ശ്രീ കാലികാ സഹസ്ര നാമ സ്തോത്രമ്

ശ്രീ കാലികാ സഹസ്ര നാമ സ്തോത്രമ്

ശ്ലോക 1

ശ്രീ ശിവ ഉവാച ।

കഥിതോഽയം മഹാമന്ത്രഃ സര്വമന്ത്രോത്തമോത്തമഃ ।

യാമാസാദ്യ മയാ പ്രാപ്തമൈശ്വര്യപദമുത്തമമ്

ശ്ലോക 2

സംയുക്തഃ പരയാ ഭക്ത്യാ യഥോക്ത വിധിനാ ഭവാന് ।

കുരുതാമര്ചനം ദേവ്യാസ്ത്രൈലോക്യവിജിഗീഷയാ

॥ 1 ॥

ശ്ലോക 3

ശ്രീപരശുരാമ ഉവാച ।

പ്രസന്നോ യദി മേ ദേവ പരമേശ പുരാതന ।

രഹസ്യം പരമം ദേവ്യാഃ കൃപയാ കഥയ പ്രഭോ

॥ 2 ॥

ശ്ലോക 4

വിനാര്ചനം വിനാ ഹോമം വിനാ ന്യാസം വിനാ ബലിമ് ।

വിനാ ഗന്ധം വിനാ പുഷ്പം വിനാ നിത്യോദിതാം ക്രിയാമ്

॥ 3 ॥

ശ്ലോക 5

പ്രാണായാമം വിനാ ധ്യാനം വിനാ ഭൂതവിശോധനമ് ।

വിനാ ദാനം വിനാ ജാപം യേന കാലീ പ്രസീദതി

॥ 4 ॥

ശ്ലോക 6

ശ്രീ ശിവ ഉവാച ।

പൃഷ്ടം ത്വയോത്തമം പ്രാജ്ഞ ഭൃഗുവംശ സമുദ്ഭവ ।

ഭക്താനാമപി ഭക്തോഽസി ത്വമേവ സാധയിഷ്യസി

॥ 5 ॥

ശ്ലോക 7

ദേവീം ദാനവകോടിഘ്നീം ലീലയാ രുധിരപ്രിയാമ് ।

സദാ സ്തോത്രപ്രിയാമുഗ്രാം കാമകൌതുകലാലസാമ്

॥ 6 ॥

ശ്ലോക 8

സര്വദാഽഽനന്ദഹൃദയാമാസവോത്സവ മാനസാമ് ।

മാധ്വീക മത്സ്യമാംസാനുരാഗിണീം വൈഷ്ണവീം പരാമ്

॥ 7 ॥

ശ്ലോക 9

ശ്മശാനവാസിനീം പ്രേതഗണനൃത്യമഹോത്സവാമ് ।

യോഗപ്രഭാവാം യോഗേശീം യോഗീന്ദ്രഹൃദയസ്ഥിതാമ്

॥ 8 ॥

ശ്ലോക 10

താമുഗ്രകാലികാം രാമ പ്രസീദയിതുമര്ഹസി ।

തസ്യാഃ സ്തോത്രം പരം പുണ്യം സ്വയം കാല്യാ പ്രകാശിതമ്

॥ 9 ॥

ശ്ലോക 11

തവ തത് കഥയിഷ്യാമി ശ്രുത്വാ വത്സാവധാരയ ।

ഗോപനീയം പ്രയത്നേന പഠനീയം പരാത്പരമ്

॥ 10 ॥

ശ്ലോക 12

യസ്യൈകകാലപഠനാത് സര്വേ വിഘ്നാഃ സമാകുലാഃ ।

നശ്യന്തി ദഹനേ ദീപ്തേ പതങ്ഗാ ഇവ സര്വതഃ

॥ 11 ॥

ശ്ലോക 13

ഗദ്യപദ്യമയീ വാണീ തസ്യ ഗങ്ഗാപ്രവാഹവത് ।

തസ്യ ദര്ശനമാത്രേണ വാദിനോ നിഷ്പ്രഭാം ഗതാഃ

॥ 12 ॥

ശ്ലോക 14

തസ്യ ഹസ്തേ സദൈവാസ്തി സര്വസിദ്ധിര്ന സംശയഃ ।

രാജാനോഽപി ച ദാസത്വം ഭജന്തേ കിം പരേ ജനാഃ

॥ 13 ॥

ശ്ലോക 15

നിശീഥേ മുക്തകേശസ്തു നഗ്നഃ ശക്തിസമാഹിതഃ ।

മനസാ ചിന്തയേത് കാലീം മഹാകാലേന ചാലിതാമ്

॥ 14 ॥

ശ്ലോക 16

പഠേത് സഹസ്രനാമാഖ്യം സ്തോത്രം മോക്ഷസ്യ സാധനമ് ।

പ്രസന്നാ കാലികാ തസ്യ പുത്രത്വേനാനുകമ്പതേ

॥ 15 ॥

ശ്ലോക 17

യഥാ ബ്രഹ്മമൃതൈര്ബ്രഹ്മകുസുമൈഃ പൂജിതാ പരാ ।

പ്രസീദതി തഥാനേന സ്തുതാ കാലീ പ്രസീദതി

॥ 16 ॥

ശ്ലോക 18

വിനിയോഗഃ –

അസ്യ ശ്രീ ദക്ഷിണകാലികാ സഹസ്രനാമ സ്തോത്രസ്യ മഹാകാലഭൈരവ ഋഷിഃ അനുഷ്ടുപ് ഛന്ദഃ ശ്മശാനകാലീ ദേവതാ ധര്മാര്ഥകാമമോക്ഷാര്ഥേ പാഠേ വിനിയോഗഃ ।

