Sri Lakshmi Hrudaya Stotram

shrI lakShmI hRRidaya stotram

asya shrI mahAlakShmIhRRidayastotra mahAmantrasya bhArgava RRiShiH, anuShTupAdIni nAnAChandAMsi, AdyAdi shrImahAlakShmIrdevatA, shrIM bIjaM, hrIM shaktiH, aiM kIlakaM, AdyAdimahAlakShmI prasAdasiddhyarthaM jape viniyogaH ||

RRiShyAdinyAsaH –

OM bhArgavRRiShaye namaH shirasi |

OM anuShTupAdinAnAChandobhyo namo mukhe |

OM AdyAdishrImahAlakShmI devatAyai namo hRRidaye |

OM shrIM bIjAya namo guhye |

OM hrIM shaktaye namaH pAdayoH |

OM aiM kIlakAya namo nAbhau |

OM viniyogAya namaH sarvA~Nge |

karanyAsaH –

OM shrIM a~NguShThAbhyAM namaH |

OM hrIM tarjanIbhyAM namaH |

OM aiM madhyamAbhyAM namaH |

OM shrIM anAmikAbhyAM namaH |

OM hrIM kaniShThikAbhyAM namaH |

OM aiM karatala karapRRiShThAbhyAM namaH |

a~NganyAsaH –

OM shrIM hRRidayAya namaH |

OM hrIM shirase svAhA |

OM aiM shikhAyai vaShaT |

OM shrIM kavachAya hum |

OM hrIM netratrayAya vauShaT |

OM aiM astrAya phaT |

OM shrIM hrIM aiM iti digbandhaH |

atha dhyAnam |

hastadvayena kamale dhArayantIM svalIlayA |

hAranUpurasaMyuktAM lakShmIM devIM vichintaye ||

kausheyapItavasanAmaravindanetrAM

padmadvayAbhayavarodyatapadmahastAm |

udyachChatArkasadRRishIM paramA~NkasaMsthAM

dhyAyedvidhIshanatapAdayugAM janitrIm ||

pItavastrAM suvarNA~NgIM padmahastadvAyAnvitAm |

lakShmIM dhyAtveti mantreNa sa bhavetpRRithivIpatiH ||

mAtulu~NgaM gadAM kheTaM pANau pAtraM cha bibhratI |

nAgaM li~NgaM cha yoniM cha bibhratIM chaiva mUrdhani ||

[ iti dhyAtvA mAnasopachAraiH sampUjya |

sha~NkhachakragadAhaste shubhravarNe suvAsinI |

mama dehi varaM lakShmIH sarvasiddhipradAyinI |

iti samprArthya OM shrIM hrIM aiM mahAlakShmyai kamaladhAriNyai siMhavAhinyai svAhA iti mantraM japtvA punaH pUrvavaddhRRidayAdi ShaDa~NganyAsaM kRRitvA stotraM paThet | ]

