শ্রী লক্ষ্মী নারাযণ হৃদয স্তোত্রম্

শ্রী লক্ষ্মী নারাযণ হৃদয স্তোত্রম্

শ্লোক 1

অথ নারাযন হৃদয স্তোত্রম্

অস্য শ্রীনারাযণহৃদযস্তোত্রমন্ত্রস্য ভার্গব ঋষিঃ, অনুষ্টুপ্ছন্দঃ, শ্রীলক্ষ্মীনারাযণো দেবতা, ওঁ বীজং, নমশ্শক্তিঃ, নারাযণাযেতি কীলকং, শ্রীলক্ষ্মীনারাযণ প্রীত্যর্থে জপে বিনিযোগঃ ।

করন্যাসঃ ।

ওঁ নারাযণঃ পরং জ্যোতিরিতি অঙ্গুষ্ঠাভ্যাং নমঃ ।

নারাযণঃ পরং ব্রহ্মেতি তর্জনীভ্যাং নমঃ ।

নারাযণঃ পরো দেব ইতি মধ্যমাভ্যাং নমঃ ।

নারাযণঃ পরং ধামেতি অনামিকাভ্যাং নমঃ ।

নারাযণঃ পরো ধর্ম ইতি কনিষ্ঠিকাভ্যাং নমঃ ।

বিশ্বং নারাযণ ইতি করতলকরপৃষ্ঠাভ্যাং নমঃ ।

অঙ্গন্যাসঃ ।

নারাযণঃ পরং জ্যোতিরিতি হৃদযায নমঃ ।

নারাযণঃ পরং ব্রহ্মেতি শিরসে স্বাহা ।

নারাযণঃ পরো দেব ইতি শিখাযৈ বৌষট্ ।

নারাযণঃ পরং ধামেতি কবচায হুম্ ।

নারাযণঃ পরো ধর্ম ইতি নেত্রাভ্যাং বৌষট্ ।

বিশ্বং নারাযণ ইতি অস্ত্রায ফট্ ।

দিগ্বন্ধঃ ।

ওঁ ঐন্দ্র্যাদিদশদিশং ওঁ নমঃ সুদর্শনায সহস্রারায হুং ফট্ বধ্নামি নমশ্চক্রায স্বাহা । ইতি প্রতিদিশং যোজ্যম্ ।

অথ ধ্যানম্ ।

উদ্যাদাদিত্যসঙ্কাশং পীতবাসং চতুর্ভুজম্ ।

শঙ্খচক্রগদাপাণিং ধ্যাযেল্লক্ষ্মীপতিং হরিম্

শ্লোক 2

ত্রৈলোক্যাধারচক্রং তদুপরি কমঠং তত্র চানন্তভোগী

তন্মধ্যে ভূমিপদ্মাঙ্কুশশিখরদলং কর্ণিকাভূতমেরুম্ ।

তত্রস্থং শান্তমূর্তিং মণিমযমকুটং কুণ্ডলোদ্ভাসিতাঙ্গং

লক্ষ্মীনারাযণাখ্যং সরসিজনযনং সন্ততং চিন্তযামি

॥ 1 ॥

শ্লোক 3

অথ মূলাষ্টকম্ ।

ওম্ ॥ নারাযণঃ পরং জ্যোতিরাত্মা নারাযণঃ পরঃ ।

নারাযণঃ পরং ব্রহ্ম নারাযণ নমোঽস্তু তে

॥ 2 ॥

শ্লোক 4

নারাযণঃ পরো দেবো ধাতা নারাযণঃ পরঃ ।

নারাযণঃ পরো ধাতা নারাযণ নমোঽস্তু তে

॥ 1 ॥

শ্লোক 5

নারাযণঃ পরং ধাম ধ্যানং নারাযণঃ পরঃ ।

নারাযণ পরো ধর্মো নারাযণ নমোঽস্তু তে

॥ 2 ॥

শ্লোক 6

নারাযণঃ পরোবেদ্যঃ বিদ্যা নারাযণঃ পরঃ ।

বিশ্বং নারাযণঃ সাক্ষান্নারাযণ নমোঽস্তু তে

॥ 3 ॥

শ্লোক 7

নারাযণাদ্বিধির্জাতো জাতো নারাযণাদ্ভবঃ ।

জাতো নারাযণাদিন্দ্রো নারাযণ নমোঽস্তু তে

॥ 4 ॥

শ্লোক 8

রবির্নারাযণস্তেজঃ চন্দ্রো নারাযণো মহঃ ।

বহ্নির্নারাযণঃ সাক্ষান্নারাযণ নমোঽস্তু তে

॥ 5 ॥

শ্লোক 9

নারাযণ উপাস্যঃ স্যাদ্গুরুর্নারাযণঃ পরঃ ।

নারাযণঃ পরো বোধো নারাযণ নমোঽস্তু তে

॥ 6 ॥

শ্লোক 10

নারাযণঃ ফলং মুখ্যং সিদ্ধির্নারাযণঃ সুখম্ ।

সেব্যোনারাযণঃ শুদ্ধো নারাযণ নমোঽস্তু তে

॥ 7 ॥

শ্লোক 11

॥ 8 ॥ [হরি]