ധ്യാനമ് –

ശവാരൂഢാം മഹാഭീമാം ഘോരദംഷ്ട്രാം ഹസന്മുഖീം

ചതുര്ഭുജാം ഖഡ്ഗമുണ്ഡവരാഭയകരാം ശിവാമ് ।

മുണ്ഡമാലാധരാം ദേവീം ലലാജ്ജിഹ്വാം ദിഗമ്ബരാം

ഏവം സഞ്ചിന്തയേത്കാലീം ശ്മശാനാലയവാസിനീമ് ॥

സ്തോത്രമ് –

ശ്മശാനകാലികാ കാലീ ഭദ്രകാലീ കപാലിനീ ।

ഗുഹ്യകാലീ മഹാകാലീ കുരുകുല്ലാ വിരോധിനീ

॥ 17 ॥

ശ്ലോക 19

കാലികാ കാലരാത്രിശ്ച മഹാകാലനിതമ്ബിനീ ।

കാലഭൈരവഭാര്യാ ച കുലവര്ത്മപ്രകാശിനീ

॥ 1 ॥

ശ്ലോക 20

കാമദാ കാമിനീ കന്യാ കമനീയസ്വരൂപിണീ ।

കസ്തൂരീരസലിപ്താങ്ഗീ കുഞ്ജരേശ്വരഗാമിനീ

॥ 2 ॥

ശ്ലോക 21

കകാരവര്ണസര്വാങ്ഗീ കാമിനീ കാമസുന്ദരീ ।

കാമാര്താ കാമരൂപാ ച കാമധേനുഃ കലാവതീ

॥ 3 ॥

ശ്ലോക 22

കാന്താ കാമസ്വരൂപാ ച കാമാഖ്യാ കുലകാമിനീ ।

കുലീനാ കുലവത്യമ്ബാ ദുര്ഗാ ദുര്ഗതിനാശിനീ

॥ 4 ॥

ശ്ലോക 23

കൌമാരീ കലജാ കൃഷ്ണാ കൃഷ്ണദേഹാ കൃശോദരീ ।

കൃശാങ്ഗീ കുലിശാങ്ഗീ ച ക്രീങ്കാരീ കമലാ കലാ

॥ 5 ॥

ശ്ലോക 24

കരാലാസ്യാ കരാലീ ച കുലകാന്താഽപരാജിതാ ।

ഉഗ്രാ ഉഗ്രപ്രഭാ ദീപ്താ വിപ്രചിത്താ മഹാബലാ

॥ 6 ॥

ശ്ലോക 25

നീലാ ഘനാ മേഘനാദാ മാത്രാ മുദ്രാ മിതാമിതാ ।

ബ്രാഹ്മീ നാരായണീ ഭദ്രാ സുഭദ്രാ ഭക്തവത്സലാ

॥ 7 ॥

ശ്ലോക 26

മാഹേശ്വരീ ച ചാമുണ്ഡാ വാരാഹീ നാരസിംഹികാ ।

വജ്രാങ്ഗീ വജ്രകങ്കാലീ നൃമുണ്ഡസ്രഗ്വിണീ ശിവാ

॥ 8 ॥

ശ്ലോക 27

മാലിനീ നരമുണ്ഡാലീ ഗലദ്രക്തവിഭൂഷണാ ।

രക്തചന്ദനസിക്താങ്ഗീ സിന്ദൂരാരുണമസ്തകാ

॥ 9 ॥

ശ്ലോക 28

ഘോരരൂപാ ഘോരദംഷ്ട്രാ ഘോരാഘോരതരാ ശുഭാ ।

മഹാദംഷ്ട്രാ മഹാമായാ സുദതീ യുഗദന്തുരാ

॥ 10 ॥

ശ്ലോക 29

സുലോചനാ വിരൂപാക്ഷീ വിശാലാക്ഷീ ത്രിലോചനാ ।

ശാരദേന്ദുപ്രസന്നാസ്യാ സ്ഫുരത്സ്മേരാമ്ബുജേക്ഷണാ

॥ 11 ॥

ശ്ലോക 30

അട്ടഹാസപ്രഫുല്ലാസ്യാ സ്മേരവക്ത്രാ സുഭാഷിണീ ।

പ്രഫുല്ലപദ്മവദനാ സ്മിതാസ്യാ പ്രിയഭാഷിണീ

॥ 12 ॥

ശ്ലോക 31

കോടരാക്ഷീ കുലശ്രേഷ്ഠാ മഹതീ ബഹുഭാഷിണീ ।

സുമതിഃ കുമതിശ്ചണ്ഡാ ചണ്ഡമുണ്ഡാതിവേഗിനീ

॥ 13 ॥

ശ്ലോക 32

സുകേശീ മുക്തകേശീ ച ദീര്ഘകേശീ മഹാകചാ ।

പ്രേതദേഹാകര്ണപൂരാ പ്രേതപാണിസുമേഖലാ

॥ 14 ॥

ശ്ലോക 33

പ്രേതാസനാ പ്രിയപ്രേതാ പുണ്യദാ കുലപണ്ഡിതാ ।

പുണ്യാലയാ പുണ്യദേഹാ പുണ്യശ്ലോകാ ച പാവനീ

॥ 15 ॥

ശ്ലോക 34

പൂതാ പവിത്രാ പരമാ പരാ പുണ്യവിഭൂഷണാ ।

പുണ്യനാമ്നീ ഭീതിഹരാ വരദാ ഖഡ്ഗപാണിനീ

॥ 16 ॥

ശ്ലോക 35

നൃമുണ്ഡഹസ്താ ശാന്താ ച ഛിന്നമസ്താ സുനാസികാ ।

ദക്ഷിണാ ശ്യാമലാ ശ്യാമാ ശാന്താ പീനോന്നതസ്തനീ

॥ 17 ॥

ശ്ലോക 36

ദിഗമ്ബരാ ഘോരരാവാ സൃക്കാന്തരക്തവാഹിനീ ।

ഘോരരാവാ ശിവാസങ്ഗാ നിഃസങ്ഗാ മദനാതുരാ

॥ 18 ॥

ശ്ലോക 37

മത്താ പ്രമത്താ മദനാ സുധാസിന്ധുനിവാസിനീ ।

അതിമത്താ മഹാമത്താ സര്വാകര്ഷണകാരിണീ

॥ 19 ॥

ശ്ലോക 38

ഗീതപ്രിയാ വാദ്യരതാ പ്രേതനൃത്യപരായണാ ।

ചതുര്ഭുജാ ദശഭുജാ അഷ്ടാദശഭുജാ തഥാ

॥ 20 ॥

ശ്ലോക 39

