિષ્ણુવક્ષઃસ્થલસંસ્થિતાયૈ

નમો નમઃ સર્વવિભૂતિદાયૈ

॥ 12 ॥

શ્લોક 46

જયતુ જયતુ લક્ષ્મીર્લક્ષણાલઙ્કૃતાઙ્ગી

જયતુ જયતુ પદ્મા પદ્મસદ્માભિવન્દ્યા ।

જયતુ જયતુ વિદ્યા વિષ્ણુવામાઙ્કસંસ્થા

જયતુ જયતુ સમ્યક્સર્વસમ્પત્કરી શ્રીઃ

॥ 13 ॥

શ્લોક 47

જયતુ જયતુ દેવી દેવસઙ્ઘાભિપૂજ્યા

જયતુ જયતુ ભદ્રા ભાર્ગવી ભાગ્યરૂપા ।

જયતુ જયતુ નિત્યા નિર્મલજ્ઞાનવેદ્યા

જયતુ જયતુ સત્યા સર્વભૂતાન્તરસ્થા

॥ 14 ॥

શ્લોક 48

જયતુ જયતુ રમ્યા રત્નગર્ભાન્તરસ્થા

જયતુ જયતુ શુદ્ધા શુદ્ધજામ્બૂનદાભા ।

જયતુ જયતુ કાન્તા કાન્તિમદ્ભાસિતાઙ્ગી

જયતુ જયતુ શાન્તા શીઘ્રમાગચ્છ સૌમ્યે

॥ 15 ॥

શ્લોક 49

યસ્યાઃ કલાયાઃ કમલોદ્ભવાદ્યા

રુદ્રાશ્ચ શક્ર પ્રમુખાશ્ચ દેવાઃ ।

જીવન્તિ સર્વેઽપિ સશક્તયસ્તે

પ્રભુત્વમાપ્તાઃ પરમાયુષસ્તે

॥ 16 ॥

શ્લોક 50

લિલેખ નિટિલે વિધિર્મમ લિપિં વિસૃજ્યાન્તરં

ત્વયા વિલિખિતવ્યમેતદિતિ તત્ફલપ્રાપ્તયે ।

તદન્તરફલેસ્ફુટં કમલવાસિની શ્રીરિમાં

સમર્પય સમુદ્રિકાં સકલભાગ્યસંસૂચિકામ્

॥ 17 ॥

શ્લોક 51

કલયા તે યથા દેવિ જીવન્તિ સચરાચરાઃ ।

તથા સમ્પત્કરે લક્ષ્મિ સર્વદા સમ્પ્રસીદ મે

॥ 18 ॥

શ્લોક 52

યથા વિષ્ણુર્ધ્રુવે નિત્યં સ્વકલાં સન્ન્યવેશયત્ ।

તથૈવ સ્વકલાં લક્ષ્મિ મયિ સમ્યક્ સમર્પય

॥ 19 ॥

શ્લોક 53

સર્વસૌખ્યપ્રદે દેવિ ભક્તાનામભયપ્રદે ।

અચલાં કુરુ યત્નેન કલાં મયિ નિવેશિતામ્

॥ 20 ॥

શ્લોક 54

મુદાસ્તાં મત્ફાલે પરમપદલક્ષ્મીઃ સ્ફુટકલા

સદા વૈકુણ્ઠશ્રીર્નિવસતુ કલા મે નયનયોઃ ।

વસેત્સત્યે લોકે મમ વચસિ લક્ષ્મીર્વરકલા

શ્રિયઃ શ્વેતદ્વીપે નિવસતુ કલા મે સ્વકરયોઃ

॥ 21 ॥

શ્લોક 55

તાવન્નિત્યં મમાઙ્ગેષુ ક્ષીરાબ્ધૌ શ્રીકલા વસેત્ ।

સૂર્યાચન્દ્રમસૌ યાવદ્યાવલ્લક્ષ્મીપતિઃ શ્રિયાઃ

॥ 22 ॥

શ્લોક 56

સર્વમઙ્ગલસમ્પૂર્ણા સર્વૈશ્વર્યસમન્વિતા ।

આદ્યાદિ શ્રીર્મહાલક્ષ્મી ત્વત્કલા મયિ તિષ્ઠતુ

॥ 23 ॥

શ્લોક 57