অথ প্রার্থনাদশকম্ ।

নারাযণ ত্বমেবাসি দহরাখ্যে হৃদি স্থিতঃ ।

প্রেরকঃ প্রের্যমাণানাং ত্বযা প্রেরিতমানসঃ

শ্লোক 12

ত্বদাজ্ঞাং শিরসা ধৃত্বা জপামি জনপাবনম্ ।

নানোপাসনমার্গাণাং ভবকৃদ্ভাববোধকঃ

॥ 9 ॥

শ্লোক 13

ভাবার্থকৃদ্ভবাতীতো ভব সৌখ্যপ্রদো মম ।

ত্বন্মাযামোহিতং বিশ্বং ত্বযৈব পরিকল্পিতম্

॥ 10 ॥

শ্লোক 14

ত্বদধিষ্ঠানমাত্রেণ সা বৈ সর্বার্থকারিণী ।

ত্বমেতাং চ পুরস্কৃত্য সর্বকামান্প্রদর্শয

॥ 11 ॥

শ্লোক 15

ন মে ত্বদন্যস্ত্রাতাস্তি ত্বদন্যন্ন হি দৈবতম্ ।

ত্বদন্যং ন হি জানামি পালকং পুণ্যবর্ধনম্

॥ 12 ॥

শ্লোক 16

যাবত্সাংসারিকো ভাবো মনস্স্থো ভাবনাত্মকঃ ।

তাবত্সিদ্ধির্ভবেত্সাধ্যা সর্বথা সর্বদা বিভো

॥ 13 ॥

শ্লোক 17

পাপিনামহমেবাগ্র্যো দযালূনাং ত্বমগ্রণীঃ ।

দযনীযো মদন্যোঽস্তি তব কোঽত্র জগত্ত্রযে

॥ 14 ॥

শ্লোক 18

ত্বযাহং নৈব সৃষ্টশ্চেন্ন স্যাত্তব দযালুতা ।

আমযো বা ন সৃষ্টশ্চেদৌষধস্য বৃথোদযঃ

॥ 15 ॥

শ্লোক 19

পাপসঙ্ঘপরিশ্রান্তঃ পাপাত্মা পাপরূপধৃত্ ।

ত্বদন্যঃ কোঽত্র পাপেভ্যস্ত্রাতাস্তি জগতীতলে

॥ 16 ॥

শ্লোক 20

ত্বমেব মাতা চ পিতা ত্বমেব

ত্বমেব বন্ধুশ্চ সখা ত্বমেব ।

ত্বমেব সেব্যশ্চ গুরুস্ত্বমেব

ত্বমেব সর্বং মম দেব দেব

॥ 17 ॥

শ্লোক 21

প্রার্থনাদশকং চৈব মূলাষ্টকমতঃ পরম্ ।

যঃ পঠেচ্ছৃণুযান্নিত্যং তস্য লক্ষ্মীঃ স্থিরা ভবেত্

॥ 18 ॥

শ্লোক 22

নারাযণস্য হৃদযং সর্বাভীষ্টফলপ্রদম্ ।

লক্ষ্মীহৃদযকং স্তোত্রং যদি চেত্তদ্বিনাকৃতম্

॥ 19 ॥

শ্লোক 23

তত্সর্বং নিষ্ফলং প্রোক্তং লক্ষ্মীঃ ক্রুদ্ধ্যতি সর্বদা ।

এতত্সঙ্কলিতং স্তোত্রং সর্বকামফলপ্রদম্

॥ 20 ॥

শ্লোক 24

লক্ষ্মীহৃদযকং চৈব তথা নারাযণাত্মকম্ ।

জপেদ্যঃ সঙ্কলীকৃত্য সর্বাভীষ্টমবাপ্নুযাত্

॥ 21 ॥

শ্লোক 25

নারাযণস্য হৃদযমাদৌ জপ্ত্বা ততঃ পরম্ ।

লক্ষ্মীহৃদযকং স্তোত্রং জপেন্নারাযণং পুনঃ

॥ 22 ॥

শ্লোক 26

পুনর্নারাযণং জপ্ত্বা পুনর্লক্ষ্মীনুতিং জপেত্ ।

পুনর্নারাযণং জাপ্যং সঙ্কলীকরণং ভবেত্

॥ 23 ॥

শ্লোক 27

এবং মধ্যে দ্বিবারেণ জপেত্সঙ্কলিতং তু তত্ ।

লক্ষ্মীহৃদযকং স্তোত্রং সর্বকামপ্রকাশিতম্

॥ 24 ॥

শ্লোক 28

তদ্বজ্জপাদিকং কুর্যাদেতত্সঙ্কলিতং শুভম্ ।

সর্বান্কামানবাপ্নোতি আধিব্যাধিভযং হরেত্

॥ 25 ॥

শ্লোক 29

গোপ্যমেতত্সদা কুর্যান্ন সর্বত্র প্রকাশযেত্ ।

ইতি গুহ্যতমং শাস্ত্রং প্রাপ্তং ব্রহ্মাদিকৈঃ পুরা

॥ 26 ॥

শ্লোক 30

তস্মাত্সর্বপ্রযত্নেন গোপযেত্সাধযেসুধীঃ ।

যত্রৈতত্পুস্তকং তিষ্ঠেল্লক্ষ্মীনারাযণাত্মকম্

॥ 27 ॥

শ্লোক 31

ভূতপৈশাচবেতাল ভযং নৈব তু সর্বদা ।

লক্ষ্মীহৃদযকং প্রোক্তং বিধিনা সাধযেত্সুধীঃ

॥ 28 ॥

শ্লোক 32

ভৃগুবারে চ রাত্রৌ চ পূজযেত্পুস্তকদ্বযম্ ।

সর্বথা সর্বদা সত্যং গোপযেত্সাধযেত্সুধীঃ ।

গোপনাত্সাধনাল্লোকে ধন্যো ভবতি তত্ত্বতঃ

॥ 29 ॥

শ্লোক 33

ইত্যথর্বরহস্যে উত্তরভাগে নারাযণহৃদযং সম্পূর্ণম্ ।

অথ লক্ষ্মী হৃদয স্তোত্রম্

অস্য শ্রী মহালক্ষ্মীহৃদযস্তোত্র মহামন্ত্রস্য ভার্গব ঋষিঃ, অনুষ্টুপাদীনি নানাছন্দাংসি, আদ্যাদি শ্রীমহালক্ষ্মীর্দেবতা, শ্রীং বীজং, হ্রীং শক্তিঃ, ঐং কীলকং, আদ্যাদিমহালক্ষ্মী প্রসাদসিদ্ধ্যর্থং জপে বিনিযোগঃ ॥