കാത്യായനീ ജഗന്മാതാ ജഗതീ പരമേശ്വരീ ।

ജഗദ്ബന്ധുര്ജഗദ്ധാത്രീ ജഗദാനന്ദകാരിണീ

॥ 21 ॥

ശ്ലോക 40

ജഗജ്ജീവവതീ ഹൈമവതീ മായാ മഹാലയാ ।

നാഗയജ്ഞോപവീതാങ്ഗീ നാഗിനീ നാഗശായിനീ

॥ 22 ॥

ശ്ലോക 41

നാഗകന്യാ ദേവകന്യാ ഗാന്ധാരീ കിന്നരീ സുരീ ।

മോഹരാത്രീ മഹാരാത്രീ ദാരുണാമാസുരാസുരീ

॥ 23 ॥

ശ്ലോക 42

വിദ്യാധരീ വസുമതീ യക്ഷിണീ യോഗിനീ ജരാ ।

രാക്ഷസീ ഡാകിനീ വേദമയീ വേദവിഭൂഷണാ

॥ 24 ॥

ശ്ലോക 43

ശ്രുതിസ്മൃതിമഹാവിദ്യാ ഗുഹ്യവിദ്യാ പുരാതനീ ।

ചിന്ത്യാഽചിന്ത്യാ സ്വധാ സ്വാഹാ നിദ്രാ തന്ദ്രാ ച പാര്വതീ

॥ 25 ॥

ശ്ലോക 44

അപര്ണാ നിശ്ചലാ ലോലാ സര്വവിദ്യാ തപസ്വിനീ ।

ഗങ്ഗാ കാശീ ശചീ സീതാ സതീ സത്യപരായണാ

॥ 26 ॥

ശ്ലോക 45

നീതിഃ സുനീതിഃ സുരുചിസ്തുഷ്ടിഃ പുഷ്ടിര്ധൃതിഃ ക്ഷമാ ।

വാണീ ബുദ്ധിര്മഹാലക്ഷ്മീ ലക്ഷ്മീര്നീലസരസ്വതീ

॥ 27 ॥

ശ്ലോക 46

സ്രോതസ്വതീ സ്രോതവതീ മാതങ്ഗീ വിജയാ ജയാ ।

നദീ സിന്ധുഃ സര്വമയീ താരാ ശൂന്യനിവാസിനീ

॥ 28 ॥

ശ്ലോക 47

ശുദ്ധാ തരങ്ഗിണീ മേധാ ലാകിനീ ബഹുരൂപിണീ ।

സദാനന്ദമയീ സത്യാ സര്വാനന്ദസ്വരൂപിണീ

॥ 29 ॥

ശ്ലോക 48

സുനന്ദാ നന്ദിനീ സ്തുത്യാ സ്തവനീയാ സ്വഭാവിനീ ।

രങ്കിണീ ടങ്കിണീ ചിത്രാ വിചിത്രാ ചിത്രരൂപിണീ

॥ 30 ॥

ശ്ലോക 49

പദ്മാ പദ്മാലയാ പദ്മസുഖീ പദ്മവിഭൂഷണാ ।

ശാകിനീ ഹാകിനീ ക്ഷാന്താ രാകിണീ രുധിരപ്രിയാ

॥ 31 ॥

ശ്ലോക 50

ഭ്രാന്തിര്ഭവാനീ രുദ്രാണീ മൃഡാനീ ശത്രുമര്ദിനീ ।

ഉപേന്ദ്രാണീ മഹേശാനീ ജ്യോത്സ്നാ ചേന്ദ്രസ്വരൂപിണീ

॥ 32 ॥

ശ്ലോക 51

സൂര്യാത്മികാ രുദ്രപത്നീ രൌദ്രീ സ്ത്രീ പ്രകൃതിഃ പുമാന് ।

ശക്തിഃ സൂക്തിര്മതിമതീ ഭുക്തിര്മുക്തിഃ പതിവ്രതാ

॥ 33 ॥

ശ്ലോക 52

സര്വേശ്വരീ സര്വമാതാ ശര്വാണീ ഹരവല്ലഭാ ।

സര്വജ്ഞാ സിദ്ധിദാ സിദ്ധാ ഭാവ്യാ ഭവ്യാ ഭയാപഹാ

॥ 34 ॥

ശ്ലോക 53

കര്ത്രീ ഹര്ത്രീ പാലയിത്രീ ശര്വരീ താമസീ ദയാ ।

തമിസ്രാ യാമിനീസ്ഥാ ച സ്ഥിരാ ധീരാ തപസ്വിനീ

॥ 35 ॥

ശ്ലോക 54

ചാര്വങ്ഗീ ചഞ്ചലാ ലോലജിഹ്വാ ചാരുചരിത്രിണീ ।

ത്രപാ ത്രപാവതീ ലജ്ജാ നിര്ലജ്ജാ ഹ്രീം രജോവതീ

॥ 36 ॥

ശ്ലോക 55

സത്ത്വവതീ ധര്മനിഷ്ഠാ ശ്രേഷ്ഠാ നിഷ്ഠുരവാദിനീ ।

ഗരിഷ്ഠാ ദുഷ്ടസംഹര്ത്രീ വിശിഷ്ടാ ശ്രേയസീ ഘൃണാ

॥ 37 ॥

ശ്ലോക 56

ഭീമാ ഭയാനകാ ഭീമനാദിനീ ഭീഃ പ്രഭാവതീ ।

വാഗീശ്വരീ ശ്രീര്യമുനാ യജ്ഞകര്ത്രീ യജുഃപ്രിയാ

॥ 38 ॥

ശ്ലോക 57

ഋക്സാമാഥര്വനിലയാ രാഗിണീ ശോഭനസ്വരാ ।

കലകണ്ഠീ കമ്ബുകണ്ഠീ വേണുവീണാപരായണാ

॥ 39 ॥

ശ്ലോക 58

വംശിനീ വൈഷ്ണവീ സ്വച്ഛാ ധാത്രീ ത്രിജഗദീശ്വരീ ।

മധുമതീ കുണ്ഡലിനീ ഋദ്ധിഃ സിദ്ധിഃ ശുചിസ്മിതാ

॥ 40 ॥

ശ്ലോക 59

രമ്ഭോര്വശീ രതീ രാമാ രോഹിണീ രേവതീ രമാ ।

ശങ്ഖിനീ ചക്രിണീ കൃഷ്ണാ ഗദിനീ പദ്മിനീ തഥാ

॥ 41 ॥

ശ്ലോക 60

ശൂലിനീ പരിഘാസ്ത്രാ ച പാശിനീ ശാര്ങ്ഗപാണിനീ ।

പിനാകധാരിണീ ധൂമ്രാ ശരഭീ വനമാലിനീ