stotram |

vande lakShmIM paramashivamayIM shuddhajAmbUnadAbhAM

tejorUpAM kanakavasanAM sarvabhUShojjvalA~NgIm |

bIjApUraM kanakakalashaM hemapadmaM dadhAnA-

-mAdyAM shaktiM sakalajananIM viShNuvAmA~NkasaMsthAm || 1 ||

shrImatsaubhAgyajananIM staumi lakShmIM sanAtanIm |

sarvakAmaphalAvAptisAdhanaikasukhAvahAm || 2 ||

smarAmi nityaM deveshi tvayA preritamAnasaH |

tvadAj~nAM shirasA dhRRitvA bhajAmi parameshvarIm || 3 ||

samastasampatsukhadAM mahAshriyaM

samastasaubhAgyakarIM mahAshriyam |

samastakalyANakarIM mahAshriyaM

bhajAmyahaM j~nAnakarIM mahAshriyam || 4 ||

vij~nAnasampatsukhadAM sanAtanIM

vichitravAgbhUtikarIM manoharAm |

anantasammodasukhapradAyinIM

namAmyahaM bhUtikarIM haripriyAm || 5 ||

samastabhUtAntarasaMsthitA tvaM

samastabhoktrIshvari vishvarUpe |

tannAsti yattvadvyatiriktavastu

tvatpAdapadmaM praNamAmyahaM shrIH || 6 ||

dAridrya duHkhaughatamopahantrI

tvatpAdapadmaM mayi sannidhatsva |

dInArtivichChedanahetubhUtaiH

kRRipAkaTAkShairabhiShi~ncha mAM shrIH || 7 ||

amba prasIda karuNAsudhayArdradRRiShTyA

mAM tvatkRRipAdraviNagehamimaM kuruShva |

Alokaya praNatahRRidgatashokahantrI

tvatpAdapadmayugalaM praNamAmyahaM shrIH || 8 ||

shAntyai namo.astu sharaNAgatarakShaNAyai

kAntyai namo.astu kamanIyaguNAshrayAyai |

kShAntyai namo.astu duritakShayakAraNAyai

dAtryai namo.astu dhanadhAnyasamRRiddhidAyai || 9 ||

shaktyai namo.astu shashishekharasaMstutAyai

ratyai namo.astu rajanIkarasodarAyai |

bhaktyai namo.astu bhavasAgaratArakAyai

matyai namo.astu madhusUdanavallabhAyai || 10 ||

lakShmyai namo.astu shubhalakShaNalakShitAyai

siddhyai namo.astu shivasiddhasupUjitAyai |

dhRRityai namo.astvamitadurgatibha~njanAyai

gatyai namo.astu varasadgatidAyikAyai || 11 ||

devyai namo.astu divi devagaNArchitAyai

bhUtyai namo.astu bhuvanArtivinAshanAyai |

dhAtryai namo.astu dharaNIdharavallabhAyai

puShTyai namo.astu puruShottamavallabhAyai || 12 ||

sutIvradAridryaviduHkhahantryai

namo.astu te sarvabhayApahantryai |

shrIviShNuvakShaHsthalasaMsthitAyai

namo namaH sarvavibhUtidAyai || 13 ||

jayatu jayatu lakShmIrlakShaNAlaNkRRitANgI

jayatu jayatu padmA padmasadmAbhivandyA |

jayatu jayatu vidyA viShNuvAmA~NkasaMsthA

jayatu jayatu samyaksarvasampatkarI shrIH || 14 ||

jayatu jayatu devI devasa~NghAbhipUjyA

jayatu jayatu bhadrA bhArgavI bhAgyarUpA |