ঋষ্যাদিন্যাসঃ –

ওঁ ভার্গবৃষযে নমঃ শিরসি ।

ওঁ অনুষ্টুপাদিনানাছন্দোভ্যো নমো মুখে ।

ওঁ আদ্যাদিশ্রীমহালক্ষ্মী দেবতাযৈ নমো হৃদযে ।

ওঁ শ্রীং বীজায নমো গুহ্যে ।

ওঁ হ্রীং শক্তযে নমঃ পাদযোঃ ।

ওঁ ঐং কীলকায নমো নাভৌ ।

ওঁ বিনিযোগায নমঃ সর্বাঙ্গে ।

করন্যাসঃ –

ওঁ শ্রীং অঙ্গুষ্ঠাভ্যাং নমঃ ।

ওঁ হ্রীং তর্জনীভ্যাং নমঃ ।

ওঁ ঐং মধ্যমাভ্যাং নমঃ ।

ওঁ শ্রীং অনামিকাভ্যাং নমঃ ।

ওঁ হ্রীং কনিষ্ঠিকাভ্যাং নমঃ ।

ওঁ ঐং করতল করপৃষ্ঠাভ্যাং নমঃ ।

অঙ্গন্যাসঃ –

ওঁ শ্রীং হৃদযায নমঃ ।

ওঁ হ্রীং শিরসে স্বাহা ।

ওঁ ঐং শিখাযৈ বষট্ ।

ওঁ শ্রীং কবচায হুম্ ।

ওঁ হ্রীং নেত্রত্রযায বৌষট্ ।

ওঁ ঐং অস্ত্রায ফট্ ।

ওঁ শ্রীং হ্রীং ঐং ইতি দিগ্বন্ধঃ ।

অথ ধ্যানম্ ।

হস্তদ্বযেন কমলে ধারযন্তীং স্বলীলযা ।

হারনূপুরসংযুক্তাং লক্ষ্মীং দেবীং বিচিন্তযে ॥

কৌশেযপীতবসনামরবিন্দনেত্রাং

পদ্মদ্বযাভযবরোদ্যতপদ্মহস্তাম্ ।

উদ্যচ্ছতার্কসদৃশীং পরমাঙ্কসংস্থাং

ধ্যাযেদ্বিধীশনতপাদযুগাং জনিত্রীম্ ॥

পীতবস্ত্রাং সুবর্ণাঙ্গীং পদ্মহস্তদ্বাযান্বিতাম্ ।

লক্ষ্মীং ধ্যাত্বেতি মন্ত্রেণ স ভবেত্পৃথিবীপতিঃ ॥

মাতুলুঙ্গং গদাং খেটং পাণৌ পাত্রং চ বিভ্রতী ।

নাগং লিঙ্গং চ যোনিং চ বিভ্রতীং চৈব মূর্ধনি ॥

[ ইতি ধ্যাত্বা মানসোপচারৈঃ সম্পূজ্য ।

শঙ্খচক্রগদাহস্তে শুভ্রবর্ণে সুবাসিনী ।

মম দেহি বরং লক্ষ্মীঃ সর্বসিদ্ধিপ্রদাযিনী ।

ইতি সম্প্রার্থ্য ওঁ শ্রীং হ্রীং ঐং মহালক্ষ্ম্যৈ কমলধারিণ্যৈ সিংহবাহিন্যৈ স্বাহা ইতি মন্ত্রং জপ্ত্বা পুনঃ পূর্ববদ্ধৃদযাদি ষডঙ্গন্যাসং কৃত্বা স্তোত্রং পঠেত্ । ]

