శ్రీ కాలికా సహస్ర నామ స్తోత్రమ్

శ్రీ కాలికా సహస్ర నామ స్తోత్రమ్

శ్లోక 1

శ్రీ శివ ఉవాచ ।

కథితోఽయం మహామన్త్రః సర్వమన్త్రోత్తమోత్తమః ।

యామాసాద్య మయా ప్రాప్తమైశ్వర్యపదముత్తమమ్

శ్లోక 2

సంయుక్తః పరయా భక్త్యా యథోక్త విధినా భవాన్ ।

కురుతామర్చనం దేవ్యాస్త్రైలోక్యవిజిగీషయా

॥ 1 ॥

శ్లోక 3

శ్రీపరశురామ ఉవాచ ।

ప్రసన్నో యది మే దేవ పరమేశ పురాతన ।

రహస్యం పరమం దేవ్యాః కృపయా కథయ ప్రభో

॥ 2 ॥

శ్లోక 4

వినార్చనం వినా హోమం వినా న్యాసం వినా బలిమ్ ।

వినా గన్ధం వినా పుష్పం వినా నిత్యోదితాం క్రియామ్

॥ 3 ॥

శ్లోక 5

ప్రాణాయామం వినా ధ్యానం వినా భూతవిశోధనమ్ ।

వినా దానం వినా జాపం యేన కాలీ ప్రసీదతి

॥ 4 ॥

శ్లోక 6

శ్రీ శివ ఉవాచ ।

పృష్టం త్వయోత్తమం ప్రాజ్ఞ భృగువంశ సముద్భవ ।

భక్తానామపి భక్తోఽసి త్వమేవ సాధయిష్యసి

॥ 5 ॥

శ్లోక 7

దేవీం దానవకోటిఘ్నీం లీలయా రుధిరప్రియామ్ ।

సదా స్తోత్రప్రియాముగ్రాం కామకౌతుకలాలసామ్

॥ 6 ॥

శ్లోక 8

సర్వదాఽఽనన్దహృదయామాసవోత్సవ మానసామ్ ।

మాధ్వీక మత్స్యమాంసానురాగిణీం వైష్ణవీం పరామ్

॥ 7 ॥

శ్లోక 9

శ్మశానవాసినీం ప్రేతగణనృత్యమహోత్సవామ్ ।

యోగప్రభావాం యోగేశీం యోగీన్ద్రహృదయస్థితామ్

॥ 8 ॥

శ్లోక 10

తాముగ్రకాలికాం రామ ప్రసీదయితుమర్హసి ।

తస్యాః స్తోత్రం పరం పుణ్యం స్వయం కాల్యా ప్రకాశితమ్

॥ 9 ॥

శ్లోక 11

తవ తత్ కథయిష్యామి శ్రుత్వా వత్సావధారయ ।

గోపనీయం ప్రయత్నేన పఠనీయం పరాత్పరమ్

॥ 10 ॥

శ్లోక 12

యస్యైకకాలపఠనాత్ సర్వే విఘ్నాః సమాకులాః ।

నశ్యన్తి దహనే దీప్తే పతఙ్గా ఇవ సర్వతః

॥ 11 ॥

శ్లోక 13

గద్యపద్యమయీ వాణీ తస్య గఙ్గాప్రవాహవత్ ।

తస్య దర్శనమాత్రేణ వాదినో నిష్ప్రభాం గతాః

॥ 12 ॥

శ్లోక 14

తస్య హస్తే సదైవాస్తి సర్వసిద్ధిర్న సంశయః ।

రాజానోఽపి చ దాసత్వం భజన్తే కిం పరే జనాః

॥ 13 ॥

శ్లోక 15

నిశీథే ముక్తకేశస్తు నగ్నః శక్తిసమాహితః ।

మనసా చిన్తయేత్ కాలీం మహాకాలేన చాలితామ్

॥ 14 ॥

శ్లోక 16

పఠేత్ సహస్రనామాఖ్యం స్తోత్రం మోక్షస్య సాధనమ్ ।

ప్రసన్నా కాలికా తస్య పుత్రత్వేనానుకమ్పతే

॥ 15 ॥

శ్లోక 17

యథా బ్రహ్మమృతైర్బ్రహ్మకుసుమైః పూజితా పరా ।

ప్రసీదతి తథానేన స్తుతా కాలీ ప్రసీదతి

॥ 16 ॥

శ్లోక 18

వినియోగః –

అస్య శ్రీ దక్షిణకాలికా సహస్రనామ స్తోత్రస్య మహాకాలభైరవ ఋషిః అనుష్టుప్ ఛన్దః శ్మశానకాలీ దేవతా ధర్మార్థకామమోక్షార్థే పాఠే వినియోగః ।