॥ 42 ॥

ശ്ലോക 61

വജ്രിണീ സമരപ്രീതാ വേഗിനീ രണപണ്ഡിതാ ।

ജടിനീ ബിമ്ബിനീ നീലാ ലാവണ്യാമ്ബുധിചന്ദ്രികാ

॥ 43 ॥

ശ്ലോക 62

ബലിപ്രിയാ സദാപൂജ്യാ പൂര്ണാ ദൈത്യേന്ദ്രമാഥിനീ ।

മഹിഷാസുരസംഹന്ത്രീ വാസിനീ രക്തദന്തികാ

॥ 44 ॥

ശ്ലോക 63

രക്തപാ രുധിരാക്താങ്ഗീ രക്തഖര്പരഹസ്തിനീ ।

രക്തപ്രിയാ മാംസരുചിര്വാസവാസക്തമാനസാ

॥ 45 ॥

ശ്ലോക 64

ഗലച്ഛോണിതമുണ്ഡാലികണ്ഠമാലാവിഭൂഷണാ ।

ശവാസനാ ചിതാന്തസ്ഥാ മാഹേശീ വൃഷവാഹിനീ

॥ 46 ॥

ശ്ലോക 65

വ്യാഘ്രത്വഗമ്ബരാ ചീനചേലിനീ സിംഹവാഹിനീ ।

വാമദേവീ മഹാദേവീ ഗൌരീ സര്വജ്ഞഭാവിനീ

॥ 47 ॥

ശ്ലോക 66

ബാലികാ തരുണീ വൃദ്ധാ വൃദ്ധമാതാ ജരാതുരാ ।

സുഭ്രുര്വിലാസിനീ ബ്രഹ്മവാദിനീ ബ്രാഹ്മണീ മഹീ

॥ 48 ॥

ശ്ലോക 67

സ്വപ്നവതീ ചിത്രലേഖാ ലോപാമുദ്രാ സുരേശ്വരീ ।

അമോഘാഽരുന്ധതീ തീക്ഷ്ണാ ഭോഗവത്യനുവാദിനീ

॥ 49 ॥

ശ്ലോക 68

മന്ദാകിനീ മന്ദഹാസാ ജ്വാലാമുഖ്യസുരാന്തകാ ।

മാനദാ മാനിനീ മാന്യാ മാനനീയാ മദോദ്ധതാ

॥ 50 ॥

ശ്ലോക 69

മദിരാ മദിരാന്മാദാ മേധ്യാ നവ്യാ പ്രസാദിനീ ।

സുമധ്യാഽനന്തഗുണിനീ സര്വലോകോത്തമോത്തമാ

॥ 51 ॥

ശ്ലോക 70

ജയദാ ജിത്വരാ ജൈത്രീ ജയശ്രീര്ജയശാലിനീ ।

സുഖദാ ശുഭദാ സത്യാ സഭാസങ്ക്ഷോഭകാരിണീ

॥ 52 ॥

ശ്ലോക 71

ശിവദൂതീ ഭൂതിമതീ വിഭൂതിര്ഭീഷണാനനാ ।

കൌമാരീ കുലജാ കുന്തീ കുലസ്ത്രീ കുലപാലികാ

॥ 53 ॥

ശ്ലോക 72

കീര്തിര്യശസ്വിനീ ഭൂഷാ ഭൂഷ്യാ ഭൂതപതിപ്രിയാ ।

സഗുണാ നിര്ഗുണാ ധൃഷ്ടാ നിഷ്ഠാ കാഷ്ഠാ പ്രതിഷ്ഠിതാ

॥ 54 ॥

ശ്ലോക 73

ധനിഷ്ഠാ ധനദാ ധന്യാ വസുധാ സ്വപ്രകാശിനീ ।

ഉര്വീ ഗുര്വീ ഗുരുശ്രേഷ്ഠാ സഗുണാ ത്രിഗുണാത്മികാ

॥ 55 ॥

ശ്ലോക 74

മഹാകുലീനാ നിഷ്കാമാ സകാമാ കാമജീവനാ ।

കാമദേവകലാ രാമാഽഭിരാമാ ശിവനര്തകീ

॥ 56 ॥

ശ്ലോക 75

ചിന്താമണിഃ കല്പലതാ ജാഗ്രതീ ദീനവത്സലാ ।

കാര്തികീ കീര്തികാ കൃത്യാ അയോധ്യാ വിഷമാ സമാ

॥ 57 ॥

ശ്ലോക 76

സുമന്ത്രാ മന്ത്രിണീ ഘൂര്ണാ ഹ്ലാദിനീ ക്ലേശനാശിനീ ।

ത്രൈലോക്യജനനീ ഹൃഷ്ടാ നിര്മാംസാ മനോരൂപിണീ

॥ 58 ॥

ശ്ലോക 77

തഡാഗനിമ്നജഠരാ ശുഷ്കമാംസാസ്ഥിമാലിനീ ।

അവന്തീ മഥുരാ മായാ ത്രൈലോക്യപാവനീശ്വരീ

॥ 59 ॥

ശ്ലോക 78

വ്യക്താഽവ്യക്താഽനേകമൂര്തിഃ ശര്വരീ ഭീമനാദിനീ ।

ക്ഷേമങ്കരീ ശങ്കരീ ച സര്വസമ്മോഹകാരിണീ

॥ 60 ॥

ശ്ലോക 79

ഊര്ധ്വതേജസ്വിനീ ക്ലിന്നാ മഹാതേജസ്വിനീ തഥാ ।

അദ്വൈതാ ഭോഗിനീ പൂജ്യാ യുവതീ സര്വമങ്ഗലാ

॥ 61 ॥

ശ്ലോക 80

സര്വപ്രിയങ്കരീ ഭോഗ്യാ ധരണീ പിശിതാശനാ ।

ഭയങ്കരീ പാപഹരാ നിഷ്കലങ്കാ വശങ്കരീ

॥ 62 ॥

ശ്ലോക 81

ആശാ തൃഷ്ണാ ചന്ദ്രകലാ നിദ്രാന്യാ വായുവേഗിനീ ।

സഹസ്രസൂര്യസങ്കാശാ ചന്ദ്രകോടിസമപ്രഭാ

॥ 63 ॥

ശ്ലോക 82

വഹ്നിമണ്ഡലസംസ്ഥാ ച സര്വതത്ത്വപ്രതിഷ്ഠിതാ ।

സര്വാചാരവതീ സര്വദേവകന്യാധിദേവതാ

॥ 64 ॥

ശ്ലോക 83

ദക്ഷകന്യാ ദക്ഷയജ്ഞനാശിനീ ദുര്ഗതാരികാ ।