স্তোত্রম্ ।

বন্দে লক্ষ্মীং পরমশিবমযীং শুদ্ধজাম্বূনদাভাং

তেজোরূপাং কনকবসনাং সর্বভূষোজ্জ্বলাঙ্গীম্ ।

বীজাপূরং কনককলশং হেমপদ্মং দধানা-

-মাদ্যাং শক্তিং সকলজননীং বিষ্ণুবামাঙ্কসংস্থাম্

॥ 30 ॥

শ্লোক 34

শ্রীমত্সৌভাগ্যজননীং স্তৌমি লক্ষ্মীং সনাতনীম্ ।

সর্বকামফলাবাপ্তিসাধনৈকসুখাবহাম্

॥ 1 ॥

শ্লোক 35

স্মরামি নিত্যং দেবেশি ত্বযা প্রেরিতমানসঃ ।

ত্বদাজ্ঞাং শিরসা ধৃত্বা ভজামি পরমেশ্বরীম্

॥ 2 ॥

শ্লোক 36

সমস্তসম্পত্সুখদাং মহাশ্রিযং

সমস্তসৌভাগ্যকরীং মহাশ্রিযম্ ।

সমস্তকল্যাণকরীং মহাশ্রিযং

ভজাম্যহং জ্ঞানকরীং মহাশ্রিযম্

॥ 3 ॥

শ্লোক 37

বিজ্ঞানসম্পত্সুখদাং সনাতনীং

বিচিত্রবাগ্ভূতিকরীং মনোহরাম্ ।

অনন্তসম্মোদসুখপ্রদাযিনীং

নমাম্যহং ভূতিকরীং হরিপ্রিযাম্

॥ 4 ॥

শ্লোক 38

সমস্তভূতান্তরসংস্থিতা ত্বং

সমস্তভোক্ত্রীশ্বরি বিশ্বরূপে ।

তন্নাস্তি যত্ত্বদ্ব্যতিরিক্তবস্তু

ত্বত্পাদপদ্মং প্রণমাম্যহং শ্রীঃ

॥ 5 ॥

শ্লোক 39

দারিদ্র্য দুঃখৌঘতমোপহন্ত্রী

ত্বত্পাদপদ্মং মযি সন্নিধত্স্ব ।

দীনার্তিবিচ্ছেদনহেতুভূতৈঃ

কৃপাকটাক্ষৈরভিষিঞ্চ মাং শ্রীঃ

॥ 6 ॥

শ্লোক 40

অম্ব প্রসীদ করুণাসুধযার্দ্রদৃষ্ট্যা

মাং ত্বত্কৃপাদ্রবিণগেহমিমং কুরুষ্ব ।

আলোকয প্রণতহৃদ্গতশোকহন্ত্রী

ত্বত্পাদপদ্মযুগলং প্রণমাম্যহং শ্রীঃ

॥ 7 ॥

শ্লোক 41

শান্ত্যৈ নমোঽস্তু শরণাগতরক্ষণাযৈ

কান্ত্যৈ নমোঽস্তু কমনীযগুণাশ্রযাযৈ ।

ক্ষান্ত্যৈ নমোঽস্তু দুরিতক্ষযকারণাযৈ

দাত্র্যৈ নমোঽস্তু ধনধান্যসমৃদ্ধিদাযৈ

॥ 8 ॥

শ্লোক 42

শক্ত্যৈ নমোঽস্তু শশিশেখরসংস্তুতাযৈ

রত্যৈ নমোঽস্তু রজনীকরসোদরাযৈ ।

ভক্ত্যৈ নমোঽস্তু ভবসাগরতারকাযৈ

মত্যৈ নমোঽস্তু মধুসূদনবল্লভাযৈ

॥ 9 ॥

শ্লোক 43

লক্ষ্ম্যৈ নমোঽস্তু শুভলক্ষণলক্ষিতাযৈ

সিদ্ধ্যৈ নমোঽস্তু শিবসিদ্ধসুপূজিতাযৈ ।

ধৃত্যৈ নমোঽস্ত্বমিতদুর্গতিভঞ্জনাযৈ

গত্যৈ নমোঽস্তু বরসদ্গতিদাযিকাযৈ

॥ 10 ॥

শ্লোক 44

দেব্যৈ নমোঽস্তু দিবি দেবগণার্চিতাযৈ

ভূত্যৈ নমোঽস্তু ভুবনার্তিবিনাশনাযৈ ।

ধাত্র্যৈ নমোঽস্তু ধরণীধরবল্লভাযৈ

পুষ্ট্যৈ নমোঽস্তু পুরুষোত্তমবল্লভাযৈ

॥ 11 ॥

শ্লোক 45

সুতীব্রদারিদ্র্যবিদুঃখহন্ত্র্যৈ

নমোঽস্তু তে সর্বভযাপহন্ত্র্যৈ ।

শ্রীবিষ্ণুবক্ষঃস্থলসংস্থিতাযৈ

নমো নমঃ সর্ববিভূতিদাযৈ

॥ 12 ॥

শ্লোক 46

জযতু জযতু লক্ষ্মীর্লক্ষণালঙ্কৃতাঙ্গী

জযতু জযতু পদ্মা পদ্মসদ্মাভিবন্দ্যা ।

জযতু জযতু বিদ্যা বিষ্ণুবামাঙ্কসংস্থা

জযতু জযতু সম্যক্সর্বসম্পত্করী শ্রীঃ

॥ 13 ॥

শ্লোক 47

জযতু জযতু দেবী দেবসঙ্ঘাভিপূজ্যা

জযতু জযতু ভদ্রা ভার্গবী ভাগ্যরূপা ।

জযতু জযতু নিত্যা নির্মলজ্ঞানবেদ্যা

জযতু জযতু সত্যা সর্বভূতান্তরস্থা