ధ్యానమ్ –

శవారూఢాం మహాభీమాం ఘోరదంష్ట్రాం హసన్ముఖీం

చతుర్భుజాం ఖడ్గముణ్డవరాభయకరాం శివామ్ ।

ముణ్డమాలాధరాం దేవీం లలాజ్జిహ్వాం దిగమ్బరాం

ఏవం సఞ్చిన్తయేత్కాలీం శ్మశానాలయవాసినీమ్ ॥

స్తోత్రమ్ –

శ్మశానకాలికా కాలీ భద్రకాలీ కపాలినీ ।

గుహ్యకాలీ మహాకాలీ కురుకుల్లా విరోధినీ

॥ 17 ॥

శ్లోక 19

కాలికా కాలరాత్రిశ్చ మహాకాలనితమ్బినీ ।

కాలభైరవభార్యా చ కులవర్త్మప్రకాశినీ

॥ 1 ॥

శ్లోక 20

కామదా కామినీ కన్యా కమనీయస్వరూపిణీ ।

కస్తూరీరసలిప్తాఙ్గీ కుఞ్జరేశ్వరగామినీ

॥ 2 ॥

శ్లోక 21

కకారవర్ణసర్వాఙ్గీ కామినీ కామసున్దరీ ।

కామార్తా కామరూపా చ కామధేనుః కలావతీ

॥ 3 ॥

శ్లోక 22

కాన్తా కామస్వరూపా చ కామాఖ్యా కులకామినీ ।

కులీనా కులవత్యమ్బా దుర్గా దుర్గతినాశినీ

॥ 4 ॥

శ్లోక 23

కౌమారీ కలజా కృష్ణా కృష్ణదేహా కృశోదరీ ।

కృశాఙ్గీ కులిశాఙ్గీ చ క్రీఙ్కారీ కమలా కలా

॥ 5 ॥

శ్లోక 24

కరాలాస్యా కరాలీ చ కులకాన్తాఽపరాజితా ।

ఉగ్రా ఉగ్రప్రభా దీప్తా విప్రచిత్తా మహాబలా

॥ 6 ॥

శ్లోక 25

నీలా ఘనా మేఘనాదా మాత్రా ముద్రా మితామితా ।

బ్రాహ్మీ నారాయణీ భద్రా సుభద్రా భక్తవత్సలా

॥ 7 ॥

శ్లోక 26

మాహేశ్వరీ చ చాముణ్డా వారాహీ నారసింహికా ।

వజ్రాఙ్గీ వజ్రకఙ్కాలీ నృముణ్డస్రగ్విణీ శివా

॥ 8 ॥

శ్లోక 27

మాలినీ నరముణ్డాలీ గలద్రక్తవిభూషణా ।

రక్తచన్దనసిక్తాఙ్గీ సిన్దూరారుణమస్తకా

॥ 9 ॥

శ్లోక 28

ఘోరరూపా ఘోరదంష్ట్రా ఘోరాఘోరతరా శుభా ।

మహాదంష్ట్రా మహామాయా సుదతీ యుగదన్తురా

॥ 10 ॥

శ్లోక 29

సులోచనా విరూపాక్షీ విశాలాక్షీ త్రిలోచనా ।

శారదేన్దుప్రసన్నాస్యా స్ఫురత్స్మేరామ్బుజేక్షణా

॥ 11 ॥

శ్లోక 30

అట్టహాసప్రఫుల్లాస్యా స్మేరవక్త్రా సుభాషిణీ ।

ప్రఫుల్లపద్మవదనా స్మితాస్యా ప్రియభాషిణీ

॥ 12 ॥

శ్లోక 31

కోటరాక్షీ కులశ్రేష్ఠా మహతీ బహుభాషిణీ ।

సుమతిః కుమతిశ్చణ్డా చణ్డముణ్డాతివేగినీ

॥ 13 ॥

శ్లోక 32

సుకేశీ ముక్తకేశీ చ దీర్ఘకేశీ మహాకచా ।

ప్రేతదేహాకర్ణపూరా ప్రేతపాణిసుమేఖలా

॥ 14 ॥

శ్లోక 33

ప్రేతాసనా ప్రియప్రేతా పుణ్యదా కులపణ్డితా ।

పుణ్యాలయా పుణ్యదేహా పుణ్యశ్లోకా చ పావనీ

॥ 15 ॥

శ్లోక 34

పూతా పవిత్రా పరమా పరా పుణ్యవిభూషణా ।

పుణ్యనామ్నీ భీతిహరా వరదా ఖడ్గపాణినీ

॥ 16 ॥

శ్లోక 35

నృముణ్డహస్తా శాన్తా చ ఛిన్నమస్తా సునాసికా ।

దక్షిణా శ్యామలా శ్యామా శాన్తా పీనోన్నతస్తనీ

॥ 17 ॥

శ్లోక 36

దిగమ్బరా ఘోరరావా సృక్కాన్తరక్తవాహినీ ।

ఘోరరావా శివాసఙ్గా నిఃసఙ్గా మదనాతురా

॥ 18 ॥

శ్లోక 37

మత్తా ప్రమత్తా మదనా సుధాసిన్ధునివాసినీ ।

అతిమత్తా మహామత్తా సర్వాకర్షణకారిణీ

॥ 19 ॥

శ్లోక 38

గీతప్రియా వాద్యరతా ప్రేతనృత్యపరాయణా ।

చతుర్భుజా దశభుజా అష్టాదశభుజా తథా

॥ 20 ॥

శ్లోక 39