jayatu jayatu nityA nirmalaj~nAnavedyA

jayatu jayatu satyA sarvabhUtAntarasthA || 15 ||

jayatu jayatu ramyA ratnagarbhAntarasthA

jayatu jayatu shuddhA shuddhajAmbUnadAbhA |

jayatu jayatu kAntA kAntimadbhAsitA~NgI

jayatu jayatu shAntA shIghramAgachCha saumye || 16 ||

yasyAH kalAyAH kamalodbhavAdyA

rudrAshcha shakra pramukhAshcha devAH |

jIvanti sarve.api sashaktayaste

prabhutvamAptAH paramAyuShaste || 17 ||

lilekha niTile vidhirmama lipiM visRRijyAntaraM

tvayA vilikhitavyametaditi tatphalaprAptaye |

tadantaraphalesphuTaM kamalavAsinI shrIrimAM

samarpaya samudrikAM sakalabhAgyasaMsUchikAm || 18 ||

kalayA te yathA devi jIvanti sacharAcharAH |

tathA sampatkare lakShmi sarvadA samprasIda me || 19 ||

yathA viShNurdhruve nityaM svakalAM sannyaveshayat |

tathaiva svakalAM lakShmi mayi samyak samarpaya || 20 ||

sarvasaukhyaprade devi bhaktAnAmabhayaprade |

achalAM kuru yatnena kalAM mayi niveshitAm || 21 ||

mudAstAM matphAle paramapadalakShmIH sphuTakalA

sadA vaikuNThashrIrnivasatu kalA me nayanayoH |

vasetsatye loke mama vachasi lakShmIrvarakalA

shriyaH shvetadvIpe nivasatu kalA me svakarayoH || 22 ||

tAvannityaM mamA~NgeShu kShIrAbdhau shrIkalA vaset |

sUryAchandramasau yAvadyAvallakShmIpatiH shriyAH || 23 ||

sarvama~NgalasampUrNA sarvaishvaryasamanvitA |

AdyAdi shrIrmahAlakShmI tvatkalA mayi tiShThatu || 24 ||

ajnAnatimiraM hantuM shuddhajnAnaprakAshikA |

sarvaishvaryapradA me.astu tvatkalA mayi saMsthitA || 25 ||

alakShmIM haratu kShipraM tamaH sUryaprabhA yathA |

vitanotu mama shreyastvatkalA mayi saMsthitA || 26 ||

aishvaryama~NgalotpattistvatkalAyAM nidhIyate |

mayi tasmAtkRRitArtho.asmi pAtramasmi sthitestava || 27 ||

bhavadAveshabhAgyArho bhAgyavAnasmi bhArgavi |

tvatprasAdAtpavitro.ahaM lokamAtarnamo.astu te || 28 ||

punAsi mAM tvatkalayaiva yasmA-

-dataH samAgachCha mamAgratastvam |

paraM padaM shrIrbhava suprasannA

mayyachyutena pravishAdilakShmIH || 29 ||

shrIvaikuNThasthite lakShmi samAgachCha mamAgrataH |

nArAyaNena saha mAM kRRipAdRRiShTyA.avalokaya || 30 ||

satyalokasthite lakShmi tvaM mamAgachCha sannidhim |

vAsudevena sahitA prasIda varadA bhava || 31 ||

shvetadvIpasthite lakShmi shIghramAgachCha suvrate |

viShNunA sahite devi jaganmAtaH prasIda me || 32 ||

kShIrAmbudhisthite lakShmi samAgachCha samAdhavA |

tvatkRRipAdRRiShTisudhayA satataM mAM vilokaya || 33 ||