॥ 14 ॥

শ্লোক 48

জযতু জযতু রম্যা রত্নগর্ভান্তরস্থা

জযতু জযতু শুদ্ধা শুদ্ধজাম্বূনদাভা ।

জযতু জযতু কান্তা কান্তিমদ্ভাসিতাঙ্গী

জযতু জযতু শান্তা শীঘ্রমাগচ্ছ সৌম্যে

॥ 15 ॥

শ্লোক 49

যস্যাঃ কলাযাঃ কমলোদ্ভবাদ্যা

রুদ্রাশ্চ শক্র প্রমুখাশ্চ দেবাঃ ।

জীবন্তি সর্বেঽপি সশক্তযস্তে

প্রভুত্বমাপ্তাঃ পরমাযুষস্তে

॥ 16 ॥

শ্লোক 50

লিলেখ নিটিলে বিধির্মম লিপিং বিসৃজ্যান্তরং

ত্বযা বিলিখিতব্যমেতদিতি তত্ফলপ্রাপ্তযে ।

তদন্তরফলেস্ফুটং কমলবাসিনী শ্রীরিমাং

সমর্পয সমুদ্রিকাং সকলভাগ্যসংসূচিকাম্

॥ 17 ॥

শ্লোক 51

কলযা তে যথা দেবি জীবন্তি সচরাচরাঃ ।

তথা সম্পত্করে লক্ষ্মি সর্বদা সম্প্রসীদ মে

॥ 18 ॥

শ্লোক 52

যথা বিষ্ণুর্ধ্রুবে নিত্যং স্বকলাং সন্ন্যবেশযত্ ।

তথৈব স্বকলাং লক্ষ্মি মযি সম্যক্ সমর্পয

॥ 19 ॥

শ্লোক 53

সর্বসৌখ্যপ্রদে দেবি ভক্তানামভযপ্রদে ।

অচলাং কুরু যত্নেন কলাং মযি নিবেশিতাম্

॥ 20 ॥

শ্লোক 54

মুদাস্তাং মত্ফালে পরমপদলক্ষ্মীঃ স্ফুটকলা

সদা বৈকুণ্ঠশ্রীর্নিবসতু কলা মে নযনযোঃ ।

বসেত্সত্যে লোকে মম বচসি লক্ষ্মীর্বরকলা

শ্রিযঃ শ্বেতদ্বীপে নিবসতু কলা মে স্বকরযোঃ

॥ 21 ॥

শ্লোক 55

তাবন্নিত্যং মমাঙ্গেষু ক্ষীরাব্ধৌ শ্রীকলা বসেত্ ।

সূর্যাচন্দ্রমসৌ যাবদ্যাবল্লক্ষ্মীপতিঃ শ্রিযাঃ

॥ 22 ॥

শ্লোক 56

সর্বমঙ্গলসম্পূর্ণা সর্বৈশ্বর্যসমন্বিতা ।

আদ্যাদি শ্রীর্মহালক্ষ্মী ত্বত্কলা মযি তিষ্ঠতু

॥ 23 ॥

শ্লোক 57

অজ্ঞানতিমিরং হন্তুং শুদ্ধজ্ঞানপ্রকাশিকা ।

সর্বৈশ্বর্যপ্রদা মেঽস্তু ত্বত্কলা মযি সংস্থিতা

॥ 24 ॥

শ্লোক 58

অলক্ষ্মীং হরতু ক্ষিপ্রং তমঃ সূর্যপ্রভা যথা ।

বিতনোতু মম শ্রেযস্ত্বত্কলা মযি সংস্থিতা

॥ 25 ॥

শ্লোক 59

ঐশ্বর্যমঙ্গলোত্পত্তিস্ত্বত্কলাযাং নিধীযতে ।

মযি তস্মাত্কৃতার্থোঽস্মি পাত্রমস্মি স্থিতেস্তব

॥ 26 ॥

শ্লোক 60

ভবদাবেশভাগ্যার্হো ভাগ্যবানস্মি ভার্গবি ।

ত্বত্প্রসাদাত্পবিত্রোঽহং লোকমাতর্নমোঽস্তু তে

॥ 27 ॥

শ্লোক 61

পুনাসি মাং ত্বত্কলযৈব যস্মা-

-দতঃ সমাগচ্ছ মমাগ্রতস্ত্বম্ ।

পরং পদং শ্রীর্ভব সুপ্রসন্না

ময্যচ্যুতেন প্রবিশাদিলক্ষ্মীঃ

॥ 28 ॥

শ্লোক 62

শ্রীবৈকুণ্ঠস্থিতে লক্ষ্মি সমাগচ্ছ মমাগ্রতঃ ।

নারাযণেন সহ মাং কৃপাদৃষ্ট্যাঽবলোকয

॥ 29 ॥

শ্লোক 63

সত্যলোকস্থিতে লক্ষ্মি ত্বং মমাগচ্ছ সন্নিধিম্ ।

বাসুদেবেন সহিতা প্রসীদ বরদা ভব

॥ 30 ॥

শ্লোক 64

শ্বেতদ্বীপস্থিতে লক্ষ্মি শীঘ্রমাগচ্ছ সুব্রতে ।

বিষ্ণুনা সহিতে দেবি জগন্মাতঃ প্রসীদ মে

॥ 31 ॥

শ্লোক 65

ক্ষীরাম্বুধিস্থিতে লক্ষ্মি সমাগচ্ছ সমাধবা ।

ত্বত্কৃপাদৃষ্টিসুধযা সততং মাং বিলোকয

॥ 32 ॥

শ্লোক 66