కాత్యాయనీ జగన్మాతా జగతీ పరమేశ్వరీ ।

జగద్బన్ధుర్జగద్ధాత్రీ జగదానన్దకారిణీ

॥ 21 ॥

శ్లోక 40

జగజ్జీవవతీ హైమవతీ మాయా మహాలయా ।

నాగయజ్ఞోపవీతాఙ్గీ నాగినీ నాగశాయినీ

॥ 22 ॥

శ్లోక 41

నాగకన్యా దేవకన్యా గాన్ధారీ కిన్నరీ సురీ ।

మోహరాత్రీ మహారాత్రీ దారుణామాసురాసురీ

॥ 23 ॥

శ్లోక 42

విద్యాధరీ వసుమతీ యక్షిణీ యోగినీ జరా ।

రాక్షసీ డాకినీ వేదమయీ వేదవిభూషణా

॥ 24 ॥

శ్లోక 43

శ్రుతిస్మృతిమహావిద్యా గుహ్యవిద్యా పురాతనీ ।

చిన్త్యాఽచిన్త్యా స్వధా స్వాహా నిద్రా తన్ద్రా చ పార్వతీ

॥ 25 ॥

శ్లోక 44

అపర్ణా నిశ్చలా లోలా సర్వవిద్యా తపస్వినీ ।

గఙ్గా కాశీ శచీ సీతా సతీ సత్యపరాయణా

॥ 26 ॥

శ్లోక 45

నీతిః సునీతిః సురుచిస్తుష్టిః పుష్టిర్ధృతిః క్షమా ।

వాణీ బుద్ధిర్మహాలక్ష్మీ లక్ష్మీర్నీలసరస్వతీ

॥ 27 ॥

శ్లోక 46

స్రోతస్వతీ స్రోతవతీ మాతఙ్గీ విజయా జయా ।

నదీ సిన్ధుః సర్వమయీ తారా శూన్యనివాసినీ

॥ 28 ॥

శ్లోక 47

శుద్ధా తరఙ్గిణీ మేధా లాకినీ బహురూపిణీ ।

సదానన్దమయీ సత్యా సర్వానన్దస్వరూపిణీ

॥ 29 ॥

శ్లోక 48

సునన్దా నన్దినీ స్తుత్యా స్తవనీయా స్వభావినీ ।

రఙ్కిణీ టఙ్కిణీ చిత్రా విచిత్రా చిత్రరూపిణీ

॥ 30 ॥

శ్లోక 49

పద్మా పద్మాలయా పద్మసుఖీ పద్మవిభూషణా ।

శాకినీ హాకినీ క్షాన్తా రాకిణీ రుధిరప్రియా

॥ 31 ॥

శ్లోక 50

భ్రాన్తిర్భవానీ రుద్రాణీ మృడానీ శత్రుమర్దినీ ।

ఉపేన్ద్రాణీ మహేశానీ జ్యోత్స్నా చేన్ద్రస్వరూపిణీ

॥ 32 ॥

శ్లోక 51

సూర్యాత్మికా రుద్రపత్నీ రౌద్రీ స్త్రీ ప్రకృతిః పుమాన్ ।

శక్తిః సూక్తిర్మతిమతీ భుక్తిర్ముక్తిః పతివ్రతా

॥ 33 ॥

శ్లోక 52

సర్వేశ్వరీ సర్వమాతా శర్వాణీ హరవల్లభా ।

సర్వజ్ఞా సిద్ధిదా సిద్ధా భావ్యా భవ్యా భయాపహా

॥ 34 ॥

శ్లోక 53

కర్త్రీ హర్త్రీ పాలయిత్రీ శర్వరీ తామసీ దయా ।

తమిస్రా యామినీస్థా చ స్థిరా ధీరా తపస్వినీ

॥ 35 ॥

శ్లోక 54

చార్వఙ్గీ చఞ్చలా లోలజిహ్వా చారుచరిత్రిణీ ।

త్రపా త్రపావతీ లజ్జా నిర్లజ్జా హ్రీం రజోవతీ

॥ 36 ॥

శ్లోక 55

సత్త్వవతీ ధర్మనిష్ఠా శ్రేష్ఠా నిష్ఠురవాదినీ ।

గరిష్ఠా దుష్టసంహర్త్రీ విశిష్టా శ్రేయసీ ఘృణా

॥ 37 ॥

శ్లోక 56

భీమా భయానకా భీమనాదినీ భీః ప్రభావతీ ।

వాగీశ్వరీ శ్రీర్యమునా యజ్ఞకర్త్రీ యజుఃప్రియా

॥ 38 ॥

శ్లోక 57

ఋక్సామాథర్వనిలయా రాగిణీ శోభనస్వరా ।

కలకణ్ఠీ కమ్బుకణ్ఠీ వేణువీణాపరాయణా

॥ 39 ॥

శ్లోక 58

వంశినీ వైష్ణవీ స్వచ్ఛా ధాత్రీ త్రిజగదీశ్వరీ ।

మధుమతీ కుణ్డలినీ ఋద్ధిః సిద్ధిః శుచిస్మితా

॥ 40 ॥

శ్లోక 59

రమ్భోర్వశీ రతీ రామా రోహిణీ రేవతీ రమా ।

శఙ్ఖినీ చక్రిణీ కృష్ణా గదినీ పద్మినీ తథా

॥ 41 ॥

శ్లోక 60

శూలినీ పరిఘాస్త్రా చ పాశినీ శార్ఙ్గపాణినీ ।

పినాకధారిణీ ధూమ్రా శరభీ వనమాలినీ