ഇജ്യാ പൂജ്യാ വിഭാ ഭൂതിഃ സത്കീര്തിര്ബ്രഹ്മരൂപിണീ

॥ 65 ॥

ശ്ലോക 84

രമ്ഭോരുശ്ചതുരാ രാകാ ജയന്തീ കരുണാ കുഹുഃ ।

മനസ്വിനീ ദേവമാതാ യശസ്യാ ബ്രഹ്മചാരിണീ

॥ 66 ॥

ശ്ലോക 85

ഋദ്ധിദാ വൃദ്ധിദാ വൃദ്ധിഃ സര്വാദ്യാ സര്വദായിനീ ।

ആധാരരൂപിണീ ധ്യേയാ മൂലാധാരനിവാസിനീ

॥ 67 ॥

ശ്ലോക 86

അജ്ഞാ പ്രജ്ഞാ പൂര്ണമനാശ്ചന്ദ്രമുഖ്യനുകൂലിനീ ।

വാവദൂകാ നിമ്നനാഭിഃ സത്യാ സന്ധ്യാ ദൃഢവ്രതാ

॥ 68 ॥

ശ്ലോക 87

ആന്വീക്ഷികീ ദണ്ഡനീതിസ്ത്രയീ ത്രിദിവസുന്ദരീ ।

ജ്വലിനീ ജ്വാലിനീ ശൈലതനയാ വിന്ധ്യവാസിനീ

॥ 69 ॥

ശ്ലോക 88

അമേയാ ഖേചരീ ധൈര്യാ തുരീയാ വിമലാഽഽതുരാ ।

പ്രഗല്ഭാ വാരുണീ ഛായാ ശശിനീ വിസ്ഫുലിങ്ഗിനീ

॥ 70 ॥

ശ്ലോക 89

ഭുക്തിഃ സിദ്ധിഃ സദാപ്രാപ്തിഃ പ്രാകാമ്യാ മഹിമാഽണിമാ ।

ഇച്ഛാസിദ്ധിര്വിസിദ്ധാ ച വശിത്വോര്ധ്വനിവാസിനീ

॥ 71 ॥

ശ്ലോക 90

ലഘിമാ ചൈവ ഗായത്രീ സാവിത്രീ ഭുവനേശ്വരീ ।

മനോഹരാ ചിതാ ദിവ്യാ ദേവ്യുദാരാ മനോരമാ

॥ 72 ॥

ശ്ലോക 91

പിങ്ഗലാ കപിലാ ജിഹ്വാരസജ്ഞാ രസികാ രസാ ।

സുഷുമ്നേഡാ ഭോഗവതീ ഗാന്ധാരീ നരകാന്തകാ

॥ 73 ॥

ശ്ലോക 92

പാഞ്ചാലീ രുക്മിണീ രാധാരാധ്യാ ഭീമാധിരാധികാ ।

അമൃതാ തുലസീ വൃന്ദാ കൈടഭീ കപടേശ്വരീ

॥ 74 ॥

ശ്ലോക 93

ഉഗ്രചണ്ഡേശ്വരീ വീരാ ജനനീ വീരസുന്ദരീ ।

ഉഗ്രതാരാ യശോദാഖ്യാ ദൈവകീ ദേവമാനിതാ

॥ 75 ॥

ശ്ലോക 94

നിരഞ്ജനാ ചിത്രദേവീ ക്രോധിനീ കുലദീപികാ ।

കുലവാഗീശ്വരീ വാണീ മാതൃകാ ദ്രാവിണീ ദ്രവാ

॥ 76 ॥

ശ്ലോക 95

യോഗേശ്വരീ മഹാമാരീ ഭ്രാമരീ ബിന്ദുരൂപിണീ ।

ദൂതീ പ്രാണേശ്വരീ ഗുപ്താ ബഹുലാ ചമരീ പ്രഭാ

॥ 77 ॥

ശ്ലോക 96

കുബ്ജികാ ജ്ഞാനിനീ ജ്യേഷ്ഠാ ഭുശുണ്ഡീ പ്രകടാ തിഥിഃ ।

ദ്രവിണീ ഗോപനീ മായാ കാമബീജേശ്വരീ ക്രിയാ

॥ 78 ॥

ശ്ലോക 97

ശാമ്ഭവീ കേകരാ മേനാ മൂഷലാസ്ത്രാ തിലോത്തമാ ।

അമേയവിക്രമാ ക്രൂരാ സമ്പത്ശാലാ ത്രിലോചനാ

॥ 79 ॥

ശ്ലോക 98

സ്വസ്തിര്ഹവ്യവഹാ പ്രീതിരുഷ്മാ ധൂമ്രാര്ചിരങ്ഗദാ ।

തപിനീ താപിനീ വിശ്വാ ഭോഗദാ ധാരിണീ ധരാ

॥ 80 ॥

ശ്ലോക 99

ത്രിഖണ്ഡാ ബോധിനീ വശ്യാ സകലാ ശബ്ദരൂപിണീ ।

ബീജരൂപാ മഹാമുദ്രാ യോഗിനീ യോനിരൂപിണീ

॥ 81 ॥

ശ്ലോക 100

അനങ്ഗകുസുമാഽനങ്ഗമേഖലാഽനങ്ഗരൂപിണീ ।

വജ്രേശ്വരീ ച ജയിനീ സര്വദ്വന്ദ്വക്ഷയങ്കരീ

॥ 82 ॥

ശ്ലോക 101

ഷഡങ്ഗയുവതീ യോഗയുക്താ ജ്വാലാംശുമാലിനീ ।

ദുരാശയാ ദുരാധാരാ ദുര്ജയാ ദുര്ഗരൂപിണീ

॥ 83 ॥

ശ്ലോക 102

ദുരന്താ ദുഷ്കൃതിഹരാ ദുര്ധ്യേയാ ദുരതിക്രമാ ।

ഹംസേശ്വരീ ത്രികോണസ്ഥാ ശാകമ്ഭര്യനുകമ്പിനീ

॥ 84 ॥

ശ്ലോക 103

ത്രികോണനിലയാ നിത്യാ പരമാമൃതരഞ്ജിതാ ।

മഹാവിദ്യേശ്വരീ ശ്വേതാ ഭേരുണ്ഡാ കുലസുന്ദരീ

॥ 85 ॥

ശ്ലോക 104

ത്വരിതാ ഭക്തിസംസക്താ ഭക്തവശ്യാ സനാതനീ ।

ഭക്താനന്ദമയീ ഭക്തഭാവികാ ഭക്തശങ്കരീ

॥ 86 ॥

ശ്ലോക 105

സര്വസൌന്ദര്യനിലയാ സര്വസൌഭാഗ്യശാലിനീ ।