রত্নগর্ভস্থিতে লক্ষ্মি পরিপূর্ণে হিরণ্মযে ।

সমাগচ্ছ সমাগচ্ছ স্থিত্বাঽঽশু পুরতো মম

॥ 33 ॥

শ্লোক 67

স্থিরা ভব মহালক্ষ্মি নিশ্চলা ভব নির্মলে ।

প্রসন্নে কমলে দেবি প্রসন্নহৃদযা ভব

॥ 34 ॥

শ্লোক 68

শ্রীধরে শ্রীমহাভূতে ত্বদন্তঃস্থং মহানিধিম্ ।

শীঘ্রমুদ্ধৃত্য পুরতঃ প্রদর্শয সমর্পয

॥ 35 ॥

শ্লোক 69

বসুন্ধরে শ্রীবসুধে বসুদোগ্ধ্রি কৃপামযে ।

ত্বত্কুক্ষিগতসর্বস্বং শীঘ্রং মে সম্প্রদর্শয

॥ 36 ॥

শ্লোক 70

বিষ্ণুপ্রিযে রত্নগর্ভে সমস্তফলদে শিবে ।

ত্বদ্গর্ভগতহেমাদীন্ সম্প্রদর্শয দর্শয

॥ 37 ॥

শ্লোক 71

রসাতলগতে লক্ষ্মি শীঘ্রমাগচ্ছ মে পুরঃ ।

ন জানে পরমং রূপং মাতর্মে সম্প্রদর্শয

॥ 38 ॥

শ্লোক 72

আবির্ভব মনোবেগাচ্ছীঘ্রমাগচ্ছ মে পুরঃ ।

মা বত্স ভৈরিহেত্যুক্ত্বা কামং গৌরিব রক্ষ মাম্

॥ 39 ॥

শ্লোক 73

দেবি শীঘ্রং সমাগচ্ছ ধরণীগর্ভসংস্থিতে ।

মাতস্ত্বদ্ভৃত্যভৃত্যোঽহং মৃগযে ত্বাং কুতূহলাত্

॥ 40 ॥

শ্লোক 74

উত্তিষ্ঠ জাগৃহি ত্বং মে সমুত্তিষ্ঠ সুজাগৃহি ।

অক্ষযান্ হেমকলশান্ সুবর্ণেন সুপূরিতান্

॥ 41 ॥

শ্লোক 75

নিক্ষেপান্মে সমাকৃষ্য সমুদ্ধৃত্য মমাগ্রতঃ ।

সমুন্নতাননা ভূত্বা সমাধেহি ধরান্তরাত্

॥ 42 ॥

শ্লোক 76

মত্সন্নিধিং সমাগচ্ছ মদাহিতকৃপারসাত্ ।

প্রসীদ শ্রেযসাং দোগ্ধ্রী লক্ষ্মীর্মে নযনাগ্রতঃ

॥ 43 ॥

শ্লোক 77

অত্রোপবিশ লক্ষ্মি ত্বং স্থিরা ভব হিরণ্মযে ।

সুস্থিরা ভব সম্প্রীত্যা প্রসীদ বরদা ভব

॥ 44 ॥

শ্লোক 78

আনীতাংস্তু তথা দেবি নিধীন্মে সম্প্রদর্শয ।

অদ্য ক্ষণেন সহসা দত্ত্বা সংরক্ষ মাং সদা

॥ 45 ॥

শ্লোক 79

মযি তিষ্ঠ তথা নিত্যং যথেন্দ্রাদিষু তিষ্ঠসি ।

অভযং কুরু মে দেবি মহালক্ষ্মীর্নমোঽস্তু তে

॥ 46 ॥

শ্লোক 80

সমাগচ্ছ মহালক্ষ্মি শুদ্ধজাম্বূনদপ্রভে ।

প্রসীদ পুরতঃ স্থিত্বা প্রণতং মাং বিলোকয

॥ 47 ॥

শ্লোক 81

লক্ষ্মীর্ভুবং গতা ভাসি যত্র যত্র হিরণ্মযী ।

তত্র তত্র স্থিতা ত্বং মে তব রূপং প্রদর্শয

॥ 48 ॥

শ্লোক 82

ক্রীডন্তী বহুধা ভূমৌ পরিপূর্ণকৃপামযি ।

মম মূর্ধনি তে হস্তমবিলম্বিতমর্পয

॥ 49 ॥

শ্লোক 83

ফলদ্ভাগ্যোদযে লক্ষ্মি সমস্তপুরবাসিনী ।

প্রসীদ মে মহালক্ষ্মি পরিপূর্ণমনোরথে

॥ 50 ॥

শ্লোক 84

অযোধ্যাদিষু সর্বেষু নগরেষু সমাস্থিতে ।

বৈভবৈর্বিবিধৈর্যুক্তৈঃ সমাগচ্ছ মুদান্বিতে

॥ 51 ॥

শ্লোক 85

সমাগচ্ছ সমাগচ্ছ মমাগ্রে ভব সুস্থিরা ।

করুণারসনিষ্যন্দনেত্রদ্বয বিলাসিনী

॥ 52 ॥

শ্লোক 86

॥ 53 ॥ [নিষ্পন্ন]

সন্নিধত্স্ব মহালক্ষ্মি ত্বত্পাণিং মম মস্তকে ।

করুণাসুধযা মাং ত্বমভিষিঞ্চ্য স্থিরং কুরু

শ্লোক 87

সর্বরাজগৃহে লক্ষ্মি সমাগচ্ছ বলান্বিতে । [মুদান্বিতে]

