Sri Hayagriva Stotram

shrI hayagrIva stotram

shloka 1

j~nAnAnandamayaM devaM nirmalasphaTikAkRRitiM

AdhAraM sarvavidyAnAM hayagrIvamupAsmahe ||1||

svatassiddhaM shuddhasphaTikamaNibhU bhRRitpratibhaTaM

sudhAsadhrIchIbhirdyutibhiravadAtatribhuvanaM

anantaistrayyantairanuvihita heShAhalahalaM

hatAsheShAvadyaM hayavadanamIDemahimahaH ||2||

samAhArassAmnAM pratipadamRRichAM dhAma yajuShAM

layaH pratyUhAnAM laharivitatirbodhajaladheH

kathAdarpakShubhyatkathakakulakolAhalabhavaM

haratvantardhvAntaM hayavadanaheShAhalahalaH ||3||

prAchI sandhyA kAchidantarnishAyAH

prajnAdRRiShTe ranjanashrIrapUrvA

vaktrI vedAn bhAtu me vAjivaktrA

vAgIshAkhyA vAsudevasya mUrtiH ||4||

vishuddhavij~nAnaghanasvarUpaM

vij~nAnavishrANanabaddhadIkShaM

dayAnidhiM dehabhRRitAM sharaNyaM

devaM hayagrIvamahaM prapadye ||5||

apauruSheyairapi vAkprapa~nchaiH

adyApi te bhUtimadRRiShTapArAM

stuvannahaM mugdha iti tvayaiva

kAruNyato nAtha kaTAkShaNIyaH ||6||

dAkShiNyaramyA girishasya mUrtiH-

devI sarojAsanadharmapatnI

vyAsAdayo.api vyapadeshyavAchaH

sphuranti sarve tava shaktileshaiH ||7||

mando.abhaviShyanniyataM viri~nchaH

vAchAM nidhervA~nChitabhAgadheyaH

daityApanItAn dayayaina bhUyo.api

adhyApayiShyo nigamAnnachettvam ||8||

vitarkaDolAM vyavadhUya sattve

bRRihaspatiM vartayase yatastvaM

tenaiva deva tridesheshvarANA

aspRRiShTaDolAyitamAdhirAjyam ||9||

agnau samiddhArchiShi saptatantoH

AtasthivAnmantramayaM sharIraM

akhaNDasArairhaviShAM pradAnaiH

ApyAyanaM vyomasadAM vidhatse ||10||

yanmUla mIdRRikpratibhAtattvaM

yA mUlamAmnAyamahAdrumANAM

tattvena jAnanti vishuddhasattvAH

tvAmakSharAmakSharamAtRRikAM tvAm ||11||

avyAkRRitAdvyAkRRitavAnasi tvaM

nAmAni rUpANi cha yAni pUrvaM

shaMsanti teShAM charamAM pratiShThAM

vAgIshvara tvAM tvadupaj~navAchaH ||12||

mugdhenduniShyandavilobhanIyAM

mUrtiM tavAnandasudhAprasUtiM

vipashchitashchetasi bhAvayante

velAmudArAmiva dugdha sindhoH ||13||

manogataM pashyati yassadA tvAM

manIShiNAM mAnasarAjahaMsaM

svayampurobhAvavivAdabhAjaH

ki~Nkurvate tasya giro yathArham ||14||

api kShaNArdhaM kalayanti ye tvAM

AplAvayantaM vishadairmayUkhaiH

vAchAM pravAhairanivAritaiste

mandAkinIM mandayituM kShamante ||15||

svAminbhavaddyAnasudhAbhiShekAt

vahanti dhanyAH pulakAnubandaM

alakShite kvApi nirUDha mUlaM

aNgveShvi vAnandathumaNkurantam ||16||

svAminpratIchA hRRidayena dhanyAH

tvaddhyAnachandrodayavardhamAnaM

amAntamAnandapayodhimantaH

payobhi rakShNAM parivAhayanti ||17||

svairAnubhAvAs tvadadhInabhAvAH

samRRiddhavIryAstvadanugraheNa

vipashchitonAtha taranti mAyAM

vaihArikIM mohanapi~nChikAM te ||18||

prA~NnirmitAnAM tapasAM vipAkAH

pratyagranishshreyasasampado me

samedhiShIraM stava pAdapadme

sa~NkalpachintAmaNayaH praNAmAH ||19||

viluptamUrdhanyalipikramANA

surendrachUDApadalAlitAnAM

tvada~Nghri rAjIvarajaHkaNAnAM

bhUyAnprasAdo mayi nAtha bhUyAt ||20||

parisphurannUpurachitrabhAnu –

prakAshanirdhUtatamonuSha~NgA

padadvayIM te parichinmahe.antaH

prabodharAjIvavibhAtasandhyAm ||21||

tvatkiNkarAlaNkaraNochitAnAM

tvayaiva kalpAntarapAlitAnAM

ma~njupraNAdaM maNinUpuraM te

ma~njUShikAM vedagirAM pratImaH ||22||

sa~nchintayAmi pratibhAdashAsthAn

sandhukShayantaM samayapradIpAn

vij~nAnakalpadrumapallavAbhaM

vyAkhyAnamudrAmadhuraM karaM te ||23||

chitte karomi sphuritAkShamAlaM

savyetaraM nAtha karaM tvadIyaM

jnAnAmRRitodanchanalampaTAnAM

lIlAghaTIyantramivA.a.ashritAnAm ||24||

prabodhasindhoraruNaiH prakAshaiH

pravAlasa~NghAtamivodvahantaM

vibhAvaye deva sa pustakaM te

vAmaM karaM dakShiNamAshritAnAm ||25||

tamAM sibhittvAvishadairmayUkhaiH

samprINayantaM viduShashchakorAn

nishAmaye tvAM navapuNDarIke

sharadghanechandramiva sphurantam ||26||

dishantu me deva sadA tvadIyAH

dayAtara~NgAnucharAH kaTAkShAH

shrotreShu puMsAmamRRita~NkSharantIM

sarasvatIM saMshritakAmadhenum ||27||

visheShavitpAriShadeShu nAtha

vidagdhagoShThI samarA~NgaNeShu

jigIShato me kavitArkikendrAn

jihvAgrasiMhAsanamabhyupeyAH ||28||

tvAM chintayan tvanmayatAM prapannaH

tvAmudgRRiNan shabdamayena dhAmnA

svAminsamAjeShu samedhiShIya

svachChandavAdAhavabaddhashUraH ||29||

nAnAvidhAnAmagatiH kalAnAM

na chApi tIrtheShu kRRitAvatAraH

dhruvaM tavA.anAdha parigrahAyAH

nava navaM pAtramahaM dayAyAH ||30||

akampanIyAnyapanItibhedaiH

ala~NkRRiShIran hRRidayaM madIyam

shaNkA kalaNkA pagamojjvalAni

tattvAni samya~nchi tava prasAdAt ||31||

vyAkhyAmudrAM karasarasijaiH pustakaM sha~Nkhachakre

bhibhradbhinna sphaTikaruchire puNDarIke niShaNNaH |

amlAnashrIramRRitavishadairaMshubhiH plAvayanmAM

AvirbhUyAdanaghamahimAmAnase vAgadhIshaH ||32||

vAgarthasiddhihetoHpaThata hayagrIvasaMstutiM bhaktyA

kavitArkikakesariNA ve~NkaTanAthena virachitAmetAm ||33||