અજ્ઞાનતિમિરં હન્તું શુદ્ધજ્ઞાનપ્રકાશિકા ।

સર્વૈશ્વર્યપ્રદા મેઽસ્તુ ત્વત્કલા મયિ સંસ્થિતા

॥ 24 ॥

શ્લોક 58

અલક્ષ્મીં હરતુ ક્ષિપ્રં તમઃ સૂર્યપ્રભા યથા ।

વિતનોતુ મમ શ્રેયસ્ત્વત્કલા મયિ સંસ્થિતા

॥ 25 ॥

શ્લોક 59

ઐશ્વર્યમઙ્ગલોત્પત્તિસ્ત્વત્કલાયાં નિધીયતે ।

મયિ તસ્માત્કૃતાર્થોઽસ્મિ પાત્રમસ્મિ સ્થિતેસ્તવ

॥ 26 ॥

શ્લોક 60

ભવદાવેશભાગ્યાર્હો ભાગ્યવાનસ્મિ ભાર્ગવિ ।

ત્વત્પ્રસાદાત્પવિત્રોઽહં લોકમાતર્નમોઽસ્તુ તે

॥ 27 ॥

શ્લોક 61

પુનાસિ માં ત્વત્કલયૈવ યસ્મા-

-દતઃ સમાગચ્છ મમાગ્રતસ્ત્વમ્ ।

પરં પદં શ્રીર્ભવ સુપ્રસન્ના

મય્યચ્યુતેન પ્રવિશાદિલક્ષ્મીઃ

॥ 28 ॥

શ્લોક 62

શ્રીવૈકુણ્ઠસ્થિતે લક્ષ્મિ સમાગચ્છ મમાગ્રતઃ ।

નારાયણેન સહ માં કૃપાદૃષ્ટ્યાઽવલોકય

॥ 29 ॥

શ્લોક 63

સત્યલોકસ્થિતે લક્ષ્મિ ત્વં મમાગચ્છ સન્નિધિમ્ ।

વાસુદેવેન સહિતા પ્રસીદ વરદા ભવ

॥ 30 ॥

શ્લોક 64

શ્વેતદ્વીપસ્થિતે લક્ષ્મિ શીઘ્રમાગચ્છ સુવ્રતે ।

વિષ્ણુના સહિતે દેવિ જગન્માતઃ પ્રસીદ મે

॥ 31 ॥

શ્લોક 65

ક્ષીરામ્બુધિસ્થિતે લક્ષ્મિ સમાગચ્છ સમાધવા ।

ત્વત્કૃપાદૃષ્ટિસુધયા સતતં માં વિલોકય

॥ 32 ॥

શ્લોક 66

રત્નગર્ભસ્થિતે લક્ષ્મિ પરિપૂર્ણે હિરણ્મયે ।

સમાગચ્છ સમાગચ્છ સ્થિત્વાઽઽશુ પુરતો મમ

॥ 33 ॥

શ્લોક 67

સ્થિરા ભવ મહાલક્ષ્મિ નિશ્ચલા ભવ નિર્મલે ।

પ્રસન્ને કમલે દેવિ પ્રસન્નહૃદયા ભવ

॥ 34 ॥

શ્લોક 68

શ્રીધરે શ્રીમહાભૂતે ત્વદન્તઃસ્થં મહાનિધિમ્ ।

શીઘ્રમુદ્ધૃત્ય પુરતઃ પ્રદર્શય સમર્પય

॥ 35 ॥

શ્લોક 69

વસુન્ધરે શ્રીવસુધે વસુદોગ્ધ્રિ કૃપામયે ।

ત્વત્કુક્ષિગતસર્વસ્વં શીઘ્રં મે સમ્પ્રદર્શય

॥ 36 ॥

શ્લોક 70

વિષ્ણુપ્રિયે રત્નગર્ભે સમસ્તફલદે શિવે ।

ત્વદ્ગર્ભગતહેમાદીન્ સમ્પ્રદર્શય દર્શય

॥ 37 ॥

શ્લોક 71

રસાતલગતે લક્ષ્મિ શીઘ્રમાગચ્છ મે પુરઃ ।

ન જાને પરમં રૂપં માતર્મે સમ્પ્રદર્શય

॥ 38 ॥

શ્લોક 72