স্থিত্বাঽঽশু পুরতো মেঽদ্য প্রসাদেনাঽভযং কুরু

॥ 54 ॥

শ্লোক 88

সাদরং মস্তকে হস্তং মম ত্বং কৃপযার্পয ।

সর্বরাজগৃহে লক্ষ্মি ত্বত্কলা মযি তিষ্ঠতু

॥ 55 ॥

শ্লোক 89

আদ্যাদি শ্রীমহালক্ষ্মি বিষ্ণুবামাঙ্কসংস্থিতে ।

প্রত্যক্ষং কুরু মে রূপং রক্ষ মাং শরণাগতম্

॥ 56 ॥

শ্লোক 90

প্রসীদ মে মহালক্ষ্মি সুপ্রসীদ মহাশিবে ।

অচলা ভব সম্প্রীত্যা সুস্থিরা ভব মদ্গৃহে

॥ 57 ॥

শ্লোক 91

যাবত্তিষ্ঠন্তি বেদাশ্চ যাবচ্চন্দ্রদিবাকরৌ ।

যাবদ্বিষ্ণুশ্চ যাবত্ত্বং তাবত্কুরু কৃপাং মযি

॥ 58 ॥

শ্লোক 92

চান্দ্রীকলা যথা শুক্লে বর্ধতে সা দিনে দিনে ।

তথা দযা তে ময্যেব বর্ধতামভিবর্ধতাম্

॥ 59 ॥

শ্লোক 93

যথা বৈকুণ্ঠনগরে যথা বৈ ক্ষীরসাগরে ।

তথা মদ্ভবনে তিষ্ঠ স্থিরং শ্রীবিষ্ণুনা সহ

॥ 60 ॥

শ্লোক 94

যোগিনাং হৃদযে নিত্যং যথা তিষ্ঠসি বিষ্ণুনা ।

তথা মদ্ভবনে তিষ্ঠ স্থিরং শ্রীবিষ্ণুনা সহ

॥ 61 ॥

শ্লোক 95

নারাযণস্য হৃদযে ভবতী যথাস্তে

নারাযণোঽপি তব হৃত্কমলে যথাস্তে ।

নারাযণস্ত্বমপি নিত্যমুভৌ তথৈব

তৌ তিষ্ঠতাং হৃদি মমাপি দযান্বিতৌ শ্রীঃ

॥ 62 ॥

শ্লোক 96

বিজ্ঞানবৃদ্ধিং হৃদযে কুরু শ্রীঃ

সৌভাগ্যবৃদ্ধিং কুরু মে গৃহে শ্রীঃ ।

দযাসুবৃদ্ধিং কুরুতাং মযি শ্রীঃ

সুবর্ণবৃদ্ধিং কুরু মে গৃহে শ্রীঃ

॥ 63 ॥

শ্লোক 97

ন মাং ত্যজেথাঃ শ্রিতকল্পবল্লি

সদ্ভক্তচিন্তামণিকামধেনো ।

বিশ্বস্য মাতর্ভব সুপ্রসন্না

গৃহে কলত্রেষু চ পুত্রবর্গে

॥ 64 ॥

শ্লোক 98

আদ্যাদিমাযে ত্বমজাণ্ডবীজং

ত্বমেব সাকারনিরাকৃতিস্ত্বম্ ।

ত্বযা ধৃতাশ্চাব্জভবাণ্ডসঙ্ঘা-

-শ্চিত্রং চরিত্রং তব দেবি বিষ্ণোঃ

॥ 65 ॥

শ্লোক 99

ব্রহ্মরুদ্রাদযো দেবা বেদাশ্চাপি ন শক্নুযুঃ ।

মহিমানং তব স্তোতুং মন্দোঽহং শক্নুযাং কথম্

॥ 66 ॥

শ্লোক 100

অম্ব ত্বদ্বত্সবাক্যানি সূক্তাসূক্তানি যানি চ ।

তানি স্বীকুরু সর্বজ্ঞে দযালুত্বেন সাদরম্

॥ 67 ॥

শ্লোক 101

ভবতীং শরণং গত্বা কৃতার্থাঃ স্যুঃ পুরাতনাঃ ।

ইতি সঞ্চিন্ত্য মনসা ত্বামহং শরণং ব্রজে

॥ 68 ॥

শ্লোক 102

অনন্তা নিত্যসুখিনস্ত্বদ্ভক্তাস্ত্বত্পরাযণাঃ ।

ইতি বেদপ্রমাণাদ্ধি দেবি ত্বাং শরণং ব্রজে

॥ 69 ॥

শ্লোক 103

তব প্রতিজ্ঞা মদ্ভক্তা ন নশ্যন্তীত্যপি ক্বচিত্ ।

ইতি সঞ্চিন্ত্য সঞ্চিন্ত্য প্রাণান্ সন্ধারযাম্যহম্

॥ 70 ॥

শ্লোক 104

ত্বদধীনস্ত্বহং মাতস্ত্বত্কৃপা মযি বিদ্যতে ।

যাবত্সম্পূর্ণকামঃ স্যাত্তাবদ্দেহি দযানিধে

॥ 71 ॥

শ্লোক 105

ক্ষণমাত্রং ন শক্নোমি জীবিতুং ত্বত্কৃপাং বিনা ।

ন জীবন্তীহ জলজা জলং ত্যক্ত্বা জলগ্রহাঃ

॥ 72 ॥

শ্লোক 106

যথা হি পুত্রবাত্সল্যাজ্জননী প্রস্নুতস্তনী ।

বত্সং ত্বরিতমাগত্য সম্প্রীণযতি বত্সলা

॥ 73 ॥

শ্লোক 107

যদি স্যাং তব পুত্রোঽহং মাতা ত্বং যদি মামকী ।

দযাপযোধরস্তন্যসুধাভিরভিষিঞ্চ মাম্

॥ 74 ॥

শ্লোক 108

মৃগ্যো ন গুণলেশোঽপি মযি দোষৈকমন্দিরে ।

পাংসূনাং বৃষ্টিবিন্দূনাং দোষাণাং চ ন মে মতিঃ

॥ 75 ॥

শ্লোক 109

পাপিনামহমেবাগ্র্যো দযালূনাং ত্বমগ্রণীঃ ।

দযনীযো মদন্যোঽস্তি তব কোঽত্র জগত্ত্রযে

॥ 76 ॥

শ্লোক 110

বিধিনাহং ন সৃষ্টশ্চেন্ন স্যাত্তব দযালুতা ।

আমযো বা ন সৃষ্টশ্চেদৌষধস্য বৃথোদযঃ

॥ 77 ॥

শ্লোক 111

কৃপা মদগ্রজা কিং তে অহং কিং বা তদগ্রজঃ ।

বিচার্য দেহি মে বিত্তং তব দেবি দযানিধে

॥ 78 ॥

শ্লোক 112

মাতা পিতা ত্বং গুরুসদ্গতিঃ শ্রী-

-স্ত্বমেব সঞ্জীবনহেতুভূতা ।

অন্যং ন মন্যে জগদেকনাথে

ত্বমেব সর্বং মম দেবি সত্যে

॥ 79 ॥

শ্লোক 113

আদ্যাদিলক্ষ্মীর্ভব সুপ্রসন্না

বিশুদ্ধবিজ্ঞানসুখৈকদোগ্ধ্রী ।

অজ্ঞানহন্ত্রী ত্রিগুণাতিরিক্তা

প্রজ্ঞাননেত্রী ভব সুপ্রসন্না

॥ 80 ॥

শ্লোক 114

অশেষবাগ্জাড্যমলাপহন্ত্রী

নবং নবং স্পষ্টসুবাক্প্রদাযিনী ।

মমেহ জিহ্বাগ্র সুরঙ্গনর্তকী [নর্তিনী]

