Sri Hayagriva Stotram

zrI hayagrIva stotram

zloka 1

jJAnAnandamayaM devaM nirmalasphaTikAkRtiM

AdhAraM sarvavidyAnAM hayagrIvamupAsmahe ||1||

svatassiddhaM zuddhasphaTikamaNibhU bhRtpratibhaTaM

sudhAsadhrIcIbhirdyutibhiravadAtatribhuvanaM

anantaistrayyantairanuvihita heSAhalahalaM

hatAzeSAvadyaM hayavadanamIDemahimahaH ||2||

samAhArassAmnAM pratipadamRcAM dhAma yajuSAM

layaH pratyUhAnAM laharivitatirbodhajaladheH

kathAdarpakSubhyatkathakakulakolAhalabhavaM

haratvantardhvAntaM hayavadanaheSAhalahalaH ||3||

prAcI sandhyA kAcidantarnizAyAH

prajJAdRSTe raJjanazrIrapUrvA

vaktrI vedAn bhAtu me vAjivaktrA

vAgIzAkhyA vAsudevasya mUrtiH ||4||

vizuddhavijJAnaghanasvarUpaM

vijJAnavizrANanabaddhadIkSaM

dayAnidhiM dehabhRtAM zaraNyaM

devaM hayagrIvamahaM prapadye ||5||

apauruSeyairapi vAkprapaJcaiH

adyApi te bhUtimadRSTapArAM

stuvannahaM mugdha iti tvayaiva

kAruNyato nAtha kaTAkSaNIyaH ||6||

dAkSiNyaramyA girizasya mUrtiH-

devI sarojAsanadharmapatnI

vyAsAdayo'pi vyapadezyavAcaH

sphuranti sarve tava zaktilezaiH ||7||

mando'bhaviSyanniyataM viriJcaH

vAcAM nidhervAJchitabhAgadheyaH

daityApanItAn dayayaina bhUyo'pi

adhyApayiSyo nigamAnnacettvam ||8||

vitarkaDolAM vyavadhUya sattve

bRhaspatiM vartayase yatastvaM

tenaiva deva tridezezvarANA

aspRSTaDolAyitamAdhirAjyam ||9||

agnau samiddhArciSi saptatantoH

AtasthivAnmantramayaM zarIraM

akhaNDasArairhaviSAM pradAnaiH

ApyAyanaM vyomasadAM vidhatse ||10||

yanmUla mIdRkpratibhAtattvaM

yA mUlamAmnAyamahAdrumANAM

tattvena jAnanti vizuddhasattvAH

tvAmakSarAmakSaramAtRkAM tvAm ||11||

avyAkRtAdvyAkRtavAnasi tvaM

nAmAni rUpANi ca yAni pUrvaM

zaMsanti teSAM caramAM pratiSThAM

vAgIzvara tvAM tvadupajJavAcaH ||12||

mugdhenduniSyandavilobhanIyAM

mUrtiM tavAnandasudhAprasUtiM

vipazcitazcetasi bhAvayante

velAmudArAmiva dugdha sindhoH ||13||

manogataM pazyati yassadA tvAM

manISiNAM mAnasarAjahaMsaM

svayampurobhAvavivAdabhAjaH

kiGkurvate tasya giro yathArham ||14||

api kSaNArdhaM kalayanti ye tvAM

AplAvayantaM vizadairmayUkhaiH

vAcAM pravAhairanivAritaiste

mandAkinIM mandayituM kSamante ||15||

svAminbhavaddyAnasudhAbhiSekAt

vahanti dhanyAH pulakAnubandaM

alakSite kvApi nirUDha mUlaM

aGgveSvi vAnandathumaGkurantam ||16||

svAminpratIcA hRdayena dhanyAH

tvaddhyAnacandrodayavardhamAnaM

amAntamAnandapayodhimantaH

payobhi rakSNAM parivAhayanti ||17||

svairAnubhAvAs tvadadhInabhAvAH

samRddhavIryAstvadanugraheNa

vipazcitonAtha taranti mAyAM

vaihArikIM mohanapiJchikAM te ||18||

prAGnirmitAnAM tapasAM vipAkAH

pratyagranizzreyasasampado me

samedhiSIraM stava pAdapadme

saGkalpacintAmaNayaH praNAmAH ||19||

viluptamUrdhanyalipikramANA

surendracUDApadalAlitAnAM

tvadaGghri rAjIvarajaHkaNAnAM

bhUyAnprasAdo mayi nAtha bhUyAt ||20||

parisphurannUpuracitrabhAnu –

prakAzanirdhUtatamonuSaGgA

padadvayIM te paricinmahe'ntaH

prabodharAjIvavibhAtasandhyAm ||21||

tvatkiGkarAlaGkaraNocitAnAM

tvayaiva kalpAntarapAlitAnAM

maJjupraNAdaM maNinUpuraM te

maJjUSikAM vedagirAM pratImaH ||22||

saJcintayAmi pratibhAdazAsthAn

sandhukSayantaM samayapradIpAn

vijJAnakalpadrumapallavAbhaM

vyAkhyAnamudrAmadhuraM karaM te ||23||

citte karomi sphuritAkSamAlaM

savyetaraM nAtha karaM tvadIyaM

jJAnAmRtodaJcanalampaTAnAM

lIlAghaTIyantramivA''zritAnAm ||24||

prabodhasindhoraruNaiH prakAzaiH

pravAlasaGghAtamivodvahantaM

vibhAvaye deva sa pustakaM te

vAmaM karaM dakSiNamAzritAnAm ||25||

tamAM sibhittvAvizadairmayUkhaiH

samprINayantaM viduSazcakorAn

nizAmaye tvAM navapuNDarIke

zaradghanecandramiva sphurantam ||26||

dizantu me deva sadA tvadIyAH

dayAtaraGgAnucarAH kaTAkSAH

zrotreSu puMsAmamRtaGkSarantIM

sarasvatIM saMzritakAmadhenum ||27||

vizeSavitpAriSadeSu nAtha

vidagdhagoSThI samarAGgaNeSu

jigISato me kavitArkikendrAn

jihvAgrasiMhAsanamabhyupeyAH ||28||

tvAM cintayan tvanmayatAM prapannaH

tvAmudgRNan zabdamayena dhAmnA

svAminsamAjeSu samedhiSIya

svacchandavAdAhavabaddhazUraH ||29||

nAnAvidhAnAmagatiH kalAnAM

na cApi tIrtheSu kRtAvatAraH

dhruvaM tavA'nAdha parigrahAyAH

nava navaM pAtramahaM dayAyAH ||30||

akampanIyAnyapanItibhedaiH

alaGkRSIran hRdayaM madIyam

zaGkA kalaGkA pagamojjvalAni

tattvAni samyaJci tava prasAdAt ||31||

vyAkhyAmudrAM karasarasijaiH pustakaM zaGkhacakre

bhibhradbhinna sphaTikarucire puNDarIke niSaNNaH |

amlAnazrIramRtavizadairaMzubhiH plAvayanmAM

AvirbhUyAdanaghamahimAmAnase vAgadhIzaH ||32||

vAgarthasiddhihetoHpaThata hayagrIvasaMstutiM bhaktyA

kavitArkikakesariNA veGkaTanAthena viracitAmetAm ||33||