આવિર્ભવ મનોવેગાચ્છીઘ્રમાગચ્છ મે પુરઃ ।

મા વત્સ ભૈરિહેત્યુક્ત્વા કામં ગૌરિવ રક્ષ મામ્

॥ 39 ॥

શ્લોક 73

દેવિ શીઘ્રં સમાગચ્છ ધરણીગર્ભસંસ્થિતે ।

માતસ્ત્વદ્ભૃત્યભૃત્યોઽહં મૃગયે ત્વાં કુતૂહલાત્

॥ 40 ॥

શ્લોક 74

ઉત્તિષ્ઠ જાગૃહિ ત્વં મે સમુત્તિષ્ઠ સુજાગૃહિ ।

અક્ષયાન્ હેમકલશાન્ સુવર્ણેન સુપૂરિતાન્

॥ 41 ॥

શ્લોક 75

નિક્ષેપાન્મે સમાકૃષ્ય સમુદ્ધૃત્ય મમાગ્રતઃ ।

સમુન્નતાનના ભૂત્વા સમાધેહિ ધરાન્તરાત્

॥ 42 ॥

શ્લોક 76

મત્સન્નિધિં સમાગચ્છ મદાહિતકૃપારસાત્ ।

પ્રસીદ શ્રેયસાં દોગ્ધ્રી લક્ષ્મીર્મે નયનાગ્રતઃ

॥ 43 ॥

શ્લોક 77

અત્રોપવિશ લક્ષ્મિ ત્વં સ્થિરા ભવ હિરણ્મયે ।

સુસ્થિરા ભવ સમ્પ્રીત્યા પ્રસીદ વરદા ભવ

॥ 44 ॥

શ્લોક 78

આનીતાંસ્તુ તથા દેવિ નિધીન્મે સમ્પ્રદર્શય ।

અદ્ય ક્ષણેન સહસા દત્ત્વા સંરક્ષ માં સદા

॥ 45 ॥

શ્લોક 79

મયિ તિષ્ઠ તથા નિત્યં યથેન્દ્રાદિષુ તિષ્ઠસિ ।

અભયં કુરુ મે દેવિ મહાલક્ષ્મીર્નમોઽસ્તુ તે

॥ 46 ॥

શ્લોક 80

સમાગચ્છ મહાલક્ષ્મિ શુદ્ધજામ્બૂનદપ્રભે ।

પ્રસીદ પુરતઃ સ્થિત્વા પ્રણતં માં વિલોકય

॥ 47 ॥

શ્લોક 81

લક્ષ્મીર્ભુવં ગતા ભાસિ યત્ર યત્ર હિરણ્મયી ।

તત્ર તત્ર સ્થિતા ત્વં મે તવ રૂપં પ્રદર્શય

॥ 48 ॥

શ્લોક 82

ક્રીડન્તી બહુધા ભૂમૌ પરિપૂર્ણકૃપામયિ ।

મમ મૂર્ધનિ તે હસ્તમવિલમ્બિતમર્પય

॥ 49 ॥

શ્લોક 83

ફલદ્ભાગ્યોદયે લક્ષ્મિ સમસ્તપુરવાસિની ।

પ્રસીદ મે મહાલક્ષ્મિ પરિપૂર્ણમનોરથે

॥ 50 ॥

શ્લોક 84

અયોધ્યાદિષુ સર્વેષુ નગરેષુ સમાસ્થિતે ।

વૈભવૈર્વિવિધૈર્યુક્તૈઃ સમાગચ્છ મુદાન્વિતે

॥ 51 ॥

શ્લોક 85

સમાગચ્છ સમાગચ્છ મમાગ્રે ભવ સુસ્થિરા ।

કરુણારસનિષ્યન્દનેત્રદ્વય વિલાસિની

॥ 52 ॥

શ્લોક 86

॥ 53 ॥ [નિષ્પન્ન]

સન્નિધત્સ્વ મહાલક્ષ્મિ ત્વત્પાણિં મમ મસ્તકે ।

કરુણાસુધયા માં ત્વમભિષિઞ્ચ્ય સ્થિરં કુરુ

શ્લોક 87

સર્વરાજગૃહે લક્ષ્મિ સમાગચ્છ બલાન્વિતે । [મુદાન્વિતે]