സര്വസമ്ഭോഗഭവനാ സര്വസൌഖ്യനിരൂപിണീ

॥ 87 ॥

ശ്ലോക 106

കുമാരീപൂജനരതാ കുമാരീവ്രതചാരിണീ ।

കുമാരീഭക്തിസുഖിനീ കുമാരീരൂപധാരിണീ

॥ 88 ॥

ശ്ലോക 107

കുമാരീപൂജകപ്രീതാ കുമാരീപ്രീതിദാ പ്രിയാ ।

കുമാരീസേവകാസങ്ഗാ കുമാരീസേവകാലയാ

॥ 89 ॥

ശ്ലോക 108

ആനന്ദഭൈരവീ ബാലഭൈരവീ ബടുഭൈരവീ ।

ശ്മശാനഭൈരവീ കാലഭൈരവീ പുരഭൈരവീ

॥ 90 ॥

ശ്ലോക 109

മഹാഭൈരവപത്നീ ച പരമാനന്ദഭൈരവീ ।

സുധാനന്ദഭൈരവീ ച ഉന്മാദാനന്ദഭൈരവീ

॥ 91 ॥

ശ്ലോക 110

മുക്താനന്ദഭൈരവീ ച തഥാ തരുണഭൈരവീ ।

ജ്ഞാനാനന്ദഭൈരവീ ച അമൃതാനന്ദഭൈരവീ

॥ 92 ॥

ശ്ലോക 111

മഹാഭയങ്കരീ തീവ്രാ തീവ്രവേഗാ തപസ്വിനീ ।

ത്രിപുരാ പരമേശാനീ സുന്ദരീ പുരസുന്ദരീ

॥ 93 ॥

ശ്ലോക 112

ത്രിപുരേശീ പഞ്ചദശീ പഞ്ചമീ പുരവാസിനീ ।

മഹാസപ്തദശീ ചൈവ ഷോഡശീ ത്രിപുരേശ്വരീ

॥ 94 ॥

ശ്ലോക 113

മഹാങ്കുശസ്വരൂപാ ച മഹാചക്രേശ്വരീ തഥാ ।

നവചക്രേശ്വരീ ചക്രേശ്വരീ ത്രിപുരമാലിനീ

॥ 95 ॥

ശ്ലോക 114

രാജരാജേശ്വരീ ധീരാ മഹാത്രിപുരസുന്ദരീ ।

സിന്ദൂരപൂരരുചിരാ ശ്രീമത്ത്രിപുരസുന്ദരീ

॥ 96 ॥

ശ്ലോക 115

സര്വാങ്ഗസുന്ദരീ രക്താരക്തവസ്ത്രോത്തരീയിണീ ।

ജവായാവകസിന്ദൂരരക്തചന്ദനധാരിണീ

॥ 97 ॥

ശ്ലോക 116

ജവായാവകസിന്ദൂരരക്തചന്ദനരൂപധൃക് ।

ചാമരീ ബാലകുടിലനിര്മലാ ശ്യാമകേശിനീ

॥ 98 ॥

ശ്ലോക 117

വജ്രമൌക്തികരത്നാഢ്യാ കിരീടമുകുടോജ്ജ്വലാ ।

രത്നകുണ്ഡലസംയുക്തസ്ഫുരദ്ഗണ്ഡമനോരമാ

॥ 99 ॥

ശ്ലോക 118

കുഞ്ജരേശ്വരകുമ്ഭോത്ഥമുക്താരഞ്ജിതനാസികാ ।

മുക്താവിദ്രുമമാണിക്യഹാരാഢ്യസ്തനമണ്ഡലാ

॥ 100 ॥

ശ്ലോക 119

സൂര്യകാന്തേന്ദുകാന്താഢ്യസ്പര്ശാശ്മകണ്ഠഭൂഷണാ ।

ബീജപൂരസ്ഫുരദ്ബീജദന്തപങ്ക്തിരനുത്തമാ

॥ 101 ॥

ശ്ലോക 120

കാമകോദണ്ഡകാഭുഗ്നഭ്രൂകടാക്ഷപ്രവര്ഷിണീ ।

മാതങ്ഗകുമ്ഭവക്ഷോജാ ലസത്കോകനദേക്ഷണാ

॥ 102 ॥

ശ്ലോക 121

മനോജ്ഞശഷ്കുലീകര്ണാ ഹംസീഗതിവിഡമ്ബിനീ ।

പദ്മരാഗാങ്ഗദജ്യോതിര്ദോശ്ചതുഷ്കപ്രകാശിനീ

॥ 103 ॥

ശ്ലോക 122

നാനാമണിപരിസ്ഫൂര്ജച്ഛുദ്ധകാഞ്ചനകങ്കണാ ।

നാഗേന്ദ്രദന്തനിര്മാണവലയാങ്കിതപാണിനീ

॥ 104 ॥

ശ്ലോക 123

അങ്ഗുരീയകചിത്രാങ്ഗീ വിചിത്രക്ഷുദ്രഘണ്ടികാ ।

പട്ടാമ്ബരപരീധാനാ കലമഞ്ജീരശിഞ്ജിനീ

॥ 105 ॥

ശ്ലോക 124

കര്പൂരാഗരുകസ്തൂരീകുങ്കുമദ്രവലേപിതാ ।

വിചിത്രരത്നപൃഥിവീകല്പശാഖിതലസ്ഥിതാ

॥ 106 ॥

ശ്ലോക 125

രത്നദ്വീപസ്ഫുരദ്രത്നസിംഹാസനവിലാസിനീ ।

ഷട്ചക്രഭേദനകരീ പരമാനന്ദരൂപിണീ

॥ 107 ॥

ശ്ലോക 126

സഹസ്രദലപദ്മാന്തശ്ചന്ദ്രമണ്ഡലവര്തിനീ ।

ബ്രഹ്മരൂപാ ശിവക്രോഡാ നാനാസുഖവിലാസിനീ

॥ 108 ॥

ശ്ലോക 127

ഹരവിഷ്ണുവിരിഞ്ചീന്ദ്രഗ്രഹനായകസേവിതാ ।

ശിവാ ശൈവാ ച രുദ്രാണീ തഥൈവ ശിവവാദിനീ

॥ 109 ॥

ശ്ലോക 128

മാതങ്ഗിനീ ശ്രീമതീ ച തഥൈവാനങ്ഗമേഖലാ ।

ഡാകിനീ യോഗിനീ ചൈവ തഥോപയോഗിനീ മതാ

॥ 110 ॥

ശ്ലോക 129

