Sri Kamakshi Stotram

ශ්රී කාමාක්ෂී ස්තෝත්රම්

ශ්ලොක 1

කල්පානෝකහපුෂ්පජාලවිලසන්නීලාලකාං මාතෘකාං

කාන්තාං කඤ්ජදලේක්ෂණාං කලිමලප්රධ්වංසිනීං කාලිකාම් .

කාඤ්චීනූපුරහාරදාමසුභගාං කාඤ්චීපුරීනායිකාං

කාමාක්ෂීං කරිකුම්භසන්නිභකුචාං වන්දේ මහේශප්රියාම් .. 1 ..

කාශාභාං ශුකභාසුරාං ප්රවිලසත්කෝශාතකී සන්නිභාං

චන්ද්රාර්කානලලෝචනාං සුරුචිරාලඞ්කාරභූෂෝජ්ජ්වලාම් .

බ්රහ්මශ්රීපතිවාසවාදිමුනිභිඃ සංසේවිතාඞ්ඝ්රිද්වයාං

කාමාක්ෂීං ගජරාජමන්දගමනාං වන්දේ මහේශප්රියාම් .. 2 ..

ඓං ක්ලීං සෞරිති යාං වදන්ති මුනයස්තත්ත්වාර්ථරූපාං පරාං

වාචාමාදිමකාරණං හෘදි සදා ධ්යායන්ති යාං යෝගිනඃ .

බාලාං ඵාලවිලෝචනාං නවජපාවර්ණාං සුෂුම්නාශ්රිතාං

කාමාක්ෂීං කලිතාවතංසසුභගාං වන්දේ මහේශප්රියාම් .. 3 ..

යත්පාදාම්බුජරේණුලේශමනිශං ලබ්ධ්වා විධත්තේ විධි-

-ර්විශ්වං තත්පරිපාති විෂ්ණුරඛිලං යස්යාඃ ප්රසාදාච්චිරම් .

රුද්රඃ සංහරති ක්ෂණාත්තදඛිලං යන්මායයා මෝහිතඃ

කාමාක්ෂීමතිචිත්රචාරුචරිතාං වන්දේ මහේශප්රියාම් .. 4 ..

සූක්ෂ්මාත්සූක්ෂ්මතරාං සුලක්ෂිතතනුං ක්ෂාන්තාක්ෂරෛර්ලක්ෂිතාං

වීක්ෂාශික්ෂිතරාක්ෂසාං ත්රිභුවනක්ෂේමඞ්කරීමක්ෂයාම් .

සාක්ෂාල්ලක්ෂණලක්ෂිතාක්ෂරමයීං දාක්ෂායණීං සාක්ෂිණීං

කාමාක්ෂීං ශුභලක්ෂණෛඃ සුලලිතාං වන්දේ මහේශප්රියාම් .. 5 ..

ඕඞ්කාරාඞ්ගණදීපිකාමුපනිෂත්ප්රාසාදපාරාවතීං

ආම්නායාම්බුධිචන්ද්රිකාමඝතමඃප්රධ්වංසහංසප්රභාම් .

කාඤ්චීපට්ටණපඤ්ජරාන්තරශුකීං කාරුණ්යකල්ලෝලිනීං

කාමාක්ෂීං ශිවකාමරාජමහිෂීං වන්දේ මහේශප්රියාම් .. 6 ..

හ්රීඞ්කාරාත්මකවර්ණමාත්රපඨනාදෛන්ද්රීං ශ්රියං තන්වතීං

චින්මාත්රාං භුවනේශ්වරීමනුදිනං භික්ෂාප්රදානක්ෂමාම් .

විශ්වාඝෞඝනිවාරිණීං විමලිනීං විශ්වම්භරාං මාතෘකාං

කාමාක්ෂීං පරිපූර්ණචන්ද්රවදනාං වන්දේ මහේශප්රියාම් .. 7 ..

වාග්දේවීති ච යාං වදන්ති මුනයඃ ක්ෂීරාබ්ධිකන්යේති ච

ක්ෂෝණීභෘත්තනයේති ච ශ්රුතිගිරෝ යාං ආමනන්ති ස්ඵුටම් .

ඒකානේකඵලප්රදාං බහුවිධා(අ)(අ)කාරාස්තනූස්තන්වතීං

කාමාක්ෂීං සකලාර්තිභඤ්ජනපරාං වන්දේ මහේශප්රියාම් .. 8 ..

මායාමාදිමකාරණං ත්රිජගතාමාරාධිතාඞ්ඝ්රිද්වයාං

ආනන්දාමෘතවාරිරාශිනිලයාං විද්යාං විපශ්චිද්ධියාම් .

මායාමානුෂරූපිණීං මණිලසන්මධ්යාං මහාමාතෘකාං

කාමාක්ෂීං කරිරාජමන්දගමනාං වන්දේ මහේශප්රියාම් .. 9 ..

කාන්තා කාමදුඝා කරීන්ද්රගමනා කාමාරිවාමාඞ්කගා

කල්යාණී කලිතාවතාරසුභගා කස්තූරිකාචර්චිතා

කම්පාතීරරසාලමූලනිලයා කාරුණ්යකල්ලෝලිනී

කල්යාණානි කරෝතු මේ භගවතී කාඤ්චීපුරීදේවතා .. 10 ..

ඉති ශ්රී කාමාක්ෂී ස්තෝත්රම් .