સ્થિત્વાઽઽશુ પુરતો મેઽદ્ય પ્રસાદેનાઽભયં કુરુ

॥ 54 ॥

શ્લોક 88

સાદરં મસ્તકે હસ્તં મમ ત્વં કૃપયાર્પય ।

સર્વરાજગૃહે લક્ષ્મિ ત્વત્કલા મયિ તિષ્ઠતુ

॥ 55 ॥

શ્લોક 89

આદ્યાદિ શ્રીમહાલક્ષ્મિ વિષ્ણુવામાઙ્કસંસ્થિતે ।

પ્રત્યક્ષં કુરુ મે રૂપં રક્ષ માં શરણાગતમ્

॥ 56 ॥

શ્લોક 90

પ્રસીદ મે મહાલક્ષ્મિ સુપ્રસીદ મહાશિવે ।

અચલા ભવ સમ્પ્રીત્યા સુસ્થિરા ભવ મદ્ગૃહે

॥ 57 ॥

શ્લોક 91

યાવત્તિષ્ઠન્તિ વેદાશ્ચ યાવચ્ચન્દ્રદિવાકરૌ ।

યાવદ્વિષ્ણુશ્ચ યાવત્ત્વં તાવત્કુરુ કૃપાં મયિ

॥ 58 ॥

શ્લોક 92

ચાન્દ્રીકલા યથા શુક્લે વર્ધતે સા દિને દિને ।

તથા દયા તે મય્યેવ વર્ધતામભિવર્ધતામ્

॥ 59 ॥

શ્લોક 93

યથા વૈકુણ્ઠનગરે યથા વૈ ક્ષીરસાગરે ।

તથા મદ્ભવને તિષ્ઠ સ્થિરં શ્રીવિષ્ણુના સહ

॥ 60 ॥

શ્લોક 94

યોગિનાં હૃદયે નિત્યં યથા તિષ્ઠસિ વિષ્ણુના ।

તથા મદ્ભવને તિષ્ઠ સ્થિરં શ્રીવિષ્ણુના સહ

॥ 61 ॥

શ્લોક 95

નારાયણસ્ય હૃદયે ભવતી યથાસ્તે

નારાયણોઽપિ તવ હૃત્કમલે યથાસ્તે ।

નારાયણસ્ત્વમપિ નિત્યમુભૌ તથૈવ

તૌ તિષ્ઠતાં હૃદિ મમાપિ દયાન્વિતૌ શ્રીઃ

॥ 62 ॥

શ્લોક 96

વિજ્ઞાનવૃદ્ધિં હૃદયે કુરુ શ્રીઃ

સૌભાગ્યવૃદ્ધિં કુરુ મે ગૃહે શ્રીઃ ।

દયાસુવૃદ્ધિં કુરુતાં મયિ શ્રીઃ

સુવર્ણવૃદ્ધિં કુરુ મે ગૃહે શ્રીઃ

॥ 63 ॥

શ્લોક 97

ન માં ત્યજેથાઃ શ્રિતકલ્પવલ્લિ

સદ્ભક્તચિન્તામણિકામધેનો ।

વિશ્વસ્ય માતર્ભવ સુપ્રસન્ના

ગૃહે કલત્રેષુ ચ પુત્રવર્ગે

॥ 64 ॥

શ્લોક 98

આદ્યાદિમાયે ત્વમજાણ્ડબીજં

ત્વમેવ સાકારનિરાકૃતિસ્ત્વમ્ ।

ત્વયા ધૃતાશ્ચાબ્જભવાણ્ડસઙ્ઘા-

-શ્ચિત્રં ચરિત્રં તવ દેવિ વિષ્ણોઃ

॥ 65 ॥

શ્લોક 99

બ્રહ્મરુદ્રાદયો દેવા વેદાશ્ચાપિ ન શક્નુયુઃ ।

મહિમાનં તવ સ્તોતું મન્દોઽહં શક્નુયાં કથમ્

॥ 66 ॥

શ્લોક 100

અમ્બ ત્વદ્વત્સવાક્યાનિ સૂક્તાસૂક્તાનિ યાનિ ચ ।

તાનિ સ્વીકુરુ સર્વજ્ઞે દયાલુત્વેન સાદરમ્