മാഹേശ്വരീ വൈഷ്ണവീ ച ഭ്രാമരീ ശിവരൂപിണീ ।

അലമ്ബുഷാ വേഗവതീ ക്രോധരൂപാ സുമേഖലാ

॥ 111 ॥

ശ്ലോക 130

ഗാന്ധാരീ ഹസ്തജിഹ്വാ ച ഇഡാ ചൈവ ശുഭങ്കരീ ।

പിങ്ഗലാ ബ്രഹ്മദൂതീ ച സുഷുമ്നാ ചൈവ ഗന്ധിനീ

॥ 112 ॥

ശ്ലോക 131

ആത്മയോനിര്ബ്രഹ്മയോനിര്ജഗദ്യോനിരയോനിജാ ।

ഭഗരൂപാ ഭഗസ്ഥാത്രീ ഭഗിനീ ഭഗരൂപിണീ

॥ 113 ॥

ശ്ലോക 132

ഭഗാത്മികാ ഭഗാധാരരൂപിണീ ഭഗമാലിനീ ।

ലിങ്ഗാഖ്യാ ചൈവ ലിങ്ഗേശീ ത്രിപുരാ ഭൈരവീ തഥാ

॥ 114 ॥

ശ്ലോക 133

ലിങ്ഗഗീതിഃ സുഗീതിശ്ച ലിങ്ഗസ്ഥാ ലിങ്ഗരൂപധൃക് ।

ലിങ്ഗമാനാ ലിങ്ഗഭവാ ലിങ്ഗലിങ്ഗാ ച പാര്വതീ

॥ 115 ॥

ശ്ലോക 134

ഭഗവതീ കൌശികീ ച പ്രേമാ ചൈവ പ്രിയംവദാ ।

ഗൃധ്രരൂപാ ശിവാരൂപാ ചക്രിണീ ചക്രരൂപധൃക്

॥ 116 ॥

ശ്ലോക 135

ലിങ്ഗാഭിധായിനീ ലിങ്ഗപ്രിയാ ലിങ്ഗനിവാസിനീ ।

ലിങ്ഗസ്ഥാ ലിങ്ഗനീ ലിങ്ഗരൂപിണീ ലിങ്ഗസുന്ദരീ

॥ 117 ॥

ശ്ലോക 136

ലിങ്ഗഗീതിര്മഹാപ്രീതാ ഭഗഗീതിര്മഹാസുഖാ ।

ലിങ്ഗനാമസദാനന്ദാ ഭഗനാമസദാഗതിഃ

॥ 118 ॥

ശ്ലോക 137

ലിങ്ഗമാലാകണ്ഠഭൂഷാ ഭഗമാലാവിഭൂഷണാ ।

ഭഗലിങ്ഗാമൃതപ്രീതാ ഭഗലിങ്ഗസ്വരൂപിണീ

॥ 119 ॥

ശ്ലോക 138

ഭഗലിങ്ഗസ്യ രൂപാ ച ഭഗലിങ്ഗസുഖാവഹാ ।

സ്വയമ്ഭൂകുസുമപ്രീതാ സ്വയമ്ഭൂകുസുമാര്ചിതാ

॥ 120 ॥

ശ്ലോക 139

സ്വയമ്ഭൂകുസുമപ്രാണാ സ്വയമ്ഭൂപുഷ്പതര്പിതാ ।

സ്വയമ്ഭൂപുഷ്പഘടിതാ സ്വയമ്ഭൂപുഷ്പധാരിണീ

॥ 121 ॥

ശ്ലോക 140

സ്വയമ്ഭൂപുഷ്പതിലകാ സ്വയമ്ഭൂപുഷ്പചര്ചിതാ ।

സ്വയമ്ഭൂപുഷ്പനിരതാ സ്വയമ്ഭൂകുസുമഗ്രഹാ

॥ 122 ॥

ശ്ലോക 141

സ്വയമ്ഭൂപുഷ്പയജ്ഞാംശാ സ്വയമ്ഭൂകുസുമാത്മികാ ।

സ്വയമ്ഭൂപുഷ്പനിചിതാ സ്വയമ്ഭൂകുസുമപ്രിയാ

॥ 123 ॥

ശ്ലോക 142

സ്വയമ്ഭൂകുസുമാദാനലാലസോന്മത്തമാനസാ ।

സ്വയമ്ഭൂകുസുമാനന്ദലഹരീസ്നിഗ്ധദേഹിനീ

॥ 124 ॥

ശ്ലോക 143

സ്വയമ്ഭൂകുസുമാധാരാ സ്വയമ്ഭൂകുസുമാകുലാ ।

സ്വയമ്ഭൂപുഷ്പനിലയാ സ്വയമ്ഭൂപുഷ്പവാസിനീ

॥ 125 ॥

ശ്ലോക 144

സ്വയമ്ഭൂകുസുമസ്നിഗ്ധാ സ്വയമ്ഭൂകുസുമാത്മികാ ।

സ്വയമ്ഭൂപുഷ്പകരിണീ സ്വയമ്ഭൂപുഷ്പവാണികാ

॥ 126 ॥

ശ്ലോക 145

സ്വയമ്ഭൂകുസുമധ്യാനാ സ്വയമ്ഭൂകുസുമപ്രഭാ ।

സ്വയമ്ഭൂകുസുമജ്ഞാനാ സ്വയമ്ഭൂപുഷ്പഭാഗിനീ

॥ 127 ॥

ശ്ലോക 146

സ്വയമ്ഭൂകുസുമോല്ലാസാ സ്വയമ്ഭൂപുഷ്പവര്ഷിണീ ।

സ്വയമ്ഭൂകുസുമോത്സാഹാ സ്വയമ്ഭൂപുഷ്പരൂപിണീ

॥ 128 ॥

ശ്ലോക 147

സ്വയമ്ഭൂകുസുമോന്മാദാ സ്വയമ്ഭൂപുഷ്പസുന്ദരീ ।

സ്വയമ്ഭൂകുസുമാരാധ്യാ സ്വയമ്ഭൂകുസുമോദ്ഭവാ

॥ 129 ॥

ശ്ലോക 148

സ്വയമ്ഭൂകുസുമാവ്യഗ്രാ സ്വയമ്ഭൂപുഷ്പപൂര്ണിതാ ।

സ്വയമ്ഭൂപൂജകപ്രാജ്ഞാ സ്വയമ്ഭൂഹോതൃമാതൃകാ

॥ 130 ॥

ശ്ലോക 149

സ്വയമ്ഭൂദാതൃരക്ഷിത്രീ സ്വയമ്ഭൂരക്തതാരികാ ।

സ്വയമ്ഭൂപൂജകഗ്രസ്താ സ്വയമ്ഭൂപൂജകപ്രിയാ

॥ 131 ॥

ശ്ലോക 150

സ്വയമ്ഭൂവന്ദകാധാരാ സ്വയമ്ഭൂനിന്ദകാന്തകാ ।

സ്വയമ്ഭൂപ്രദസര്വസ്വാ സ്വയമ്ഭൂപ്രദപുത്രിണീ

॥ 132 ॥

ശ്ലോക 151

സ്വയമ്ഭൂപ്രദസസ്മേരാ സ്വയമ്ഭൂതശരീരിണീ ।

