Sri Hayagriva Stotram

ශ්රී හයග්රීව ස්තෝත්රම්

ශ්ලොක 1

ජ්ඤානානන්දමයං දේවං නිර්මලස්ඵටිකාකෘතිං

ආධාරං සර්වවිද්යානාං හයග්රීවමුපාස්මහේ ..1..

ස්වතස්සිද්ධං ශුද්ධස්ඵටිකමණිභූ භෘත්ප්රතිභටං

සුධාසධ්රීචීභිර්ද්යුතිභිරවදාතත්රිභුවනං

අනන්තෛස්ත්රය්යන්තෛරනුවිහිත හේෂාහලහලං

හතාශේෂාවද්යං හයවදනමීඩේමහිමහඃ ..2..

සමාහාරස්සාම්නාං ප්රතිපදමෘචාං ධාම යජුෂාං

ලයඃ ප්රත්යූහානාං ලහරිවිතතිර්බෝධජලධේඃ

කථාදර්පක්ෂුභ්යත්කථකකුලකෝලාහලභවං

හරත්වන්තර්ධ්වාන්තං හයවදනහේෂාහලහලඃ ..3..

ප්රාචී සන්ධ්යා කාචිදන්තර්නිශායාඃ

ප්රජ්ඤාදෘෂ්ටේ රඤ්ජනශ්රීරපූර්වා

වක්ත්රී වේදාන් භාතු මේ වාජිවක්ත්රා

වාගීශාඛ්යා වාසුදේවස්ය මූර්තිඃ ..4..

විශුද්ධවිජ්ඤානඝනස්වරූපං

විජ්ඤානවිශ්රාණනබද්ධදීක්ෂං

දයානිධිං දේහභෘතාං ශරණ්යං

දේවං හයග්රීවමහං ප්රපද්යේ ..5..

අපෞරුෂේයෛරපි වාක්ප්රපඤ්චෛඃ

අද්යාපි තේ භූතිමදෘෂ්ටපාරාං

ස්තුවන්නහං මුග්ධ ඉති ත්වයෛව

කාරුණ්යතෝ නාථ කටාක්ෂණීයඃ ..6..

දාක්ෂිණ්යරම්යා ගිරිශස්ය මූර්තිඃ-

දේවී සරෝජාසනධර්මපත්නී

ව්යාසාදයෝ(අ)පි ව්යපදේශ්යවාචඃ

ස්ඵුරන්ති සර්වේ තව ශක්තිලේශෛඃ ..7..

මන්දෝ(අ)භවිෂ්යන්නියතං විරිඤ්චඃ

වාචාං නිධේර්වාඤ්ඡිතභාගධේයඃ

දෛත්යාපනීතාන් දයයෛන භූයෝ(අ)පි

අධ්යාපයිෂ්යෝ නිගමාන්නචේත්ත්වම් ..8..

විතර්කඩෝලාං ව්යවධූය සත්ත්වේ

බෘහස්පතිං වර්තයසේ යතස්ත්වං

තේනෛව දේව ත්රිදේශේශ්වරාණා

අස්පෘෂ්ටඩෝලායිතමාධිරාජ්යම් ..9..

අග්නෞ සමිද්ධාර්චිෂි සප්තතන්තෝඃ

ආතස්ථිවාන්මන්ත්රමයං ශරීරං

අඛණ්ඩසාරෛර්හවිෂාං ප්රදානෛඃ

ආප්යායනං ව්යෝමසදාං විධත්සේ ..10..

යන්මූල මීදෘක්ප්රතිභාතත්ත්වං

යා මූලමාම්නායමහාද්රුමාණාං

තත්ත්වේන ජානන්ති විශුද්ධසත්ත්වාඃ

ත්වාමක්ෂරාමක්ෂරමාතෘකාං ත්වාම් ..11..

අව්යාකෘතාද්ව්යාකෘතවානසි ත්වං

නාමානි රූපාණි ච යානි පූර්වං

ශංසන්ති තේෂාං චරමාං ප්රතිෂ්ඨාං

වාගීශ්වර ත්වාං ත්වදුපජ්ඤවාචඃ ..12..

මුග්ධේන්දුනිෂ්යන්දවිලෝභනීයාං

මූර්තිං තවානන්දසුධාප්රසූතිං

විපශ්චිතශ්චේතසි භාවයන්තේ

වේලාමුදාරාමිව දුග්ධ සින්ධෝඃ ..13..

මනෝගතං පශ්යති යස්සදා ත්වාං

මනීෂිණාං මානසරාජහංසං

ස්වයම්පුරෝභාවවිවාදභාජඃ

කිඞ්කුර්වතේ තස්ය ගිරෝ යථාර්හම් ..14..

අපි ක්ෂණාර්ධං කලයන්ති යේ ත්වාං

ආප්ලාවයන්තං විශදෛර්මයූඛෛඃ

වාචාං ප්රවාහෛරනිවාරිතෛස්තේ

මන්දාකිනීං මන්දයිතුං ක්ෂමන්තේ ..15..

ස්වාමින්භවද්ද්යානසුධාභිෂේකාත්

වහන්ති ධන්යාඃ පුලකානුබන්දං

අලක්ෂිතේ ක්වාපි නිරූඪ මූලං

අඞ්ග්වේෂ්වි වානන්දථුමඞ්කුරන්තම් ..16..