॥ 67 ॥

શ્લોક 101

ભવતીં શરણં ગત્વા કૃતાર્થાઃ સ્યુઃ પુરાતનાઃ ।

ઇતિ સઞ્ચિન્ત્ય મનસા ત્વામહં શરણં વ્રજે

॥ 68 ॥

શ્લોક 102

અનન્તા નિત્યસુખિનસ્ત્વદ્ભક્તાસ્ત્વત્પરાયણાઃ ।

ઇતિ વેદપ્રમાણાદ્ધિ દેવિ ત્વાં શરણં વ્રજે

॥ 69 ॥

શ્લોક 103

તવ પ્રતિજ્ઞા મદ્ભક્તા ન નશ્યન્તીત્યપિ ક્વચિત્ ।

ઇતિ સઞ્ચિન્ત્ય સઞ્ચિન્ત્ય પ્રાણાન્ સન્ધારયામ્યહમ્

॥ 70 ॥

શ્લોક 104

ત્વદધીનસ્ત્વહં માતસ્ત્વત્કૃપા મયિ વિદ્યતે ।

યાવત્સમ્પૂર્ણકામઃ સ્યાત્તાવદ્દેહિ દયાનિધે

॥ 71 ॥

શ્લોક 105

ક્ષણમાત્રં ન શક્નોમિ જીવિતું ત્વત્કૃપાં વિના ।

ન જીવન્તીહ જલજા જલં ત્યક્ત્વા જલગ્રહાઃ

॥ 72 ॥

શ્લોક 106

યથા હિ પુત્રવાત્સલ્યાજ્જનની પ્રસ્નુતસ્તની ।

વત્સં ત્વરિતમાગત્ય સમ્પ્રીણયતિ વત્સલા

॥ 73 ॥

શ્લોક 107

યદિ સ્યાં તવ પુત્રોઽહં માતા ત્વં યદિ મામકી ।

દયાપયોધરસ્તન્યસુધાભિરભિષિઞ્ચ મામ્

॥ 74 ॥

શ્લોક 108

મૃગ્યો ન ગુણલેશોઽપિ મયિ દોષૈકમન્દિરે ।

પાંસૂનાં વૃષ્ટિબિન્દૂનાં દોષાણાં ચ ન મે મતિઃ

॥ 75 ॥

શ્લોક 109

પાપિનામહમેવાગ્ર્યો દયાલૂનાં ત્વમગ્રણીઃ ।

દયનીયો મદન્યોઽસ્તિ તવ કોઽત્ર જગત્ત્રયે

॥ 76 ॥

શ્લોક 110

વિધિનાહં ન સૃષ્ટશ્ચેન્ન સ્યાત્તવ દયાલુતા ।

આમયો વા ન સૃષ્ટશ્ચેદૌષધસ્ય વૃથોદયઃ

॥ 77 ॥

શ્લોક 111

કૃપા મદગ્રજા કિં તે અહં કિં વા તદગ્રજઃ ।

વિચાર્ય દેહિ મે વિત્તં તવ દેવિ દયાનિધે

॥ 78 ॥

શ્લોક 112

માતા પિતા ત્વં ગુરુસદ્ગતિઃ શ્રી-

-સ્ત્વમેવ સઞ્જીવનહેતુભૂતા ।

અન્યં ન મન્યે જગદેકનાથે

ત્વમેવ સર્વં મમ દેવિ સત્યે

॥ 79 ॥

શ્લોક 113

આદ્યાદિલક્ષ્મીર્ભવ સુપ્રસન્ના

વિશુદ્ધવિજ્ઞાનસુખૈકદોગ્ધ્રી ।

અજ્ઞાનહન્ત્રી ત્રિગુણાતિરિક્તા

પ્રજ્ઞાનનેત્રી ભવ સુપ્રસન્ના

॥ 80 ॥

શ્લોક 114

અશેષવાગ્જાડ્યમલાપહન્ત્રી

નવં નવં સ્પષ્ટસુવાક્પ્રદાયિની ।

મમેહ જિહ્વાગ્ર સુરઙ્ગનર્તકી [નર્તિની]