॥ 42 ॥

శ్లోక 61

వజ్రిణీ సమరప్రీతా వేగినీ రణపణ్డితా ।

జటినీ బిమ్బినీ నీలా లావణ్యామ్బుధిచన్ద్రికా

॥ 43 ॥

శ్లోక 62

బలిప్రియా సదాపూజ్యా పూర్ణా దైత్యేన్ద్రమాథినీ ।

మహిషాసురసంహన్త్రీ వాసినీ రక్తదన్తికా

॥ 44 ॥

శ్లోక 63

రక్తపా రుధిరాక్తాఙ్గీ రక్తఖర్పరహస్తినీ ।

రక్తప్రియా మాంసరుచిర్వాసవాసక్తమానసా

॥ 45 ॥

శ్లోక 64

గలచ్ఛోణితముణ్డాలికణ్ఠమాలావిభూషణా ।

శవాసనా చితాన్తస్థా మాహేశీ వృషవాహినీ

॥ 46 ॥

శ్లోక 65

వ్యాఘ్రత్వగమ్బరా చీనచేలినీ సింహవాహినీ ।

వామదేవీ మహాదేవీ గౌరీ సర్వజ్ఞభావినీ

॥ 47 ॥

శ్లోక 66

బాలికా తరుణీ వృద్ధా వృద్ధమాతా జరాతురా ।

సుభ్రుర్విలాసినీ బ్రహ్మవాదినీ బ్రాహ్మణీ మహీ

॥ 48 ॥

శ్లోక 67

స్వప్నవతీ చిత్రలేఖా లోపాముద్రా సురేశ్వరీ ।

అమోఘాఽరున్ధతీ తీక్ష్ణా భోగవత్యనువాదినీ

॥ 49 ॥

శ్లోక 68

మన్దాకినీ మన్దహాసా జ్వాలాముఖ్యసురాన్తకా ।

మానదా మానినీ మాన్యా మాననీయా మదోద్ధతా

॥ 50 ॥

శ్లోక 69

మదిరా మదిరాన్మాదా మేధ్యా నవ్యా ప్రసాదినీ ।

సుమధ్యాఽనన్తగుణినీ సర్వలోకోత్తమోత్తమా

॥ 51 ॥

శ్లోక 70

జయదా జిత్వరా జైత్రీ జయశ్రీర్జయశాలినీ ।

సుఖదా శుభదా సత్యా సభాసఙ్క్షోభకారిణీ

॥ 52 ॥

శ్లోక 71

శివదూతీ భూతిమతీ విభూతిర్భీషణాననా ।

కౌమారీ కులజా కున్తీ కులస్త్రీ కులపాలికా

॥ 53 ॥

శ్లోక 72

కీర్తిర్యశస్వినీ భూషా భూష్యా భూతపతిప్రియా ।

సగుణా నిర్గుణా ధృష్టా నిష్ఠా కాష్ఠా ప్రతిష్ఠితా

॥ 54 ॥

శ్లోక 73

ధనిష్ఠా ధనదా ధన్యా వసుధా స్వప్రకాశినీ ।

ఉర్వీ గుర్వీ గురుశ్రేష్ఠా సగుణా త్రిగుణాత్మికా

॥ 55 ॥

శ్లోక 74

మహాకులీనా నిష్కామా సకామా కామజీవనా ।

కామదేవకలా రామాఽభిరామా శివనర్తకీ

॥ 56 ॥

శ్లోక 75

చిన్తామణిః కల్పలతా జాగ్రతీ దీనవత్సలా ।

కార్తికీ కీర్తికా కృత్యా అయోధ్యా విషమా సమా

॥ 57 ॥

శ్లోక 76

సుమన్త్రా మన్త్రిణీ ఘూర్ణా హ్లాదినీ క్లేశనాశినీ ।

త్రైలోక్యజననీ హృష్టా నిర్మాంసా మనోరూపిణీ

॥ 58 ॥

శ్లోక 77

తడాగనిమ్నజఠరా శుష్కమాంసాస్థిమాలినీ ।

అవన్తీ మథురా మాయా త్రైలోక్యపావనీశ్వరీ

॥ 59 ॥

శ్లోక 78

వ్యక్తాఽవ్యక్తాఽనేకమూర్తిః శర్వరీ భీమనాదినీ ।

క్షేమఙ్కరీ శఙ్కరీ చ సర్వసమ్మోహకారిణీ

॥ 60 ॥

శ్లోక 79

ఊర్ధ్వతేజస్వినీ క్లిన్నా మహాతేజస్వినీ తథా ।

అద్వైతా భోగినీ పూజ్యా యువతీ సర్వమఙ్గలా

॥ 61 ॥

శ్లోక 80

సర్వప్రియఙ్కరీ భోగ్యా ధరణీ పిశితాశనా ।

భయఙ్కరీ పాపహరా నిష్కలఙ్కా వశఙ్కరీ

॥ 62 ॥

శ్లోక 81

ఆశా తృష్ణా చన్ద్రకలా నిద్రాన్యా వాయువేగినీ ।

సహస్రసూర్యసఙ్కాశా చన్ద్రకోటిసమప్రభా

॥ 63 ॥

శ్లోక 82

వహ్నిమణ్డలసంస్థా చ సర్వతత్త్వప్రతిష్ఠితా ।

సర్వాచారవతీ సర్వదేవకన్యాధిదేవతా

॥ 64 ॥

శ్లోక 83

దక్షకన్యా దక్షయజ్ఞనాశినీ దుర్గతారికా ।