സര്വകാലോദ്ഭവപ്രീതാ സര്വകാലോദ്ഭവാത്മികാ

॥ 133 ॥

ശ്ലോക 152

സര്വകാലോദ്ഭവോദ്ഭാവാ സര്വകാലോദ്ഭവോദ്ഭവാ ।

കുണ്ഡപുഷ്പസദാപ്രീതാ കുണ്ഡപുഷ്പസദാരതിഃ

॥ 134 ॥

ശ്ലോക 153

കുണ്ഡഗോലോദ്ഭവപ്രാണാ കുണ്ഡഗോലോദ്ഭവാത്മികാ ।

സ്വയമ്ഭൂര്വാ ശിവാ ധാത്രീ പാവനീ ലോകപാവനീ

॥ 135 ॥

ശ്ലോക 154

കീര്തിര്യശസ്വിനീ മേധാ വിമേധാ ശുക്രസുന്ദരീ ।

അശ്വിനീ കൃത്തികാ പുഷ്യാ തേജസ്കാ ചന്ദ്രമണ്ഡലാ

॥ 136 ॥

ശ്ലോക 155

സൂക്ഷ്മാഽസൂക്ഷ്മാ ബലാകാ ച വരദാ ഭയനാശിനീ ।

വരദാഽഭയദാ ചൈവ മുക്തിബന്ധവിനാശിനീ

॥ 137 ॥

ശ്ലോക 156

കാമുകാ കാമദാ കാന്താ കാമാഖ്യാ കുലസുന്ദരീ ।

ദുഃഖദാ സുഖദാ മോക്ഷാ മോക്ഷദാര്ഥപ്രകാശിനീ

॥ 138 ॥

ശ്ലോക 157

ദുഷ്ടാദുഷ്ടമതിശ്ചൈവ സര്വകാര്യവിനാശിനീ ।

ശുക്രാധാരാ ശുക്രരൂപാ ശുക്രസിന്ധുനിവാസിനീ

॥ 139 ॥

ശ്ലോക 158

ശുക്രാലയാ ശുക്രഭോഗാ ശുക്രപൂജാസദാരതിഃ ।

ശുക്രപൂജ്യാ ശുക്രഹോമസന്തുഷ്ടാ ശുക്രവത്സലാ

॥ 140 ॥

ശ്ലോക 159

ശുക്രമൂര്തിഃ ശുക്രദേഹാ ശുക്രപൂജകപുത്രിണീ ।

ശുക്രസ്ഥാ ശുക്രിണീ ശുക്രസംസ്പൃഹാ ശുക്രസുന്ദരീ

॥ 141 ॥

ശ്ലോക 160

ശുക്രസ്നാതാ ശുക്രകരീ ശുക്രസേവ്യാഽതിശുക്രിണീ ।

മഹാശുക്രാ ശുക്രഭവാ ശുക്രവൃഷ്ടിവിധായിനീ

॥ 142 ॥

ശ്ലോക 161

ശുക്രാഭിധേയാ ശുക്രാര്ഹാ ശുക്രവന്ദകവന്ദിതാ ।

ശുക്രാനന്ദകരീ ശുക്രസദാനന്ദാഭിധായികാ

॥ 143 ॥

ശ്ലോക 162

ശുക്രോത്സവാ സദാശുക്രപൂര്ണാ ശുക്രമനോരമാ ।

ശുക്രപൂജകസര്വസ്വാ ശുക്രനിന്ദകനാശിനീ

॥ 144 ॥

ശ്ലോക 163

ശുക്രാത്മികാ ശുക്രസംവത് ശുക്രാകര്ഷണകാരിണീ ।

ശാരദാ സാധകപ്രാണാ സാധകാസക്തമാനസാ

॥ 145 ॥

ശ്ലോക 164

സാധകോത്തമസര്വസ്വാ സാധകാഭക്തരക്തപാ ।

സാധകാനന്ദസന്തോഷാ സാധകാനന്ദകാരിണീ

॥ 146 ॥

ശ്ലോക 165

ആത്മവിദ്യാ ബ്രഹ്മവിദ്യാ പരബ്രഹ്മസ്വരൂപിണീ ।

ത്രികൂടസ്ഥാ പഞ്ചകൂടാ സര്വകൂടശരീരിണീ

॥ 147 ॥

ശ്ലോക 166

സര്വവര്ണമയീ വര്ണജപമാലാവിധായിനീ ।

ഇതി ശ്രീകാലികാനാമസഹസ്രം ശിവഭാഷിതമ്

॥ 148 ॥

ശ്ലോക 167

ഗുഹ്യാദ്ഗുഹ്യതരം സാക്ഷാന്മഹാപാതകനാശനമ് ।

പൂജാകാലേ നിശീഥേ ച സന്ധ്യയോരുഭയോരപി

॥ 149 ॥

ശ്ലോക 168

ലഭതേ ഗാണപത്യം സ യഃ പഠേത് സാധകോത്തമഃ ।

യഃ പഠേത് പാഠയേദ്വാപി ശൃണോതി ശ്രാവയേദപി

॥ 150 ॥

ശ്ലോക 169

സര്വപാപവിനിര്മുക്തഃ സ യാതി കാലികാപുരമ് ।

ശ്രദ്ധയാഽശ്രദ്ധയാ വാപി യഃ കശ്ചിന്മാനവഃ സ്മരേത്

॥ 151 ॥

ശ്ലോക 170

ദുര്ഗം ദുര്ഗശതം തീര്ത്വാ സ യാതി പരമാങ്ഗതിമ് ।

വന്ധ്യാ വാ കാകവന്ധ്യാ വാ മൃതവത്സാ ച യാങ്ഗനാ

॥ 152 ॥

ശ്ലോക 171

ശ്രുത്വാ സ്തോത്രമിദം പുത്രാന് ലഭതേ ചിരജീവിനഃ ।

യം യം കാമയതേ കാമം പഠന് സ്തോത്രമനുത്തമമ് ।

ദേവീപാദപ്രസാദേന തത്തദാപ്നോതി നിശ്ചിതമ്

॥ 153 ॥

ശ്ലോക 172

ഇതി ശ്രീകാലികാകുലസര്വസ്വേ ഹരപരശുരാമസംവാദേ ശ്രീ കാലികാ സഹസ്രനാമ സ്തോത്രമ് ।