ભવ પ્રસન્ના વદને ચ મે શ્રીઃ

॥ 81 ॥

શ્લોક 115

સમસ્તસમ્પત્સુવિરાજમાના

સમસ્તતેજશ્ચયભાસમાના ।

વિષ્ણુપ્રિયે ત્વં ભવ દીપ્યમાના

વાગ્દેવતા મે નયને પ્રસન્ના

॥ 82 ॥

શ્લોક 116

સર્વપ્રદર્શે સકલાર્થદે ત્વં

પ્રભાસુલાવણ્યદયાપ્રદોગ્ધ્રી ।

સુવર્ણદે ત્વં સુમુખી ભવ શ્રી-

-ર્હિરણ્મયી મે નયને પ્રસન્ના

॥ 83 ॥

શ્લોક 117

સર્વાર્થદા સર્વજગત્પ્રસૂતિઃ

સર્વેશ્વરી સર્વભયાપહન્ત્રી ।

સર્વોન્નતા ત્વં સુમુખી ભવ શ્રી-

-ર્હિરણ્મયી મે નયને પ્રસન્ના

॥ 84 ॥

શ્લોક 118

સમસ્તવિઘ્નૌઘવિનાશકારિણી

સમસ્તભક્તોદ્ધરણે વિચક્ષણા ।

અનન્તસૌભાગ્યસુખપ્રદાયિની

હિરણ્મયી મે નયને પ્રસન્ના

॥ 85 ॥

શ્લોક 119

દેવિ પ્રસીદ દયનીયતમાય મહ્યં

દેવાધિનાથભવદેવગણાભિવન્દ્યે ।

માતસ્તથૈવ ભવ સન્નિહિતા દૃશોર્મે

પત્યા સમં મમ મુખે ભવ સુપ્રસન્ના

॥ 86 ॥

શ્લોક 120

મા વત્સ ભૈરભયદાનકરોઽર્પિતસ્તે

મૌલૌ મમેતિ મયિ દીનદયાનુકમ્પે ।

માતઃ સમર્પય મુદા કરુણાકટાક્ષં

માઙ્ગલ્યબીજમિહ નઃ સૃજ જન્મ માતઃ

॥ 87 ॥

શ્લોક 121

કટાક્ષ ઇહ કામધુક્તવ મનસ્તુ ચિન્તામણિઃ

કરઃ સુરતરુઃ સદા નવનિધિસ્ત્વમેવેન્દિરે ।

ભવે તવ દયારસો મમ રસાયનં ચાન્વહં

મુખં તવ કલાનિધિર્વિવિધવાઞ્છિતાર્થપ્રદમ્

॥ 88 ॥

શ્લોક 122

યથા રસસ્પર્શનતોઽયસોઽપિ

સુવર્ણતા સ્યાત્કમલે તથા તે ।

કટાક્ષસંસ્પર્શનતો જનાના-

-મમઙ્ગલાનામપિ મઙ્ગલત્વમ્

॥ 89 ॥

શ્લોક 123

દેહીતિ નાસ્તીતિ વચઃ પ્રવેશા-

-દ્ભીતો રમે ત્વાં શરણં પ્રપદ્યે ।

અતઃ સદાઽસ્મિન્નભયપ્રદા ત્વં

સહૈવ પત્યા મયિ સન્નિધેહિ

॥ 90 ॥

શ્લોક 124

કલ્પદ્રુમેણ મણિના સહિતા સુરમ્યા

શ્રીસ્તે કલા મયિ રસેન રસાયનેન ।

આસ્તાં યતો મમ શિરઃકરદૃષ્ટિપાદ-

-સ્પૃષ્ટાઃ સુવર્ણવપુષઃ સ્થિરજઙ્ગમાઃ સ્યુઃ

॥ 91 ॥

શ્લોક 125

આદ્યાદિવિષ્ણોઃ સ્થિરધર્મપત્ની

ત્વમેવ પત્યા મયિ સન્નિધેહિ ।

આદ્યાદિલક્ષ્મિ ત્વદનુગ્રહેણ

પદે પદે મે નિધિદર્શનં સ્યાત્

॥ 92 ॥

શ્લોક 126

આદ્યાદિલક્ષ્મીહૃદયં પઠેદ્યઃ

સ રાજ્યલક્ષ્મીમચલાં તનોતિ ।

મહાદરિદ્રોઽપિ ભવેદ્ધનાઢ્ય-

-સ્તદન્વયે શ્રીઃ સ્થિરતાં પ્રયાતિ

॥ 93 ॥

શ્લોક 127

યસ્ય સ્મરણમાત્રેણ તુષ્ટા સ્યાદ્વિષ્ણુવલ્લભા ।