ভব প্রসন্না বদনে চ মে শ্রীঃ

॥ 81 ॥

শ্লোক 115

সমস্তসম্পত্সুবিরাজমানা

সমস্ততেজশ্চযভাসমানা ।

বিষ্ণুপ্রিযে ত্বং ভব দীপ্যমানা

বাগ্দেবতা মে নযনে প্রসন্না

॥ 82 ॥

শ্লোক 116

সর্বপ্রদর্শে সকলার্থদে ত্বং

প্রভাসুলাবণ্যদযাপ্রদোগ্ধ্রী ।

সুবর্ণদে ত্বং সুমুখী ভব শ্রী-

-র্হিরণ্মযী মে নযনে প্রসন্না

॥ 83 ॥

শ্লোক 117

সর্বার্থদা সর্বজগত্প্রসূতিঃ

সর্বেশ্বরী সর্বভযাপহন্ত্রী ।

সর্বোন্নতা ত্বং সুমুখী ভব শ্রী-

-র্হিরণ্মযী মে নযনে প্রসন্না

॥ 84 ॥

শ্লোক 118

সমস্তবিঘ্নৌঘবিনাশকারিণী

সমস্তভক্তোদ্ধরণে বিচক্ষণা ।

অনন্তসৌভাগ্যসুখপ্রদাযিনী

হিরণ্মযী মে নযনে প্রসন্না

॥ 85 ॥

শ্লোক 119

দেবি প্রসীদ দযনীযতমায মহ্যং

দেবাধিনাথভবদেবগণাভিবন্দ্যে ।

মাতস্তথৈব ভব সন্নিহিতা দৃশোর্মে

পত্যা সমং মম মুখে ভব সুপ্রসন্না

॥ 86 ॥

শ্লোক 120

মা বত্স ভৈরভযদানকরোঽর্পিতস্তে

মৌলৌ মমেতি মযি দীনদযানুকম্পে ।

মাতঃ সমর্পয মুদা করুণাকটাক্ষং

মাঙ্গল্যবীজমিহ নঃ সৃজ জন্ম মাতঃ

॥ 87 ॥

শ্লোক 121

কটাক্ষ ইহ কামধুক্তব মনস্তু চিন্তামণিঃ

করঃ সুরতরুঃ সদা নবনিধিস্ত্বমেবেন্দিরে ।

ভবে তব দযারসো মম রসাযনং চান্বহং

মুখং তব কলানিধির্বিবিধবাঞ্ছিতার্থপ্রদম্

॥ 88 ॥

শ্লোক 122

যথা রসস্পর্শনতোঽযসোঽপি

সুবর্ণতা স্যাত্কমলে তথা তে ।

কটাক্ষসংস্পর্শনতো জনানা-

-মমঙ্গলানামপি মঙ্গলত্বম্

॥ 89 ॥

শ্লোক 123

দেহীতি নাস্তীতি বচঃ প্রবেশা-

-দ্ভীতো রমে ত্বাং শরণং প্রপদ্যে ।

অতঃ সদাঽস্মিন্নভযপ্রদা ত্বং

সহৈব পত্যা মযি সন্নিধেহি

॥ 90 ॥

শ্লোক 124

কল্পদ্রুমেণ মণিনা সহিতা সুরম্যা

শ্রীস্তে কলা মযি রসেন রসাযনেন ।

আস্তাং যতো মম শিরঃকরদৃষ্টিপাদ-

-স্পৃষ্টাঃ সুবর্ণবপুষঃ স্থিরজঙ্গমাঃ স্যুঃ

॥ 91 ॥

শ্লোক 125

আদ্যাদিবিষ্ণোঃ স্থিরধর্মপত্নী

ত্বমেব পত্যা মযি সন্নিধেহি ।

আদ্যাদিলক্ষ্মি ত্বদনুগ্রহেণ

পদে পদে মে নিধিদর্শনং স্যাত্

॥ 92 ॥

শ্লোক 126

আদ্যাদিলক্ষ্মীহৃদযং পঠেদ্যঃ

স রাজ্যলক্ষ্মীমচলাং তনোতি ।

মহাদরিদ্রোঽপি ভবেদ্ধনাঢ্য-

-স্তদন্বযে শ্রীঃ স্থিরতাং প্রযাতি

॥ 93 ॥

শ্লোক 127

যস্য স্মরণমাত্রেণ তুষ্টা স্যাদ্বিষ্ণুবল্লভা ।

তস্যাভীষ্টং দদত্যাশু তং পালযতি পুত্রবত্

॥ 94 ॥

শ্লোক 128

ইদং রহস্যং হৃদযং সর্বকামফলপ্রদম্ ।

জপঃ পঞ্চসহস্রং তু পুরশ্চরণমুচ্যতে

॥ 95 ॥

শ্লোক 129

ত্রিকালমেককালং বা নরো ভক্তিসমন্বিতঃ ।

যঃ পঠেচ্ছৃণুযাদ্বাপি স যাতি পরমাং শ্রিযম্

॥ 96 ॥

শ্লোক 130

মহালক্ষ্মীং সমুদ্দিশ্য নিশি ভার্গববাসরে ।

ইদং শ্রীহৃদযং জপ্ত্বা পঞ্চবারং ধনী ভবেত্

॥ 97 ॥

শ্লোক 131

অনেন হৃদযেনান্নং গর্ভিণ্যা অভিমন্ত্রিতম্ ।

দদাতি তত্কুলে পুত্রো জাযতে শ্রীপতিঃ স্বযম্

॥ 98 ॥

শ্লোক 132

নরেণ বাঽথবা নার্যা লক্ষ্মীহৃদযমন্ত্রিতে ।

জলে পীতে চ তদ্বংশে মন্দভাগ্যো ন জাযতে

॥ 99 ॥

শ্লোক 133

য আশ্বিনে মাসি চ শুক্লপক্ষে

রমোত্সবে সন্নিহিতে সুভক্ত্যা ।

পঠেত্তথৈকোত্তরবারবৃদ্ধ্যা

লভেত্স সৌবর্ণমযীং সুবৃষ্টিম্

॥ 100 ॥

শ্লোক 134

য একভক্তোঽন্বহমেকবর্ষং

বিশুদ্ধধীঃ সপ্ততিবারজাপী ।

স মন্দভাগ্যোঽপি রমাকটাক্ষা-

-দ্ভবেত্সহস্রাক্ষশতাধিকশ্রীঃ

॥ 101 ॥

শ্লোক 135

শ্রীশাঙ্ঘ্রিভক্তিং হরিদাসদাস্যং

প্রসন্নমন্ত্রার্থদৃঢৈকনিষ্ঠাম্ ।

গুরোঃ স্মৃতিং নির্মলবোধবুদ্ধিং

প্রদেহি মাতঃ পরমং পদং শ্রীঃ

॥ 102 ॥

শ্লোক 136

পৃথ্বীপতিত্বং পুরুষোত্তমত্বং

বিভূতিবাসং বিবিধার্থসিদ্ধিম্ ।

সম্পূর্ণকীর্তিং বহুবর্ষভোগং

প্রদেহি মে লক্ষ্মি পুনঃ পুনস্ত্বম্

॥ 103 ॥

শ্লোক 137

বাদার্থসিদ্ধিং বহুলোকবশ্যং

বযঃ স্থিরত্বং ললনাসুভোগম্ ।

পৌত্রাদিলব্ধিং সকলার্থসিদ্ধিং

প্রদেহি মে ভার্গবি জন্মজন্মনি

॥ 104 ॥

শ্লোক 138

সুবর্ণবৃদ্ধিং কুরু মে গৃহে শ্রীঃ

সুধান্যবৃদ্ধিং কুরূ মে গৃহে শ্রীঃ ।

কল্যাণবৃদ্ধিং কুরু মে গৃহে শ্রীঃ

বিভূতিবৃদ্ধিং কুরু মে গৃহে শ্রীঃ

॥ 105 ॥

শ্লোক 139

ধ্যাযেল্লক্ষ্মীং প্রহসিতমুখীং কোটিবালার্কভাসাং

বিদ্যুদ্বর্ণাম্বরবরধরাং ভূষণাঢ্যাং সুশোভাম্ ।

বীজাপূরং সরসিজযুগং বিভ্রতীং স্বর্ণপাত্রং

ভর্ত্রাযুক্তাং মুহুরভযদাং মহ্যমপ্যচ্যুতশ্রীঃ

॥ 106 ॥

শ্লোক 140

গুহ্যাতিগুহ্যগোপ্ত্রী ত্বং গৃহাণাস্মত্কৃতং জপম্ ।

সিদ্ধির্ভবতু মে দেবি ত্বত্প্রসাদান্মযি স্থিতা

॥ 107 ॥

শ্লোক 141

ইতি শ্রীঅথর্বণরহস্যে শ্রীলক্ষ্মীহৃদযস্তোত্রং সম্পূর্ণম্ ॥