ratnagarbhasthite lakShmi paripUrNe hiraNmaye |

samAgachCha samAgachCha sthitvA.a.ashu purato mama || 34 ||

sthirA bhava mahAlakShmi nishchalA bhava nirmale |

prasanne kamale devi prasannahRRidayA bhava || 35 ||

shrIdhare shrImahAbhUte tvadantaHsthaM mahAnidhim |

shIghramuddhRRitya purataH pradarshaya samarpaya || 36 ||

vasundhare shrIvasudhe vasudogdhri kRRipAmaye |

tvatkukShigatasarvasvaM shIghraM me sampradarshaya || 37 ||

viShNupriye ratnagarbhe samastaphalade shive |

tvadgarbhagatahemAdIn sampradarshaya darshaya || 38 ||

rasAtalagate lakShmi shIghramAgachCha me puraH |

na jAne paramaM rUpaM mAtarme sampradarshaya || 39 ||

Avirbhava manovegAchChIghramAgachCha me puraH |

mA vatsa bhairihetyuktvA kAmaM gauriva rakSha mAm || 40 ||

devi shIghraM samAgachCha dharaNIgarbhasaMsthite |

mAtastvadbhRRityabhRRityo.ahaM mRRigaye tvAM kutUhalAt || 41 ||

uttiShTha jAgRRihi tvaM me samuttiShTha sujAgRRihi |

akShayAn hemakalashAn suvarNena supUritAn || 42 ||

nikShepAnme samAkRRiShya samuddhRRitya mamAgrataH |

samunnatAnanA bhUtvA samAdhehi dharAntarAt || 43 ||

matsannidhiM samAgachCha madAhitakRRipArasAt |

prasIda shreyasAM dogdhrI lakShmIrme nayanAgrataH || 44 ||

atropavisha lakShmi tvaM sthirA bhava hiraNmaye |

susthirA bhava samprItyA prasIda varadA bhava || 45 ||

AnItAMstu tathA devi nidhInme sampradarshaya |

adya kShaNena sahasA dattvA saMrakSha mAM sadA || 46 ||

mayi tiShTha tathA nityaM yathendrAdiShu tiShThasi |

abhayaM kuru me devi mahAlakShmIrnamo.astu te || 47 ||

samAgachCha mahAlakShmi shuddhajAmbUnadaprabhe |

prasIda purataH sthitvA praNataM mAM vilokaya || 48 ||

lakShmIrbhuvaM gatA bhAsi yatra yatra hiraNmayI |

tatra tatra sthitA tvaM me tava rUpaM pradarshaya || 49 ||

krIDantI bahudhA bhUmau paripUrNakRRipAmayi |

mama mUrdhani te hastamavilambitamarpaya || 50 ||

phaladbhAgyodaye lakShmi samastapuravAsinI |

prasIda me mahAlakShmi paripUrNamanorathe || 51 ||

ayodhyAdiShu sarveShu nagareShu samAsthite |

vaibhavairvividhairyuktaiH samAgachCha mudAnvite || 52 ||

samAgachCha samAgachCha mamAgre bhava susthirA |

karuNArasaniShyandanetradvaya vilAsinI || 53 || [niShpanna]

sannidhatsva mahAlakShmi tvatpANiM mama mastake |

karuNAsudhayA mAM tvamabhiShi~nchya sthiraM kuru || 54 ||

sarvarAjagRRihe lakShmi samAgachCha balAnvite | [mudAnvite]