ఇజ్యా పూజ్యా విభా భూతిః సత్కీర్తిర్బ్రహ్మరూపిణీ

॥ 65 ॥

శ్లోక 84

రమ్భోరుశ్చతురా రాకా జయన్తీ కరుణా కుహుః ।

మనస్వినీ దేవమాతా యశస్యా బ్రహ్మచారిణీ

॥ 66 ॥

శ్లోక 85

ఋద్ధిదా వృద్ధిదా వృద్ధిః సర్వాద్యా సర్వదాయినీ ।

ఆధారరూపిణీ ధ్యేయా మూలాధారనివాసినీ

॥ 67 ॥

శ్లోక 86

అజ్ఞా ప్రజ్ఞా పూర్ణమనాశ్చన్ద్రముఖ్యనుకూలినీ ।

వావదూకా నిమ్ననాభిః సత్యా సన్ధ్యా దృఢవ్రతా

॥ 68 ॥

శ్లోక 87

ఆన్వీక్షికీ దణ్డనీతిస్త్రయీ త్రిదివసున్దరీ ।

జ్వలినీ జ్వాలినీ శైలతనయా విన్ధ్యవాసినీ

॥ 69 ॥

శ్లోక 88

అమేయా ఖేచరీ ధైర్యా తురీయా విమలాఽఽతురా ।

ప్రగల్భా వారుణీ ఛాయా శశినీ విస్ఫులిఙ్గినీ

॥ 70 ॥

శ్లోక 89

భుక్తిః సిద్ధిః సదాప్రాప్తిః ప్రాకామ్యా మహిమాఽణిమా ।

ఇచ్ఛాసిద్ధిర్విసిద్ధా చ వశిత్వోర్ధ్వనివాసినీ

॥ 71 ॥

శ్లోక 90

లఘిమా చైవ గాయత్రీ సావిత్రీ భువనేశ్వరీ ।

మనోహరా చితా దివ్యా దేవ్యుదారా మనోరమా

॥ 72 ॥

శ్లోక 91

పిఙ్గలా కపిలా జిహ్వారసజ్ఞా రసికా రసా ।

సుషుమ్నేడా భోగవతీ గాన్ధారీ నరకాన్తకా

॥ 73 ॥

శ్లోక 92

పాఞ్చాలీ రుక్మిణీ రాధారాధ్యా భీమాధిరాధికా ।

అమృతా తులసీ వృన్దా కైటభీ కపటేశ్వరీ

॥ 74 ॥

శ్లోక 93

ఉగ్రచణ్డేశ్వరీ వీరా జననీ వీరసున్దరీ ।

ఉగ్రతారా యశోదాఖ్యా దైవకీ దేవమానితా

॥ 75 ॥

శ్లోక 94

నిరఞ్జనా చిత్రదేవీ క్రోధినీ కులదీపికా ।

కులవాగీశ్వరీ వాణీ మాతృకా ద్రావిణీ ద్రవా

॥ 76 ॥

శ్లోక 95

యోగేశ్వరీ మహామారీ భ్రామరీ బిన్దురూపిణీ ।

దూతీ ప్రాణేశ్వరీ గుప్తా బహులా చమరీ ప్రభా

॥ 77 ॥

శ్లోక 96

కుబ్జికా జ్ఞానినీ జ్యేష్ఠా భుశుణ్డీ ప్రకటా తిథిః ।

ద్రవిణీ గోపనీ మాయా కామబీజేశ్వరీ క్రియా

॥ 78 ॥

శ్లోక 97

శామ్భవీ కేకరా మేనా మూషలాస్త్రా తిలోత్తమా ।

అమేయవిక్రమా క్రూరా సమ్పత్శాలా త్రిలోచనా

॥ 79 ॥

శ్లోక 98

స్వస్తిర్హవ్యవహా ప్రీతిరుష్మా ధూమ్రార్చిరఙ్గదా ।

తపినీ తాపినీ విశ్వా భోగదా ధారిణీ ధరా

॥ 80 ॥

శ్లోక 99

త్రిఖణ్డా బోధినీ వశ్యా సకలా శబ్దరూపిణీ ।

బీజరూపా మహాముద్రా యోగినీ యోనిరూపిణీ

॥ 81 ॥

శ్లోక 100

అనఙ్గకుసుమాఽనఙ్గమేఖలాఽనఙ్గరూపిణీ ।

వజ్రేశ్వరీ చ జయినీ సర్వద్వన్ద్వక్షయఙ్కరీ

॥ 82 ॥

శ్లోక 101

షడఙ్గయువతీ యోగయుక్తా జ్వాలాంశుమాలినీ ।

దురాశయా దురాధారా దుర్జయా దుర్గరూపిణీ

॥ 83 ॥

శ్లోక 102

దురన్తా దుష్కృతిహరా దుర్ధ్యేయా దురతిక్రమా ।

హంసేశ్వరీ త్రికోణస్థా శాకమ్భర్యనుకమ్పినీ

॥ 84 ॥

శ్లోక 103

త్రికోణనిలయా నిత్యా పరమామృతరఞ్జితా ।

మహావిద్యేశ్వరీ శ్వేతా భేరుణ్డా కులసున్దరీ

॥ 85 ॥

శ్లోక 104

త్వరితా భక్తిసంసక్తా భక్తవశ్యా సనాతనీ ।

భక్తానన్దమయీ భక్తభావికా భక్తశఙ్కరీ

॥ 86 ॥

శ్లోక 105

సర్వసౌన్దర్యనిలయా సర్వసౌభాగ్యశాలినీ ।

