Sri Kamakshi Stotram
Sri Kamakshi Stotram
Sri Kamakshi Stotram
śrī kāmākṣī stotram
kalpānokahapuṣpajālavilasannīlālakāṃ mātṛkāṃ
kāntāṃ kañjadalekṣaṇāṃ kalimalapradhvaṃsinīṃ kālikām |
kāñcīnūpurahāradāmasubhagāṃ kāñcīpurīnāyikāṃ
kāmākṣīṃ karikumbhasannibhakucāṃ vande maheśapriyām || 1 ||
kāśābhāṃ śukabhāsurāṃ pravilasatkośātakī sannibhāṃ
candrārkānalalocanāṃ surucirālaṅkārabhūṣojjvalām |
brahmaśrīpativāsavādimunibhiḥ saṃsevitāṅghridvayāṃ
kāmākṣīṃ gajarājamandagamanāṃ vande maheśapriyām || 2 ||
aiṃ klīṃ sauriti yāṃ vadanti munayastattvārtharūpāṃ parāṃ
vācāmādimakāraṇaṃ hṛdi sadā dhyāyanti yāṃ yoginaḥ |
bālāṃ phālavilocanāṃ navajapāvarṇāṃ suṣumnāśritāṃ
kāmākṣīṃ kalitāvataṃsasubhagāṃ vande maheśapriyām || 3 ||
yatpādāmbujareṇuleśamaniśaṃ labdhvā vidhatte vidhi-
-rviśvaṃ tatparipāti viṣṇurakhilaṃ yasyāḥ prasādācciram |
rudraḥ saṃharati kṣaṇāttadakhilaṃ yanmāyayā mohitaḥ
kāmākṣīmaticitracārucaritāṃ vande maheśapriyām || 4 ||
sūkṣmātsūkṣmatarāṃ sulakṣitatanuṃ kṣāntākṣarairlakṣitāṃ
vīkṣāśikṣitarākṣasāṃ tribhuvanakṣemaṅkarīmakṣayām |
sākṣāllakṣaṇalakṣitākṣaramayīṃ dākṣāyaṇīṃ sākṣiṇīṃ
kāmākṣīṃ śubhalakṣaṇaiḥ sulalitāṃ vande maheśapriyām || 5 ||
oṅkārāṅgaṇadīpikāmupaniṣatprāsādapārāvatīṃ
āmnāyāmbudhicandrikāmaghatamaḥpradhvaṃsahaṃsaprabhām |
kāñcīpaṭṭaṇapañjarāntaraśukīṃ kāruṇyakallolinīṃ
kāmākṣīṃ śivakāmarājamahiṣīṃ vande maheśapriyām || 6 ||
hrīṅkārātmakavarṇamātrapaṭhanādaindrīṃ śriyaṃ tanvatīṃ
cinmātrāṃ bhuvaneśvarīmanudinaṃ bhikṣāpradānakṣamām |
viśvāghaughanivāriṇīṃ vimalinīṃ viśvambharāṃ mātṛkāṃ
kāmākṣīṃ paripūrṇacandravadanāṃ vande maheśapriyām || 7 ||
vāgdevīti ca yāṃ vadanti munayaḥ kṣīrābdhikanyeti ca
kṣoṇībhṛttanayeti ca śrutigiro yāṃ āmananti sphuṭam |
ekānekaphalapradāṃ bahuvidhā''kārāstanūstanvatīṃ
kāmākṣīṃ sakalārtibhañjanaparāṃ vande maheśapriyām || 8 ||
māyāmādimakāraṇaṃ trijagatāmārādhitāṅghridvayāṃ
ānandāmṛtavārirāśinilayāṃ vidyāṃ vipaściddhiyām |
māyāmānuṣarūpiṇīṃ maṇilasanmadhyāṃ mahāmātṛkāṃ
kāmākṣīṃ karirājamandagamanāṃ vande maheśapriyām || 9 ||
kāntā kāmadughā karīndragamanā kāmārivāmāṅkagā
kalyāṇī kalitāvatārasubhagā kastūrikācarcitā
kampātīrarasālamūlanilayā kāruṇyakallolinī
kalyāṇāni karotu me bhagavatī kāñcīpurīdevatā || 10 ||
iti śrī kāmākṣī stotram |
About This Stotram
Overview
Sri Kamakshi Stotram is a Sanskrit hymn in 10 verses dedicated to Goddess Kamakshi, the principal deity of the Kanchi Kamakoti Peetham in Kanchipuram, Tamil Nadu. It praises her as the consort of Lord Shiva and invokes her as the destroyer of sins, bestower of boons, and the embodiment of divine compassion. The text belongs to the Shakta devotional tradition.
What are the benefits of chanting Sri Kamakshi Stotram?
- Recitation is said to remove obstacles and accumulated sins.
- Devotees chant it to seek fulfillment of wishes and desires.
- It is used to invoke the Goddess's protective grace.
- Regular chanting is associated with spiritual purification.
- It is recited for inner peace and removal of suffering.
When is the best time to recite this?
Sri Kamakshi Stotram is recited during daily morning and evening puja. It is especially popular during Navaratri, Fridays, and at the Kanchi Kamakoti temple during festival seasons.
Historical and traditional background
The stotram belongs to the Shakta tradition centered on the worship of Kamakshi, one of the three principal forms of Adi Shakti alongside Meenakshi and Visalakshi. The Kanchi Kamakoti Peetham is one of the oldest Shakti Peethas in India. The authorship of this particular stotram is not documented; such short devotional hymns often circulated anonymously within temple traditions. Its ten verses follow the style of later Sanskrit devotional poetry.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Sri Lalita Sahasranama — the most widely recited thousand-name hymn of the Goddess in the Shakta tradition, closely related in devotional practice.
- Sri Meenakshi Stotram — another hymn to a form of the Goddess enshrined in a major South Indian temple, Madurai.