sthitvA.a.ashu purato me.adya prasAdenA.abhayaM kuru || 55 ||

sAdaraM mastake hastaM mama tvaM kRRipayArpaya |

sarvarAjagRRihe lakShmi tvatkalA mayi tiShThatu || 56 ||

AdyAdi shrImahAlakShmi viShNuvAmA~NkasaMsthite |

pratyakShaM kuru me rUpaM rakSha mAM sharaNAgatam || 57 ||

prasIda me mahAlakShmi suprasIda mahAshive |

achalA bhava samprItyA susthirA bhava madgRRihe || 58 ||

yAvattiShThanti vedAshcha yAvachchandradivAkarau |

yAvadviShNushcha yAvattvaM tAvatkuru kRRipAM mayi || 59 ||

chAndrIkalA yathA shukle vardhate sA dine dine |

tathA dayA te mayyeva vardhatAmabhivardhatAm || 60 ||

yathA vaikuNThanagare yathA vai kShIrasAgare |

tathA madbhavane tiShTha sthiraM shrIviShNunA saha || 61 ||

yoginAM hRRidaye nityaM yathA tiShThasi viShNunA |

tathA madbhavane tiShTha sthiraM shrIviShNunA saha || 62 ||

nArAyaNasya hRRidaye bhavatI yathAste

nArAyaNo.api tava hRRitkamale yathAste |

nArAyaNastvamapi nityamubhau tathaiva

tau tiShThatAM hRRidi mamApi dayAnvitau shrIH || 63 ||

vij~nAnavRRiddhiM hRRidaye kuru shrIH

saubhAgyavRRiddhiM kuru me gRRihe shrIH |

dayAsuvRRiddhiM kurutAM mayi shrIH

suvarNavRRiddhiM kuru me gRRihe shrIH || 64 ||

na mAM tyajethAH shritakalpavalli

sadbhaktachintAmaNikAmadheno |

vishvasya mAtarbhava suprasannA

gRRihe kalatreShu cha putravarge || 65 ||

AdyAdimAye tvamajANDabIjaM

tvameva sAkAranirAkRRitistvam |

tvayA dhRRitAshchAbjabhavANDasa~NghA-

-shchitraM charitraM tava devi viShNoH || 66 ||

brahmarudrAdayo devA vedAshchApi na shaknuyuH |

mahimAnaM tava stotuM mando.ahaM shaknuyAM katham || 67 ||

amba tvadvatsavAkyAni sUktAsUktAni yAni cha |

tAni svIkuru sarvaj~ne dayAlutvena sAdaram || 68 ||

bhavatIM sharaNaM gatvA kRRitArthAH syuH purAtanAH |

iti sa~nchintya manasA tvAmahaM sharaNaM vraje || 69 ||

anantA nityasukhinastvadbhaktAstvatparAyaNAH |

iti vedapramANAddhi devi tvAM sharaNaM vraje || 70 ||

tava pratij~nA madbhaktA na nashyantItyapi kvachit |

iti sanchintya sanchintya prANAn sandhArayAmyaham || 71 ||

tvadadhInastvahaM mAtastvatkRRipA mayi vidyate |

yAvatsampUrNakAmaH syAttAvaddehi dayAnidhe || 72 ||

kShaNamAtraM na shaknomi jIvituM tvatkRRipAM vinA |

na jIvantIha jalajA jalaM tyaktvA jalagrahAH || 73 ||

yathA hi putravAtsalyAjjananI prasnutastanI |

vatsaM tvaritamAgatya samprINayati vatsalA || 74 ||

yadi syAM tava putro.ahaM mAtA tvaM yadi mAmakI |

dayApayodharastanyasudhAbhirabhiShi~ncha mAm || 75 ||

mRRigyo na guNalesho.api mayi doShaikamandire |

pAMsUnAM vRRiShTibindUnAM doShANAM cha na me matiH || 76 ||

pApinAmahamevAgryo dayAlUnAM tvamagraNIH |

dayanIyo madanyo.asti tava ko.atra jagattraye || 77 ||

vidhinAhaM na sRRiShTashchenna syAttava dayAlutA |

Amayo vA na sRRiShTashchedauShadhasya vRRithodayaH || 78 ||

kRRipA madagrajA kiM te ahaM kiM vA tadagrajaH |

vichArya dehi me vittaM tava devi dayAnidhe || 79 ||

mAtA pitA tvaM gurusadgatiH shrI-

-stvameva sa~njIvanahetubhUtA |

anyaM na manye jagadekanAthe

tvameva sarvaM mama devi satye || 80 ||

AdyAdilakShmIrbhava suprasannA

vishuddhavij~nAnasukhaikadogdhrI |

aj~nAnahantrI triguNAtiriktA

praj~nAnanetrI bhava suprasannA || 81 ||

asheShavAgjADyamalApahantrI

navaM navaM spaShTasuvAkpradAyinI |

mameha jihvAgra sura~NganartakI [nartinI]