సర్వసమ్భోగభవనా సర్వసౌఖ్యనిరూపిణీ

॥ 87 ॥

శ్లోక 106

కుమారీపూజనరతా కుమారీవ్రతచారిణీ ।

కుమారీభక్తిసుఖినీ కుమారీరూపధారిణీ

॥ 88 ॥

శ్లోక 107

కుమారీపూజకప్రీతా కుమారీప్రీతిదా ప్రియా ।

కుమారీసేవకాసఙ్గా కుమారీసేవకాలయా

॥ 89 ॥

శ్లోక 108

ఆనన్దభైరవీ బాలభైరవీ బటుభైరవీ ।

శ్మశానభైరవీ కాలభైరవీ పురభైరవీ

॥ 90 ॥

శ్లోక 109

మహాభైరవపత్నీ చ పరమానన్దభైరవీ ।

సుధానన్దభైరవీ చ ఉన్మాదానన్దభైరవీ

॥ 91 ॥

శ్లోక 110

ముక్తానన్దభైరవీ చ తథా తరుణభైరవీ ।

జ్ఞానానన్దభైరవీ చ అమృతానన్దభైరవీ

॥ 92 ॥

శ్లోక 111

మహాభయఙ్కరీ తీవ్రా తీవ్రవేగా తపస్వినీ ।

త్రిపురా పరమేశానీ సున్దరీ పురసున్దరీ

॥ 93 ॥

శ్లోక 112

త్రిపురేశీ పఞ్చదశీ పఞ్చమీ పురవాసినీ ।

మహాసప్తదశీ చైవ షోడశీ త్రిపురేశ్వరీ

॥ 94 ॥

శ్లోక 113

మహాఙ్కుశస్వరూపా చ మహాచక్రేశ్వరీ తథా ।

నవచక్రేశ్వరీ చక్రేశ్వరీ త్రిపురమాలినీ

॥ 95 ॥

శ్లోక 114

రాజరాజేశ్వరీ ధీరా మహాత్రిపురసున్దరీ ।

సిన్దూరపూరరుచిరా శ్రీమత్త్రిపురసున్దరీ

॥ 96 ॥

శ్లోక 115

సర్వాఙ్గసున్దరీ రక్తారక్తవస్త్రోత్తరీయిణీ ।

జవాయావకసిన్దూరరక్తచన్దనధారిణీ

॥ 97 ॥

శ్లోక 116

జవాయావకసిన్దూరరక్తచన్దనరూపధృక్ ।

చామరీ బాలకుటిలనిర్మలా శ్యామకేశినీ

॥ 98 ॥

శ్లోక 117

వజ్రమౌక్తికరత్నాఢ్యా కిరీటముకుటోజ్జ్వలా ।

రత్నకుణ్డలసంయుక్తస్ఫురద్గణ్డమనోరమా

॥ 99 ॥

శ్లోక 118

కుఞ్జరేశ్వరకుమ్భోత్థముక్తారఞ్జితనాసికా ।

ముక్తావిద్రుమమాణిక్యహారాఢ్యస్తనమణ్డలా

॥ 100 ॥

శ్లోక 119

సూర్యకాన్తేన్దుకాన్తాఢ్యస్పర్శాశ్మకణ్ఠభూషణా ।

బీజపూరస్ఫురద్బీజదన్తపఙ్క్తిరనుత్తమా

॥ 101 ॥

శ్లోక 120

కామకోదణ్డకాభుగ్నభ్రూకటాక్షప్రవర్షిణీ ।

మాతఙ్గకుమ్భవక్షోజా లసత్కోకనదేక్షణా

॥ 102 ॥

శ్లోక 121

మనోజ్ఞశష్కులీకర్ణా హంసీగతివిడమ్బినీ ।

పద్మరాగాఙ్గదజ్యోతిర్దోశ్చతుష్కప్రకాశినీ

॥ 103 ॥

శ్లోక 122

నానామణిపరిస్ఫూర్జచ్ఛుద్ధకాఞ్చనకఙ్కణా ।

నాగేన్ద్రదన్తనిర్మాణవలయాఙ్కితపాణినీ

॥ 104 ॥

శ్లోక 123

అఙ్గురీయకచిత్రాఙ్గీ విచిత్రక్షుద్రఘణ్టికా ।

పట్టామ్బరపరీధానా కలమఞ్జీరశిఞ్జినీ

॥ 105 ॥

శ్లోక 124

కర్పూరాగరుకస్తూరీకుఙ్కుమద్రవలేపితా ।

విచిత్రరత్నపృథివీకల్పశాఖితలస్థితా

॥ 106 ॥

శ్లోక 125

రత్నద్వీపస్ఫురద్రత్నసింహాసనవిలాసినీ ।

షట్చక్రభేదనకరీ పరమానన్దరూపిణీ

॥ 107 ॥

శ్లోక 126

సహస్రదలపద్మాన్తశ్చన్ద్రమణ్డలవర్తినీ ।

బ్రహ్మరూపా శివక్రోడా నానాసుఖవిలాసినీ

॥ 108 ॥

శ్లోక 127

హరవిష్ణువిరిఞ్చీన్ద్రగ్రహనాయకసేవితా ।

శివా శైవా చ రుద్రాణీ తథైవ శివవాదినీ

॥ 109 ॥

శ్లోక 128

మాతఙ్గినీ శ్రీమతీ చ తథైవానఙ్గమేఖలా ।

డాకినీ యోగినీ చైవ తథోపయోగినీ మతా

॥ 110 ॥

శ్లోక 129