તસ્યાભીષ્ટં દદત્યાશુ તં પાલયતિ પુત્રવત્

॥ 94 ॥

શ્લોક 128

ઇદં રહસ્યં હૃદયં સર્વકામફલપ્રદમ્ ।

જપઃ પઞ્ચસહસ્રં તુ પુરશ્ચરણમુચ્યતે

॥ 95 ॥

શ્લોક 129

ત્રિકાલમેકકાલં વા નરો ભક્તિસમન્વિતઃ ।

યઃ પઠેચ્છૃણુયાદ્વાપિ સ યાતિ પરમાં શ્રિયમ્

॥ 96 ॥

શ્લોક 130

મહાલક્ષ્મીં સમુદ્દિશ્ય નિશિ ભાર્ગવવાસરે ।

ઇદં શ્રીહૃદયં જપ્ત્વા પઞ્ચવારં ધની ભવેત્

॥ 97 ॥

શ્લોક 131

અનેન હૃદયેનાન્નં ગર્ભિણ્યા અભિમન્ત્રિતમ્ ।

દદાતિ તત્કુલે પુત્રો જાયતે શ્રીપતિઃ સ્વયમ્

॥ 98 ॥

શ્લોક 132

નરેણ વાઽથવા નાર્યા લક્ષ્મીહૃદયમન્ત્રિતે ।

જલે પીતે ચ તદ્વંશે મન્દભાગ્યો ન જાયતે

॥ 99 ॥

શ્લોક 133

ય આશ્વિને માસિ ચ શુક્લપક્ષે

રમોત્સવે સન્નિહિતે સુભક્ત્યા ।

પઠેત્તથૈકોત્તરવારવૃદ્ધ્યા

લભેત્સ સૌવર્ણમયીં સુવૃષ્ટિમ્

॥ 100 ॥

શ્લોક 134

ય એકભક્તોઽન્વહમેકવર્ષં

વિશુદ્ધધીઃ સપ્તતિવારજાપી ।

સ મન્દભાગ્યોઽપિ રમાકટાક્ષા-

-દ્ભવેત્સહસ્રાક્ષશતાધિકશ્રીઃ

॥ 101 ॥

શ્લોક 135

શ્રીશાઙ્ઘ્રિભક્તિં હરિદાસદાસ્યં

પ્રસન્નમન્ત્રાર્થદૃઢૈકનિષ્ઠામ્ ।

ગુરોઃ સ્મૃતિં નિર્મલબોધબુદ્ધિં

પ્રદેહિ માતઃ પરમં પદં શ્રીઃ

॥ 102 ॥

શ્લોક 136

પૃથ્વીપતિત્વં પુરુષોત્તમત્વં

વિભૂતિવાસં વિવિધાર્થસિદ્ધિમ્ ।

સમ્પૂર્ણકીર્તિં બહુવર્ષભોગં

પ્રદેહિ મે લક્ષ્મિ પુનઃ પુનસ્ત્વમ્

॥ 103 ॥

શ્લોક 137

વાદાર્થસિદ્ધિં બહુલોકવશ્યં

વયઃ સ્થિરત્વં લલનાસુભોગમ્ ।

પૌત્રાદિલબ્ધિં સકલાર્થસિદ્ધિં

પ્રદેહિ મે ભાર્ગવિ જન્મજન્મનિ

॥ 104 ॥

શ્લોક 138

સુવર્ણવૃદ્ધિં કુરુ મે ગૃહે શ્રીઃ

સુધાન્યવૃદ્ધિં કુરૂ મે ગૃહે શ્રીઃ ।

કલ્યાણવૃદ્ધિં કુરુ મે ગૃહે શ્રીઃ

વિભૂતિવૃદ્ધિં કુરુ મે ગૃહે શ્રીઃ

॥ 105 ॥

શ્લોક 139

ધ્યાયેલ્લક્ષ્મીં પ્રહસિતમુખીં કોટિબાલાર્કભાસાં

વિદ્યુદ્વર્ણામ્બરવરધરાં ભૂષણાઢ્યાં સુશોભામ્ ।

બીજાપૂરં સરસિજયુગં બિભ્રતીં સ્વર્ણપાત્રં

ભર્ત્રાયુક્તાં મુહુરભયદાં મહ્યમપ્યચ્યુતશ્રીઃ

॥ 106 ॥

શ્લોક 140

ગુહ્યાતિગુહ્યગોપ્ત્રી ત્વં ગૃહાણાસ્મત્કૃતં જપમ્ ।

સિદ્ધિર્ભવતુ મે દેવિ ત્વત્પ્રસાદાન્મયિ સ્થિતા

॥ 107 ॥

શ્લોક 141

ઇતિ શ્રીઅથર્વણરહસ્યે શ્રીલક્ષ્મીહૃદયસ્તોત્રં સમ્પૂર્ણમ્ ॥