bhava prasannA vadane cha me shrIH || 82 ||

samastasampatsuvirAjamAnA

samastatejashchayabhAsamAnA |

viShNupriye tvaM bhava dIpyamAnA

vAgdevatA me nayane prasannA || 83 ||

sarvapradarshe sakalArthade tvaM

prabhAsulAvaNyadayApradogdhrI |

suvarNade tvaM sumukhI bhava shrI-

-rhiraNmayI me nayane prasannA || 84 ||

sarvArthadA sarvajagatprasUtiH

sarveshvarI sarvabhayApahantrI |

sarvonnatA tvaM sumukhI bhava shrI-

-rhiraNmayI me nayane prasannA || 85 ||

samastavighnaughavinAshakAriNI

samastabhaktoddharaNe vichakShaNA |

anantasaubhAgyasukhapradAyinI

hiraNmayI me nayane prasannA || 86 ||

devi prasIda dayanIyatamAya mahyaM

devAdhinAthabhavadevagaNAbhivandye |

mAtastathaiva bhava sannihitA dRRishorme

patyA samaM mama mukhe bhava suprasannA || 87 ||

mA vatsa bhairabhayadAnakaro.arpitaste

maulau mameti mayi dInadayAnukampe |

mAtaH samarpaya mudA karuNAkaTAkShaM

mA~NgalyabIjamiha naH sRRija janma mAtaH || 88 ||

kaTAkSha iha kAmadhuktava manastu chintAmaNiH

karaH surataruH sadA navanidhistvamevendire |

bhave tava dayAraso mama rasAyanaM chAnvahaM

mukhaM tava kalAnidhirvividhavA~nChitArthapradam || 89 ||

yathA rasasparshanato.ayaso.api

suvarNatA syAtkamale tathA te |

kaTAkShasaMsparshanato janAnA-

-mamaNgalAnAmapi maNgalatvam || 90 ||

dehIti nAstIti vachaH praveshA-

-dbhIto rame tvAM sharaNaM prapadye |

ataH sadA.asminnabhayapradA tvaM

sahaiva patyA mayi sannidhehi || 91 ||

kalpadrumeNa maNinA sahitA suramyA

shrIste kalA mayi rasena rasAyanena |

AstAM yato mama shiraHkaradRRiShTipAda-

-spRRiShTAH suvarNavapuShaH sthiraja~NgamAH syuH || 92 ||

AdyAdiviShNoH sthiradharmapatnI

tvameva patyA mayi sannidhehi |

AdyAdilakShmi tvadanugraheNa

pade pade me nidhidarshanaM syAt || 93 ||

AdyAdilakShmIhRRidayaM paThedyaH

sa rAjyalakShmImachalAM tanoti |

mahAdaridro.api bhaveddhanADhya-

-stadanvaye shrIH sthiratAM prayAti || 94 ||

yasya smaraNamAtreNa tuShTA syAdviShNuvallabhA |

tasyAbhIShTaM dadatyAshu taM pAlayati putravat || 95 ||

idaM rahasyaM hRRidayaM sarvakAmaphalapradam |

japaH pa~nchasahasraM tu purashcharaNamuchyate || 96 ||

trikAlamekakAlaM vA naro bhaktisamanvitaH |

yaH paThechChRRiNuyAdvApi sa yAti paramAM shriyam || 97 ||

mahAlakShmIM samuddishya nishi bhArgavavAsare |

idaM shrIhRRidayaM japtvA pa~nchavAraM dhanI bhavet || 98 ||

anena hRRidayenAnnaM garbhiNyA abhimantritam |

dadAti tatkule putro jAyate shrIpatiH svayam || 99 ||

nareNa vA.athavA nAryA lakShmIhRRidayamantrite |

jale pIte cha tadvaMshe mandabhAgyo na jAyate || 100 ||

ya Ashvine mAsi cha shuklapakShe

ramotsave sannihite subhaktyA |

paThettathaikottaravAravRRiddhyA

labhetsa sauvarNamayIM suvRRiShTim || 101 ||

ya ekabhakto.anvahamekavarShaM

vishuddhadhIH saptativArajApI |

sa mandabhAgyo.api ramAkaTAkShA-

-dbhavetsahasrAkShashatAdhikashrIH || 102 ||

shrIshA~NghribhaktiM haridAsadAsyaM

prasannamantrArthadRRiDhaikaniShThAm |

guroH smRRitiM nirmalabodhabuddhiM

pradehi mAtaH paramaM padaM shrIH || 103 ||

pRRithvIpatitvaM puruShottamatvaM

vibhUtivAsaM vividhArthasiddhim |

sampUrNakIrtiM bahuvarShabhogaM

pradehi me lakShmi punaH punastvam || 104 ||

vAdArthasiddhiM bahulokavashyaM

vayaH sthiratvaM lalanAsubhogam |

pautrAdilabdhiM sakalArthasiddhiM

pradehi me bhArgavi janmajanmani || 105 ||

suvarNavRRiddhiM kuru me gRRihe shrIH

sudhAnyavRRiddhiM kurU me gRRihe shrIH |

kalyANavRRiddhiM kuru me gRRihe shrIH

vibhUtivRRiddhiM kuru me gRRihe shrIH || 106 ||

dhyAyellakShmIM prahasitamukhIM koTibAlArkabhAsAM

vidyudvarNAmbaravaradharAM bhUShaNADhyAM sushobhAm |

bIjApUraM sarasijayugaM bibhratIM svarNapAtraM

bhartrAyuktAM muhurabhayadAM mahyamapyachyutashrIH || 107 ||

guhyAtiguhyagoptrI tvaM gRRihANAsmatkRRitaM japam |

siddhirbhavatu me devi tvatprasAdAnmayi sthitA || 108 ||

iti shrIatharvaNarahasye shrIlakShmIhRRidayastotraM sampUrNam ||