మాహేశ్వరీ వైష్ణవీ చ భ్రామరీ శివరూపిణీ ।

అలమ్బుషా వేగవతీ క్రోధరూపా సుమేఖలా

॥ 111 ॥

శ్లోక 130

గాన్ధారీ హస్తజిహ్వా చ ఇడా చైవ శుభఙ్కరీ ।

పిఙ్గలా బ్రహ్మదూతీ చ సుషుమ్నా చైవ గన్ధినీ

॥ 112 ॥

శ్లోక 131

ఆత్మయోనిర్బ్రహ్మయోనిర్జగద్యోనిరయోనిజా ।

భగరూపా భగస్థాత్రీ భగినీ భగరూపిణీ

॥ 113 ॥

శ్లోక 132

భగాత్మికా భగాధారరూపిణీ భగమాలినీ ।

లిఙ్గాఖ్యా చైవ లిఙ్గేశీ త్రిపురా భైరవీ తథా

॥ 114 ॥

శ్లోక 133

లిఙ్గగీతిః సుగీతిశ్చ లిఙ్గస్థా లిఙ్గరూపధృక్ ।

లిఙ్గమానా లిఙ్గభవా లిఙ్గలిఙ్గా చ పార్వతీ

॥ 115 ॥

శ్లోక 134

భగవతీ కౌశికీ చ ప్రేమా చైవ ప్రియంవదా ।

గృధ్రరూపా శివారూపా చక్రిణీ చక్రరూపధృక్

॥ 116 ॥

శ్లోక 135

లిఙ్గాభిధాయినీ లిఙ్గప్రియా లిఙ్గనివాసినీ ।

లిఙ్గస్థా లిఙ్గనీ లిఙ్గరూపిణీ లిఙ్గసున్దరీ

॥ 117 ॥

శ్లోక 136

లిఙ్గగీతిర్మహాప్రీతా భగగీతిర్మహాసుఖా ।

లిఙ్గనామసదానన్దా భగనామసదాగతిః

॥ 118 ॥

శ్లోక 137

లిఙ్గమాలాకణ్ఠభూషా భగమాలావిభూషణా ।

భగలిఙ్గామృతప్రీతా భగలిఙ్గస్వరూపిణీ

॥ 119 ॥

శ్లోక 138

భగలిఙ్గస్య రూపా చ భగలిఙ్గసుఖావహా ।

స్వయమ్భూకుసుమప్రీతా స్వయమ్భూకుసుమార్చితా

॥ 120 ॥

శ్లోక 139

స్వయమ్భూకుసుమప్రాణా స్వయమ్భూపుష్పతర్పితా ।

స్వయమ్భూపుష్పఘటితా స్వయమ్భూపుష్పధారిణీ

॥ 121 ॥

శ్లోక 140

స్వయమ్భూపుష్పతిలకా స్వయమ్భూపుష్పచర్చితా ।

స్వయమ్భూపుష్పనిరతా స్వయమ్భూకుసుమగ్రహా

॥ 122 ॥

శ్లోక 141

స్వయమ్భూపుష్పయజ్ఞాంశా స్వయమ్భూకుసుమాత్మికా ।

స్వయమ్భూపుష్పనిచితా స్వయమ్భూకుసుమప్రియా

॥ 123 ॥

శ్లోక 142

స్వయమ్భూకుసుమాదానలాలసోన్మత్తమానసా ।

స్వయమ్భూకుసుమానన్దలహరీస్నిగ్ధదేహినీ

॥ 124 ॥

శ్లోక 143

స్వయమ్భూకుసుమాధారా స్వయమ్భూకుసుమాకులా ।

స్వయమ్భూపుష్పనిలయా స్వయమ్భూపుష్పవాసినీ

॥ 125 ॥

శ్లోక 144

స్వయమ్భూకుసుమస్నిగ్ధా స్వయమ్భూకుసుమాత్మికా ।

స్వయమ్భూపుష్పకరిణీ స్వయమ్భూపుష్పవాణికా

॥ 126 ॥

శ్లోక 145

స్వయమ్భూకుసుమధ్యానా స్వయమ్భూకుసుమప్రభా ।

స్వయమ్భూకుసుమజ్ఞానా స్వయమ్భూపుష్పభాగినీ

॥ 127 ॥

శ్లోక 146

స్వయమ్భూకుసుమోల్లాసా స్వయమ్భూపుష్పవర్షిణీ ।

స్వయమ్భూకుసుమోత్సాహా స్వయమ్భూపుష్పరూపిణీ

॥ 128 ॥

శ్లోక 147

స్వయమ్భూకుసుమోన్మాదా స్వయమ్భూపుష్పసున్దరీ ।

స్వయమ్భూకుసుమారాధ్యా స్వయమ్భూకుసుమోద్భవా

॥ 129 ॥

శ్లోక 148

స్వయమ్భూకుసుమావ్యగ్రా స్వయమ్భూపుష్పపూర్ణితా ।

స్వయమ్భూపూజకప్రాజ్ఞా స్వయమ్భూహోతృమాతృకా

॥ 130 ॥

శ్లోక 149

స్వయమ్భూదాతృరక్షిత్రీ స్వయమ్భూరక్తతారికా ।

స్వయమ్భూపూజకగ్రస్తా స్వయమ్భూపూజకప్రియా

॥ 131 ॥

శ్లోక 150

స్వయమ్భూవన్దకాధారా స్వయమ్భూనిన్దకాన్తకా ।

స్వయమ్భూప్రదసర్వస్వా స్వయమ్భూప్రదపుత్రిణీ

॥ 132 ॥

శ్లోక 151

స్వయమ్భూప్రదసస్మేరా స్వయమ్భూతశరీరిణీ ।