ස්වාමින්ප්රතීචා හෘදයේන ධන්යාඃ

ත්වද්ධ්යානචන්ද්රෝදයවර්ධමානං

අමාන්තමානන්දපයෝධිමන්තඃ

පයෝභි රක්ෂ්ණාං පරිවාහයන්ති ..17..

ස්වෛරානුභාවාස් ත්වදධීනභාවාඃ

සමෘද්ධවීර්යාස්ත්වදනුග්රහේණ

විපශ්චිතෝනාථ තරන්ති මායාං

වෛහාරිකීං මෝහනපිඤ්ඡිකාං තේ ..18..

ප්රාඞ්නිර්මිතානාං තපසාං විපාකාඃ

ප්රත්යග්රනිශ්ශ්රේයසසම්පදෝ මේ

සමේධිෂීරං ස්තව පාදපද්මේ

සඞ්කල්පචින්තාමණයඃ ප්රණාමාඃ ..19..

විලුප්තමූර්ධන්යලිපික්රමාණා

සුරේන්ද්රචූඩාපදලාලිතානාං

ත්වදඞ්ඝ්රි රාජීවරජඃකණානාං

භූයාන්ප්රසාදෝ මයි නාථ භූයාත් ..20..

පරිස්ඵුරන්නූපුරචිත්රභානු –

ප්රකාශනිර්ධූතතමෝනුෂඞ්ගා

පදද්වයීං තේ පරිචින්මහේ(අ)න්තඃ

ප්රබෝධරාජීවවිභාතසන්ධ්යාම් ..21..

ත්වත්කිඞ්කරාලඞ්කරණෝචිතානාං

ත්වයෛව කල්පාන්තරපාලිතානාං

මඤ්ජුප්රණාදං මණිනූපුරං තේ

මඤ්ජූෂිකාං වේදගිරාං ප්රතීමඃ ..22..

සඤ්චින්තයාමි ප්රතිභාදශාස්ථාන්

සන්ධුක්ෂයන්තං සමයප්රදීපාන්

විජ්ඤානකල්පද්රුමපල්ලවාභං

ව්යාඛ්යානමුද්රාමධුරං කරං තේ ..23..

චිත්තේ කරෝමි ස්ඵුරිතාක්ෂමාලං

සව්යේතරං නාථ කරං ත්වදීයං

ජ්ඤානාමෘතෝදඤ්චනලම්පටානාං

ලීලාඝටීයන්ත්රමිවා(අ)(අ)ශ්රිතානාම් ..24..

ප්රබෝධසින්ධෝරරුණෛඃ ප්රකාශෛඃ

ප්රවාලසඞ්ඝාතමිවෝද්වහන්තං

විභාවයේ දේව ස පුස්තකං තේ

වාමං කරං දක්ෂිණමාශ්රිතානාම් ..25..

තමාං සිභිත්ත්වාවිශදෛර්මයූඛෛඃ

සම්ප්රීණයන්තං විදුෂශ්චකෝරාන්

නිශාමයේ ත්වාං නවපුණ්ඩරීකේ

ශරද්ඝනේචන්ද්රමිව ස්ඵුරන්තම් ..26..

දිශන්තු මේ දේව සදා ත්වදීයාඃ

දයාතරඞ්ගානුචරාඃ කටාක්ෂාඃ

ශ්රෝත්රේෂු පුංසාමමෘතඞ්ක්ෂරන්තීං

සරස්වතීං සංශ්රිතකාමධේනුම් ..27..

විශේෂවිත්පාරිෂදේෂු නාථ

විදග්ධගෝෂ්ඨී සමරාඞ්ගණේෂු

ජිගීෂතෝ මේ කවිතාර්කිකේන්ද්රාන්

ජිහ්වාග්රසිංහාසනමභ්යුපේයාඃ ..28..

ත්වාං චින්තයන් ත්වන්මයතාං ප්රපන්නඃ

ත්වාමුද්ගෘණන් ශබ්දමයේන ධාම්නා

ස්වාමින්සමාජේෂු සමේධිෂීය

ස්වච්ඡන්දවාදාහවබද්ධශූරඃ ..29..

නානාවිධානාමගතිඃ කලානාං

න චාපි තීර්ථේෂු කෘතාවතාරඃ

ධ්රුවං තවා(අ)නාධ පරිග්රහායාඃ

නව නවං පාත්රමහං දයායාඃ ..30..

අකම්පනීයාන්යපනීතිභේදෛඃ

අලඞ්කෘෂීරන් හෘදයං මදීයම්

ශඞ්කා කලඞ්කා පගමෝජ්ජ්වලානි

තත්ත්වානි සම්යඤ්චි තව ප්රසාදාත් ..31..

ව්යාඛ්යාමුද්රාං කරසරසිජෛඃ පුස්තකං ශඞ්ඛචක්රේ

භිභ්රද්භින්න ස්ඵටිකරුචිරේ පුණ්ඩරීකේ නිෂණ්ණඃ .

අම්ලානශ්රීරමෘතවිශදෛරංශුභිඃ ප්ලාවයන්මාං

ආවිර්භූයාදනඝමහිමාමානසේ වාගධීශඃ ..32..

වාගර්ථසිද්ධිහේතෝඃපඨත හයග්රීවසංස්තුතිං භක්ත්යා

කවිතාර්කිකකේසරිණා වේඞ්කටනාථේන විරචිතාමේතාම් ..33..