సర్వకాలోద్భవప్రీతా సర్వకాలోద్భవాత్మికా

॥ 133 ॥

శ్లోక 152

సర్వకాలోద్భవోద్భావా సర్వకాలోద్భవోద్భవా ।

కుణ్డపుష్పసదాప్రీతా కుణ్డపుష్పసదారతిః

॥ 134 ॥

శ్లోక 153

కుణ్డగోలోద్భవప్రాణా కుణ్డగోలోద్భవాత్మికా ।

స్వయమ్భూర్వా శివా ధాత్రీ పావనీ లోకపావనీ

॥ 135 ॥

శ్లోక 154

కీర్తిర్యశస్వినీ మేధా విమేధా శుక్రసున్దరీ ।

అశ్వినీ కృత్తికా పుష్యా తేజస్కా చన్ద్రమణ్డలా

॥ 136 ॥

శ్లోక 155

సూక్ష్మాఽసూక్ష్మా బలాకా చ వరదా భయనాశినీ ।

వరదాఽభయదా చైవ ముక్తిబన్ధవినాశినీ

॥ 137 ॥

శ్లోక 156

కాముకా కామదా కాన్తా కామాఖ్యా కులసున్దరీ ।

దుఃఖదా సుఖదా మోక్షా మోక్షదార్థప్రకాశినీ

॥ 138 ॥

శ్లోక 157

దుష్టాదుష్టమతిశ్చైవ సర్వకార్యవినాశినీ ।

శుక్రాధారా శుక్రరూపా శుక్రసిన్ధునివాసినీ

॥ 139 ॥

శ్లోక 158

శుక్రాలయా శుక్రభోగా శుక్రపూజాసదారతిః ।

శుక్రపూజ్యా శుక్రహోమసన్తుష్టా శుక్రవత్సలా

॥ 140 ॥

శ్లోక 159

శుక్రమూర్తిః శుక్రదేహా శుక్రపూజకపుత్రిణీ ।

శుక్రస్థా శుక్రిణీ శుక్రసంస్పృహా శుక్రసున్దరీ

॥ 141 ॥

శ్లోక 160

శుక్రస్నాతా శుక్రకరీ శుక్రసేవ్యాఽతిశుక్రిణీ ।

మహాశుక్రా శుక్రభవా శుక్రవృష్టివిధాయినీ

॥ 142 ॥

శ్లోక 161

శుక్రాభిధేయా శుక్రార్హా శుక్రవన్దకవన్దితా ।

శుక్రానన్దకరీ శుక్రసదానన్దాభిధాయికా

॥ 143 ॥

శ్లోక 162

శుక్రోత్సవా సదాశుక్రపూర్ణా శుక్రమనోరమా ।

శుక్రపూజకసర్వస్వా శుక్రనిన్దకనాశినీ

॥ 144 ॥

శ్లోక 163

శుక్రాత్మికా శుక్రసంవత్ శుక్రాకర్షణకారిణీ ।

శారదా సాధకప్రాణా సాధకాసక్తమానసా

॥ 145 ॥

శ్లోక 164

సాధకోత్తమసర్వస్వా సాధకాభక్తరక్తపా ।

సాధకానన్దసన్తోషా సాధకానన్దకారిణీ

॥ 146 ॥

శ్లోక 165

ఆత్మవిద్యా బ్రహ్మవిద్యా పరబ్రహ్మస్వరూపిణీ ।

త్రికూటస్థా పఞ్చకూటా సర్వకూటశరీరిణీ

॥ 147 ॥

శ్లోక 166

సర్వవర్ణమయీ వర్ణజపమాలావిధాయినీ ।

ఇతి శ్రీకాలికానామసహస్రం శివభాషితమ్

॥ 148 ॥

శ్లోక 167

గుహ్యాద్గుహ్యతరం సాక్షాన్మహాపాతకనాశనమ్ ।

పూజాకాలే నిశీథే చ సన్ధ్యయోరుభయోరపి

॥ 149 ॥

శ్లోక 168

లభతే గాణపత్యం స యః పఠేత్ సాధకోత్తమః ।

యః పఠేత్ పాఠయేద్వాపి శృణోతి శ్రావయేదపి

॥ 150 ॥

శ్లోక 169

సర్వపాపవినిర్ముక్తః స యాతి కాలికాపురమ్ ।

శ్రద్ధయాఽశ్రద్ధయా వాపి యః కశ్చిన్మానవః స్మరేత్

॥ 151 ॥

శ్లోక 170

దుర్గం దుర్గశతం తీర్త్వా స యాతి పరమాఙ్గతిమ్ ।

వన్ధ్యా వా కాకవన్ధ్యా వా మృతవత్సా చ యాఙ్గనా

॥ 152 ॥

శ్లోక 171

శ్రుత్వా స్తోత్రమిదం పుత్రాన్ లభతే చిరజీవినః ।

యం యం కామయతే కామం పఠన్ స్తోత్రమనుత్తమమ్ ।

దేవీపాదప్రసాదేన తత్తదాప్నోతి నిశ్చితమ్

॥ 153 ॥

శ్లోక 172

ఇతి శ్రీకాలికాకులసర్వస్వే హరపరశురామసంవాదే శ్రీ కాలికా సహస్రనామ స్తోత్రమ్ ।